【9月15日榮休】

請容許我講一個故事……

是咁的，話說前日第二場簽書嘅朝早，我晨咁早起咗身去一個地方，上咗英姐舖頭。英姐係我契媽，由細睇到我大。

前幾日，阿媽係咁嘈住我：你快啲打個電話俾英姐啦！佢有嘢搵你幫手呀！

上到去，原來佢想搵我幫佢整個網頁。原來，英姐要退休了！其實佢係一個70幾歲嘅老婆婆，呢間舖頭已經開咗57年，由佢後生做到而家。後生嗰陣同老公兩個人一腳踢，一開始自己上大陸拉貨，然後用黃頁嚟搵客。到後來越做越大，入啲貨越來越高檔，啲客越嚟越巴閉。

不過，其實英姐已經過哂可以退休嘅年紀，但點解咁大年紀仲繼續做？因為佢得一個嫁咗去外國嘅女，所以冇人繼承呢檔生意，就算自己有糖尿糖（可惜佢仲唔介口！），都唔捨得就咁放棄呢壇做咗咁耐嘅生意同熟客！

但係老人家實在多病痛！70幾歲，理應係飲下茶、去下旅行、享下福，而唔係每朝準時11點開舖！所以，英姐決定唔做喇！仲有最後50日，間舖頭就會頂俾人開酒樓，服務咗旺角太子一帶街坊同商戶57年嘅文明將會成為過去、成為歷史！

其實我掙扎咗好耐，我究竟要唔要出呢個post，因為我深深明白真係好唔關事，我都有我嘅執著同堅持，唔想賣啲唔關事嘅廣告。但係，今次希望大家唔好介意，同埋可以幫幫我、幫幫英姐。因為，真係仲有好多貨淨，全部新淨，獎盃獎牌、飛鏢、球類球拍、桌球棍、健身體育用品一應俱全（可以噤啲相睇睇！）全部有折，賣到就賣，散到就散。

如果您唔介意，希望您share呢個post，俾更多需要健身體育用品嘅friends可以見到！

最後都講返聲唔好意思，我賣咗廣告，但我冇廣告費㗎！

呢個page都係我幫契媽整㗎！
www.facebook.com/manmingsport

文明體育用品有限公司
地址：九龍旺角太子道西96-100號地下至一樓（太子地鐵站C2出口）
營業時間：
星期一至六11am-9pm
星期日及公眾假期12am-8pm