【輪證錦囊案內所 II - 第三集 ：街貨量多既輪係咪一定唔好沾手？莊家盤同買賣差價點睇？ 即日重溫】

日期：2020 年 7 月 22 日

主持：Season、小兵

嘉賓：瑞信 Ivan 何啟聰

疫情未受控，今集為左保障番各位主持既健康，唔好出咁多街，我地改左用Google Meet 做網上直播，時間緊逼，望各位觀眾包涵！希望大家俾多個like幾位主持同好幫手既Raga幕後人員John同EV!

今集主要就講番唔少人就用財經網站既免費報價買賣輪證，連隻輪既買賣差價同埋街貨量情況係點，莊家開價響咩野位都唔知，輸左唔少「冤枉錢」。

Ivan 今晚用左一隻中芯輪11148做例子，教大家高街貨輪點解會好容易令大家買錯左貴貨。

除此之外，三位亦都講左證既買賣差價點訂，咩野係莊家買賣價，街貨量高低對輪價既影響，教大家做個精明既消費者！

仲有Ivan亦都即席示範左如果要隔晚掛定輪證既買賣算，點樣用模擬計數機幫自己計價，分析埋呢種方式有咩利弊，亦都回答左唔少網友既問題。

全版本：

https://youtu.be/b8vPtMJ5l9I

第一節精彩內容：

1. 街貨量即係咩？咩野為之高街貨量？
2. 街貨量去到咩野水平係高？
3. 點解莊家有時唔可以增發隻輪？
4. 街貨量高點解會影響到輪價？莊家回購輪證要睇咩野因素報價？
5. 點睇到莊家最佳買入價放響邊個價位？

https://youtu.be/b7Ya0Phmdvw

第二節精彩內容：
1. 莊家買賣盤係點訂？點解輪價買賣差價會時闊時窄？
2. 輪證流通量係咩，無成交既輪點解都唔怕買？
3. 隔晚掛定盤有咩問題？用模擬計算機計價掛盤應該點做先準啲？
4. 買賣輪證用市價好過排隊買同沽？
5. 大size掛買/掛沽隻輪既盤，對正股走勢有無啟示？

https://youtu.be/XLe1skd78eE

呢個新單元既內容繼續豐富實用，大市暢旺，大家想用輪證部署，立即學好輪證基礎！逢星期三晚九點至十點，即場直播接受提問，互動教學！

錯過左之前既兩集，就按以下條link睇番啦！

https://www.youtube.com/playlist…

#認股證 #窩輪 #街貨量 #認股證教學 #瑞信 #Season #小兵Gary #輪證錦囊 #Ragafinance #莊家 #買賣差價

大家如果對輪證知識有咩野問題唔明，歡迎留言問，又或者登記成為瑞信認股證牛熊證既會員，可以優先問問題，Ivan話問得下集一定搵個時間答！

瑞信全新輪證網站

https://warrants-hk.credit-suisse.com/tc

登記成為瑞信會員

https://warrants-hk.credit-suisse.com/tc/about/membership

輪證錦囊案內所交流區:

https://t.me/joinchat/DH7y1w5TCKbB-w2aqiPpqw

本節目由瑞信認股證/牛熊證特約播出

瑞信免責聲明：

https://warrants-hk.credit-suisse.com/tc/seminar/disclaimer

RagaFinance Facebook:

https://www.facebook.com/ragafin/

《Calvin直播室》眾籌計劃 🌻

http://patreon.com/calvinchoy
-------------------------------------------------------------------------------------------------------------------------------------------
免責聲明：《Raga Finance》竭力提供準確資訊，惟不保證絕對無誤，資訊如有錯漏而令閣下蒙受損失（不論公司是否與侵權行為、訂立契約或其他方面有關），本公司概不負責。

同時，《Raga Finance》所提供之投資分析技巧與建議，只可作為參考之用，並不構成要約、招攬、邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《Raga Finance》主持、嘉賓、編輯及記者無關。

同時，《Raga Finance》所有節目或資訊，相關內容屬作者個人意見，並不代表《Raga Finance》立場。

Raga Finance

網址: www.ragafinance.com

【龔成問答信箱】（Q15301-Q15320）

Q15301：

龔老師..很不幸在這個困難時間被公司炒了..雖然現在積極搵工,但我覺得短期內要再搵一份差唔多工種有困難......

因此想問問現在該用咩心態去面對?

還好之前有儲落一些現金大約15萬元. 這畢金錢該怎樣好好使用呢? 謝謝老師指導

一直都有保持月供,每月4000元是否該暫定一下?

龔成老師：

首先，要睇翻你洗費、負擔、相關工作尋找預期時間，要先預好一定的現金。

我地理財，一定是先想防守，之後才想進攻，如果有需要，就停一停月供，唔好投資住，這方面要你自己衡量。

另外，在這段時間保持正向心態，多睇正面書、做運動、保持找工作。同時，可以好好把握這個「機會」，我好相信，每一次一D好困難的時候，其實都是上天比你一個突破的機會，你要思考自己長遠的發展，5年後、10年後，然後這一刻要做D咩，一步步完成目標。

這是一個「機會」，你要好好把握！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15302：

龔成老師 你好，有幸能參與你首次舉辦的進階班，自2019年5月完成初班後，自己跟隨老師教的方法去選股同估值，在分析中明白到自己的不足，例如：在企業評估表內一項「財務狀況是否穩健」已經另我「kick住係到」

