#毅進 #黃大仙 #我都姓黃 [2018DSE][地鐵站名嗰題全組自暴自棄] #先知 #區議會選舉2019 因為呢題淨係問個站名，講其他活動或者地點就會離題，所以其實冇幾多野好講。加上我嗰組都平平均均，冇學霸冇豬冇狂人，E同學連首論冇出聲，所以我地講完「旺角好旺」、「迪迪尼係英文字音讀過嚟所以象徵香港中西文化都有」、「黃大仙=香港人迷信」之類，就冇哂point，dead哂。 望住個鐘，仲淨翻四分鐘左右，大家你眼望我眼，dead左五秒，已經冇野好講了。 當時我地全組唔計E同學，個個都已經有1+2，其實可唔可以人完左個討論佢呢？冇point喇喎，嚟嚟去去得3個point，講多又離題喎！相信當時並唔係得我一個有咁嘅諗法。 突然！B同學開口了！ 正當我地以為救星出現，有新point嘅時候... B(本身揀黃大仙)：「聽左各位嘅意見，我都同意三個地點各有可取之處，但我依然認為黃大仙係最適合嘅選項。唔知大家有冇聽過百家姓呢樣野？香港人有好多唔同嘅姓氏，例如姓陳、李、張等等。而其中一個最多人嘅姓氏，就係姓黃喇！好似我咁，我同我啊爸、我啊爺、我太爺都係姓黃嘅。而黃大仙都係姓黃嘅，所以我認為黃大仙對香港人嘅代表姓較高。未知大家會否考慮改變立場以盡快達成共識呢？」 我嗰下呆左，諗諗下雖然膠膠地但起麻又冇離題，可能大家都係咁，又或者已經放棄左人生。跟住... A(本身揀旺角)：「回應翻頭先B同學嘅觀點啦。B同學就話因為佢同黃大仙一樣都係姓黃，所以佢揀黃大仙。聽完佢咁講之後，我都突然醒起，原來自己都係姓黃嘅人。根據我屋企管理處舊年做嘅統計，我居住嘅地方都係最多人姓黃。例如文具店嘅黃嫂啦、小食店嘅黃叔啦、樓上嘅老王等等。可見香港人大多數係黃氏家族嘅子孫。所以我讚成黃大仙呢個名可以呈現香港多人姓黃嘅特色，並決定將立場改為黃大仙，以助大家早日達成共識。」 D(本身揀旺角)：「冇錯喇！我都好同意頭先同學嘅觀點。的確正如同學所講，唯有黃大仙先可以顯示香港多人姓黃。反觀旺角喺呢方面就稍有不足。旺角，只係一個角。但喺香港，姓黃嘅人就散佈喺每個角落，並唔係得一個角。好似我咁，我都姓黃，但我同其他同學就唔係住埋一個角。所以我都同意黃大仙可以呈現到香港嘅特色，並更改自己嘅選擇為黃大仙，希望大家達成共識。」 算啦，大家又對望，其實都明架喇，都冇point好講了。我唔理喇！我地四個一條心，trust in 隊友！ 我(C)(本身揀迪士尼)：「聽左頭先同學嘅觀點，我都好同意。唔知大家知唔知華人仲有另一個名，就係炎黃子孫呢？相信香港人大部份都係炎黃子孫。炎黃子孫有個黃字，黃大仙都有個黃字。相反，迪士尼呢個名象徵住嗰隻老鼠嘅樂園。但香港人唔係老鼠嘅子孫，香港呢個地方本身都唔係樂園，而係煉獄。所以我都同意比起迪士尼，黃大仙更能呈現香港人係炎黃子孫嘅特點，並轉立場同大家一樣揀黃大仙。」 淨左十秒左右，我仲望住留俾其他人講總結。點知呢個時候，連首論都冇出聲嘅E同學突然開口了。 E：「唔好意思！正如霍金唔係姓霍、諾貝爾唔係姓諾呢個道理一樣，我諗黃大仙都唔係姓黃！黃大仙三個字係地方名！冇地方姓呢樣野！」 隨着E同學嘅吶喊，計時器亦同時響起，呢個荒謬至極呢小組討論結束了。離開試場後，我同ABD同學相視而笑，並交換左contact，開左個全男嘅四人study group。 真心覺得，比起呢題，成個2018中文oral嘅第一題，根本就係考小學生升中學用嘅。

