熱門Ptt文章

[爆卦]數學mc技巧是什麼？優點缺點精華區懶人包

雖然這篇數學mc技巧鄉民發文沒有被收入到精華區：在數學mc技巧這個話題中，我們另外找到其它相關的精選爆讚文章

在 數學mc技巧產品中有10篇Facebook貼文，粉絲數超過4,466的網紅賭Sir（杜氏數學），也在其Facebook貼文中提到， 🪢若然要你微分 y = (sinx+lnx)² 你只需要「由外到內」：⁣⁣ ⁣⁣ Step1️⃣: 最外層係【乜²】嘅結構，所以你只需要拉個2落嚟，再抄返個「乜」——2(sinx+lnx)⁣⁣ Step2️⃣: 裏面嗰層就係一個【加】嘅結構，所以你只需要分開sinx同lnx去微分，就可以。⁣⁣ St...

　同時也有24部Youtube影片，追蹤數超過2萬的網紅學校沒有教的數學，也在其Youtube影片中提到，Thomas 介紹一個小貼士，去處理兩條直線互相垂直的題目。 註: MC 限定，不建議用在試卷一。 ~頻道介紹~ 專為香港中學生而設的頻道，講解各種數學解題技巧及概念，以應付 HKDSE 數學科考試。 學校沒有教的數學網址: https://mathseasy.hk Facebook: ht...

「數學mc技巧」的推薦目錄

數學mc技巧 在 ?賭Sir｜數學考試專家 Instagram 的精選貼文

2021-02-02 09:50:41

🪢若然要你微分 y = (sinx+lnx)² 你只需要「由外到內」：⁣⁣ ⁣⁣ Step1️⃣: 最外層係【乜²】嘅結構，所以你只需要拉個2落嚟，再抄返個「乜」——2(sinx+lnx)⁣⁣ Step2️⃣: 裏面嗰層就係一個【加】嘅結構，所以你只需要分開sinx同lnx去微分，就可以。⁣⁣ St...

數學mc技巧 在 ?賭Sir｜數學考試專家 Instagram 的最佳解答

2020-05-03 05:59:27

已經講過幾次，連免費堂都拍過，每年必出嘅面積比例MC題，其實無須任何古靈精怪技巧。由賭Sir未出世嘅會考時代，至到最新一年嘅DSE，每一題都只係需要順序使用以下兩個概念，就可以計到答案，甚至筆都唔使拎，個腦轉得快直頭一嘢就見到答案。 . 第一步：觀察幅圖有冇相似三角形。點解要搵呢？有咩咁著數呢？著數...

數學mc技巧 在 ?賭Sir｜數學考試專家 Instagram 的最讚貼文

2020-05-03 06:10:51

喺IG Stories收集Idea嘅時候，有同學提議我分享喺DSE >90%用得出嘅神技，我答佢OK，然後有行家PM我，問：「邊有架？你講笑咩！」 . 👉梗係有！仲要唔單止90%，而係100%！仲要每年都可以用到N條MC！就算「傳說中」最難嘅2018 MC都用到4條！ . 兼且係【零知識出答案】！ ...

