【龔成問答信箱】（Q21521-Q21540）

Q21521：

老師,我受持1826（已停牌）。請問以下是甚麼意思? 我應答應嗎? 我$2.2買的

『中國銀河國際證券（香港）有限公司代表要約人提出有關收購旭通控股有限公司（股份代號：1826）全部已發行股份

（要約人及其一致行動人士已擁有或同意將予收購者除外）的強制性無條件現金要約，每股 0.158港元』

謝謝老師

龔成老師︰

這個要約，代表有機構想收購你手上旭通控股(1826)股票，作價為每股HKD0.158。

至於答應與否，我地要從資產角度考慮。如果企業係有質素，長線有升值潛力。你接受要約，就等同放棄優質資產，換回只會貶值的現金，係不值。

所以，你要先了解企業本質，去再決定。

旭通控股(1826)主要在香港從事提供金融相關信息及技術服務；新發展工程之承包服務等。

集團在2021年3月31日表示，因核數師對其2020年度的綜合財務報表發出不發表意見，故暫時停止買賣。

在為投資者，而一刻係無野可以做。而一刻未知背後原因，所以好難話會唔會可以復牌，只能說機會係有。

但睇翻本身質素，唔算係好高，而且公司規模好細。過往股票都十分波動，這類股票最多只宜好小注。

此股唔係完全無價值，但不算高，加上有一定風險。暫時睇，接受要約會係較好選擇。

------------------------------------------------

Q21522：

另外想問老師，新年前科技股大升好勢時，十年投資回本了，也有少少賺，但現在科技股回調，又倒蝕番，所以之前有少少唔開心，後來再聽老師FB，再想想自己組合內的股都不是有問題的公司，所以會繼續持有

但想進行一些調倉，之前買了京東健康及微盟，近排跌了不少，想溝少少（占倉不大）所以想放1手美團（共有3手），唔知咁樣操作如何？

龔成老師：

第一，平常心對股價，股價上上落落好正常，你唔好太著重，最重要是企業長遠的發展與價值。提高你的心理質素。

第二，我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你要睇翻自己的持倉比例，是否，以及應該加多少新經濟股類別。

京東健康（6618）及微盟（2013）都有潛力的，但現價只是合理區頂至略貴，如果你這類股比例唔多，可買入，但不要買入得太急，要慢慢分注。

至於美團（3690）如果你持貨較多，可減。

記住，整個方向不是睇你的買入價、賺蝕。而是「優質度」「比例」。

------------------------------------------------

Q21523：

你好，我係最近先開始睇你fb，睇完想重新審視自己既股票，下面係我現在持有既股票：

- 港鐵500股@$43.15
- 匯豐400股@$75
- 電能1000股@$40.3

- 建行15000股@$6.6
- 煤氣4100股@$12.89
- 西部水泥40000股@$1.3

現在29歲，想請教下呢個組合會唔會太保守？有幾隻仲放咗幾年都仲蝕緊錢，覺得總會升番上去/蝕就收住息先，呢個心態係咪唔岩？

另外，見你話同隻股唔好佔太重比例，應該點計個比例（用錢/用股）？Thanks

龔成老師︰

首先，你見蝕，就收住息先，等佢上升翻。這個想法，是不正確的。

我地是否持有一隻股票，應該睇佢長線質素。所以，佢股價有明顯下調時，你就要睇翻佢山現調整的原因，唔好主觀咁「估」佢會升翻上去。

如果唔關佢本身質素事，純粹係中短期價格波動，我地就唔洗理。相反，我地發現係因為佢長線質素轉差，係而個時候，就算蝕多少，我地都要減持，甚至完全沽出所有持貨。

投資增值時，我地係會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你現時只係29歲，應先以增值為主。但你現時組合中，以收息股居多(0005、0006、0939、2233)。這些股票不是無質素，只係佢地增長力好弱，主要係收下息。

現時你持有太多，會拖低左成個組合的增長力。建議你慢慢分段沽出部份，換碼至以下有增長力的股票。

你將來可以用「平穏增長股」 + 「潛力股」作目標，去創建你的組合。

由於你投資知識不高，因此可較集中在平穩增長類股，至於潛力股，只宜小小注(約3成)。最好是你先提高投資知識，等你有一定知識，先慢慢增加翻潛力股比例(約5成)。

至於，我所講個別股票唔好佔過多。其實是指任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你長線要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於3成，而單一企業不要高過15%。

我地計算時，係用佢價值，即係你"股價 x 持有股數"。

但盈富(2800)就不受此限，因為它是一個包含55間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

------------------------------------------------

Q21524：

龔SIR, 你好, follow你facebook有兩年了, 我好認同你的投資方法。

所以平時除左睇你facebook外, 亦買左《選股勝經》、《50值博倍升股》、《5年買樓4步曲》增加自己投資知識。

我和老公打算置業，過去幾個月先後到香港仔/田灣、大圍、荃灣睇過樓，睇左超過20個介乎400-450萬的單位，發現如下：

1. 如想買300呎左右的單位，樓齡通常較高，介乎38-42年左右；
2. 如想買20-30年樓齡，單位通常較細，得230-260呎；
3. 如想買300多呎+20幾年樓齡，地點就偏遠，在屯門。

