賴：澳洲嘅 ANZ (澳新銀行) 年前無聲無色打入香港市場，如今將亞洲 (包括新加坡、香港等地) 嘅零售銀行及財富管理業務賣畀星展 (DBS) 。

呢個擴張失敗嘅故事，除咗說明亞洲條水喉大唔等如人人可以食到，大洋洲同亞洲之間嘅 "synergy" 始終係有限數之外，都係一個市場定位嘅問題。

起碼我望住佢喺中環開分行但唔知有咩賣點，喺海港城擺 booth sell 人開戶口又唔知定位，都真係唔係好知佢哋想點。不過新聞話而家新任掌舵人推翻上任擴展到亞洲嘅決定，而家 unwind 咪皆大歡喜。

星展之前食唔到 Barclays 喺亞洲嘅財富管理及投資銀行業務 (輸咗畀華僑，陰公) ，而家食返 ANZ 補數，一百三十萬客當中有十萬係 high net worth 客，呢個先係 DBS 著眼點嘛。