熱門Ptt文章

[爆卦]星巴克85折2021是什麼？優點缺點精華區懶人包

雖然這篇星巴克85折2021鄉民發文沒有被收入到精華區：在星巴克85折2021這個話題中，我們另外找到其它相關的精選爆讚文章

在 星巴克85折2021產品中有17篇Facebook貼文，粉絲數超過0的網紅，也在其Facebook貼文中提到， ［記得四哥發哥都已見過面。後來榮升主角太突然］（＊）Dear, write some god damn thing TLDR：下個月開始，《信報財經月刊》有我。記得買。 1. 我有無數咁多古怪嘅寫作習慣。其中一個唔少人知，就係我篇文寫乜都未知，幾時會有都未知，但一早會有個題。例如我篇《楊枝甘露的...

　同時也有1部Youtube影片，追蹤數超過23萬的網紅SHIN LI，也在其Youtube影片中提到，#LINEBANK #夢想帳戶 #純網銀 合作信箱✉️ : [email protected] ❗️影片未經同意請勿任意轉載、二次搬運、寫成新聞稿 ❗️每月45元幫助我創作更多影片｜https://shinli.pse.is/PD4Q5 ————————————————————————————...

「星巴克85折2021」的推薦目錄

星巴克85折2021 在 小生 Instagram 的最佳解答

2021-05-15 08:23:56

//把最珍貴的事物，留給生命中最重要的人 我和瓶子結婚的很倉促，當時身邊沒什麼錢，一切都以薏仁健康為主。所以婚事上就只是我們兩個很簡單的登記而已。 登記完的那天晚上，我們去了尼法餐廳，那是一家坐落在東豐路上的法式餐廳，東豐路整路都是綠蔭遮蔽，走在路上會有一種歲月靜好的感覺。 一進到餐廳裡，更能...

星巴克85折2021 在 投資理財先生 投資理財 ︳勵志成長 ︳正能量 Instagram 的最讚貼文

2021-07-11 09:58:39

整理了2021年值得入手的信用卡 詳細內容 再請各位上各銀行網站瞭解~~ ------------------------------------------ 「永豐大戶」 1.50萬額度存款，享1.1%高活儲利率 2.一個月16次跨提轉次數免手續費 3.搭配永豐DAWHO信用卡，享有國內2%...

  • 星巴克85折2021 在 Facebook 的最佳解答

    2021-09-12 13:47:14
    有 149 人按讚

    ［記得四哥發哥都已見過面。後來榮升主角太突然］（＊）Dear, write some god damn thing

    TLDR：下個月開始，《信報財經月刊》有我。記得買。

    1. 我有無數咁多古怪嘅寫作習慣。其中一個唔少人知，就係我篇文寫乜都未知，幾時會有都未知，但一早會有個題。例如我篇《楊枝甘露的誕生》，聽講係愛情小說，寫咗廿幾年只係得個題。《第一次的親密接觸》嘅作者痞子蔡都有呢個習慣，小說一定有咗個題先，然後先寫。

    2. 我更進一步，十幾廿年前已經會有個題，等件事發生。好似門捷列夫個元素週期表咁（Periodic table，啲化學畀返晒老師未？）。同你估嘅唔同，當年佢整個表嗰時，唔係列晒1—100出嚟，當時唔少元素根本未被發現。但佢一早留定位，知道會有一個咁特性嘅元素，一直都在，只等你發現。後來果然後人就發現到嗰啲元素，性質同佢預期嘅差不多一樣，成件事實在型到不得了（＊＊）

    3. 當然我唔係門捷列夫，我不能確定呢一日會發生。可能十年，三十年，甚至死嗰日都唔會有。因為涉及太多嘢。但總之，呢篇文個題，係我好多年前已經諗的，just in case．而家就可以解封了。