因為當時我並未有足夠的財務數據知識，到上完進階班，已經更能掌握到如何分析，同埋分析企業上更立體，加上學習你教導投資上的思維，我較以前更有信心，因為掌握的東西多左，所以我覺得進階班十分有價值。

體會到老師好用心編制進階課程，整體來講我是跟到進度，而較難的部分就係年報分析同估值，感到在果幾堂課上只吸收到6-7成，可能自己數理及會計底子差，明白真係要溫書同實際自己計下先會理解多點，所以0黎緊都會再向老師請教。

另外，記得你初班講過一個有經驗的投資者最少起碼經歷一個經濟周期，而今次進階班剛剛遇到肺炎事件影響全球，正正經歷風暴，更有幸從中遇到你的指導，學到在大風大浪都唔怕既策略、思維、甚至情緒，我真心體會到有危就有機。

老師在facebook曾分享自己會以一個雙贏的方向去賺錢，上完初班及進階班後，我完全能夠感受到老師呢個理念係實行到，你確實幫到我思維上及財務上有所增值。

我會繼續以「財務自由」為大目標，不斷學習。
學到老師你成功方法，正正鼓勵到我有信心，感到自己都可以成功！

最後肺炎疫情仍然嚴峻，老師你都要保重身體！

龔成老師：

好高興課程可以比到你實際的幫助，這是我一直希望的，我唔想單單是賺錢，而是雙贏！比到你知識，你自己都能有財富增值！

累積財富是一個長期過程，當中要不斷學習，股市有贏有輸是好正常，但最緊要有進步，我自己都是不斷這樣累積經驗。

進階班比初班會深少少，但我相信你努力溫書，跟翻
筆記要求你做的學習模式，其實會有好大進步！

我好希望你可以有財富及知識上的提升，多年後，見到你的財富大幅提升，我相信我的努力會好的價值！加油！我相信總有機會再見到的！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15303：

你好！我想宜家開始月供一隻Reits長線收息

想請問現價買領展定置富比較好？
Thank you!

龔成老師：

兩隻都是有質素的房託，都可以長線投資。

因此，要睇你的投資目標，如果你想增值多D，就領展（0823），如果想收息較強，股息較穩定，就置富（0788）。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15304：

老師，可否研究下872？

龔成老師：

啟迪國際（0872）質素不佳，雖然生意有增長，但經常出現虧損，投資價值不高。就以2019年上半年度，佢的虧損擴大4成。

當然，見佢生意有增長，而智能輔助駕駛系統及其他汽車元件的部分不差，這個業務部分，有可能帶動佢增長，不過，從整體分析，這刻仍有好多不確定因素。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15305：

老師，想問下你對買樓的建議！ 近排睇緊港島一個單位，好近地鐵站，可是比較單位比較少，只有212呎，開價280萬。

我一直好想買樓，放租岀去，長遠黎講物業好似係最好既資產，計過條數都供到。 但就唔識決定應該買，定還是繼續買股票回報會更好？

因為樓齡都有47年，好似無乜升值潛力。 又有人話過左2年，樓價會跌2成，因為一個週期到左。可是買左樓，放係股票增值既現金就會少左。

可以指教一下嗎？謝謝！

龔成老師：

港島是不差的投資區域，因為長遠的供應有限，樓價一定有支持，不過，212呎是較一般的物業，因為這樣物業，對於家庭的作用不算好大，無論是將來出租或賣出，市場需求都不是太大的類別。

加上樓齡47年，假設你買入後，想賣出，下一手買家要買50年樓，你在樓價上不會有著數，同時要面對維修問題，所以，整體的投資價值，只算一般。

我相信香港樓市，中短期會向下，因為經濟差，而長遠則會向上，因為始終長期供應不足。

這類單位，會偏向「非平不買」，你可以等樓市跌多少少，如果到時你大力還價又中到，就買，否則不要心急。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15306：

老師，我想問遠大醫療512 前景會唔會比綠葉製藥比較好？

公司中期純利增長超過七成；绿葉製藥中期純利三成以上。公司現在估值會唔會太貴？我是否應該選擇綠葉製藥比較好？

兩間公司股價波動也大。我睇過兩間公司年報的藥物銷售帶動公司經營活動現金流。

負債比率：遠大醫療過去有下降趨勢。反而，綠葉製藥有上升趨勢。最後，你會不會有考慮出版公司橫向方式的書籍。

龔成老師：

遠大醫藥（0512）係中國從事製造及銷售醫藥製劑及醫療器械、生物技術產品及營養產品、精品原料藥和其他產品。

佢旗下公司係中國最大之安乃近製藥商之一，其另一產品替羅非班作為治療心血管疾病之主要抗血小板藥品主導中國醫療市場。

另外，兩種藥品重酒石酸腎上腺素及重酒石酸去甲腎上腺素已通過美國食品及藥物管理局鑒定，並出品至美國市場。

除左財務數據分析，我地都要分析佢本身的產品及發展，整體上，遠大醫藥發展較正面，相信比綠葉製藥（2186）好的。雖然估值上，遠大比綠葉略貴，但我地分析點，一般以質素行先。

至於書方面，要研究下。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15307：

你好 龔成老師
最近發現美股 都有優質股 而入場費俾港股低
你認為我應唔應該持有美股？
P.S 我係一個投資新手

龔成老師：

美股當然都有優質股，都是可以考慮的。

但要留意，我地投資，一定要對企業有「完全的認識」，能掌握到企業的情況，先可投資，港股美股都有一些有質素的企業，但一定要先仔細分析。至於入場費，不是影響投資與否的因素。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15308：

