2002世界盃 - 南韓世紀黑哨 vs 意大利，西班牙

2002年日本和南韓合辦的世界盃足球賽，主辦國南韓在十六強碰上意大利。意大利前鋒托迪在一個爭議性的吹罰中判定「插水」（假裝被犯侵）而被罰離場，最終意大利以人少打人多的情況下以一比二敗給南韓。最後負責主吹這場比賽的厄瓜多爾籍球證被封為世紀黑哨。事後南韓人竟對托迪瘋狂抽水，其被老屈插水事跡更被拍成雪條廣告。

==============================
#爸神 #足球快報 開你波夠膽嚟還拖 想重溫更多精彩辯論：
辯題1：英超應直接頒冠軍給利物浦
嘉賓： 馮堅成 vs 王宗堯 （睇片：https://bit.ly/3gaaybq ）
辯題2：踢英超，體能比足球技術更重要
嘉賓：馮堅成，Gary vs 王宗堯，鄭敏 （睇片： https://bit.ly/2NArawC ）
辯題3：政府應該繼續撥款給足總作足球發展之用
嘉賓：文彼得、陳偉豪 vs 檸檬、高基 （睇片：https://bit.ly/3fjeJli )
辯題4：香港隊可以在2034年進入世界盃決賽週
嘉賓：文彼得、陳偉豪 vs 檸檬、高基 （睇片： https://bit.ly/2DLCtAv )
辯題5：華麗足球比防守足球更值得推崇
嘉賓：袁文傑，理性足球分析 Bon， 足球解毒 Jordon （睇片： https://bit.ly/2CL64th )
辯題6：曼聯應賣走普巴
嘉賓：袁文傑，理性足球分析 Bon，Glory， Jordon，隆仔（睇片： https://bit.ly/32TBloQ )

［Chasing Daylight］David Webb 前列腺癌，減產

1. 隨想一堆。兼閱讀理解同寫作探究。原文：https://bit.ly/3dID3Mv　

2. TL：DR – 凡事樂觀。

3. 朋友傳嚟，首先見到標題，已經估到佢唔玩。咁然後就即時估係國安法。好合理嘅猜測，if too 神經質，時間上巧合嘛，我估如果我忽然話玩呢個Page，都會有好多人估係咪國安法。草木皆兵嘛。但又凡事小心好。好多名言或心得，其實都係互相矛盾嘅，當中嘅trade off 最難掌握，否則個個發咗達。

4. 再睇落去，好快，都未使睇到佢講睇醫生，就估到係健康問題。真的，睇用字睇語氣就估到。如果佢講「我幾時幾時嚟到香港，當時仲係點點點」，你就知係其他嘢。但self-aware "you" 之類，就知係個人問題，九成係健康。

5. 當然仲有啲妄想症嘅會覺得，佢借個機會啫，唔通講明國安法咩。咁就只能講句，反正大把人都反疫苗，N咁多人覺得登月係騙局，貓王未死在阿根廷同張國榮打緊麻雀。自由真好。不過反正佢唔係政客，唔使腳痛，而我相信一個男人唔會拎前列腺癌嚟作大。甚至掉轉，係仆街嘅，應該明明生cancer都講國安法，嘩我好驚。但畢竟David Webb唔係啲咁low嘅人。

6. 我同David Webb，係不相識嘅，我識佢佢唔識我。固然我好似提過，本人分析員生涯，第一份report，佢有評點。只係因為我當時老細占士咖啡（聽名都知係鬼）同佢相熟，循例fw畀佢評點後，David Webb亦都只係意思意思評點兩句。但的確都係有用。最記得佢大意都係話：唔使將啲簡單嘅嘢複雜化，幾隻英文字已講完。的確係。特別係嗰時係寫投資報告，當然唔好咁多廢話，唔同文學創作（係呀，例如呢篇）。

7. 後來，仲有在啲公開場合見到佢，同枱食飯幾次，最後一次好似係舊年。但都係嗰句，稱不上相識，我亦冇乜點同佢講過嘢。

8. 不過，本人一路都係佢嘅讀者。咁首先係免費，但呢個唔係重點，免費我都要時間的。

9. 關於佢嘅生平呀，股壇長毛呀，投資呀等等，會有好多人講。但我比較特別，我睇佢，係當睇人寫英文。留意佢寫嘢總係可以莊中帶諧，條理清晰，但又唔係流於中學作文式嘅First, Second, last but not least 之類嘅cliché （＊）

