今天GSUS Music Ministry推出了《Awaken覺醒》專輯的歌曲《心動不如出動》，是我填詞的作品。我的夢想，從來都是用文字予人鼓勵和安慰，將上天賜給我的能力回饋社會。也許有人會覺得我寫許多「正能量」勵志歌，很老派、太正經、堅離地；然而，我深信世上總有人在困苦與低潮時，會因聽到一首半首令他感動的歌而重新振作，正如我在人生旅途上，也在一首又一首流行曲的陪伴下，過了一關又一關。今天，你我都活在艱難之中，如果你不嫌勵志歌老套，又或者你想透過流行音樂再次感受世上最單純的美好，衷心向你推薦這首《心動不如出動》。感謝一切曾找我寫「正能量」歌詞的人，深信那都是上天充滿恩典的旨意。
作曲：鄭晧晨/ 歐家駒
作詞：徐秀清/簡嘉明
編曲：鄭晧晨
監製：Johnny Yim
主唱：廖文龍

世界太迷人 秒秒也簇新
最怕太平凡 抗拒太安份
降雪要前行 峻嶺也攀登
跌過更頑強 那會怨厄運

誰總要面對 現實多數沒趣
曾畏懼 流過淚
仍無悔不惜進取

難無聊沈溺安樂
求尋回人生歡樂
如計較誰多收穫
永遠會覺不快樂
已決意過得快樂

轉季似平常 卻播送花香
世態似無常 卻引發想像

別追溯定價 願望寶貴無價
唯竭力 恆常發力
前行會終得到它

難無聊沈溺安樂
求尋回人生歡樂
如計較誰多收穫
永遠會覺不快樂
沿途泥濘亦一搏

說要到太空 說要進故宮
不應天天放縱
要出發才算有用

已背上行裝出動
無回頭全心追夢
能逃離難關捉弄
鬥志意志都獻奉

https://youtu.be/y3cUeE2Lf84

下雨天，都《同理·繼續走》

人生就算遇上不同的挑戰和考驗，不要輕言放棄！能健康活著，已是很大的恩典和福氣！我和你一起努力走下去！

～～～～～～～～～～～～～～～～～～～～

生命本是同等，無分高低貴賤。
同情本是美事，同理更覺可貴！

《同理·繼續走》是一個由我構思、監製，並親自主持的一個關注社會民生問題的電視節目！一連14集，每兩集一個主題，目的是關注和跟進基層、弱勢社群及被忽略的社會現象和問題。這個節目將以全寫實方式拍攝，而我也會親自去了解和體驗，被訪者的日常生活實況和平時所遇見的笑與淚！

個案包括：
～劏房戶/露宿者
～特殊需要人士SEN/家屬
～精神/情緒病患者
～性小眾人士/跨性別人士
～殘障人士
～新移民/少數族裔
～更生人士

節目已經開始拍攝，8月-10月是製作高峯期，感謝社聯，聖公會和各社福機構的支持，感激不盡！希望《同理·繼續走》能盡快面世，同你繼續走！

#同理繼續走

《同理·繼續走 》主題曲
以後黃昏 - 主唱：馬浚偉
曲: 高朗然 詞: 高朗然/JC 編: 林岳霆
監: 趙增熹

https://youtu.be/YmbCQUCrTuA

http://t.cn/RuXNFjo

www.truestar.com.hk

如果我係佐助型毒撚
雪人應該毒撚型佐助

這三年來做過的事，能令我無悔驕傲嗎？
　

不！傲驕或者都有少少，無悔就絕對講唔上，最後悔嘅，就係識咗一班黐線佬。

呢個社會係歧視毒撚嘅，所以當一個黐線佬單機黐線，我哋叫精神病發作，但當一大班黐線佬集體黐線，我哋就叫維持社會秩序，唔信你望下香港警隊。問題嚟喇，如果係介乎一個黐線佬同一大班黐線佬之間、幾丁毒友喺度互相揈丁丁呢？我哋有組醫學專有名詞去解釋呢個症狀：圍爐取暖。諾貝爾獎得主邱吉爾話過，沒有最黐線，只有更黐線，幾丁毒友搬埋個爐去沙漠圍，啪多幾箱過期靜心口服液都唔撚掂啦。係我唔好，我早就應該聽老母話要帶眼識人，家陣近墨者黑，玩鬆咗個屎忽，真係後悔都無用。

