去 @newmondayplus Profile點擊連結，或查看Story，即刻睇詳細內容！⁠⁠⁠ . 出爐視后蔡思貝，姣功絕對可以媲美其演技，去年與胡鴻鈞過從甚密，雖然就連胡鴻鈞家姐架波子跑車都任揸，但各自都死唔認愛，蔡思貝仲繼續扮單身收兵。今次蔡思貝主動相約新晉靚仔導演張子丰蜜遊大澳，更在社交網po合照，寫下一大段曖昧說話，雙方隔空調情完全唔避忌。 . #新Monday #蔡思貝 #張子丰 #NM_20 #新Monday #newmonday #newmondayplus #nmplus . 想知更多潮流資訊？立即follow @nm_buyyeah

[gfmurmur9484] 警世文！女生覺醒 我24歲，我唔知道自己幾時開始會變咗質，我一直以來認為第三者同出軌嘅人，都係不得好死要死清光，簡直要去浸豬籠！ 我有幾次拍拖經驗，每個ex對我嚟講都係特別嘅人(我唔會隨便同人一齊)，但慢慢我個人變得連自己都覺得嘔心，撘上有婦之夫！ 事源係上年跳槽轉工後，返新工乜都唔識，有個好上司帶住我去做，上司結咗婚有仔女正正常常，所以對佢無乜戒心，慢慢熟咗之後，一直都有講有笑，有時公司做嘢留夜左，我同上司會再留夜d傾下計，嗰陣我以為無咩問題，之後我哋越來越曖昧，我不斷說服自己唔可以咁墮落做小三，來後上司開始會同我講佢同老婆d野(都係呃我落撘嘅說話:我同佢一直無感情/好早已經想離婚/你好過我老婆好多好多)個陣都當佢係吐苦水嘅心態去聽，之後慢慢Lunch一齊食飯收工一齊食飯，我開始諗上司想點啊？三十幾四十歲人想食我𡃁妹，我開始少理咗佢，但始終工作方面，有好多接觸，然後又變返之前咁！佢更加主動進取(講d曖昧說話，收工重會message我)，個陣嘅我已經好似鬼遮眼咁，對上司有咗好感越傾越密，有種依賴心係佢到，嗰陣我已經忘記咗佢有家庭。 同上司開始發展，覺得有d刺激感玩地下情發生咗關係，覺得有一個人對我好錫我已經好足夠，同佢一齊係好開心，但事實慢慢開始浮出嚟，我內心不斷掙扎，點解自己會做咗呢啲決定，而家連我自己都接受唔到我自己，點解我曾經最憎嘅小三會自己做咗，我唔夠膽同身邊朋友講，我擔心身邊人點睇我，開始覺得自己好墮落，好似俾人用完即棄，喺段關係入面唔知就係為咗d咩。男人出軌有一次，就唔會停，我唔想交個心比呢d人。 佢講好多甜言蜜語 漂亮謊言，然而我繼續中個頭埋去，我好想有人屌醒我，點解我會變到咁不道德 咁反社會人格。我好想忘記呢一個時間，係我人生污點！我背上左情婦 第三者呢嗰罪名！ 我對唔住佢老婆同佢d仔女，希望佢個仔大個唔好好似佢老豆咁，希望佢個女大個唔好遇到啲好似佢老豆嘅人！ 男人天性就係咁，要新鮮感，我就係佢嘅一個中途站 而家我重係個到返工 同上司關係未斷，佢好識捉我心理，然後我又聽佢講，一直不斷咁樣循環！我好希望有日可以正正常常咁拍拖，唔係再撘上人夫 做人情婦遍體鱗傷一定係自己！如果一個男人真係愛你佢點會要你背住情婦呢嗰名，如果一個男人係好男人佢點會出軌 所以... 女仔真係要好好愛自己 錫自己 女生真係要好好愛自己 錫自己 女生真係要好好愛自己 錫自己 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig

#gfmurmur9072 我男朋友係大學老師，29歲。因為我哋互相有對方ig/fb密碼，一早有共識可以任睇，所以我有時會入去睇下。 呢排入到佢ig發覺佢成日覆一個女同學既story，我睇過個女仔ig，個樣都算唔錯。呢個情況已經持續咗半年有多，雖然講既野唔算曖昧，但個心就係好唔舒服。 直至有次去佢學校搵佢，同佢行去canteen食野個陣咁岩見到個女同學，個女同學同佢微笑點頭，佢個樣係笑得勁開心。我唔識形容，大概就係笑到見牙唔見眼個種，對眼都好似識發光咁。 跟住早兩個月前，總之係學期尾咁，佢話好多野做，於是搵咗個女同學做helper，幫佢手做野。後尾幫完手，佢仲請個女仔食飯，係單獨。仲要比我知道咗個女仔一開始係唔太想，同佢講帶多個同學去，但佢唔肯，話係因為想多謝佢先請佢食飯，要分得清楚d咁話。仲要係食完餐飯佢先同我講，我頂唔順發左佢脾氣，佢就話我無理取鬧，話同個女仔根本冇野，食完飯就送左佢去搭車，所以咁早就返左黎（我地同居緊，佢個晚9點左右就返左黎）。仲話我地一齊咁耐，我都唔信佢，對我好失望。我地因為件事冷戰左幾日，佢係咁同我say sorry，話以後會注意，我諗諗下，佢哋雖然會喺ig傾下計，但又真係冇咩曖昧說話，亦都唔算話密密傾唔停，所以就原諒左佢。 佢似乎冇再約個女同學出去，但就keep住ig應佢story咁。我有好認真咁問過佢，佢就話只係比較中意同d學生打交道咁。但我始終覺得，呢個女仔係我好大既威脅。因為佢的確幾靚女，又識打扮，又後生過我咁多。 除左呢樣野，佢一直都對我幾好，好錫我。佢係我初戀，我咩都比晒佢，真係好愛佢，兩個仲儲緊錢打算結婚。但佢同個女同學真係怪怪哋咁，係我心入面一條刺，我應該點算？ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig