吉高由里子主演嗰套《我要準時下班》，出街之後惹嚟唔少迴響，無他嘅，日本職場有幾癲相信大家早有所聞，呢個故事真係hit中好多打工仔。香港地亦都有大把怪獸上司，試問你哋有邊個唔想準時收工？又試問邊個準時收工嘅可以無說話聽？

唔知係咪同事阿Roy都有睇呢套日劇，最近佢真係踏正6點就鬆人，仲要次次都一去絕塵。要知道呢位fit馬經常爆數，晚晚ot到8、9點更加係指定動作。一反常態嘅舉動，引嚟唔少同事揣測，傳得最勁嘅係懷疑阿Roy搭咗路跳槽，之不過原來佢突然吉高由里子上身，係有苦衷......

話說有同事收工之後，喺北角渣華道街市見到阿Roy嘅蹤影，見佢滿頭大汗拎住一袋二袋餸，同平時喺office嗰個瀟灑look真係有好大對比。大家都知聶伯呢排鑽研緊烹飪，無意中得知阿Roy原來都好呢味，當然要搵個機會偷吓師啦！

我：「有同事見到你喺北角買餸，咁就啱嘞，過返兩招嚟好喎！」

Roy：「我煮嘢食都係麻麻㗎咋，因為老婆最近出返嚟做嘢，晚晚都ot到黐晒線，我唔想佢咁辛苦，唯有趁呢段過渡期盡量減輕佢嘅負擔，做多少少家務。」

我：「唔請姐姐？」

Roy：「唔想假手於人，我想feel吓佢平時打理家頭細務有幾辛苦，係咪好犯賤呢？哈哈！」

以我所知，Roy嫂家陣份shipping工作係同事彈畀佢，呢間公司出名惡做，Roy嫂脫離咗職場兩、三年，霎時間咁chur肯定好吃力。請個姐姐，阿Roy唔係請唔起，佢無非想用行動支持老婆，等老婆feel到佢嘅心意，加把勁去適應返個社會節奏。

一家人最緊要互相扶持，愛樂維®最近有條造B真人TALK嘅短片，入面講到預備懷孕時，家人同老公對佢哋嘅支持有幾重要。片中有位媽媽講得好中point，佢話：「晚晚收工返到屋企都成12點，返工都係為咗頭家，小朋友都冇時間生為咩要咁努力？」工作壓力大，難免會搵另一半宣洩，佢老公要做「出氣袋」係無辜，但就不斷忍讓同埋支持，同老婆共渡難關。

阿Roy捨易取難陪老婆同行，愛樂維®亦都同一眾準備懷孕嘅夫婦同行。一粒有齊多種營養，準媽媽配方蘊含美國專利嘅親和人體葉酸成份，而準爸爸配方就有獨特抗氧化成份組合，維持精子健康，為準備懷孕嘅準爸媽提供關鍵嘅營養。

一家人就係要互相扶持，與另一半同行除咗要識得體諒，仲要畀最好嘅營養對方。準備「造人」嘅你，可以去HKTVMALL ( http://bit.ly/32hySll ) 或者iWatsons ( http://bit.ly/2JijZYK ) 選購香港版愛樂維®準媽媽及準爸爸配方，登記埋愛樂維媽媽會會員( http://bit.ly/2RD0Z9C ) ，仲可以免費獲得試用裝。

想了解更多愛樂維產品，可以click以下條link:
http://bit.ly/32iJWPm

#愛樂維與妳同行 #一起用心 #一起準備懷孕 #準備懷孕關鍵營養 #經歷令懷孕更美 #愛樂維準媽媽配方 #愛樂維準爸爸配方 #需配合均衡飲食 #如有任何病況服用前請先徵詢醫生建議 #一起聽聽過來人 #造B真人TALK #Bayer

[是他也是你和我]

寫得太好, 不能只有我看到.jpg
篇文好似唔關行山事, 但其實好關事.

嗯,我仲未放棄.