老師，其實我心中仍然有樣嘢想搵出一個突破

坦白說 ，我現時嘅職業係酒店相關 係酒店呢行做左五年 用四字形容 「吃力不討好」人工非常低 所以我之前問你應該讀唔讀part time degree呢個問題 我心中當然有一個明確的答案

與此同時 我成日睇你d post 見到好多同我差不多年紀嘅讀者人工都幾高 呢一點 令我成日問自己點解 我到而家 人工都可以咁低 我真係好想揾到突破
但我真係諗唔到idea

but anyway，好多謝老師之前俾我嘅建議

龔成老師：

你要好好利用時間，提高自己的「身價」，在每日翻工的同時，問下自己，自己的能力及身價有否進步？

有些工種，年資長短與人工無太大關係，這類工，你要思考是否值得長遠去做。同時，同一個職位留太耐，都未必是好事。

如果你心中有方向，就要做，把握機會令自己進步，有時路，要跳左出去，先知點行法。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15309：

老師，剛看到「年報聖經」中談及（潮流企業），香港電視（1137）算唔算係一個例子？上星期一特別抽高可唔可以用以下概念解讀？

1）王生公報已買口罩機為利好消息
2）股票因利好消息認為企業有前景
3）股票上揚破52週高位
4）配股後雖然股東權益少左，但因套現主要為業務擴展，所以都算是利好的消息
5）但此企業尚未係可投資企業，因連續4年都係虧損
6）企業開始轉虧為盈時便是可以投資信號之一

龔成老師：

《年報勝經》所講的情況，正是這樣。

書中形容當近期發生一些潮流，例如飲食潮流，就會好多相關企業，目的就是把握高位集資的機會。

而香港電視（1137）上述的情況，就是這類模式，所以，當我地見到短期裡，企業因為某些潮流（但只是短期），而有較大的上升，我地會比較小心。

你分析時，唔好太著重中短期的利壞消息，以及這類中短期的分析，要睇長期。

業務上，佢是是潛力股，但這股的財務數據變化大，估值好難，這是最大的風險。

市場對佢的估值都不一，這一定會令股價變化有很大的波動。往往只能用一些預期的模式去進行估值，例如預期3年後的盈利情況。

因此，這類股不是不可投資，但不建議大注。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15310：

請問老師 海螺創業前景理想嗎? 現價合理?

另外已經報讀了老師五月的投資基礎班 相信絕對物有所值

龔成老師：

海螺創業（0586）前景正面，佢整體的發展不差，生意與盈利都有理想增長，財務數據理想，負債不多。雖然股價升左唔少，但由於盈利有實質上升，因此仍未算貴，只算合理區中上部。

股票班絕對可以大幅提高你的投資實力，5月見！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15311：

龔老師你好，我現在月供股有三隻:港鐵供:$2000,盈富供$1000.建行供:$2000，現在經濟下降，收入也差了很多。
我這個組合可以繼續供下去嗎:我才供了三個月
麻煩你了。非常感謝你能經常回信息俾我

龔成老師：

你這個組合所供的，都是有質素的股票，可以保持進行。

不過，要睇翻你自己的財務情況，我地理財，要做到攻守兼備，所以你要留有一定的備用現金，足夠你3個月的支出。

所以，你要平衡情況，如果現金不足就停一停，如果有足夠現金就保持進行。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15312：

Hi~最近看富爸爸的書，佢經常反對長期投入股市中，建立股票、債券、etf組合等，你對此有冇特別看法？佢不停重提反對長線投資股票令我有d不解

龔成老師：

因為佢是以投資地產起家的。

一般人投資基金、ETF，是一些穩健的增長方法，佢反對的原因其實有3個，第一，財富增長力及現金流，不及佢的方法。第二，一般人投資知識不足，大多虧損，因此佢反而投資股市（因為大部分先知識的人都輸）。第三，一般人只懂「短炒」，而佢強調要留意現金流，而並不是「賺差價」。

其實最重要是第一點，因為佢利用借貸投資物業的方法，財富有很快的累積，可以不斷將物業增加，但香港，這個模式已不行，因為買第二層要比高稅，大大影響回報。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15313：

Halo想問你點睇0097，1810、981，178？

龔成老師：

恒基發展（0097）不差的，但只是收息，唔好預有增長力。

小米集團（1810）其實有潛力的，但業務就比較波動，估值亦較難，這股可以投資，但只能小注。

中芯國際（0981）雖然有增長力，但現價貴。

莎莎國際（0178）中短期一定弱，但長遠質素仍在，現價在合理區中下部。不過，始終有風險，因此，不建議大注。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15314：

想問你之前有咩著作會出？

同埋你出左D咩作品？我暫時已買百萬富翁1，2，3集股票勝經，50穩健收息股及大富翁致富藍圖！我想問我仲有幾多本屬於你嘅書係咪買㗎？

係想問你之後有咩書會出？

龔成老師：

以下是我的11本書：

《80後百萬富翁》（第7版）
《80後2百萬富翁》（第3版）
《80後3百萬富翁》（第2版）
《財務自由行》（第5版）
《大富翁致富藍圖》（第4版）
《50優質潛力股》（第3版）
《50穩健收息股》（第3版）
《50值博倍升股》（初版）
《股票勝經》（第3版）
《選股勝經》（第2版）
《年報勝經》（初版）

