八九月份敗家合集✨ . 1. Dual Flow 輪廻 / Mixture Tribal Ring 今年突然拎返隻戒指出嚟戴，都諗咗好耐想加多隻，響開投票時有人同我講小朋友才做選擇，最後決定買晒兩隻lol 介紹返呢個係來自日本杉山孝博個人品牌，比起西方嘅銀器明顯細緻好多，仲有獨特技法令銀器有種霧化嘅表層好有質感（不過一路戴會慢慢變返普通銀器嘅光滑感，所以一日未影相一日都唔戴住）而我比較鐘意佢早期偏日本傳統加民族風嘅風格，近年佢變咗侏羅紀公園fans，就好似今年個戒指座都變埋恐龍皮（上年係圈圈款好襯我嗰隻的） . 2. MALIN+GOETZ 日間／夜間嘅暗瘡精華 用咗一萬年嘅日本暗瘡膏終於用哂，而家又冇得飛去日本買，而香港donki亦冇日本暗瘡膏賣，最後朋友介紹呢隻紐約品牌，價錢都唔平但係用天然成份，分別買咗係日間同夜間暗瘡精華，前者啫喱狀後者則係粉液狀，後者係玻璃樽然後上面有層透明水隔住下面啲粉，搖勻咗隔日就會沉澱返感覺好Pro咁，至於效用就要用落先知 . 3. Stüssy & Birkenstock Boston Clog 響近十年前有期成日著Birkenstock然後著到腳臭就戒咗，一路都想買返對但平時又唔係成日著拖鞋，不過見到呢對即刻心心眼。記得發賣當日好癲咁較鬧鐘朝早出去買，去到都只係開咗舖十五分鐘左右，最注目嘅粉紅色已經冇哂大碼，其次嘅卡其色都冇哂我碼（到底有幾少貨喲）最後見係拖鞋就買咗大一個碼算，今次店員姐姐幾好人肯俾有著襪嘅試穿，當年同Nike聯乘隻拖鞋唔俾試，買咗兩對都係細得滯唔啱著。其實佢去到發售前一日都係冇公布到價錢，而我未太醒時碌卡返到屋企先知成千六蚊，當堂肉赤咗，而家唔捨得著囉（笑 . 4. Billingham Hadley Pro 一路就想買返個斜孭袋但搵極都唔啱心水，就連上年個wotancraft用咗一排嫌佢重就冇乜點用，到最近拎返個超殘嘅Billingham出嚟用。用用下發現其實都幾好，有間隔又夠輕，雖然真係用得幾殘下，但應該冇乜人估到個袋已經買咗十二年。英國製1973年老字號，同而家啲made in Dongguan差十條街，當然我冇用足十二年咁誇張，有唔少日子都係放過響櫃入面，不過咁耐都冇甩皮甩骨真係幾襟，最後決定買個新色好了。話說佢哋上年推出咗新版，最大分別係個肩帶接駁位變成扣狀同可拆式，不過我都係鐘意舊版縫製式而且輕啲，價錢仲平足一半咁滯，最後一個綠色都俾我買咗了 . 5. Ermenegildo Zegna Acetate Sunglasses 識人破天荒95%off超低價入手！不過最近拎咗去配有度數鏡片所以都算係新嘢，作為屋企唯一一副太陽眼鏡，因為收埋咗響角落近幾次去曬太陽都係冇戴到出去（笑 . 6. SAVEWO 3DMASK KURO Collection 城堡灰 好似好耐冇買過口罩，前排有朋友好有愛咁送咗疊綠色俾我用咗好耐，其實佢隻灰色同綠色都好靚，重點係佢有大size，之前試過用raze嘅立體口罩，size太細下巴成日甩同勾到耳仔好痛，而呢隻就冇問題，罩內空間仲好大冇咁侷促，對於我呢啲皮膚差用外科口罩會磨到成咀都係暗瘡，呢隻口罩簡直係福音，除返平均都係$6.3可接受，過百蚊免運費直接順豐上門係幾抵玩 . 7. Godox V1c / X2T / AK-R1 / Nissin LS-55C / Phottix Softbox Umbrella 呢一切都由支閃光燈壞咗開始。其實套架生由正職用到而家全部都五勞七傷，遲早都要換，支燈用返Godox，平過原版嗰支五六倍價錢，有埋造型光同藍芽接收唔洗自己再加嘢，完全感受到科技進步，而且燈頭位置有磁石可以上唔同嘅cover效果，一set有齊咁多個頭都抵玩。燈腳就買咗日本出嘅碳纖燈腳，超輕又伸到兩米高仲好穩陣，雖然係貴咗啲但真心正，香港得一間代理仲唔係成日入貨，買埋佢最後兩支堅幸運。反光遮最初買咗最新要加罩版本，但好重同埋加罩步驟好麻煩，最後搵返停產咗嘅一開即用版，但舖頭全線得最後一把，官網賣嘅係響個白面中間有個黑位好白痴，唯有搵人上強國買 . 8. Gitzo Légende (GK 1545T-RTI) 前排陪朋友買腳架先驚嘆原來而家啲腳架又短又高又輕，反觀自己嗰支又重又矮拎得好辛苦，就決定買支新，本身想買同款嘅，但係本身嗰枝都用差唔多十年，而佢支中價品牌特價都二千中，索性買支貴啲，記得細個都幾憧憬有如腳架界法拉利嘅gitzo，價錢亦遙不可及，今次就說服自己話呢支會用三十年（其實真係用到咁耐）加上意大利出產品質一定高，配色方面呢支係帶點復古味加埋條皮製背帶，當堂唔捨得用 . 9. Peak Design Slide Lite / Cuff 最後係胡亂揮霍嘅頸帶同手帶，其實玩咁多年相機，覺得唔掛任何野響部機度係最方便同最free，好多時右條帶分分鐘仲多意外。而購買原因係買咗兩把反光遮唔啱用想換款，但佢已經冇入我想要嗰款，雖然可以俾我換返其他嘢但要即場揀冇得後數，亦都冇想買嘅燈同袋，結果求其換兩條帶。佢個招牌卡卡扣係幾方便，但唔用帶就更方便lol 其實手帶出街時都可以用下，頸帶就要去旅行先大作用啲，但而家都冇得去旅行得物冇所用就是 . 📷 RP + EF 2470 F2.8L / EF 100 F2.8L #馬高敗家博物館

