【#5G月費 🎇】個優惠去到今個月底！😏👍

►看全文 https://bit.ly/3h1IQAv

#中移動 #3香港 #csl #SmarTone #1O1O #SUNMobile #HKBN #CUniq #價格 #數碼生活 #hashTECH #科技玩物 #香港01
-------------------------------------------------
📱👾活動報料、合作查詢請電郵至👇
tech@hk01.com
-------------------------------------------------

［一股兩名］YesAsia！元祖電商！回憶返晒嚟！

TLDR：小時侯，鄉愁是一枚小小的郵票，我在這頭，母親在那頭。長大後，鄉愁是一張窄窄的船票，我在這頭，新娘在那頭。後來啊，鄉愁是一方矮矮的墳墓，我在外頭，母親在裏頭。而現在，鄉愁是一灣淺淺的海峽，我在這頭，大陸在那頭。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
1. 我就係留意埋啲冇人留意嘅嘢，咁先有獨家（＊）

2. 以前有個同事，花名叫做「吉吉」，因為佢叫做阿喆。幸好，自從有咗陶吉吉後，好多人都知呢個字讀「哲」。不過目測好多人都仲係叫佢陶吉吉，未必唔知係「哲」，但怕同人講去聽陶喆，人地以為你去聽陶傑，或者曹捷。正如我上次寫仙台（https://lkdin.io/3TPk），話我寫咗篇文講魯迅，都有人以為係佬訊。（我話：係呀，嗰條友抄咗佬訊個logo）

3. 其實應該話，「喆」「哲」根本就係同一個字，異寫。正如「碁」亦即係棋，不過好似圍棋專用，或者係ACER。有型啲咁解。

4. 而作為一個文青，我當然早就知道「喆」字。都唔係好深啫，金庸嘛，王重陽咪王喆，歲在甲子，陽者為吉，重陽咪喆（亦所以重陽係九月九）。

5. 至於呢間公司，我一路都以為係「喆麗」（請睇招股書），做乜變咗「哲麗」？而且我見好似係得aastock（巧似中資背景喎btw，因住拎晒你啲data，知道你睇過乜股票），同埋好少部份嘅大陸網站。

6. 但係咪關簡體字事？又似乎唔係。就我理解，簡體字都有個喆字。呢，之前盛傳呀Bill Gates件翻譯小三，咪正係「王喆」，大陸都有個歌手叫「王喆」。

7. 又，呢啲咁嘅問題呢，我唔知會唔會遲早搞到出法律問題。「所以都係要有common law」（＊＊）。你見啲文件全部都講，中文名嘅嘢，for identification only

8. 加埋簡體字就更煩，例如肖剛到底係姓肖定姓蕭，佢本人都未必知。更煩嘅，例如美團嘅蔡文胜，我到而家都唔知係蔡文勝定蔡文胜。因為繁體字版招股書都係寫佢係蔡文胜。

9. 最後都講返呢間「喆麗」，咩東東？正係Yes Asia！嘩，啲回億返晒嚟，我估四十幾歲嗰班人（即係我）就會識！元祖電商公司！（甚麼點點紅 博學堂嗰啲就香晒）

10. 第一個反應應該係：嘩，間嘢仲未死的？第二反應係，嘩，仲搞上市？

11. 唔失禮的，14億市值。收入又係十幾億港紙，舊年純利成億港紙，唔係啲假大空嘢。「王維基檔嘢半年計埋保就業都係賺1億咋」

12. Yes Asia做乜？知嘅自然知，我年代嘅人，識呢檔嘢，九成係上網搵啲港產片VCD，歌手CD，香港小說咁。正係咁嘅生意！

13. 事實公司今年24年，你見到了，都話第一代電商股，亦係我讀大學嘅年代，初接觸互聯網嘅年代，生存到今日仲上埋市，真係好嘢

14. 公司成立源起，就真係因為創辦人在美國唐人街買四大天王CD，發現好貴，然後覺得不如自己做。果然係解決痛點。最初只係都係拎唐人街啲貨上網賣，後來甚至繞過中介，直接同唱片公司拎！

15. 當然公司後來慢慢轉型（仲有人聽CD睇VCD睇書？），變成賣衫賣化妝品，但的確係賣香港CD VCD 同書起家的。又，仲有留意一樣嘢：CD VCD 書都可以數碼化，但化妝品同衫暫時都未得。見到分別冇？

16. 寫到呢度，想講係，呢種「思鄉」，亦係一門幾好嘅生意。當然唔多唔少會被互聯網鏟平，但仲係有啲嘢取代唔同。

17. 例如我寫過，我阿爺當年係差佬（死咗十世，你鍾意我畀個地址你起佢出嚟鞭屍都得），怕老廉（但佢堅持自己清白），著咗草去台灣。咁佢地成班友，在台灣，就真係好似「大時代」咁，去租TVB錄影帶睇，貴一貴都租。