書本在三聯、商務、大眾、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

另外，今年會在年中，出一本關於買樓的書，年尾，出關於致富概念的書。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15315：

老師，其實0788 PE=70

要怎樣從PE 知道隻股價是否處於合理水平

龔成老師：

中國鐵塔（0788）有質素的。

這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入正不斷增長，盈利都保持向上，但股本回報率不高，是這股較弱的地方。若分析佢市盈率，會見到現時仍然處較高水平，反映佢雖然股價回落左唔少，但仍然未到平。

點解可以咁高市盈率，因為市場預期佢的盈利會有理想上升，而的確，佢的增長不差的。

考慮到佢的質素、發展能力，這股算是合理區中上部。

由於這股有發展力，可長線。

但如這刻買入，分注慢慢入，可以的。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15316：

龔sir 本人28歲 想請教MPF投資選擇既策略應該係點?

龔成老師：

由於強積金是超長期的投資，我地只要好簡單咁人生階段、風險承受能力去配置就得。例如年紀較輕就進取，中年就平衡分配，年長就保留，咁就得。

因此，如果你現時28歲，仍可以進取的，可以將較多資金，投資在較為進取的類別，少少在平衡組合，咁已經得。同埋，強積金唔需要經常轉來轉去的。

我由初踏出社會開始，都是100%恆指的。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15317：

老師你好，今日＄11.34入了金界控股，請問目標價是多少？另外一隻2680創陞＄4元入，現一直跌是否要止蝕走？謝謝抽寶貴時間解答

龔成老師：

我地決定繼續持有一隻股票與否，最重要睇企業的質素、前景，買入價不是關鍵。

金界控股（3918）是有質素的股票，可長線，暫時無特別目標價，這是增長股，你可以長線持有，但不建議持貨過多，因為佢始終處於新興市場。

至於創陞控股（2680）業務不穩，出現虧損，風險比較高，加上現價仍貴，賣出較好。你可以先賣出一半，餘下等有較大反彈再去出。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15318：

您好，龔成老師，想請教一下，240和610有如何睇法，我有親友在這建築公司工作，之前聽到消息該公司接了明日大嶼工程

但因社會事件而影響，我合共有十多萬該公司股票，現價格下滑，想再買貨，您意見如何？

龔成老師：

明日大嶼的變數實在太多，唔好單憑這類消息就投資。

較穩健的做法，是假設佢在無發展明日大嶼的情況下，是否值得投資，以及估值多少。

利基控股（0240），本質不算差，但近年的盈利有下跌情況，如果以長期估值計，現價算是合理，但你要佢上翻高位，不是短期事，如果貨不多，可持有，勉強守，但太多貨應該減持部分。而不建議加注。

至於惠記集團（0610），相對較好，現價合理，可以持有。如果這股佔你財富組合不多，加少少可以。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15319：

龔Sir你好！讀過你部分著作後，明白了不應炒股，但始終對股票市場沒有太多經驗不知如何下手。

因家人有30萬現金想投資股票，本來有用當中部份金錢買入2800，但見近來時局不穩定，加上本金不是自己

所以決定先放貨拿回本金，一來一回反變成沒賺沒蝕，所以想請教該如何為家人這畢資金部署？
先感謝

龔成老師：

其實，你唔需要太著重中短期的股市情況，我地要長線投資，著重的是長遠的企業發展，中短期問題總會有，但轉來轉去不是上策。

可能你偏向保守，不如建立一個「收息股組合」，對於你家人的本金會較好。

你可以將$15萬，建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15320：

你好，龔成老師，本人持惠理806 3年，有35000股，平均買入6.57,現4.75,請教我應該再入定等升後放？吾想放甘耐，謝謝

龔成老師：

惠理集團（0806）的質素只屬中等，相信你持有，都只會平穩，唔好預期有太大的增長。不過這股始終不是無質素，因此，在方向上，你可暫時持有，但就可等機會，分注賣出。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q13661-Q13680）

Q13661：

師兄，你現在的知名度越來越高，我好奇如果有一天大部分香港人都認識你的這套方法，然後都跟著你的方法做，那市場還會有低估的股票嗎？

而且這個社會要持續運作，應該不可能人人都財務自由？

不過我有時都在想，巴菲特全世界都知，但多年來市場還是經歷那麼多的恐懼與貪婪。
你如何看呢？

龔成老師：

你最後帶出了重點，巴菲特是全球憑投資賺最多錢的人，佢的方法好簡單，但卻不受歡迎，所以，一個賺錢的方法，不等如人人都會用。

因為人類有好多本性，好難克服，例如恐懼與貪婪，例如耐心。當市場狂熱時，你身邊的朋友A、B、C，都炒股賺大錢，你就自然好想炒，但這時巴菲特會同你講「遠離股市」，但好多人都唔會聽。

又例如，巴菲特已明確去講，技術分析無用，但市場上仍有好多「專家」用技術分析，然後就好多散戶跟，點解，因為這方法好似好易賺錢。

所以，人性唔易克服，明明有一條已證實能合理累積財富的路，但D人就係唔跟。

------------------------------------------------

Q13662：

龔Sir你好，我27歲，月入$35000，會逐年跳point，每月可草$13000。當中用$8000 蚊月供，分別$3000（2800）、$2000（66）、$1500（2388）、$1500（1211）

