【開賣喇！文華酒店包晒 3 餐仲有 24 小時住宿、生日紀念日禮遇同 Sabon 護理禮遇送啊！】 今次真係要搶！香港文華東方酒店新推出嘅 4 個包 3 餐快閃優惠超抵，最平二人房價 HK$2,695 起，包船長吧三道菜晚餐配啤酒、早餐同下午茶，可以食到餐廳招牌印式咖哩燴羊肩肉同印式蕃茄咖哩雞！另外仲有包快船廊自助晚餐、Café Causette 海鮮拼盤連牛柳鵝肝三道菜晚餐或文華扒房三道菜晚餐優惠，想食咩都冇問題！今次優惠仲可享長達 24 小時嘅住宿、生日紀念日禮遇，再送 Sabon 尊尚身體護理組、免費深層滋潤手部護理體驗換領卡，及價值 HK$100 嘅購物現金券兩張！優惠詳情和預訂方法：https://www.runhotel.hk/mandarinoriental-flashsale2 直接上 KKDay 預訂：https://www.kkday.com/zh-hk/product/101202-mandarin-oriental-hk-staycation-package?cid=2058&ud1=Mandarin

文華東方酒店 Mandarin Oriental Hotel 房型：海景套房 官網：https://www.mandarinoriental.com.hk/ 價錢：$5500 訂購：KKday 網址：https://m.kkday.com/zh-hk/product/103424 內容： 日暮嚐味晚餐， 城景套房， 早餐， 文華閣下午茶 evening cocktail *** Day 1 18.8.2021 直接上文華閣check in， 前台服務好專業， 老公生日upgrade咗去17樓海景套房， 之前收到電郵可加錢升級冇升到， 所以真係好驚喜， 多謝！( 升等價應該係浮動嘅， 想知pm我吧) 早到打算放行李， 但酒店超好可以即時check in， Suite可以去文華閣CO，下午一點就入咗房完全唔使等。 今次個upgrade升咗兩等， 房型大細一樣， 城景套係客廳樓景浴缸海景， 海景套係客廳皇后像廣場， 浴缸正少少嘅海景。 生日送咗個小蛋糕， 沒有佈置可能係因為忽然升等整唔切🤣？ 之前去RC 同Rosewood 已經玩咗氣球， 畀我揀梗係升等唔要氣球同旗仔啦！ 老公係浴缸迷，就係為咗個浴缸而來文華， 絕對係獨一無二！ 好man 嘅浴缸一啲都唔港女， 好適合慶祝男士生日😁 藍色玫瑰同埋泡泡浴都係自備(Sabon)， 酒店就提供浴鹽。 初時擔心天氣， 感覺文華間房比較暗， 但事實無論陰晴採光都幾好， 好有格調歷久常新嗰一種， 保養得唔錯。 之前見Suite用 Jo Malone， 但房間所見係Dipyque， 都係港女愛牌冇差別嘅。 揀KKday嘅原因， 是因為晚餐是Mandarin Grill & Bar， 牛扒依舊出色。 日暮嚐味晚餐6:00/6:30pm開始， 價錢$1900/2位。早用餐係缺點，但Staycation 包米芝蓮一星餐廳值回票價。 住套房可使用文華閣， 閑日人唔多 ，下午茶食tea set，Rose petal Jam 水準依舊， 其他都是正常水平。 可以接續evening cocktail， 嘢食唔算多 ，唔太欣賞佢杯cocktail，sparkling wine就是Moet， 有酒飲當然開心😁當晚餐我覺得冇可能， 文迪食嘢比較奄尖加上係老公生日， 都係定有晚餐嘅package好啲 。呢方面我比較欣賞Rosewood（ 但貴幾倍有多）。 Day 2 19.8.2021 早餐可以喺文華閣(~11:00am)，Clipper Lounge(~10:30am buffet) 和 Cafe Causette(~11:30am set) 進行， 去咗Cafe Causette有三個set可以揀， 但只限一份不可以添， 茶或咖啡都係。 Late check out 2:00pm， 食完早餐返入房仲有時間可以休閒一下， 加上Suite又有個咁正嘅浴缸， 呢兩日天氣時晴時雨咩景都欣賞得到， CO之後仲可以喺港島嗰邊玩， 都幾推介文華東方Staycation😊 #文華東方酒店 #文迪漫遊慢生活 #香港 #香港宅渡假 #宅渡假 #香港文華東方酒店 #香港美食 #香港好去處 # hkhotel #kkday #中環美食 #staycation #hkig #hkgirl #hktravel #nomnomnom #foodgasm #hkhotel #hkfoodblogger #foodblog #like4like #香港美食 #tbt #viscocam #mohkg #hongkong @mo_hkg

