Something I did for this wonderful storybook. I did all three versions: Cantonese, Mandarin and English. Here’s the teaser of the Cantonese version.

Here’s a link for the teasers of all theee versions.

https://l.ead.me/bc3XXY

Repost from @kubrick.hk.2001

《 #陌生人 》書中，一條肥美的 #鯨魚 頻頻出現──牠的眼睛似粒豆，沒有男主角般耀眼的光芒，又不像貓跟班是可愛的寵物。鯨魚穿插在故事情節中，不屬於現實，但亦非虛幻，常令人好奇牠的真實身份是誰。

本地詩人 #曹疏影 在為《陌生人》 #有聲書 撰寫的聲稿中，是這樣寫的：

「一頭龐然的鯨魚在綿延的魚群中游過來了，鯨魚和白馬男，彼此並不覺得彼此的存在。鯨魚在眾魚中，本就是殊為另類的存在，龐然體內就是龐然的黑暗，收藏著所有的沈默。白馬男和鯨魚，互相穿過如無物，誰都沒有辨認出對方。 」

但就如影片看到的那樣，鯨魚一直伴隨著白馬男探險、派花，甚至在低潮時救了他。故事結尾時，曹疏影這樣寫：

「最後，白馬男將手上的這朵幸福花，遞到一直陪伴著他的鯨魚面前，苦悶、孤獨、尋覓、封閉、戰鬥、開心、傷心、失落、奇蹟⋯⋯每一個瞬間鯨魚都陪他一起度過，互相明白，互相支持，互相陪伴，鯨魚就好像 #另一個他自己 。

白馬男想想發生過的事，他跟鯨魚一起在小宇宙裡遨遊，一處在雨天悲傷，一起躲進魚缸世界向外看，一起感受到第一瓣飄落而來的幸福花瓣，一起冒險進入黑暗隧道發現幸福花園，一起在恐懼中對抗黑暗怪魚⋯⋯幸福是自己首先找到，才能令其他人也感到幸福。懂得愛自己的人，才能懂愛人。 」

原來，鯨魚即是白馬男。帶著寧靜的心境，才看得見鯨魚的身影，聞得見花的香氣。

美麗的文字，美麗的故事，由 #林一峰 輕聲細語道來。

《陌生人》的 #電子書 及 #有聲書 經已發佈，敬希多多支持！

════════════════════
《陌生人》有聲書及電子書

繪著｜森臨 KarmanChiu
劇本｜曹疏影 @caoshuying
聲演｜林一峰 @chetlam
售價｜HK$60（有聲書）；HK$100（電子書）
＊提供三種版本：廣東話、普通話、英語，獨立發售。

𝘼𝙫𝙖𝙞𝙡𝙖𝙗𝙡𝙚 𝙖𝙩 :
▷ Kobo 有聲書：l.ead.me/bc3KlL
▷ Kobo 電子書：l.ead.me/bc2ZQp

════════════════════
《陌生人》實體紙本書
繪著｜森臨 KarmanChiu
售價｜HK$180

𝘼𝙫𝙖𝙞𝙡𝙖𝙗𝙡𝙚 𝙖𝙩 :
▷ 油麻地店 #kubrick
▷ 太古店 #housebykubrick
▷ 網店：l.ead.me/bc1kCG
▷ #HKTVMall ：l.ead.me/bc1fm1
▷ 香港及台灣各書店（向你四周圍的書店查詢啦！）

════════════════════
❑ 關於作者
KarmanChiu 森臨 @karman.chiu ，香港插畫師、繪本作家。將對成長和關係等想法透過有趣的故事與插畫表達。曾出版繪本《不一樣的皮皮》，二○一八年小麒麟圖書書獎（提名獎），並入選二○二○亞洲插畫年度大賞。現主力於繪本故事與各種形式插畫創作。

════════════════════
❑ 關於 𝗸𝘂𝗯𝗿𝗶𝗰𝗸 出版
於二○○四年以微小、謙卑的一步踏進出版業大門，致力為香港作家提供一個小舞台，把文字傳到世界。出版種類涵蓋散文、詩集、小說、攝影集、繪本等。

════════════════════
❑ 關於「想創你未來——初創作家出版資助計劃」
項目由香港特別行政區政府「創意香港」資助、香港出版總會主辦，旨在培育初創作家，並鼓勵出版具創意的優質書籍，以補足本港的出版缺門。

