【龔成問答信箱】（Q21861-Q21880）

Q21861：

老師你好，我係一個中小企東主，因疫情生意大跌，現準備申請sme loan，max可以借幾百萬，利息為2.75%，分8年還，頭18個月可以只還利息。

雖然資金可作實體業務發展，但有感現在市道都非常困難，所以想睇下老師有冇咩建議，可以係18個月後還款時己有足夠資金去還款，又或者點樣好好善用這筆貸款好呢？感謝

龔成老師︰

其實一門生意做得好，佢回報長線一定係會跑贏其他資產類別。

而且，通常我自己會視借貸投資，是我最後一張「皇牌」，真的有需要時才會動用，即是見到一個明顯的投資機會，全世界都平貨，值博率好高時，才會動用。

你要想清楚，資金借來做咩？怎樣具體進行財富增值？

不要為借而借。

股市，現時只是合理區，明顯未係有個最好時機，若現時用借貸去投資，風險係唔細。

就算你只係投資較穏定的收息股，去賺息差，我地都難保會出現賺息蝕價的情況。因此，你想用這個貸款，去進行賺息差的動作，我就較有保留。

現時疫情依然有一定不確定性，我建議你視乎自身經營情況，去決定借取相對金額的貸款，去過度這個較困難的時期，會較好。

------------------------------------------------

Q21862：

老師你好，之前有問過你問題，多謝你詳細分析，你之前有覆過我部分手持的股票一般質素的如下：

閱文集團中招股價55（已估）
雷蛇20手，平均2.6（已估）
通達集團2手，平價1.7

中國石油4手，平均4.81
中國鐵建5年前入，10手，平均16.2
海通國際4手，平均7.85

剩餘這些是否長痛不如短痛，忍痛估岀，換其他？謝謝

想重新來過，重整理財組合。

我係唔係應該愈早放棄上述d舊乳酪

龔成老師︰

通達集團（0698）、中國石油（0857）、海通國際（0665）、中國鐵建（1186）都是一般質素。

質素不致於話要即刻沽，但始終質素有限，唔建議你持有太多。你最好有反彈時，沽出部份，換至其他優質股會較好。

另外，我見你中鐵建(1186)買入價都幾貴，相信你是熱炒一帶一路時買入。

記住，我地盡可能都要避開一些熱炒話題行業。因為好多時，佢地都會被炒到好貴，就算係有質素，你太貴入，長線回報都會出問題，你要注意這點。

你組合不至於要推倒重來，但部份較一般股票，不宜持有太多，長線會影響你增長力。

中短期，可能你會見因為重整組合，而出現一些帳面虧損。但不要太在意，因為我地投資唔係1,2年，係一個超長線的計劃。

所以，你必須盡快修正好你的組合，重新向正確方向上路。長線回報，一定比你今日的虧損大得多。

記住，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

------------------------------------------------

Q21863：

成哥 我今年25歲 啱啱接觸股票 現持有1810 25.55 200股 / 6618 130 150股 / 3800 2.72 3000股。 每月收入17000，固定支出10000。 我可以點投資？

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

你現時無投資知識和經驗，對企業估值，點去定平貴未必會太了解。所以你先利用月供模式，去做增值，可以減低買貴貨風險，對你而言會較理想。

以你現時25歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，你可以投資「平穏增長股」和「潛力股」。你每月5成儲蓄，即是用$3500做月供。其餘先儲起，用一邊月供一邊儲蓄的策略。

由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。

餘下的另一半現金，我地就等機會，當大市出現較大回調，就加大力度掃貨，然後作長線投資。

至於你現時持股，小米(1810)和京東健康（6618）都有質素，你長線持有就可以。

保利協鑫能源(3800)就較為麻煩，佢現時暫時停緊牌，因為佢仍未出到業績，將公佈業績的日期延遲了幾次。

最近現任核數師更請辭，我對這類股票，會較有保留。但由於現時停緊牌，暫時乜都做唔到，只有等。

初步睇佢的財務數據，都幾弱，相信日後就算復牌，股價都會受壓，要有心理準備。

------------------------------------------------

Q21864：

成哥，我係一個新手，年頭開始follow咗你，亦睇完80後百萬富翁，將會開始睇財務自由行。

了解及入咗1830, 而家已經升咗100%. 多謝你嘅advice & sharing. 請問1830有潛質升值50倍或以上嗎？如果可以好似388咁就當然係最好。謝謝你。

PS. Set咗個目標比自己，希望一兩年內置業及五年內賺三百萬。努力！向目標出發！

龔成老師︰

完美醫療（1830）長遠有發展，本身有一定的質素。

睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。

加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

這股有長線投資價值。之前公佈業績理想，但業績後股價升左好多，雖然我在業績後調高左佢企業估值，加上管理層加大了企業發展的力度，前景正面，但現價點都都有少少貴。

你本身有貨，就長線持有，但這刻就不要心急加注。

佢會唔會升到50倍，暫時睇佢業務，唔係中短期可以去到50倍的爆升股類型。但此股都有質素和增長潛力，值得你長線持有。

另外，你要記住，好以完美醫療（1830）這類潛力股，增長潛力大，但不確定性都高。如預期一般發展，回報自然好。但不似預期的話，都會出現較大回調，故風險都唔細。

因此，你股票組合中，唔好過份持有潛力股，以免風險過大。我假設你係年青人，最多都係佔組合5成好了。若你投資經驗較淺，更要下調至3成以下，才算穏妥。

而你為自己將來定下目標，係一件好事。但若果你真係有需要1,2年內置業，投資策略就要調整。

因為1,2年唔係一個長時間，有機會出現波動。你用作置業個部份資金，投資時要保守D，以免影響你置業計劃。

------------------------------------------------

Q21865：

龔成 你好 ！
如何發掘有潛力嘅股票？

龔成老師：

買股票就是買企業，潛力股就是有長遠發展力的潛力企業。

要尋找潛力企業，過程比較複雜，而股票班，會教5種選股方法。

簡單來說，你要分析企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。

尋找一些有潛力發展的企業。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的發展、價值等。

------------------------------------------------

Q21866：

龔老師你好！我今年五十六歲，還有四年就退休。早年因要照顧家人沒有什麼儲蓄。

現在只有一層市值$830的出租私樓，仍然欠銀行$330萬，只有十多萬現金。

我現在每月可儲蓄$25,000, 租金收入（如果租客續租-現死約至2023年一月）$17,000。

我退休時應該有$650萬至$700萬Provident Fund。早年的MPF 現在戶口結餘有$41萬。有兩份保險，如果65歲退保應該有$100-120萬。

我退休後仍要照顧有認知障礙的年老母親，現在住公司宿舍，現有的私樓不打算自住，退休時希望買返一間不貴過$1,100萬的較大單位方便照顧母親及有地方安置工人。保守估計退休後每月駛費最少$3萬。