店之將死，其鳴也哀。店之將死，其言也善。 讓我們來聽聽2013年逝去了的小店(及其他街坊食店、玩意)，為我們發出的哀號和心聲，哭訴我城當下的荒謬。 願你們RIP。 1. 大角咀海皇茶餐廳和海皇快餐店 死因: 市建局強行收回地段，向小商戶索償百萬 2. 西貢酒吧Duke of York 死因: 新業主大幅加租五成 3. 「國際鴿舍」 死因: 市建局食言，強行清場 4. 海富苑街市約廿名商戶 死因: 領匯愛超市棄社區小商戶 5. 屯門V city附近一帶的平民小店 死因: 港鐵屯門站打造的內地客購物點V city開幕 6. 西營盤 Le Cheri Fusion Villa 死因: 業主加租1.25 倍 7. 旺角瓊華中心100 多間小商戶 死因:大型百貨公司搶租 8. 荃灣麗城花園萬有街市及美食廣場的49名商戶 死因: 長實合約大石砸死蟹 9. 美國冒險樂園屯門市廣場分店 死因: 商場"升級"單一化 10. 美孚紫羅蘭書局 死因: 業主改變了合約模式 其餘2013年內結業的小店、老店 (包括店名和報章上報導的結業原因)： 筲箕灣東大街惠蘿麵包店(無論怎樣努力，也比不上把物業租出去的回報豐厚) 沙田龍城漫畫店(加租三成，決定不續租) 中環結志街的ABC餅屋(結志街被巿區重建局收購重建) 屯門富泰街市南亞雜貨店(領匯加租) 銅鑼灣利苑粥麵專家(加租一倍（由30萬增至60萬）) 銅鑼灣南記粉麵(業主要求加租兩倍) 中環龍記飯店(結志街被巿區重建局收購重建) 中環新景記粉麵店(嘉咸街/卑利街重建) 何文田趣屋餐廳(女青年會翻新) 深水埗黃金涼茶館(原因不詳) 西營盤永和藥行(加租) 西營盤厚生酒行(原因不詳) 南華會天台酒廊(在標書中將租金提高一倍，仍輸給另一間出價兩倍租的酒吧) 觀塘凌記書店(觀塘重建) 大角嘴生利文具店(市區重建) 觀塘雞記麻雀館(觀塘重建) 維園泳池餐廳(維多利亞公園游泳池改建) 銅鑼灣富臨飯店 (業主大幅加租) 鰂魚涌「萬友書局」(業主要求加租一倍) 耀安街市檔戶(領匯轄下耀安街市早前更換新管理公司，加租近一倍) 旺角黑布街龍記麵家(原因不詳) 上海街新東亞理髮店(業主收樓) 大窩口寶康大酒樓(加租以致經營困難) 筲箕灣永祥粉麵食館(市區重建) 西環的莎厘娜(家族賣出舖位) 灣仔喜萬年老牌酒家(因業主收回整幢熙信大廈重建) 中環牛記茶室(加租、被拒續租) 九龍城新青年理髮公司(業主加租) 九龍城鴻光玻璃鏡業(業主加租) 九龍城永源洋服公司(原因不詳) 油麻地TC2 Cafe(加租九成) 觀塘偉利模型公司(觀塘重建) 尖沙咀陳誠記茶餐廳(業主寧願留空舖位或只作短期出租，靜待大租客) 筲箕灣亮燈粥店(新業主加租，由原月租五萬六千元加到九萬元) 炮台山百樂潮州海鮮酒樓(舖租加近兩倍) 屯門虹橋酒樓(租金昂貴致難以經營下去。由一間大型連鎖式酒樓接手經營) 西環「先進鐘錶行」(業主突然賣舖) 灣仔明記海鮮飯店(業主大幅加租，由原本每月26萬元加至62萬元) 銅鑼灣「如軒車仔麵」(月租12.6萬元，與業主商討續租時竟被開價逾20萬元) 旺角銀龍粉麵茶餐廳(業主瘋狂加租3倍至200多萬元) 荃灣中南文具公司(業主提出加租5、6萬，月租接近10萬) 沙田隆亨邨商場「華昌文具」(原因不詳) 藍田珍味盞泰國菜館(由9萬元月租加至15萬)