【龔成問答信箱】（Q22461-Q22480）

Q22461：

老師，阿里巴巴講話警告稅率會轉變，對佢影響有幾大？

龔成老師︰

其實而個講法只係預警，暫時都未知到底最尾會發展成點。

阿里(9988)以往被視之為「國家重點軟件企業」，稅率只需10%。如果中國政府除去佢「國家重點軟件企業」質素，佢就要好一般企業一樣，支付25%所得稅。

當然，未必係佢全部子公司，都要支付25%所得稅。因為部份分部(如天貓、淘寶中國等)，本身同時受惠於「高科技企業」或「認定的軟件企業」稅務優惠，就算失去10%的優惠，都唔會一下子跳到25%咁高。

當然，會否全部稅務優惠，都全部被移除，都無人知。

若果成事，有機會令阿里每年增加過百億稅務支出，由於稅務因素，會影響集團長線盈利能力。若真的發生，估值上就有需要下調。

現階段只能說，此股現價合理，但估值有機會要再調整。在有較多不確定因素下，此股暫時不要大注。

------------------------------------------------

Q22462：

老師，我現時20歲 想問一問你我的持倉是否合理。1351 是在不理性時買入的 希望你比啲意見

持有：
3067 十四手 $均價16.48
9988 一手 $204.8
1313 一手 $7.87
1448 一手 $7.33
1351 一手 $2.7

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時20歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

現時你持有股票，都係有增長潛力和質素，你可以照持有。

當中，輝煌明天（1351）係中國的廣告公司，主要提供以下兩類移動廣告服務。

（1）中介服務：擔任客戶的廣告代理，將客戶與其指定的媒體發佈商相連接並投放廣告；該等廣告以不同形式發送，包括動態消息廣告、應用程序商店廣告及視頻形式廣告。

（2）精準廣告服務：為客戶計劃及進行廣告投放，並負責整個廣告流程；該等廣告通常以在媒體發佈商營運的移動應用程序出現的彈屏廣告等形式展示。

佢主要為客戶宣傳的5大服務或產品類別包括移動互聯網服務、移動工具程序、金融服務、手機遊戲及電商。

睇翻過往財務數據，業務都有增長的，不過盈利就有少少波動，反映好受市場環境影響，對經濟較敏感。規模較細，未見有好大獨特性。你只有一手，照持有都可以，但不建議加注。

但在平衡配置上，你有地方可以改善。現時組合，你係好偏重左係潛力股(3067, 9988, 1313, 1448)，佢地雖然有增長潛力，同時風險都較高，不宜持有過多。

你算年青，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

現有持股不用沽出，只要未來時間，慢慢加大翻平穏增長股部份，令組合回復平衡，咁就可以。

最後，我建議你把握年青，去努力學好投資知識。要去多讀投資相關書本、年報，新聞和課程。

書本上，你可以睇我寫架"80後百萬富翁"、"財務自由行"和"股票勝經"，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

------------------------------------------------

Q22463：

龔成老師你好 我今年35歲，已婚並育有1子（4歲）我已拜讀你7本書籍，但對自身面對的問題仍然感到迷茫，望老師對我的情況做作指點和評價。

我為家庭唯一收入來源，月入約70000－80000。最近把所有資產轉為現金約1200萬。

雖看似不錯，但現有工作最壞情況只能再維持2－3年，之後可能只有20000－30000月入（收入不可靠進修或個人努力改變，除非創業）。

現有生活質素為租住約1200萬單位和為有車人士。兒子學費約15000一個月。家庭沒有其他特別消費。

如果希望將來生活能夠至少保持現有質素，請問老師會你會如何步處？

感謝老師指導

龔成老師︰

其實你都算年青，除了創業外，我相信你努力，都有機會找到一些較高收入工作。

以你35歲，我一般會建議先利用「平穩增值股」+「潛力股」作投資目標，做好財富增值部份。

由於你係家中收入唯一來源，在進行任何投資前，你應先儲起最少半年開支，作應急之用。

以現時大市合理區狀況，你可以先用一半資金，慢慢"分注"買入優質股。餘下一半，就等大跌市機會。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

但若果你真係預期用盡方法去開源節流，未來都有好大機會，長時間出現入不敷支的狀況。你可以將部份資金，用來買收息股，去補助你每月現金流。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，每個人都有自住需要，建議你長線都要計劃添置一間自住物業，以免受租金波動風險所影響。