════════════════════
#hknextwriter #香港出版總會 #CreateHK #創意香港 #art #books #exhibition #publishing #hkcafe #hkillustrator #picturebook #stranger #香港書店 #插畫 #陌生人 #內心世界 #白馬男

「想創你未來——初創作家出版資助計劃」免責聲明：香港特別行政區政府創意香港僅為本項目提供資助，除此之外並無參與項目。在本刊物／活動內（或由項目小組成員）表達的任何意見、研究成果、結論或建議，均不代表香港特別行政區政府、商務及經濟發展局通訊及創意產業科、創意香港、創意智優計劃秘書處、創意智優計劃審核委員會，或民政事務局的觀點。

深夜無人睇，靜靜雞講故仔……
　
《我老婆由細到大都鐘意玩紙紮公仔》
　
「嗚也！！嗚……呀呀……！」
　
我每日都會發出痛苦嘅呻吟聲，每一日都受到地獄般嘅煎熬。特別係護士每隔一個鐘幫我換紗布時候，由於大部份呈碳黃色嘅皮膚沾上整塊紗布，令撕開期間連埋我皮膚都一併撕開，呢種痛苦令我生不如死。
　
「劉生你嘅情況係二級燒傷，即係話已經傷到真皮層，由於無咗外層皮膚嘅保護，令到你神經綫外露，所以千其唔好亂郁，因為就算郁少少……你都會好痛。」醫生喺身旁安慰著我，但呢啲廢話我唔想聽，我只係想知我幾時先可以好返出院，因為我個女需要我。
　
基本上長期住院期間，起初好多身邊嘅朋友都會嚟探我，但我其實心底裡面唔想見人，我知道自己個樣變成點，我已經毀咗容，每個朋友探我時候都不經意露出一副睇怪物嘅臉容，即使佢地扮到幾唔在意，但實質上佢地對我係好恐懼，久而久之就再無人嚟探我。
　
而外母不時都會帶個女嚟睇我，但每次靜妍見到我都會好驚咁捉緊外母，雙眼展露出對我充滿恐懼，因為我真係搵唔到有咩嘢可以證明我係佢老豆，我樣同皮膚都已經毀了，連我把聲都失去，難怪突然有人話呢個人就係你老豆，靜妍一定接受唔到。
　
「靜…………妍………」每當我用盡最大力氣去叫靜妍並向佢伸出左手時，靜妍都會被嚇得退後數步，然後細聲地問外母：「我地可以走未？」
　
即使外母多番解釋眼前呢個人就係爸爸時候，靜妍更加對我感到恐懼，我都係第一次見到靜妍咁驚對住我，呢種冷漠同恐懼嘅眼神，比起我皮膚傷痛更加痛得入心入肺，每次眼見佢離開，我都哭成淚人，痛不欲生。
　
有一次，阿傑嚟咗探我。
　
我望一望佢，由於我對佢無咩感情可言，就算佢嚟探我，我都唔想理佢。
　
而阿傑見到我咁，竟然露出令人心寒嘅笑容，佢不斷欣賞我嘅皮膚，雙眼好似見到寶藏咁碌到大一大，然後輕聲對我說：「你燒到啲皮膚凹凹凸凸，仲見到幾條紅根郁下郁下，真係好特別，原來燒傷就會變成咁，嘻嘻！」接著，阿傑閉上眼，再近距離大力用鼻索一下，然後精神地說：「份燒焦味仲喺到！好爽呀！」
　
我本來就覺得佢份人古古怪怪，呢幾下舉動比著平時嘅我一定將佢打到半死，但呢刻嘅我竟然無任何情緒，連嬲都無，只係咩都唔想理，猶如一個已死嘅人。
　
因為我覺得對比靜妍對我嘅恐懼，呢種侮辱算得係咩意思。
　
「你成日喺醫院一定好悶，就好似我當年比你地打到唔敢返學，日日都喺屋企瞓……所以我帶咗個朋友嚟陪你！」然後阿傑周圍望下，見無人留意佢之後，就將一個好似手掌咁大嘅紙紮公仔塞落我張被入面。
　
當我見到「紙紮」放咗落我張被入面，我激動得不斷發出叫聲，再用一個兇狠嘅眼神瞪住佢，示意佢叫即刻同我拎返個公仔出嚟！