18. 你笑佢？到我在英國讀書時，雖然我嘅懶係懶到連唐人街都唔去（我在Warwick，最近要去到Birmingham，都搞你粒幾鐘，我除咗飛髮外就好少去）。但，如果去開倫敦（咁有一排在嗰度返intern添），我都係去唐人街，食旺記（好撚好食，特別係同其他嘢比），然後買張小嫻買亦舒睇。（＊＊＊）

19. 然後又諗下，我而家Patreon讀者，居然都唔少係嚟自海外。冇正式統計，但有啲畀英鎊畀加紙澳紙嘅，就一定係海外。亦都有啲私下有同我傾計，日本嘅有，韓國有，去到芬蘭愛沙尼亞都仲有。而好明顯，我啲讀者應該全部都係香港人，我難以想像一個台灣人或大陸人或馬來西亞華人會睇我寫嘅文。

20. 一方面，固然亦係「思鄉」，我會講到香港嘅嘢，或者畀佢睇到廣東話嘅文。雖然你可以話大把人都有寫文，但，就係唔同。

21. 另一方面，亦係科技真偉大。你諗下，雖然金庸年代之類，寫文真係發達。但，你賣文賣唔到去芬蘭啦？但而家多得科技先進，我在香港寫文，甚至芬蘭嘅朋友都睇到。

22. 仲有？甚至有住加拿大嘅讀者請我食飯傾計。點請？咪佢幫我叫外賣（可惜只係UBEREAT，唔係女），然後佢在加拿大食，我在香港食，開個Zoom傾計。

23. 所以呢，都係應該感恩，感恩過郭感恩（＊＊＊＊）。當然我要投訴嘅，扯，我而家Patreon真係可以在邊度寫都得，我可以住兩個月日本，然後住兩個月韓國，又住兩個月越南，照樣寫文，爽到極。以前啲作家都未必有咁爽，至少仲要咩搵個Fax機交稿。

24. 可惜疫情關係，以上呢啲我諗咗好多年嘅嘢，理應可以實現，但就實現唔到。不過唔緊要，心存樂觀。

25. 多謝大家一直嘅支持。下半年仲有更多更精彩嘅嘢。

（＊）雖然獨家is overrated。N年前女朋友做記者，日思夜想就係做獨家（財經咋喎，唔係水門海南雞事件），當時我已經隱約覺得唔妥。然後你而家發現，獨家is overrated，creativity is overrated，唔係唔重要，但唔好過份強調。蘋果唔係第一間出智能電話，又唔係第一間賣平板，更唔係第一間賣MP3。但點解唔係潘蘇通松日MP3 Matsunichi變2萬億市值企業？寫文嘅嘢，光有idea冇用，仲要execution，當然好多時亦係寫得好不如寫得快，寫得快又不如有無限資源谷traffic（即係，用公司資源） — 而最重要係：加張靚女相，話知你莎士比亞加陶傑都即時收皮。愛恩斯坦話a picture is worth a thousand words嘛。你睇我都係冇樣賣冇波賣先要打咁多隻字，人地一個月就出幾十張相，我就打幾萬字咁咯。

（＊＊）日本又有common law啦，而未有中資股年代，東京先係亞洲金融中心咯。

（＊＊＊）點解係買張小嫻亦舒，唔係倪匡金庸陶傑？兩個原因。第一，keep your friends close and your enemies closer，要搞掂港女，先要了解港女。但第二，倪匡金庸陶傑甚至畢華流梁望峰嘅書，我早早已經睇晒。

（＊＊＊＊）有讀者同我反映，基本上一見到感恩，就知道我下一句係郭錦恩。但冇問題嘅，洛賓的軌蹟你都知道次次咁玩，但依然防唔到，依然好睇。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝

各位神徒👶🏻同鏡粉都知我哋前排都專心搞緊演唱會，真係分唔到身搞自己啲月費單呀！🔥

好彩之前用咗Mox 嘅「HKT轉賬易」* 幫我Break down 複雜嘅月費單😉！幾分鐘就開到Mox戶口同申請埋Mox Credit， 然後㩒幾個制即可轉用Mox Credit自動繳付HKT賬單，方便我嘅數碼日常啦！仲即日賺CashBack**💰，今次真係忙住賺呀！仲唔快啲去下載Mox App 同申請Mox Credit，加入成為#mox真實客戶啦！💪🏻

#只因世界在變 #MoxCredit #超越一般信用卡#方便你數碼日常 #Theworldischanging #Betterthanacreditcard #AnsonLo #教主 #mox真實客戶

借定唔借？還得到先好借！👍🏻

*HKT會在Mox Credit用戶完成轉入賬單後通知Mox Credit用戶，需時約10天。有關流程的查詢，請致電+852 1000與HKT的熱線聯繫。
受條款及細則約束。CashBack推廣由Mox Bank Limited提供。
**推廣期由2021年5月4日至2021年7月31日生效。每位Mox客戶在推廣期内可於指定商戶憑卡作任何合資格交易賺取5% CashBack, 總上限為HKD250及憑卡作任何合資格交易賺取1%無上限CashBack。
優惠受條款及細則約束，請到Mox.com或Mox app查看詳情。

