【EVA】《:│▌》片長時間曝光 歷代EVA劇場版最長
原定今年1月23日上映嘅《新・福音戰士劇場版 :│▌》受疫情影響,到依家仲未知幾時可以上映。由於每部喺日本上映嘅電影,都需要交比日本電影檢查及分級組織「映畫倫理機構(映倫)」進行審查,最近就有網友喺「映倫」官網發現,《EVA》最新劇場版片長為...
【EVA】《:│▌》片長時間曝光 歷代EVA劇場版最長
原定今年1月23日上映嘅《新・福音戰士劇場版 :│▌》受疫情影響,到依家仲未知幾時可以上映。由於每部喺日本上映嘅電影,都需要交比日本電影檢查及分級組織「映畫倫理機構(映倫)」進行審查,最近就有網友喺「映倫」官網發現,《EVA》最新劇場版片長為2小時34分,成為歷年嚟最長嘅《EVA》劇場版,並且評為G級,即係所有年齡都啱睇。
《EVA》歷代劇場版電影長度:
《新世紀福音戰士劇場版:死與新生》 1 小時 39 分
《新世紀福音戰士劇場版:THE END OF EVANGELION》 1 小時 27 分
《新世紀福音戰士劇場版:REVIVAL OF EVANGELION》 2 小時 34 分
《福音戰士新劇場版:序》1 小時 38 分
《福音戰士新劇場版:破》1 小時 48 分
《福音戰士新劇場版:Q》 1 小時 35 分
《新・福音戰士劇場版 :│▌》 2 小時 34 分
講到《:│▌》片長,上年十月曾發生過一件蝦碌事件。事源劇場版製作公司「株式会社 カラー」喺Twiiter出咗個Post顯示疑似片長為「05:59:50」,隨即引起一眾日本網友喺Twiiter瘋狂討論,例如究竟6個鐘究竟係講乜劇情、劇院會唔會有中場休息時間等,但官方好快就澄清只係大家諗多咗。
資料來源:ねとらぼ
#eva