　
「你唔好咁激動住先喇！我都知你好開心！要多謝我就遲啲先！唔阻你！你慢慢抖下喇！嘻嘻！」說罷，阿傑就轉身走人。
　
我不斷搖擺身體意圖想掃掉個公仔出嚟，但我一郁就頓時感到極大痛楚，令我痛不欲生。護士見到我咁都叫我唔好再亂郁。
　
呢刻我咩都做唔到，委屈到喊出嚟，我連將一個紙紮公仔拎走嘅力量都無，我真係想死咗去。
　
…………
　
夜晚，醫院一片寂靜，情緒稍為冷靜落嚟，我呆呆咁望住天花板，諗返起我自焚嗰晚發生咗咩事，我好似被鬼迷咁，無啦啦迷迷糊糊咁走返屋企，又迷迷糊糊咁將白電油淋喺自己度……
　
但雖然當時意識模糊，但我仍然好記得我被水淋熄時，見到老婆傷心咁企喺廁所門到望住我。
　
係佢救咗我？老婆，我真係無用，明明係你頭七回魂，我竟然令到你咁擔心同失望。
　
突然間，我見到老婆企喺我身旁，一臉憂鬱咁望住我。我望一望佢，可能日有所思，夜有所夢，竟然比我發夢見到老婆。
　
「老公，對唔住。」老婆開口了，第一句就係對我道歉。
　
道歉嗎？點解要道歉，要道歉嘅人應該係我吧。
　
老婆慢慢伸手輕輕摸摸我隻手，但我竟然無感到絲毫痛楚，而係感受到老婆嘅溫暖體溫，令我有一種舒服嘅感覺。
　
個天可能可憐我，安排老婆同我夢中相見吧？嘿，總算待我不薄。
　
老婆然後輕輕摸一摸我臉容，更流下眼淚，十分傷心。
　
老婆，對唔住，你一定認唔到我吧？畢竟連靜妍都唔願意接受我呢個臉容。
　
「老公，我地一家人受到紙紮嘅詛咒先攪到咁，靜妍大個咗之後會遇到更大嘅挑戰，你一定要好好保護我地個女，知唔知呀？」
　
靜妍大個會有更大挑戰？老婆預測到將來個女會出事？
　
不過，對唔住老婆，我攪成呢家咁已經無可能再保護到靜妍，我已經變成廢人，咩都做唔到。
　
老婆輕輕吻了我，然後說聲：「係我害到你同個女咁，我甘願做陰間嘅奴隸，換返你嘅皮膚返嚟。」
　
奴隸？咩陰間奴隸？老婆點解要咁講呀？老婆？呀？點解我講唔到嘢？好想安慰老婆，好想伸手抹掉你流緊嘅眼淚。
　
老婆最後說聲：「好好照顧個女。」然後慢慢消失了。
　
見到老婆慢慢消失，但我就無辦法出聲， 甚至連身體都無得郁動，感覺好似被鬼壓住咁。突然間，我覺得我被入面有樣嘢爬緊出嚟，係蟲？究竟係咩嚟？
　
然後無數個紙紮公仔突然喺我被入面出現了，嚇得我即時大叫，但卻叫不出聲。
　
一個……兩個……三個……目測已經有三十幾個手掌般嘅紙紮公仔不斷爬到我身上。
　
係阿傑留低嘅紙紮娃娃！
　
其中一個紙紮娃娃跳上我塊臉，然後用一把流利嘅普通話說：「你老婆已經答應了，作為交換條件，我們現在來幫你換皮膚。」
　
換皮膚？隻嘢究竟想點？
　
轉眼間，一大堆紙紮公仔已經佈滿我全身，然後露出令人心寒嘅笑容。
　
「給我拆！」其中一個明顯係佢地大佬，一聲令下，各紙紮娃娃開始拆我嘅紗布，然後鑽入我皮膚裡面，呢種痛，比起護士幫我換藥更加痛，但我叫唔到，又郁唔到，只能夠默默承受呢種痛苦。
　
最後我痛得失去意識昏迷了……
　
直到第二朝早，護士想準備幫我換紗布，驚見我全身紗布都被撕開，更驚訝嘅係，我皮膚竟然慢慢好起來，於是連忙急召醫生，而一輪嘈雜聲音下，我慢慢醒來。
　
見到身邊有好多護士醫生圍住我檢查，佢地臉上充滿疑惑，但又為我高興，於是主診醫生對我說：「我地發現你皮膚竟然慢慢回復，我地都解釋唔到咩原因……但點都好，你應該好快出院。」
　
聽到醫生咁講，我即刻要求要鏡睇下自己個樣，而護士即時緊張地搵鏡比我。