有見及此，我要另外撰文逐個鞭屍。為免 too long didn’t read，有興趣嘅朋友自己碌落啲啦。
　

一直有人問小弟（到底呢個句式我用咗幾多次？好心唔好成日扮晒有好多人走過嚟問我嘢啦死毒撚！）點解咁耐以嚟都無同曼波雪條合作。首先你哋要搞清楚，唔係咁耐以嚟都無合作，係咁耐以嚟你哋都未有得聽啫。由開 Channel 一週年構思到兩週年，再製作到三週年，時光這個壞人終於批准我喺遲咗13日嘅情況下放呢隻歌出嚟同大家見面，真係謝天謝地。舊年玩30日歌單嘅時候提過，小弟最初係想喺有生之年將「雪人」放入詞，後來食撚錯咗藥先用咗嚟做高登名同筆名，如今終於撥亂反正，足見主耶穌對我嘅恩典，阿門。

講開又講，Manball 同 Mercury 收到詞後都問我係咪食錯藥。嚴格嚟講，前者只係喺心裡問，後者問埋出口，Meanne 就直接去咗問曹宏威。我唔明喇，點解唔可以係之前三年嚟做嗰21隻歌嘅時候我都 keep 住食錯藥，今日終於唔記得咗食呢？我無食錯藥！我不知幾正常呀！
　

僅以此作送畀所有未黐夠線嘅黐線佬，特別係 Tommy Wiseau。

---------------------------

（以下內容冗長沉悶，並涉及大量粗鄙劣拙的小圈子語言，敬請家長及浸大校方留意。）
　

最近咁啱睇咗《荷里活爛片王》（The Disaster Artist），順手睇埋14年前嘅爛片經典《瘟室》（The Room）。

電影本身無咩發人深省的大道理，只係輕輕帶出咗一個問題：你為誰而創作？Tommy 仔憑住災難級嘅藝術思維，拍出一部柒到觀眾要恥笑嘅電影，為咩呢？老實講，拍嘢可以柒得過笑波子嘅人，根本就係神指派下凡嘅勇者。最難能可貴嘅係，Tommy 仔唔似王晶、Logan Paul 嗰類專門挑戰創作水平同觀眾容忍程度下限嘅垃圾創作人，佢係真心有抱負、有熱誠去拍部電影出嚟，只不過天分同熱誠唔相稱，結果將悲情故事拍成瘋狂喜劇啫。如果 Tommy 仔唔係個天真到有幾分低能、仲要隨時都拎到600萬美金出嚟燒嘅人，你唔會相信「夢想」兩個字原來可以擲地有聲。但又係同一個老問題：為咗夢想，你可以去到幾盡？

電影尾段講到 The Room 首映禮後，觀眾劣評如潮，但掌聲當動。Tommy 仔行上台，講咗一句：“This movie never happen without my best friend Greg.” 大師又好，爛片王又好，無人陪佢哋發癲，世界又點知佢哋真係癲？
　

呢三年嚟，要多謝（鞭屍）嘅人實在有好多，好多亦都已經多謝過好多次，但一直都無機會正正式式做一次呢件事，噉不如由頭嚟一次丫。
　

歌詞之所以有別於新詩，關鍵就係旋律同音樂。我知道我就噉 post 啲改編歌詞出嚟，下場會同貼喺燈柱上面寫住「死臭雞蔡X蓮欠債唔還錢落地獄」嗰類街招無咩分別，所以先硬住柒頭皮想令啲歌詞有聲。多謝所有喺呢條 channel 出過聲嘅主唱人，其實小弟真係無嘢可以回報你哋，出現喺呢度既無人氣亦無迴響，你哋依然無揸過流灘（就算有都唔好話我知，thanks），又唔同小弟計較。可能喺觀眾眼中，錄一首四分幾鐘嘅歌同行入K房拎起碌嘢鳩歌一曲無咩分別，但我好清楚錄歌要花幾多心機喺入面。燒咗你哋咁多時間同心血去完成小弟一堆又一堆自私兼小家嘅心願，講起都覺得慚愧。
　

Himz，你係呢條 channel 嘅開荒牛，通常破處嗰下都特別刻骨銘心。其實我哋理應早就相識，但緣分呢家嘢就係咁仆街㗎啦，就算我哋早啲熟絡，我都未必有資格同你合作，依家都總算係不遲亦不早啩？

