［今日寫呢啲］週末專題，奈雪的茶。1689個訂閱了，不如月底前做到1700啦，順手賀我生日。反正而家入嗰啲下個月我會退錢。

TLDR：奈雪的茶，市值同隻維他奶差唔多咋！你估係咪真係好好賺？咁當然，你可以覺得隻嘢超抵嘅。大股東賺夠想益你平賣畀你呀可？

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

好啦，隻嘢都抽完，而家先講？係，因為忙。但反正關係不大，你齋係抽隻新股呢，根本唔使咩分析，反正只係玩一日兩日，睇乜都多餘。咪講「供求」，但甚至唔好以為超額幾百倍實升，嗰啲「需求」假嘅，啲友孖展之嘛，佢唔會上市追的。

咁但如果你想知應唔應該第一日沽，可唔可以長期持有，之後追唔追，或者純係想認識多啲間公司，睇下應該點睇招股書，咪睇篇文咯。100蚊都唔使，買幾杯奈雪咋！仲送晒以前嘅幾百篇文（差不多一年！）

首先要講，街外人睇，真係另一回事。唔好用你閣下嘅品味，去判斷啲嘢受唔受歡迎，更加唔好用受唔受歡迎去判斷隻嘢得唔得。首先有啲公司生意好唔好好易睇到（港交所！），但有啲唔係，例如賭廳，賭最大嘅係超級貴賓，你去研究多唔多人，嘥氣。正如ASML SPGI 之類生意好唔好，你街上邊睇得到？

仲有，受歡迎呢啲嘢，好易造出嚟，使錢咪得。受歡迎又未必真係多人幫襯，多人幫襯又未必高收入，高收入又未必高利潤，高利潤又唔等於個估值抵，根本係N咁多樣唔同嘅事

更重要嘅係，好多分析最後都係結果論。做好產品自然會有生意。咁即係冇講過。咩叫好產品？眾所周知，最大市值嘅餐廳，全部都係賣垃圾。麥當勞海底撈大家樂好食咩？即使你講星巴克，在咖啡撚心中，都係垃圾（我就唔識分）。但大公司一定係玩品質控制，行銷，控制成本。同你「煮好啲嘢」完全係兩回事。你要追夢嘅咪小野二郎咁，原宿開間Sushi Bar（＊），一晚做十幾個客算數。但你要上市一定係 味將軍 美心 LVMH。

所以，你有冇飲過奈雪，根本無關重要。你覺得好垃圾，who cares？我都唔明超級英雄片有乜好睇，但就係有好多人睇。唔好將自己放到咁大，反正香港得一間分店（日本都有一間！反擊日本成功！）。甚至大陸佬覺得奈雪好唔好，都係who cares．麥當勞大家樂好好食咩？「大家樂請分析員食飯都唔係在大家樂啦唏」

吾友高天佑話齋，呢隻係奶茶第一股。但，唔係奇在賣奶茶可以上市，中國十幾萬萬同胞，一人買一個胸圍都不得了（畢菲特都係咁上下講法）。唔好話賣奶蓋，大把古怪行業都上到市。所以奇怪根本係，做乜咁耐先有第一間奶茶股？真係好好賺？你話呢？

咁有啲人總係覺得好好賺唔使上市，all due respect，有乜公司真係好好賺唔上市？華懋霍英東定Subway Mars？你覺得佢地上市大得過而家啲龍頭？

咁睇數啦，奈雪上限都不過係拎340億市值。好多咩？一間維他奶咁嘅估值咋！（定你覺得好抵？）。係咪即時覺得奇怪？奈雪雖然唔係龍頭，但都二哥啦（大哥你估下係邊間？），先340億市值。你老味海底撈打邊爐賣到2000億市值（仲要高位跌咗一半！高峰時4300億！）。安踏賣鞋賣到5000億市值。覺唔覺得件事有啲問題（咁當然，安踏好似有海外嘅，雖然有人話冇鬼佬買）。