  • 賭Sir（杜氏數學）

    數學mc技巧 在 賭Sir（杜氏數學） Facebook 的精選貼文

    2021-01-17 21:30:04
    有 7 人按讚

    🪢若然要你微分 y = (sinx+lnx)² 你只需要「由外到內」：⁣⁣
    ⁣⁣
    Step1️⃣: 最外層係【乜²】嘅結構，所以你只需要拉個2落嚟，再抄返個「乜」——2(sinx+lnx)⁣⁣
    Step2️⃣: 裏面嗰層就係一個【加】嘅結構，所以你只需要分開sinx同lnx去微分，就可以。⁣⁣
    Step3️⃣: 微分sinx出cosx，微分lnx出1/x，所以得出（cosx+1/x)⁣⁣
    Step4️⃣: 乘起兩舊嘢佢，得出答案 dy/dx = 2(sinx+lnx)(cosx+1/x)⁣⁣
    ⁣⁣
    望返條MC題，嗱！首先 A.賭Sir 就實識㗎啦，唔使講😎；⁣⁣
    ⁣⁣
    然後相傳 C.金正恩 嘅數學好好，兼且聽講佢乜都識，好似話3歲就識揸車😲⁣⁣
    ⁣⁣
    答案👉🏻 B.周星馳 由於拜讀俄國戲劇大師史坦尼斯拉夫斯基嘅《演員的自我修養》（賭Sir讀中大嗰陣睇過中文翻譯版，好好睇好大啟發💡，認真唔係講笑），令周星星同學習慣「由外到內，再到返外」🔀 嘅形體動作方法演技，喺做Chain Rule嘅時候，由外到內咁D完，又D返外面，就做多咗了☝🏻⁣
    ⁣
    ---------⁣⁣⁣⁣⁣⁣⁣⁣⁣
    #M2 技巧王 幫你避開考評陷阱，教你搶分技巧；M2 輕鬆攞 Lv 5+ 喇🌟⁣⁣⁣⁣⁣⁣⁣⁣⁣
    ⁣⁣⁣⁣⁣⁣
    ------------⁣⁣⁣⁣⁣⁣⁣⁣⁣
    🎲賭Sir｜高階數學考試專家⁣⁣⁣⁣⁣⁣⁣⁣⁣
    ⁣⁣⁣⁣⁣⁣⁣⁣⁣
    🎓19 項數學公開試．以一 Take 過考取完美戰績⁣⁣⁣⁣⁣⁣⁣⁣⁣
    ⁣⁣⁣⁣⁣⁣⁣⁣⁣
    DSE：Math+M1+M2【5**】⁣⁣⁣⁣⁣⁣⁣⁣⁣
    CE & AL：Math+A.Math+Pure+Applied【A】⁣⁣⁣⁣⁣⁣⁣⁣⁣
    IAL：C12+C34+F1+F2+F3+M1+M2+M3+S1+S2+S3+D1【A】⁣⁣⁣⁣⁣⁣⁣⁣⁣
    ⁣⁣⁣⁣⁣⁣⁣⁣⁣
    🖥最高人氣補習網紅・貼地教數別樹一格⁣⁣⁣⁣⁣⁣⁣⁣⁣
    ⁣⁣⁣⁣⁣⁣⁣⁣⁣
    頻道 #杜氏數學 2016 年創辦，訂閱 65,000+，多條教學影片點擊 100,000+；2018 年獲出版社邀請，撰寫暢銷書《5**數學男人嫁得過》推廣「聰明應試」理念，並鼓勵年青人堅守自信。⁣⁣⁣⁣⁣⁣⁣⁣⁣
    ⁣⁣⁣⁣⁣⁣⁣⁣⁣
    🧠以心理學、高效學習融入補習教育當中⁣⁣⁣⁣⁣⁣⁣⁣⁣
    ⁣⁣⁣⁣⁣⁣⁣⁣⁣
    從中文大學風險管理學士畢業之後，鑽研超速學習法（Ultralearning）及教育心理學，將高效學方法先行用於自己身上，無間斷學習新知識；四年後重返校園，完成中文大學數學碩士（大數據分析）課程，期間考入門薩學會（Mensa），實證超速學習法。⁣⁣⁣⁣⁣⁣⁣⁣⁣
    ⁣⁣⁣⁣⁣⁣⁣⁣⁣
    🏆座右銘⁣⁣⁣⁣⁣⁣⁣⁣⁣
    ⁣⁣⁣⁣⁣⁣⁣⁣⁣
    好多人以為自己因為對數學無興趣，所以數學低分；事實剛好相反：因為自己數學低分，所以對數學無興趣。試諗下，若然你有歌神嘅聲線，你仲會對唱歌無興趣嗎？⁣⁣⁣⁣⁣⁣⁣⁣⁣
    ⁣⁣⁣⁣⁣⁣⁣⁣⁣
    ------------⁣⁣⁣⁣⁣⁣⁣⁣⁣
    #數學 #DSE #dser #math #maths #afterschool #dsemath #examskills #mathtutor #followme #2021DSE #2022DSE #2023DSE #tutor #mathtutor #DSEfighter #tutotial ⁣

  • 君子馬蘭頭 - Ivan Li 李聲揚

    數學mc技巧 在 君子馬蘭頭 - Ivan Li 李聲揚 Facebook 的最佳貼文

    2020-07-25 08:25:00
    有 245 人按讚

    ［DSE 相關系數］英文嘅嘢，重考生兩年成績，相關系數90%以上。極少係唔好彩。中文就唔同啦！

    TL:DR –　中文通識中西史分數失望嘅，不妨考多次。因為可能只係唔好彩。理科嘅就算吧啦。英文其實都係冇乜翻身機會，但好多人都係一定要試，明白嘅。

    話時話，呢排記得keep 住like and share，主動入嚟睇，同埋設定做see first．真係搵食艱難。但感激大家

    1. 幫考試局蔡熾昌（我知唔係考試局，亦唔係蔡熾昌好耐，但我到而都係講旺角火車站）平反下。考試局拎咗咁多錢呢，至少在年度報告，都係有啲貢獻。你咪話，真係詳細過唔少上市公司或者NGO。至少詳細過海洋公園

