｛花花公子，情人多多多｝唔通張曼玉鍾楚紅拍過封面又話你知？

1. 花花公子，情人多多多！然而開不開心他都不是太清楚！識唱一齊唱（＊）！

2. 其實冇原文，但想睇個故事，睇明報：路透：《花花公子》擬借殼上市（https://bityl.co/3aRA）

3. TLDR：花花公子係非一般嘅鹹書，甚至有人話係文學雜誌。但講緊，四十年前已經走下坡。而家居然仲唔死得，仲話搞返上市，真係多得聯儲局錢多人傻

4. 唔使放大睇了，搵咗唔少封面，當然都搵到鍾楚紅　同　張曼玉做封面，但，特登揀呢張圖，梗係有原因。「識睇梗係睇惠英紅」。惠英紅嘅戲，我睇過有冇五十套？我連Mrs K都睇埋呀！

5. 講返，Playboy嘛，新一代，或者女仔，好可能唔太清楚。當然Playboy咁出名，佢地知係乜，「鹹書咯！」。Nonono，Playboy其實係成人刊物！唔係鹹書！因為真係唔夠鹹！惠英紅可以有幾鹹呢又？

6. 唔止，都話，張曼玉鍾楚紅都拍封面，可以有幾鹹？定你以為鍾楚紅露三點？仲得了？

7. 而對我嚟講，最震憾嘅封面，並唔係好多人會講嘅鄭文雅，亦唔係當年引起不少哄動嘅呢個惠英紅封面（有露點寫真集添呀）。而係……

8. 杜麗莎！

9. 係！嗰個杜麗莎。你可以Google．當然可能對某啲人嚟講惠英紅震憾啲，但惠英紅嗰期實在好出名！老嘢實知，所以反而冇咁震憾。杜麗莎呢期，就真係「識睇睇呢啲」啦！

10. 我其實原本仲想講　李默！不過我冇任何四十歲以下嘅人知道邊個李默！拿，文青呀！你唔撚見而家啲文青女神去露點拍Playboy？到底世界係開放咗定保守咗？（答案：視乎對邊個，對冇錢嘅你咪保守咗，人地閂埋門肯定好多嘢玩）

11. 講返正經，係，好正經。呢本嘢係神神地的。呢張相我鍾意，首先，除咗惠英紅，仲有漢堡包女郎！嘩，嗰件制服，啲回憶真係返晒嚟（但，我冇呢種制服癖，你有嘅，去睇《麥路人》啦）。冇深究，但好似係素人嚟的？另外，仲有百貨公司櫃姐寫真，真係早早滿足大家唔同嘅制服癖。但好似反而係冇空姐護士呢啲最多人睇嘅，可能係法律問題定驚得罪人？唔知。

12. 仲有，真係唔好只係講女。我幫你圈咗嘅，睇下Playboy人物訪問係乜人？係倪匡，係阿拉法（！！！），係白先勇！講真，邊係而家啲雜誌（仲有冇？）訪問Juno可比？Juno拎諾貝爾獎未？我估佢套《風林火山》就快可以拎搞笑諾貝爾獎，或者經濟學獎。

13. 實情，我係冇買過Playboy嘅，原因下述。但當年倒係某啲比較出位嘅老師會講（！），甚在話有人拎英文版嚟教英文。但都合理，華文版訪問白先勇倪匡（阿拉法當然係譯文，定你以為佢有聽《光輝歲月》識廣東話？嗰個係摩根費曼，好似係），英文版呢？訪問霍金，馬丁路德金，勁唔勁？

14. 寫文嘅？係海明威（唔係唱歌嗰個），約翰連儂，Andy Warhol，Jorge Luis Borges．幾咁勁，呢啲先係文青讀物，但亦見到嗰個年代，你低下階層連睇裸女嘅權利都冇—除咗返去搞自己老婆。睇鹹書都係中高級知識份子專利。