上述組合ok嗎？

另外，我有450k 現金，有咩可以做？

想兩年內買樓，400萬左右，首期加埋其他雜項，預計都要洗60-70萬，可以嗎？
當然就咁草錢都可以上到60-70 萬，但我想兩年內資產升到90萬ok嗎？會穩陣d

龔成老師︰

我地會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你年紀計，是財富增值的黃金時期，現時月供組合可以。由於財富增值是需要時間，而你的現金450K係有明確目標"想兩年內買樓"之用，故不宜作太進取投資。

我建議你買樓部份預算和財富增值資金分開，買樓部份就用你現有450K加每月儲蓄5K，這部份最多只可做定期或買收息股，2年後應該大約有60萬。

而8K月供股票維持不變，並長線持有，作為你財富增值部份，這樣安排會較好。

------------------------------------------------

Q13663：

你好龔先生，抽中青衣樓花明翹匯，想問問你意見，買唔買好？上次聽了你意見買了建行，少有斬獲

龔成老師：

我一向對新樓都有保留，因為小業主好易買貴後，因為當中的訂價技巧，一般都會令物業較貴，而當中並不易睇到的，總之，唔好因為「易上車」，就以為一定平。

初步睇這個盤，開價算是唔進取，因為我地會比較同區的二手價，以及預測的租金回報率。總之，你用同區二手樓價作比較，如果是二手價，你就可以買，若貴過就要小心。

------------------------------------------------

Q13664：

老師，你覺得如果啱啱出黎做野既話，應該儲多啲錢等機會投資定係每個月都投好啲？

如果都係買優質股的話

龔成老師：

由於我地會以「先增值，後現金流」作人生財富累積的方法，因此，理論上愈早投資愈好，當然，都要留意平貴，風險等。

而你應該先儲一些現金作備用，例如$2、3萬，餘下的就可以作出投資。所以，你可以首先儲到這個數，之後就利用月供股票的方法，不斷投資優質股，如不懂選股就盈富（2800）。

------------------------------------------------

Q13665：

成哥你好，我想問下教育股雖然受到政策管控讓他們沒有爆炸性增長，那麼教育股是否還能看好？

龔成老師：

中國的教育行業，因為近年的政策影響，的確令發展減慢，但本身仍是不錯的。我地分析翻政策的大方向，其實政府仍是鼓勵行業發展，只是不能過份獲利，以及不能太胡亂擴展。

因此，行業整體仍是發展正面，只是增長力無過往咁強，只是平穩增長的程度，投資價值仍在，但就未必能太過大注。

------------------------------------------------

Q13666：

老師，我想問下 我地以$550萬樓為目標 其實利息同按揭保費，合共都佔左總樓價35%

其實借8成
供咁多利息值唔值?

龔成老師：

我地最重要，是睇「實際的按揭利率」，現時的低息環境，其實仍是值得的。

例如利率為2%，如果你有一筆資金在手，及早還這筆錢，你就可以節省2%利率，如果你這筆資金唔還錢，用作投資，假設投資穩健收息股，得到6%回報。

將這個回報再減翻2%，你都可以有著數，因此，理論上借較多，令自己留更多現金作投資，其實是較好的。

------------------------------------------------

Q13667：

龔成老師
想問問0027銀娛合理價係幾多？

龔成老師：

銀娛（0027）這股現價合理，可以作出長線投資，你預現時在合理區中上部，如果去到$40以下，先可以叫做平宜區。

這企業業務仍有長線增長能力，不差的。

------------------------------------------------

Q13668：

成哥 我最近收到有關自動售賣機的宣傳推廣 你有研究過嗎 可否分析下

龔成老師：

這類自動售賣機，已不是新鮮的事，近年更多不同的合作模式，只可以話唔好太信預期的回報等，你要自己找更多的資料。

當中一定有較好或較差的，因此你要自己多比較，作分析。我自己無特別研究市場，但香港始終與其他地方不同，不一定能行到外國的程度。

------------------------------------------------

Q13669：

老師你好! 我想請教一下, 你成日話股票要長線持有先會有成果, 當我讀完你既書之後, 我十分之認同, 亦完全改變左我以前對買賣股票既概念.

我依家照你的見議做月供股. 我想問下如果當我手持既股票升到一定的價位, 例如港鐵(66) 如果已升到係我當初買既80%咁到個時是否就可以考慮放左去呢?

其實如果我地係長期持有一些股票, 我地應該有既概念係到幾多個% 就為之係適當時機考慮賣出呢?
謝謝!

龔成老師：

我地賣出股價，並不是因為「想賺錢」「賺左先」，因為所謂的賺左先，其實是賺現金概念，而賣出優質股，得到貶值的現金，其實反而會令到我地財富貶值（因為現金只會貶值），所以，我地會視優質股為真財富，一般都唔會賣出的。

但若然優質股已變質，我地都會賣出。

又或優質股已升到太貴的水平（這不是升幾多，而是貴，昭是股價已超過合理的企業價值），這就會考慮賣出，將資金轉投另一隻優質股。

------------------------------------------------

Q13670：

龔成老師你好，我係澳門人，由於種種原因，我剛將物業賣出，手上會有600幾萬，約在五年後同樣以600幾萬向政府買另一房子，即這五年我可以利用這600萬好好去投資增值。