    2. 考試局居然有出，每一科，係每一科，重考生嗰年成績，同上年成績，嘅相關系數（correlation coefficient）。真偉大。但唔知點解，去到2017年後就冇咗。

    3. 唔係教數學，但相關系數不能理解：相關系數高嘅，即係舊年高分嘅好多今年都高分，反之亦然。相關系數低嘅，即係好似關係唔太大。負數？即係多數人舊年高今年低，呢度就唔會嘅。方便起見，原本係百份比，我全部倍大100倍。100分為之完美正相關，個個同舊年一樣分。

    4. 實務上代表乜？如果嗰科嘅相關系數高，即係你舊年同今年都會咁上下分數。可能代表好難進步或退步，或者係個考試好能夠分辨出邊啲人得邊啲唔得。相關系數低呢？代表一年間可以好唔同，或者代表個考試好陽春，同擲公字差不多，舊年高分嘅今年可以走晒樣。

    5. 之前講DSE重考，都係用英文做例子。一來英文緊要，二來多人考，亦多人重考。咁嗰時結論係好少可會升呢，亦都好多讀者指出，正常，因為英文浸十幾年，未必一年之間可以改變乜。雖然我有啲保留：「英文水平」未必可以好快改進，但「英文考試分數」係可以的。

    6. 睇表啦喎，每一年之中，相關系數高嘅，紅色。相關系數低嘅，綠色。咁以下就係以所有重考生數字（＊）出嘅結論：

    7. 首先，你見相關系數，普遍都幾高。好多都八十幾九十，極少會低過七十。

    8. 另外，我啲紅綠色，係一年一年咁做，但你發現年年都差不多。紅嘅年年紅，綠嘅年年綠。即係基本上同考生無關，同年份亦無關，同嗰年份卷深唔深都冇乜關。係嗰科嘅性質，同埋份卷嘅本質。

    9. 好啦，英文。眾望所歸，你見到英文科，紅過韓紅，紅過秦虹，紅過喬紅。九成幾嘅相關系數，差不多每一年都係最高。證實咗讀者嘅假設：英文嘅嘢，其實好難一年間改善。即使唔講英文水平，講英文成績，都係好難有乜大改。其實考多次最冇so就係呢科。但當然明白，偏偏呢科係好多人要考多次。正面啲睇，你可以話英文卷嘅甄別能力好好，冇死錯人，你係唔掂嘅，下年嚟多次都係唔掂。但你係進步咗嘅，應該有回報。

    10. 但另一個極端，就過癮啦。中文呢？中文科年年綠色，相關系數極低。即係老老實實，分數唔滿意嘅，記住考多次。可能只係運氣，改卷嘅唔妥你。同樣係語言，點解分別咁大？我估係因為兩樣嘢：第一中文係母語英文唔係，唔少人都認為考中文會話或聆聽十分反智。低分嗰啲，咁平時點生存嘅？啞嘅？講法文定手語定手指指send message？考會話其實你考佢演講技巧，考聆聽其實你考佢專注力，同語言能力per se冇乜關。第二，當然係啲卷嘅設計。其實我冇教書多年，但而家中文應該都仲係冇MC玩？英文有下話？咁中文卷就變咗比較主觀。主觀唔一定差，但你重考嘅，下年唔同人，可能你同一份嘢佢畀高分你呢？

    11. 另外仲有幾科綠色，相關系數低嘅，差不多全部係文科，「主觀」。亦即係你下年玩過係比較大機會翻身嘅。中史西史，中國文學，仲有惡名昭彰嘅通識都係咁。而啲友明明話通識卷有個指引唔會好主觀喎。數字唔係咁講咯。

    12. 當然，仲有表上最低系數，最綠，唯一低過50嘅，視覺藝術（即係美術啦？）。原因同上。藝術嘅嘢，你識條鐵咩。畢加索去考應該拎個U（講笑，唔好咁天真，你估愛恩斯坦真係考試好低分咩）

