你如何使用你的下班時間呢？如何使用才能使我們的時間更有價值呢？

人都是活在時間裡，主給每一個人的時間都只有二十四小時。

時間很容易就過去了，有些機會真的要抓住。但我們需要先有一個認識：時間的創造者是神。是祂先給我們氣息與生命，才有時間，所以我們若沒有神，時間對我們就沒有意義。

什麼叫真正不浪費時間呢？對基督徒而言，不是能夠安排好很多事情，才叫會利用時間，而是要先問問主的意思。因為主是時間的創造者，是最智慧的那一位。在許多事上，我們以為自己有智慧，但惟有這位在我們裡面的基督才是真正智慧的源頭。

「敬畏耶和華是智慧的開端，認識至聖者便是聰明。」箴九10

有主的人，會讓神成為他一天的開始，為此更多的親近神，或者唱詩、或者禱告，求神向我們說話。惟有在主的引導之下，我們才能最適合的應用時間，使所經過的時間能成為最有價值的。

#婊揚好人好事

十一個月前，我曾經叫過大家，比特幣要投機要賭無問題，但要知道自己正在投機，而不是投資，控制注碼，千祈唔好聽KOL講，借錢碌卡去買啲可疑的周邊產品。

星星之火未必燎原，但張張卡數必定上身。

當年舊文：
https://www.facebook.com/355077994871797/posts/519752258404369/

一年後，一大堆苦主跑出來搵我叫我幫手寫，睇返報紙先知道涉嫌幾百萬跌左落咸水海。我人在倫敦。鬧我時就話我無口德、又不負責任，依家又走黎叫我青天大老爺寫文拔刀相助？你當我係雞定係公廁，還是人型移動香爐，人人都可以爭住衝出黎任插？

我最鍾意讀聖經，入面教我寬恕人七十個七次，但我同耶L一樣，只會揀我岩聽嘅去學— 「信與不信不能同負一軛」意思係你信左，但我無信，所以我唔會欠人錢資產變負，亦不會被人一呃。

敬畏耶和華是智慧的開端，#老師又中！

你問我呢個post有咩意義？無架，點會有意義？上年寫左篇文叫人唔好借錢押樓訓身，都冇人信，就知道我寫文無意義啦。

好啦好啦，恥笑人係一件很沒口德的事情，我好驚又俾口德村代婊Tracy姐鬧我無口德，我試下帶返啲正能量出黎：

唔好話人呃你三百萬，亦唔好話人搞到你每月要還一萬蚊好大壓力。坊間大把傳銷同洗腦課程，唔止呃你幾十萬，依家你都係借廿萬，一日都叫做有七蚊回報，其實你只要學人地最愛嘅畢菲特的價值投資，長期持有78年就可以回到20萬本，計落都唔係血本無歸啦！不過記得寫落遺囑，你呢世都睇唔到回本那一日，交俾個仔，家祭無忘告乃翁。

就算真係血本無歸，廿萬買一個教訓：做人應該腳踏實地，幾十歲人又無能力就唔好咁多幻想。我告訴你，呢個世界真的會有天降橫財，也有天上掉餡餅，但前提係你要有本事去接，不然你也不過是另一宗高空擲物案件的傷者而已。

#財務自由
#信了才無自由
#價格可升可跌
#投資涉及風險
#你真係信大賭變李嘉誠咁點搞呀
#我肯定佢叫你簽嘅合約一定滴水不漏
#咬唔入的
#所以話做人真係積返啲口德好
#無口德咁走入黎鬧我無口德
#回報一定豐厚
#現眼報呀
#我依家就積口德唔再話那個KOL
#順應民意從善如流
#受騙的那個比騙徒更混帳

延伸閱讀：舊文《魚的啟示》

https://www.facebook.com/355077994871797/posts/520623238317271/

P.S. 渾水 我岩岩睇返啲留言，有人推介你哦。好心你有時間就教多啲金融知識，唔好成日沉迷女色推啲葉劉J圖污染網絡啦...

以前讀過一句「魔鬼為達到目的，不惜引用聖經」，依家原來係「使團為籌夠欠款，不惜借用嫦娥」，話晒都係一個宗教團體，大佬，邊個平時叫人唔好參加萬聖節慶祝、邊個又話傳統節日係拜偶象？依家一財困，就即刻出月餅，俾少少骨氣睇下好冇？

唔知點解，人妻先生同月餅廣告真係好有緣。上年婊揚暴動牌加埋機場兩隻萬聖節概念廣告，今年終於有影音使團黎幫手破地獄。上年個彼岸花嚇人？影音使團直情叫大家送餅，就能飛越十八層「與祂團圓」，_你，正呀喂！

另外，邊個天才寫文案？害我讀左三次都係「今年中秋，人神共憤」完全係腦筋急轉彎，家陣你係咪玩野先？明明係中文廣告，耶穌像旁邊個me係咩意思？你代表神？定係你與上帝同在？說好的謙卑呢？我係唔明點解一個fan club可以直情做埋神嘅代言人，甚至將課金的金主放到神的光環之內。這種傲慢，比起當年的贖罪券只有過之而無不及。（註：有讀者補充TME，是他們公司的縮寫，但把自己敬拜的對象變成自己公司名再加個光環落去，依家邊個才是僕人、誰才是主？敬畏耶和華是智慧的開端啊...）

正所謂「女人心、海底針」；「天使心、屈課金」講到尾原來仲欠緊780萬，結果只能出售這種吃相難看的月餅。其實，三個月租金320萬，而人工都只係210萬，你話課金俾員工分晒，都叫做心甘命抵，但原來係俾你拎去餵地產霸權？May I 福 you？有邊間NGO可以華麗地每個月洗一百萬落租金度，仲可以臉不紅心不跳氣不喘地叫人捐錢？

好啦，唔好話我淨係識鬧，又唔俾建議。我覺得作為教徒，遇到問題係應該先查經，從上主的話語裡尋求聖靈的聲音。各位弟兄姊妹，恭讀《約翰福音十三章五節》「（耶穌）隨後把水倒在盆裏，就洗門徒的腳，並用自己所束的手巾擦乾。」你明唔明神嘅旨意係咩未呀？係叫你唔好洗腳唔抹腳呀！

你地班友仔，數簿又唔睇、聖經又唔睇，走去賣月餅仔，係咪激死穌哥搵山拜？

#查經有益身心
#我其實都鍾意讀聖經
#唔讀聖經點睇得明博物館啲畫
#再唔係咪賣葡萄酒囉
#新而永久的盟約之血
#反正中秋月餅咁油膩飲杯紅酒降血壓咪幾好
#咦你咪就係傳說中不善理財的僕人
#有冇小朋友可以話俾我知最後不善理財的僕人嘅下場係點呢
#全能的神又能否製造葉家寶整唔死嘅電視台
#全能悖論2018