✐ #PB購物籃 | 就是愛簡約包裝 【喜歡看 記得LIKE ♥︎ #不然我就會消失在你的IG中 】 首先分享一下早兩星期在Aesop購入的 𒊹︎ 賦活芳香護手霜 500ml 是回購的好物♡︎ 之前有用完一支tube裝 這次一買就決定買支大容量的泵裝慢慢用～ 質地潤而不油膩 帶有很令人放鬆的柑皮木質調香味 (一開始聞可能會覺得有點不習慣 但是那種越聞越上癮的一種味道） 另外可以重點塗抹在指緣位置作軟化指緣角質 𒊹︎ 甘菊去瑕敷面膜 + Control 暗瘡膏 這個是店員推薦的去痘combo 除了分開使用之外 可以混合一起厚敷在紅腫的暗瘡上 這個mix一起的用法就暫時未試過 用過兩次那個清潔面膜 覺得比較溫和但是乾的速度有點快 清潔力大概是中等程度 𒊹︎ AESOP 牙膏 想買很久了（主要因為包裝太好看了 ) 成份之中是不含氟 在口腔中完全沒有刺激的感覺 另外也回購了 @kiehlshk 的 𒊹︎ #金盞花蘆薈鎮靜保濕凍膜 主要是衝着老虎的小卡而買的 當然也是覺得這個Mask的用後感很舒服 真心有種幫皮膚飲涼茶的清熱感 哈哈♪ 最後是在 @sephorahk 八折時買的 𒊹︎ @official.nonfiction Gentle Night 香水 那次在逛Sephora的時候無意中發現這個韓國品牌 除了外型簡約好看之外 他們的香味也是走個性路線 我的這一瓶gentle night是比較中性的香味 無花果和雪松的香味比較突出 如果天氣比較冷的時候噴會更加適合 另外我也喜歡用來噴房間及床鋪 有一種聞下來覺得很乾淨的感覺 🌿

🧪 #女孩美容記 🔮 《抗痘3️⃣步曲》 早排下巴唔知咩事係咁爆瘡，一波未平一波又起🥺搞到宜家下巴有好多痘印😪謝謝莎莎 @sasahk_official 送來韓國Soo Beaute 痘痘護理孖寶：淡印痘痘護理精華+超薄隱形痘痘貼 🧪雙管齊下極速急救痘痘，舒緩紅腫兼消炎🦠再配合Dr. G 15%維C亮肌淡斑精華，減淡暗瘡印，及時雨呀！🌨 第一步先用Soo Beauté Acne Spot Brightener （淡印痘痘護理精華，$128)💛 透過水楊酸、洋甘菊花水及茶樹等萃取成分🌿，幫助軟化角質層，溶解黑頭粉刺，並有效抗菌🦠 加上九胜肽、煙醯胺等成分，能夠修復受損肌膚，美白淡印😁 晚上直接點喺暗瘡上，啱啱起嘅暗瘡最有效，大概用2－3日就冇咁紅腫啦👍🏻因為有水楊酸成分，所以記得晚上先用呀🌙 當痘痘成熟或化膿嘅時候，就可以用Soo Beauté Acne Spot Dressing（超薄隱形痘痘貼，$52/包)🧡 質地隱形貼薄，抗菌又透氣，貼一塊可以吸走痘痘分泌物 😍我之前成日忍唔住用手擠，搞到下巴不停發炎，自從用咗痘痘貼後，暗瘡容易修復好多😎 痘痘一起嘅時候即刻用Soo Beaute孖寶急救，痘痘冇咁易大爆發，但面上始終會留下痘印😟要減淡痘印，經醫學證實最高效嘅成份都一定係維他命C🍋 韓國醫美品牌Dr. G @dr.g_official 15%維C亮肌淡斑精華（VITAceutical 15+ Ampoule)有高濃度15%純維他命C🍊而且精準調配pH值至3.5弱酸親膚配方，唔會好似傳統維他命C成份咁易刺激皮膚😌除咗高濃度維C外，精華蘊含法地欖仁萃取、碧蘿芷、密蒙花萃取物等成分，防止紫外線及藍光引起嘅黑色素細胞反應，抑制黑色素形成🤩因為有維他命C成份，所以我一樣晚上先會用🌙用咗大概10日，暗瘡印淡咗，膚色均勻好多，用嘅時候皮膚無任何不適！ 💘售賣點：莎莎 @sasahk_official 獨家發售 . . . #好物 #推介 #韓國直送 #抗痘 #口罩肌 #保濕面膜 #美容 #保濕面膜 #面膜 #醫學美容 #暗瘡膏 #保濕 #情侶禮物 #護膚 #香港品牌 #香港小店 #護膚分享 #暗瘡印 #藥妝代購 #暗瘡 #acnetreatment #pimpleproblems #韓國藥妝 #韓國代購 #whiteningproduct #去印 #淡班 #美白精華 #美白 #美白ケア