#gfmurmur9355
同男朋友一齊6年,識佢嗰陣我剛畢業兩年,係廢青,到現在,我都係廢青。
唔係完全無做嘢,只係太難搵到,剛畢業試過唔同工種,飲食、店務員、圖書館、臨記、派傳單都有,但係做得好短時間,無奈係身體問題(做過手術),不適宜長企,所以得office工最適合。
始終修讀ICT,一般...
#gfmurmur9355
同男朋友一齊6年,識佢嗰陣我剛畢業兩年,係廢青,到現在,我都係廢青。
唔係完全無做嘢,只係太難搵到,剛畢業試過唔同工種,飲食、店務員、圖書館、臨記、派傳單都有,但係做得好短時間,無奈係身體問題(做過手術),不適宜長企,所以得office工最適合。
始終修讀ICT,一般軟件都上手,簡單的整圖剪片都識,但呢啲技能係人都識啦,求其download個app個個都識,除咗打字快,就無一技之長。
做文職真係好啱我,尤其是獨立工作,唔駛同人溝通吹水,好適合我性格,每次都有上司讚認真細心,只不過多數都係短期合約性質,因為DSE無合格,得電腦科剛好合格,就削減大部分工作機會,有啲要求五科合格,有啲要求英文良好,真係好難搵到人請。
又無錢進修,家人都認為返工有錢收好過讀書。
曾經最長做到一年半經驗,後來因為家人勸喻過檔去高薪嘅醫院文職,可惜嘅係,開工先知並不適合,似偏向活動性質多,需要行行企企、同人溝通,無可奈何地quit咗。
加上舊公司有挽留過,所以諗住番去長做算,我無乜要求嘅,點知返番去已經無咗本來個位,轉咗部門,做咗一個月先話原來要輪更嘅,對於輪更我真係接受唔到,所以放棄,呢件事我承認的確好失敗。
其實要搵到人請好難,搵到適合嘅仲難,俾份普通文職我就夠,勞工處嘅招聘好多都係agent,agent俾嘅又係短期合約,好難有長工。
之後有同事介紹參加展翅計劃,得半年合約,做完已經over咗年齡,然後因為社會問題疫情問題,到而家都接近廢咗一年。
文職經驗係最多,但斷斷續續都叫做咗幾年廢青。
篇文章其實唔關男朋友事,只係我自卑,我怕拖累佢
之前有篇廢柴男友,大家好大迴響,想知廢柴女友,大家會有咩睇法?
定係認為女人有咩所謂,有人養咪得?
我當然唔想咁,雖然我唔追求物質金錢嘅人,但都唔想男友咁辛苦,佢都係普通打工仔,養唔起女友,佢應該值得搵個更好,搵個同佢並肩作戰,努力搵錢儲錢嘅女友。
我無條件又無運氣,又擔心如果將來有後遺症,行動不便要佢照顧更加拖累男友,種種因素,我都唔知點算好,唔知生存有咩意義。
———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫———
♡投稿請按 @couple.murmur IG主頁鏈結!
#hongkong #couple #lovestory #hkig