請問以我現時財務狀況，有冇可能60歲後靠現有的資產不再工作。多謝指教，希望早日回覆。

龔成老師：

物業現時的收租減供款，應該有正現金流的，因此這部分短期不用變動，你保持這方面的情況就得。

到2023年租客到期，你就睇自己的情況，可以轉另一私樓，但現時物業賣出後套現，現金約$500萬，與你目標物業$1100萬仍有距離，你要想想，要調整目標，還是動用退休金等。

現時你每月可儲$25000，一年就是$30萬，4年$120萬，就算考慮投資回報，可能滾存至$140萬-$170萬。

如果你每月想有$3萬現金流，假設投資一些5%回報，要穩健、有現金流的工具，你就要有$720萬才做到。

物業套現（$500萬），4年儲（$170萬），退休金（$730萬），保險（$100萬）。合共$1500萬。

但你目標物業為$1100萬，而產生現金流所需資產$720萬。

你到時擁有資產，與所需要的金額，有缺口，所以你要睇下，自己是否要改變目標，又或初期做一些兼職。

------------------------------------------------

Q21867：

龔sir您好：小女最近好迷惘，希望龔sir可以指教一下。現時持有幾隻股票都係坐艇當中，都唔係幾好意思講出黎，驚比人笑我買埋d垃圾股。

493國美零售，$2.43買入，現價$1.28
1499歐科雲鏈，$0.6買入，現價$0.39
769中國稀土，$1.3買入，現價$0.93
9988阿里巴巴，$256買入，現價$207
1211比亞迪，$185買入，現價$177.1

全部夾埋成本用了$55萬左右，現蝕$13萬，人生第一次投資股票，由2月份起左右買入，雖然一日未沽都仲未算輸，但坐艇坐到好心痛。

本人今年33歲，澳門人，月薪$4萬，唔計股票，可流動資金有百零萬存款，唔需要供物業，比$1萬家用屋企人，扣除所有開支一個月可以儲$15000。

之前一直好大洗無限制特定自己儲錢，洗剩幾多就儲幾多，今年想換樓但無本事先驚覺自己浪費左好多光陰。依家最大夢想係換新樓，好想改善居住環境。

希望龔sir可以指教一下我應該點分配投資好，好希望可以改善居住環境。

呢排因為呢d事情緒都好低落，求龔sir指教，感激！

龔成老師︰

投資失利，係每個投資人，都會必經的階段。最重要係，你有無從中學習到一些有用經驗，去提升自己將來的勝算。

首先，我想你明白2個正確的投資觀念。

我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

另外，唔好抱住唔放就無蝕架心態，咁係好危險。我相信你架想法係，我唔放住，總有一日會返回家鄉。但我話你知，唔係一定的。

因為若然你抱住架係一隻垃圾股，佢只會一路跌，唔會再升翻上去。反而你決斷些，盡快垃圾股清走，換成優質股，長線才會有反敗為勝的機會。

你現時持股中，國美零售(0493)和中國稀土(0769)質素較弱，長線換至其他優質股會較好。

歐科雲鏈（1499）無特別研究，佢屬較高風險類，要睇下你博唔博。過往持續虧損，見佢股價上落好大。只可以話，唔建議大注，自己衡量風險。

阿里巴巴(9988)和比亞迪(1211)有質素，你長線持有就可以了。

你現時33歲，可以投資「平穩增值股」+「潛力股」這類有增長力的股票，為置業累積本錢。你可以先用每月儲倒的一半資金投資，另一半就先儲起。

平穩增值股：盈富(2800)、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）。

潛力股：安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845）、三星FANG ETF（2814），但就要明白波動性比上述會高左，同時風險大左，你要自己平衡。

由於你投資知識不高，因此可較集中在平穩增長類股，至於潛力股，只宜小小注(不多於3成)。

此期間，你要努力提高投資知識，等到你有一定知識和經驗，才慢慢增加潛力股比例(大約5成)。

現時大市只是合理區，你現有100萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q21868：

HELLO老師，剛讀完股票勝經，對股票開始有少少少許認識，所以我想為自己重新訂立一個投資組合去增值自己的財富，希望能聽取你的意見。

我29歲，可月儲大約$6000現金，現有以下資產：

1. 約12萬股票(買入時12萬, 現應沒有)
-高鑫零售(6808) 1000股 $9.95入
-阿里巴巴(9988) 200股 $264入
-心通醫療(2160) 1000股 $17入
-快手(1024) 100股 $397.4入

2. 儲蓄保險, 月儲$1500, 已儲7年, 3年後供完, 如果唔拎, 55歲有74萬

3. 上年買入445萬的物業, 供30年, 現負債345萬, 資產我佔一半 (用來投資, 不打算自住)

4. 現金$24000

因那4隻股票我都係無分析企業底下買的, 所以我好希望重新審視自己的投資組合, 我睇完股票勝經後, 我利用書中的股票篩選3步曲的第一步:

初步分析財務指標, 想初步嘗試睇睇自己持有的股票需唔需要止蝕, 見到心通醫療(2160), 快手(1024), 中芯國際(0981)數據都麻麻(我唔知有無計錯呢), 請問老師對呢幾隻股有甚麼意見嗎?

我知道投資最好投上市最少兩年的企業會較好, 但因當初就是犯了全世界都熱炒新股所以我又跟住去買的錯, 令當時高位買入了價值不高的企業…

我想能放60%在水桶1, 40%在水桶2(月供), 先增值後現金流, 但現在看來太大比重在那堆潛力股

如現所持有的股票可先繼續持有, 我再額外月供$3000於水桶2對整體會有幫助嗎? 但又怕可能2,3年內需要結婚、搬出來住等會需要現金。

先謝謝老師抽空解答

龔成老師︰

篩選3步曲的第一步，只係方便較初階投資者，從數千隻股票中，選取一些較有研究價值的股票，再進行分析。

但這個方法唔係完美，有機會部份優質股被篩走，但作為初級投資者，這個方法算係較有效率和準備性較高。

而且，這個只係第一步，就算當中數字不太理想，都唔代表佢無投資價值。你要再完成後2步，才會有個較完整的結果。

你現時持有的4隻股票，都係有質素，可長線持有。但微創心通醫療科技（2160）現時未有盈利，故不確定性較高，暫時唔好再加注。

另外，我地投資時，的確要盡量避開熱炒行業。因為佢地股價好多少被炒高，變相影響了你長線回報。

而且上不足2年的企業，由於數據不多，我地好難去判斷去佢的質素，所以要保守少少。唔係唔投資得，但要控制注碼，去平衡這個不確定性的風險。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

