我嘅職業係：代孕媽媽（上）
　　
我有咗BB。

我唔知BB嘅爸爸係邊個，呢種情況並唔罕見。

但我亦唔知BB嘅媽媽係邊個，我只能確定，唔係我。
　　

我係一個代孕媽媽，或者，「媽媽」呢個咁高貴嘅稱呼，唔應該擺落我身上。

我叫阿雯，係一個冇家底冇學歷冇姿色，仲有啲懶嘅女人。

出到嚟城市，我去咗工廠打工。

工廠嘅工作又悶又辛苦，份糧交完租食完飯，就所剩無幾。
　　

我想撈偏門㗎，之前有夜總會請小姐，我都有去應徵。

但未入到門口，就俾保安截住咗。

「你咁嘅樣，做洗廁所嘅阿嬸都影響市容啦。」
　　

後來，有個朋友介紹份好工畀我，只需要做一年，就可以賺到六位數。

「即係幫人生仔？」我有啲猶豫：「但我連做雞都冇人要，人哋真係唔會嫌我醜，影響下一代？」

朋友講咗一大輪，話咩精子卵子都係由客戶提供，所以個仔唔會有我嘅DNA……

我細個冇讀書，佢講嘅嘢我都聽唔明，總之幫人生個仔，就可以賺一大筆錢。

有咗呢筆錢，我就可以享受吓人生，可以做吓小生意，總之唔駛做工廠妹。
　　

我好爽快咁應承咗，簽咗合同，合同嘅條款密密麻麻，我都唔太明白，不過我一個鄉下妹，要錢就冇，要命一條，人哋都冇咩好呃。

去到「準備生仔」嗰日，我特登買咗一條好少布嘅裙，搽咗胭脂，希望嗰個「用咁多錢搵人生仔」嘅客人會睇中我，直接娶埋我做老婆。

但我去到目的地，等待我嘅唔係一個富有嘅男人，而係戴住口罩嘅醫生護士，同一堆冰冷嘅儀器。
　　

我按照佢哋嘅吩咐，瞓上病床。

佢哋幫我打咗一支針，將我嘅下半身麻醉。

我個人仲係清醒嘅，我見到佢哋好似一個個機械人一樣，表情麻木，喺我下身做一啲奇怪嘅動作。

唔知過咗幾耐，醫生話，搞掂啦。
　　

我問：「我有BB啦？」

「冇錯，胚胎已經植入子宮，約番個時間嚟覆診。」

我嘅心情就同我嘅小腹一樣咁麻木，最後我只可以答：「哦。」
　　

但一切嘅困惑同迷茫，都喺收咗第一期嘅人工後，煙消雲散。

從來冇用過智能手機嘅我，買咗一部蘋果手機。

手機裡面有好多嘢睇，有好多娛樂，同沉悶單調嘅現實完全唔同。簡直好似係另一個世界。
　　

所以，當我確定懷孕，代孕中介通知我，要去代孕宿舍度住，我一啲都冇反抗。

「好似員工宿舍咁囉，你以前冇生過仔，未必識點樣照顧自己。」
中介解釋：「我哋將所有代孕媽媽集中喺宿舍度，營養師規劃好餐單，仲有醫生睇住，好安全。」

即係包食包住，咁又慳番一大筆錢，我當然同意。
　　

我帶住少量行李，搬入代孕宿舍。

我認識咗其他代孕媽媽，好多人都唔太鍾意宿舍嘅安排，話覺得自己冇晒自由。

我就覺得冇所謂啦，拎住部新手機，咩都有得睇、咩都可以上網買，有咩必要成日出去？

我日日喺宿舍玩手機，個肚亦漸漸隆起。
　　

我有少少孕吐，但情況唔算嚴重，同埋宿舍24小時都有醫生，健康上冇乜問題。

但一切一切，由我第一次感受到胎動後，開始有變化。

我呆咗，我放低手機，細細力摸自己個肚。

個肚冇再郁，但我開始感覺到，一個小小嘅生命，喺我身體裡面漸漸成長。

自此之後，我每日都會摸吓個肚，細細聲同BB傾吓計。
　　

有一次，醫生幫我照超聲波。

佢指住超聲波嗰張圖，話我知BB好健康，要我繼續努力保持呢個狀態。

我忍唔住問：「可唔可以畀咗我？」

「超聲波記錄？」醫生斷言拒絕：「梗係唔得啦，要寄番畀客人，畀佢哋睇住BB嘅成長㗎。」

「咁我可唔可以……影印……」我仲未問完，醫生就拎住超聲波記錄走咗。
　　

另一個代孕媽媽勸我：「阿雯，你千祈唔好對個BB產生感情啊。」

「吓？」我一時反應唔過嚟。

「個BB唔係你個仔嚟㗎，佢一出世就會俾人抱走，佢大個咗完全唔會知道你嘅存在，都唔會似你。」

嗰個代孕媽媽分享佢嘅經歷，佢係第三次做代孕，第一次BB俾人抱走，佢幾乎崩潰。

但佢因為家庭問題，需要更多嘅錢，不得不再次做代孕，佢只好提醒自己，唔可以再對個BB產生感情。

佢語重心長咁講：「你每日好食好住，玩吓手機，好快就幾個月。其他嘢唔好諗，唔好想像BB大個咗之後會點……」
　　
下集：https://bit.ly/2Y0EUWx
　　
將專頁設定為「搶先看」/ "See first"，最新故仔馬上睇！
　　
我係香香公主：https://goo.gl/5KqT4E
未來電筒：https://bit.ly/3csw61n
　　
#短故 #短篇 #小說 #陳美濤 #廣東話 #粵語 #tomatochan #我嘅職業係代孕媽媽 #我嘅職業係

米媽剛剛完成聽日要出俾大家既紅糖內容。
算係米媽送俾大家新一年既一點甜。
所以，個紅糖禮盒米媽改左名叫做#新春甜蜜蜜紅糖養生禮盒。
聽到都真係會開心的。😂🥰

今次太趕，所以無時間同大家慢慢分享米媽搵到既純正古法紅糖既來源。

今晚，米媽不如就同大家講下米媽搵既呢個紅糖點解咁好，好到米媽會要曬佢，就係想FANS都可以買到。
(當然…數量係一定唔夠..)