"身體變差了，易攰易病易眼瞓，到某次沖涼照鏡，明明瘦足廿年既你，竟然開始有肚腩，你崩潰之餘亦立志學人做Gym，這亦解釋了何而那麼多人由細到大無運動，到中年卻無端端開始跑步行山投奔大自然。除了身，還有心，你會感受到自己對很多事情、活動驟然失去興趣和熱情，所以除了運動，也會無離啦更搵野學，打鼓結他畫畫鋼管舞二胡乜都好，只希望在日日返工放工既迷霧裏，找到一點生活的變化。"

“呢排身邊好多好多朋友迷茫失落，不如意事十常八九，唔知前面會係乜，但同十歲估唔到廿幾歲係點一樣，一路走來，繼續前行，總會捱過。2018過左兩個月，提提大家返屋企同爹娘食飯，珍惜果幾個僅餘下來搵你唔係買基金保險既朋友，把握時間行山跑步轉工學野，有另一半既，多謝佢一路走來仍然不離不棄。”

【絕望真相】-《廿幾歲原來真的不像你預期》
　
相信每個人細個都曾經幻想過自己廿幾歲係點，而年少無知、天真爛漫既少年總會偏向相信自己係天資聰穎，獨一無二，前方等緊我地既必定係精彩傳奇的黃金十年，就算唔係維護世界和平，化解核彈危機或者解決糧食問題，至少都可以成為一個發火發熱、貢獻社群、受人注目既有為青年。
可惜，轉眼間三字頭都逼在眉節，生活卻有如星爺喺《功夫》入面幾經辛苦搵到火雲邪神，最後發現係一個底橫膠拖既呀叔一樣，你回首畢業後的數年，原來只係一個不外如是既打工仔，庸庸碌碌、渾渾噩噩返工放工咁過左大半，青春小鳥靜靜飛走，唔止世界，連廿幾歲都真的不像你預期。
　
踏入廿幾歲既最大震撼，係曾經以為自己可以青春不老，但某年某月某日某一下你會驚覺，原來生命只係不斷倒數，仲用緊升壓窩瘋狂加速。
　
明明中學六、七年、大學三、四年都過得異常漫長，每次諗起將來都覺得「三十歲？有排啦！」；但一出黎做野，喺返工放工括號N次方既無休止輪迴下，你會久唔久就想大叫「啲時間過得咁快既！」，三字頭由遙不可及到近在咫尺，成為即將要面對既現實 — 原來自己係會老。
　
西歷新年之後又到農曆，明明岩岩先定下「今年目標」，轉過頭已經聖誕。慢慢你會分唔清邊年打邊年，「幾時入呢間公司呢？」「Tiffany前年結婚架，唔係喎，定大前年呀…」可能係要記既事太多，又可能係生活已經平淡似水，當年讀書的多姿多采無以為繼，從前所期盼的五光十色、意氣風發卻沒有出現，依家只能靠Facebook memories，去丁返當日的年輕貌美同年少輕狂，這是你第一次怕老。
　
而人事除左變得好快，亦變得好快。講起Facebook，十年前覺得開左Facebook已經係潮流尖端，你點估到今日Facebook原來係「呀爸呀媽先用」，能夠咁快榮升父母，究竟應否欣慰？當你見到果條好hit既補習社片，條得烕既靚仔笑人用Facebook，你心中難免有煎佢兩巴既衝動，然而，你心知肚明，今日仲養緊蛙，聽日再post都俾人笑啦，生活、社會的節奏好比樓價和樂瞳身材爬升的速度，當你留意到已經太遲。
　
當有些事物光速般前進，有些人事卻不斷倒退 — 父母徐徐老去，身體記性轉差；曾經追/丁過既女今天不復當年勇；當日你覺得充滿威嚴、睿智的老師亦老態畢現，曾經的球星唔係即將退休都職業生涯晚年，個個由TBB轉睇泡菜劇聽泡菜歌，當你想繼續堅持那些由細陪到你大的廣東歌，你赫然發現佢地竟然出現係《流行經典五十年》，更震撼的是，連愛情動作片的女主角都已經係千禧BB。
　
跟手你會覺得從前的歌手才是明星，當年的歌曲才是音樂，舊時的電視電影永遠好睇啲。星期日的下午，你還會坐下來睇足成套《午間星期日影院》，對著那套睇左一千次既《家有囍事》和《嚦叶嚦咕新年財》發笑，「Shit..」，你終於留意到，自己開始變成小時候恥笑的父母親，這是你第二次怕變老。
　
仲係學生時銀根短缺，唯有期待長大後的夜夜笙歌。到終於有啲錢，又點估到自己由以前的千杯不醉，變成去食飯淨係想要杯暖水。當天打通宵牌、唱通宵K第二日仲可以飲早茶，依家一點鐘都嫌夜。偶爾一次朋友請飲飲到不省人事，頭痛左兩日發誓唔再飲(咁多)酒，你已經由抗拒變成接受自己不再年輕。
　
不斷劇變的世界加速你的老態，而返工既生活就會令你覺得乜都變哂。