"保險"只係理財中防守部份，買足夠保障就可以，增值可以留比優質資產(如優質股、物業等)去做。你現時份保單，仲有3年就供完，我建議你供埋佢。

但未來時間，你資金集中翻利用優質股去做增值，長線效果一定較好。

你29歲，應以增值為主，建議你用「平穏增長股」 + 「潛力股」作組合，去創造一個增值平台。現在你每月先用5成儲蓄，即$3000做月供。其餘先儲起，用一邊月供一邊儲蓄的策略。

以你年紀，用60%在水桶1, 40%在水桶2，係可以。

但由於你投資知識不高，水桶1只宜小小注(不多於3成)。最好是你先提高投資知識，等到你有一定知識和經驗，才慢慢增加大水桶1比例(大約5-6成)。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

但若然你2,3年內，會有一些較重大實際開支要用，投資時可能要保守少少，水桶1比例要再下調多D。所以，你先計劃好自己未來人生規劃，才諗點去投資。

------------------------------------------------

Q21869：

老師請問時代天使質素可以嗎？老師唔好意思，最近有朋友推介左美股俾我，想問下你覺得以下股票的質素和現價合理嗎？

ATHM 汽車之家
MTLS materialise
CQQQ 中國科技指數ETF

感激你的回覆

龔成老師︰

時代天使科技（6699）有質素，長遠仍有發展力。

佢係中國的隱形矯治解決方案提供商。根據報告，市場份額4成。

這企業透過時代天使隱形矯治系統在整個隱形矯治過程中助力牙科醫生，其由關聯的三部分組成：數字化輔助案例評估支持及矯治方案設計服務；隱形矯治器指用於治療錯頜畸形的可移動、透明塑料材質牙套；雲服務平台iOrtho使牙科醫生可在整個治療過程中進行下達訂單。

佢目前銷售四種隱形矯治器，包括時代天使標準版、時代天使冠軍版、時代天使兒童版以及COMFOS。作為隱形矯治系統的核心，集團自研技術及數據平台，即masterForce、masterControl及masterEngine。

佢通過持有第二類醫療器械經營備案憑證的全資附屬公司向醫院及牙科診所直接銷售大部分服務及產品。客戶包括公立醫院、私營牙科診所及分銷商。

企業發展正面，過往的生意及盈利都有理想增長，不過，現時估值都唔平，要注意如果市場估值出現修正，股價可以出現下跌。

整體來說，企業發展正面，但現價就唔平，投資值博率只是中等。

ATHM 汽車之家、Materialise NV(MTLS)、CQQQ中國科技指數ETF，都有投資價值。

但CQQQ係潛力股類，波動性會較大，不宜持有過多。這些股票，現價合理中上，用分注或月供儲貨，會較理想。

------------------------------------------------

Q21870：

龔成老師你好，有以下問題想請教：本人現年46歲，現職公務員，月薪11萬。每月支出13000元，另外支付7000元作母親生活費。扣除薪俸稅，每個月約儲蓄約8萬元。

本人未婚，有自住物業，不用供款，樓價約750萬。

現金方面 [總額約77萬]：港幤35萬 (本地)，新加坡元7萬 (外地)

投資方面 [總額約126萬]：0008電盈 (60000股)、0405越秀房產 (78,000股)、0778 置富產業信託 (20000股)、0941中移動 (4,000股)、1398工商銀行 (15000股)、2638港燈 (30,000股)

強積金：目前267萬

保險 (已供完)：儲蓄壽險一份(110萬)現值42萬；儲蓄保險四份(＠15萬)＠現值10萬；危疾儲蓄 (24萬)現值4萬

自兩年前供完樓後，本人一直專心儲錢，想盡早達至財務自由、及退休。

本人現時的投資方面，盼望能給予意見。

期待回覆。

龔成老師︰

你現時成個財富組合中，已經有物業類，而且相較其他資產，都佔較大比重。因此，新資金我地會先集中翻係股票類，令財富組合較平衡。

持有的外幣，除非有實際用途，否則應轉回港紙好做增值。

"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，儲蓄保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想，你要自己平衡下。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你46歲，應以增值為主，建議你用「平穏增長股」 + 「潛力股」作組合，當中以作「平穏增長股」主力，去創造一個增值平台，為退休作準備。

你現時持股，都有質素。但問題是全部都是「收息股」。佢地主要係收下息，增長力好弱，不宜持有太多。以你年紀，最多佔股票組合2成好了(若你較保守，比重高D都可以﹐但成個組合增長力會慢左。)。

其餘收息股，建議你慢慢換碼至以下股票，去提升翻個組合的增長力。

現在你每月先用5成儲蓄，即$40,000做月供。其餘先儲起，用一邊月供一邊儲蓄的策略。

由於「潛力股」係需要一定經驗和有一定波動性，如果你經驗較淺，可以先小注，大約佔組合1-2成左右。若你係有一定經驗，你可以投資到約4成比重。

至於77萬現金和餘下的一半的儲蓄，我地就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

到你累積到一定資產，足夠你財務自由。你就可以將佢地，慢慢換成收息資產，去創造現金流，支援退休生活。

------------------------------------------------

Q21871：

龔成老師，首先要多謝你! 之前上完你的堂，獲益良多，明白投資唔可以過份集中，要平衡。

手上有新舊經濟股，即使新經濟股呢家回落返較合理水平，而舊經濟股又慢慢回升，所以整體回報吾會大上大落，甚至期待股價會再一步回落入貨.

近期檢視組合，發現地產股 (12，66，823)佔了整個組合約35%。 想問這3只股票之中，哪兩只較有潛力/值博率，因為現有的股票數目有些多。謝!

龔成老師︰

你現時想法正確，成個財富增值策略，最重要係「平衡性」。我地投資，其實係一個財富配置的動作。

你要去建立一個風險不高，適合自己年紀，長線又有增長力的財富組合。

現時你地產類佔35%，雖然超過我經常講的行業不要多於30%標準。但由於唔係超好多，而且港鐵(0066)只算係半隻地產股，故比重尚算可以，唔沽出都得。

至於潛力和質素，港鐵(0066)會較高。若計現價值博率，則是恒基地產(0012)較高。

------------------------------------------------

Q21872：

你好，我也是80后，单亲妈妈，有现金港币150万，股票

0788铁塔50000*1.1
6618京健1200*170/500*112
1810小2000*17./3000*29
1177中生5000*8.8
3067etf5000*16.7

现金人民币80万，合伙生意每个月分红港币3-6万，物业按揭贷款200万，每月供8000至8800，收租13000，自己租房8300，每月另开支3万。

因家庭原因2年内只有分红和房租收入且支出很多，2023年以后收入会多支出会减少。看了您的书后，我计划从6月开始月供，请问，2万至3.5万区间，取什么数合理？

0388 3000
0700 2000
1177. 3000
1211. 2000
1810. 3000
0027. 5000
2800. 5000

因我想带小朋友一起去上您的课。8月基础课还没有报名。万分感激。

每个月除了8千房租外，还需开支3万以上

这几年我一直只会用50万来炒股，所以上次请教您的时候说06618是半仓

龔成老師︰

若你每月能儲的資金較波動，你可以用一年平均數，去作為指標。

由於你未來2年，收支上會比較緊張，我建議你先預留最少半年開支，才開始投資計劃。月供部份﹐頭2年你都預一個較輕鬆的金額，會比較好。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應以增值為主，建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄做月供，其餘先儲起，用一邊月供一邊儲蓄的策略。