我們感到矛盾，不知如何選擇，究竟買樓時要看樓齡定呎數，我已經睇左《5年買樓4步曲》，但都決定不了，所以想請教下老師，謝謝！

龔成老師︰

你現時發現這個現象，係正常。

在同一價錢下，想大點，樓齡自然會較高，否則只能找較細單位。要尺寸和樓齡都較理想，地理位置多數係較偏遠。

至於選擇邊間，先要睇翻你置業原因。若果係為投資，(2)的尺寸太細，不達至基本家庭生活所需，所以投資價值會較弱。而(1)和(3)都可以考慮。

若你目的係為自住，就真係要睇翻你自己本身生活需要。例如你長線會生小朋友，(2)就未必太適合。如果2位都係香港島返工，(3)就唔係咁理想。

所以，作為自住屋，那一個會較合適，只有你們才會最清楚。但記住，唔好單係考慮現在，要諗長少少，未來5-10年對你們是否都係適合。

最後，我地是否購入這間自住屋，除了睇佢適唔適合你需要外。緊記堅守「供得起」這個大原則，咁就可以。

------------------------------------------------

Q21525：

龔老師，我無投資經驗。

有3.5m cash / 有層8.5m 既樓

兩公婆月入 10萬，每月洗費一共6萬左右，其餘都係草起。

兩人大約30歲，想愈早退休愈好。只係草，無投資，驚輸晒。

你有冇小小建議點出發 開始錢搵錢？

龔成老師︰

其實你只儲錢，不做投資增值，本身已經係輸左。因為現金只會一直貶值，令你這筆現金的購買力一直減少緊。

所以，你長線一定要建立一個財富增值組合，令財富保值之餘，都有一定提升。

我地進行財富增值，其實就係將一直貶值架"現金"，轉換成"優質資產"的一個過程，佢可以係股票、物業、一盤生意等等。

由於你已經有一間物業，為免令組合過份集中係物業類，造成風險。你350萬現金，我地應用優質股，去創造一個增值平台。

以你大約30歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

你現時投資知識不高，可先集中在平穩增長類股，至於潛力股，只宜小小注(不多於3成)。此期間，你最好是努力提高投資知識，才慢慢增加翻潛力股比例(約5成)。

但你要留意，潛力股有增長潛力，但股價波動性都唔細。如果你想再保守D，可以先全數投資「平穩增值股」都可以。你自己因應個人風險承受能力，去修正係無問題。

現時你的350萬就先動用30-50萬，餘下的現就等你累積一定經驗，才動用入市。如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q21526：

阿sir我59歲,以下是本人的投資，請给意見。
700,100股，已收回成本。

388, 200股$196.6
9988, 200股224
1810, 1800股$19.6
3067, 500股$20.25
2382, 100股$196.8
2800, 1000股$27.03

5, 800股$58.9
939, 4000股$6.165
3988, 9000股$3.225
884, 2000股$6.1
1313 ,2000股$8.72

有部分16年持貨至今，現想將5号和3988沽出，換入中银香港，請給意見

是否太多，太散，發覺散户十大犯錯之一，神聖價位，自己就犯咗啦！時常睇住當年7OO，388，$19幾入，就當這是神聖價，要見番才入，於是將資金入其他，越買越多，其實心想入5至6隻，又不知如何選擇，好股可奇多，怎買得哂，請阿sir指点

龔成老師：

你59歲，以這年齡來說，潛力股不應太多，除非你本身是較能承受風險的人。否則，你可能要調整翻，起碼都唔好再加注在潛力股。

只一方面，銀行股比例太多，你這年齡，的確可以有一定比例的收息股，但就不能只集中在銀行股。建議你慢慢減持翻銀行股，同時，可以加入其他收息股，例如港燈（2638）、深高速（0548）、香港電訊（6823）、置富（0778）、陽光（0435）、高息基金（3110）都可以。

其實你持有的股票，基本上都是有質素的，因此，本身選股的問題不大，只是配置上的問題。

------------------------------------------------

Q21527：

阿sir,現有問題想你幫助。兒子現年26歲，有一份穩定工作’在員工合作社，每月供15000元，利息三厘。以前跟同事買牛熊証，有小小收穫。

但沒時間跟，我勸他不要投機，他也聽我說話。
然後他於$295，買了一手9988。＄52買滙豐二手。点知又不派息。

最近入了小米5手＠27.5,中移動1手@55，亞厘爸爸1手@225,全部下跌。

最近他很灰心,懷疑自己不適合買股票,問我怎辦？
他可以每月剩1萬元,員工合作社剩5仟元，有甚麽投資組合建議？多謝解答！

龔成老師：

第一，唔建議佢再投資衍生工具，發行商食水好深，唔好再做水魚。

第二，不要用短期股價去衡量投資成績，要用長期的企業價值分析。

第三，佢要懂得建立一個平衡的財富組合。要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

佢持有的股票，並不是無質素的，不過以佢的年齡，收息股就不用太多。另外，佢部分股的買入價略貴，令佢買入後股價下跌，其實本質無問題。

建議佢從「設計長遠的投資組合」著手，而不是著重這刻的股價。

------------------------------------------------

Q21528：

老師，2018，3319，590，3918呢幾隻股票，值博率同合理區邊隻會最好？

龔成老師︰

現時4隻股票，都算在合理區。但當中六福集團（0590）算係合理區中間。

另外，要留意瑞聲科技（2018）本身已有一定的規模與技術，長遠發展正面。不過，佢增長力不是好強，你預佢只係平穩增長類別。

金界控股（3918）畢竟是在新興市場，不確定性較大，在注碼上不能投資得過多。

雅生活服務（3319）不錯的，佢無論在業務本質、規模、品牌、財務數據、前景，都是理想的，反映這企業有一定的質素。

加上這企業的背景因素，以及行業的發展，相信這企業的前景不差，有長線投資的價值。

整體是有長線投資價值的。現價合理區中上部，不過股價都會有時出現波動，投資宜分注進行。

如果你能承受風險及控制注碼，金界值博率會較高，另外，雅生活服務都有投資值博率。

------------------------------------------------

Q21529：

我有點問題想問︰

1. 如果想去評估一啲未有盈利，但有前境嘅新經濟股， 係咪要進階課程先有?