米媽屋企每年都會整古法年糕，用既係增城蔗糖。 其實，古法整出黎既都一定好食架喇。
再加上，其實米媽好中意煲薑糖水。

米媽今次同雲南小雲籽傾開，原來坊間既所謂蔗糖或者增城蔗糖，好多都滲左白砂糖，一來成本原因，要整一個純正蔗糖，其實係幾十斤蔗，再加好繁複累人長時間既手工熬制，先煮到一斤出黎!!! 商業為主既模式其實已經好難再搵到真正古法做既蔗糖.

第二，真正純正古法只用蔗做既紅糖，質地係會偏軟身難定型，質地像麥芽糖，所以其實很易辨識，坊間既蔗糖為了易D定型，外貌靚仔，易賣，易儲存包裝，其實都是加了白砂糖，質地硬身，四四方方。

第三，在溶化時，古法紅糖基本上是95%為果糖，泡水即溶，更好的保留了甘蔗的營養成分、纖維及多種微量元素，比起加了白砂糖的紅糖，相對健康。

第四，再講味道，米媽今次搵到既真正古法紅糖。 味道係濃濃既蔗糖，好香好清甜，溫和柔滑。 如果試過之後，其實真係返唔到轉頭。
好了，講了以上分別，大家其實應該好易識得分了。

米媽覺得食有食緣，識煮遇到好既食材是好運，之後再將煮食既熱愛分享出去也是一種食緣，之後再有機會遇到好食材將之分享共同享用同一味道，更加係一種福分。

米媽有時無里頭覺得自己咁忙都要搞咁多野，其實都真係唔知。淨係知，既然遇到，仲要係珍貴而罕有既食物文化承傳，如果米媽轉身而去好似對唔住D食物咁。

米媽搵到既呢個紅糖係出自普洱傣族地區茶園種植甘蔗園，傳統傣族古法紅糖熬製方法，因此產量非常有限，甘蔗每年只會收成一次，生長期非常足夠，甘蔗味道濃郁。大約十多斤甘蔗才能製作出一斤紅糖，所以非常珍貴。古法製作是用三至五個大鍋接力不斷熬煮甘蔗汁，需要文火煮，並且不斷攪拌，需要很有經驗的工人先可以掌握好火候。等甘蔗汁煮得足夠濃稠後，倒入模具中，等待完全冷卻。95%為果糖，泡水即溶無雜質。

係同雲南小雲籽商量時，米媽話香港好難得搵到真正既古法紅糖，我想要曬。 因為佢地真係唔多。米媽好想大家都真係試到。

今次米媽個紅糖禮盒設計時，設計左兩罐紅糖，一罐大既，一罐細既，諗到大家新年一定會煮糖水，唔煮都會煲湯圓掛，所以準備左兩舊紅糖磚，識煮既可以用黎整年糕，整棗糕，唔識既可以就咁切黎沖水飲，或者煮糖水底。
另外，米媽最愛既就係為大家準備左三款唔同口味既小紅糖雜錦罐。 每一粒都係獨立包裝，即撕即沖即飲。 勁方便。 米媽最近成日沖水飲，一粒一杯，身體真係好左好多。特別黎經都順左。 即使唔係咁，平時多D飲，都可以驅寒暖身。

三款小紅糖:
［原味紅糖］香濃純粹的甘蔗甜味，補血養顏，溫補調理。

［薑母紅糖］薑母紅糖選用雲南小黃姜製作，雖然沒有老姜辣味重，(唔飲得辣既人都飲到!!) 但是小黄姜姜辣素豐富、纖維細少，吃完後還有淡淡回甘。生薑紅糖水暖胃驅寒，紓緩腸胃不適，噁心，感冒，體寒，頭痛等等。女士生理期時飲用更可緩解經痛。

［玫瑰紅糖］玫瑰係雲南產食用玫瑰，雲南高原玫瑰種植量差不多係全國最大，其中特點係因為高原種植，海拔高天氣凍，所以蟲比較少，所以可以唔用農藥，但平原地區好難做到，因為花類蟲太多了。而我們在紅糖中加入了食用級玫瑰，氣味甜美。玫瑰花性質溫和，養顏美容，理氣解郁，與紅糖相輔相成。

米媽要曬成個蔗園既小紅糖，一年只有呢一次。米媽真係預黎俾大家。 我估每人最少都起碼4-5SET咁買先夠。 新年送呢個大家一定開心。自己亦都要留D自己用同飲。
琴日一出，米媽D親人同朋友，甚至中醫朋友都搵米媽訂。不過米媽真係唔得閒，叫大家都等聽日既POST。

新年咩都唔送，都要送呢個。
誠意滿滿只此一家既甜蜜蜜雲南古法手工熬制紅糖禮盒。
#新春甜蜜蜜紅糖養生禮盒
#新年需要多D甜

米媽每次打咁多字其實都用左成幾個鐘。係對食物既尊重，亦都係對產品對大家負責任。

大家一個留言一個like係米媽既動力。多謝曬你地。💕 晚安晚安。 明早米媽繼續努力

留意聽日出post 訂購資料！