你現時選股都可以，但潛力股(0388, 0700, 1177, 1211, 1810)佔比太高，以你年紀最多佔4-5成好了。若你投資經驗較少，要再向下調整。

你可以將潛力股預算，加入盈富(2800)和銀娛(0027)，或者以下平穏增長股都可以。

現時大市只在合理區，現金佔組合大約3-5成就可以。當你扣除應急資金後，現金水平高於3-5成，你可以用分注模式買貨。

但你現時持貨，完全集中晒係潛力股。因此，這筆現時直接入貨的資金，應優先集中係平穏增長股，去平衡翻個風險會較好。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

緊記，我地投資股票，係希望買入一些優質企業，透過佢自然增長，達至財富增值目的。絕對唔係"短炒"，一定係要用長線投資策略，才會有理想效果。

------------------------------------------------

Q21873：

老師 唔好意思呀我靜靜咁睇左你個page好耐 想投資但又唔敢亂咁入市

覺得1211，0285，2382，1810仲有排升 全部都想長線持有。但唔知幾時先入場好 有冇咩建議價位可以俾我做參考

龔成老師︰

你上述股票，都係有質素的潛力股，有長線投資價值。

但現時股價計，全部都唔平。比亞迪(1211)預佢回到$135才算開始合理翻少少，才可小注。

如果月供，最好回少少先開始，或者你小小注月供，就可考慮。

比亞迪電子(0285)、小米(1810)、舜宇光學科技（2382）全部都係略貴，要回多1,2成，才好開始分注入市。

但這3隻若你係諗住月供儲貨，現價開始係無問題。

由於「潛力股」係波動性較高股票，只適合年青至中年人士。而且，投資潛力股係需要一定經驗，如果你經驗較淺，可以先小注，大約佔組合3成左右。

若你係有一定經驗，你可以投資到約5成比重。

------------------------------------------------

Q21874：

老師,我們有選擇困難症,想問你月供股票的意見, 暫時每個月想供2萬, 年齡45至50歲, 希望平穩中，也能有理想的回報。

1. 3 - $3000
2. 12 or 16 better? - $2500
3. 66 $3000
4. 823 $2500
5. 2388 or 2318 better?$2000
6. 2800 $3000
7. 3067 $2000
8. 1177 or 2845 better?$2000

盼望老師能夠給我們意見(以上 第2，5，8点)， 整個月供組合可以嗎？

感激萬分

龔成老師︰

整體而言，你組合係可以。

但有一個較大問題，就係不少股票，都係跟地產相關，好似0012/0016、0823。另外，港鐵(0066)我地會當佢係半隻地產股。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

但盈富(2800)係不受此限，因為它是一個包含58間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

我建議你，將部份地產相關股份的月供預算，轉換至盈富(2800)，對你成個組合的平衡性，都會有利。

至於恆地(0012)定新地(0016)，前者係手持農地是全港最多的發展商，長遠發展潛力較高，但風險都會大少少。而新地，則預佢係較平穏發展。

中銀香港(2388)和平保(2318)，2隻都係有質素，前者係銀行業，後者係主力做保險。中銀行性質上，會令佢風險高少少。但整體而言，2隻都有質素，你可以睇翻自己較睇好邊個行業。

中生(1177)和GX中國電車（2845），前者係醫藥股，長線人口老性，加上人均收入上升，都對緊藥需求有增無減。

而2845這基金的，目標是追蹤Solactive中國電動車指數NTR「相關指數」表現緊密相關的投資回報。

如果你睇好電動車發展，可以月供2845。而且佢係一籃子的企業，相比1177，更有分散風險能力。

以上選項，如果你都係唔知點分好，最簡單就係將預算拆一半，2隻都供晒就可以。

最後提提你，現時大市只在合理區，每月資金唔好盡用。最好留有部份，等大跌市出現時，可以用來掃貨。

------------------------------------------------

Q21875：

龔成老師你好，我25歲, 剛工作2-3年，上年開始買d股票，現有組合如下：

(股票) 名稱 股 平均買入股價
0011 恒生 400 126
0005 匯豐 1200 34.8
1810 小米 1000 27.5
9618 京東 100 286.6
9988 阿里 300 255
6600 賽生藥業 500 18.8
0823 領展 (每月買$4,000, 由上年$65開始買起)

平時亦有短炒 3690, 1024 等科技股 和 0883 中海油

(1) 以上股票是優質股嘛? 請問 9988 , 6600 (我係抽新股抽中的) 有無長楂必要?

(2) 我覺得我組合較多銀行股同新興科技股，但對其他行業認識不足，請問如果想長期穩健股的話，有甚麼選擇?

(3) 如果想60歲退休時左右每個月有$30,000-40,000收息, 到時股票投資額應有多少? 現有組合/只買股票可以嘛?

謝謝

龔成老師︰

短炒我見好多人都係蝕錢收場，股價中短期一定會有波動。而波動架原因可以同企業本質無關，只有長線股價才會反映企業質素，所以優質股一定要長線持有。

你見全球最賺錢架投資人巴菲特，都唔會做短炒，只會係做長線投資。所以，你要改變你投資方法，唔好再做短炒，並以長線投資優質股為目標，會對你較好。

1) 只要係有質素，而又適合你年紀的股票，我地都會長線持有。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你還很年青，才25歲，應先做好財富累積部份，故投資時應集中係有增長力的優質股身上。