2. 如果想評估一啲企業上市未夠5年 ， 但係有盈利 ，例如小米，( 我睇你書講話要睇五年)，

咁如果呢啲公司未有五年報表， 基礎課程幫唔幫助到去評估?

龔成老師︰

【基礎班】對象是初中階的投資者，5個選股方法、捕捉時機、投資策略、計平貴，會教3種企業估值方法、年報分析、3大財務報表，都有一定的內容，同時會派一份6頁紙的「企業評估表」給學員

【進階班】18種企業價值計算方法，年報全面分析，10倍股選股，研究企業，研究名財務報表，財務比率應用與分析。

進階班可以話係基礎班的延伸。

1) 你讀完基礎班，會有一定企業分析能力。但要分析不同行業、不同性質的股票，進階班會有較全面的教授。

其實一些未有盈利的企業，用一般估值方法，都會較難得出一個穏當的答案。

因為，佢主要投資價值，都係來自「未來」，是一個未知之數。

但唔代表我地無野可以做，我地可以透過深入了解，佢現時財務結構、行業狀況等，去估算佢將來成事機會。

或者係成事前，集團有無能力，一直維持正常營運。例如有無足夠資金支持研發、市場推廣等工作。這些因素，我地都可以在分析財報中找到答案。

令我地係「估」算將來發展的同時，有較「踏實」的理據，在背後支持這個答案。

這些財報相關知識，進階班會有較詳細教授。對分析這類股票，較有幫助。

2) 這類上市不足5年、但有盈利的企業。你都可以用基礎課程的方法，去做個估值。但由於數據較少，我地就要相對保守。

投資時，都不能大注，以平衡不確定性的風險。

------------------------------------------------

Q21530：

A) 成哥，想請教下啟德住宅投資價值

1.近九龍東商業區核心區
2.沙中綫過海後可以係紅磡轉車
3.附近土地供應唔多
4.配套暫時未完善
5.夜晚行過都屬於靜中帶旺

B) 另外想問下沙田一城仲有無投資價值
1. 自成一國大型屋苑，生活配套設施齊全
2. 附近土地供應唔多
3.出九龍東核心商業區近
4.靜中帶旺

C) 如果我買樓用作投資，大約600-700萬左右。
灣仔
黃竹坑
大圍
沙田一城
啟德

D) 唔好意思，仲有一個問題。因為無人名既關係，所以我要比多15% stamp duty .咁仲值唔值得？

龔成老師︰

A) 你都講到大部份重點，其實政府未來會將九龍東發展成第二個核心的商業區，當中包括了啟德及周邊地區。

當未來更多政府或私營機構搬入東九，交通和生活配套日漸完善，都會對附近住宅需求，產生正面影響。

啟德絕對有一定投資潛力，係可以考慮。

B) 其實九龍東發展，除了啟德外，只相隔數個港鐵站的沙田區，都會有正面影響。

而且佢作為地理位置有優勢，沙田區是新界東與市區的連接位，在整個香港的地圖上，可以算是一個中心。

第一城作為大型屋苑，整體配套算完善。附近又有港鐵第一城站，交通便利度算唔錯。

故第一城都有投資價值，但潛力度，無啟德咁高。

C) 從地區上計，啟德升值潛力會較高。其次會係黃竹坑、大圍。

D) 現時香港樓市算係合理區頂，值博率本身已經唔好高。再加上有15%印花稅，令到回報再打折扣。

所以，而一刻我地唔需要急住去投資物業。你有資金，可考慮先用優質股增值，值博率會較高。

------------------------------------------------

Q21531：

老師你好！我今年將踏入27，我打算重組我個組合，然後長期持有。目標想年回報有15%up！可唔可以比少少意見。

3 （未持有）
66（未持有）
270（未持有）
788（～74.5%）
968（未持有）

1177（～4%）
1810（～4.5%）
1448（～4%）
3918（～5.5%）
9988（～7%）

1.之前入得太多788！打算賣出大部份轉至其他股票。如果這10隻股各佔10%成為我的組合，潛力是否足夠？

我想做到潛力股：平穩增長（7:3 到6:4間）

2. 我想賣出部份788後先入少量未持有既股票，然後留住2-3成現金加每月存錢等股價有機會下調再分段入，請問題這計劃可行嗎？

龔成老師︰

1) 個別股票，就算再優質都好，不要超過組合15%，否則會出現過度集中的風險。

所以，你要將中國鐵塔(0788)部份沽出，慢慢換碼至其他優質股。

你上述股票都有質素，每隻10%都無問題。

如果你想做到年增長15%，可以用這些股票，再配以你7:3或6:4比例。但你要明白，潛力股增長力雖高，但波動性同樣都大，你要明白這風險。

若你投資經驗較淺，我就唔建議你潛力股佔咁高比重。你可以先佔約3成，到你慢慢累積到一定投資經驗，才慢慢加大潛力股部份，會較為穏當。

2) 現時大市在合理區，現金和股票比例，最好係各一半。

你用賣出部份中國鐵塔(0788)的資金，為未持有的股票先入首注，係無問題。將來到股價有明顯回調，才慢慢加大入貨力度，就可以。

------------------------------------------------

Q21532：

龔成老師，

1. 想問下阿里爸爸既質素如何？尼排佢好多壞消息，但我認為佢基本面不差，我打算每月都儲d阿里爸爸，請問現價算貴嗎？

2. 另外，我想問多個問題，之前睇左你個金錢騙post，唸起最近aia的每月派息計劃，息率有8厘。我睇過資料，係買以下基金：

安聯動力亞洲高收益債券基金

https://hk.allianzgi.com/documents/hk-allianz-dynamic-asian-high-yield-bond-amg-factsheet-tc

