《第一次搭叮叮》

♂：早晨

♀：早晨

♂：岑雪兒，我好掛住你啊……

♀：掛住我乜

♂：好多喎，你想我逐點講你知？

♀：免喇，肯定無好野講，你成日都蝦我

♂：今日係唔係又見你唔到啊？

♀：乖，唔好咁痴身啦你，呢d野應該係我做先係嘛！

♂：我有冇同你講過我都幾女人

♀：睇你寫野都感覺到，但估唔到你真係咁女人

♂：喂我有個哲學題想問你，一個男人，佢鍾意一個好似男人既女人係同性戀，定係一個好似女人既男人先係同性戀呢？

♀：定義黎講應該係後者

♂：但佢對於男人係完全無好感，要佢都覺得外表好女人既先會鍾意喎

♀：咁應該唔算掛

♂：我尋日睇左篇新聞，有個男人扮係TB去溝一個Les既，然後入左房先知佢真係男人，呢d真係新聞，完全係聞所未聞，我寫故事都唔夠膽咁寫

♀：證明你份人仲唔夠天馬行空，欠缺想像力囉

♂：咁我檢討下……

♀：其實呢……以前都有女仔鍾意過我

♂：唔出奇啊，你咁靚，男女通殺都好合理

♀：係嫁，以前我讀書係街都成日比人搭訕嫁

♂：我以為你係個種唔喜歡人地話你靚既人

♀：有段時間我都真係想人睇多少少我既內在美，個陣我特別唔打扮自己添，依家諗返真係覺得好傻

♂：靚咪靚囉，好客觀既事，我對於一個天生就靚既人強調自己唔係靚呢件事，會覺得好虛偽，謙過頭就係假喇

♀：我覺得人地只係講靚，只不過係內在美唔夠，當你內在美強到人地要讚嘆，覺得你再靚都無內在咁有講既意思時，先係最成熟既做法

♂：之前我睇過一套漫畫，有個平凡人好努力，佢問如果遇到一個同自己一樣咁努力既天才會點，答案係無解，依家我面對你就好似面對一個永遠都追唔到既目標一樣

♀：咁你有冇諗過，有醫生有律師有富二代有富一代溝我，但點解我最後都揀左你

♂：我有諗過，但我諗唔到答案，連我都說服唔到自己

♀：因為你比到我好需要但又從來搵唔到既野我

♂：咁係咩呢

♀：自己參透啦，如果你自己搵唔到個答案既話，我會好失望

♂：其實我覺得自己好平凡

♀：係，你個人睇落好自信，但心底裡好自卑，雖然你無講出口，但我感覺到，頭先你講既天才問題，唔係無解，每個人都有長處，呢樣你未必鬥得過佢，但可能係另一方面你比佢更有天份，人生唔係只有一條路，大家一定要賽跑嘛，做人要開心，最緊要係搵到自己適合既位置