阿里巴巴(9988)和賽生藥業（6600）都有質素和增長潛力，故你長線持有就可以。

但賽生藥業(6600)業務始終波動，不宜持有太多。

2) 恆生(0011)和匯控(0005)雖然都有質素，但只係收息股類，增長力不高。以你年紀，不宜持有太多，建議你將部份換至其他增長股，會較好。

而中海油(0883)只係商品類股票，對產品定價能力較弱，質素只係中等，不宜持有太多。其餘股票，都係適合你長線持有。

未來時間，你可以集中係「平穏增長股」 + 「潛力股」。

但由於潛力股會較波動，若你想投資長期穩健的股票，可以較集中係「平穏增長股」類。若你對以上股票或行業不太認識，你集中係盈富(2800)就可以。

同時間，我建議你用月供模式，去儲貨。因為初學者對企業估值，點去定平貴，未必會太了解。你先利用月供模式，去做增值，可以減低買貴貨風險，對你而言會較理想。

你每月先用5成儲蓄做月供。其餘先儲起，用一邊月供一邊儲蓄的策略。

餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

3) 如果你希望退休後每月有4萬蚊現金流，以股息率6%計，你需要本金800萬。

所以，你現時要努力累積這筆資金，為退休做準備。但我地投資時，唔會只集中係優質股，我地要講求成個財富組合平衡性，當中要包括不同資產類，好似股票、物業、車位等等。

但由於股票投資金額係較少，所以你初期可先用這個途徑開始。到有一定資金，才加入物業類，咁就可以。

我假設投資回報有10%（連股息再投資），你每月投資$5000，到退休時已可以增值至800萬以上，達至你的退休目標。

但你還很年青，我建議你盡量每月用一半人工，去做投資增值。好好把握年青優勢，令複息回報效果發揮到最大。

------------------------------------------------

Q21876：

龔sir:本人月收入九萬，妻子無收入，家庭支出六萬,可儲約三萬，現金120萬

物業
一居屋自住（未補地價）值七百萬 （已供完）
一外國物業值一百八十萬（未完成按偈一百三十萬）待出租

港股股票 約33萬

881 中升控股 881 一手共三萬
700 騰訊 一手共六萬
1801 信達生物共五萬
066 MTR 共四萬
1883 中信國際電訊共四萬
3067 科指ETF共三萬
3187三星房託共三萬

669 創科共三萬（月供三千）
2800盈富共一萬 (月供一千）
1299友邦共一萬(月供一千）
9988阿里爸爸共一萬（月供三千）

美股股票 +基金 （約十四萬）

TSM台積電 一萬
AAPL蘋果 兩萬
COIN Coinbase 一萬
貴金屬ETF 三萬
白銀ETF 三萬
基金四萬

澳洲基金（十二萬）

Bitcoin 兩萬

請問

1.你認為我持有的投資/股票組合需要改善嗎，例如友邦，創科好似已經pe 好高/好貴，另外每隻股票的質素也希望老師給點意見

2.需要再加多潛力股/平穩增長股嗎？

3.如希望每月有五萬現金流收入讓自己財務自由，應該作出怎樣調整/部署？

唔記得咗講我今年35歲，希望50歲前完成目標

龔成老師︰

1) 你現時持有股票，都係有質素。創科(0669)係貴，而友邦(1299)算係合理區中上部。

現價雖然唔平，但未到好貴。故現貨可持有，你照維持月供都無問題。

2) 你現時股票，都係有增長力。但不論月供，還是現有持貨，都係比較偏重左係潛力股(0881, 0700, 1801, 3067, 0669, 9988, TSM, AAPL, COIN)。

佢地雖然有增長潛力，同時風險都較高，不宜持有過多。

以你35歲計，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

未來時間，你就要加大翻平穏增長股部份，令組合更平衡。

另外，貴金屬、白銀這類資產，唔會創造現金流，唔建議持有太多。我地一般只會持有黃金或者白銀，去對沖一些突發性金融事件，大約佔組合3%左右，其實已經可以，最好以實貨持有。

至於基金，你可以衡量基金的投資策略，所投資的資產類別、投資策略、風險程度、市場、費用成本、以及過往的表現(可以睇佢過往5-10年，如果回報係比主要投資市場高，有機會值得繼續投資)。

而虛擬貨幣，我不是這方面的專家，所以我無太多意見。

以本質來說，這是人為創造出來的，絕對不是「資產」，有沒有真正的價值，如何定義真正的價值，未知。

如果你分析到佢長遠的交易大，大家都持續關注，就有價值，就值得你投資。但畢竟佢波動性都好大，就算投資，也不宜佔組合太多。

3) 如果你希望15年後每月有5萬蚊現金流，以股息率6%計，你需要本金1000萬。

現時大市在合理區，你建議你每月用儲蓄一半，即$15000做月供。其餘先儲起，用一邊月供一邊儲蓄的策略。

而現有120萬資金可以再投入多30-50萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

我假設投資回報有10%（連股息再投資），你每月投資$30000 + 現有資產180萬(所有股票、貴金屬、白銀、基金和比特幣)，15年後大約會增值至1800萬，故這樣安排相信很大機會達至你的財務目標。

------------------------------------------------

Q21877：

龔老師您好，麻煩你給我意見，現有股票組合都是高價買入，請問那些應該繼續守 那些應該止蝕離場還是溝貨？什麼價位放或溝貨？

00700@$660
01024@$357.3
[email protected]
03690@$433.8
09618@$395.23

現金流有7萬

萬分感激

龔成老師︰

首先，你唔好將個重點，放錯係買入價個度。我地持有一隻股票與否，關鍵位是企業質素、前景，不要被買入價影響。

買入價只是一個心理因素，如果企業核心因素未被影響，我地係唔需要理會。現時你持有股票，都係有質素，有長線投資價值。

至於溝貨，我就唔建議，因為這幾隻股票，現價都只算係合理區頂。而且當中藥明生物(2269)、美團(3690)本身不確定性都較高，只宜小注。

另外，你現時持股全部都係潛力股，佢地雖然有增長潛力，同時風險都較高，不宜持有過多。

就算你年青，潛力股可最多只宜佔組合約5成，餘下應用平穏增長股作組合。若你投資經驗較淺，潛力股比重，要再調至3成以下。到你學到一定投資知識，才慢慢調高。

如果你係近退休之齡，你些潛力股，是不適合你的。

未來時間，你就要加大翻平穏增長股部份，令組合更平衡。

現時大市只在合理區，現有7萬你可以先儲起，等大跌市才出手。

------------------------------------------------

Q21878：

收到 我有買阿sir啲書嚟睇啊
股票班要等我儲到錢先

啊Sir 睇唔睇好京東健康

龔成老師︰

好，在上股票班前，都要努力學習。

你可以先睇我架《80後百萬富翁》、《財務自由行》和《股票勝經》，都適合初學者。

之後，你有時間，可以再睇埋《選股勝經》和《年報勝經》，對你課堂掌握，會有幫助。

京東健康（6618）有質素，這股可長線。

其業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但由於估值難，不確定性大，暫時合理區頂至略貴，所以如投資，小注都可以。當然回翻1成更有值博率。