15. 所以有人話，Playboy根本唔係鹹書，而係有裸女嘅文學雜誌！你地真係搞錯晒！正如埃汾個Page係有金融嘢睇嘅文化Page！

16. 睇到呢度你明了，哦，高檔版成人雜誌，「即係HIM或者男人幫咁」……er……你當係啦

17. 然後你就明白，本嘢真係冇人買了。亦唔使講咩互聯網乜乜。再早啲，其實由Penthouse之類出現，Playboy銷量就大受打擊。即係，我細細個睇老豆衣櫃嘅藏書（簡直係寶藏！所以老豆老母去星馬泰七天團我都唔去，我嗰時真係好撚鍾意香港！），都只係得 Penthouse。有話老豆就影響個仔，到大個啲，我自己有錢又有膽（係，唔使夠秤，你只需要有錢又有膽）（＊＊）買鹹書，都係買
18. Penthouse

19. Penthouse同Playboy有乜唔同？拿，後生仔同女仔以前差不多，但老司機就知，分別就大了。可以寫多幾篇文，但主要分別，就係Playboy係Softporn，Penthouse係hardporn

20. Softcore 同hardcore，in this context，未必係重唔重口味。條界在邊，亦隨時代地域有啲不同，正所謂而家啲小朋友5歳都睇3P．但，粗略嚟講，Softporn當然都會露點，甚至露三點，但唔會有性器官大特寫。例如當年買宮澤理惠嘅Sante Fe（回憶返晒嚟），或者徐若瑄嘅　天使心（回憶返晒嚟X2，又，證明我中學年代都幾富貴），露三點，但唔會有性器官大特寫，更加唔會有條佬露賓。相反，去到性器官大特寫，性行為，打真軍，有男性性器官出現，就應該係hardporn。大約咁分

21. 咁就我理解，Penthouse都唔 depict intercourse （用英文講就好似型啲，真係hypocrite到呢），但尺度當然比Playboy勁得多。實情在70年代，我都未出世，在美國Playboy已經畀Penthouse打到體毛完膚。但當然香港就遲好多，社會保守啲，同埋，當年冇網上。

22. 後來，就更不用講了，Penthouse都唔過癮，就睇日本啲Beppin（後來仲有分拆上市嘅Beppin School，啲日本仔真係好撚變態，一定要買嚟警惕下自己），然後係VCD，三仔四仔，好景一百蚊三隻，變到一百蚊十二隻。之後係BT，甚至BT都懶，上ThisAv，甚至去到而家，你日日Whatsapp都好多人send你，乜都有。

23. 而呢個呢，至少暫時嚟講，都係一個不可逆轉嘅過程。就係我頭先講句，「而家啲小朋友5歳都睇3P」「搵處女去Playgroup搵」，社會係越嚟越開放嘅，禁忌係不停被打破，口味越嚟越重。呢個暫時都係不能逆轉。即係好似，你張枱只會越嚟越亂，唔會忽然間由亂變整齊的—拿，熵呀，Entropy呀！你睇路蘭都係講呢啲！

24. 不過，逆熵我唔知啦，但色情嘅嘢，總會有個限度？你去到某啲位就玩無可玩啦？變咗生態紀錄片咁？又會回歸返soft啲，「聽聞日本都係咁」，睇得多啲大胸美少女水著，又要迴歸玩校園純愛了。

25. 所以，其實早幾年Playboy開始唔再登裸照，都引起一陣哄龍，甚至有人覺得好似燒味舖唔賣肉咁。但諗真啲都合理，鬥裸照根本冇法同網上競爭，你亦冇可能再搵到惠英紅whoever　嚟拍封面。所以索性轉型做文佬雜誌算—雖然，最後又係失敗，好快又登返。證明做文佬更加冇人買！銷量只係靠啲長情老讀者—佢地可能都識上網，但覺得「都係實體先有質感」—好似埃汾睇實體報紙咁，係呀，我甚至有訂網上版添，但都係買實體版。娋網上版用嚟做乜？用嚟FB貼，同埋支持下傳媒

26. 唔好意思，寫咗兩千幾字都係文化評論，雖然本專頁係文化專頁（你以為係炒股貼士？）。但呢單真係財經新聞。

27. 實情，Playboy真係窮途末路，我未出世前已經下滑，滑咗四十幾年。卒之最後連印刷版都死埋。但而家反而話搞上市！實在令我諗起崩牙駒出嚟搞cryptocurrency ，或者黃玉郎每隔一排就出嚟講有咩大計咁（又，知唔知黃玉郎同馬榮成有乜分別？就係有買樓同冇買樓嘅分別）