　
十年前，你無諗過起身返工原來比起身返學痛苦十倍，亦無諗過每天起身都會check港鐵會否延誤和大市股價有否插水。唯獨不變的是每早喪屍般出門時也應承自己今晚要早睡早起，到晚上卻又不捨在床上僅餘的私人時間而狂碌電話。
　
身體變差了，易攰易病易眼瞓，到某次沖涼照鏡，明明瘦足廿年既你，竟然開始有肚腩，你崩潰之餘亦立志學人做Gym，這亦解釋了何而那麼多人由細到大無運動，到中年卻無端端開始跑步行山投奔大自然。除了身，還有心，你會感受到自己對很多事情、活動驟然失去興趣和熱情，所以除了運動，也會無離啦更搵野學，打鼓結他畫畫鋼管舞二胡乜都好，只希望在日日返工放工既迷霧裏，找到一點生活的變化。
　
慢慢你心裏有一千件事想完成，好告訢自己青春還在燃燒，生活仍可改變，但理想歸理想，得不到也等於妄想，工作疲累與生活壓力，已經讓你無法持之而行全力做好一件事，最後只能不了了之。所以每到新年，看到身邊人話要多愛自己身邊人，開心樂觀積極減肥學呢樣果樣，你慢慢明白，同香港既民主運動一樣，「口號黎既姐」。
身於香港異常的矛盾和壓逼，旅行成了你的終極娛樂，甚至是一種信仰。相信只要有旅行去，一切問題、煩惱、迷茫也能取之而去。年少時的旅行，盤川所限只能窮遊，沒有物質的享受，過程辛苦卻難忘，那時你下定心日後賺到錢，必定要重遊那些曾經走馬看花或甚至無錢踏足之地。今天錢真的搵多了，但估錯的是無論時間、假期、精神也只容許你趕頭趕命早機去晚機返，曾經幻想的「一個月漫遊東歐」已經不切實際，能夠偶爾「東京四日三夜」已算不錯，但中間仲要不斷諗買咩手信返公同覆老細同事Whatsapp。在Facebook IG 瘋狂分享刺身海膽和帶子，成為你一張引以自豪的成績單，整年的快樂建基於離家出走，你分不清應該高興還是失落。
　
廿幾歲的第三個震撼，係你終有一日要接受，自己不是太出色和優秀，甚至比7仔更普遍。
　
曾經你憧憬自己即使不能穿梭於中環金鐘，面對無敵海景，生活閃爍得讓人眩目，也至少是一個飽讀詩書既知識份子，可以盡一己所長，在喜歡的工作中追求卓越。唯獨今日和卓越最接近的一刻，是偶爾到卓悅買落妝水。幸運兒還可以戴個MT光環，卻打份普通得從未想像過會做的19工，不幸的甚至只能在中型公司做個「Executive」。最初你難以接受，深信是懷才不遇，千里馬總會遇上伯樂，但隨著年華逝去，你逐漸醒覺，原來並非「不遇」，而是根本「無才」。
　
看見公司的Fresh Grad新人，你笑他們戇下戇下的同時，也十分懷念自己的衝勁，你接受唔到自己已經唔再「新」，但身體卻非常適應公司甚至社會的一切規則 — 不太大癲大肺、情緒沒有起伏波動，失去主動幫助別人的心，每天上班下班沒有特別感受，返工笑臉迎人，放工木無表情，漸漸竟然成為曾經所討厭的人。
　
而人工成更加成為了你意想不到的重大考驗，曾經你覺得搵萬幾兩萬蚊都好多好夠洗，大個先發覺搵得愈多，洗得仲多，錢儲極都唔夠，每個月一出糧又交咭數，交完咭數又好似無出過糧，然後又要碌咭。若然廿到尾仲搵緊一字尾二字頭，其實真係唔知點講出口，你會懷疑讀左咁多書究竟為乜？但你見到報紙話香港廿幾萬人住劏房，當中有5000個係行政人員，自己能夠成為全港三份一既公屋戶其實已經OK。你親身領匯緊香港愈趨誇張既貧富懸殊，同埋缺乏上流空間，寧願經濟冧樓價跌都唔想市道好，因為你知道就算經濟幾蓬勃，都係「從來沒我份 犧牲當做例行」。
　
到你捱到慘過做狗加人工，以為錢搵多了就會更開心，生活卻無隨之變得更快樂。責任重左，要兼顧、計劃既事多左，父母、愛情、前途，樣樣都逼在眉節，刻板生活卻又不斷重覆，明明每天安坐Office，放工放假都攰到唔想出街，如果真係住得遠，返工放工兩程車，已經夠你情緒跌入黑洞，返到去乜都唔想煩唔想做唔想理。
　
除左人工，唔知自己「做緊乜」同「想做乜」先係更加濕滯。可能你已經轉左幾次工，但好似無一份真係好鐘意，你開始明白唔係無鐘意既工，實情原來你根本唔鐘意返工，只係愈黎愈著緊人工同埋幾點收工。當你仍然毫無方向，前途和收入沒有多大晉升希望，你竟然開始去考從來無諗過做既政府工，當然，唔係話考就考到。