這股如本身有貨，可長線。

------------------------------------------------

Q21879：

潛力股都係可以持期持有？定係升到某個價位要放？我只有一手小米。

因為我岩岩先睇完大富翁，準備購入你其他書本

龔成老師︰

你現時手上只有小米(1810)，而且只有1手，你照長線持有就可以。

至於沽貨，我不會有明確的目標價。

我賣出基於下列幾個原因：由於我買入的是優質股，若買入後發現自己犯錯，這股不是優質股，又或這股核心的質素轉差，變成非優質股，這時無論賺蝕都會沽貨。

又或是市況過熱，市場處牛市三期的狂熱狀態，例如2015年的大時代狂熱時，我便會採用多沽少買的策略，但當時的市況未到極度狂熱，所以我亦只是沽出了一部分的貨。

此外，股價要是嚴重高估，例如市況狂熱，又或自身的原因令股價爆升，都有可能沽出。

若然你無法掌握到我上述所講的，可簡單用「升一倍、放一半」的原則，沽出後等同收回成本，餘下的貨就不用再理會，長期或永遠持有，因為這部分已經是淨賺。

當然，你小米(1810)只有1手，就用不上「升一倍、放一半」這個策略，所以你長線持有就可以。

如果你本身對投資認識不多，你可以先睇我寫架"80後百萬富翁"、"財務自由行"和"股票勝經"，會較為適合初學者。

------------------------------------------------

Q21880：

老師，我在考慮一個問題 就係假設我用300萬買左個車位放租，月租3000蚊 。一年3萬6。回報得1.2%，另外要租83年先回本。這樣的投資還算可行嗎

龔成老師︰

過往年代，車位一般都去到6%-8%的租金回報，但近年市場資金不斷追資產，連車位都不平。

近年「車位」價格近年雖然已回落不少，但整體上，只係合理區頂部。

若以你例子計，只有1.2%租金回報率，其實係不太理想。不單升值空間細，就連基本租金回報都不合格，唔係一個理想的投資目標。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

［全世界莫財政府！聯合起來！］換個口味，講公共財政嘢，唔係專家，勿插（雖然其他嘢我都唔係專家，我專長係吃喝玩樂打邊爐訓覺睇戲）

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝

TLDR：女掌門叫大家齊齊加入美國，制定最低利得稅！嘩，反了！成唔成事未知，我估冇咁易。但全球向左轉就好明顯，亦都係走返去大政府。上兩期嘅Economist 封面咪 The Big government is back

1. 呢啲，就左膠啦。雖然好多人當阿美利堅邵音音耶倫係「鴿派」，但新時代下，只有阿美利堅派。真係堅，三十年前不能想像呢樣嘢在美國出現（＊）

2. 講白啲，傳統上係講咩「央行獨立」，至少西方普遍係呢個價值。歐盟不用講，根本央行都外判埋。英國嘛，扯，搵外國人做央行行長添，咁在東方國家應該幾難接受，中國固然不可能，你諗下韓國會唔會搵日本仔做央行行長（會嘅，日佔時期咯，嘻）。當然啦，Mark Carney加拿大人，「理論上都效忠事頭婆」

3. 美國呢，都稱得上係「央行獨立」，當然你可以質疑其實都係要總統呀上下議院通過，但大約場戲都做得OK嘅，亦不致於打電話叫佢加息減息（以前侵侵就鬧點解佢冇得享受低息，可見似乎都唔係任佢玩）。至於國情有啲唔同嘅日本韓國，當然「獨立性」更低，但即係程度有深淺，你總不能話「挑，咪同大陸一樣」去講嘅（呢類泛相對主義嘅人係好煩嘅）

4. 咁但，以上種種，都係「舊時代」產物。你懂的，即係楊懷康李兆富（？）咩郭伯偉獅子山學會嗰班市場膠（包括本人），Milton Friedman（＊＊） 戴卓爾夫人　列根　新自由主義（＊＊＊）

5. 直接啲講，呢套咁嘅嘢，金融海嘯後，畀人狂媽。全球其實係左翼化嘅（雖然好多人自己係左膠又屌人左膠）。貧富懸殊呀，央行印錢呀，買唔起樓呀，上流機會冇乜呀，科企只令少數人受惠呀，政客選嚟選去（如果有得選）都係為有錢人服務呀，大家都知。

6. 金融海嘯當然係個觸發點，幾多人等咗咁多年，你班金融撚仲唔仆街，哈哈哈。點知唔係喎，公帑救銀行，銀行家照出花紅。咁當然大家好憤怒。而家就仇視啲科企小朋友，本質冇乜分別。

7. 你只睇一樣嘢，就知道全球向左轉啦。就係最低工資。阿叔讀書嘅年代，經濟學家聽親必屌。但而家已經唔係咁，最低工資已經變成norm．畢竟社會係真係會變嘅，冇錯可能「最低工資」不利就業，但人係十分奇怪嘅動物，佢地開唔開心除咗睇自己有幾多錢，仲好大程度睇其他人有幾多錢。

8. 而當然，傳統上民主黨都係偏左，拜登已經冇咁左（所以咪篤佢出嚟做共主），入面有班AOC呀 桑德斯呀 Warren呀更加左

9. 咁而家邵音音已經唔再係聯儲局，但變咗係財長。有幾多「個人意志」我就唔知了。

10. 不過畀啲客觀數字嚟，錢是印得好多的，但美國嘅利息開支，畀以前仲要低。原因？低息嘛。Interest expense As a percentage of GDP，都仲低過以前。（呢啲圖Patreon成日貼）。亦因為咁，好多人（包括我）睇死佢冇得點加息。

11. 唔加息點？Easy，咪聯儲局入去買長債，壓低個債息。錢從何來？印出嚟（Technically 唔係，因為可以收水，但你都可以咁理解）。咁你話印得多會貶值？唏，真係昨晚Patreon篇第一季回顧文先講，你小擔心。唔使講美元霸權之類，你望下個美匯指數，而家93 —金融海嘯前後，75都見過呀！當時美金爆咗煲未？未嘛，要印？大把有得印。美金跌？大把有得跌。

12. 另一個問題當然係，「印咁多會唔會通脹？」。這個嘛，好似會，又好似唔會。2008年印咁多錢夠話惡性通脹啦，不過官方話你知過去咁多年都冇乜通脹（美國政府講架，唔係大陸）。又係返返嗰句：我一般唔係一個咁陰謀論嘅人，但，「你信官方嘅通脹？」。你去一次澳門咪知通脹幾多（豬扒包，唔係你以為乜？）。廿年前幾錢，而家幾錢？3% 通脹？seriously？而邊個話你知CPI 或PCE 係通脹？你問Milton Friedman嘅，印咗錢就己經係通脹。

13. 實情今次話加稅，一早放晒風。原因當然因為拜登推嘅「美版4萬億基建方案」（話時話水泥鋼鐵股都炒咗好耐）。但錢從何來？又玩印出嚟？拜登都仲有啲常識嘅。留意，MMT撚（摩登芒叻拖V飛噢威）話以不停印冇後果的，really？咁政府點解仲要收稅？（不過，Warren AOC之類，真係話不如免晒啲學生貸款欠債，誰找數？唔知喎，印多啲，聽講冇事）（但你睇，美匯指數93喎！印錢又係咪真係咩咁大件事？）