------------------------------------------------

Q22464：

您好龔sir,我想請問下3868信儀能源,2号公報業績,想請教您有何見解,謝謝

龔成老師︰

信義能源（3868）有質素，佢主要於中國經營太陽能發電場業務，並向國家電網的當地附屬公司銷售電力。

而佢派息高的，因為管理層話會用高派息政策。

投資價值都有，但不能投資太多，因為佢業務都有風險的，要注意股價波動，如分注長線都可以投資。現價已經係略貴，回多1,2成才好開始小注。

------------------------------------------------

Q22465：

龔sir , 想請教下你既投資部署。我老公早年買股票損手，虧蝕了好多，現時佢投資組合以下，想你比比意見。

佢40歲，月入12萬左右，佢行業黎緊有些不確定性，帶機會帶來重大變化，有一層剛買的自住物業 ，月供23000左右

3878 420000股 平均成本3.4
1833 400股 平均成本97.4
3808 4000股 平均成本13.5
6060 2100股 平均成本29

9988 1000股 平均成本180
3067 200股 平均成本15.9
1024 400股 平均成本120

有100萬現金在手 ，想拎其中30萬再投資股票 ，以上股票需要減持d嗎？ 另外建議買咩股票較理想？或者建議投資什麼？

龔成老師︰

首先你要明白，我地唔好用買入價，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。

但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。

近期中央不斷有新政策出台，令大市氣氛轉差，不少股票都出現大幅回調。但我地要考慮地方，唔係佢跌幾多，而係D企業長線質素，有無被影響。

睇翻你老公持有股票，全都都係有質素，而且整體買入價，大致都係合理，都唔見質素上有明顯轉差，可照持有。

但要留意翻，以下幾個重點問題。

首先，較大問題係VICON HOLDINGS(3878)，佢主要於香港及澳門提供地基工程及配套服務，此股市值唔高，每年盈利都只是1至2千萬。

這企業唔係話無質素，但始終規模唔大，你預佢股價會較波動，此股不宜太大注。

而且，就算一隻股票再優質都好，我地都唔好太偏重係佢身上，成個組合要平衡。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

現時這股佔組合太重，必需要減持部份，換至其他優質股上。

另外，眾安在綫(6060)、平安好醫生(1833)盈利能力未穏定，甚至係未有盈利。唔係話佢地無投資價值，只係不確定性較高，不宜持有太多，暫時唔好再加注。

最後，你先生而家組合，太偏重左係潛力股(全部持股都係)，佢地雖然有增長潛力，同時風險都較高，不宜持有過多。

以你先生40歲年紀，潛力股可佔約4成，餘下應用以下平穏增長股。若你先生投資經驗較淺，潛力股比重，要再調至2-3成以下。到他學到一定投資知識，才慢慢調高。

但唔需要沽出現有持股，只要未來時間，你先生慢慢加大翻平穏增長股部份，去令組合回復平衡，咁就可以。

你現時個30萬和沽出3878資金，可以分注買入以上平穏增長股，它們現價都合理。餘下70萬，我地就等大跌市出現，才去入平貨。

------------------------------------------------

Q22466：

你好龔Sir！唔好意思打攪您，有d投資分配上既問題想請教您。

本人32歲單身，月入月50K，沒有太多家庭負擔。2017年同家人合份於觀塘月華街買一50+年齡頂樓單位作收租投資，用本人一人名下購入，最近租約將到期，

現在家人結婚想自己另外買樓，需要資金，正考慮將觀塘單位賣出同家人分拆，抑或買下家人果一半業權

考慮因素包括：

-本人大部分資金現在壓係股票上大概120萬
-如果買下另一半業權可考慮賣出部分股票定將單位作按揭換取流動資金去買呢
-舊樓頂樓存在滲水甩牆漆等問題，日後長期維修保養手尾多
-觀塘現在正重建，亦都有大型新樓落成，該舊樓單位會否有升值潛力呢
-抑或賣出單位再物色另一個，或換得流動資金買股票好呢

以上希望聽下您意見/建議哦！感謝您！

龔成老師︰

觀塘因為坐落東九，政府計劃將來將東九發展成一個大型商區，附近地區樓價必然有一定支持。

但問題係你間屋已經50+年，又出現較多維修問題。如果保留放租，長線你維修成本，可能會慢慢蠶食你租金回報。

50+年樓本身已經較難做長期按揭，對新買家吸引力都較弱。

而且現時市況，優質股值博率明顯較高。因此，我偏向建議你沽出物業，套現去投資優質股作增值，相信會較好。但現時大市只在合理區，資金唔好盡用，要留少少等大跌市機會。

當然，如果你此期間，發現有質素又超值的旬盤，你都可以用套現資金去投資。

------------------------------------------------

Q22467：

龔sir，睇左你專頁一段時間，遇到跌市，心境比從前平靜多了，可以不用常常看股價，但看到數天的波動，不禁有點擔心，雖然已留有現金待入貨，但手持的股票跌了一半有多，應該繼續持有嗎？

788 @ 1.49
2126 @34.6
2131 @ 9.6
3908 @ 18.9
6618 @ 111

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

中國鐵塔（0788）不是無質素的。始終中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入都增長，盈利都保持向上，但增長比之前略減，加上股本回報率不高，是這股較弱的地方。若分析佢市盈率，會見到現時仍然處較高水平，反映佢雖然股價回落左唔少，但仍然未到平。