　　
偶爾回看Facebook Memories，想起讀書時的夢想，又或者受左太多氣，都有祼辭、再讀書、Working Holiday既衝動，但一諗起無收入、無家用俾，你既遐想就瞬間消逝。
　
因為你諗起你爹娘，佢地可能就退休，甚至已經無收入。偶爾凝望好耐無細心留意的雙親，會發現他們多了很多的皺紋和白頭髮，你記得自己曾經好唔鐘意屋企，喺Facebook打過「點解要生我」，諗過廿幾歲一定要搬出去，到今日明白原來已經唔知可以對多幾耐，仲有幾多餐可以同父母食，吃到他們親手煮的餸，你的眼眶有點紅，這刻你終於成熟，但同時伴隨既係傷感 — 好想俾更好既生活佢地，但你有心無力。
　
呢個時候，你想搵人傾下心事，抒發下平日視而不見既鬱結。但望住contact list，大部份朋友已經變成「好耐無見啦」「幾時出黎呀」「好呀」之後對話就會停止。你估唔到曾經一星期打四日波既好兄弟，出五次街既好姊妹，都一一失散，你甚至連咩原因無再見面都諗唔起，係你約左佢19幾次佢都唔覆甩底，定發左佢脾氣，還是各自有新朋友？
　
那些曾經一日一千幾百條message既Whatsapp group亦不再活躍，當年Grad Trip後約定的旅行，你知已經無可能，就算係平日普通食個飯，都可能要搞兩三個月，仲要OT遲到，然後閒話家常同做啲基本update就要趕住走第日返工，珍貴既星期五六日亦未必排到你。慢慢去到一個境地，新相識不太熟，舊友又找不回，真正keep到的好友屈指可數，有愈黎愈多去飲先見到既朋友，其餘的只能在IG Facebook看到他們的近況，還有充斥著海量既長輩圖。
　
當年可以講通宵電話，今日即使徹夜難眠，想搵人吹下水，打算WhatsApp某人，但諗起寒喧幾句之後都唔知點收尾，又或者只會收到「下，你過得好好啦咁都唔開心？」，你寧願繼續上IG、高登。最後，你會發現一個人都可以好好生活，習慣很多事只能自己解決。
　
但諗係咁諗，望到快要到來既三十歲，你有啲怕獨自面對，想起自己曾經昐望的真命天子的模樣，曾立志要幾歲結婚，婚後生活多麼甜蜜動人。奈何情路崎嶇既，繼上次分手後，已經2年無拍拖，曾經笑人用交友App，估唔到今日自己都想用。堅持的擇偶條件竟然變得愈黎愈少，或者男性比較專一，仍然只睇外表，但女既已經轉移重視人工、事業，「做政府喎」、「有車有樓！」，或者真係要搵到岩條件既唔難，但心跳的感覺已經一去不返。
　
而有拖拍既，幸運既可以早日行禮，唔好彩既仲要為首期操心。而喺等待成為樓奴既途中，更加可能出現比力威更嚴重既掙扎 — 已經要討論成親，卻懷疑到底呢個是咪真的可以付託終生，同時又怕關係有變，適心栽種全力貫注既感情付諸東流，呢個年紀分手又要重頭黎過。算真係買到樓，結到婚，今時今日既香港，生仔與否已經係一條會考級數既選擇題。
　
我們被逼成熟，但未來得及成長，便已經老去。做仔做女既時候總係「相信」、「以為」，到今日最多既係「竟然」、「原來」。「還記得有多久未好好哭過嗎」，聽周國腎的《Children Song》，第一句已經入心入肺。
　
雖然估唔到既事十件有九樣衰，但認清現實既殘酷先更能夠勇敢向前，好彩今日廿幾歲既我地，係睇日漫日劇、聽勵志歌長大，熾偉用四集輸左二比零，仍然會講「比賽依家先開始呀！」；就算好似三井壽咁崩潰，安西教練都話，「以家放棄既話，比賽就結束了」，我地都深信日後盡量別教今天的淚白流，誰都辛酸過，那個沒有？
　
呢排身邊好多好多朋友迷茫失落，不如意事十常八九，唔知前面會係乜，但同十歲估唔到廿幾歲係點一樣，一路走來，繼續前行，總會捱過。2018過左兩個月，提提大家返屋企同爹娘食飯，珍惜果幾個僅餘下來搵你唔係買基金保險既朋友，把握時間行山跑步轉工學野，有另一半既，多謝佢一路走來仍然不離不棄。
　
原來，呢篇文打左14個原來。
原來，廿幾歲真的不像你預期，但只要一息尚存，始終可以重新做起，只要你仍未放棄。
　
逆行
　
#有無人會睇哂四千幾字