奈雪上限都不過係拎300億市值。Something is wrong la

BTW，話埋你知，奈雪全部店都直營，我都幾意外。因為傳銷同Franchise 係上世紀最仆街但亦最偉大嘅兩種發明，加盟店嘅嘢，利用啲友追夢做老細嘅心態，封晒蝕本門。但奈雪就係冇做。點解？會考Commerce 或而家咩　企會財教嘅基本嘢啦，加盟店咪難控制品質，啲友側邊租多個舖賣煎釀三寶。

仲有，奈雪全部舖都係租嘅。咁又睇你點演繹，香港嘅咪話賺埋都係益地產商，但大陸情況又唔同啦，地產商個巴京拎包華冇咁大。人工成本先最貴，而你奈雪我估總不能叫件大媽去做品員啩（冇飲過，唔好問我）。仲有，冇舖又可以扮asset light model啫

其他嘅，留返文入面講（4000字呀！）。但再講少少。首先你可以估下，奈雪一間舖一日幾多生意？不妨估下。我估冇你想像中咁多，而亦唔關城市事，唔同級別城市都差不多。但500間舖（話開到千幾間！），斬埋就好係嘢。

之但係，總有盡頭嘛。廿幾蚊杯，其實好係嘢！你不如諗下大陸幾錢人工？仲要二線城市喎。「不如真係反攻日本啦，而家得大阪一間」「星巴克都反攻意大利法國啦」「COCO老番屋都開到印度啦」

仲有講埋最後一個迷思，「呢啲咁嘅化學嘢好好賺」「啲茶使幾錢成本？」。Yes and no，當然你可以質疑佢造假數買貴貨（點解咁做？因為十派牙都係自己咯），但既然呢隻放上市，應該當住呢隻真。

事實呢種「呢啲咁嘅化學嘢好好賺」「啲茶使幾錢成本？」我聽咗冇四十年都三十幾年！真的！細個食早餐對面阿叔都係咁講。問題係：咁好賺你唔去開？真喎。以前就話資訊唔流通，而家我知道暴利嘅，點會冇人抄冇人搶？所以呢啲「好好賺」係迷思，你冇其他嘢嘅，兩下就抄到你收皮啦。亦所以點解啲公司要搞咁多行銷，因為貨物易抄，但品味氛圍價值冇咁易抄。
詳情就文入面講，但你不妨估下，到底佢賣一杯奶茶，入面有幾多係材料成本？（唔計員工舖租其他嘢，只講材料）。我估，一定比你想像中高好多！

你以為食水好深？我覺得唔係。拿，星巴克就真係杯嘢入面大約10%係材料錢—唔係你以為係乜？sorry破壞你童年。其實你杯咖啡，絶大多數去晒：人工—我總不能整件大媽同你Hello Ivan，租，稅，仲有賺你嗰份。「最仆街係個杯呀餐巾呀分分鐘貴過啲咖啡豆，下次記住拎多幾張返公司炆屎」

講遠咗，星巴克入面，10%係材料錢？咁奈雪呢？梗係唔止。但你可以估下幾多。

咁即係買唔買得過？咁就睇文咯。但你睇估值大約知。我當星巴克，1330億市值（美金啦），265億生意，36億純利。或者想睇大陸嘅，海底撈，2000億市值（港紙），290億收入，23億利潤（人仔）。

咁奈雪呢？咪話上限340億市值。你仲要預佢升喎！計下數咯。一年幾錢生意？文入面話你知（其實招股書都有），或者用心算。500間舖。然後頭先咪叫你估下每間每日做幾多生意咯。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

（＊）OK，估都估到佢間嘢唔係在原宿，原宿只有龍蝦包同學生妹。呢句去原宿開間sushi bar係歌詞，小野二郎梗係開銀座，去銀座你就知自己窮。真係的，我在大阪福岡甚至京都食米芝蓮兩星都仲覺得唔貴 — 去銀座就知自己窮，都係去返嘉湖銀座算。

［今日寫呢啲］週末忙，冇出文，但今星期會回復正常。另外，仲係有錄音版同埋影片版的，唔鍾意睇字可以睇片，或者只係聽聲。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

