平時都少上旺角樓上Cafe搵食，認真搵下原來都有唔錯的素食。這間 @5percentcafe 除了不可能漢堡好好食，環境都幾闊落又有 Board Game 玩，如果要約朋友聚會真係個好去處。 🍔Impossible 植物肉芝士漢堡配薯條 HK$128(lunch set) 不可能漢堡看起來有黃有綠都幾吸引，一咬落去就覺得味道好有誠意！估唔到都整得幾好食喎！首先佢個汁夠晒多，一邊食一邊滴到成檯都係，但就夠晒惹味。再來係佢有雙重芝士，芝士控當然好滿意。塊素肉排都煎得幾好食架。 🍵Hot Matcha Mocha HK$56 漸層抹茶特飲除了影相靚之外，配搭都非常有創意，佢係以港式鴛鴦紅茶撞咖啡為靈感，改用抹茶撞摩卡，飲起來味道都夾架！上面層 Cream 都好正。 Lunch Set 主菜包 HK$40 以內飲品，這杯要補差價。甜品加 HK$28 就有得食，這天有提拉米蘇和梳乎厘芝士蛋糕揀。 好耐都無見班朋友，想搵個地方坐低交換返近況？旺角地點方便樓上Cafe又好坐，仲有素食方便食肉唔食肉的朋友呢。 #菜菜子in香港 #香港素食 #旺角美食 #旺角黃店 #旺角cafe #旺角素食 #樓上cafe #hkfoodie #hkfoodblogger #boardgames #impossibleburger