28. 莫非係有咩大計？鹹魚返生？我覺得係冇的。純粹係錢多人傻，「品牌」有價（有人以為）。再白啲講，屌，而家啲濕鳩電動貨車公司，車都未撚有一架，零收入，上市都大把人追捧。Why not搏大霧？多謝聯儲局啦

29. 事實亦係咁，一年前已經話想寫Blank Cheque Company（唔止荷蘭先有），又名SPAC（special purpose acquisition company），美國式嘅借殼上市。之前寫　Virgin Galactic上市都寫過（https://fbook.cc/3FtM），亦係SPAC上市。香港呢，行家以外都仲唔係太多人講，但埃汾一年前已話你知！識做啦！去訂Patreon！（https://bit.ly/31QmYj7）

30. Playboy IPO值唔值得抽？咁你上次睇Playboy係幾時呢？很懷念吧。

（＊）應該遲下有篇文會講略講下呢個時期嘅張學友，Personal account講過好多次嘅，我在柏斯的日子

（＊＊）好似回過好多次帶。照講。某年，我應該十六七歲？在元朗，買鹹書。個報紙婆問我「細路你夠十八歲未」。我二話不說，拎起咗本《李麗珍水城寫真集》（巧貴的說，但嗰時已經幫人補習，有啲錢），話，「我要埋呢本」。然後，我夠唔夠十八歲呢個咁哲學嘅問題，就好似趙匡胤黃袍加身前有人報稱嘅契丹軍咁，消失在空氣中。呢件事對我影響好深，知道呢個世界呢，真係有錢又有膽就得。可惜之後我都係兩樣都冇嘅時間比較多

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

原文：　'Coffin confessor' Bill Edgar paid to gatecrash Queensland funerals and speak up for the dead　　（https://bityl.co/3XN7）

TLDR：呢條友，只受託於死人，然後去葬禮踩場。爆大鑊，趕人走，Delete 鹹相，燒情信，dup錢落鹹水海（都唔益仔女），無所不為。一次1萬美金，兩年已經22個客，170萬港紙呀。結果有人搵佢拍戲！佢話最緊要夠惡，先擺得平啲賓客。

長文，懶嘅可以跳去分隔線後面。18段開始。不過我覺得前半好睇啲。

1. 101蚊嘅問題（唔通100萬？）：到底葬禮／喪禮，係畀咩人睇架呢？

2. 本人並非人類學研究或乜，不過，都有多次去葬禮嘅經驗，好似仲多過婚禮添，大吉利是。

3. 首先係傳統智慧（方潤有提過，朱利亞尼都有咁講，但明顯唔係姓方或姓朱嘅發明呢樣嘢）：婚禮可以唔去，葬禮就最好去。婚禮係錦上添花嘅嘢，少你一個唔少，冇人去嘅婚禮都可以幾幸福（例如埃汾嗰個）。但係葬禮，雪中送炭，多你一個就好多。況且，人可以唔結婚，但總係會死。而只要你唔係完全無親無故冇朋友，照計都唔會就咁算數，點都好好睇睇搞啲嘢。

4. 而本人呢，婚禮，可以唔去就盡量唔去。熟朋友就去，但唔熟嘅（自己用把尺定義），免得過都唔去。我就唔會因為有壓力而要去。

5. 除咗以上嘅理由，亦因為婚禮點都搞你一大輪（咁我又唔會食到一半走嘅），葬禮嘅嘢，去到鞠個躬，同家屬講兩句，睇下有冇其他識嘅人，就走得。亦都好似冇乜規定你幾點出現—人都死埋，使乜趕？不過話時話，婚禮就多數係結婚嗰兩條友邀請你，或者係四大長老之類。

6. 但，葬禮，總唔係死咗嗰個邀請你去—當然，生前約定都得，first go first serve，邊個死先就另外嗰個去。「反正冇得掉轉」。有冇諗過，葬禮係咩人邀請你去？如果係親戚，可能係你豆老母的你去。但唔係嘅，如果係朋友，前輩之類，好可能只係出席嘅其他人叫埋你去—往往你係唔識啲家屬嘅。呢個同婚禮有啲唔同。以我為例，上次葬禮，某前輩去咗，都係佢嘅朋友（亦係我前輩）話我知，邊個邊個去咗，去鞠個躬。婚禮唔會係咁，唔會係A同B結婚，C話你知，喂，阿A結婚喎，去飲啦—可能有，但唔常見。