10. 都回應返，勁人都係「凡事樂觀」，悲觀嘅樂觀者。你見佢寫，都不忘幽默或放鬆，there's never been a better time to get prostate cancer。

11. 多年前我推介過本書，Chasing Daylight: How My Forthcoming Death Transformed My Life（https://amz.run/3HZp）。呢本神作，因為個作者用咗三個半月寫。咁你話其實唔難，反正本書唔多字。都真係唔難的。埃汾嚟緊本書，我估一個月點都寫晒—不過我講咗兩年仲未開始寫咁解。

12. 正經，更重要係，個作者，Eugene O'Kelly，寫完冇耐就死埋—即係佢應該唔使三個半月。個故事其實係，佢確診腦癌，三個半月就死埋（幾快手，不過可能係好事？）。本書就係呢三個半月寫完。

13. 不過涼薄兼抽離講句，其實日日都好多人死，年年都好多人腦癌。點解呢本書跑出？因為作者本身就係成功人士，迫科KPMG嘅CEO。你睇，世界幾唔公平？條友三個半月死，最後都仲要威到最尾，留低咁多legacy。所以都真係做搞好你二十至三十歲嗰十年（＊＊）。正如即係，大把人前列腺癌，但你總唔會去關心個包二奶阿伯。你成功，就割包皮都有人要你分享心得，咁上下。

14. 講返Chasing Daylight，「其實唔係太好睇」，主要係作者巴閉。咁但，腦癌三個月嘔出嚟喎，你仲想點？埃汾本書嘔咗年都未嘔到啦，本《楊枝甘露的誕生》（＊＊＊）生咗廿年都未出到，芒果都爛。

15. 但Chasing Daylight有一個好成功嘅地方：開頭寫得好吸引。本書嘅開頭，我仲好記得（證明後面唔係太好睇）：

16. I was blessed. I was told I had three months to live

17. 然後就講佢確診腦癌，講以往佢有幾忙，佢老婆仔女都要經秘書先約到佢食飯。之類。

18. 想講嘅始終係，凡事樂觀。即係半杯水。睇《足球小將》，有人覺得係「剩返五分鐘」（大意），但熱血嘅戴志偉會話「錯，係仲有五分鐘」。

19. 現實版就係2018世界盃，分組賽最後一輪，南韓對德國。德國非勝不可，但93分鐘失波！有趣嘅係，南韓入波被判有效後（當時VAR搞一輪），湯馬士梅拿追住球證理論。（https://bit.ly/30lkydk，9分29秒）。你以為佢鬧球證黑哨要推翻判決？錯！佢係問球證仲有幾多分鐘！然後話畀隊友聽仲有得追！係咪好撚熱向呢！

20. 不過，慎防你唔係球迷，話埋你知。之後，德國就係失多球嘅。嘻。這就是現實，正如Eugene O'Kelly寫完本書（其實未寫完），三個半月就死咗。並冇出現咩意志力令癌細胞消失。睇少啲周兆祥啦。

21. 冇錯，在呢度做冷氣軍師係好易的。泰臣（拳王，唔係吳鎮宇）話頭，Everybody has a plan until they get punched in the mouth。試下你埃汾今晚就確診Cancer睇你仲有冇咁口響睇你仲係咪凡事樂觀？　可能都冇。但無論如何有個game plan應該都係好嘅

22. 係咯，事情已發生，匯控就減咗派息，你舊芝士就搬咗走。有人選擇日日怨，有人就move on，仲識得講thankfully a brain MRI shows nothing (except a brain).

23. 但當然，Let's Carpe some fucking Diem．不過其實呢句嘢阿豬阿狗都講，但諗真啲，都廢廢地。唔得的。直到你真係有個大限就得啦。所以點解Eugene O'Kelly話I was blessed. I was told I had three months to live。其實佢有解，大把人唔知點忽然死咗，佢有三個月打理喎，仲想點。