-----------------------------------------------------------------------------
前文共賞:
【生活點滴】- 《做空姐既另一半其實唔易》
https://goo.gl/S1TJ5g
【絕望真相】 《新界西人絕對係一群堅毅既物種》
https://goo.gl/p8f6zD
【絕望真相】-《每個人睇完六樓后座，都應該幻想過出黎做野之後要同朋友租個地方一齊住...》
https://goo.gl/DWQV4g
【絕望真相】《一生人只為搵一個，與你相隔半小時車程的女友》 https://goo.gl/y6dcNd
【絕望真相】-《同人講鐘意Twins一定俾人笑到喊出黎，但我真心慶幸經歷過佢地既全盛時代》
https://goo.gl/EuQbc5
【絕望真相】-《擺酒派帖絕對係一個反思自己做人處世既好機會》https://goo.gl/oB5fwG
【街坊劇場】- 《一對情侶去到某個年紀，總會為將來罵交》https://goo.gl/YgoEkk
【絕望真相】- 《每次有好朋友失戀，自己都會有所成長》
https://goo.gl/cwxvZ4
【絕望真相】- 可以同另一半成功去到一個旅行，呢段關係你要好好珍惜 https://goo.gl/FWXsTK

又來自己文章自己share 💁🏻

這是實用文(?)啊。

#火星書虫 (16)

去年和今年也斷斷續續地「睇樓」，除了吉屋以外也多次「參觀」過一些業主正在居住的單位。

離開時男人多次向我發出瘋狂之讚嘆 (撥髮)，內容包括：點解人地屋企可以亂到咁架痴線的嗎唔執野架喎、點解人地屋企可以有咁多野架真係成屋都係野喎、點解住千幾二千呎但仲無位生活唔怪得佢要賣樓再搬大啲啦、原來我地屋企係無野架囉.............等等。說是對本人之讚嘆，因整理之事九成都是由我負責啊 ) ) ) )

老實說相比那些日本的「整理達人」、「著名簡約主婦」(IG：nika.home)那種無印良品似的示範單位，我家絕不是什麼參考示範；香港家居面積相對細小，也很難做到一眼望不到東西的零雜物生活。但，就算不是極端地要活在無印的純白世界，也不用搞到成屋野吧?! 就是香港的屋細小，我們才更要簡約呀。

什麼收納、整理之術的分享，我都沒有 (攤手)。要家中整潔簡約的重點，其實就是減少囤積，沒有多餘的囤積，就不用花時間整理呀，這亦是近年日本非常流行的所謂「斷捨離」。關於「斷捨離」的書，我只看過近藤麻理惠，她的著作有《怦然心動的人生整理魔法》(曾拍成日劇)。近日火紅的，則是《我決定簡單的生活》，在書店略略翻過，也是大同小異的內容。

作為一個都市女人，又化妝又愛美，叫我完全斷絕物慾過著很禪的生活著實有難度。但「斷捨離」呢，只是叫你放棄生活中不需要的東西，普通人也輕易辦到啊。

由於今天是中秋(喂)，又趕著去洗衫；上星期又已走數，我就用point-form簡明地分享一下心得吧 (戰友就快推我出去斬死)：

1) 我們常被「姨媽傢俬」洗腦，瘋狂地覺得需要很多盒呀箱呀櫃呀盒呀和更多的盒呀來收納。某次在飯局遇見朋友的朋友是室內設計師，他說普遍香港人在裝修時很愛強調「儲物空間」，這無疑是很重要，但大家常有一個盲點是最後訂造到整間屋都是櫃和櫃和櫃，有些人明明住很大的屋，但最後櫃的數目是多到「睇唔到牆」。其實，我們真的不需要那麼多櫃呀..........