入面既成份主要係買BB級或以上的債券，尼類投資既風險大嗎？因為基金吸引之處是每月派息，可以做到現金流，

但佢能派到8厘另我覺得可能有些風險冇留意到，所以想請教一下

感謝老師一直以來的回覆，不趕的，你安排好時間就回覆，而且是可以公開的。

龔成老師︰

1) 阿里巴巴（9988）有質素，有增長力，之前貴，現價去翻合理區。

係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但現價未算特別平的股票，小注分注投資，或月供，是較好的方法，算是平衡了風險與增長的考慮。

這股可以長線投資的。預佢現價約合理區中上部。你月供的話，現價開始係可以。

2) 債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。

第一，有些基券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。

初步睇你隻基金，主要投資在內地房地產類的B至BB級債券。不論行業和評級而言，都係有一定風險。

佢派息雖然有8%，好似係唔錯，但你要明白一定風險存在。而且，你要了解翻，到底8%是否保證。

我不是說這債券基金有問題，只是說明當中的風險。而投資與否，就要你自己因應個人風險承受能力，去作出衡量。

------------------------------------------------

Q21533：

你好老師，我想問永利澳門(1128)和澳博控股(0880)，是不是長線持有，沒有問題？

因為已買了一段時間，可能當年都升高位買的，所以一直都升不回去，而且無股息。

但我看Facebook 老師有說過這兩隻都是有潛力的股，所以不知該不該賣出。

另外，找了幾間書店，才找到這本50優質潛力股。

龔成老師︰

永利澳門（1128）和澳博控股（0880）品牌及資產質素都不差，雖然中短期未必好強，但長遠仍是正面。

但你預佢地，唔會係高增長類，只會較平穏發展。

你現貨照長線持有，沒有問題的。

50優質潛力股在三聯、商務、誠品都有得賣，但有時會斷貨。所以，下次你見唔到想買我架書，可以問下職員（又或向職員訂都可以）。

------------------------------------------------

Q21534：

龔sir你好呀，有野想請教你。我朋友今年26歲， 佢做網上生意的 月入唔太穩定，但平均約有3萬多。由於佢份人好慳的，一個月佢大約可儲27-8k左右。

佢手頭大約有110萬cash，佢想請教你應該點配置好，佢想有最好既財富增長效果，應該買樓好(佢想買500萬樓下的樓)，定還是用來買股票比較好?

佢同我講 呢幾年買樓既人好好賺，一層樓平均持貨3-5年轉手賣出可賺百萬，但又驚黎緊幾年樓價會跌，因為受政治局勢等因素影響。

想問你點睇 如果佢將手上的錢用哂黎買樓，但咁樣做的話，之後每個月佢既錢都會所剩冇幾，因為拎左大部分錢黎供樓，未必有錢再投資股票。

唔該哂呀sir呀~!!

龔成老師︰

我地投資股票好、樓市好，都唔好用「估走勢」來做策略。我地應該用翻個資產本身的平貴度，去作為入市指標。

現時香港樓市，大致在合理區頂位。相比優質股的值博率，相對較低。從投資角度，我地應用優質股去增值較好。

除非你找到一個價廉物美的旬盤，否則先投資優質股，會對你較有利。

以26歲這個年齡，是財富增值的黃金時期，要好好把握，盡你一切的力量去儲蓄、投資、學投資知識。

由於你朋友收入不穏定，最好先預留一筆生意上營運資金，加半年生活開支，才開始投資計劃會較好。

你朋友可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

平穩增長股：潛力股
7：3
（如果你朋友投資實力較強，可增加潛力股比例）

你朋友可先用每月5成儲蓄做月供，其餘先儲起，用一邊月供一邊儲蓄的策略。

平穩增長股：考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股：安碩恆生科技ETF（3067）

另外再加：阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市只是合理區，現有資金可以先投入約一半，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