♂：適合既位置……呢句講得幾好，等我記低佢先

♀：收你版稅啊！

♂：喂，咁今日係咪真係見你唔到

♀：我係中環收十一點

♂：我過黎搵你

♀：搵我做乜先，我有野要返屋企拎，聽日要帶去做野

♂：咁我送你返屋企啦

♀：真係送我返屋企？一陣返到去你又叫我去你度啊，我睇通左你喇！衰人！

♂：真係送啊，我對天發誓！

♀：好啦，你唔介意陪我一段路就可以

♂：等我安排，我十一點前到中環啦

♀：喂，我收工喇，你係邊？

♂：置地對出

♀：行緊過黎

♂：點啊，今晚呢個第一次特唔特別

♀：真係估你唔到……不過真係幾特別

♂：有人第一次見，特別唔搭電梯拖長個見面時間，咁我揀個龜速交通工具都係學你姐

♀：入秋喇，今晚無咁熱，我聞到秋天既味道

♂：如果太熱我唔會同你搭電車囉……一陣成身汗就難搞

♀：你覺得我地可以有幾多個第一次呢？

♂：理論上係無限既，有些微變化都會變成新既第一次嘛

♀：係，就算做同一件事，只係當中講左一句好特別既野，呢段記憶都可以好新鮮

♂：同你一齊我唔怕會厭，做乜都好開心咁

♀：你個衰人，做乜要發誓呢！

♂：等你今晚會掛住我囉，有時唔見比見到更令人難忘

♀：我真係鍾意同你send msg多d

♂：或者我長處就係打字喇

♀：其中之一

♂：原來我有咁多長處！！

♀：讚壞左你！唔講喇，晚安！

♂：晚安，我都好掛住你啊岑雪兒

♀：都……用得好

第二部的最終回見面版已上載Patreon，連結
https://www.patreon.com/....../chang-qing-bu-di......

四條仔去Staycation的上篇都在patreon可以觀看
中篇 響30 晏少少更新

#長傾不見 #蔣薇 #小說 #故事 #好久不見

未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at

《大男孩》

♂：早晨

♀：早晨

♂：有冇睇臨終之戰？

♀：無啊，尋晚我同你一齊，你話我有冇睇喇？

♂：我睇左重播

♀：呢幾條友我都無乜好感

♂：其實我都無好感，但睇完佢地打，有左新睇法

♀：咩睇法先？

♂：一開始我覺得林作為錢打呢場拳賽，明明佢名牌大學畢業，又有律師資格，點解要淪落到去做小丑比人打呢？

♀：我覺得麥明詩曾經同佢拍拖係一種恥辱

♂：原本我以為佢會比人打到訓係到企唔返起身，但估唔到佢竟然可以撐到四個回合

♀：最尾邊個贏？

♂：鍾生贏左，我覺得林作就好似外賣仔咁，佢無死無ko已經係奇蹟，佢明顯仲有個肚腩係度

♂：基本上林作頭兩個回合都係避得就避，比人打就抱住，兩個好似攬多過打，我諗佢從來都無諗過要打贏，只係輸少當贏

♀：企得上個台，無諗過贏點會打得贏呢

♂：我都係咁諗，但再諗深一層，佢可能只係為左錢而打，講真，一場拳賽有一百萬出場費，比人打八分鐘就有一百萬，有幾多人可以拒絕先？

♀：其實每個人都有個價

♂：所以林作既價就係一百萬，做小丑，比人打，佢好清楚自己定位，當你有一百萬，你可以做到好多自己想做既事，可以養妻活兒，可以支持你既事業，只係睇你放唔放得低自己

♀：但人要活得有尊嚴，當你有錢，但每次回想起呢種不堪回首既過去，心一定有條刺

♂：所謂發財立品，當你無錢時，你仲憑乜去講尊嚴呢？尊嚴又值幾多錢？你睇張智恆，差人一萬蚊都差咁耐，佢上台都差少少比人打到ko，但佢可以撐到最後，我見到既係為生活連尊嚴都可以唔要

♀：所以無乜人睇得起佢地囉……講真我都好想睇到呢兩條友比人打到訓低

♂：佢地企係個台既一刻，就已經無尊嚴，你有冇睇過關於日本AV女優既新聞，話女優佢地被放出無碼既影片，覺得好無尊嚴，我睇個陣心諗，其實你都拍得，可以點有尊嚴呢？

♀：我無睇啊……之前有打格，依家無？咁其實係無乜分別……

♂：重點就係，對我地無分別，為生活佢地要拍要打，但女優既最後底線係個少少格仔，而林作同張智恆既底線係仲要企係個台上面

♂：佢地都就訓低，我有幾下諗住佢地堅持唔住，但竟然比佢地撐到，係呢個全世界都覺得係恥辱既台上面，唔訓低，就係佢地最後既格仔一樣，呢條底褲，佢地點都唔想除

♀：咁係0同埋1既分別，滿分一百，都係唔合格

♂：我認為，呢個台只係人生既一部份，佢地拎到呢筆錢，只要一日唔死，一日都可以靠呢筆錢去返本，但如果佢地呢份尊嚴都放唔低，佢地連返本同成功既機會都可能會無左

♀：你呢句我認同，一日唔死就一日都可以返本，或者我地從未陷入過絕境，所以唔會理解佢地要放低尊嚴既感覺

♂：有冇聽過笑貧不笑娼？你知唔知個意思係咩？

♀：我知，但你咁問一定有古怪，所以我google左

♂：你習慣左我既陷阱喇，哈哈，無錯，好多人都係跟字面去解，窮可以笑，但娼只係搵錢，唔應該笑佢地；事實上係相反，當年意思係好多人寧願笑窮人都唔笑娼，而娼既意思係為金錢不擇手段既富人