這股算是合理價。

這股長遠仍算有發展力，可長線。不過，潛力度比過往略減。如果想組合增長力較強，可考慮上翻D，部分轉其他。

藥明巨諾（2126）、云想科技（2131）、京東健康（6618）都是有風險有潛力類別，這類股，你要有心理準備上落大，不宜持有太多。

中金公司（3908）質素算是不差，增長力都有。

業務包括投資銀行：提供股權融資、債務及結構化融資、財務顧問（包括併購、戰略聯盟及公司重組等）及新三板服務。

以及股本銷售及交易：包括經紀業務及資本中介業務。

固定收益、財富管理服務、投資管理都是佢業務。

佢主要在中國國內經營業務，亦在香港、紐約、倫敦及新加坡設立網絡。

其實佢不是無生意，盈利都有，增長力都不差，可持有。

------------------------------------------------

Q22468：

龔sir, 我係投資新手，之前$380買了1手美團， $290入左1手阿里巴巴，已經跌左3，4成，到底我應該點做好？ 唔想止蝕，但我又唔急住套現，但想問你覺得呢兩隻股質素如何 ?

現時投資策略又應該點做？應該分段買入溝貨定係買下其他股票平衡配置風險? 儲蓄還有大概40萬現金左右

如果買入其他股票又有什麼建議？

還是投資美股etf 仲好？

同埋都想知港股開始進入熊市未？

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可太跌。

只可以話，潛力是有的，現價唔算平，之前明顯貴，之後回翻好少少，大約合理區頂，你一手就守住先，但預佢上落大。

至於阿里（9988），買入價貴，暫時只有守住先，之後會好翻D，但要上翻去，要耐心。

美股港股，最重要是尋找優質股，中資股雖然有政策風險，但如果捉到政策方向，反而可變成好有利的工具。

至於牛熊，現世代的作用已大減，你集中分析「企業長遠質素」就得。

------------------------------------------------

Q22469：

龔sir想請問隻1024快手点睇？本人2OO買入，点解好多股票跌咗多年都冇法升返以前价位？係咪唔識唔好買股票？

龔成老師：

如果投資經驗不多，應該考慮一些較穩健的，例如ETF、港鐵（0066）、恆基（0012）等，快手（1024）是較高風險類，估值好難，所以股價上落大，如果持貨多，可能要減少少，如不多，就守住先。

但佢不是無質素的，佢係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。

雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。

由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。

簡單來說，企業有質素，有發展。

現價雖然無之前咁貴，但仍未平，可稱為合理區中上部至頂，但短期股仍會十分波動。

------------------------------------------------

Q22470：

老師 的想問關於存貨周轉率 跟返進階班第三課 文字版資料 六福銷售成本應該系7910751除平均存貨8427334=0.94（次）之後

存貨周轉日360除0.94=383（天）但系另一份筆本第30頁，顯示存貨周轉日系274日 是不是我計錯左條數，

另外我想問問銷貨收入，系邊一個部份，可以搵到呢條數，唔該哂呀sir

龔成老師︰

你計算係正確，用我上堂教的方法，答案會係383日。而274日係中銀網資料，佢提取存貨價值的模式，同我上堂的有不同。

如果你有留意1,2堂，我都有提翻同學，其實網站有時個計算方法，或者提取資料等，有機會各有不同，所以會出現誤差。

所以，你最好只係作參考。要較精準地計算一些數據，有時係要我地自己動手計算，才可以得出較有意義的數字。

"銷貨收入"一般就係指你個"營業額"，你可以係損益表中找到。

------------------------------------------------

Q22471：

龔sir ，最近有件事比較煩惱，現時自住樓已供完，銀行估值約$450萬（河畔花園），小妹一直都想住村屋 可以種植物，又無特別要求那區（工作九龍區），但都想住近d市區。

Sir你可以建議那些地區村屋比較有增值或環境比較理想，和我應該如何做按揭？應該fullpay 或比首期？

龔成老師︰

你可以考慮在沙田區找找，當中都有一些村屋的，相信會較適合你，你可以睇下當地的地產代理。第一，沙田這區我睇好，第二，近你現時的地點，第三，近你九龍返工。

住村屋的人，一般都係希望有較好環境，或者入場費架平的人。你預增值能力唔會高，如果交通較便利和接近市區，會係一個加分位。

但留意買村屋有好有壞的，好處是村屋除了呎價較低外，實用率一般達9成，比較實用。而且，適合飼養寵物或值物人士。

但村屋要注意的事項比較多，村屋不設入伙紙，只有滿意紙，而買入前要確保有滿意紙（因為不少村屋是個別業主自己興建，質素存有疑問，是否有滿意紙都未知）。

同時，村屋可能涉及丁權、地契等複雜問題，甚至有過路費、業權、僭建等問題，買入前一定要了解清楚。

此外，連天台或花園的村屋，要清楚是否入契。

至於按揭方面會較低，一般60%至85%不等，成數不及一般的住宅物業，買入前要預較多首期，更由於成交疏落，銀行估值可能會較低，買入前一定要做估值，而按揭年期最高為25年。