2) 友曾來我家，看到衣櫃和鞋櫃後說了聲「就係咁喳 ?!」。關於衣物，本人不是整理狂迷也有惰性，但什麼「每個女生都有一張擺衫的椅」這種情況從沒發生在我身上。我是會「換季」的人，雖說一年兩次整理衣物超超煩，但趁機梳理一下衣櫃是件好事。

A)今季沒穿過的衣服，毫不猶豫地送走。你今季沒穿，下季或下世也肯定不會突然想穿
B) 據說很多女生衣櫃有一種「瘦左就會著到/先著得好睇」的衣服(s)。如你連續兩季著後都覺得「顯胖」又或是真的胖到穿不下。信我，你不會突然著得好睇的。如你突然減肥成功，先再去買新衫啦唔該。
C) 據說很多人衣櫃內也有一種「洗到殘晒但捨不得掉啊就把它當家居服/睡衣吧」的東西。這些衣服，一件起兩件止就算。睡覺請正正常常地穿睡衣，在家請正正常常地穿家居服吧。

3) 我的女兒今年兩歲半，出世到現在，除了內衣、內褲、校服、鞋、襪、雨衣、床單、毛巾、泳衣外，我買過給她的衣服，只得六件。你沒看錯，是六件 (註：但男人到外地工作間中會買衫給她，買過約十件左右，但我真的沒有哈哈)。她都是接收別人的二手衣物 (謝謝大家)。每次別人聽到都感到不可思議，會說「女兒喎!媽媽不會想幫她打扮嗎??」，但我覺得小孩大很快，夠穿、舒適、乾淨就好了。如你沒朋友轉送衣物當然要買，但謹記小孩大很快，不要失心瘋地買衫。

4) 買品質好的東西，不要貪平亂買。不瞞說從前也曾有「喂好平呀買左先算」的時期，但品質差「玩兩玩、著兩著」已要淘汰，浪費的錢搞不好更多。從前曾看過有環保團體指出，淘寶和網購的出現令回收箱會出現些「牌都未剪」、「連包裝袋」的衣物。

5) 關於品質好的東西，雖說我虐兒似的沒怎麼買過衣服給小孩，但玩具倒是很捨得買。她的玩具都是品質不錯的品牌，如Plan Toys、Janod、djeco、moulin roty......玩具可玩一陣子，而且品質好較少有「甩頭甩骨」的情況，木玩具更是「點掉都得」，將來送人也可以。

6) 《怦然心動的人生整理魔法》的「怦然心動」，就是說只保留真心喜歡的東西，生活被喜歡的東西包圍，不要積著一堆食之無味棄之可惜的「雞肋」在家。

7) 旅行、工作到外地，基本上只買吃的或用得著的家品，什麼記念品、擺設從不入手。

8) 忌囤積。買三包平$10的東西，除非是能用得超快的消耗品，否則買夠用的份量或數量就好。香港有幾大呢? 要買什麼一落街就有。就算真的無晒廁紙，你家一定有紙巾可用住先；就算真的紙巾都無，咪入去沖涼囉 (會想起廁紙，因我媽是見到我「得番四卷喳就快用完(?)」就會幫我去買一整條的人......)

9) 用環保的方法送走東西，不要「就咁掉落垃圾桶」。送走一樣東西時，可擺到免費網站或臉書，再約交收等等。經歷過又要post照片又要約時間又whatsapp又等人這些煩瑣到暈的過程，購物時你就會三思啊嘿嘿。

10) 拒絕沒用的東西。早陣子到連鎖店買電器，無啦啦送個保溫杯，我說了四次不要，店員又說了四次「唔駛錢喎」。曾有一秒心軟好不好拿回家再送人，但再想想，杯不用錢，空間要錢呀。另，某天接女放學，在地鐵站有人派那種附上廣告的膠扇，又是拒絕了三四次，對方說了聲「不用錢喎，又不是叫你填問卷」。唉，但我真的不想拿一舊垃圾回家呀你明唔明。

11) 面膜、skincare、化妝品，也採取「用晒先買」的態度。暫時化妝品、面膜有做到，但skincare真的是....死穴啦哈哈 (另一死症是書，好愛買書呀呀呀)。始終常有品牌送東西過來，但除了喜愛的、想用的、有心用的牌子，某些明知不會用的東西一律斷然拒絕 (懷疑很多PR應覺得我很大牌咳咳)。

+ + + +

也老老實實，家中有小孩是很難做到簡約整潔，特別是有初生嬰兒。回想產後頭幾個月，家中突然多了一堆奶瓶呀蒸奶機呀棉花呀尿片呀等等等，亂到不可思議 ! ! ! ! 如你在我坐月時曾來探望，嗚嗚我家平日不是這樣的。不瞞說當時心情有被亂糟糟的環境影響，還好後來沒那麼忙後整理一下，拒絕掉入那些什麼「買六包尿片有送貨又便宜一點」的陷阱。

還有三四個月準備搬家。這陣子要再努力整頓一下有什麼要送走、已很久不用的廢物。友人是個搬家達人，租屋的關係每一到兩年搬家一次，搬了十幾次的她說，搬家時是審視人生和清廢物的最好時機。當你多搬幾次，就會明白生命根本不需要這麼多東西呀。

