《暹羅嬰童》 我老公塊佛牌有啲唔妥 (14) . . 「OK啦……」我也想在香港住這麼大的豪宅。 . . 放下行李後，我把頭髮綁成馬尾。然後阿佑叫我們都趕快到客廳集合，司機和傭人們仍在外面等待著。 . . 我們回到阿叔的大宅，阿叔開始跟我們簡介泰國的好去處，介紹我們今天可先去邏羅廣場逛逛，晚餐後可到曼谷新興娛樂中心看人妖表演。他說：「泰國四寶有大象、蟒蛇、四面佛同人妖，所以人妖係國內都好有地位嫁！」 . . 阿叔亦說他待會兒有要事出門，明天才能招待我們共晉晚餐。阿佑和他講起婆婆的近況，曉楠和梓傑安靜地聆聽著。他們倆聊天時，我問阿叔：「啊，阿叔，我地可唔可以參觀下你間屋啊？」 . . 「哦，隨便啊！」阿叔比預期中親切有禮。 . . 然後我招手叫曉楠過來陪我，梓傑也跟隨上來，阿叔見狀便立刻過來，介紹屋內的古董擺設。 . . 我們走到客廳的另一邊，有一條旋轉樓梯和一間客廁，廁所的左邊是黑色的三角琴，旁邊有個密封的木櫃，木櫃前有個田園風擺設的角落，放有蕾絲桌布和雪白絨毛小椅子，與屋內其他傢俱格格不入，桌上有些碟子、茶壺和茶杯，仔細看，杯內有黃茶，小碟上有幾塊曲奇。 . . 坐在小椅子上的，是一個洋娃娃。 . . 她活像個目光呆滯的小女孩，一頭黝黑的卷髮綁成兩條辮子，穿著粉嫩的花裙，戴上一條復古項鍊，手腕和腳腕也掛著碎花紅繩子。 . . 我悄悄問曉楠：「呢隻……係咪鬼仔啊？」 . . 誰知道旁的阿叔聽見了，主動回答：「佢係Luk Thep嚟，即係『Child angel』！佢叫阿艾，唔洗驚，係我為我地帶來幸福嘅小天使。」 . . 「咩？咩係Luk Thep？」我追問。 . . 「小天使！Luk Thep係小天使。佢係受法師加持而有靈性嘅公仔啊，阿艾係著名法師 Phra Vinai Tidpanyo作法喚醒嘅細蚊仔，我們屋企第一個供奉嘅小朋友。」阿叔禮貌地說：「我地上樓上睇下啊。」 . . 曉楠和我並肩而行，悄悄告訴我：「你唔知呢種神仙公仔依家好流行？有啲人叫佢地做嬰靈娃娃嫁呢！你真係唔知啊？」 . . 「吓？見都未見過喎……」我一邊上樓梯一邊看著那嬰靈娃娃。 . . 「有間飛泰國嘅航空公司，特登整咗比呢啲公仔坐嘅專屬座位，會serve埋兒童飛機餐同嘢飲比佢地嫁喎，之前報紙有賣嫁。」 . . 「佢睇報紙嫁咩？」身後的梓傑補充：「Thai Smile Airways丫嘛（泰國微笑航空公司），空姐仲會幫佢地扣安全帶。」 . . 我依然滿腹疑團，「咁姐係，係咪鬼仔啊？佢個樣好真喎，好似唔係Barbie個隻喎，夜晚係咪會郁嫁？好得人驚啊……係咪咩古曼童啊？咩嚟嫁……你知唔知咩嚟啊？係咪鬼仔姐？ 」 . . 「我唔知佢識唔識郁，但我知你唔應該亂講嘢囉。」梓傑說。 . . 「我覺得好核突囉，真係好似咩Chucky啊Annabelle啊咁，睇見就毛管棟。都唔知入面係咪有咩小朋友骨啊，胎盤啊個啲嘢。」 . . 曉楠耐心地說：「唔係啦，唔係鬼片個啲嚟嫁。好多人都特登『養』公仔，特別係有靈性嘅公仔，細路仔會當佢地係玩伴，大人當佢地係心靈寄託。得一部分人會特登灌入骨灰或骨頭，借力量嚟做啲古怪嘢。」 . . 「你又知？」我半信半疑。 . . 她隨意使個眼色，然後走到樓上的飯廳繼續參觀。 . . 「唔洗驚喎，最多今晚嚟搵你陪佢瞓姐嘛。」梓傑偷笑。 . . 我立刻用手肘狠狠撞他的腹部，「妖！」 . . － 筆者：葵倩鈴 網頁：www.kwaisinling.com Facebook 專頁： www.facebook.com/kwaisinling/ Instagram：kwaisinling