7. 講返以上嘅問題，好多乜禮勿禮，新一代（在呢個層面包括我）固然不屑，亦冇所謂。但我想講，咁多年嚟，唔同文化都有呢啲東西，可見係有佢嘅存在意義，至少以前有。

8. 記住，結婚意義何在，同婚禮意義何在，可以係兩回事。前者不討論，但真係兩回事—固然結婚可以唔行禮（簽張紙唔叫啦），但亦都有人行禮係冇結婚的—冇法律上註前咪冇結婚。

9. 婚禮意義何在？以前，原始人年代，可能係宣示主權：拿，條女我嘅，你咪撚搞，畀我發現我扑濕你（又或者，條女我嘅，好好用，啱使拎去一齊用）。到後來，當然好大程度用嚟晒命，畀對新人回憶，滿足下長老嘅虛榮心，仲有如果家族有名聲嘅，顯示下自己地位，甚至聯誼下。

10. 唔好意思，講到太遠，又好嚴肅。但，葬禮，完全係另一樣嘢！

11. 當然有人信死後有意識，有來生，咩都好。但我暫時都係唔信。你信嘅易解釋，但多數人都唔信，咁即係，個葬禮搞唔搞，點搞，死嗰個係唔會知嘅。

12. 咁所以，葬禮當然係搞畀在生嘅人睇。但，冇咗婚禮「新人回憶」「宣示主權」嗰部份（唔通嚟搶屍咩），係咪代表葬禮就係所講，婚禮減走新人嘅嘢，即係：晒命同聯誼？

13. 應該仲有個好重要嘅功能：就係話畀在生嘅人知，拿，你死咗後，你都可以expect我地咁樣對你。就呢個功能上，其實同執行家法差不多，你做二五仔我咪掉你落海。

14. 雖則我都仲係唔係好明，你話畀我知，「我死咗後你地會咁對我」，係咪有意思？我都死咗，咩都唔知。但再諗深一層，人總係希望有Legacy，有嘢傳世。就算唔可以幾百歲命（永生就可能太可怕，但幾百歲而又可以OK青春嘅，我想），都希望死咗後有人講—當然係正面咁講。希望影響到人。

15. 創作嘅人，特別想係咁。人生短短幾十年，死咗，就乜都冇。但如果一百年後仲有人講你嘅嘢，或者係受你影響，主角都覺得幾好—雖則佢根本唔會知—但呢刻佢諗起呢樣嘢，就會好開心

16. 所以，我結論係：葬禮當然係做畀在生嘅人睇，你死咗都仲會有人懷念你。雖則你根本唔會知人地係咪守信用，可能一嘢沖咗你出藍巴勒海峽—但冇所謂，你真係唔會知—係滿足你呢刻嘅快感，傳世，有Legacy嘅快感。一路有人講起你—因為大家都知，肉體就真係嗰幾十年，唯有追求有啲「嘢」，可以留得再耐啲

17. 唔好意思，好感性又一舊舊，下面個tone會變返正常埃汾tone，雖則都係好感性同一舊舊

——————————————————————————————
19. 講咁多做乜？其實係講新興職業，真係機會留畀有準備嘅人，幾時都有商機。

20. 此人Bill Edgar，佢聲稱係the coffin confessor（棺材懺悔者？）。佢服侍嘅，係死人。但佢唔係做殯儀。

21. 佢都收得幾貴，1萬蚊美金（嘩），做啲乜？佢就係去葬禮，去墓地，將你想講嘅嘢，話畀其他人啲。呀，真係有生意？點解唔寫封信算？或者schedule個Facebook Post？

22. 當然呢位仁兄唔係全職，但兩年已經有22個客仔，每個1萬美金，嘩，170萬了，仲真係冇成本。所以，發達真係唔難！

23. 講返，中式嘅葬禮，至少而家在香港，好似都係流水席咁，隨緣，幾時嚟幾時走，甚至家屬都未必坐晒全程（要返工嘛，家屬都有最親同冇咁親），睇你好唔好彩睇唔睇到破地獄，一般唔會音樂噴泉咁玩幾次（要錢的）。但西式葬禮，我都好似有去過（＊），就比較有時間表，有編定幾時做乜。最重要係，多數有人講嘢（中式都有，但往往唔知幾點，亦都好多人唔會到，仲要係到咗都上面有上面講，台下有台下傾，同婚禮一樣）