若此期間，樓市有較大回調，或者有入市好機會，佢都可以動用這筆儲下來的資金。

另外，如果佢長遠有自住需要，就可以考慮投資物業，否則如果純投資角度，你朋友照我上述所講的方向進行就得。

緊記，我地做財富增值，係講緊成個配置。長遠你唔可以只有股票，到你用股票累積到一定金額。

你都要去找機會投資樓市，令成個組合唔會偏重左係個別資產類。

------------------------------------------------

Q21535：

龔成老師，請問你預計以下20年的月供計劃可滾存到甚麼金額？謝謝！

12,66,388,700,823,1177,1211,1810,3690,9988每隻各$2000，共$20000

龔成老師︰

我假設投資回報有10%（連股息再投資），你每月投資$20000，20年後大約會增值至1350萬。

但當然這只是個預算，到時實際多少，要睇到時市況而定。

你現時組合，有7成都係潛力股。若你係好年輕，本身都有一定投資經驗，而且都能承受較高風險，這組合係可以。

但如果你想風險無咁高，可以換入一些平穏增長股部份，令組合波動性減少。

平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

另外，比亞迪(1211)現價偏貴，月供等佢回到$150才開始，會較好。

或者可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

現時大市只在合理區，每月資金唔好盡用。最好留有部份，等大跌市出現時，可以用來掃貨。

最後，你要留意這個組合，唔可以長時間都維持7成係潛力股。因為佢始終有一定波動性風險，當你越年長，比例就要相應減少。

若你現在好年青，可以用你7成，並慢慢減少。到40歲要減至4成、到50歲應該只餘下2成、將近退休應該為0%。

------------------------------------------------

Q21536：

Hi老師。我有努力，同時都有無力感，唔知係咪方向錯，所以努力既回報好低效。

同埋我都幾介意，我屋企人成日係度比較，點解大學生出黎都搵甘少錢。

我個科要考professional qualification 先會人工高，我有放工就去自修室溫書，但一返到屋企聽到啊邊個子女搵5 6 萬，幾勁。

唔明，我既人工點解低過中學生，唔明讀書有咩用。

我係fresh grad後做左2年幾，因為公司上年凍薪，所以我人工唔高。我有少少衝動，有幾秒搵過一份更高既人工。

但唔會咁做，同埋佢地係重視錢。所以連我既男朋友都唔滿意，有俾說話我聽。

錢唔代表一切，我深知人工高，我屋企人先會俾番應有既respect。

龔成老師︰

我明白你點解會有這樣感受，因為你在正為默默付出，為將來打併，但身邊的人郤看不到。

其實，我地係股票、物業、以至投資在工作，我都睇的視野，一定係長線。

你現時人工可能較少，但如果這工作經驗，再加上你將來的professional qualification，會令你收入大幅提高的話，這個投資係絕對值得。

你現時所選修的行業，點去發展才最好，相信只有你才會最清楚。

我見你其實已有想法，而且已經進行中。只要你相信這條路，長線發展係會唔錯，你就唔應該太在意今天人工較少過個問題。

至於家人和男朋友，我覺得可以再理性溝通，或許他對你職業生涯規劃，未太了解，才會出現這個情況。

記住，我地係唔需要同別人做比較。每個人性格、目標、能力、背景都大不同。只要找到自己最想行的路，咁就可以。

------------------------------------------------

Q21537：

龔sir ,另外現時我想買樓，之前睇你著作（5年買樓4部曲）,有一點唔係好sure

因為我現時持有資金，夠2成首期，但我諗緊到底借按揭8成定9成，始終如果用曬2成做首期，手頭資金就會好緊拙。

諗緊好唔好按9成，但將餘下資金做投資or擺mortgage link...

我份工係穩定的，供樓沒問題

龔成老師：

如果你手上資金太緊，我建議用8成半或9成，因為你手上完全無現金，是危險，以及在理財上不是好事，反而有少少現金作防守，是必要的。

不過，高成數按，如9成，的按保費會較高，所以你可在8成半，或9成，之間選擇，如果想留多少少資金，就9成，寧願比多少少保費，留一定的防守力比自己。

餘下資金就mortgage link，唔好比自己無晒現金。至於投資，就要利用之後的儲蓄進行。

------------------------------------------------

Q21538：

龔成老師，我決定下月開始月供股票。想你給我以下組合意見。

安碩3067: ＄2000
盈富2628: ＄1000
小米1810: ＄1000
阿里9988: ＄1000
舜宇2382: ＄1000
港交所388: ＄1000
比亞迪1211: ＄1000

原本想包括騰訊，但好像＄1000只買得1.5股，好少。

另外有一問題，有沒有書籍或途徑可以令我了解市場資訊，而知道對往後股市或個別股票有什麼影響？

例如：美元或債息升／跌？加大QE？美國加息？加減中國存款準備金？

央行放水？油價？公司回購？配售等等
會影響市場什麼？什麼類型股票受影響？

你不用逐一解釋，我想知有什麼途徑自學了解，因為我不了解市場動向，亂入市好危險，麻煩你解答，謝謝！

龔成老師：

上述的組合，可以，這些都是有質素的股票，長期月供適合的。

不過要留意，當中不是都是潛力股類別，你要注意翻相關風險（並不是不可，只要明白在這情況就得）。

至於市場資訊，其實你每天保持睇電視的財經新聞已得，我已睇了20年，因為較為重點，比你自己睇網站更好。這個學習過程是長期的。

當然，個別名詞的意義，你就自己行上網尋找。

另外，建議你要有知識的基礎，《股票勝經》這書適合你的。

------------------------------------------------

Q21539：

你好阿sir, 留意左你個page好耐，亦有跟你平時嘅教導投資，月供股票同埋低位吸納一啲優質股（阿里巴巴$190買入）長遠投資。

最近見到 比亞迪 同美團 跌到巴巴聲，本身有月供比亞迪，唔知而家係咪好時機直接購入一啲貨，兩隻股票點解會跌成咁嘅？

我睇左好多新聞都唔係好明，求指教，另外阿里巴巴我覺得$240樓下都叫合理價位可以增持，你點睇？

謝謝！

龔成老師︰

其實佢地下跌的原因，第一，市場之前預期得太好，現時出來的業績與業務合理翻，股價就會回歸理性，第二，之前貴，因為之前新經濟股熱炒，而市場情緒正常翻，股價就會回落。第三，一些監管問題，近期中央對科網企業的監管增加，影響了這些企業，所以股價自然下跌。

