感激 & 多謝
Posted @withregram • @delightcantopop #悅與歌2021流行榜速遞
容祖兒 Joey Yung《東京人壽》今周拎埋903專業推介冠軍歌,連同之前喺中文歌曲龍虎榜、新城勁爆本地榜同勁歌金榜嘅雙周冠以及Chill Club推介榜嘅單周冠,呢首歌以「...
感激 & 多謝
Posted @withregram • @delightcantopop #悅與歌2021流行榜速遞
容祖兒 Joey Yung《東京人壽》今周拎埋903專業推介冠軍歌,連同之前喺中文歌曲龍虎榜、新城勁爆本地榜同勁歌金榜嘅雙周冠以及Chill Club推介榜嘅單周冠,呢首歌以「五台八冠」成為歷史上成績最好嘅歌曲。恭喜Joey,希望快啲見到你返香港現場唱呢首歌啦!
另外恭喜 林家謙 Terence Lam,《時光倒流一句話》今周拎到新城勁爆本地榜冠軍歌,連同上周喺903專業推介以及上年年底喺中文歌曲龍虎榜,呢首歌成為Terence出道以來第二首「三台冠軍歌」,但呢首歌喺另外兩大電視台就無上榜啦。
中文歌曲龍虎榜今周冠軍歌係 Janice Vidal 衛蘭 嘅《低級趣味》,而呢首歌最高喺903專業推介最高拎過亞軍之後出咗榜,其餘幾台無/未上榜。
Chill Club推介榜冠軍歌係 Serrini《~旋轉with me*》,呢首歌係Serrini繼《網絡安全隱患》拎到中文歌曲龍虎榜冠軍歌後第二首個人單曲拎到冠軍歌,而呢首歌最高亦曾經喺中文歌曲龍虎榜拎到亞軍,903專業推介就最高第十九。
勁歌金榜冠軍歌係 謝東閔、Joey Thye 戴祖儀 合唱嘅《逆流直上》,係呢兩位繼上年《夢飛翔》後再拎到勁歌金榜冠軍,而呢首歌亦曾登上新城勁爆本地榜,最高第十四位之後出咗榜啦。
另外,今周出現繼《東京人壽》同《多喝水》之後今年第三首「五台上榜歌曲」,就係 泳兒 Vincy《所有遺失的東西》,今周打入Chill Club推介榜排第九,而呢首歌喺其餘四大流行榜分別排第二(903)、第六(中文歌曲榜)、第十二(勁爆榜)同第八(勁歌金榜)。
新歌上榜方面,今周幾個流行榜都非常熱鬧,有一首新歌四台上榜,就係 C AllStar 重組後第一首派台歌《集合吧!地球保衛隊》同時登上903、中文歌曲榜、勁爆榜同Chill Club推介榜,分別排第八、十一、十八同八。另外, ERROR 隊長 梁業-肥仔 Fatboy第一首個人單曲《Lady Killa》就三台上榜,分別喺903、中文歌曲榜同勁爆榜分別排第二十、第七同第十九,成績相當唔錯。今周另一個驚喜係 陳奕迅 Eason Chan 上年年底第二plug《是但求其愛》重新喺903同中文歌曲榜上榜,分別排第十二同第五,加上今周新登上Chill Club推介榜(排第六),有機會染指三台冠軍喎。至於新兩台上榜新歌有 Jill Vidal 衛詩《一知半解》喺903同中文歌曲榜分別排第十二同二十,而 JW 王灝兒《我不想別離》就喺勁爆榜同勁歌金榜分別排十九同第十。
其他新上榜歌曲有 石山街 Rock Hill Street《暗戀家》、Edan Lui 呂爵安《E先生連環不幸事件》(以上為903);HANA 菊梓喬《沒完沒了》(中文歌曲榜);糖兄妹 SugarClub《怎麼捨得你》、Delta T / 楊雅餘《都市Lonely Night》(以上為勁爆榜);葉巧琳 Mischa Ip《浸浴》(Chill Club榜)。
三甲位置方面,903由英皇歌手包辦,除咗Joey首《東京人壽》拎到冠軍之外,泳兒《所有遺失的東西》同 張敬軒 Hins Cheung《俏郎君》分別拎到亞軍同季軍;中文歌曲龍虎榜亞軍同季軍分別係 Stephanie Cheng Yung 鄭融《多喝水》(上周冠軍歌)同 ONE PROMISE《明年見》;勁爆榜亞軍就有細貓 應智越 MrLittleCat《冰原》,亦係佢第一首流行榜三甲歌,季軍由 Supper Moment《波板糖》奪得;勁歌金榜方面,亞軍同季軍得主分別係 胡鴻鈞 Hubert Wu《心跳移植》同鄭融《多喝水》;至於Chill Club榜亞軍同季軍就由 陳蕾 Panther Chan《旁觀有罪》同 Yoyo Sham 岑寧兒《常願意》取得。
上周冠軍歌預測:3/5
下周冠軍歌預測:
903專業推介:《無名指的勇氣》林欣彤
中文歌曲龍虎榜:《是旦求其愛》陳奕迅
新城勁爆本地榜:《多喝水》鄭融
勁歌金榜:《心跳移植》胡鴻鈞
Chill Club推介榜:《常願意》岑寧兒
新城勁爆流行榜2021 在 細貓 應智越 FanPage Facebook 的最佳解答
9 Jan 2021 新城知訊台《新城勁爆流行榜》
2021年第二週第20位 - 應智越 MrLittleCat《冰原》
#細貓 #mrlittlecat #應智越 #yingchiyuet #应智越 #yingzhiyue #應智越粉絲後援會 #mrlittlecatfanclub #idolproducer #偶像练习生 #全民造星 #肢體語言 #約你跳舞 #wannacome #努力的孩子 #渴 #冰原 #新城知訊台 #新城勁爆流行榜
歡迎轉載及表明出處,謝謝!😸