［原諒我個人就係咁］好似測字咁，Trust your instinct．見到呢單新聞，你心入面第一句係乜？唔好呃自己。怕且唔係「鄧生熱心公益」

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

TLDR：人生在世，就係「冇嗰樣搞嗰樣」。大波女星想你讚佢演技好，靚女想你讚佢有才華。窮人想發達花天酒地，富二代當然就要證明自己。

1. 實情都有諗過，同人地三九唔識七，真係屍骨未寒，係咪唔應該咁寫文。不過後來諗下，都係睇寫嗰個嘅態度，同埋有冇咩嘢畀到讀者。

2. 咁況且，以前寫香港01時，讀者編輯都話我啲文好在：講中好多人心中想講，但礙於禮教面子怕冒犯人而唔敢講嘅嘢。即係，衰嘢等我講。

3. 真的，早兩日食飯先講起鄧生（唔好叫「波叔」咁懶熟），估唔到咁就去咗。而今日不同界別嘅朋友Whatsapp Group（BTW，又話冇人用？），講嘅都係不離嗰兩樣嘢。

4. 「真慘，臨老過唔到世」「畀個仔累死佢」

5. 即係，你話可能係市井之見（但我啲朋友都中產啦講真），或者仆街。但if you call this 仆街，咁民意就係仆街，我都係照寫。
＝＝＝＝＝＝＝＝＝＝＝＝＝＝＝＝＝＝＝＝＝＝＝
6. 我曾經見過波叔，講過幾句．但有乜特別？我見過李兆基添，仲改變咗我一生（＊）。見埋羅德丞添，傾完冇耐佢釘撚埋。
7. 講返，當年仲做大公司，大公司冇嘢多就係面子多。往往拉上拉，你會見到好多人。以前李靜高禮澤都大圍人食過飯（代言輪商嘛，真係香港精神）。咁所以，啲乜乜畀面派對，作為XXXX嘅鄧生會出現，好合理

8. 席間大大老細介紹我識，咁鄧生知我撈乜，咪循例問你兩句點睇個市。我心諗我雖然唔識做人，但都未低能到教鄧生投資下話。即係好似有一日你見到美斯，然後人地循例問下你覺得佢踢成點。屌，唔通你話：「我覺得呢，你可以練好啲頭槌啦，跑多啲啦，唔好成日頭耷耷咁好似冇乜領袖風範」。好心啦。

9. 咁所以，明顯地，我呢啲咁嘅卡拉蘇，鄧生一年食飯見一千幾百個，多過佢啲舖，當然重要生低過一個茶樓知客—是真的，知客幫到佢。我幫到佢乜？昆佢買我公司啲產品？

10. 但，無論如何，鄧生白手興家，本人當然十分尊敬。基本上我都係尊敬有錢人嘅，富二代就冇咁尊敬，除非預埋我。咁大家見到，鄧生呢幾年，甚至好似早幾個星期，都仲要撲水，實在令人感到有啲唏噓。（咁當然人地副身家縮水99%都勁過我啦，甚至人地破產都好，見過嘅風光都多過我十世，我全部知，唔使提醒）

11. 咁大家都知，好大程度，就多得佢個仔搞酒店咯。

12. 固然你可以話係黑天鵝，先搞一個社運，再搞一個肺炎，香港酒店真係大檸樂。但其他人似乎守得好啲，一來有啲係上市公司，二來有啲有其他業務，三來相信人地借錢冇咁狠。

13. 咁而我相信，如果只係老鄧生自己玩，就唔會玩到咁激嘅。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
14. 曾經都識過啲富二代，做過下傍友，後來人地疏遠我就後話。BTW，講富二代，講家族上富豪榜嗰啲啦，唔係你睇八卦雜誌先識嗰啲。講身家百億港紙嗰啲，OK？

15. 咁即係，我識嘅嗰位，同埋佢啲朋友。「其實都幾空虛」。哈哈，我唔係講咩「有錢人都未必快樂」呢啲貧窮限制你想像力嘅嘢，亦唔係太監仲去警告人做愛傷身。但真係的，我唔覺得佢地好快樂喎。「其實都真係幾空虛」。

