熱門Ptt文章

[爆卦]旺角燒味是什麼？優點缺點精華區懶人包

雖然這篇旺角燒味鄉民發文沒有被收入到精華區：在旺角燒味這個話題中，我們另外找到其它相關的精選爆讚文章

在 旺角燒味產品中有1篇Facebook貼文，粉絲數超過8,790的網紅離奇家遮，也在其Facebook貼文中提到， （六十五）雞年食切雞飯 先祝大家雞年快樂，雞年行好運。 講起雞，大家諗起咩？男士唔駛太敏感即刻就聽到雞全部都係雞弦猶在耳住。雞，我反而諗起燒味鋪。油雞，切雞，燒肉，叉燒。 早兩日，去咗旺角亞皆老街大馬路一間舊式燒味店打算買盒切雞飯，見到d離奇嘢。 叫得舊式，就係嗰種連玻璃都無隔，d...

　同時也有733部Youtube影片，追蹤數超過1,920的網紅艾蛙媽 VS. 達樂哥Aiwa Hu，也在其Youtube影片中提到，【ASMR吟遊詩人】ASMR 秋天的美食 月餅 中秋節快樂 心靈治療助眠 入眠放鬆 車上睡覺 中秋禮物 大閘蟹 秋食 糕點師傅 做糕點 - #ASMR #輕音樂 #入眠放鬆 - 【ASMR吟遊詩人】 讓你放鬆心靈的輕柔聲音與舒服視頻。 - 【今日詩集】 白蓮出好藕，況出半塘西。 化液同瓊屑，含消...

「旺角燒味」的推薦目錄

旺角燒味 在 離奇家遮 | 中環塔倫天奴 Instagram 的精選貼文

2020-05-03 21:30:31

（六十五）雞年食切雞飯 先祝大家雞年快樂，雞年行好運。 . 講起雞，大家諗起咩？男士唔駛太敏感即刻就聽到雞全部都係雞弦猶在耳住。雞，我反而諗起燒味鋪。油雞，切雞，燒肉，叉燒。 . 早兩日，去咗旺角亞皆老街大馬路一間舊式燒味店打算買盒切雞飯，見到d離奇嘢。 . 叫得舊式，就係嗰種連玻璃都無隔，d燒味...

  • 離奇家遮

    旺角燒味 在 離奇家遮 Facebook 的精選貼文

    2017-01-08 00:46:57
    有 79 人按讚


    （六十五）雞年食切雞飯

    先祝大家雞年快樂，雞年行好運。

    講起雞，大家諗起咩？男士唔駛太敏感即刻就聽到雞全部都係雞弦猶在耳住。雞，我反而諗起燒味鋪。油雞，切雞，燒肉，叉燒。

    早兩日，去咗旺角亞皆老街大馬路一間舊式燒味店打算買盒切雞飯，見到d離奇嘢。

    叫得舊式，就係嗰種連玻璃都無隔，d燒味就咁掛曬出黎向住條馬路嗰種啦，衛生程度就梗麻麻架喇，不過勝在夠平，同老字號。唔開名，您想知可以私下問我，不過如果你係公主港女嘅可以唔駛理，呢d嘢唔係你哋食架，你哋食返sushi部隊鍋啦。

    可能大家都糧尾，要食平飯，嗰日都算幾多人，我迫埋去企埋咗晌一邊等。

    等等下突然見到有個女人，好瘦，瘦到好似得排骨咁款，著住件白色殘殘舊舊嘅乾濕褸慢慢走近燒味檔前面。

    我見好似有d異樣，望過去，個女人企咗喺掛叉燒燒肉嗰到前面，然後愈哄愈埋。

    個女人面無血色，對眼好深黑色咁，我望望四圍d人，多數都玩緊手機，有d就同隔離傾緊計，大家都無為意無事無事。

    嗰下我淆一淆，心諗，唔係咁邪呀化，唔通係「嗰味嘢」，得我見到？

    個阿姐愈黎愈近，個鼻直程就快掂到舊燒肉咁…

    嗰下，我不奇然醒返起細個嘅一次經驗，嗰次令到我童年有段時間唔係好敢食燒味。

    嗰陣好細個，應該係小學二、三年班，孭住個大書包，阿媽拖住我行去屋企附近d街邊燒味鋪到買叉燒。

    行到去鋪頭，撞到個街坊，阿媽例牌同佢吹下水問下人地個仔考成點咁樣，然後喺佢哋傾計嘅時候，我見到有個寒背伯伯，著住件灰色唐裝衫，突然喺我前面嘅人來人往堆中企咗喺斬燒味個位到。

    然後我見佢哄落去斬叉燒嗰張燒臘枱到，沿住個邊，一路聞，而個燒味師傅仍然繼續一刀刀咁斬緊。我當時覺得好奇怪，覺得好危險，因為個伯伯個頭哄到咁底，同把刀個距離相隔咁近，稍一不慎真係一嘢劈落阿伯隻耳仔到。

    當時我淨係呆咗咁望住，因為太細個，仲以為係燒味師傅做嘢係咁。

    但係接落黎我見到嘅嘢真係只能喊出黎…

    我見到有個頭，一個女人人頭，喺掛燒味個架嘅上面…係！凌空咁喺嗰度伸咗條脷出黎舔緊叉燒！
    .
    個女人臉向住我嗰邊，一路舔，d口水一路沿住條脷漏落舊叉燒到…然後舊叉燒就一路滴住滴住嗰d口水⋯

    「嘩！媽咪，d叉燒好多口水架，唔好買呀！」我指住個架，嚇到差d喊住講。

    當然，即刻畀個街坊紏正：「嗰d係蜜糖黎。」

    個斬叉燒師傅同途人都即刻厲一厲我，畀我一種「嘩呢個𡃁仔真無家教，都short short地」嘅鄙視眼神…

    「你聞下，d蜜糖燒出黎滲落d肉到不知幾香吖，比一斤我吖！」個街坊接住講順便打完場。

    我無出聲，忍住，因為嗰個女人，嗰個寒背伯伯…仍然喺到…仍然繼續緊佢地嘅動作。

    「好啦，今晚食五香肉丁雞蛋炒飯好唔好呀？」阿媽摸摸我頭頂同我講，然後我地就行咗去囉。

    嗰刻，我好慶幸阿媽相信我，無同佢哋一樣覺得我口行行亂噏廿四，嗰刻，我好深體會到，那怕世界唔明白我，只要有至親嘅信任，就已經，好足夠。

    「喂阿姐！你無L嘢吖嘛！愈行愈埋仲要聞過先買！忍你好耐喇喎！」旺角燒味鋪老闆一聲咆哮，將我從童年回憶入面拉返黎繁囂嘅亞皆老街。

    「呃…」我望住嗰個白色乾濕褸瘦女人一面道歉，一面走開遠離現場…

    哈哈，好彩，係人黎，唔係「嗰味嘢」，我苦笑。

    有時，真係太實在，分唔到。

    結果嗰晚我無買到盒切雞飯，離開咗。取而代之嘅係－五香肉丁雞蛋炒飯。

    您知嘛？我真係好鐘意食五香肉丁雞蛋炒飯。

    Tag 鐘意食叉燒嘅frd入！

    #真人真事 #離奇 #鬼故 #鬼 #靈異 #不可思議 #離奇家遮 #恐怖 #香港 #口耳相傳 #文字 #叉燒 #燒味 #hkig #donotsayhello

你可能也想看看

搜尋相關網站