    13. 紅色，相關系數高嘅，除咗英文，就係Phy Chem Bio IT，簡單易明啦。啱就啱錯就錯，大腸就大腸架啦。易乾都係，可以問下呢度讀者，有人教易乾。但我記得都係有MC題？而家咁大鑊飯民粹嘅社會，MC題其實好東西，啱就啱錯就錯，又慳改卷時間。相反，你教文學嗰啲，分分鐘畀個學生老母（甚至學生本人）大返你轉頭。我老母年年睇莎劇喎，你邊位？

    14. 仲有乜大科未講？梗係留到最後，數學。理所當然地，數學compul嗰部份，好紅，同英文有得比，相關系數好高。得就得，唔得就唔得架啦。雖然我覺得數學升呢不難的，我私人補習嘅重考生，全部都升呢。「因為U嘅我會叫醒佢去考試，F嘅會教下佢做啲初中甚至小學數」

    15. 但奇怪係，分拆開兩部份嘅，唔知點解就綠，相關系數幾低。可能因為人太少？

    16. 呀係啦，你見有啲科目NA嘅。如果日校學生唔夠30個人重考，就唔會出現。但好可能全體重考生係仲有幾百友嘅。例如IT在2017 NA咗，只代表唔夠30個日校重考生，但全體應該一定唔止

    17. 最左邊，你可以見到2017年，全體重考生，有幾多人考各科。亦見到有啲科係邊緣化咗—其實會考年代已經係咁，只係DSE又吊多次命。

    18. 你見到中國文學嗰啲，早幾年上榜，而家已變NA，Visual Arts亦係。仲在榜上嘅，你見中西史地理呢啲，都相當少人重考—固然少人重考唔等於少人考，我懶搵，但個大方向應一樣。

    19. 另外小小技術嘢，我見BAFS（企會財），我見2013 2014係冇分類的，但2016就有。一拆二？無論如何，啲系數轉變不大，亦係偏高嘅

    20. 最後弱弱一問，而家英國文學係咪冇人讀架啦？至少應該冇乜人重考，咁多年都唔見有上榜（咁可能因為日校不足30件重考）。不過傳說中都係巴閉名校啲女先讀咁話，呢班友唔重考亦好正路。但話說回頭，當年埃汾間屋村學校，學校普通都幾草根（我學生嘅創舉：踢完波買麥當勞新地筒一杯成隊人食！唔知佢踢五人定十一人呢）。但老校都堅持開英國文學，哈。可以話扮嘢，但又可以話堅持。邊個話草根唔可以欣賞文學先？富豪落難都要優雅嘛。

    21. 正文完全講完。但忽然間感概，仲有篇後記在後面（其實我係寫咗後記先）。鍾意就睇，唔鍾意唔睇亦冇乜影響正題。

    ————————————————————————————
    甲、 李天命講過個故事，講「命中注定」呢個字嘅含糊。羅素命中注定有四個太太，他實現了自己的命運。李天命命中注定有四個太太。可惜他沒有實現了自己的命運。

    乙、 而我，都係「命中注定」教書嘅。但正如友人話齋，我冇做傳媒，係傳媒嘅損失。但做咗，就係我嘅損失。相信教書都係。我冇教書，係香港新一代嘅損失。但我教書，就係我自己嘅損失。咁我都係鍾意自己多啲。

    丙、 真的，我係「命中注定」教書。你應該聽過有啲分析員或者散戶，興趣係「睇年報」。冇乜特別。你知唔知我十八廿二時有個興趣係乜？都係睇年報。但我睇考試局年報！當然我最鍾意睇啲考生錯處之類。但亦好鍾意睇啲數字

    丁、 一套古惑仔收得，就有成個universe（勁過DC或Marvel），有前傳少年激鬥篇，有外傳洪興十三妹，有山雞故事，仲有reboot嘅江湖新秩序。有紅燈區，有龍虎砵蘭街，甚至有crossover開心鬼大戰古惑仔，真係勁過正義聯盟Capcom vs SNK。

    戊、 亦都係好似以前香港啲殭屍片咁，一套鬼打鬼收得，就有人嚇人，人嚇鬼，鬼咬鬼，人鬼神。一套殭屍先生後，就有殭屍翻生，殭屍家族，殭屍叔叔，殭屍至尊—爭在冇殭屍超級至尊或者殭屍華堡