簡單來說，企業長遠質素無變，只是之前市場預期得太好，現時理性翻。

上述都是有質素的股，你可以持有，只要不過多就得，但就要留意股價會較為波動。

比亞迪（1211）2021年首季收入，相較2020年首季增長逾1倍，接近410億元人民幣。

收入增長幅度雖然強勁，但要留意2020年首季，全球經濟活動，正受肺炎疫情嚴重影響，令集團收入大幅下滑。

因此，今季收入出現較大幅度增長，很大程度是由於2020年首季收入的基數較少所致。

其實整個2021年首季業績，大致上算合理。

緊記，我地分析時，最重要是長遠的企業發展。

集團在新能車發展上，賺錢能力依然維持強勢，未來當技術、市場規模、成本控制等有利因素慢慢出現下，賺錢能力會進一步提高。

我估值上，暫時維持不變，月供最好$150才開始。現價月供風險有少少高，如果你有一定貨，最好停一停。如果真係好想供，必需控制注碼，只能好小注。

至於直接入貨，建議等回到去翻$120這個較合理水平，才作考慮。

而美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

美團這類股票，如果有利好消息，佢可以上好多，但如果估值修正，股價可太跌。

近期中央政府有不少新監管政策出台，令不少大型企業，包括美團的風險都高左。所以，近期股票回調，相信部份是這個原因所致。

只可以話，潛力是有的，現價唔算平，之前明顯貴，之後回翻好少少，大約合理區頂至略貴。若你想投資，一定不能大注。先小小注或者月供，會是較好的做法。

而阿里巴巴(9988)，現價算係合理區中上部。你已經有貨係手，如果你資金好充裕，現價都可以加1小注，並長線持有。

------------------------------------------------

Q21540：

龔sir你好啊！真心覺得你講嘅野好inspiring！每日上Facebook第一樣就係睇番你嘅post! 夜晚就咪你嘅書！我有幾個問題想請教你 唔好意思有啲長。

1）請問你會唔會開weekend班？平日夜晚要照顧小朋友無辦法出嚟 唔知有無機會有啲上幾日嘅星期六班呢

2）我今年38歲 我諗住用以下比率砌個portfolio 一半資金用月供形式買入其餘等跌市 你覺得呢啲股票適合嗎 會否太散亂？

平穩增值
2800 (20%)
66 (10%)
1928 (10%)
VOO (10%)

潛力
3067 (10%)
QQQ (10%)
ARKK (5%)
1801 (5%)

9698 (5%)
916 (5%)
1448 (5%)
1177 (5%)

3）因為我想分散風險 所以想將部分資金投資美股 我應該如上咁買VOO QQQ ETF 定買美股嘅基金 佢哋主要分別係咩？我睇過ETF回報好啲同手續費應該平啲

4）因為計劃3年後回流澳洲 之前滙價低時買咗啲澳紙 佔資產大約15% 我應唔應用部分澳紙，去供澳紙結算嘅基金？

龔成老師︰

1) 我間中都會開星期六班的，通常一年開1、2次，星期六下午時間。

下次可能在今年年尾。

你或者可以預早留位，只要whatsapp 55457212我同事，打「留位星期六班」就得。我地有具體資料就會 whatsapp。

2) 以你38歲計，這個組合選股都可以。數量有少少多，你要留意翻你供咁多隻，會唔會每隻分配倒的月供資金，其實唔多。

因為你每隻供款越少，變相月供費用佔比重就越大，會影響到你長線回報。

如果每隻供款額係好少(例如少於HKD1000)，最好你就供少幾隻，將佢地集中D，去調低月供成本比重。

3) 你照月供VOO和QQQ就可以。

Vanguard標普500指數ETF〈VOO〉，是追蹤標普500指數的ETF。QQQ則是追蹤納斯達克100指數，同時不錯的月供選擇。

至於美股基金，你要睇翻佢當中的投資項目，因為每隻基金都可以好唔同。

你可以衡量基金的投資策略，所投資的資產類別、投資策略、風險程度、市場、以及過往的表現(可以睇佢過往5-10年，如果回報係比主要投資市場高，有機會值得繼續投資)。

4) 我地重點都係睇翻隻基金的質素和回報，如果有投資價值，都可以考慮動用這筆澳元作投資，但就不要為投資而投資。

另外，由於你尚有3年才會用這筆資金。如果佢金額比較大，我建議你都先將部份，換成港元去投資增值，咁會較有利。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