　
一照之下，我臉上已燒焦的疤痕竟然消失了，雖然仍然幾條紅痕外，但我幾乎回復面貌。
　
我頓時醒起老婆琴晚出現講過，佢同人交易嚟換返我皮膚，原來唔係發夢而係真？
　
雖然我唔知點解咁，但最近老婆頻頻出現嚟幫我，似乎佢知道我陷入危機之中，仲甘願做陰間奴隸嘅代價換我皮膚，亦預示個女將來會有危機，仲希望我可以好好照顧個女，免受紙紮帶嚟詛咒。
　
我傷感得哭成淚人，醫生同護士以為我喜極而泣，但我卻為老婆嘅苦心而喊。
　
……
　
抖咗一晚後，第二日我就已經執嘢出院。我第一個地方就係返番去屋企將個女拎番嚟我身邊。
　
到咗屋企用鎖匙開門後，但發現屋企已經裝修過，亦配咗另一條鎖匙。
　
我不斷按門鐘，屋內嘅外母慢慢開門，當見到係我時驚訝地說：「你做咩出咗院嘅？仲有你啲傷……？」
　
我無回應佢，因為我只係想睇個女。我推開佢走到大廳前，見到阿傑竟然喺到陪緊靜妍玩，而且成地都係紙紮玩具。
　
「你知唔知呢個人叫咩名？ 佢叫傑仔呀！ 而呢個人就係你爸爸！阿明！」阿傑拎住一個手掌般大，貌似自己同我，同著住校服嘅紙紮公仔，然後喺到做話劇，睇到靜妍好入神好吸引。
　
「有一日，阿明帶住成班同學，係咁打呢個傑仔～係咁打！係咁打！打到佢喊哂口！」阿傑邊說邊將自己嘅紙紮公仔不斷用拳頭打落去，攪到個公仔被打到支離破碎。佢竟然將當年佢比我地欺凌嘅故事用紙紮公仔形式呈現出嚟比靜妍睇。
　
我即刻走去拉開靜妍，然後對住阿傑兇惡地說：「你同我即刻走！」
　
阿傑見到我突然出現，一時之間比唔到反應，只係驚訝咁問：「吓？點……點解呀？我地玩得好開心喎！」
　
我捉住佢講：「以前係我對你唔住，係我同班人打到你無再返學，但你都唔洗咁樣嚟攪我個女呀！」
　
阿傑一臉無奈，然後不斷說：「我無呀，我只係陪你個女玩……」
　
「你同我走！即刻走呀！以後唔好比我見到你！」我大叫。
　
阿傑見我情緒激動，即刻收拾返地下嘅紙紮玩具，然後離開。而靜妍可能比我嚇親，走咗去攬住外母不斷喊，而外母見到咁，正想勸我冷靜時，我已經對住急不及待咁向佢發炮：
　
「佢做咩比呢個人入嚟呀？你知唔知佢係嚟做咩架？」
　
外母解釋說：「佢話係你嘅中學同學又係你好朋友，所以佢話想探靜妍同佢玩……我咪比佢入嚟。」
　
「你都唔知你係有心定特登，你知唔知佢喺到同靜妍玩緊咩？紙紮公仔呀！你個女就係比呢啲嘢害死架，我呀！我攪成咁都係呢啲嘢害架！你竟然仲走去比個孫玩？」
　
「我都知唔係拎嚟玩，但靜妍佢真係好想玩，佢日日喊住話要玩，喊到我個心都痛埋，唔比佢玩嘅話，你叫我點算好呀？」外母一臉哭訴。
　
但我無理，我繼續瞪大雙眼連珠炮發：「外父講得岩，你根本就係有問題！你比呢啲紙紮落咗詛咒！你害死你個女仲唔夠，仲想害埋我個女，你真係一個惡魔，你點做人老母呀！」
　
此時，靜妍喊得更大聲，不斷喊住叫我唔好再罵外母。
　
「我聽日就會叫外父幫手湊返，你唔洗指意可以騷擾到我地！」
　
外母本來一臉無奈，但聽到我一講到外父，佢即刻變得好驚，然後不斷求我：「你唔好叫佢湊呀！佢先係攪到我同個女咁咋！你唔好信佢呀！靜妍比佢湊一定比佢害死架！」
　
「你仲想屈外父？你真係無得救！」我搖搖頭不禁相信外母竟然係一個咁嘅人。
　
然後我捉住外母不斷拉佢到門口大叫：「你同我走呀！唔好比我見到你！」接著，推佢出去門外後便大大力關門。而外母則不斷喺門外拍門大叫：「唔好搵你外父呀……求下你！」
