音樂唔能夠同生活嘅每個細節分離，亦即係話，音樂就係生活每一點每一滴嘅表達媒體；正因爲咁，能夠將音樂同自己另一種興趣掛勾然後一齊創作作品就係一件好幸福而唔容易嘅事 - 對我嚟講，今次同音樂搭上嘅就係做gym。《煉獄健身室》由歌、到MV到宣傳，全部都係以音樂為先，再用健身同愛情嘅概念將一切串連。所謂賣肉當然係大家眼中嘅賣點，但點樣令到首歌嘅詞同音樂同MV畫面可以相輔相成，帶到共鳴俾大家就係我成日都思考嘅一點。想大家了解多少少呢首歌嘅背後故事，所以同大家分享下歌曲嘅製作過程。 先講作曲。2017年1月20日夜晚，第一個創作方向就係想寫一首陪我成長、千禧年代嘅Cantopop。一路返聽一路捉住一d旋律感覺同chord progression，拿起結他，好快頭一句旋律「滴著汗水 專心一意 擴大我胸襟mmms fmrd rdrmm」就出左嚟，然之後我就入返自己世界，走自己嘅旋律，腦入面嘅畫面就係紅館大合唱，大約半小時就完成。呢首係我自己面世嘅八首作品入面作得最快嘅作品，過程中最難係控制抄襲元素嘅出現，畢竟創作緊嘅係自己聽到入晒血嘅cantopop。 歌詞方面，將demo交咗比阿Y之後，有一日喺紅館嘅後台見到佢，佢就話諗到我首歌嘅題材就係一個人失戀之後係咁做gym，同我心諗有好多人失戀後就周圍去學呢樣學嗰樣不謀而合，仲更加具體。 2月26號，我就係四子入面第一個收到阿Y嘅詞嘅，好到肉，好真實，特別鍾意危危乎~同埋迷迷糊~呢六隻字好配合我d旋律。其實好多字我自己無信心唱得好聽，不過有阿Y嘅鼓勵，練左一段時間，終於唱到說服到自己。 之後就要搵編曲人，第一時間我就諗起編曲作曲人兼音樂監製Adrian Chan，大家一定有聽過王菲「曖昧」、「約定」、「郵差」、「情誡」，張國榮「春夏秋冬」、陳奕迅「葡萄成熟時」...，仲有近年嘅麥浚龍、supper moment 、C AllStar🤗...(有興趣就自行維基)，佢俾我嘅感覺就係每一首歌都有血有肉兼畫面豐富，絕無流水作業嘅感覺。 喺2月28號，佢聽完呢首歌嘅demo之後就話「好好聽喎，真係喎！」(暗喜🤗)。 過咗一段時間，version 1就出現了，連同四個tempo任我選擇(好細心)，佢仲為我首歌加左一段好好聽嘅Music break，尤其係琴嗰段旋律🌊。之後一起鼓成件事就有醒哂嘅感覺，剛好承接「日日練跑」。而bridge嗰d鼓花同action位搶得好好玩，係本來demo無㗎，所以唱法上我都特登跟咗嗰啲action。仲有bridge轉key「來救護 噢~」嗰個「噢~」嘅transition都係Adrian嘅心思，令到整首歌起承轉合來得好自然💪🏿。 3月23日🎤，Vocal Producer同樣由Adrian負責，佢用左一個好主觀嘅方法將一d好客觀事實好主觀咁話俾我聽💥，三四小時內一路帶領著我去唱，大家好夾，都認為唱歌唔係真係唱歌，係講故事，語氣呼吸最重要，主音一日完成，凌晨2點鐘。 第二日，我哋花左四小時將尋晚嘅vocal聲執好，夜晚就開始錄和音。佢自己入咗studio花咗大約一個鐘嘅時間唱晒和音demo，而我就大約花左個半鐘嘅時間完成所有和音，大約凌晨一點半，錄音部份完成🤝。 剩低嘅部份就係樂器錄音dubbing🎸🎻🎹🥁同埋mixing。 4月13日 煉獄完成 多謝歌曲創作班底Adrian Chan,Wyman, Recording engineer: EDDY ,Bass guitarist: 陳兆基,Strings arranger: 黃兆銘 #煉獄健身室 #513全民樂迷普選日 #十月紅館演唱會 #四爭一SOLO時間 #BestSoloSelection 最後多謝瓊姐share 我嘅佬肉照😂, Btw，兩張相只係屬於MV嘅冰山一肉，more in bio🍖🥓🍗💦 #Repost @iamkingjer with ・・・ 是咁的，呢個係C Allstar 嘅On 仔。 無留意佢一排，佢變咗個大隻佬！絲打們覺得如何？可供食用？