Looper 兄、柒叔，我次次都搵你哋唱啲騎呢怪雞主題，搞到你哋有份參與嘅作品變晒砲灰，真心好對唔住。請你哋畀多少少時間小弟，我相信始終有一次我哋嘅合作會中。

Binary 兄，我哋由喺膠登錄下歌仔，去到終於一齊做歌，其實都唔算經歷咗好多，但每次同你傾計都好似搵返個老朋友一樣。放心，唔係笑你老，純粹想兜個圈讚我自己心境年輕啫。

花生兄，小弟到依家都唔敢相信我有同你合作過。作為最後一個有機會同你合作嘅改詞撚（《心聲的引子》唔算數吧？），我想話，攪屎棍真係好正，你哋千祈唔好放棄。

KingBeck，小弟寫廣東話改詞，從來都無諗過會有香港以外嘅人類留意到，多謝你帶小弟衝出香港。衷心祝福你嘅新旅程順利愉快，但記得千祈唔好放低音樂啊！No music no life！

傷爺、無丁，文字係無辦法講出小弟對你兩位嘅愛，要知道盲嘅都睇得出，呢條 channel 有一半人走入嚟都係為咗聽你兩個。多謝兩位喺無數夜深為小弟做心理輔導，又從來唔干涉小弟寫啲咩狗屎垃圾。
　

當然唔少得要多謝所有幫過小弟寫字幕嘅朋友仔，特別係齊下巴打。小弟兩度請你一齊玩，唔單只係因為你係我朋友，仲係因為你對你自己手字好執著。做自己喜歡嘅事情就應該執著到底，呢點係你啟發我嘅。我甚至懷疑，你可能係呢三年嚟影響得我最深嘅朋友，縱使我哋唔算有太多一齊玩嘅機會。（事實證明小孩子唔打機係會損害朋友之間嘅友誼，煩請所有家長立即注視呢個嚴峻嘅社會議題。）只可以話，你出現喺我嘅生命，遠比你手字出現喺我啲創作嚟得珍貴。我知丫，你實係當我鳩噏緊。
　

睇到呢度都仲未撳下面條 link 嘅你，我想話你知，你嘅人生真係好枯燥。
　

多謝所有無出現過喺我 channel 入面但同我呢三年內發生過關係嘅變態佬。首先多謝咁多位戇鳩詞撚，我無諗過寫改詞真係可以呃飯食，呃到你哋出嚟一齊食飯、飲酒、講詞經。水兄、梁夕、凱笑兄、流觴師傳、DC 兄，搵你哋出嚟吹水總係吹到唔捨得停，希望你哋個老婆都係噉。OK 爺、Lomin 大佬，你兩個話我知今日嘅年輕人仍然好有想法，仍然好值得敬重。多謝山卡啦幫我改名做程嘉洋。多謝其他只係喺網上神交過嘅高手同詞撚，單機無雙、一聲冷笑、纏玉兄、小淇兄、QBear、困獸鬥、沙爹嘔、手指有愛液，以及所有一直為改詞默默努力嘅詞撚、歌手、剪片手、混音師等等。多謝 Mustc 喺我仲未知想點玩落去嘅時候已經唱小弟嘅詞。就係因為有你哋一齊玩，先可以玩得咁開心咁過癮。#metoo

之後多謝膠登音樂台。好多人唔知道小弟當初喺嗰邊玩過，係呀，「出詞發燒友」呀，個名勁尷尬嗰件蛋散呀。小汀、Tommy，你哋係全地球頭兩個願意將小弟嘅拙作製作出嚟嘅人，嗰一刻我就好似一出世擘開眼就見到老母微笑嘅塞竇窿一樣，終於知道世界上係有人在乎我。請原諒我無同你哋一齊捱落去，我認我係不孝子，毛都未生到條就想飛，但你哋都繼續支持我鼓勵我，令我真心相信小汀會係一個好老竇。父親節快樂啊。
　

多謝豬鼻，雖然同你嘅合作啱啱先開始，但我哋好似已經識咗好耐噉。其實你做到嘅嘢絕對比你想像中多，唔好再睇死自己喇。BTW，個海軍仲有無搵你？
　

多謝心事台五條友（呢度無人知道你哋係乜水㗎喇，自己對號入座啦）。呢四年我成日彈出彈入，又好似好嫌棄你哋噉，但你哋點都會搵返我返嚟。我都知有時我係個好難被理解嘅人，因為我自己都唔係好理解，多得你哋仲有耐性收留我呢條撚樣。特別要多謝 Harry，如果唔係你煽風點火，又幫我做晒所有前期功夫，成條 channel 根本唔會出現。你成日好擔心你隻雪人公仔（icon 嗰隻）幫唔到我走得更遠，但我想同你講，我已經走得更遠。
　