　
我將地下剩返嘅紙紮物品通通收起，並整爛佢塞落垃圾袋入面。而靜妍見到我，都已經無之前咁恐懼了，但佢仍然堅持要玩紙紮公仔，於是我將佢鎖落廁所入而反思，無論佢點叫點喊都好，為咗介咗佢惡習，亦唔會比佢出嚟。
　
我決心將靜妍脫離迷上紙紮嘅詛咒，以免老婆死後都要繼續擔心。
　
下午五點，街市入面人來人往，嘈吵非常。剛被阿明趕走嘅阿傑氣衝衝咁走入舖頭入面，然後將喺阿明屋企帶來嘅紙紮公仔通通撕爛，情緒十分激動。
　
「仆街明！！！！你以為自己係邊個呀！！！！敢嚟教訓我！！！！」阿傑不斷踢爛撕爛舖頭紙紮公仔發洩情緒。
　
當阿傑嬲嬲地望住店內嘅無數個紙紮公仔望住佢時候，阿傑愈睇愈唔順眼，於是大叫：「做咩呀！睇我唔起呀！你班用紙造嘅垃圾！」然後隨手拎起幾個公仔不斷撕爛佢。
　
突然間，店內其他紙紮公仔突然慢慢郁動，佢地互相對望，然後望住正在撕爛緊紙紮嘅阿傑。
　
「這個瘋子，想把我們怎樣？」其中一個紙紮公仔竟然用流利普通話出聲。
　
阿傑聽到有人講嘢後，頓時停手，然後轉身一望，心諗邊個喺到講嘢？阿傑只見數個紙紮公仔企喺佢面前，於是行前望一望紙紮公仔，再望望周圍，正想轉身時候，其中一個紙紮公仔竟然伸手將阿傑把口封住，嚇得阿傑大驚，於是用手想將紙紮公仔隻手撕開，但無論點撕點甩開佢，隻手仍然緊緊咁將佢把口封住。
　
「嗚嗚…嗚…嗚……」阿傑不斷掙扎不斷叫喊，但完全發不出來。
　
突然間，其中一個紙紮公仔竟然拎起一把用紙造嘅刀，然後說：「這個瘋子，該去死吧。」
　
阿傑碌大雙眼望住，然後激動地叫喊，只見個紙紮公仔慢慢行到阿傑面前，再用手上嘅刀一下子插落阿傑肚入面，鮮血好似噴泉一樣不斷噴出。
　
阿傑非常痛苦，然後想跑到店外求救，但無數個紙紮公仔一個接一個跳到阿傑背上，亦將阿傑壓倒喺地下，然後一刀又一刀地插落阿傑背上。
　
阿傑不斷捱住刀傷咁痛苦地爬去店口，見到有個師奶喺門口望一望，然後師奶問：「我要兩袋香呀！有冇人呀？」
　
阿傑正想伸手求救時，其中一個紙紮公仔將佢隻手壓住，並繼續用刀一下又一下斬落阿傑身上。
　
「嗚……嗚……嗚……」阿傑痛苦地叫喊，但聲音被紙掩蓋。而師奶見無人回應就轉身離去。
　
雖然好多人經過阿傑門口，但無一個人聽到阿傑嘅求救聲。
　
最後阿傑身中百多刀，瞓喺血泊之中。而紙紮公仔笑著說：「活該的瘋子。」然後所有紙紮公仔都慢慢退後一角， 一動也不動地望住阿傑條屍體。
　
…………
　
「叮噹…叮噹…」門外鐘聲響起。將我從睡夢之中驚醒，起身時候即時望望身邊嘅靜妍，見佢瞓得好淋，我就放心。然後我再落床開門。
　
開門後，見到幾個警察，我問：「咩事？」
　
原來外母今朝早六點，喺屋企跳樓身亡，亦留低一封遺書比我。
　
《待續》
　
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
今集超多字，大家可以慢慢睇喇！
我知道唔會篇篇都超過7000 like嘅，所以我勇敢地承諾多次，如果呢篇又超過7000like，我會即刻打文！
　
記得狂like 狂留言 狂share！你地每個留言我都會睇！
　
另外，未買書嘅讀者，希望可以支持我
如果多人買，我就可以貼埋大結局同大家一齊睇！
我嘅網店：https://homingming.boutir.com/
　
知大家買書可能遇上好多問題，但我只有一個人，所以處理好慢，大家耐心等我……感謝大家！