14. 我都係跟利世民學嘢，講呢啲公共財政嘢佢比較熟。之前香港講「印花稅」，我已經話「唔搞你搞邊個」？在政府角度，印花稅係好好嘅稅，你近乎冇得走數，行政成本低，受害者亦冇人會可憐，在香港更好，因為交易所都近似係政府控制嘅。

15. 咁冇咁好嘅稅呢？薪俸稅　富人稅　（有啲唔同，前者抽人工後者抽資產）利得稅都係，因為全球化，人呀企業呀可以搬走。

16. 所以就要全世界大政府，聯合起來。之前嚴打啲逃稅呀，Tax Heaven呀，安道爾盧森堡巴哈馬開曼群島，搞CRS（襟蚊利卜丁士釘突）都係咁。

17. 但齊齊加利得稅，我估就難啲。非盟友嘅固然唔睬佢，中東佬甚至香港新加坡（OK, maybe not 新加坡）直頭開香檳，「快啲搬去我度」。但盟友都好，難聽啲講句，「你美國佬洗大之嘛，關我撚事」。唔講遠嘅，講同美國好有淵源嘅愛爾蘭，N咁年都靠低稅吸企業同人才，你估睬唔睬你？同樣地，歐洲你估睬唔睬你？歐洲一向都高稅過你又點計？仲有日本韓國，你估係咪任你舞？

18. 所以，又食下花生。但暫時見股市反應就冇乜。不過，之前香港加印花稅，好多人出嚟講「全球潮流都係低稅」，不妨講兩句？我可以話你知，全球潮流一定係抽重稅，派福利，仇富，呃選票，大政府回歸。最低工資？out了。UBI，夭利窩嫂悲食現金，真係大有市場，現金嘛。

（＊）但又要另外講下，其實以前，五六十年前啦，美國嘅利得稅絶對唔係咁低的，都係新自由主義下不停減。唔好講咩二次大戰嗰時，即使70/80年代，企業交50%稅先係常態。遲下貼。

（＊＊）絶無不敬，但Milton Friedman真係「一個幸運的人」，死得早。係，94歲，但咁啱就金融海嘯前死咗！唔使畀人活著鞭屍。上帝真係對佢好的，死嗰時佢嗰套都係顯學，死後就爆煲，但佢已經話知你。

（＊＊＊）不吐不快，好多「襟蚊籮膠」，以為「有襟蚊籮就金融中心」。呢啲真係不幸嘅巧合。先唔講香港北水之前，金融中心係東京，鬼佬報亞洲指數都係報日經，恒生不入流，上海更加唔知乜撚嘢，東京又行「襟蚊籮」？況且，英國唔知行咗幾多年「襟蚊籮」，但倫敦變成金融中心，正係多得Big Bang，1986年，正係鐵娘子戴卓爾夫人，deregulation，開放市場，新自由主義。係因為呢件事，倫敦先一躍成為同紐約分庭抗禮嘅金融中心。借問聲，之前三百幾年，英國行乜law？仲有，香港人就係咪都打飛機，但戴卓爾夫人釘蓋嗰時，大把「真英國人」開香檳慶祝，仲在Facebook齊齊推到” Ding-Dong! The Witch Is Dead ”（中譯：倪坤死咗我想開香檳慶祝）上返流行曲榜。當然唔係我工作識嗰啲倫敦金融撚，而係北部嗰啲藍領。真係煩精（？）話齋，你咪撚去利物浦曼徹斯特紐卡素新特蘭同人講你支持戴卓爾夫人呀，畀英國人打死你呀。而最正係，當年推到上榜都好，BBC都係冇播首歌嘅，「幾撚可恥」。

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
＝＝＝＝＝＝＝＝＝＝＝＝＝＝

香港人已成為舉世公認既「買樓L」
L for landlord
留意返，香港成功既經驗唔一定可以在別國複製。在香港維持高樓價等於維持政府收入，現時派了唔少錢已元氣大傷，再承受唔到一次8萬5，所以維持大部份辣招令月成交宗數(住宅)壓在10000之下，容易將樓市mark在高價保稅收。

-
政府收入來源在香港約25%利得稅、22%地價、印花稅12%、薪俸稅10%左右。所以承受高樓價等於交香港稅的一種，不想但不能不同意。

如果香港樓市大跌，政府就要加大稅收去維持教育及醫療開支。

-
但在英國，主要是收入稅(見圖)，之後是買野銷售稅(VAT)，然後national insurance之收入應像新加坡的「投資基金收入」。新加坡為何樓價不太高但都可支撐政府支出? 佢地係靠政府用盈餘投資收息賺錢，支付政府支出，這亦是香港同新加坡樓市走不同路的一大主因。

因此，香港人過到去最好先買「包包」，交低些銷售稅。英國政府亦唔會好似香港咁對上升樓價坐視不理。

香港今日社論2021年01月15日(100蚊花旦頭)
https://youtu.be/4nSnfJnYEcw

請各網友支持巴打台
巴打台購物網址
https://badatoy.com/shop/
巴打台Facebook
https://www.facebook.com/badatoyhk/
巴打台Youtube Channel:
https://www.youtube.com/channel/UCmc27Xd9EBFnc2QsayzA12g
---------------------------
明報社評
疫下香港百業凋弊，政府財赤超過3000億元，財政司長陳茂波表示要開源節流，公務員團體卻提出很「獨特」的振興經濟見解，要求下月財政預算案，額外寬免公務員的薪俸稅，「促消費、助經濟、振軍心」。過去一年，本港失業率急升，有幸保住飯碗的打工仔，很多都要減薪或放無薪假，相比之下，公務員有鐵飯碗，沒有裁員減薪之憂；疫下政府很多服務時斷時續「半停頓」，部分公務員工作量大減，「在家工作」安排對一些人來說，跟放有薪長假無異。政府要利民紓困，也應該先向困頓的人施援，而不是給薪高糧準、養尊處優的一群派糖，公務員團體應撫心自問，索要派糖是否合理公道，如此「離地」的要求有沒有可能服眾。

蘋果頭條
港人無法連接網站「香港編年史」已經一周，但一直只得傳媒引述消息指警方引用《國安法》封鎖網站，消息今日終獲確認。一直連接到網站、6日前仍稱沒有封鎖的香港寬頻，今日承認昨日下午起已按照《國安法》要求「停止連線至有關網站」，是首次有網絡供應商承認根據《國安法》封鎖網站。《蘋果》正向警方查詢。香港境內最早在1月6日發現無法連接「香港編年史」網站，當時情況出現在電訊盈科、中國移動、數碼通、3香港等網絡供應商，唯香港寬頻用戶可照常瀏覽網站；該公司亦曾在1月8日回覆《蘋果》，表明「沒有封鎖我們的寬頻用戶連線至該網站」。