就快(?)又新年了，大家假設自己快搬家，好好來一次斷捨離吧

寧做小生意不批貨 西灣河老麵廠誓保質素：要維持客源唔可以偷工減料（足本版）： http://bit.ly/2RvZvhl

山竹走了，香港仍然颳大風；股市不能停，搵路趕返工，賺錢「重要」過天災。西灣河有間老麵廠叫春記，口碑載道，老闆偏偏將生意愈縮愈小，每日打麵兩三種，只做零售，門市中午12點就拉閘。
行家笑春記人懶不進取；「咁辛苦做咩啫？第一，交畀人嘅貨價可能係現在賣嘅三分二；仲有，我質量可以提升多啲，做好啲；如果交畀人要淋淋聲做完淋淋聲起貨。」第二代掌門五哥樊容強心水清，腆着大肚腩哈哈哈，十足一尊笑佛。

「禾稈冚珍珠！」慕名首次來到春記麵廠的人，可能有此一嘆。幾百呎小廠躲在靜靜的興民街，附近佔了一半是車房；門面殘舊，小趟門僅夠一人通過。但見不時有客擠進來五包十包的買麵：四位老太太似小學生在起哄，「我哋平日帶車仔嚟；今日無準備，行到呢頭又忍唔住。」金蘭姊妹分別住北角、將軍澳、何文田和元朗，你買我又買。有靚女長居法國，離港之前來買麵，他朝解鄉愁。
曾經有個在美國開旅行社的熟客，叫春記做一個貨櫃的麵，拍心口有本事賣晒。「一個貨櫃？我一年都做唔到喇！一個星期我都只係做幾百斤麵。一包麵粉50磅，一個貨櫃放麵粉800包，放幾多麵我就唔知。」五哥耍手擰頭笑騎騎。


時間　磨出來的細緻
春記貨種不多，蝦子、瑤柱、魚蓉……乾麵類六七款，濕的有生麵（雲吞麵）、上海麵、雲吞皮等，每日只做兩三款補貨。五哥指出，每星期做三兩包麵粉的生麵、三兩包麵粉的上海麵，蝦子麵做到七八包麵粉，「如果你唔係自己鋪，咁樣根本唔夠皮。」
雖然貨量少，他依舊每朝凌晨五點回來打麵。為何不多睡兩句鐘才開工？「麵呢，做嘅時候要等佢（成分）去混和，我哋行內叫做『行吓佢』，放一放先轆，放一放先執，咁係最好嘅。」他晨早打好麵，弟弟樊容坤（七哥）七點多現身，順道速遞早餐，去門市開檔回來正好執麵。
身處橫街，門面欠奉，七哥明言全靠「老主顧」支持，「人哋話你嘅麵好食，證明你嘅出品受人欣賞。（做麵）回報你嘅，唔係一包麵嘅價錢。」七哥滿足道。
五哥強調：「維持到客源，就係不偷工減料。就算有靚材料，你偷咗工都一樣死。」譬如他做掛麵，人家「夾」麵一次、轆（壓）兩次；他就夾兩次，轆四次五次六次，「如果一次過壓得夠薄，條麵唔好食嘅。轆多一兩次，麵會滑溜啲。」慢工不一定出細貨，但要細貨，不得不磨時間。當中沒秘訣，行家也知，但知不等於做，尤其趕急大量出貨的。「我不是經常做，時間耐啲，無問題，慢慢做。」工序在意，客人評價五哥一樣在乎：「你賣一樣嘢出去，個客返嚟一句說話：你啲麵唔得噃上次咁樣，你就成晚瞓唔着。」