而按揭成數，愈高愈好，因為而家借貸息率低。你應該盡借，再用空出資金去作投資增值，咁會較理想。

------------------------------------------------

Q22472：

龔成老師你好，首先想多謝你一直以來為眾多位讀者解答問題和鼓勵我們，多謝你。

本人37歲，已婚，月入2.8萬，太太月入1萬，每月儲現金$10,000,基金供款共$4000, 其他開支14,000.

基金現金價值70萬，現金儲蓄5萬，股票26萬。(分別阿里巴巴20萬, 中國鐵塔2萬,建設銀行3萬，保利協鑫1萬)

我有幾個問題想問的:

1. 發現基金操控上得不到最大利潤(有大約20%增長)，有需要放手兑現，作其他投資嗎？

2. 如果現階段想買樓兩公婆住，又應該如何部署？買樓後，是否不能做到財務自由？

3. 另外父母在內地有物業，想兑現，但疫情關係又唔想親自上去，有什麼辦法作買賣？然後又如何把錢帶回香港？

先多謝老師的耐心解閲，萬分感激。祝身體安康！

龔成老師︰

1) 你可以衡量基金的投資策略，所投資的資產類別、投資策略、風險程度、市場、費用成本、

以及過往的表現(可以睇佢過往5-10年，如果回報係比主要投資市場高，才值得繼續投資)。

2) 其實我地做財富增值，就係儲優質資產。物業都係其中一種。每人都有買自住樓需要，否則就要一直承受租金變動風險。

但如果你要資金盡用，去買物業，就會令你成個財富組合，偏晒係物業類，咁係唔理想。

最好係你用優質股，再累積更多財富。到你可以置業同時，留有一定優質股增值，和每月供樓後，都能留有一定資金作投資，才實行置業大計，咁會可以維持增值能力，以達財務自由目標。

當然，如果你實際生活上，係有必要即時置業，你都可以入市，只要長線肯定係可以"供得起"，咁就無問題。

3) 內地物業買賣程序，我無研究。

------------------------------------------------

Q22473：

老師，我個仔剛出世，想幫佢用佢嘅利事錢買隻股票，大約5萬，放十年，有無咩介紹？ 謝謝

龔成老師︰

小朋友由於可投資時間長，策略上十分簡單。你可以儲指數基金，盈富(2800)、美股的VOO都得。

若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。

基本上，以你小朋友年紀計，持有以上股票都係可以，但你明白當中風險。

------------------------------------------------

Q22474：

多謝老師之前回覆，我有少少地方唔明想問清楚少少：

（1）我查左個貸款息率大概1.3%左右，最多可以拖長到十五年還，咁我即係應該拖到最長黎還，中間就攞自己既人工去投資，

但係要記得留定一筆錢用黎做後備資金喺需要既時候還款？

（2）估值部分你話「而重點係佢當年有一部分虧損，來自終企業務」咁係咪即係如果做估值果陣見到有個唔尋常既數字，就應該搵番果年既年報仔細睇清楚原因？

（3）如果想用評估表做外國既股票估值有冇乜野特別需要注意既部分？定係同香港公司一樣睇番份年報就可以？

再次唔該阿sir幫忙睇左份評估表同埋詳細解釋！

龔成老師︰

1) 這個利率很低，有一定值博率。還款年期，你用最長15年。

現時大市在合理水平，你獲得資金可分注入市，但要保留3-5成資金。唔係用來還款，而係用來等大跌市時機，去入平貨。而每月還款，你就係每月人工中預留一筆現金，去支付。

至於投資邊類股票，你就睇翻自已投資經驗和風險承受能力。較高的話，可投資"平穏增長股"，較弱就投資"收息股"，或者你從2者中取個平衡。

例如收息股，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

2) 無錯，這一點很重要。其實你係年報，發現任何異常數字(特別係個數字都大)，我地一定要了解當中原因，才可以做出一個穏妥的估值。

3) 大同小異，睇年報都係差不多做法。但當然外國市場和文化，始終都會同香港有所不同，係評估一間企業時，都要多了解數字以外因素，以免決定出現偏差。

------------------------------------------------

Q22475：

你好，龔sir。我現持有︰

中海油（2000股）
小米（600股）
VESYNC 1000股
安碩恒生科技 400股
朝雲集團 500股

現股市不穩定。應減持或增持？謝謝解答

龔成老師︰

你要記住，投資唔好受大市氣氛影響，你要客觀分析。到底隻股票，係下跌同時，佢長線質素有無變差。如果無，下跌反而係造就我地入平貨機會。

你現時持有股票，雖然近期有較大回調，但唔見長線投資價值，有明顯轉壞，你照持有就可以。

VESYNC（2148）有少少潛力的，但不確定性高，不宜大注。

中國海洋石油（0883），質素都算有，但不是最高質類別，佢對油價較為敏感，所以，如果長遠油價向上，佢都會增值的。

雖然佢都有一定的規模及質素，但卻不是最高質素的企業，這是由於佢地的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。