16. 人生嘅梗，就係在呢度：誰會珍惜，當你還擁有？

17. 喂我後生時心諗，屌，畀著我係你，我日日瞓到自然醒，食米芝蓮三星做早餐，然後一年坐頭等去返十次八次日本，飛去東京聽濱崎步，食住個靜岡蜜瓜玩溫泉美少女啦。不知幾咁爽

18. 係喎，真爽，La Dolce Vita．但有冇諗過，「其實人地過去十幾廿年都係做緊呢啲嘢？」。咁仲有乜好玩？

19. 真係的，自從識咗富二代，「我個人開始有同理心」。你代入下佢地情況，喂，係真係好空虛架喎。由細到大你想食乜，都有。你要去邊，都可以。理論上，你要食乜女食乜仔，都有（百億身家喎，你自己計數）。

20. 咁，問題嚟啦，你嘅人生仲有乜意義？你成本飲食男女 成本忽然一周都食晒。跟住去邊度？

21. 呢個就係人生嘅梗啦。

22. 我冇小朋友，老豆又冇錢，但即係都可以代入下。我見啲富二代呢，全部都要做一樣嘢：證明自己。

23. 當然唔係好睇睇戲咁（掃毒2 謝君豪咩），唔見得佢地仇視老豆，好想佢快啲死。唔似（似都唔會同你講）。畢竟都有養育之恩。但由我睇眉頭眼額，你提起老豆，佢地多數都唔鍾意，會好快轉話題（我懷疑如果係富家女會唔同，可惜我冇泡過，你有嘅你話我知，你有冇一路砌佢佢一路叫爹哋）

24. 因為，就係要走出老豆陰影嘛！

25. 其實呢種心態好正常。吾友話頭，鄧不利多必然要死，否則哈利波特點長大？無數荷里活片都係咁拍，老餅師傅（奇雲高士拿，或黃敏德之類）收復少不更事有熱血但衝動嘅靚仔男主角，之後一定係任務教主角而犧牲，然後男主角先傳承，真正長大。

26. 咁但，個富二代唔可以叫老豆去做飛虎隊拎手榴彈嘛大佬！

27. 所以，就梗係要搞啲嘢，證明自己。

28. 然後咁就仆街啦。

29. 你可以諗下，再老一輩嘅富人，即係富二代啲老豆。其實夢想係乜？理想係乜？唔係搵多更多嘅錢。而係，富足三代，幾世無憂，搞掂。

30. 再講白啲嘛：仆街仔，我寧願你去花天酒地叫雞算啦，使得幾錢？真喎，聽聞鄧生一個月收租都成千萬，咁你計下數，真係照計晚晚扑明星都得，請埋老豆都仲得。正如你去飲飲食食，食得幾錢？開支La Fite 同條女鴛鴦嬉水好未？你自己計，一個浴缸幾大？有限錢。仲可以飲埋。

31. 賭錢就唔好，因為賭場上冇輸唔完嘅錢，你一晚可以輸晒成檔祖業。

32. 總之，正正經經花天酒地起雙飛三飛好啦，搞乜鬼生意呢！搞生意咪即係賭錢咯！

33. 但再講一次，人生嘅梗，就係在呢度嘛

34. 就係你唔想我做我偏要做嘛！

35. 就係大家嘅諗法唔同咯。老豆想個做無憂，但個仔心諗，咁我人生仲有乜意義？

36. 唔係話乜，但你真係留意下，人係咁的。窮人係咁，有錢人係咁。溝女好，叫人做生意都好，都係差不多。每個人都總係有啲嘢想要，你畀到佢，打得中嘅，就乜都可以幫你做，「其實唔難」

37. 人生嘅梗，就係「冇嗰樣搞嗰樣咯」。真的。佛家講「求不得苦」，就係呢嘢。

38. 咁具體啲啦，窮人當然想發達，唔使講啦？有錢人呢？屌你，唔會想變窮，「但想食返當年街邊檔味道」，「想人地真心鍾意佢靚仔唔係貪佢啲錢」。咁富二代呢？當然係想證明自己都有能力，唔係靠老豆。我唔使靠佢嘅錢，唔使靠佢嘅名。因為佢冇嘅嘢，咪要搞出嚟