各大網絡供應商近期已經將戰場擴展到21mbps嘅4G無限服務計劃，價錢亦都大致一樣。有啲乜嘢選擇同埋需要留意啲乜嘢？今日就同大家介紹下！

Smartone數碼通、3香港旗下嘅MO+同埋CSL旗下嘅ClubSIM，都不約而同推出咗 4G 21mbps 無限數據。其中Smartone同埋 ClubSIM 標榜7GB用量之後行FUP無限，即係唔會限速，只係喺繁忙嘅時候數據使用優先權會降低，而MO+就標榜全程不限速，不過實際體驗相信都係差唔多。反而大家着眼嘅可以係簽約嘅條款。MO+月費要$138，簽約24個月同埋要帶號碼過台，先可以免$18嘅行政費。Smartone同ClubSIM雖然係7GB嘅FUP Plan，但月費就只需要$120，另加$18行政費，即係開新號碼定MNP都係$138月費。Smartone嘅計劃只需要簽約12個月，而ClubSIM仲可以揀只係簽3個月超短約，呢兩個台嘅彈性就相對較大喇。

選用呢類型嘅月費計劃，好處係平同埋叫做真無限，唔怕過咗用量之後變成地獄龜速，但要留意始終係21mbps嘅限速計劃，日常上網同WhatsApp或者簡單睇下片絕對無問題，但要嚟打Online 對戰Game或者要睇4K片嘅朋友，就未必夠用喇。

21mbps 限速 4.5g 服務計劃邊間好？csl 1010 clubsim 中移動 sunmobile 睇真啲！香港5g

香港5G服務推出之後，除咗速度係其中一樣亮點之外，計劃所包括嘅數據用量亦都比以前大為提昇，4G嘅全速同埋限速計劃就變相無以前咁吸引。各網絡供應商可能都留意到呢一點，近來相繼將一百蚊內嘅限速數據計劃加量，而且有越來越平嘅趨勢。今日就同大家介紹吓！

呢期賣行廣告嘅就係CSL以ClubSim名義推出嘅$98/7GB 月費計劃喇！呢個計劃嘅頭7GB數據行限速21mbps，爆咗後就降到128kbps，有埋無限通話分鐘，帶號碼過台就慳埋$18/月嘅行政費，以CSL嘅Plan嚟講算係好抵！不過留意、呢個Plan只可以喺網上登記，同埋要簽24個月合約！

如果你對呢個Plan有興趣，原來CSL有份嘅Sun mobile可能仲吸引喎！都係HK$98/月 包7GB 21mbps數據，但淨係需要簽12個月合約，仲免埋$18/月嘅行政費。我最Buy嘅係，萬一真係爆咗7GB限落128kbps，都可以即時以HK$15買多1GB數據！救急都好呀！雖然通話分鐘得3000分鐘..... 不過今時今日，點都應該夠用啦！

不過講平，就一定係中國移動香港嘅「移動21」4G限速計劃喇！HK$78月費包5GB 21mbps數據，免行政費，包3000分鐘通話時間，而且爆數據被限速都可以HK$15買1GB復活！咁點變8GB呢？原來簽24個月約，合約期就每多俾多3GB流量你，即係一共8GB！呢個Plan相信係近期各大台嘅新低價喇！

Smartone 嘅副台 自由鳥 Birdie 早前就更新咗佢哋嘅月費計劃，究竟新嘅月費有乜嘢亮點呢？今日就同大家睇吓！

全新嘅 自由鳥 Birdie 月費計劃秉承左咗一貫冇合約嘅傳統，全綫計劃上網速度就由限速 21 mbps 提升到 42 mbps，速度同對手 CSL 旗下嘅 ClubSIM 睇齊。最低嘅月費計劃，由以前嘅 $48 加咗兩蚊，不過數據用量就加到 600 MB，要嚟用就應該好勉強喇！不過養住號碼就可以考慮。

雖然有新加入 $210 / 月嘅「無限數據」計劃，不過過咗每月頭 15GB 嘅數據之後，就會限速到得番 2mbps，除非貪佢無合約同埋用數碼通嘅網絡，如果唔係，其實 中國移動香港 同埋 3香港 旗下嘅 MO+，都有分別 $188 一個月嘅全速 FUP，同埋 $138 一個月全程 21mbps FUP 嘅真無限計劃，所以 Birdie 呢個無限計劃嘅吸引力就有啲弱喇！

我就覺得 Birdie 自由鳥 最啱用量唔穩定，但係又想用上台計劃嘅朋友，一嚟可以個個月轉月費計劃，二來雖然最低嘅 $50 計劃得 600MB 數據，但係你可以隨時用 $20 同埋 $50，分別買 1GB 同埋 5GB 嘅額外數據，比起其他低用量計劃嘅額外數據平，亦都可以玩佢嘅手機遊戲 種GB的自由鳥 賺取額外嘅數據，最特別嘅係，如果你有多過一張 自由鳥 嘅卡，或者有朋友用緊 自由鳥，只要截數日期唔同，你都可以喺到期日之前用「數據P2P功能」，將用剩嘅數據射俾另一張卡，過咗截數日之後先再射番俾自己，變相就可以儲起啲數據啦！

《Z世代達人》
麥卓華