機器　取代不了經驗
有50年，春記都用蒸籠明火蒸麵、焗麵。大約十年前傳出發展商意欲收購興民街的舊樓，所以兩兄弟一直沒有更改生產設備；然而，五年前去到討價還價的階段，收購重建無疾而終。兩年前，乘着配合屋宇署的要求，他們花了三四十萬重新鋪水鋪電，廚房改了電的蒸櫃和焗爐，走進「現代化」。
「現在蒸一車麵23分鐘。以前朝早蒸到夜晚五點，執一次麵就要去蒸，之後要焗，將啲麵調嚟調去，一日搬到黑。」五哥說。
那次大裝修，舊物只剩一紮古董竹片，父親用過，今天韌性依然，好晾掛麵。竹昇和蒸籠都沒留下來，倒是夾麵機壓麵機從父親年代服役至今，一開動就嚓嚓投訴，零件換了好幾次，就是捨不得丟掉換上先進的。
機器省了力氣，但做麵仍要靠經驗，例如大部分麵款都要落鹼水，多少有別，醒鹼時間也不同，五哥製作七哥出貨都了然於胸。水分也要掌握得好，例如做掛麵只有麵粉和水，太濕麵不好吃；太硬，麵就易斷易碎。所以，打麵前，要磅準水量，「如果你斷估倒水下去，多時加粉，少時又加水，加來加去，打麵桶愈打愈熱，麵就放唔耐。」
打瑤柱麵剛相反，成分有瑤柱汁、瑤柱蓉、蛋、麵粉、鹼水等比較複雜，最初未知濕度硬度，所以要慢慢加水，一邊打麵一邊去用指頭感受判斷，「倒水太多就死喇，你再加麵粉就稀釋咗裏面嘅材料，瑤柱味淡口咗。」
蝦子麵瑤柱麵比較受歡迎，他們每個星期都做；但掛麵就得看天時，「如果大北風嘅時候做，呢刻掛上去已經攣晒，賣相唔好；如果南風天，掛兩三日都唔乾又驚佢發毛。」打麵，並沒有一條方程式，唯有歲月造就的敏銳。

追數慘過借
春記在1965年由父親樊春創辦，1975年前搬來現址，一度是東區雲吞麵鋪、酒樓的供麵大戶，遠至灣仔也交貨；單是打麵師傅就請了五六個。五哥有八兄弟妹，除了萬千寵愛的小妹，七兄弟自小就在麵廠幫手，但繼承衣缽的只有老五和孿生細佬老六以及老七。「中學讀唔到書就跟老竇做囉！」五哥笑。
「老竇等師傅收工就教我哋坐竹昇、打麵。」七哥邊說邊回味怎樣將一塊厚厚的麵糰「坐」成薄得透光的雲吞皮。
97年老六移民波士頓，老師傅一個個告老還鄉，最後只剩下五哥和七哥兩個人。五哥回憶：「以前做生意比較困難，人哋幫襯你係好事，但數期長，周轉比較困難，你要找數畀人，夥計又要出糧。後期都係唔好喇，索性做少啲。」
「追數慘過借！」七哥搭訕。
98年五哥正式接手後，只交貨給準時出數的兩三家；四年前乾脆停止做批發，「自己賣算數」。門市就在百步之遙的西灣河市政大廈，正午12點便收鋪，客人要買麵就得移步興民街麵廠。「下晝唔開檔，因為粉麵客人通常上晝買，夜晚食飯煮餸；下晝生意額都唔夠請一個女工睇檔。」七哥道來原委。

簡單　也美
兄弟倆只差兩歲，五哥滿頭灰白，七哥無染髮也烏卒卒，完全不似59歲。
「佢以前多嘢諗。」哥哥是麵廠持牌人，打頭陣，傷腦筋。哥看弟「漏氣」，弟看哥「心急」；不過二人拍檔幾十年，早明白「如果人似我除非兩個我」，「一人少句就無事。記住，你一嗌交就散檔。」五哥笑得瞇起眼。兩兄弟都是健談之人，可是在麵廠各有專注，大多靜靜地做，任由收音機大聲播。
「我14歲開始做，現在兩個膝頭痛，痛咗幾年啦。」61歲的五哥看了醫生，說是勞損。幾十年來他日日搬麵粉、抬又濕又重麵糰走來走去，不離開崗位關節炎難緩解。七哥一樣腳痛，因為「坐喺度執唔到麵」，每日執麵，一站就是七句鐘。
「我希望65歲可以退休。」哥說。「佢四年後退休我都要退，一個左手一個右手，佢做前半部，我做後半部。」弟應。麵廠少一人都不能運作。
春記有歷史有口碑，可產量少。行家都說他兩兄弟懶，不思進取。七哥一笑置之：「錢，使到嘅就係你嘅財產；你唔用嘅就係你嘅遺產。搵到兩餐，唔係夠囉！」收工和朋友打一場波，或者在家搞吓電腦又一個晚上。
五哥點頭同意：「以前做批發一年最多休兩日，現在可以休十日八日。」自給自足，沒有交貨壓力，他整個人輕鬆了，回家飲杯冰凍啤酒，睇日劇、藍光影碟，有時煎一塊靚牛扒，已經樂透。
開心，可以好簡單。

採訪：韓潔瑤 拍攝：梁偉德

春記食品製麵廠
門市地址：西灣河市政大廈一樓D126號鋪
麵廠地址：筲箕灣興民街30號
電話：2560 5144

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)