39. 真的，埃汾叔叔教你，溝女都係咁上下，「其實唔難」。但真係冇嗰樣整嗰樣。肥佬黎都好似話過，「當妓女好似貴婦咁」（帶佢去米芝蓮三星啩），「當貴婦好似妓女咁」（自己睇套四仔參考）。都真係，「其實唔難」

40. 真的，大波女星鍾意乜呀？鍾意你留意佢演技咯。靚女鍾意乜呀？鍾意你覺得佢都幾識嘢喎。普通女呢？想人覺得佢特別—記住，冇嘢好刷，「特別」係萬能的。我地呢個年代就係咁，個個都刷存在感，想證明自己有乜咁特別。

41. 咁所以呢，我就真係冇乜資格講，但為人父母嘅呢，好簡單，香港人核心價值，三宅一生，留返三個太古城複式單位（唏，早兩日先去過）畀你個金叵羅。一個住一個炒一個收租。其他嘅？射落海啦，自己洗（請參考以上LaFite沖涼嘅玩法），或者送畀我，或者去勞蘇基金（置頂Post有），或者去訂我Patreon．好過你個仔同你敗晒佢

42. Last but not least，聽講呢個係金融專業，唔係講LaFite或明星。咁傾返生意。固然係黑天鵝，生不逢時，酒店一開就社運然後仲整個肺炎，真係點預先預到？轉時鐘（already做咗啦）都唔掂

43. 但，其他人總算守到。一來底子厚，二來冇借得咁盡，三來有其他生意頂住。其實同我叫你投資都差不多，分散啲嘛。一個浪打埋嚟你就知

44. 但仲有一點：上市公司是好東西。當然呢啲係金融101了，上市 vs 唔上市，有好有唔好。但，除非你係啲明星start up，拎private market 有價有市。否則即係做舖做酒店呢啲嘢，呢幾廿年社會高度金融化。都係上市好。

45. 上市嘅，印公仔紙又得，問銀行借錢又得。當然鄧生一樣問銀行借到錢，但似乎terms就都幾辣。銀行嘅嘢，梗係落雨收遮啦。平時叫你買I kill you later就靚女船P，你問佢借錢就西裝友，你爭佢錢就古惑仔啦。

（＊）呢個獎學金故事Personal FB成日講啦，但呢度有冇講過？冇嘅有機會寫一次。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

松露、海膽、和牛😍
一個字：癲😚 見到呢個menu我第一下覺得好瘋狂，成個構造嚟自黑松露，唔係話黑松露醬咁流，係片片黑松露喎，就連前菜嘅薯仔沙律落10幾片，勁揼本🥔 除咗黑松露係賣點之外，呢間沙田新酒店入面嘅日本菜，聽聞風評都幾好，由魚生食到燒物蒸物，再到天婦羅🍤 日本菜款式包羅萬有。

講返我推介先，我幾鍾意入面嘅吞拿魚溫泉蛋，拖羅級嘅刺身伴生蛋漿，肥美x100而又帶點松露香 ~ 另外嘅帶子唔會煮得過熟，伴隨松露白汁富牛油香。而和牛以紫蘇包裹炸起，包持粉嫩肉汁🥩
.
最後少不免就係重頭戲，和牛炙燒爆juicy，卷住鮮美海膽軍艦，仲有超多片黑松露提香。整體而言，喺呢個位置嚟講價錢雖然有啲進取，但坐得舒服，樣樣都有板有眼，而且都係貴價食材。喜歡飲sake仲可以試佢哋自家出品嘅清酒添🍶 易入口。
(好食指數:8/10)
.
【西洋黑鑽松露チャーム廚師發辦套餐】$1,880/位
松露薯仔沙律
吞拿魚溫泉蛋伴松露火炙春鰹魚
照燒帆立貝伴松露白汁
蒸櫻鯛魚伴新洋蔥蓉汁
和牛、野菜天婦羅伴蜂斗菜花味噌
迷你魚生丼配火炙和牛海膽壽司伴松露
鮮海苔味噌汁
櫻桃奶涷
.
源峰
沙田源康街1號帝逸酒店28樓
#沙田foodsearchers #日式foodsearchers #酒店foodsearchers #foodsearcherssp