    己、 一套收得，繼續拍，玩到爛為止，一路係香港精神。所以我今篇又講DSE重考。但轉個角度，冇魚缸溫度計了

    庚、 你諗下，如果我仲教緊中學，加埋當年本人係呢個「教務組」（＊＊），若搞啲咁嘅嘢，老校家長應該都幾歡喜。一個唔該仲可以包裝做乜柒大數據分析添（都話個Excel放埋上Dropbox就雲端計算，加個密碼再track changes 就係區塊鏈技術，整個regression就係人工智能了）。但即係，What for ？讚我兩句又點？即時有女同事投懷送抱（係冇嘅，因為老校其實成日讚我）？定升我做附加數學科科主任？（＊＊＊）。

    辛、 掉轉頭，我在呢度寫，即係「這雙手雖然少」，但每個like都自己呃返嚟，睇住自己成長，遇然仲搵到啲錢，唔係更好咩？

    壬、 有機會再講，同樣道理，有啲金融文，其實真係我在星展年代做嘅嘢都差不多。只不過係轉做中文。但，肯定我轉做收費文（亦有試過），收到嘅錢，多過佢地畀我嘅人工。唔係話乜，願打願捱，但我覺得係值得諗下的。邊個食咗我嘅錢？點解我要經你接客？

    （＊）我呢個表係所有重考生，但亦都有只係日校重考生數字。兩組有啲唔同，但我下唔到咩有意義結論，所以唔節外生枝。「或者遲下嚟多篇」

    （＊＊）老師一樣有社團，基本上係強制，好多時冇得揀，負責啲非教學工作。「教務組」負責非教學嘅教務嘢，例如編成績表，編考試時間表之類。聽聞想上位，搏升SGM（所謂嘅主任）或副校或校長，做「教務組」就啱。另外仲有大家都知係乜嘅「輔導組」同「訓導組」。有啲學校（敝校）有「資訊科技組」，俗稱就唔方便講。仲有「課外活動組」。不過最堪玩味都係「教師發展組」，實不相瞞，我都唔知佢地係做乜春的。Hea人必做，守水塘守證物房咁，但就唔使諗升職。

    （＊＊＊）附加數學科科主任呢單嘢，簡直係教書生涯中嘅高潮。詳見　我的辭職記　第一回（https://bit.ly/32QpCHN）

    -------------------------------------------------------------------------
    香港聯匯何去何從？新收費片已出，講足一個鐘，單次買200

    想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
    報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
    Log in 呢度：https://bit.ly/3gYXu9e
    已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
    仲搞唔掂嘅，睇埋下面，或者搵客服，或者PM我。
    -------------------------------------------------------------------------------
    【最新李聲揚收費影片】題目:「聯繫匯率會否脫勾？散戶應如何應對？」
    影片/課程編號：CC005
    播放平台：https://homebloggerhk.com/web-class-player/
    付款及收看步驟：
    1/點擊報名收看 [影片/課程編號：CC005]
    2/利用信用卡網上付款
    3/及後有登入資料可以立即收看
    查詢：whatsapp 63832145