♂：所以呢兩條友唔係字面上既娼，而係窮，只睇金錢，而唔睇金錢背後帶比佢地既意義，其實對佢地都幾唔公平

♀：但我都係覺得佢地唔值得尊重，除非佢地真係可以做到值得尊重既行為

♂：我都會放長雙眼去睇佢地

♀：咁你呢？對你講尊嚴係咩？

♂：以前我會好睇，但依家好似愈黎愈唔志在，呢個世界原來有好多野比尊嚴更重要，對我覺，可能係成就，可能係守護重要既事，又可能係愛情

♀：你好似有少少成長左

♂：每日我都希望有成長，係呢，尋晚我夢見你，夢見同你一齊做野

♀：係？做乜？

♂：我寫左個劇本，你拍緊我寫既野

♀：希望可以成真，好想知你會比一個點既角色我

♂：有少少頭緒喇，真係有呢日你就會知

♀：好啦咁，夜喇，你都早少少休息，晚安

♂：好，晚安

#長傾不見 #蔣薇 #小說 #故事 #好久不見

未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at

《恥辱》

👿：好耐無見

🥸：稀客喎，你最近點啊？等等，如果你轉左做保險既就唔需要喇

👿：放心，無轉，我都係寫野

🥸：咁就好，疫情好多人轉左做保險，真係講明先好，唔係一陣約食飯約飲野，最後講一輪先話想要單，但我又比唔到單佢地就尷尬喇，無謂浪費大家時間嘛

👿：最近如果有Job，我可以接，麻煩你幫我留意下

🥸：你竟然主動接Job？之前我彈比你又推又盛，你最近唔多掂？

👿：還好，但我需要搵多少少，唔可以再咁任性

🥸：遲醒都好過唔醒既，當年我都話你任性，叫你儲返多少少錢，你當時咁瀟灑，依家係咪諗返我講既野無錯先！當年你聽我講，你依家就未至於咁煩啦

👿：係，我太遲先長大，所以依家要急起直追

🥸：喂先生，唔係話追就追，你真係當我係遙控器？想暫停就暫停，想快進就快進，我係凡人，只係一直播放

👿：我無咁既意思，只係如果你有野需要幫手，可以隨時搵我，價錢可以商量

🥸：唔係商唔商量既問題，你唔係度既時候，我已經搵左幾個人，同佢地夾左唔少時間，疫情工作都少，我要抽出黎比你，咁呢幾年一直幫我手既人我又點交代呢？

👿：明既明既，如果佢地唔得閒，又或者你想有再平既價錢，我可能幫到你手

🥸：不如你黎幫我打工啦，我最近都想請個全職，唔想再夾自由人

👿：唔……全職我幫唔到手

🥸：價錢可以傾，大家咁熟，我出到33比你，都唔錯啦

👿：係吸引既，但我真係唔得

🥸：好好好，我唔希望兩三年後，你又搵返我，然後後悔你今日無做呢份工啦

👿：我唔會既

🥸：你發生咩事

👿：需要錢

🥸：需要錢你就應該做全職啦，最多我比彈性你

👿：唔係彈性問題，而係我有自己打算

🥸：唔講得你需要錢黎做乜？

👿：唔太方便

🥸：如果要借……以我地交情，我可以當係借住糧比你先，20萬，係我極限

👿：多謝你先，暫時唔需要，如果我需要，我一定會搵你

🥸：好，有句野我想同你講，恥辱，會令一個男人成長，一時恥辱比起一世失敗簡單得多，比心機！

👿：知道，我明你講既野，多謝

🥸：搵日飲野，我介紹朋友你識，今時今日識人好過識字

👿：當然好，你比時間我就得

🥸：我再搵你

#長傾不見 #好久不見 #蔣薇

重新再錄過呢首歌

只想用心唱好每一首歌

盼望某一日你失意時聽到我唱既歌

會感受到份歌詞既意思

最後記得訂閱我頻道❤
・IG: alvinwanwingkit
●https://www.instagram.com/alvinwanwingkit/

・facebook: alvin wan
●https://www.facebook.com/alvinwanwingkit
──────────❤歌詞Lyrics❤──────────
看見妳的聲音-廣東話
詞：Alvin.W