//【明報專訊】香港大拘捕之後，美國國會發生流血衝突，5人死亡，多人被捕。港/美之間牽動隱約又強烈的情緒鏈。由去年11月4日點票出問題開始，到1月7日Trump（侵）應承交出權力，整整兩個月，香港及華人KOL，每天演繹選戰風雲，期望侵翻盤轉勝，帶動數以幾十萬計華人的強烈情緒，最終翻盤落空。港/美政治微妙；大拘捕在美國最亂的時機，想必有所計算。美國自顧不暇，人權問題遠在香港，當然跌到議程的備案。這半年，以往不諳美國政治的一般港人，忽然撐侵，就是希望以侵制共。這星期，侵敗陣，香港溫和泛民被大手拘捕，指望侵連任打救香港，如此奢望，打得粉碎。

港人看到詭異又殘酷的現實：鐵蹄踏踏，鐵腕握住喉嚨，香港翻盤無望。美國分裂成兩大陣營：支持民主黨的，不滿民粹暴力踐踏民主體制；侵粉則覺得「深層政府」舞弊奪權。另一邊廂，歐盟經濟不振，難拒中國投資巨利。國際社會的人權道義，頂不住雷厲風行的國安法，對香港起不了關鍵作用。

KOL售賣悲情與希望

這兩個月，我一頭栽進KOL的過山車，很留意當中起伏，與香港政局惡化，環環相扣。掉進侵粉大觀園，也跌入一個觀點角度的漩渦，做臥底無可避免浸淫局中，網中人很快同聲同氣。我幾十年前已經研究media literacy，對「重磅」標題、「爆大鑊」的鋪排，已算十分敏感，但也一步一步走入侵粉的結界。KOL十多廿分鐘的評論，format容易入口，好似朋友傾偈，有資訊之餘亦有認同感，因而減低了防避心。而我對支持特朗普的朋友，也有一份同理心，你我都是香港同路人。

當然對情節誇張的傳聞，我有很大戒心，例如特工法蘭克福突擊，奪取投票伺服器，發生槍戰有人死傷。KOL多次指，伺服器資料很快曝光，咁就一天光晒，選舉舞弊一目了然。但伺服器一直石沉大海。以傳聞觸發希望，KOL自己信埋一份，售賣悲情與希望，正中粉絲下懷，必定有助流量。追流量，是自覺或不自覺的行為。期望落空後就不了了之，用另一個希望來代替。

撐侵律師Sidney Powell起初被KOL追捧為經驗豐富的重量級人物，其法律著作高據暢銷榜。她不停高聲疾呼，舞弊有如大海怪，一放出嚟嚇死人，證據多到好似消防水喉噴射而出。翻盤大海怪，KOL講咗幾個星期，仍然冇料到。一個希望失效，新一個希望又來。德州議員帶頭，控告賓州改例違憲，告到最高法院，不少KOL喜出望外，紛紛說奇招必勝，因為高院法官五比四親共和黨，一定會為正義出頭。希望太大，失望也大，事後分析，高院法官冇膽接案，甚至可能被收買。

被收買變成百搭牌

被收買（compromised）變成百搭牌，所有不按侵出牌的官員、政客，直接間接都被視為親共，冇腰骨收受利益。最後連副總統彭斯都被視為叛徒。早前還傳彭斯辭職，KOL說：「咁就好啦，可以委任另一個，主持認證會，即時否決搖擺州的選舉人票，侵馬上翻盤。」傳聞一天，叫價高拆天，翌日冇咗件事，彭斯冇辭職，還站在程序那一邊。

有些情節更如驚慄電影：喬治亞州州長態度搖擺，原因可能受恐嚇——他的準女婿汽車爆炸死亡，調查車禍的警員，數天後自殺而死，係咪有景轟呢！KOL侵粉走入令人窒息的天仙局，出現草木皆兵症候群，他們相信一個鋪天蓋地的「深層政府」及「主流媒體」，勢力無遠弗屆；包括FBI、CIA、國防、參眾兩院議員、法官、白宮資深公務員，民主/共和兩黨的老油條，勾結各大報及大電視台；整個大集團，親中、搵着數、枱底金權交易、扭曲新聞、偏幫拜登。KOL說，美媒有如中國宣傳部、中央台、人民日報。這個美國政壇全視域，當中可能有某些根據，傳媒也有偏頗之處，但deep state真係龐大到無所不包，根本無法證實，講就講到似層層。當你一步一步接受這個邪惡大聯盟，侵及其支持者，掉入圍城之中，四面受敵，侵是受害人，因此用極端手法反抗，表面上變得合理。