香港放假，美股都靜靜地，道指都有啲跌幅，但科技股幾強，有啲奇怪，可能同債息一路低迷有啲關係。

但今個星期最重要嘅，一定係呢兩日聯儲局議息。當然唔會加息，但大家都睇局方對通脹係咩取態，係咪仲係好老定，認為只係暫時？（暫時市場係收貨嘅，你見債息直頭反跌）。另外，每年聯儲局議息8次，當中每季有一次係有埋啲經濟數據預測，今次就係其中一次。Patreon文話你知要睇乜

呢啲嘢都係可以震散股市嘅，當然唔係叫你沽貨，但如果忽然急跌，都唔好唔知乜事。

LVMH就又創新高，愛馬士都係。4月中講的，仲貼埋出嚟，買埋，冇跟就你走寶。LVMH都2個月升12%，愛馬士更加差不多20%。升乜？奢侈品股？我估未必，根本今年歐洲股市都強。但你往年有冇見人講？點解咁強，又係文中講。不過寫完文先見ASML一樣又創新高（又係歐洲公司），仲有Nvidia．係喎，我唔識Tech呀可，但我識買就得啦，挑。

另外，Adobe（PDF同PhotoShop嗰間）創新高，好可能係炒併購概念，呢排先急升。往年都講過，而我估賣盤嘅機會都大，Patreon話你知點解。

每日一圖嘅，夠晒豐富，整夠4張。頭兩張都係講meme股，如何發掘下一隻美國連登股？首先當然係睇沽空比率，入面列咗邊啲公司沽空比率最高。但當然唔止睇呢樣咁簡單啦，文中有講

另外兩張都講通脹，第一張話你知用數據睇，似乎商品價格，同通脹係冇乜相關性嘅。呢個絶對違反你常識吧。但，諗真啲，你買杯星巴克，入面有幾多係咖啡豆嘅價？係咪佔得最多係租，人工，同埋佢賺你嗰份？

第二張，見到通脹當然係古已有之。但，在美國，有兩個位係忽然加速嘅。第一個係1913年，咁我題目都提咗啦，你估到，係美國聯儲局成立。另一個係1971年，估下發生咩事（其實好易估）

Good Read亦都比較4篇你，第一篇講，有人話ESG會搞到超級通脹（我唔同意的）。佢嘅理據係ESG封殺咗頁岩氣革命，所以油價會升，而史上每次supply shock都見到通脹大升喎。但我不同意，原因？其實樓上都講咗

第二篇，講學術論文。有啲結果係可以複製嘅，即係你可以做多次，好多自然科學嘅實驗都係咁。但有啲係結果不能被複製嘅，你唔可以做多次，部份社會科學嘅實驗會係咁。咁你見到當然係前者比較「高質」。但結果呢，係不能複製結果嗰啲論文，明顯被引用得較多嘅。你可以估下點解

第三篇，SnapChat，唔同人嘅睇法分野好大，花生友以為已經冇人用，但唔少用家依然搵到大錢，而投資者仲係幾樂觀，股價表現好，成1000億美金市值。到底咩回事？

最後一篇，幫Google 同Amazon打工嘅分別，由一位兩間公司都做過嘅員工現現身說法（當然唔係執倉嗰個）。唔少嘢都同你想像中一樣，例如Google自由啲，闊綽啲。但偏偏作者離開兩間公司去創業，就鍾意請Amazon嘅人，文中有解點解。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

