逼科的愛情（二） 《長工時之下，會唔會鍾意左你同事？》 * _ 當正常人返工八個鐘，但auditor peak session 要工作15-16 個鐘，對你teammate比對你男友同親人的時間仲要多，如果你遇到一個好傾嘅teammate，有feel係好正常嘅事。 身邊的朋友，出軌或辦公室戀情確實不少： * * - 男senior 同女intern 返中國出job，大家每日對足15個鐘，加上遇到好主動的intern，senior 同拍拖六年的女友分手，再同intern 一齊。之後，intern 仲要周圍唱男senior 嘅前女友。 * * - 某男senior 老婆大左肚，但男senior 鍾意左個associate，同associate 搞婚外情，之後俾老婆發覺，未生仔就要離婚。 * * - 有男senior 同女的senior manager 拍拖，相差八年的姐弟戀，而呢位男senior 只會做女senior manager 嘅job，成為女senior manager嘅男朋友同得力馬仔。 * * - 男女朋友本身係大學拍左幾年拖，各在不同的逼科工作，但返工的第一個月，仲上緊training，但個男仔已經出左軌，training 第二個星期就俾女仔坐大腿，之後同佢女友分手，再同公司嘅女仔一齊。 * * - 有不少女仔入逼科之後，同本身的男友分手，再同同job senior 一齊。我理解的，畢竟返工有個老前輩照顧住，係會安心啲。 * * - 男manager媾女associate, 相差八年以上，係咪真愛，我真係唔知，亦唔想知。 * * - 有男senior 同intern 一齊左，之後好快就一齊同居。 如果你問我：「男女係公司對得耐左，會唔會容易有feel ？」 * * 我：「男女如果長時間工作，一係有好感，一係就有心病，從來沒有灰色地帶。因為係繁忙工作之下，你一係覺得男senior成日allocate 工作俾你做，姐係A字膊，一係就覺得佢肯幫你，肯教你，肯一齊同心合力捱過呢個peak，而如果你同佢又傾到計，講到笑，你對佢好大機會有好感。當然呢個好感會唔會發展到「鍾意」就要睇下雙方點交流同點發展呢段關係。當然亦有一種係就算大家捱過呢個Peak，但大家都只係同事關係，有時連朋友都談唔上，因為傾計太過表面。 大家都差唔多年紀，一齊捱過peak，每日食飯傾計工作都一齊，你地有共同的敵人，通常都係你senior in charge or 你manager，敵人嘅敵人就係我朋友嘛，所以你地關係更close。而且，呢三個月的audit，雖然平淡，但其實你地發生左好多趣事，有時你teammate 比你家人男朋友更了解你。有時你只瞓左幾個鐘，好累，但佢一講笑話，就拉住瀕臨瞓覺嘅你，再次打起精神繼續工作。其實對佢有好感係一件正常不過的事。」 * * 你再問：「聽左咁耐，你有無曾經鍾意過你teammate？」 * * 我：「有好感係好正常的事，但不代表會發展成「鍾意」嘛，雖然係有可能。但成年人，應該分得清楚咩係應該，咩係唔應該，同事同情人之間應該有一條線，呢條線係永遠不可以僭越。」 * * 你問：「你答左啦？」 * * 我：「我答得好清楚呀！」 * * 你再問：「所以係鍾意左但唔可以僭越？」 * * 我：「你想深一層，鍾意真係太容易，例如你會鍾意一本書，鍾意一部電影，鍾意一隻錶，但鍾意係好流於表面的嘢，它係短暫，好似煙火咁，爆發就是消散的開始。 最重要唔係你對佢有無好感，有無鍾意佢，而係你做人嘅原則。如果你有好強原則唔俾自己出軌，即使你對佢多有好感，其實佢充其量都只會係你一個好好的朋友，除左朋友之外，無其他架啦！」 * * 你問：「所以如果我男友係逼科做，我唔應該成日擔心佢出軌？」 * * 我：「出軌係愛情的信奉，你信嘅咪存在囉，你唔信，咪唔存在。一個男人的本性，比外在的環境更重要。一個對女性沒有任何抵抗能力的男人，佢係咩環境都係會出軌，你明唔明？所以，逼科只係創造左一個出軌和交配的環境和機會，但有咁嘅機會，不代表你一定要出軌，同交配架嘛！一個人的本性，比其他嘅都更加重要。」* * #語錄控 控 #愛#相愛#愛情#感情#愛情語錄 #文章#散文 #hk #hkwords #fake文青 #經典語錄# #作家#文鳥 #字 #word#share#lovequote#quotes#温柔#文字#big4#audit#auditor#審計 #bigfour #accountant #會計#accounting