今日想同大家分享一個奇遇。

識我嘅朋友都知我平時好少着西裝，不過真係幾年冇做過恤衫都係時間補充，所以早排返去中環幫襯開嗰間諗住做返兩三件。 OMG, 執咗笠。 點算好呢，諗起有一個喺商會認識的印度朋友係做裁縫，不如搵佢試吓。 跟個地址去到尖沙咀，門口望一望都比較舊式，有少少擔心不過都試吓啦。 入到去呢位朋友好熱情，原來仲識講廣東話。 本來我諗住淨係做囉兩件白色恤衫，佢叫我做多件藍色啦，咁我心諗好啦。 然後佢又話，「做多一套西裝啦」（大家要想像一下印度音講廣東話），我有啲猶豫，佢繼續講：「你開親會都係呢一件外套，好可憐」，然後由於要試身我除低咗佢口中果件平價西裝外套，佢攞起手：「睇吓，連啲線都甩晒！」然後佢同佢個夥計講：「你攞啲針線幫黃生補返件西裝」。 我唯有坦白講：「係呀呢件嘢$300特價喺日本買😅，貪佢可以用水洗得」咁搞到咁嘅環境都唔好意思推啦所以好啦好啦做套西裝。 然後我又唔好意思問幾多錢，唯有問得間接啲：「你啲西裝係香港做定係上深圳造？」佢話：「梗係香港，我親手做你呢套」然後真正嘅奇遇就開始。

佢帶我入去嗰個試身室，指俾我睇啲相，然後我周圍成間舖頭行去睇，真係唔係講笑貼滿嘅相包括好多美國總統，什麼奧巴馬特朗普卡特布殊兩父子克林頓兩公婆、然後見到英國首相約翰遜、戴卓爾夫人、加拿大總理杜魯多、三個教宗、查理斯王子、梅根皇妃、明星有史泰龍、Michael Jackson、運動有英國隊隊長簡尼、網球名將碧嘉、嘉芙… 總之誇張過聯合國。 我當時都好震驚，直接問佢，呢啲人全部都你幫佢做西裝？ 佢話系。 咁你一共幫過幾多個美國總統？ 「一共八個。」他是說得如此的輕描淡寫。 我仲係有啲懷疑，「奧巴馬嚟香港？ 」「No～～ 我去華盛頓」「Boris Johnson呢？」「果次我去倫敦」

後來我返到office上網調查, Sam’s Tailor… OMG原來好多新聞報道過真係三代做裁縫, 服務過無限咁多世界領袖。 我由頭到尾都唔夠膽問幾多錢，直至今日去攞西裝佢仲請我飲檸檬茶，送埋條呔俾我，我直接比張信用卡佢唔夠膽問幾多錢。 確實幾多錢唔好講啦，但係我覺得件西裝cutting真係靚。

今晚我會六合彩監票，如果大家想睇睇套西裝可以睇9pm電視直播😂 無咁得閒嘅話我都會到時影兩張相放上來大家睇睇這個神奇裁縫的手工。

［九月九號食螃蟹🦀️］應該係獨家！

魯迅話齋，第一個食螃蟹🦀️嘅人，非常之勇敢！

大家知咩係「港股通」「北水」啦？大陸人可以在大陸經大陸券啇在大陸交易所買港股。當然資金有一定需求。上海深圳都可以，唔係所有港股都得，上海深圳名單有啲唔同

而早排本人預言王維基隻1137，會入深圳港股通。結果星期一就入咗。

但似乎頭兩日都冇發市。直到呢位仁兄買咗兩手！

是咁的，因為種種原因，大陸股民，無論你在 東吳證券定西楚證券買，都會經同一個「牌」（*），而在香港結算所（港交所全脂附屬公司），都係兩舊嘢，namely A00003及A00004，中國証券登記結算有限責任公司

亦即係話，所有北水，都可以track 到。同日本嘅羊一樣（**）。固然你睇唔返大陸邊間行買，但，在每一個交易日尾，一間公司有幾多貨在「北水」手上，全部有資料。

例如匯豐，有9%股本係「北水」渣住。應該未計平保啲貨添。「所以其實係中資銀行」（***）

好啦，剛剛我手痕睇CCASS（****），嘩，見到有北水買！持股2000股！兩手黨！

哈哈，仲少過我。但聽聞畢菲特碌咗個銀仔🪙落屎坑都執返。「下一個100萬嘅開始」

所以，今日2000股，聽日2000手。呢位同胞做咗史上首人，威水！「王維基都係幫我打工咋」

又，話埋你知，T+2，兩日後先見到的。即係再早兩日買，「應該蟹貨」。好似你望到啲星星咁，其實已經死咗。不過幾百光年外傳過嚟。

另外，正如港交所提你：呢個A00003及A00004花紙，not necessarily 等於「北水資格名單」。因為你隻嘢可以入咗北水但冇人買，亦可以唔再合資格但之前買落咗（經常發生）

（*）年中不知幾多儍仔望住個股票機，睇啲「牌」，就「見到」「大行買緊」「大摩買緊」，真係以為幾舊水買個報價就睇晒大戶底褲。襟芒，諗下合唔合常識？呢啲咪自大。以為自己好撚醒。不如落樓下數六合彩盤路啦，technically speaking 唔係粒粒機會一樣呀，69同7點會一樣重？正如美金銀仔，公字兩面都唔同重，而仲有，當然係揀facing up嗰邊，大啲機會。拿，又學到嘢啦

（**）村上春樹尋羊的冒險。日本好遲先有「羊」，同韓國一樣。所以佢地傳統食物唔會有羊。當然後來「成吉思汗」「小肥羊」開到周圍係就後話。全球化。

（***）每次有人講東亞係「港資」我就覺得奇。大股東日本仔，二股東加泰隆尼亞。何來「港資」？CEO香港人就港資？咁港交所係咪克羅地亞/阿根廷🇦🇷資？

（****）金融扮內行。唔好叫「C-C-A-S-S」，叫「思咳屎」。或者「花紙」，當然見鬼佬行唔好叫「花紙」，即使見你嘅係人

牛年比別人知得多。subscribe now.
Patreon.com/ivanliresearch

點解揀踩板因為夠Chill
做到一招嘅滿足感仲開心過中六合彩

#BTW恭喜MOMIJI同家朗同英國跳水同日本乒乓
#難得開心的一日

恐怖在線 www.edmondpoon.com
逢星期一至五 晚上十一點半到凌晨一點

每日免費收睇直播
視像月費重溫$35
聲音月費重溫$25