我看見妳的聲音 我明白不到愛情
當妳的沿途風景 至少我曾經出現在妳生命裡
心裡的森林 藏著一個秘密
叫做我愛你

時間一秒一秒走過
路上行人走過有幾多
回眸身影獨自一個
剩下自己一個面對自己犯下的過錯
好好的聽你講
我從不說謊
其實你 遺下我
這道理 存在過
腦海中思憶閃過一瞬間
即使可伸手抱着你
原來你背棄我身影
星空未聽到我念掛
求求星雨會告訴你
沿途可把思緒暫停
停下了告別你哭聲
可笑是你已不在轉頭
告別以往各自遠走

我看見你的聲音
再無法觸碰彼此的身影
祈求下次 故事沒有把我捨棄
重新把 愛護你的方法告訴我
只盼望有人來到
取代你 照耀我的位置

中三揀科好似啲人結婚咁，錯！係慘過結婚，因為人地結婚一兩年發現性格不合都仲可以離婚，你發現你揀咗嗰科性格不合呀？除非你有兩三個X喺手，否則學校隨時唔比你drop，見到人地讀到舐舐脷，你想轉又無得轉，然後焗住讀焗住考焗住個成績跟你成世，諗起都覺得慘。因為你覺得咁慘，因為你覺得咁無奈，因為你覺得你自己掌握唔到自己既命運，於是同佢地一樣，啲人結婚之前就要搵風水佬去夾夾個時辰八字，而你就希望老師點條生路你行，話你知你適唔適合讀佢嗰科。

可惜既係，風水佬其實都算唔到自己要喺天橋底擺檔，你老師當年一樣算唔到自己適唔適合讀自己教緊嗰科，問來問去最後都無人話到俾你知你未來讀咩科會讀得好，就算我真係神算算得到你會讀得好，你都可能諗其實讀其他科會唔會更好。同學們，其實未來既嘢無人講得埋，潛質就係睇唔見先叫做潛質，所以今日想講既，唔係咩人會讀得好，而係咩人會讀得唔好，睇下你中唔中喇！

第一，你唔夠理性。咩係理性呢？理性既相反唔係感性，你睇多啦A夢都會喊嗰啲都可以係一個好理性既人，其實理性既意思，係你做決定既時候會考慮既係啲咩？一個理性既人，當佢做決定既時候，佢會盡可能諗下自己做決定既理由合唔合理。正常人大多數時候做決定都唔理性既，你落床邊隻腳會著拖鞋先？你點知而家喺你屋企嗰個女人一定係你呀媽？點解你覺得大隻佬多數係gay既？其實我地好多時候唔會諗自己既決定既理由，通通都係由習慣、印象、直覺等等黎做決定，因為咁樣最快，最有效率，亦都通常係好準確既。日常生活OK既，但係放落Physics入面呢，好一部分既同學之所以Physics讀得唔好，都係衰太習慣用直覺黎做決定，見到加速度有「速度」呢兩個字，就會覺得混亂，日常生活有摩擦力，所以一定要俾力啲嘢先會keep住郁，呢個印象入咗腦，以後一做到Newton’s first law就錯晒。理性既人鍾意思考，而思考好費時好費力好費精神，好多時俾人感覺係「咁樣咪得囉，點解你要諗咁多？」但係呢種願意思考既態度，正正係讀好Physics既一大重要元素。(DSE出卷最鍾意陰啲人用直覺做決定，目的其實係想將啲因為睇得多而習慣咗啲題型既人篩走，盡量想令到啲真係對Physics有理解既人高分。)