    4. 忘掉那一天，記不起是那年，但應該係好早期，我甚至未做金融。有一年，我在書展，見到有個唔靚仔嘅瘦皮猴，推銷緊佢本新書，好似唔太多人理佢。佢話可以幫我簽名

    5. 嗰個，就係龔耀輝。

    6. 後來嘅事，係我開始打銀行工，開始睇《信報》。一來公司有，二來Reuters部機上面有。

    7. You are what you read，最早期我可能受陶傑張小嫻影響，後來我就受游清源影響。金融方面，當然就係睇《信報》時，蔡東豪同龔耀輝。

    8. 等我懷念下當年，circa 2004 -2006，我在美國銀行大廈返工（蕉行嘛）（＊＊＊），閒唔時就係睇下《信報》，就係睇佢幾位老哥。當時我成日午餐就在和記大廈（已拆）間星巴克，記得嗰時個姐姐認得我，我漏低咗嘢幫我keep住，仲手寫住我個名（星巴克姐姐知你個名有幾奇？我又唔會用假名）。硬係覺得嗰時嘅人心好啲，星巴克啲女都靚啲。定只係嗰時後生，入世未深？

    9. 無論如何，嗰時我就心諗。嘩，幾時有一日到我會寫《信報》？

    10. 至少在2000年時，我已經發夢在報紙在專欄作家。當時厚著面皮厚著包皮咁電郵某人請教，仲畀佢第日在專欄串我。但，佢講得冇錯嘅係，write some god damn thing（唔係原文）．呢個亦係我而家叫啲小朋友做嘅嘢。

    11. 時間飛到去大約十年前，《信報》搞咗個「動筆動思考」嘅東西。作家培瞓，或者當搵新血咁。當時我在耆英已撈得不錯，但寫作嘅事業，等於零。

    12. 而去到呢個位，我實在so gay都要講。我大學年代識嘅嗰位網友，已經實現咗自己嘅夢想（算係？），在有線講咗波好多年。佢點入行架呢？正係參加咗有線嘅比賽。我仲要係睇住嗰場比賽，甚至記得佢係講曼聯對車路士。舊年同佢食飯講起，佢當然完全唔記得呢件事。

    13. 不能話受佢影響，因為當時佢已經講咗好多年。但總之，「動筆動思考」壇嘢，我就覺得自己都係要write some god damn thing，寫咗篇文去。三十歲那日不要臉，參加了挑戰

    14. 有圖有真相，我都唔知我仲keep住呢個email

    15. 結果？我有個朋友入圍（唔係寫金融的），本人當然名落孫山。明顯寫得未夠好，或者緣份未到。

    16. 又或者，係未夠努力。

    17. 當年某評審睇咗我篇文，問我有冇啲正經啲嘅（陰功，我以為嗰篇已經好正經！）。正常真係好飢饑嘅人，應該會寫多篇。但我好似只係回佢：冇喎，這是我的風格。（唔肯定有冇第二句）

    18. 咁，who cares你咩風格？邊位？

    19. 況且，Let’s be frank，機會成本。我由中學開始已經鍾意寫嘢，但畢竟你鍾意唱歌同你去紅館開演唱會係兩回事，你鍾意踢波同你去咗奧脫福踢一隊又係兩回事。

    20. 正如上面講，當時我在耆英都撈得不錯。當然都熱愛寫作，但我都熱愛空姐（誰不愛），但我總不會日日走去約空姐，對不？唔使返工咩。咁我摶上位升職加人工緊要，定寫文緊要？

    21. 你可以話即係我未夠熱愛，或者寫得未夠好，總之whatever，就又過咗十幾年。媽的，人生有幾多個十幾年？

    22. 但生命嘅嘢真係唔係一條直線，卒之2021年，《信報財經月刊》，搵我寫嘢！

    23. 我唔記得係「四哥」定「發哥」講（懶FC了），當年《信報》搵佢寫文，佢嘅反應係「𦧲飯應」（原文照錄）。亦係我早兩星期嘅心情。

    24. 講多無謂，write some god damn thing．稿已交，講日本股票。10月頭會出版，到時記得買。最開心係佢地可以畀我寫三千字。

    25. 當然啦，如今我四十看從前，枝筆已鬆軟。「四哥」「發哥」都冇再在《信報》寫文。但唔緊要，依然仲有好多好嘅作者。唔係講我啦。你也可以是孔少林，我們都是原復生。

