【《#5時恭候的證人》（電影節原名《#證人》）短評幾句】

1. 首先呢套香港係會上正場，安樂發行，4月11日上映。初睇個名以為「譯多咗」，點知係重要感人位。

2. 表面係查案、法庭戲，實則親情、友情、愛情、懸疑、驚慄、搞笑有之，開頭覺得長咗，原來n條支線可以撈埋一齊仲要解得通；以為好老土，點知劇本好細密。

3. 一場疑似兇殺案，唯一目擊證人係自閉症患者，到底佢供詞係最可信定最唔可信？從而講人性善惡、一個人對你笑或對你喊，又係咪真係佢真正內心嘅一面？每個人都披著假面具做人，要點樣先可以做到最基本嘅信任？

4. 套戲拍得好好係，明知背後一定另有陰謀、冇咁簡單，但作為戲院觀眾局外人，都會令你相信咗某啲角色、某啲線索。係，你係睇緊戲，呢個係演員可以「演」俾你睇，但就好成功令觀眾墮入到「信任」議題入面。

5. 典型律師遇上咗為錢定為良知情節，竟然扭到咁緊張又充滿溫情嘅法庭戲，算係韓片「逆權」之外，將「良知」發揮得好嘅戲。

6. 鄭雨盛唔做型男做個內歛兼有少少頹嘅律師依然好戲，更勁係金香起唔止眼眉識做戲，連腳指都交足戲，好正，睇時不妨留意下佢啲小動作。

7. 電影節將佢推到好似南韓電影發展里程碑，或者誇咗少少，但絕對係一套好戲。

8. 眼淺者帶定紙巾，有幾個位係煽情架喇，但堅睇到喊。

－

【原創小說】
香港正式上架，各大書局均有代售，海外讀者亦可於網上書店購買，詳情請看：goo.gl/3g4Hk8

－

【自製南美明信片】
正式開售，購買全套可以向你寫點心意：goo.gl/Dfmpbc

－

【IG請follow】www.instagram.com/travelerwithmovie

#HKIFF43 #香港國際電影節