唔好話我知你仲睇緊呢篇垃圾呀。珍惜光陰啦，年青人。
　

仲有兩個人。

一個係插畫巴打 Mercury。總有人會以為小弟係有心走「藝術路線」，但都係嗰句，小弟從來唔覺得自己係做緊藝術，呢啲錯覺完全係出自你一個人嘅努力。兄弟嘅嘢唔使下下講出口，亦都唔太需要旁人理解，我哋兩個明白就夠喇。Next。

另一個唔開名喇。我知你好憎我多謝你，但我鍾意呀，吹咩？包括你在內，基本上無人可以理解你一直以嚟嘅鼓勵對我有幾大意義。或者喺其他人眼中，我哋係兩個完全唔同世界嘅人，但我同你都知道，就算我哋行緊兩條睇落唔交疊嘅路線，事實上都係同一條路線，只不過係喺各自嘅舞台上做自己最擅長嘅事。出面嗰啲負皮、指控、壞印象，同我眼中嘅你從來都係兩回事，我更加相信你唔會屈服於呢啲 bullshit 之下。可以同你一齊努力一齊玩，係我呢世仔到目前為止最光榮嘅事。
　

仲睇緊？成個網媒生態畀你搞彎晒喇！
　

當然仲要多謝終於可以正式合作嘅 Manball。由我屎忽痕打上你個台度鳩噏一整個深宵，到後來無所不談，都係我做咗改詞之後最意外嘅收穫。曾經有朋友送過小弟一句：「帶刺的你，其實最善良。」我總覺得你比我更有資格收養呢句說話，希望自此之後你可以同真嗣BB互拮。（嗱，唔好 #metoo 我呀！已經寂寂無名㗎喇！Tag埋就身敗名裂㗎喇！）得喇，請食飯丫嘛，知㗎喇。

最後最後最後，再一次感謝所有一路上支持小弟嘅聽眾們，你哋當中有啲仲成為我好朋友，有個仲幫我寫埋字幕，實在無言感激。
　

點解我好似講緊遺言噉？我曾經同 Mercury 草擬過一個 channel 未來發展藍圖，提議呢條 channel 做到第25隻歌就關門大吉，而當時嘅諗法係，你哋依家聽到嘅呢隻就係第25隻歌。藍圖歸藍圖，發展大計早就同鄭若驊一樣，僭建到不知廉恥。但我仍然想將呢隻歌當係最後的歌，送返畀我呢班可愛嘅戰友們。沒有你們，我甚麼都不撚是。多謝你哋。

（論文字數：3603）

更多粵語詩歌，請訂閱同follow我們的 Youtube /FB / IG : MilkandHoney Worship
歡迎 Share & Like
索譜或使用申請，請聯絡: milkandhoneyworship@gmail.com

◣我們的原創粵語詩歌◥
http://bit.ly/2EWaRUL

◣我們的粵語Cover詩歌◥
http://bit.ly/2EUBIQO

耶和華以勒
曲/詞: Alexander Lau
主唱: Mandy Li

感激主 施恩典 牧養掌管我一生
高山中 幽谷中都教我不可 忘記祢是神
漆黑中 讓我都注目於祢
恩典總 夠我漫遊 天荒野地

*耶和華以勒 祢豐足供應
教我定眼於祢 已命定了勝利
祢掌控這宇宙 仍憐憫渺小的我
驚慌中 告訴我 萬有也都歸你 何來靠運氣

**天空的飛鳥既不栽種 也不收割
仍被祢每秒每刻數算羽翼
人在這秒秒變化擴張的世代
求讓我有智慧置身於 各樣競賽

耶和華以勒 祢豐足供應
教我定眼於祢 已命定了勝利
祢掌控這宇宙 仍憐憫渺小的我
驚慌中 告訴我 萬有也都歸你
何來靠運氣 全然仰賴於祢

#MilkAndHoneyWorship #原創粵語詩歌 #粵語詩歌 #粵語敬拜 #廣東話詩歌 #廣東話敬拜 #原創詩歌
#流奶與蜜 #敬拜讚美