    26. 彩蛋：當年，2006，唔知「四哥」定「發哥」在《信報》，貼中意大利拎冠軍，鳩威咗一排。今年，2021年，本人一樣貼中意大利拎冠軍！固然都係七分好彩，但，至少寫波，我就應該勝過「四哥」「發哥」了。

    27. 彩蛋二：居然畀我搵得返當年掟去嗰兩篇稿，不如遲下貼上嚟？而家睇返，「都唔係真係咁差啫」，「咪同我而家啲文差不多」。證明我過去十幾年都冇乜進步過，但可能啲讀者品味越嚟越低，造就我都有人睇。又或者「四哥」「發哥」等等收晒山，池中無魚蝦自大，廖化作先鋒咁。

    （＊）都係鍾意高登改版多啲。「記得飯島　松島　都已見過面 後來榮升主角太突然」。原諒我騎劫咗一個應該相當文藝中產嘅post，但，唔通中產文青唔睇AV？早兩年我去到松島（牛舌！）打卡亦都係貼呢句歌詞。不過in case anyone care，我係既唔睇飯島，亦唔睇松島嘅。甚至三上悠亞 波多野結衣我都係唔睇的。懶係唔跟主流嘛，由呢啲嘢都睇得出。但又不過，你見我買股票又係買返 Facebook Microsoft 等等，主流到唔主流，所以唔好輕易將 「平時嘅口味」同投資嘅性格撈埋嚟講。正如跑馬拉松嘅人，未必買股票有恒心。運動員在場上可以受壓，可以超高心理質素，但唔等於唔會有心理問題，唔會亂買嘢傾家蕩產。世界唔係咁簡單

    （＊＊）好多書有講，例如呢本（https://bityl.co/8eCm）

    （＊＊＊）無獨有偶，嗰時我去耆英證券見工，都係嗰度！仲要係樓上！「所以唔使請假見工」。最正係我take咗佢地offer嗰日，放工就撞到後來嘅鬼頭上司同我一齊迫電梯。

    ＝＝＝＝＝＝＝＝＝＝＝＝＝＝
    已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

    ＝＝＝＝＝＝＝＝＝＝＝＝＝＝
    月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

  • 星巴克85折2021 在 Facebook 的精選貼文

    2021-07-29 06:26:32
    有 29 人按讚

    ［今日寫啲乜］繼續賣個廣告先，有個講座。星期六7月31日 5點至7點，尖沙咀，HomeBlogger尖沙嘴Office，講下半年投資部署，跌定未，你啲MPF點算。唔得閒嚟可以事後重溫，不過收費一樣。

    詳情呢度：https://bityl.co/84af
    報名呢度：https://bityl.co/84ai

    ＝＝＝＝＝＝＝＝＝＝＝＝＝＝
    2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
    ＝＝＝＝＝＝＝＝＝＝＝＝＝＝

    今日就勁咯，你見業績都一大抽，我都冇可能睇得晒，只係略睇。但，絶大多數都係勝預期嘅。咁固然，歷史上都係勝預期嘅多過遜預期，公司一定會期望管理，分析員又會識做。但，今次業績勝預期嘅標普成份股，近90%，應該係N年新高。文入面有快講。

    你見我望呢一堆，Apple Google Microsoft Facebook Paypal Visa Shopify Spotify 麥當勞 星巴克，差不多全部都勝預期，有啲仲要係高預期好多。頂多你可以話部份可能對下半年審慎啲（Apple），或者用家數字麻麻（Facebook Spotify）．