這類商品企業，都可投資，但就要明白不是最高質的企業。所以投資時，同樣不宜太大注。

------------------------------------------------

Q22476：

老師早晨，我有34000股互太，均價8.67，轉倉去朗廷1270係咪更具值博率

原因互太是高位入，即使疫情完結，我諗去返高位既機會好低

反而朗廷因為疫情同社運，跌到0.98，疫情後股價更有機會去返疫情前水平（唔係高位）

老師，1448去到$7.03，你係咪會加注？

同埋1448去到幾多先算平？我計合理價係6.4-7.5

龔成老師︰

互太紡織（1382）這股不差的。佢主要從事紡織產品之製造及貿易。

朗廷（1270）係香港持有酒店的投資信託，重點位於亞洲的已落成酒店，現時酒店組合包括香港朗廷酒店、香港朗豪酒店及香港逸東酒店等。

現時股息率計(1270用2019年股息率計)，朗廷（1270）值博率係較高。

以上2隻都係收息股，我地持有目的係收息，為自己創造穏定現金流。這類股票，比較適合年長/己退休人士，或者風險承受力較低人士。

如果你係較年青，這2隻股票，都唔適合你。

另外，雖然朗廷（1270）現時值博率係較高，但我地唔會因為咁，就將互太全部換晒去朗廷個邊。我地要做個平衡配置，唔好令成個組合偏重係個別幾隻股票身上。

所以，如果你想投資朗廷（1270）的話，你可以將部份持股，換碼過去，但唔係全部。

福壽園(1448)現價在合理區頂，如果你有貨，建議等佢回多10-15%倒，才加下一注。

合理價你計算都接近，你預大約HKD5.5 - 7.5左右。

------------------------------------------------

Q22477：

龔sir，我係股票班學生，我快速計左一下700既合理價 可以俾d意見嗎

我用7年數據︰

2014 35.93市盈 3.23EPS
2015 39.51 3.71
2016 36.04 4.9
2017 31.33 8.97
2018 40.43 9.46
2019 31.14 10.96
2020 27.42 18.37

我將七年市盈由細到大排 然後計中間三年即係 31.33-36.04，至於EPS果到 應該要點拎好。

因為佢個波幅都大 如果take7年 average 就計到 8.51就係 合理價266-306 好似有啲離地

然後我去中銀個網 搵吾同機構對2022既預測EPS 拎機構入面預測EPS最低果個14.81去計合理價，計出為 463-533 好似合理d

龔sir, 想問我甘計有無問題 希望可以指教下

龔成老師︰

你市盈率計法，可以就用這個3年數字(31.33-36.04)。

而EPS，由於企業和行業本身，都係近年才快速增長，因此我地會拿近少少，5年平均EPS作基礎會較準。因應佢增長潛力，上調多25%左右。

再加上10%緩衝區(這個課堂有教，唔記得係乜，就要溫翻初班第5堂SLIDE26)，合理值大約係︰HKD373 - 547。

至於機構預測，你都可以作為參考，睇下會唔會同自己答案差太遠。如果有太大落差，就要找出原因。

------------------------------------------------

Q22478：

龔Sir你好，最近對於複利有d問題諗唔明，希望你有空可以解答

複利係指一隻股票收到的利息再投資返係同一隻股票，咁如果我哋手動做股息再投資，應該點做？

假設一:
我有一隻A股票每個月月供緊1000蚊，而今個月收到500蚊股息，咁我係將呢500蚊係下個月再加落月供度，變成1500蚊去供A股票？咁我第三個月又變返月供1000蚊？

假設二:
咁如果我長揸緊既股票，並無做緊月供，咁我每次收到既股息應該點做股息再投資從而產生複利效應？

謝謝回答！

龔成老師︰

1) 唔洗咁複雜，你月供金額可以不變，只要另外將新收到股息，再買翻股票，就會有複利效果。但有時個股息不多，你可以儲起先，等有一定金額才再買貨。

2) 長揸和月供都無分別，收到股息先儲起，夠1手，而當時價格又合理，就再買。其實成個做法，都係一樣。

可能你會想問，有些股票佢係零派息，咁係唔係就無複息效果呢?