這期間會租樓住，本人45歲，有穩定工作，請問如何在4-5年利用這錢增值，適逢現在又量化寬鬆貨幣政策，怕錢不斷貶值，有何策略可以增值及穩定。

龔成老師：

你可以將$600萬，分成2部分去投資，第一，投資股票，要建立一個優質股組合，平穩增值就得，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

第二，你可以投資一些固定資產，因為你這刻要做的，就是減少你這5年，無物業情下的財富貶值風險，如果這段時間樓市大升，而你手上的財富無上升，這是最大的風險。

因此，你這刻投資一些固定資產，可有效減少這方面的風險。除了物業外，車位都是其中一項固定資金，入場費不高，你可以考慮的。

另外，你亦要留有一定的現金，作備用，以及等待投資之用。

到你5年後，要再買翻物業，相信上述的策略能令你財富追到樓價。而你到時其實可以適當利用借貸，只用部分資金買，餘下的就可以繼續持有資產項，令你的財富得以繼續滾大。

------------------------------------------------

Q13671：

ar sir，除咗股票，可唔可以教吓強積金點揀呀⋯⋯年年都蝕錢

龔成老師：

強積金，你要睇長線，唔好太理會短期的賺蝕。

因為由於強積金是超長期的投資，我地只要好簡單咁人生階段、風險承受能力去配置就得。例如年紀較輕就進取，中年就平衡分配，年長就保留，咁就得。

因此，如果你現時3X歲，仍可以進取的，可以將較多資金，投資在較為進取的類別，少少在平衡組合，咁已經得。同埋，強積金唔需要經常轉來轉去的。

我自己由初出來做野，到而家，都是100%恆指的。我比較建議你簡單投資一些追蹤指數的基金，第一是長期增長平穩，第二是手續費可能會平少少（可能）。

------------------------------------------------

Q13672：

老師，近日香港政局不穩。本人有見李嘉誠先生的公司擁有很多歐洲的資產，想購入他旗下公司的股票作長線投資。

但是他旗下有很多上市公司。你認為哪一隻是有潛力值得購入長期持有？

龔成老師：

其實佢已經將資產環球化左好多年。

至於長和系中，你可以考慮長建（1038），這企業多年來，收購了不少外國資產，增長不差。而在長和系中，電能（0006）、港燈（2638）不斷為長建提供現金流，而長建就不斷收購資產，因此這企業仍有增長力。

當然，近年歐洲經濟一般，影響了這企業的增長，但長遠仍是正面的，相信平穩增長可以。

------------------------------------------------

Q13673：

成老師你好 請問700適唔適合月供股票 我供咗兩年但係都好似冇乜起色

龔成老師：

首先，騰訊（0700）本身有質素，但有兩個原因令佢股價近年無表現。第一，佢過往一直都貴，就算是現價，都有合理區中上部，這類股除非有好大因素支持，否則股價增長不強。

第二，佢業務的增長，已由過往的最高增長，變成平穩增長，這當然股價不會如過往般強。

這股可月供，但不宜太大注碼，同時唔好預佢有好強的增長力。

------------------------------------------------

Q13674：

你好老師~本人41歲,老公負責家庭開支,我負責小朋友開支(9歲),早幾年前買下股票,應否止蝕,年頭開始重整月供,都是你建議的,請比下意見~

因身體不太好,想在5年後轉份輕鬆的兼職。
老公(41歲)不會作任何投機買賣,做到65歲退休,所以由我預備退休安排,兒子有基本人壽儲蓄到18歲。

持有
0003 5000股 @14.76
0006 2500股 @68.1
823 500股 @73.5
449 300000股@0.09
3382 30000股@2.05

月供
0003 $2000
1038 $2000
1211 $3000
2800 $3000

龔成老師：

我地繼續持有一隻股票與否，重點是企業的質素，買入價只是心理因素，因此不要被買入價影響投資決定。

見你投資的股票，部分是優質的，基本上可以一直持有。志高控股（0449）業務經常出現虧損，投資價值不高，賣出是較好的做法。

天津港發展（3382）業務有向下情況，但這股不是全無質素，你都可以持有，但如果有較大的反彈，可以分段賣出，因為並不是高質之列。

至於月供股票，可以繼續，但比亞迪（1211）建議只供$2000，盈富（2800）可以供$4000。你保持長期進行就得。由於你都要負債開支，以及將來的情況，因此，你都不能太少現金，都要有一些現金在手比較好。

------------------------------------------------

Q13675：

龔成老師你好
中國政府呢一排開始扶植國內半導體廠商
你會唔會睇好?