    不過股價呢？績後升嘅好似都似得兩三間。點解會咁？但唯獨係PayPal特別令人擔心，文入面亦有講點解。

    至於大市喎，你睇到篇文時差不多開市啦。但我打嗰時就見到啲中概股反彈，夜期又彈，ADR又彈。咁當然唔包開市都升，高開都可以倒跌。但即係，就同咩「美國禁基金買中港股票」（明明就係北水沽得最勁），「冇人再敢買中資股」爭好遠好遠啦。我知係Bloomberg都有報，但你睇真啲內容係乜？

    文入面教埋你，點樣分辨資訊真假，仲教你帶眼識人。真的，你身邊總有幾個咁嘅人：小學時佢堅持去總統山出昇拎鎖匙就可以去非洲出一陽指七星大波動嘅人，大個啲佢堅持同豪鬼打和10 round 就有Sheng Long．再大個啲就係每次打風佢都有碼頭工人消息。總之由中南海到Deep State到東京奧運委員會，佢都有情報，但硬係次次都最後關頭有force majeure 阻住救世主降臨。遠離呢啲人。我就快踩過界撈埋media literacy 了

    然後應節，講奧運。好簡單嘅問題：咩因素令到國家拎得多獎牌？你即刻答：多人。不盡然。中國一路都咁多人，但都係廿年先三甲。況且，你睇印尼印度孟加拉之類，都係好少牌，但近幾屆開始多。所以你又估到另一原因：錢。當然仲有其他例如文化（萬能key），多唔多人體育，場館等等。不過，最重要嘅兩個原因，文入面有講。

    第二圖，見到標普指數都係由大股帶升，雖然一路都係，但而家嘅脫節程度去到新低咁滯。上次有咁低係幾時？正係2000年爆煲之時。咁係咪訓身沽空美股？又唔係喎。數據就人人都係嗰啲，但點去演繹，點去判斷邊啲嘢會再發生邊啲唔會，先係功力嘛。文入面有講

    Good Read嘅又係兩篇。首先睇返FiveThirtyEight嘅估獎牌數目，係喎總有人話「唔係乜都可以量化」（獎牌榜唔係量化係乜？），「有好多變數」（例如埃塞俄比亞會拎最多牌咁？）。但，不代表不能預測，人地成team人有資源有經験有往績，總好過啲反智網友一句「挑，邊有得量化」。特別留意嘅係：幾個歐洲大國都係失準的（除咗俄羅斯）。「車人地啲強項在最尾嘛戇鳩仔」「係喎我唔知 Nate Silver唔知得你先知呀可？」，人地每一日，每個項去估的。

    第二篇，由人有三急開始講起。在外國街上，人有心急點算？東亞就簡單，商場地鐵站甚至便利店。但在美國呢？我冇去過美國，但聽聞好多人都係去Starbucks。雖然都會令店方一定困擾，但又好難做到唔畀非顧客用（之前試過有次搞到好大件事）。作者由呢度講起，美國好多應該係政府做嘅嘢，變咗企業做。聽落好似幾好丫可？但有冇諗過代價係乜？文入面講有咩問題

    ＝＝＝＝＝＝＝＝＝＝＝＝＝＝
    2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
    ＝＝＝＝＝＝＝＝＝＝＝＝＝＝

  • 星巴克85折2021 在 Facebook 的精選貼文

    2021-06-28 06:24:21
    有 72 人按讚

    ［今日寫呢啲］週末專題，奈雪的茶。1689個訂閱了，不如月底前做到1700啦，順手賀我生日。反正而家入嗰啲下個月我會退錢。

    TLDR：奈雪的茶，市值同隻維他奶差唔多咋！你估係咪真係好好賺？咁當然，你可以覺得隻嘢超抵嘅。大股東賺夠想益你平賣畀你呀可？

    ＝＝＝＝＝＝＝＝＝＝＝＝＝＝
    2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝

    好啦，隻嘢都抽完，而家先講？係，因為忙。但反正關係不大，你齋係抽隻新股呢，根本唔使咩分析，反正只係玩一日兩日，睇乜都多餘。咪講「供求」，但甚至唔好以為超額幾百倍實升，嗰啲「需求」假嘅，啲友孖展之嘛，佢唔會上市追的。