答案︰唔係。因為除了派息再投資外，企業賺到錢，將這些資金重新投入在業務上，都會有複息效果。

當然我地都要考慮翻，企業不派息，去為本身業務再投資，到底係唔係有更高效益。如果係有，就有投資價值。如果再增值效率不高，其實佢派息，才代表管理層做法理智。

------------------------------------------------

Q22479：

龔Sir你好呀。我有計劃明年年中移民,因稅務問題可能要在離開之前賣清股票，以往一直跟隨龔Sir教既方法長期投資

今年年初自律性低左買貴左新經濟股,所以你見到我坐住左幾隻，現在市況唔穩定,心裡其實有D壓力。所以想問問龔Sir我用咩策略去賣清D股票比較好

Current Portfolio

5 - 1,200 @ Avg 51.25
11 - 300 @ 114.91
27 - 4,000 @ 43.79
241 - 2,000 @ 22.05
285 - 2,000 @ 8.58

388 - 200 @ 190.36
700 - 200 @ 587.69
868 - 2,000 @ 7.79
1211 - 2,500 @ 40.05
1317 - 48,000 @ 2.59

2158 - 400 @ 49.63
6618 - 200 @ 136.58
8083 - 8,000 @ 3.57
9988 - 500 @ 241.3

多謝指點龔Sir!

龔成老師︰

其實買新經濟股唔係唔得，只要你唔係近退休人士，按自己年紀和風險承受力，作出合適配置，咁就可以。

但由於你明年中就要移民，需要清空持股。因此，你現時唔好再入貨，反而要慢慢開始分段沽貨。

唔好等到走個一刻，先一次過沽，因為無人知個陣個市，是好是壞。所以，你要分段咁沽，去平衡價值波動性風險。

你不要著重那一個「賺蝕數」而決定留或賣，是重要考慮質素，上述的股票，較高風險或質素較一般的，要先賣出，例如醫渡科技（2158）、中國有贊（8083），另外，另外的，可以分段去賣。

------------------------------------------------

Q22480：

Ar sir, 近日港股市場下跌好大輻度，科網股還有長線投資價值？3690同9988前景質素如何？

想詢問現時700,1810,3690,9988四隻論值博率，邊隻好？

龔成老師︰

近期受中央政策和大市氣氛影響，不少科技股都有較大回調。但我地要睇翻，這些政策到底對相關科技股，有無造成長遠影響。

美團(3690)和阿里(9988)都受反壟斷政策，造成不同程度的影響。你預中短期會較波動，但長線相信這些企業，適應了相關法規後，會慢慢轉好。

因此，若你有持貨，可以照長線持有。但美團(3690)始終不確定性較高，不宜佔組合太大比重。

至於"輪"這類短炒工具，我唔建議你買。因為中短期股價，受好多因素影響，基本上係無得估。所以，我建議你買正股，作長線投資會較好。

而正股值博率，以現價計騰訊（0700）和阿里(9988)係會較高。而小米(1810)和美團(3690)就相若，但質素上小米(1810)會較好。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

7/7 Bloomberg新聞摘要

<亞非中東新聞>
*印尼週三新冠死亡人數超越千人創單日新高 中爪哇最嚴重
*新冠病毒確診數激增使得醫療機構量能不足 泰國計畫將國際機場航廈改裝成野戰醫院
*鬆綁社交距離導致娛樂場所與購物中心爆發疫情 韓國單日確診逾千為七個月新高
*NHK報導日本政府將針對東京發布緊急事態 時間將涵蓋整個奧運期間
*日本疫情對策小組會會長尾身茂 再次呼籲奧運禁止觀眾入場並減少官員出席人數
*菲律賓未來兩個月預計可接收3000萬劑疫苗 延宕的接種計畫可望恢復
*Delta變種病毒病例增加至350多例 澳洲雪梨宣布防疫封鎖再延長至少七天
*紐西蘭批准嬌生疫苗臨時使用權 提供難以獲得輝瑞BNT疫苗者緊急使用
*以色列政府數據顯示輝瑞BNT疫苗雖未能阻止Delta變種病毒株散播 但有效降低重症率
*新加坡下週放寬聚餐人數限制至5人 月底疫苗接種率達50%後會進一步鬆綁
*中國證監會考慮改變企業赴境外上市的規則 堵住科技巨頭長期使用的IPO漏洞
*美軍撤出阿富汗 由伊朗主辦塔利班高層與阿富汗政府官員間的軍事談判
*新加坡央行總裁稱 解決星國勞動力不足的關鍵是外籍移工