24. 鍾意嘅，咪去買本書咯。拿，你又話冇時間，冇錢嘛。所以 Carpe 乜撚嘢Diem丫。唔好自欺欺人。送埋畀你你都唔會睇。你忙嘛。

（＊）考試局對我英文最大幫助，就係教識我咩係cliché。雖然呢個字而家都十分cliché

（＊＊）Eugene O'Kelly五十三歲死，做CEO先三年，真係頂峰收成期。不過你問佢（問米掛），佢都肯定話你知，係靠佢二十至三十歲嗰十年打下嘅基礎。

（＊＊＊）《楊枝甘露的誕生》並唔會係我下一本書，以正視聽。

———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。

請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。

經濟學人就話，2018根本完全唔爆冷（但同我一樣話2002爆到七彩）

真係韋拿踢法似我，同我上篇文類似（http://bit.ly/2ziNYwM
），經濟學人呢篇文都係講「今屆世界盃有幾爆冷？其實唔算好爆」。佢都係用Elo Rating，我都係，所以話Elo Rating 「唔準」「統計唔係一切」嘅可以慳山洞磨墨。咁當然同樣係煎隻蛋 Jamie Oliver都煎得好食過我啦。同樣用Elo rating，佢篇文嘅方法就完全唔同。

佢篇文應該係十六強後八強前寫的。熱門嘅德國分組出局，都幾熱嘅西班牙十六強收檔，被譽為史上最弱（或第二弱）嘅主辦國俄羅斯就出線，好多人都會諗呢屆係咪特別多爆冷。但文中都指出，上一屆衞冕冠軍西班牙一樣分組賽出局，而「強隊」英格蘭葡萄牙意大利都係。2002年事後你就當然覺得3R勁，但當年隊巴西，決賽周前甩皮甩骨，2001年十場贏得一場，Elo rating係咁多隊排13—而你睇賠率其實都幾冷的，我搵到話係一賠七—都好少見巴西有咁好分—最後一樣捧盃。咁今屆係咪真係好爆冷呢？

經濟學人用嘅方法係用simulation ，用返Elo Rating ，睇返同勝和負入球失球嘅關係，再加啲幸運同黑哨元素，然後gen晒每屆咁多場波，睇下邊隊捧盃—當然係sim好多次，睇下例如2002年sim1000次有幾多次係巴西捧盃，幾多次係英格蘭咁。

睇返佢地嘅模型（同我一樣，都係1998年開始做，因為1994年得24隊），其實即使係熱門，奪冠機會講緊都係2-25% - 即係一賠四以下嘅都幾搵笨（呢句我加的），因為實在係太多變數（留意如果係聯賽就唔同）。而2018年其實巴西係大熱，模型顯示29%入到決賽（結果輸埋）

同樣道理，根據個模型，德國出線嘅機會係92%，即係出局嘅機會係8%—咁聽落，又唔係真係咁爆冷吧—雖然已經係近代世界盃最大熱倒灶出局嘅一隊。而同時間，瑞典入到八強嘅機會都只係10%，俄羅斯係8%，其實同德國出局比機會唔算細好多—但當然新聞價值同震憾程度又唔同。

整體嚟講，除咗俄羅斯忽然好生猛外（食藥啦，我話的），今屆世界盃其實唔算好多意外嘢。篇文統計咗自1998年30個最不可能發生嘅結果，或者話最爆大冷，今屆得2隊上榜啫。就分組出局黎講，德國就係呢6屆最大冷門-冷過法國2002出局。16強嚟講，日本出線都係幾爆冷。其他其實好正路

拿，韋拿踢法似我啦。經濟學人得到嘅結論都一樣：2002先係爆到七彩。呢六屆十件最大驚奇，六件都係果屆。固然包括韓國入四強（黑哨啦），但亦包括巴西捧盃。2014 同 2010，其實爆冷都係多過今年的。

咁你會話，喂，做乜徐步高又食飯你又食飯你唔去打劫銀行？人地用Elo rating話早兩屆爆冷多過今屆，我篇文又話今屆多過上兩屆（但2002爆到七彩就經濟學人同我都係咁寫）。其中一個好簡單嘅原因：經濟學人睇嘅係邊隊出局邊隊入十六強，我睇嘅係每一場咁計。兩者未必完全一樣。極端啲講，可能個賽事發展係墨西哥大炒德國5-0，然後德國大勝瑞典10-0，再大炒韓國20-0出線。咁在我嘅計法下呢三場都係大驚奇，但在經人嘅計法中　—德國出線，好合理丫，冇爆冷。視乎你個著眼點在邊咯，你可以話睇「結果」重要啲，但就唔係話啲數據打交嘅