    咁但如果你想知應唔應該第一日沽，可唔可以長期持有，之後追唔追，或者純係想認識多啲間公司，睇下應該點睇招股書，咪睇篇文咯。100蚊都唔使，買幾杯奈雪咋！仲送晒以前嘅幾百篇文（差不多一年！）

    首先要講，街外人睇，真係另一回事。唔好用你閣下嘅品味，去判斷啲嘢受唔受歡迎，更加唔好用受唔受歡迎去判斷隻嘢得唔得。首先有啲公司生意好唔好好易睇到（港交所！），但有啲唔係，例如賭廳，賭最大嘅係超級貴賓，你去研究多唔多人，嘥氣。正如ASML SPGI 之類生意好唔好，你街上邊睇得到？

    仲有，受歡迎呢啲嘢，好易造出嚟，使錢咪得。受歡迎又未必真係多人幫襯，多人幫襯又未必高收入，高收入又未必高利潤，高利潤又唔等於個估值抵，根本係N咁多樣唔同嘅事

    更重要嘅係，好多分析最後都係結果論。做好產品自然會有生意。咁即係冇講過。咩叫好產品？眾所周知，最大市值嘅餐廳，全部都係賣垃圾。麥當勞海底撈大家樂好食咩？即使你講星巴克，在咖啡撚心中，都係垃圾（我就唔識分）。但大公司一定係玩品質控制，行銷，控制成本。同你「煮好啲嘢」完全係兩回事。你要追夢嘅咪小野二郎咁，原宿開間Sushi Bar（＊），一晚做十幾個客算數。但你要上市一定係 味將軍 美心 LVMH。

    所以，你有冇飲過奈雪，根本無關重要。你覺得好垃圾，who cares？我都唔明超級英雄片有乜好睇，但就係有好多人睇。唔好將自己放到咁大，反正香港得一間分店（日本都有一間！反擊日本成功！）。甚至大陸佬覺得奈雪好唔好，都係who cares．麥當勞大家樂好好食咩？「大家樂請分析員食飯都唔係在大家樂啦唏」

    吾友高天佑話齋，呢隻係奶茶第一股。但，唔係奇在賣奶茶可以上市，中國十幾萬萬同胞，一人買一個胸圍都不得了（畢菲特都係咁上下講法）。唔好話賣奶蓋，大把古怪行業都上到市。所以奇怪根本係，做乜咁耐先有第一間奶茶股？真係好好賺？你話呢？

    咁有啲人總係覺得好好賺唔使上市，all due respect，有乜公司真係好好賺唔上市？華懋霍英東定Subway Mars？你覺得佢地上市大得過而家啲龍頭？

    咁睇數啦，奈雪上限都不過係拎340億市值。好多咩？一間維他奶咁嘅估值咋！（定你覺得好抵？）。係咪即時覺得奇怪？奈雪雖然唔係龍頭，但都二哥啦（大哥你估下係邊間？），先340億市值。你老味海底撈打邊爐賣到2000億市值（仲要高位跌咗一半！高峰時4300億！）。安踏賣鞋賣到5000億市值。覺唔覺得件事有啲問題（咁當然，安踏好似有海外嘅，雖然有人話冇鬼佬買）。