＃泛鴻海集團股東股東購物節開跑
.
每年的5月至7月，是各家上市櫃公司召開股東會的時間，可親臨股東會了解公司營運狀況，部分公司還有發放「股東會紀念品」可以領取，算是每年參與股票投資的小確幸，雖然今年遇到史上第一次股東會延期、股利發放時間調整，但小股東該有的優惠不減反增🆙
.
像是鴻海集團的股東就有福了，除了可拿股利、賺價差外，還可以賺購物折扣優惠，若你是鴻海、鴻準、乙盛-KY、廣宇、正崴、森崴能源、永崴投控、樺漢這幾間公司的股東，只要完成股東報到，認證成為夏普 100% 轉投資的「可購樂」電商平台會員，即可領取3大好禮(可購樂VIP黑卡＋$1,680大禮包＋3張夏普7折優惠券)🈵
.
擁有可購樂VIP黑卡後，即可在可購樂平台享有終身權益，可以股東VIP優惠價格選購商品，若近期你剛好有一些家電、保養品、生活用品、防疫用品(如口罩，有星座口罩唷)等用品需要採買的話，剛好可以趁這波活動撿便宜囉😀
.
✅ 可購樂官網：https://bit.ly/3u0V0gA
✅ 股東購物一路發活動：https://bit.ly/3f63A9B
✅ 可購樂股東/企業專區：https://bit.ly/3u5BNuh
✅ 可購樂口罩專區：https://bit.ly/340Bbvp
.
剛好家裡缺一隻吹風機，就從SHARP夏普品牌旗艦館，選購了SHARP夏普-新智慧溫控吹風機(IB-JP9T-G翡翠綠)這隻吹風機，使用夏普7折優惠券，並搭配有網購回饋的信用卡來結帳，算一算也省下了不少錢唷😀
.
🉑2021股東購物一路發活動內容
✅ 股東購物一路發活動：https://bit.ly/3f1ja6c
✅ 活動期間：即日起-2021/8/31
✅ 參加對象：泛鴻海集團股東滿包含鴻海、鴻準、乙盛、廣宇、正崴、森崴、永崴投控、樺漢之股東
✅ 活動說明：股東完成以下報到程序，即可收到股東見面3好禮包含可購樂VIP黑卡＋$1,680大禮包＋3張夏普7折券，並可於會員中心「我的帳戶」查看
領取方式：點擊網頁之「前往股東報到頁」按鍵
⭕步驟 1 ：輸入「股票代號」（例如鴻海股票代號為 2317）
⭕步驟 2 ：輸入「戶號」（請參考股東開會通知書上註明之戶號）
⭕步驟 3 ：輸入 「E-mail」、 「手機號碼」
.
＃鴻海股東 ＃股東購物節 ＃可購樂 ＃可購樂VIP黑卡 #夏普商品7折優惠券 #一日股東終生股東

【長遠前景正面的舜宇】

舜宇光學科技（集團）有限公司
SUNNY OPTICAL TECHNOLOGY (GROUP) CO., LTD.

股票代號：2382
市盈率：47倍
每股盈利：$4.08
市值：$2500億
業務類別：資訊科技器材
集團主席：葉遼寧
主要股東：王文鑒（38.6%）
集團網址：http://www.sunnyoptical.com

5年業績
年度：2015／2016／2017／2018／2019
收益（億人民幣）：107／146／224／259／378
毛利（億人民幣）：17.6／26.8／48.0／49.1／77.5
盈利（億人民幣）：7.62／12.7／29.0／24.9／39.9
每股盈利（港元）：0.83／1.31／3.20／2.60／4.08
每股股息（港元）：0.25／0.32／0.79／0.65／0.81
毛利率：16.5／18.3／21.5／19.9／20.5
ROE：21.5／29.1／46.9／29.8／36.6

--企業簡介--

舜宇光學科技（舜宇）為一間中國領先的光學零件及產品生產商。主要從事設計、研發、生產及銷售光學及其相關產品。

產品包括光學零件（例如鏡片、平面產品、手機鏡頭、車載鏡頭）、光電產品（例如手機攝像模組）、光學儀器（如顯微鏡、光學測量儀器）。

--擁有一定的技術--

【圖1】--收入按最終產品應用分類

舜宇專注於需綜合運用光學、電子、軟件及機械技術的光電相關產品的應用領域：如手機、數碼相機、車載成像系統、安防監控系統、光學測量儀器及自動化工廠等。

舜宇成立于1983年，生產光學相關產品，擁有自己的研發團隊、生產線，以及分銷網絡，不少技術都處全球前列的位置。從上表可見，手機相關的業務是為這企業帶來最大收入貢獻，這亦是近年帶動業務增長的最大動力。

舜宇的客戶都是知名的一線智能手機品牌，如三星、華為、小米、聯想、OPPO、Vivo等。

隨著智能手機不斷升級，造就了舜宇的機遇，令其推出更高的技術應用，例如廣角鏡頭、大光圈、光學防抖、相位檢測自動對焦（PDAF）等，這些功能可以提高成像品質。

現時，很多新手機已配備雙攝像頭功能，這已成為市場趨勢，因為這可以產生3D及更多分析及廷伸應用，這必然帶動鏡頭的市場需求，同時要求鏡頭有更高的技術。當人工智能不斷發展，智能手機能透過鏡頭，分析到個人或環境的情況，從而分析到很多有用的資料，隨著不斷發展，這必然對鏡頭有更高的要求。

--高端是出路--

【圖2】--舜宇產品及應用

正正由於上述所講的因素，行業只會走向高端，要求的技術只會更高，低技術企業會被淘汰，餘下的就只是擁有最高技術的企業。

鏡頭規格不斷升級，是智能手機搶奪市場的不二法門，大光圈、廣角、超小型化、多攝及3D應用等高端複雜的規格，已應用於多個全球多個，以及中國智能手機品牌中。同時，愈來愈多手機以外的企業，考慮如何採用機器視覺來實現生產線的自動識別、檢測等功能，以提高效率並降低成本。

近年，舜宇成功完成了多款產品的研發，包括超大光圈（FNo.1.4）7片塑膠非球面鏡片（7P）手機鏡頭。同時，4,800萬像素手機鏡頭，3,200萬像素超小頭部手機鏡頭，以及可變光圈（7P）手機鏡頭已生產，用於3D的准直鏡頭亦已生產。