<美洲新聞>
*海地總統在自宅遭夜襲暗殺身亡 第一夫人重傷送醫
*政治保守的地區對疫苗裹足不前 拜登的七月四日疫苗目標未能達成
*已開發國家在疫情期間至少減少2200萬工作崗位 年輕族群和低技術勞工受創最深
*指控Verizon未經許可使用網路專利技術 中國最大移動設備商華為在德州興訟
*訴求藍領勞工 前紐約市警局局長亞當斯在紐約市長初選投票中勝出
*秘魯富人以破紀錄速度將資金轉移海外 左派行動家卡斯提歐可能成為祕魯下一屆領袖
*俄羅斯政府駭客組織”Cozy Bear” 傳出上週入侵美國共和黨全國委員會電腦系統
*美國總統拜登將勒索軟體的威脅 提升為國家安全優先事項
*全球通貨再膨脹導致貿易停滯不前 美國十年期國債收益率四個月來首次跌破1.30%

<歐洲新聞>
*疫苗接種率減緩 德國衛生部長出面呼籲民眾一定要接種疫苗
*愛爾蘭69%成人已至少接種一劑疫苗 並開放34歲以下開始接種mRNA型疫苗
*防疫封鎖雖然關閉了餐廳酒吧 但英國整體生產力在疫情期間意外提高
*荷蘭與韓國同意擴大晶片合作 結合荷蘭在生產設備的優勢與韓國的製造實力
*全球護照好用排行日本蟬聯第一 但疫情限制下日本護照可進出的國家跟哈薩克護照一樣
*歐盟執委會主席馮德萊恩警告匈牙利 若不遵守民主準則將失去刺激方案的財政支援
*歐洲央行將調整銀行資本需求 增加與壓力測試之間的連結
*過去十年來最昂貴的海運費用打亂全球糖交易 糖廠延後採購以躲避運費高成本

【危機四伏】Airbnb的噩夢

兩位主修設計的學生切斯基和Joe Gebbia，及工程師Nate Blecharczyk於2008年一起創立了Airbnb。如今，它已從時髦的「沙發衝浪式」（CouchSurfing）旅行住宿的替代選擇，發展成為全世界最大的住宿平台之一，擁有560萬個登記房源，超過全球前七大連鎖酒店的客房總數之和。

隨著Airbnb規模壯大，危險事件也越來越多，而且五花八門，什麼事都有——從房東將住客行李箱從窗戶扔出去、到安裝隱蔽式攝影鏡頭、天然氣洩漏、性騷擾等等。發生在該平台或其他平台的民宿裡的犯罪行為，有許多在任何一間公寓或酒店房間都有可能發生，但是，有些情況則屬於房東利用這類平台犯罪。在2011年10月發生的一宗事件中，巴塞隆拿一名Airbnb房東灌醉了兩位在他家預訂住宿的美國女士，然後強姦了她們。據當地媒體報道，第二天這兩位女士到警局時，房東威脅如果她們報案，就會把性侵她們的影片上載到網上。警方後來搜查了他的公寓，找到了數百張涉及其它受害人的類似照片。這名男子最後被判12年監禁。Airbnb向兩名女士支付了一筆數目不詳的賠償，並將這位房東永久列入黑名單。

這類嚴重的問題，會交由Airbnb內部安全團隊處理。這個團隊由分佈在都柏林、滿地可、新加坡及其他城市的大約100名代表組成。有些人有提供應急服務或曾經入伍軍隊的經歷。團隊成員有相當大的自主權，可以不惜一切代價安慰受害者，包括支付機票、住宿、食物、心理輔導及醫療費用，以及性侵倖存者進行性病檢測的費用。一位在Airbnb工作了5年的前代表形容這種方式是「金錢轟炸」。該團隊甚至會將當事人安置到費用比其本來預訂的房間貴10倍的酒店裡，還付錢給他們到世界各地旅行，甚至為他們的寵物治療付費。「我們會額外努力，確保每一位在我們平台上受到影響的人事後得到充分照顧，」Airbnb全球營運負責人邦奇（Tara Bunch）說，「我們並不特別擔心品牌和形象問題。只要你採取正確的行動，那些東西自然不會差。」

如今，Airbnb依然要面對安全危機、要對侵犯行為作出回應、要為改善監管政策而戰。今年5月31日，為與紐約市就一宗訴訟達成和解，該公司開始交出房東的相關資訊，包括姓名、位址以及他們是否出租了整間公寓。這些數據將有助於跟蹤非法房源。——OLIVIA CARVILLE、David Ingold對此文亦有貢獻；譯 許諾

#Airbnb #出租民宿 #安全危機 #監管不足 #切斯基 #JoeGebbia #NateBlecharczyk

（本文節選自《彭博商業周刊∕中文版》第223期，如欲查閱全文，歡迎訂閱）
★★訂閱聯絡方法
電郵：bbwhk_cir@modernmedia.com.hk

#circuitbreaker #COVID19 #台灣人在新加坡 #新加坡轉機

新加坡在5/20時宣布了CB不延長，將在6/2如期結束，但解禁後將採取階段性開放，分為三階段。

第一階段：將長達四週以上
1.還是必要時才可以出門 出門都要戴口罩
2.學生們會陸續回學校上課 牙醫 專科門診也會開始營業
3.傳染風險較高的零售業和娛樂業會持續關閉
4.開放部分員工回去公司上班 但這邊政府是說為保險起見
能不用公司上班的產業還是待在家比較好