東方正論
若問特區甚麼最多？答曰尸位素餐的庸官最多，然後是橫行無忌的碩鼠最多。在食環署胡混度日之下，鼠患愈演愈烈，衞生環境急劇惡化，庸官加上老鼠，堪稱本港兩大害，申訴專員公署忍無可忍，宣布主動調查食環署執行防治鼠患工作的成效。實際上，新冠疫情爆發至今，加上鼠患夾擊，部門之間各自為政，導致防疫出現5大漏洞，懶政塞責的豈止食環署，整個特區政府都難辭其咎。本港鼠患嚴重，累計已有15宗大鼠戊肝傳人個案，冠絕全球；前年全港鼠患指數達4.2%，創近10年新高，不僅食環署街市驚現「群鼠噬豬殼」，基本上全港各區大街小巷都是老鼠樂園。

星島社論
繼一名私校教師及一名津校教師因專業失德被「釘牌」後，本報獲悉，一名官校教師使用不當及偏頗的教學材料，已被當局調職及調查，據悉相關調查已經完成，教育局正考慮取消其教師註冊，料成為第三名被「釘牌」的教師。由於涉事官校教師屬公務員，將同時面臨最高被革職的紀律處分。有資深官中校長指，以往官校教師若不稱職，多被逼令退休，會否祭出「極刑」須視乎所犯情節嚴重程度而定。消息指，被當局考慮「釘牌」的第三名教師，任教九龍東一所官中，被指使用不當及偏頗的教學材料，在當局展開調查後已被調職。

經濟社評
佐敦新填地街唐樓疫情擴散，敲響了惡劣居住環境隨時爆疫警號。港府在內防擴散上不能再落後形勢，須以超前目光正視劏房環境惡劣問題，對劏房密集地區加強檢測和接觸追蹤，並不時為劏房戶提供消毒服務，以免成為新加坡外勞宿舍疫情翻版。近日新填地街20至26號四幢相連的唐樓，有十多個單位出現感染個案，累計27人確診，而疫情更蔓延至周邊的廟街、廣東道和彌敦道，造成至少12人確診。當局周二將爆疫唐樓列入強制檢測名單內，但昨天清晨卻派人疏散居民，將79人送往檢疫中心或隔離酒店強制檢疫。

香港10大無人能及的優點
Here are 10 things this great city does better than anywhere else.

1. 摩天大樓全球最多 Building into the sky

香港現時有1,251幢摩天大廈，數量全球最多，比新加坡要多一倍，形成叫世界讚嘆的維港景觀。除了高聳在城中，中銀大廈及香港國際金融中心等亦很具設計特色。
When you've got a heck of a lot of people and very little land, what do you do? Hong Kong's solution is to stack them up on top of each other, inside tall buildings.

2. 敢死的建築技巧 Daredevil construction

其他地方都是用鋼和鋁築棚，香港的竹棚技術讓各國驚訝。CNN甚至用「敢死(Daredevil)」去形容現時超過1,700位註冊竹棚工人呢。
Daredevil scaffolders dangling precariously on bits of bamboo suspended in midair are a common and heart-stopping sight in Hong Kong's streets.

3. 說廣東話的都是語言人才 Tonal talents

內地媒體日前傳言「說廣東話會生癌」，論點極具創意，而 CNN 卻從欣賞角度去看我們的語言 - 廣東話多達 9 個音，比普通話(4音)、泰文(5音)、越南文(6音)要多，每個音都有不同意思，足以讓外國人驚嘆其精細。而在香港，每日更有創新潮語豐富我們的日常對話。所以，識講嘅，一定係講廣東話。
Check out Carlos Douh's YouTube channel (https://www.youtube.com/user/carlosdouh), the Internet's most entertaining Cantonese language teacher, for quick and easy Cantonese lessons.

2. 極低罪案率 Staying alive

這裡不單只是全球罪案率最低的城市之一，還是全球最少兇殺案的地方之一，絕對是全球最安全地方。
Hong Kong - with an intentional homicide rate of 0.2 per 100,000 people in the last 16 years - only lost out to Monaco and Palau, where there have been zero recorded murders.

3. 交通發達 Getting you there

香港公共交通系統之方便享譽全球，相對歐美國家，香港對私家車的依賴低得多。CNN 亦讚港鐵的運作表現優良。
Hong Kong is really good at getting you where you need to go.

6. 低稅制 Letting you keep your money

薪俸稅只在15%-17%之間，而香港亦沒有消費稅(GST)，是工作生活的好地方。
As a financial center that's historically been seen as the gateway to the Chinese market, Hong Kong is a great place to make money.

7. 武打電影 Kung fu movies

香港出產了李小龍、成龍、周潤發、張曼玉等國際巨星，而武打電影更能打入荷里活市場。外國人都能數得出多部知名武打電影如「臥虎藏龍」、「精武門」、「黃飛鴻」等作品。香港電影業的輝煌，有賴邵氏的貢獻。
Bruce Lee, Jackie Chan, Chow Yun Fat, Maggie Cheung, John Woo, Wong Kar-wai ... the list of Hong Kong's cinematic heavy hitters goes on.

8. 優秀的國際機場 Soft landings

香港國際機場由1998年運作至今已取得逾 40 項國際大獎，更一直屹立於Skytrax的全球國際機場排名之中。縱使近年受到新加坡樟宜機場的挑戰，香港國際機場的載客量依然大幅拋離對手。
One of the most impressive sites for Hong Kong visitors is the airport. Sure, it's recently been toppled from the throne by Singapore's Changi Airport.But Hong Kong handles more passenger traffic, 53 million passengers in 2011.
Take that, Singapore.

9. 美食天堂 Foodie-ism

七百萬人，萬五家食府 (實際數字應該更多)，其多樣性和創意亦叫人目不暇給。雖然只是彈丸之地，香港有多家米芝蓮星級食府，這裡絕對是覓食的好地方。
Ever tried a syrup-slathered French toast filled with satay beef slices? Or instant noodles dressed in a cheese sauce?
No? You haven't lived.
Take it from this city of people who are very good at eating.

10. 喜愛夜蒲 Partying so hard the neighbors want in on it

中環蘭桂坊有超過 100 家酒吧蒲場，本地及外國人都集中在這裡狂歡。蘭桂坊的成功更被中國其他城市借鏡。
First time visitors to Hong Kong's party area, Lan Kwai Fong, might think they've entered a time warp, suddenly appearing in Ibiza or Cancun at 9 p.m. on a Friday night.

What other things do you think Hong Kong does best? Tell us in the comment section.

CNN 激讚 香港 10 大無人能及的優點
http://www.utravel.com.hk/DetailNews.php?id=ADIRYxEtA3E

你怎能不愛香港？ How can you not love Hong Kong?
http://edition.cnn.com/2014/04/20/travel/10-things-hk-does-best/

Help us caption & translate this video!

http://amara.org/v/W8of/