侵粉相信自己站正義一方

我作為港人，身在香港困局，心理上有很多soft spots，聽KOL大談深層政府與中共勾結，又覺得香港走投無路，如何能擺脫鐵腕，心裏很需要一點希望，哪怕是不靠譜的特朗普。但想到這個全天候打壓特朗普的天仙局，偷換選票，隻手遮天，諗吓諗吓，其實好唔對路。如果天仙局係真，那麼美國政體就係爛到入肉，而侵是出於污泥而不染的濁世救星？！令我倒抽一口涼氣的是，KOL真的如此滑入一個天仙局症候群，讚美侵人品好，不煙不酒（喂，佢幾鹹濕㗎喎），虔誠和善，不好戰，絕頂聰明。KOL還安慰侵粉，「侵有高智慧，我們要信他，不必為他擔心，他一定能大戰群魔」。

而另一方面，尤其是幾個說普通話的KOL，大談deep state爛掉了，美國到了最黑暗的時刻，只有侵才能改變人類的命運。說到這裏，通常會相提並論共產黨的苛政，沒有侵的硬政策，中國人沒前途。講到咁大，嚇親人。令我更不知所措的是，佢哋好真心覺得正邪對立，決戰今天！但歷史善惡糾纏跌宕，你哋講到endgame咁嘅樣，呢個世界唔係咁發展㗎喎！侵確定不能連任之後，其中一個KOL說，善惡到頭總有報，壞人最後落地，KOL變成cult leaders。

我坐上侵侵過山車，這幾天下車都係頭暈暈，要detox一下。侵粉是迷局，裏面的人相信自己站在正義一方，要為公義而戰，國會入面發生暴力事件，KOL馬上說是左派極端分子所為。但我看英國電視現場片段，衝擊者是正常、激動、愛國的侵粉。多月來偏見滑坡，同場共震，熱血難平，才會搞出人命。我從這個echo chamber走出來，耳朵還充滿回音。

撐侵制華「斷鏈」收場

兩個月來的舞弊證據，可以舒展一下。例如，那個櫃桶底拉出票箱的閉路電視片段，有前段被「侵團隊」屏蔽後，看起來偷偷摸摸；若補回前段則並不異常。又例如，KOL不時說，喬州州務卿弟弟是華為高層，搵緊大陸錢，有利益所以反侵，事實上並無實證，係點錯相。不合格選票的指控，亦被逐點反駁。當然，傳聞本源於美國，陰謀論、海怪論等等，深層政府、左媒、收買、政變、軍管種種說法，也源於美國侵粉。華人KOL ride on美國大分裂，也ride on港人及海外華人對自由的強烈願望，拉動這半年「撐侵制華」的情緒鏈，最終以「斷鏈」收場。

我作為幾乎入甕的臥底侵粉，打個冷震，揮一揮衣袖，回到香港殘酷的現實。國安癲到連醫生護士都扣上歹毒罪名，清醒一點地去想，不想做順民、逆民、移民的港人，孤兒仔，冇靠山。不要奢望美國會出什麼大招拯救香港，制裁及譴責，也難阻香港隕落；彭定康、約翰遜，他們可以為我們打打氣，但他們也自顧不暇。我們留下來的，還是要面對我城的命運。

1月7日灰茫茫的下午，我一個人由榕樹澳沿海走到深涌，輕聲拍岸的潮汐、空群而出的白鷺、廣闊平靜的青草地，天地有安頓人心的奇蹟。特朗普翻盤救港是遙不可及的幻影，迫近眉睫的問題反而是：我有沒有面對鐵腕的平靜安穩？細心一想，被拘捕的溫和朋友，只是行使他們的公民權利，如今被定性為十惡不赦，他們的痛，不單是個人官司的痛，而是港式文明被辱之痛。我的功課是什麼呢？被捕的朋友，你我同行，傷香港之逝，傷痛於歹毒壓迫善良。

常言道，好人一生平安。時勢惡劣，好人不一定平安，行公義好憐憫的人，反被折磨。我一邊聽着海浪拍岸的微聲，一邊感受到被捕者的憤怒、冤屈與不安。柔弱的個人，如何面對一個獨尊的政權。深涌的草地上，滿滿是十字小白花。被捕的朋友們，重擔在肩，這是你們將要承受的重擔，共感同行，卻不能減輕你的苦難。我們詢問自己，若掉進了國安法被拘被囚的行列，是否願意平安地走過不平安的苦路。我在草坪前行，平安地接受不平安的香港，願意為自己相信的付出代價。我們今天銘記你的歹毒斷言，也記下我們尋求平安的承諾。不自由的牢籠之內，仍有翱翔天際的自由願景。好人一生平安，不是因為一帆風順，而是平安地忍受不平安。時代艱難，但願我們內心平靜，有足夠的力量承受重擔。