🥢中環五星級酒店新鮮凍海鮮超讚甜品自助餐  #食好西中環美食 #食好西任食自助餐放題   🥢請支持即刻俾心👍🏻仲有follow @eatgoodwesteatbadwest 交流/報料/合作/邀請/餵食/吹水 歡迎： DM / 電郵   🥢而家去食自助餐，閒閒地都要六七百蚊，想搵一間食得感覺舒服的一間自助餐，今次就揀咗一間位於中環嘅老牌五星級酒店，聽人講佢哋嘅餅房出品甜品係超級好味，所以都一定要留定肚瘋狂食甜品  🥢晚市自助餐 $698 / 位 (匯豐信用卡八折）  🥢我哋6:30前已經去到就坐，可以睇曬全部有啲乜嘢好食，凍海鮮提供龍蝦，麵包蟹翡翠螺青口大蝦鮑魚，一夠鐘全部人都行出去攞海鮮，不過好不幸排頭位嗰位姨姨一次過攞晒所有麵包蟹嘅蓋，而酒店係冇refill 蟹蓋，所以冇食到  🥢鮑魚 好柔軟而且有鮮味，感覺好有鮑魚嘅鮮甜味道  🥢龍蝦 雖然沒有雪藏味但係亦都冇任何味道，感覺比較差啲啦  🥢青口 黑青口肉質甜美但size比較細隻  🥢蟹腳 第一次攞嘅時候係好鮮甜好新鮮嘅感覺，第二轉左再去攞嘅時候就略嫌比較鹹啲  🥢生蠔 生蠔係服務生安排嘅，感覺衛生，一人會比兩隻你，今日的係法國生蠔，味道鮮甜而且比較滑，海水味都幾重，食完之後店員都會好主動問你需唔需要再嚟生蠔  🥢熟食方面感覺就比較少啲，牛扒感覺比較生啲但係食落去感覺又OK好重肉味而且好軟滑，蒸中式海魚，炒粉麵飯，炒菜，香煎蕃茄鱸魚，除咗蒸魚好快俾人瘋狂掃清光refill , 其他嘢就感覺一般冇特別想食，佢另外仲有烏雞湯同蕃茄湯，都幾好飲嘅  🥢壽司刺身 最普通嘅壽司刺身佢都有，三文魚呀吞拿魚啊嗰啲，但係質素就一般啦，唔特別好食又唔難食咁  🥢麵包及芝士 提供三款芝士 , Emmenral, saint albray, 羊奶芝士，呢度嘅麵包好好食全部都係有文華餅房出品，雖然過嚟食自助餐好似食麵包有啲晒quota,少少地都試咗一個，好重麵粉香味，唔使塗牛油都覺得好好食  🥢甜品 呢度嘅甜品係重頭戲除咗有好多唔同大大小小切餅，仲有佢哋最出名嘅文華芝士餅，另外仲有佢哋出品嘅雪糕  🥢講到最重要一定要食嘅係1963文華芝士蛋糕，入口即溶有好強嘅芝士味道，仲有好誘惑嘅奶香，第一轉出嚟係一個三角形嘅切餅，之後再出的就轉成正方形嘅切餅粒，一定要留肚食呢一個  🥢第二好食嘅就係佢哋嘅馬卡龍，入口脆皮得來非常之鬆軟，感覺唔會太甜，雖然當日只有一隻粉紅色但係已經足以覺很好滿足，仲有佢哋嘅朱古力粒試咗個黑松露朱古力，朱古力味好強，有非常香嘅黑松露味，口感幾特別  🥢雪櫃入邊仲有好多唔同款味嘅雪糕筒雪葩，全部都係文華自家製嘅，味道喺出邊食唔到，試了一款紅妹味酸酸甜甜又夠清新  🥢呢度，鍾意食凍海鮮嘅會好開心但係如果唔食生冷野嘅話呢度就真係冇咩啱你食啦，雖然款式唔係好多，但係樣樣野都好好食，除咗龍蝦冇咩味同埋壽司刺身係普通野之外，凍海鮮嘅味道嘅級數都真係幾好食，夠晒鮮甜，而且重頭戲嘅甜品每一樣都好想試，但係真係太飽就算每款甜品攞一件，都應該食唔到，最出名嘅芝士蛋糕都係非常之咁正  🥢環境比較經典有氣派感，服務生都表現得好好非常快手咁收碟而且好好禮貌，又主動問d嘢啱唔啱食，又需唔需要加生蠔，我哋係有人生日，問了店員有無蛋糕主動咁幫我哋安排嗰個特別生日蛋糕仔，非常之貼心，個蛋糕仔都係好好味㗎上面有啲好靚嘅鮮花做裝飾，所以呢度呢都會有機會會再嚟食過  📍快船廊 (中環) 中環干諾道中5號香港文華東方酒店閣樓  請按右上角按三點，要按[帖子通知] 就唔會錯過貼文啦  #文華東方酒店#快船廊#生日飯#自助餐#自助餐優惠2021#中環美食#中環自助餐 #文華餅房 #文華酒店 #香港美食#香港小店#今晚食咩好#今晚食乜好#食好西#食好西系列#吃貨#吃貨日常#吃貨人生#吃貨日記#支持小店#食評#食好西理想與現實#hongkongfood#food#foodie#hkfoodie#hongkongfoodie#eat