如果要入市嘅話 紫光 中芯 華虹 你比較推薦邊隻?
多謝老師

龔成老師：

我相信長遠，中國經過中美貿戰後，會更投入更多資源在這行業，因為要靠自主。

華虹半導體（1347）質素不差的，佢是全球第二大的200mm純晶圓代工廠。

不過，這企業雖然在部分範疇擁有技術，但並不是整個產業鏈中最重要的技術部分，所以不能定為很高質素的企業，但都有一定的質素。

這股雖有投資價值，但由於有行業風險，因此不能大注。

------------------------------------------------

Q13676：

老師，想問現在0522 ASM 它的合理價範圍是？平宜價是？十分謝謝

龔成老師：

ASM PACIFIC（0522）有質素的。

佢業務為設計、製造及銷售半導體工業所用之器材、工具及物料，以及表面貼裝技術配置機。於湯森路透的報告中，ASM被選為全球百大科技領導企業之一。

這企業有一定的實力，而且增長力不錯，財務數據正面，行業前景正面，因此有投資價值。

不過，從過往的數據可見，業務都有略為波動的情況，始終這類科技行業的變化較大，存有不確定性，你要留意這點。

估值方面，現價都算處合理區中上部。由於這企業規模已經龐大，比較難有高速增長。

------------------------------------------------

Q13677：

房托基金是股票咁買？

龔成老師：

不少房地產信託基金，都有在香港交易所上市，你只要如同投資股票般去買賣，就得。

例如領展（0823）、置富（0778）、陽光（0435）、
泓富（0808）、越秀房產（0405）都是在港上市的房託。

投資房託，原理如同買樓收租，買入了一個物業組合，現時的股息率一般有5%、6%，你可以同時投資數隻房託，建立一個組合，以平衡風險。

------------------------------------------------

Q13678：

成兄，285比亞迪電子的現時pe已升至13倍以上，係咪要開始減持呢？

龔成老師：

唔需要減。

比亞迪電子（0285）是潛力股，這股雖然比低位$8升左好多，但仍未到貴的水平，現時市盈率只是合理區的範圍，加上行業有好轉情況，佢的盈利會向上，這支持佢企業價值會有實際的上升。

這股仍有持有價值，除非你持貨過多，否則，持有這股無問題。

------------------------------------------------

Q13679：

Hi 龔成老師，我有睇下你的書《股票勝經》《50優質潛力股》《80后百萬富翁》，才學到正確的知識，請問460 四環醫藥前景怎樣？

我有大量此股在手多年（23萬股），至今已經虧損一半，請問此股持有還是沽出好？或現價可再入等待上番$2再沽出嗎？謝謝你！

龔成老師：

四環醫藥（0460），這股有少少麻煩，因為曾經停過牌一段時間。

如果你睇翻佢年報中，每年獨立核數師的意見，你會見到在2014年出現「不表示意見」，2015年、2016年出現「保留意見」，這都反映核數師對佢盤數感到有可疑，這是一個十分不利的因素。

雖然近年的賬目，已經無問題，但我一般會「一次不忠，百次不用」。因此，你要小心這股，賣出是較好的策略。你可能等佢反彈時時，分注賣出。

------------------------------------------------

Q13680：

我想問下如果之前買左中移動（941）你覺得之後走勢係點？都可以長揸？ 潛力大嗎？ 如果對比 中聯通 ,中電信

龔成老師：

中移動（0941）的質素比過往年代減弱，不過現時仍可算是有質素。因為政府唔想行業的費用太高，因此行「提速降價」政策，會影響佢長遠的賺錢能力。

你預這股是收息，以及平穩增長的股。5G對佢都算有利好，但就唔好預有太大驚喜，因為政策唔想相關費用太貴，所以佢賺到的錢不會太多。

至於中聯通（0762）、中國電信（0728），都有類似的情況，現價其實合理，但不能有太高的期望。中移動算是較高質的。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

疫情未受控，今集為左保障番各位主持既健康，唔好出咁多街，我地改左用Google Meet 做網上直播，時間緊逼，望各位觀眾包涵！希望大家俾多個like幾位主持同好幫手既Raga幕後人員John同EV!

今集主要就講番唔少人就用財經網站既免費報價買賣輪證，連隻輪既買賣差價同埋街貨量情況係點，莊家開價響咩野位都唔知，輸左唔少「冤枉錢」。

Ivan 今晚用左一隻中芯輪11148做例子，教大家高街貨輪點解會好容易令大家買錯左貴貨。

除此之外，三位亦都講左證既買賣差價點訂，咩野係莊家買賣價，街貨量高低對輪價既影響，教大家做個精明既消費者！

仲有Ivan亦都即席示範左如果要隔晚掛定輪證既買賣算，點樣用模擬計數機幫自己計價，分析埋呢種方式有咩利弊，亦都回答左唔少網友既問題。

https://youtu.be/b8vPtMJ5l9I

第一節精彩內容：

1. 街貨量即係咩？咩野為之高街貨量？
2. 街貨量去到咩野水平係高？
3. 點解莊家有時唔可以增發隻輪？
4. 街貨量高點解會影響到輪價？莊家回購輪證要睇咩野因素報價？
5. 點睇到莊家最佳買入價放響邊個價位？

https://youtu.be/b7Ya0Phmdvw

第二節精彩內容：
1. 莊家買賣盤係點訂？點解輪價買賣差價會時闊時窄？
2. 輪證流通量係咩，無成交既輪點解都唔怕買？
3. 隔晚掛定盤有咩問題？用模擬計算機計價掛盤應該點做先準啲？
4. 買賣輪證用市價好過排隊買同沽？
5. 大size掛買/掛沽隻輪既盤，對正股走勢有無啟示？

https://youtu.be/XLe1skd78eE

呢個新單元既內容繼續豐富實用，大市暢旺，大家想用輪證部署，立即學好輪證基礎！逢星期三晚九點至十點，即場直播接受提問，互動教學！

錯過左之前既兩集，就按以下條link睇番啦！

https://www.youtube.com/playlist?list=PLBlwm-p_M-QyKWIt2BYv9YJN-95US6LKL

#認股證 #窩輪 #街貨量 #認股證教學 #瑞信 #Season #小兵Gary #輪證錦囊 #Ragafinance #莊家 #買賣差價

大家如果對輪證知識有咩野問題唔明，歡迎留言問，又或者登記成為瑞信認股證牛熊證既會員，可以優先問問題，Ivan話問得下集一定搵個時間答！

瑞信全新輪證網站

https://warrants-hk.credit-suisse.com/tc

登記成為瑞信會員

https://warrants-hk.credit-suisse.com/tc/about/membership

輪證錦囊案內所交流區:

https://t.me/joinchat/DH7y1w5TCKbB-w2aqiPpqw

本節目由瑞信認股證/牛熊證特約播出

瑞信免責聲明：

https://warrants-hk.credit-suisse.com/tc/seminar/disclaimer

RagaFinance Facebook:

https://www.facebook.com/ragafin/

《Calvin直播室》眾籌計劃 ?

http://patreon.com/calvinchoy
-------------------------------------------------------------------------------------------------------------------------------------------
免責聲明：《Raga Finance》竭力提供準確資訊，惟不保證絕對無誤，資訊如有錯漏而令閣下蒙受損失（不論公司是否與侵權行為、訂立契約或其他方面有關），本公司概不負責。

同時，《Raga Finance》所提供之投資分析技巧與建議，只可作為參考之用，並不構成要約、招攬、邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《Raga Finance》主持、嘉賓、編輯及記者無關。

同時，《Raga Finance》所有節目或資訊，相關內容屬作者個人意見，並不代表《Raga Finance》立場。

Raga Finance

網址: www.ragafinance.com

疫情未受控，今集為左保障番各位主持既健康，唔好出咁多街，我地改左用Google Meet 做網上直播，時間緊逼，望各位觀眾包涵！希望大家俾多個like幾位主持同好幫手既Raga幕後人員John同EV!

今集主要就講番唔少人就用財經網站既免費報價買賣輪證，連隻輪既買賣差價同埋街貨量情況係點，莊家開價響咩野位都唔知，輸左唔少「冤枉錢」。

Ivan 今晚用左一隻中芯輪11148做例子，教大家高街貨輪點解會好容易令大家買錯左貴貨。

除此之外，三位亦都講左證既買賣差價點訂，咩野係莊家買賣價，街貨量高低對輪價既影響，教大家做個精明既消費者！

仲有Ivan亦都即席示範左如果要隔晚掛定輪證既買賣算，點樣用模擬計數機幫自己計價，分析埋呢種方式有咩利弊，亦都回答左唔少網友既問題。

https://youtu.be/b8vPtMJ5l9I

第一節精彩內容：

1. 街貨量即係咩？咩野為之高街貨量？
2. 街貨量去到咩野水平係高？
3. 點解莊家有時唔可以增發隻輪？
4. 街貨量高點解會影響到輪價？莊家回購輪證要睇咩野因素報價？
5. 點睇到莊家最佳買入價放響邊個價位？

https://youtu.be/b7Ya0Phmdvw

第二節精彩內容：

1. 莊家買賣盤係點訂？點解輪價買賣差價會時闊時窄？
2. 輪證流通量係咩，無成交既輪點解都唔怕買？
3. 隔晚掛定盤有咩問題？用模擬計算機計價掛盤應該點做先準啲？
4. 買賣輪證用市價好過排隊買同沽？
5. 大size掛買/掛沽隻輪既盤，對正股走勢有無啟示？

https://youtu.be/XLe1skd78eE

呢個新單元既內容繼續豐富實用，大市暢旺，大家想用輪證部署，立即學好輪證基礎！逢星期三晚九點至十點，即場直播接受提問，互動教學！

錯過左之前既兩集，就按以下條link睇番啦！

https://www.youtube.com/playlist?list=PLBlwm-p_M-QyKWIt2BYv9YJN-95US6LKL

#認股證 #窩輪 #街貨量 #認股證教學 #瑞信 #Season #小兵Gary #輪證錦囊 #Ragafinance #莊家 #買賣差價

大家如果對輪證知識有咩野問題唔明，歡迎留言問，又或者登記成為瑞信認股證牛熊證既會員，可以優先問問題，Ivan話問得下集一定搵個時間答！

瑞信全新輪證網站

https://warrants-hk.credit-suisse.com/tc

登記成為瑞信會員

https://warrants-hk.credit-suisse.com/tc/about/membership

輪證錦囊案內所交流區:

https://t.me/joinchat/DH7y1w5TCKbB-w2aqiPpqw

本節目由瑞信認股證/牛熊證特約播出

瑞信免責聲明：

https://warrants-hk.credit-suisse.com/tc/seminar/disclaimer

RagaFinance Facebook:

https://www.facebook.com/ragafin/

《Calvin直播室》眾籌計劃 ?

http://patreon.com/calvinchoy
-------------------------------------------------------------------------------------------------------------------------------------------
免責聲明：《Raga Finance》竭力提供準確資訊，惟不保證絕對無誤，資訊如有錯漏而令閣下蒙受損失（不論公司是否與侵權行為、訂立契約或其他方面有關），本公司概不負責。

同時，《Raga Finance》所提供之投資分析技巧與建議，只可作為參考之用，並不構成要約、招攬、邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《Raga Finance》主持、嘉賓、編輯及記者無關。

同時，《Raga Finance》所有節目或資訊，相關內容屬作者個人意見，並不代表《Raga Finance》立場。

Raga Finance

網址: www.ragafinance.com