    奈雪上限都不過係拎300億市值。Something is wrong la

    BTW，話埋你知，奈雪全部店都直營，我都幾意外。因為傳銷同Franchise 係上世紀最仆街但亦最偉大嘅兩種發明，加盟店嘅嘢，利用啲友追夢做老細嘅心態，封晒蝕本門。但奈雪就係冇做。點解？會考Commerce 或而家咩　企會財教嘅基本嘢啦，加盟店咪難控制品質，啲友側邊租多個舖賣煎釀三寶。

    仲有，奈雪全部舖都係租嘅。咁又睇你點演繹，香港嘅咪話賺埋都係益地產商，但大陸情況又唔同啦，地產商個巴京拎包華冇咁大。人工成本先最貴，而你奈雪我估總不能叫件大媽去做品員啩（冇飲過，唔好問我）。仲有，冇舖又可以扮asset light model啫

    其他嘅，留返文入面講（4000字呀！）。但再講少少。首先你可以估下，奈雪一間舖一日幾多生意？不妨估下。我估冇你想像中咁多，而亦唔關城市事，唔同級別城市都差不多。但500間舖（話開到千幾間！），斬埋就好係嘢。

    之但係，總有盡頭嘛。廿幾蚊杯，其實好係嘢！你不如諗下大陸幾錢人工？仲要二線城市喎。「不如真係反攻日本啦，而家得大阪一間」「星巴克都反攻意大利法國啦」「COCO老番屋都開到印度啦」

    仲有講埋最後一個迷思，「呢啲咁嘅化學嘢好好賺」「啲茶使幾錢成本？」。Yes and no，當然你可以質疑佢造假數買貴貨（點解咁做？因為十派牙都係自己咯），但既然呢隻放上市，應該當住呢隻真。

    事實呢種「呢啲咁嘅化學嘢好好賺」「啲茶使幾錢成本？」我聽咗冇四十年都三十幾年！真的！細個食早餐對面阿叔都係咁講。問題係：咁好賺你唔去開？真喎。以前就話資訊唔流通，而家我知道暴利嘅，點會冇人抄冇人搶？所以呢啲「好好賺」係迷思，你冇其他嘢嘅，兩下就抄到你收皮啦。亦所以點解啲公司要搞咁多行銷，因為貨物易抄，但品味氛圍價值冇咁易抄。
    詳情就文入面講，但你不妨估下，到底佢賣一杯奶茶，入面有幾多係材料成本？（唔計員工舖租其他嘢，只講材料）。我估，一定比你想像中高好多！

    你以為食水好深？我覺得唔係。拿，星巴克就真係杯嘢入面大約10%係材料錢—唔係你以為係乜？sorry破壞你童年。其實你杯咖啡，絶大多數去晒：人工—我總不能整件大媽同你Hello Ivan，租，稅，仲有賺你嗰份。「最仆街係個杯呀餐巾呀分分鐘貴過啲咖啡豆，下次記住拎多幾張返公司炆屎」

    講遠咗，星巴克入面，10%係材料錢？咁奈雪呢？梗係唔止。但你可以估下幾多。

    咁即係買唔買得過？咁就睇文咯。但你睇估值大約知。我當星巴克，1330億市值（美金啦），265億生意，36億純利。或者想睇大陸嘅，海底撈，2000億市值（港紙），290億收入，23億利潤（人仔）。

    咁奈雪呢？咪話上限340億市值。你仲要預佢升喎！計下數咯。一年幾錢生意？文入面話你知（其實招股書都有），或者用心算。500間舖。然後頭先咪叫你估下每間每日做幾多生意咯。

    ＝＝＝＝＝＝＝＝＝＝＝＝＝＝
    2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝

    （＊）OK，估都估到佢間嘢唔係在原宿，原宿只有龍蝦包同學生妹。呢句去原宿開間sushi bar係歌詞，小野二郎梗係開銀座，去銀座你就知自己窮。真係的，我在大阪福岡甚至京都食米芝蓮兩星都仲覺得唔貴 — 去銀座就知自己窮，都係去返嘉湖銀座算。

你可能也想看看

搜尋相關網站