第二，你想像唔到。乜嘢係想像呀？就係你只係知道好片面好片面既資訊，然後你就要去構想一個好具體既內容，呢個過程其實要運用你腦入面既大量記憶體，情況有啲似你睇小說，小說只係寫啲文字出黎，啲資訊好片面，當你見到呢啲文字，你就要用想像力，去建造一個具體既情境，你要完整咁感受呢個想像出黎既世界，你就要記住入面每一個你想像出黎既物件既顏色、質感，每一個動作既聲音、節奏，呢啲既內容可能同你生活完全脫勾，意味住你仲要抑壓住你覺得唔習慣既衝動，所以你個腦喺想像既時間其實係不斷run緊。讀Physics其實同睇小說好相似，小說會逐字逐句話你知而家個場境係點，每一個人物做緊呢乜，而Physics一樣，喺Wave同optics入面尤其喺，Wave入面會話你知一個空間入面唔同既粒子既動作，從而要你想像返個大環境係點，Optics鍾意畫一兩條光線就表達晒所有其他光線，因為做唔到動畫，所以過程中好靠想像力，你個腦唔可以同時呈現出呢啲想像，你就會有諗諗下又唔知做緊乜既情況。(其實為左淺化Physics ，而家DSE出卷已經盡量俾多啲圖你，等你少啲出現想像唔到既情況，但係咁亦都反向證明咗，好多人係因為想像唔到而攞唔到分。)

第三，你數學出事。其實數學能力係Physics能力一個好重要好重要好重要既指示劑indicator，一來係Physics要計數，二來係Physics同數學所需要既能力需要有唔同，但亦有好大部分重疊。前者就大家都明，真係數學好屎既人，就會出現計計下計錯數既情況(DSE為左呢班人，已經盡量減少計數、或者係減少啲要計得複雜既數)，後者反而係重要啲，雖然有好多數學既內容其實係應用唔到喺DSE Physics上面(上到大學情況就唔一樣)，但係由於數學好既人，通常就係邏輯能力強，心思細密僅慎，語文能力普通而覺得數學入面搵到成功感既人，呢樣同Physics人既特性係十分之相似，所以數理數理呢兩科，成日俾人當係孖公仔咁樣唔係無原因。(不過真係會有數學好Physics差或者Physics好數學差既人存在，而且個人觀察，通常啲人都係數學好Physics差，咁可能係同第一點有關，Physics比起數學無咁好操。)

不過最後，以上都係講幾個有機會出事既位，但係未講到最多人出事既位，最多人其實讀Physics讀得唔好，係因為一個字，懶！老實講，有好多嘢係可以靠努力、靠啱既方法做到返黎，所謂努力，唔只係講你而家放幾多時間，仲講緊你由幾時開始努力，我自己成個小學英文嗰科都得過且過，大個英文唔好都唔好意思話自己無語言天份，因為我望住英文辣辣聲嗰堆，你知唔知人地細個花幾多時間同心機放喺語文度？你錯過咗學習能力最高既童年，上到中學你就會覺得自己比人地無天份，但你唔知道既係，呢啲所謂既天份，係有得靠努力、靠啱既方法追得到。要講「我失敗係因為我無天份無潛質」既門檻其實係好高好高，因為當你講得出呢句既時候，代表住既係你已經盡晒可以盡既力，試過無數既方法都唔得，咁你先可以咁講，而事實上，幾乎呢個世界無人可以咁講，所以我地可以做既，係當你想做得好既時候，用啱既方法，用努力去做好佢，「我究竟有無潛質呀？」其實諗黎都多餘。

LIL WAYNE呢首DONT CRY feature 左XXXTENTACION，背後有咩故事？我地一齊研究下??

我真係好希望大家會多花時間去留意rap入面既歌詞了解下當中Artist想表達既意思或者體會
咁樣真係會令成件事昇華
我都係學習當中，希望大家可以一齊交流，無分對錯，is all about the vibesssssss




Follow me on Instagram ?? z.a.i.n.6
https://www.instagram.com/z.a.i.n.6/

Follow me on Facebook ?? givezainamin
https://www.facebook.com/givezainamin/?modal=admin_todo_tour