  • 賭Sir（杜氏數學）

    數學mc技巧 在 賭Sir（杜氏數學） Facebook 的最讚貼文

    2018-09-06 15:33:59
    有 13 人按讚


    MathMan喺IG Stories玩問答，其中有個關於【神技】嘅觀點，啟發我寫呢篇文，略為補充一下佢嘅觀點。
    .
    MathMan嘅講法大約係咁：「神技只係能夠縮短計算時間，唔係乜都唔識一撳都出到答案。」
    .
    神技對考生嘅重要性，可以寫一篇論文，IG Stories講唔曬，我補充一下：
    .
    其實，神技除咗能夠縮短計算時間（⚡速度）之外，仲有兩個意義：
    .
    （一）確保計算正確（🔥穩健度）。大家都知考試係會比平時緊張，careless mistakes好易出曬嚟，平時做功課可以揭去書後面對答案，但考試無得對，做嘅時候好無安全感。（😚對情荳初開嘅年青人嚟講，有咩重要得過安全感？）神技可以確保做完包保有分。舉個例，計sum of roots product of roots嗰啲，用program根本個a同b都喺手，照撳出嚟就係答案，未交卷都可以幫自己Tick定先。
    .
    （二）攞分唔使識得計（💧簡易度）。雖然學MathMan話齋，唔係所有題目，乜都唔識一撳都出到答案，但事實上真係有好多題目係得嘅。卷一卷二都有，卷二（MC）特別多。舉個例，代「兀」同「e」落去啲 simplify/factorize/transform 嘅題目嗰度，係完全唔使計都出到答案，而且100%正確，只要你有手指撳機就啱。仲有其他林林總總嘅技巧，加加埋埋每年MC都用到至少20題，非常誇張。呢個係DSE MC卷結構上嘅漏洞，有啲concept要考就一定要咁出，所以禁不了。（你依家明點解其他國際考試唔考MC）
    .
    換言之，神技起碼有3大優點：【⚡速度】、【🔥穩健度】、【💧簡易度】。
    .
    各位同學要記住：DSE係一試定結果，即係踢世界盃決賽。考試嘅時候，你可能會病，每年都見唔少，就算唔病，都會緊張。生心理狀態會令你計得無咁快、多咗careless mistake、遺忘咗啲學過嘅嘢，打個比喻就好似飲醉酒咁。
    .
    DSE成績表會唔會補償返畀你？唔會。克羅地亞決賽射中柱，有冇得重賽？無。所以做考生，除咗要正常100%地準備之外，若然你想穩陣，就要額外準備多100%，醉就醉，就順勢練埋醉拳。努力係基本，想標青就要有方法。
    .
    我之前搞問答，都有同學問過，考親數學都A同5**有咩秘訣？「秘訣就係神技🌟」（睇埋落去，我會為斟酌神技嘅意思）
    .
    對於數學老師嚟講，考一兩份卷，拎5**其實唔難，但1take過完爆CE/AL/DSE/IAL總共19份唔同範圍&形式嘅數學卷，就好難。雖然我成日表現得好輕易，但其實我都係一個小男人😂內裏壓力好大。因為我心知19份都唔失手係好難！試想像自己踢19場決賽，都要贏曬，感唔感受到有幾大壓力？
    .
    概念我當然明，但唔要失手，就好沉重。大家應該見唔少老師教書計錯數，其實錯係人之常情，聖人都有錯。我接納自己嘅冒失，所以先更加要藉助神技，提升準確度，務求一寫就啱；就算唔得，都縮短計算時間，騰出更多時間，用驗算神技，搵返啲難以避免嘅careless mistake出嚟。
    .
    當年我中七考Applied Maths嗰陣，我係感住冒、發住燒，燒住華氏101度咁考。我好記得卷二用神技驗算嗰陣，發現差唔多題題都有錯，又錯負號、又撳錯機、又寫漏次方……剛好停筆嗰下我先改曬（停筆後用多咗一兩秒🤣）。
    .
    「病都唔失分」係你嘅目標。
    .
    要求過唔過份？DSE係你中學生涯嘅世界盃決賽，你話呢？再者，當你病嘅時候，要你做【1+1=?】你會唔會失分？唔會。可見若然你真係識，病唔係失手嘅藉口。
    .
    好啦，咁係咪所有神技都有用呢？肯定唔係！呢個世界係咁，總有人濫竽充數，總有人巧立名目，總有人欺世盜名。好多天皇教嘅神技，都係Junk Skills，即係垃圾－－喺佢自己出嘅Mock卷先用得著，或者十世先出一次，或者要留意好多condition先用得著，又或者其實有更易嘅正常方法解決……以備試嘅角度嚟講，學嚟係嘥時間。
    .
    我相信MathMan指嘅神技，其實係指呢一種Junk Skills，天皇為咗出新嘢，夾硬搵嘢教，結果黔驢技窮，由God Skills教到Junk Skills。
    .
    神技本質上一定係好，贏【⚡速度】贏【🔥穩健度】贏【💧簡易度】，ManMath係奧數高手，一定明白。問題係同學你要識選材，學啲能夠幫你增值嘅Skills，而唔好學啲Junk Skills。
    .
    最後，我想各位同學可以脫離二元對立：其實，好嘅概念（concepts）同好嘅神技（skills）並無衝突。江山&美人，皇上你可以要曬。
    .
    Why not Both?
    .
    清晰嘅concept，可以幫你更加了解skills。學好嘅skills，當中嘅原理可以幫你清concept。雙管齊下，相輔相承，更加能夠幫你穩奪理想成績！
    .
    #請Follow @mathman.hk 💪
    .
    #yylam #billyng #koopakoo #hongsir #dsefight #dser #dse #杜氏數學 #mathman #dsefighting #cliffyeung #skx #hermantomath #kentai #dickhui #hermanto #oscarma #數學 #2019dse #2019dser #19dse #2020dser #maths #賭sir #搶分神器

你可能也想看看

搜尋相關網站