文˙馬傑偉//

【一個專為香港人而設的廣東話課程】
➜更多內容: https://www.cantonesecollege.com/course
讓廣東話發揚光大！

日文和廣東話竟然如此相似！？｜會粵語是學日文的優勢？｜日文中的入聲和古漢語？
-------------
廣東話承襲不少的古音聲調，世界上還有不少地方的語言含有古漢語元素它就是日文。
我們會廣東話的人，在學習日文時會更有優勢。

1️⃣入聲入聲連現今普通話已經不存在，竟然在日文中被保留下來。例如敵，在日文中音讀唸法是てき；普通話唸法是di2;廣東話唸法是dik6;廣東話發音有入聲k作結，而日文中てき(teki)的き(ki)的部分，就正正是漢語入聲衍生的讀音。入聲t在日文會變成つ(tsu)或ち(chi)其中以つ(tsu)為多數罰ばつ(batsu)一 いち(ichi)入聲k在日文會變成く(ku)或き(ki)力 りょく(ryoku)益 えき (eki)
當中又以く(ku)為多數亦有些因為日文的發音習慣或規則，變成促音或發成輕聲。而入聲p就沒那麽好運被留下來了通常會變成つ或者長音當我們了解到這回事後，即使是未學過的字，我們也會有點把握把音讀出來，而這個就是我們學習日文時候的優勢。

2️⃣漢字
廣東話用「着」為動詞去表達穿衣服意思，日文裡面有着る也是用了着這個漢字去表達同樣意思。廣東語用食和飲表達吃喝，食べる(taberu)和飲む(nomu)這兩個動詞，在日文裡就用了食和飲這兩個漢字。

雖然殿下沒有辦法查證，廣東話和日文的關係是否如此直接，殿下只是提出多一個方法給大家，原來存在這一種方式去看一種語言而已。每種語言都有其有趣之處，在乎你以什麼方式去看待它們，只要留心觀察 你就會找到當中樂趣和美感。

-------------
劉殿下のFacebook：
https://www.facebook.com/RyuDenka/
-------------
關於廣東話和日文的影片：
https://youtu.be/V4mLPt1DKZ8
https://youtu.be/gpQvxFhGAGE
https://youtu.be/C0Ec-5uHFRw
-------------
殿下推薦的廣東話Youtuber!!：
點點dimdim
屎萊姆的3次元
Hein Cream 海恩奶油
HuhuuuTV /廣東話教學
Mira's Garden
疯粤CrazyCanton
頴珊頻道 | The Wingshantsui Channel
MtzCherry
Learn Cantonese with CantoneseClass101.comDandan Chen
にんじんレイ
ようき楽園 / 玉其樂園 - マカオと広東語
CarlosDouh
我は何しに香港へ？ Why did I come to HK ?

也感謝有份推廣香港的各位：
蔡阿嘎
聖結石Saint
香格拉 Shangrilayt
MaoMao TV
Ryuuu TV / 學日文看日本
JASON(大J)
Halo Mackey
HenHen TV
-------------
關鍵詞：
日文和廣東話,相似,廣東話優勢,日文入聲,古漢語,
廣東話,广东话,香港,教學,道地, 粵語,口語,白話,教室,廣東話教學,bensir,歐陽偉豪,广东话教学,打招呼,中英夾雜,港式英文,九聲六調,翻譯,字幕.廣東話髒話,廣東話 黃明志,楊民翠,點點,香港女生,廣東話歌,廣東話卡通,廣東話口音,廣東話 罵人,廣東話 詩歌,廣東話 數字,廣東話粗口,廣東話,廣東話兒歌,廣東話髒話,廣東話 你好,廣東話 謝謝,廣東話 普通話,廣東話打招呼,廣東話旁白,廣東話 翻譯,廣東話 英文,廣東話拜年,廣東話 拼音,廣東話學習,廣東話 發音,廣東話 客家話,廣東話 app,廣東話 母語,廣東話輸入法,廣東話故事廣東話俗語,廣東話歇後語,廣東話 澳門,Cantonese,Hong Kong,Cantonese lesson,広東語,広東語 会話,広東語 挨拶,広東語 発音,広東語 こんにちは,広東語 中国語