第二階段：將長達數月
1.開放零售業和商家營業，餐廳開放內用？
2.健身房 補習班和HDB的公用設施可以開放使用
3.學生全部返校上課

第三階段-
1.像是回教徒 伊斯蘭教 佛教可以到像是清真寺啦 印度廟 觀音廟拜拜，但入場人數可能會受到限制避免群聚感染的風險提高
2.電影院 酒吧 夜店也在第三階段時開放

---更新---
新加坡民航局發布新聞稿表示，自6月2日起，將逐步開放旅客經由樟宜機場轉機。
新聞來源 - https://reurl.cc/b5ddx3

---補充說明---
持有長期准證、公民自3/27之後出國再返回新加坡，回國需要到專用設施隔離14天，費用自行承擔。

新聞節錄-卫生部重申，罔顾旅游警告、坚持在3月27日或之后出国者，返新后将须自行承担住在专用设施的全额费用。來源-https://reurl.cc/4Rl8DR


#新加坡 #新型冠狀病毒 #防疫心得 #隔離 #singapore #workinsingapore #阻斷政策 #海外工作 #隔離日常 #Circuitbreaker #新加坡工作
#新加坡租房 #新加坡工作簽證 #新加坡鎖國

馬爾代夫魯濱遜努努島

10月4號出發，路線是台灣-新加坡-馬累 ，乘坐的是酷航✈。

1、關於選島

馬爾代夫分為4~7星級的島嶼，最終選擇了一價全包的2017年建成的島 魯濱遜努努5星島嶼，浮潛等級A，位於卡夫阿裏夫環礁。

2、上島方式的選擇

馬爾代夫任何島的上島方式都有兩種

（1）水飛 （2）內飛+快艇

3、水屋和沙屋的選擇

我們是選兩晚水屋兩晚沙屋，度假村會將華人和西方人分區住，因為魯濱遜努努島酒店的老板是德國人，所以細節地方都很到位。

4、關於浮潛

魯濱遜島的浮潛等級A，建議自己買好浮潛眼鏡和水母衣，蛙鞋可以去潛水中心免費租賃，救生衣要收費每天6美元。

5、關於其他的島上項目

漂浮早餐、特色餐廳、龍蝦餐、ＢＢＱ、燭光晚餐、瑜伽課、運動課、ＳＰＡ
每晚上都會有不同主題派對，準備一條白裙子，因為會有白色主題派對哦。還有很多海上活動，你能想到的都有。所以根本不用擔心在島上會無聊啦。每天在島上的生活基本上都是從中午開始的，睡到自然醒，然後去海邊餐廳吃早餐，和好朋友們玩遊戲，喝酒，聽音樂，日落酒吧看粉紅色的晚霞，拍美美的照片。其實什麽都不做，就這樣發呆，就很好。


6、關於拍照

建議帶好一點的手機相機、千萬不要帶傻瓜相機，整個行程都毀了。

7、關於費用和小費

我們兩個人一共花了71000左右，五天四夜，不含機票，結賬時候每人每天會有環保稅 6 美左右是必須要交的，島上的項目也都是要交稅的。

小費的話，馬爾代夫是小費國家，每天打掃房間前在枕頭上放1-2美金小費，換房間或是離島時都可以在行李上放1-2美金小費。

8、關於餐廳
8:00-11:00 早餐
1:00-2:30 午餐
7:30-9:30晚餐
主餐廳每天晚餐都有不同主題：比如法餐、亞洲菜、Taste Jam(超好玩的懷舊集市主題 有快閃!!)等等 味道都很不錯~

酒吧
早上11:00-凌晨1:00 主酒吧、泳池酒吧
早上11:00-下午7:00 日落酒吧
提供咖啡酒水軟性飲料調酒喝到飽！
sundowner bar是個小酒吧 正如其名 一般都在六點多去那裏看夕陽。可以要一份爆米花 會有島上的散養雞🐔跑來找你玩哦～

島上注意事項：
1️⃣不用帶轉換頭 房間裏都有至少四個USB直充

2️⃣國內很少能換到1美金 但在馬累機場出口有窗口(寫著Bank)可以把大額兌換成小額

3️⃣小費準備了40美金 很夠用 搬運行李給2➕比較好 因為都是兩個人幫忙

4️⃣房間每天會給3大瓶水 絕對夠

5️⃣房間裏有熱水壺 和茶for free。冰箱裏的東西不貴 3美金左右

6️⃣島上可以用刷卡支付

7️⃣島上wifi不太好