24. 呢位仁兄，會同啲家屬朋友坐埋一齊，但佢第一單job，就係去上台搶咪（鄧光榮？）。死者個好朋友致詞時，佢就打斷佢，自己上台，然後講死者想佢講嘅嘢：拿，仆街仔，我知你想搞我老婆呀。

25. 嘩，葉念琛咩

26. 佢亦都試過，代死者，趕人走！即係，仆街，有啲笑騎騎放毒蛇嘅人，我死咗都唔想佢嚟上香！佢冇資格。結果呢位仁兄就叫人走—唔走就打鳩你。

27. 嘩，好危險，錢唔易賺

28. 其實點解會有呢個服務？就係因為死者有啲嘢未完成，或者有秘密，有啲嘢唔敢講。

29. 睇到呢度，你大約明了。頭先我問，點解唔寫封信算？但，死者寫畀邊個？知道好朋友想搞自己老婆嗰位，唔通佢封信留畀老婆？留畀朋友？佢就係想公開件事嘛。但留畀第個朋友得唔得？仔女呢？我估佢地唔會公開。

30. 同樣地，要趕人走嘅，理論上死者大可以講明「我唔想葬禮見到邊個邊個」。但當你同老婆咁交代，佢係咪會執行？例如「我唔想見到你老豆出現」「我唔要見到個仆街仔」，你估老婆會唔會執行？
31. 正係因為我地身邊信任嘅人，反而可能信唔過，所以就要有個第三者，冇利益衝突嘅人，只係收錢做嘢。唔好誤會，唔係身邊人唔好，正係因為佢地同你有交集，可能為你好，或者其他人好，冇法去執行你嘅指示！

32. 佢回想過，最難搞嘅一次，係有個死者，死咗先出櫃（講自己係基，唔係棺材跳出嚟）。而個老婆係在場嘅—當然有啲混亂，但其實在坐有啲人本身都知。

33. 果然係一個商機呀下

34. 主角話，做呢個行業，最緊要係乜？係夠串！夠大膽！

35. 諗下都係，佢成日都要去搶咪，去趕人走，去講啲講完全場會發癲嘅嘢。冇返咁上下膽量唔得。佢甚至連神父都叫收皮—因為客人唔想要！—另外，我估佢仲要夠大隻，兇得下人

36. 當然，為免出現問題，佢會幫客仔錄音，亦都會寫合約。等人地知道佢唔係生安白造。

37. 仲有啲生意（其實我估好常見！），係佢要去幫人毀滅證據！可能係鹹相，鹹片，情信，日記，電腦file，甚至係錢（射落海都唔益你！），乜都有。諗到呢度，可能大家都需要？有冇諗過你死後部電腦，部電話，見唔見得人？

38. 佢話，其實一般都會有啲亂子，但暫時冇試過不可收拾，因為一般人見到佢真係有合約有錄音（幾咁重要！），最後都會尊重死者

39. 唔尊重嘅點？佢話使命必達，就搬走個死者（！），另外搞個私人葬禮。不過好似冇出現過。

40. 臨尾佢都賣下廣告，拿，你係咪去過好多葬禮，啲人都係去鳩up呢，冇尊重死者意願呢。你唔想你咁時葬禮係咁架可？自己葬禮自己話事，幫襯我啦。

41. 呢個奇特嘅職業，令到有人搵佢出書，或者拍戲拍劇！可見真係最緊要食腦。不過埃汾嘅銅臭本色又返嚟—門檻太低，好易畀人抄。所以趁香港未有（好似未？），快手去舔頭啖湯吧！

42. 不過正經，我估在香港呢，就係冇咁易話為。文中都講過，最重要係，只要佢證明到死者真係委託佢，大多數人都係以死者為大，尊重佢嘅意願

43. 但香港？Sorry，好多人婚禮固然係要滿足其他人嘅願望，但就連葬禮都不能自主。大家都聽過啦，明明老豆唔係教徒，甚至最憎耶撚。但因為個獨仔或獨女係耶撚，就堅持要用耶撚儀式。吹咩？