謝謝NESCAFÉ®送來的NESCAFÉ®Dolce Gusto®膠囊咖啡機☕️紅黑色好型格❤️
.
雀巢®旗下的Starbucks®At home系列推出春日限定🌸櫻花草莓牛奶咖啡咖啡膠囊🍓採用100%優質阿拉比卡咖啡豆製成，粉紅色既漸層超夢幻啊💕估唔到係屋企都咁易沖到Cafe既水準呢🤩飲落有淡淡士多啤梨味同櫻花香🥰
.
留意返雀巢在2018年收購星巴克門市以外的全球市場零售及分銷星巴克品牌包裝產品，所以此產品與某放棄香港年輕人品牌無關！
.
.
.
📍雀巢® @nescafehk
🚏百佳超級市場、屈臣氏、一田YATA、AEON、APITA、UNY、HKTVmall、其他指定零售商及雀巢香港eShop
💰$69.5/box
.
#櫻花草莓牛奶咖啡 #Cherryblossomstrawberrylatte #Latte #starbucksbynescafedolcegusto #nescafedolcegusto @whynotasia

在櫻花名所目黑川開張的全球第五間「星巴克臻選」，由隈研吾操刀設計，外型和內部裝飾都非常吸睛。咖啡迷去東京旅遊，絕對不能錯過這間冠冕堂皇的「星巴克臻選」。櫻花季更可以坐在三樓，一邊嘆咖啡，一邊欣賞目黑川開滿櫻花的美景。
——————————————————————————————
好玩 gadgets 情報／開箱評測：https://hk01.app.link/hth9wwJmTQ
最新遊戲資訊／攻略：https://hk01.app.link/oOWSyaOmTQ
Facebook：01宅民黨 (https://www.facebook.com/01OtakuParty)

Starbucks星巴克可以算是大多數人最喜歡喝的咖啡! 之前就有收到一則觀眾留言, 是叫我用星巴克咖啡來煮飯! 感覺上這是蠻好玩的, 所以我就用星巴克咖啡來煮飯結果發現太苦! 在不想浪費飯的情況下決定把星巴克飯炒來吃! 究竟星巴克咖啡做成飯是怎樣的一種味道呢?

推薦視頻: 農曆7月扮演紅衣女鬼嚇好友! 毛骨悚然的事情發生?!【辦公室互整】
https://www.youtube.com/watch?v=mGQ0Y0klH9s

推薦視頻: 吐槽! 美國名牌哈根達斯VS 馬來西亞冰淇淋?! 哪一個更好吃?
https://www.youtube.com/watch?v=6FSj8csuW5g

推薦視頻: 鬼電話嚇好友! 在辦公室接到恐怖電話你會怎麼做?【辦公室互整】
https://www.youtube.com/watch?v=tjzj4r3Ro5g

RocketMan合作頻道:
https://www.youtube.com/channel/UChQkuy-NgEzquwYN7Sj5bVA

♥訂閱-追蹤Jerry的頻道! 感恩~
►Youtube ♥ 訂閱我 ♥
https://www.youtube.com/channel/UCazR... 【JerryOppa 傑里歐爸】
► Twitter ♥追蹤我♥ https://twitter.com/JerryOppatv/ 【JerryOppa TV】
► 商務合作 e-mail：donandjerry521@gmail.com ♥

您可以直接使用这首歌曲并通过您的视频获利，不过必须在视频说明中添加下列内容：
根据“Creative Commons Attribution”许可 (https://creativecommons.org/licenses/...) 使用Kevin MacLeod创作的歌曲“Danse Macabre”
来源：https://incompetech.com/music/royalty-free/index.html?collection=005
艺术家：http://incompetech.com/

#星巴克 #黑暗料理 #starbucks

星巴克家樂坊新店今日正式開張，這間新店獨有Reserve Bar，咖啡師會用虹吸、手沖和意大利頂級品牌Black Eagle的特濃咖啡機，來沖調分別來自越南、坦桑尼亞、哥斯達黎加和巴拿馬的頂級咖啡豆，為客人提供精品咖啡享受。昨日，我們搶先邀請了咖啡迷范耀文Alex，做該店的首位顧客，具有咖啡品質鑑定師資格（Q grader）證書的他，以專業的角度品評一下新店的好與壞。

=========
全新副刊，推動知識文化多元。培養品味，立足香港放眼世界。不畏高牆，我們站在雞蛋一方。
《果籽》 栽種品味，一籽了然。 https://hk.appledaily.com/realtime/lifestyle/