[清道短打遊ep.2-2：街坊齊浸～超土炮水管溫泉]

《同大家一樣，其實我都好鍾意去旅行㗎嗚嗚嗚⋯⋯喺無得飛嘅時候，唯有同大廢出車去吓清邁近郊，短打遊系列第二炮係距離市區約75分鐘車程嘅Chiang Doi(清道) ～》

呢個超Local嘅天然硫磺溫泉距離清道鐘乳石洞10分鐘車程，絕對唔係我去過最歎最疏肝嘅溫泉，但過癮度真係滿分，呢種體驗唔係度度都有㗎！

土管溫泉喺16年前由日本人協助街坊建設，喺河邊放咗十個八個巨型混凝土水管，再將溫泉水引入，每個水管可以塞得落四個成年人齊齊浸，設計好鬼土炮XD～呢度唔止係浸溫泉咁簡單，仲成為咗當地村民嘅社區場所，我哋去嗰陣就遇到班街坊好開心咁一路閑話家常一路浸溫泉，好爽囉～街坊們仲好熱心咁叫我哋浸完溫泉水再喺河裡面浸凍水，不過啲河水都幾凍下，我無勇氣成個人浸落去^^～

呢個土管溫泉本意係造福人群，不設入場費，全天候24/7開放，唯一不便係無任何設施可言，大家將隨身物品隨意放喺石上面，除低件外衣就落水，建議自己帶條大毛巾遮遮掩掩換衣服，又或者行去隔離個小型溫泉場，幫襯佢間士多順便借用洗手間，我哋去嗰日進行緊維修，大廢早兩年同朋友去過，佢話最爽係可以一路食住燒雞翼一路浸溫泉喎XD～

最後都係嗰句，雖然大家呢刻可能用唔着，不過bookmark定先，話唔埋好快就可以去到呢～

==========

📌【清邁活動+行程推介】
https://chiangmaijourney.com/page-products/

👨‍👩‍👧‍👦【清邁親子玩樂景點】https://www.facebook.com/1670726726478331/posts/2181160405434958/

🏨【2020版清邁酒店推介】
https://chiangmaijourney.com/chiang-mai-hotels/

==========

📍Chiang Dao Hot Springs
地址：Chiang Dao, Chiang Dao District, Chiang Mai
開放時間：24小時
地圖：https://goo.gl/maps/36Nj6L96z6uPHHub7

==========

▼Follow us▼
IG: instagram.com/chiangmaijourney/
FB: fb.com/chiangmaijourney

#清邁 #清邁包車 #清邁美食 #清邁攻略 #清邁旅遊 #清邁自由行 #廢氏清邁私生活 #清邁司機 #清邁租車 #清邁自駕 #chiangmaijourney #chiangmai #CMJ473

請訂閱我們的 Youtube 頻道
讚好兩公婆食在香港 Facebook 專頁
https://www.facebook.com/harrycarmen.food
19-06-2021
聯絡方式
https://www.facebook.com/harry.carmen.12327/
#等等HEA
#台式放題
#放題
#台灣直送
#老阿伯胖魷焿
#九龍城美食
#阿宗辣椒醬
#蚵仔煎
#大腸包小腸
#台式飲品
#烤魚
#台灣美食

請訂閱我們的 Youtube 頻道
讚好兩公婆食在香港 Facebook 專頁
https://www.facebook.com/harrycarmen.food
12-06-2021
聯絡方式
https://www.facebook.com/harry.carmen.12327/
#滿漢金鍋
#父親節優惠
#火鍋
#龍蝦
#刺身
#半價
#銅鑼灣美食
#放題
#生日飯
#送蔬菜
#手切牛肉

請訂閱我們的 Youtube 頻道
讚好兩公婆食在香港 Facebook 專頁
https://www.facebook.com/harrycarmen.food
17-04-2021
聯絡方式
https://www.facebook.com/harry.carmen.12327/
#米亭餃子
#不是放題
#花膠雞湯
#厚豬扒
#黑豚肉
#深水埗美食
#支持小店