44. 又或者，明明你唔想個仆街仔嚟，但慈母多敗兒，「話晒都一家人」。你又死咗，吹佢唔脹。真係葬禮都不能自決

45. 所以，想在香港搞，就真係有返咁上下孔武有力同埋架勢先得。諗諗佢。

46. 不過最後我又諗，係咪一定要「死者為大」？啲友唔去完全執行死者遺願，係咪又一定錯？死咗都死咗，但秘密爆咗，在生嘅有排受喎。前半截我咪講，葬禮其實係做畀在生嘅人睇喎，邊個先係主角？

47. 睇到最尾我先醒起，係澳洲紙唔係美金。是但，唔改了。

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

《偉賢老師和您一起複習M&Y》創業的風潮，在全球越來越熱，在中國大陸更是風起雲湧！《全球創業觀察2002—中國報告》是清華大學中國創業研究中心參加全球創業觀察(Global Entrepreneurship Monitor,GEM)研究項目後的首份報告，它第一次系統地對中國創業活動進行了實證研究。研究統計，北京每一萬人中有107家民營企業，上海每一萬人中有134家民營企業；中國每百人中有12.3人想要或正在創業，全國創業總人數達到1億。

創業的趨勢，在中國大陸日益強大，根據新華網報導「有形基礎設施、內部市場活力以及文化和社會規範，是中國創業環境中具有優勢的方面。」，這是2019年10月22日在海南省三亞市發佈的《全球創業觀察2018/2019中國報告》，提出的報告。

清華經管學院創新創業與戰略系教授、清華大學二十國集團創業研究中心主任高建在會上發佈報告表示，中國創業環境的綜合評價在G20經濟體中排名第6，處於靠前位置。中國創業群體中的高成長企業比例，高達兩成左右。報告認為中國創業活動的創新能力和國際化程度不斷提高，10年間，創業企業提供的產品或服務，被顧客認為在市場上沒有或只有較少競爭對手的比例由20.2%增長到33.6%，銷售收入四分之一來自海外市場的企業比例，從1.4%增長到11.3%。

報告也指出，中國創業活動的產業分布主要集中在以批發、零售為主的客戶服務業，佔全部創業活動比例的60%以上。雖然創業活動中以專業服務業、金融、管理服務為代表的商業服務業創業比例，10年間由2.5%提高到14.3%，但與發達經濟體相比仍有明顯差距。此外，中國創業環境中的相對短板是學校創業教育、研發轉移，以及商業和法律基礎設施，亟待加以改善。

根據中國大陸統計局2019年的報告指出，創新驅動發展動力活力迸發。近年來，中國大陸上下貫徹落實新發展理念，集眾智、聚眾力、匯眾能，大眾創業、萬眾創新熱潮湧動。2019年，每天新登記企業約2萬家，獨角獸企業、瞪羚企業和世界500強企業數量每年都在增加，每萬人口發明專利擁有量達到了13.3件。網上商品零售額增長19.3%，數字經濟、網絡經濟、平台經濟、共享經濟、智能經濟在中國大陸蓬勃興起。

不僅在都市，農村也是如此，《新華社》2019年11月20日報道，據農業農村部最新統計，中國大陸返鄉入鄉創業創新人員已達850萬，在鄉創業創新人員達3100萬。

據中國大陸教育部統計，中國「互聯網+」大學生創新創業大賽自創辦以來，累計有947萬名大學生、230萬個大學生團隊參賽，培養了一大批有理想、有本領、有擔當的源源不斷的青春力量。

在大賽的帶動下，全國高校著力打造創新創業教育線上線下「金課」，目前全中國累計開課2.8萬餘門，其中200所創新創業教育改革示範高校開設2800餘門線上線下課程、選課人數近630萬人次。52門創新創業教育精品慕課推出，創新創業教育課程體系不斷健全。目前，全中國共有高校創新創業教育專職教師近2.8萬人、兼職導師9.3萬餘人。教育部還專門組建了全國萬名優秀創新創業導師人才庫，首批入庫4492位導師。

整合上述各報告可以看出，從政策支持、教育體系到社會實踐，中國大陸創業的大潮已經勢不可擋！在全球性商業競爭的大局中，面對這麼多強大的競爭者，我們惟有不斷的自我提昇，才能立於不敗之地！加油！（6-16)