舜宇的最大收入貢獻，就是智能手機的鏡頭及相關技術，手機的發展將左右舜宇的前景。

往後，智能手機將比以前更多鏡頭，已經是大勢所趨，相信會發展到大部分手機配備3至4個鏡頭，而雙攝像頭模組能改善景深及提供手勢識別、虹膜識別及人臉識別等功能。對舜宇來說，絕對是大環境創造機遇。

--應用更廣泛--

【圖3】--舜宇產品及應用

舜宇憑光學領域的技術及經驗，積極推進半導體光學，以及微納米光學產品開發，同時亦開發出多款應用於新興領域的產品，如應用於VR/AR、生物識別、運動追蹤等領域的鏡片和鏡頭。

增強現實（AR）、虛擬實境（VR）、運動相機產品，都是近年興起，三星、HTC、SONY、Oculus等，都推出了VR產品以滿足市場需求。

然而，AR的發展預計將會加快，因為通過在網路遊戲、旅遊、傢俱及學習等方面的不同應用，未來幾年的市場需求將會增加。 AR 和 VR 的需求，將推高全球光學鏡頭出貨量。

--汽車鏡頭--

【圖4】--汽車鏡頭產品

除了上述所講的種種發展機遇外，汽車鏡頭亦是另一增長亮點，相信長遠有很大的發展空間。

智能化成為了汽車行業的發展趨勢，各種智能化操控系統不再是豪華車的配置，中端車型都已經配備。目前，高級駕駛輔助系統（ADAS）成為汽車電子市場增長最快的領域之一。

另一方面，自2016年起，美國、歐盟、日本等國家陸續將前方碰撞預警系統、車道維持系統、自動緊急制動系統、盲點偵測系統等，列為法規強制裝載。

作為ADAS系統主要用於影像捕捉、物體學人像識別、實時監控等功能的鏡頭，必增長快速。這企業是全球領先的手機鏡頭及手機攝像模組供應商，以及全球最大的車載鏡頭供應商，因此亦會從中受惠。

--財務數據不差--

智能手機在2016-2020年代的增長，比2011-2015年代增長有所減慢，但這企業的生意卻增長理想，比大環境有更好，反映舜宇的產品，有更廣泛的應用，同時憑當中的技術優勢，取得更高的市場份額。整體來說，這企業的盈利都是保持向上，只是中間有些年份出現調整，這主要由於智能手機市場出現調整期。

股本回報率處於高水平（加上派息比率不高，反映再投資回報率強），雖然波動比較大，但以平均來計，處於很理想的水平，反映企業賺錢能力強，加上這企業派息不高，再投資回報率理想。

若分析這企業的現金流量表，能見到這企業的現金流強勁，企業有相當的優質度，同時，企業持續的投資金額相當大，反映管理層認為行業仍處高增長期，一定要把握機遇發展。簡單來說，這企業有一定的質素，同時潛力仍在。

--客戶風險--

2018年，中興通訊因違反出口禁令，美國公司高通停止向中興供應核心零件，令中興無法運作。2019年，美國政府因國家安全理由，全面封殺華為，令華為大受打擊。這兩個都是舜宇的客戶，華為更是主要客戶，這企業必定存有客戶風險。

華為佔這企業收入約2成，不過佔盈利的比例相對較低，因舜宇主要向其付運鏡頭模組，當中的毛利率不算高。若華為產量減少，舜宇的收入及盈利都會因此受影響。

表面上對這企業有很大風險，但大家細心分析，當中的風險度只存於中短期。

中短期來說，這些客戶的不利情況，一定會對舜宇的收入與盈利有所影響，但長期計，可能對這企業影響不大。

假設失去華為訂單，那麼，其他手機品牌就會搶去華為的市場，只要舜宇的技術走在行業前列，其他手機品牌都會找舜宇生產手機鏡頭，令舜宇的生意不會有太影響。因此，客戶風險並不是關鍵，舜宇的技術、產品才是最重要的因素。

--等待5G帶領市場回勇--

智能手機在初推出的幾年，處於一個超高速的增長期，同時消費者很樂意不停更換新款智能手機，但到了2014年、2015年開始，智能手機市場的增長減慢，消費者換機的意慾不如過往，因為手機的功能沒有太大的突破。

到了近年，智能手機每年的出貨量基本上已無增長，進入了平穩甚至略有倒退的狀態。

5G的發展，將會是一個突破點，首先，市場在等待5G的時期，會令智能手機市場出現靜止狀態，這會影響舜宇的盈利，甚至出現倒退。

但當5G正式來臨，以及開始普及，就會重新令消費者出現換機的意慾，加上上述所講產品應用將會愈來愈廣泛，舜宇渡過了平靜期後，業務將再次回勇。

從長遠來說，科持將不斷發展，要求鏡頭的技術只會更高，應用只會更廣，這都令舜宇的前景正面。

--投資策略--

綜合來說，舜宇有一定的技術，財務數據理想，加上行業正處於機遇當中，反映這企業有一定的質素，而且前景正面。

行業的機遇是這企業最大的吸引之處，當科技不斷進步，這企業的產品應用只會更廣泛，企業仍會有一段長時間的增長期。

唯一的風險是企業估值，這企業由於有質素及前景，但現時市場對這股有很大期望，因此現價貴。

如果原本有貨的投資者，值得超長線持有這股，前景正面，不要輕易賣出，如果未有貨，最好以月供模式投資這股，或等回落1成先考慮（同時要分注）。由於這企業有前景，因此買入後，最好長線或超長線持有，耐心等待更大的收成。

（本人為證券業持牌人士，未持有上述股票）