［藺相如，司馬相如，名相如，實不相如］（＊）咪講笑！同Freddie Mercury同Billie Eilish 齊名！獲得誠品認證！我是一個文青！

TLDR：屯門牛呢，真係睇好嘢都慢人一步，睇戲又多垃圾。所以要有馬蘭頭獎學金

1. 實情係屯門誠品，已經有貨。都話日日去睇，我仲發現搬咗位，原本係在啲財經書度，而家已經literally 「上神枱」，同Freddie Mercury同Billie Eilish 齊名！雖然暫時我都未見有任何人拎起嚟睇。實情咁耐以嚟都冇！

2. 又，真係的，明明銅鑼灣，太古同尖沙咀誠品都一早有，屯門就要再遲啲。真係鄉下地方資訊不便。「啲小朋友都要遲兩個星期先接觸到啲高質毒物」。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

3. 你真係唔好睇少呢樣嘢，What we talk about when we talk about 村上春樹？好多人都知道佢開coffee shop/酒吧，收工在廚房寫嘢。亦都有啲人聽過個契機係明治神宫野球場（我都去過朝聖），養樂多燕子隊

4. 但再之前呢？村上春樹係關西人，京都伏見出世，但神戶讀高中。佢唔止一次提過，神戶改變佢好多。神戶係個海港，易接觸外國文化（你見仲有異人館），佢就在嗰度睇好多西洋文學。

5. 我話睇書都慢人兩星期，當然只係講笑。「而家屯門都有Donki」「仲有Mirror」。但，你可以留意下，屯門戲院（屯門戲院並唔單指「屯門戲院」）上嘅戲，都真係同「市區」唔同。唔通會上《惡與他們的距離》？主要都係上「長相屍手」之類。有人話歧視，有人話市場考慮，「啲屯門牛就係睇垃圾」，乜都好，客觀結果都係一樣。喂，呀影帝林家棟，都公然恥笑去巴倫紐睇戲嘅人啦。2015年咋喎，香港人好尊重本地電影咩？（而不幸地，套《點對點》我都有睇，但居然唔係在巴倫紐！正如導演話頭，根本巴倫紐冇上呢套戲，全新界得葵芳新都會上，我就在嗰度睇）

6. 你都唔好話冇影響，我講兩件事你知。第一，好少同人講，當年我買樓，係有諗過買駿發花園嘅。咩話？駿發花園在邊？點解我會想買？「駿發花園咪會樓下上《惡與他們的距離》」。最後點解冇買？唔係因為冇錢（我有咁窮？況且我講緊2013年），而係因為懶，同埋我諗真啲，「我買完百老匯電椅中心搬走我咪仆街？去廟街聽數波波定食煲仔飯？定學麥路人郭富城咁去聽楊千嬅唱歌？」。第二，當然係因為我懶。租開我老母（真係我老母，唔係助語詞）屯門嗰樹好地地，咪買埋佢。係呀，買架，咪撚以為佢送畀我。電視框？框你老母（呢度就助語詞）。創屋苑尺價新高添呀！虎毒不吃兒呀。「不過冇人拎支槍迫你買」「況且之後都升咗好多」「所以真係唔使怕高追，咪縮數話咩等調整」

7. 一念任天堂，一念海天堂。一念八天堂，一念朱天堂。如果我當初買咗駿發花園？而家我係咪好有文化我就唔知，「但應該執多幾球嘢」

8. 講返，我變成「港片之鬼」，你估係偶然？並唔只係因為我細細個鍾意睇港產片。喂我年代啲小朋友，個個細個都睇港產片架啦，但大咗佢地自然就會覺得好check，我溝過N條港女，都以自己唔睇港產片為榮，我最鍾意都係我問佢睇乜戲，答曰「我個人冇乜所謂不過唔睇港產片」，充份反映到港女嗰種自以為嘅優越感同懶撚係considerate，多撚謝喎。不過我都冇諗住同佢去睇港片，因為我主要係為上床。到後來睇港片先有得上床，就係後話，只能講句十年河東，十年煩西

9. 我之所以到中學都不停睇港產片，主要係因為一個人。他的名字叫徐一刀。四十歲以上嘅麻甩佬應該聽過。根本就係香港全裸監督村西徹，佢進軍海外時吳宇森都未去荷里活。佢就係自己親身上陣，同「五十嵐」一齊拍愛情動作片

10. 但關我乜事？我又唔係蘇B（一個徐一刀有份用嘅演員）。主要係，徐一刀係我同學嘅舅父。咁佢就畀好多免費戲飛我地睇，當然唔係睇佢嘅戲（當時我中二咋），而係可以去睇任何戲。我唔知係咪只係港片，但肯定嗰時咩 凱都呀， 巴倫紐呀，仲有「屯門戲院」，都好多時係上港片。

11. 我仲記得我第一套用佢嘅飛睇嘅戲，就係《水滸傳之英雄本色》，李克勤唱主題曲，梁家輝做林沖，徐錦江做魯智深，劉青雲做大茄，但最正係豹哥單立文做高俅個仔去淫辱林沖老婆王祖賢。

12. 另外仲有《風塵三俠》（梗係柏安妮嗰套），仲有套日本人拍但廣東話配音嘅《三國志》（1990年代初，已經好過《三國無双》N倍，可見周顯揚真係食撚屎的，係呀，我又要好波過美斯先可以評論？）等等。可見我嘅中學年代，就係咁渡過。

13. 然後你諗下，埃汾太（名校女生嘛）。人地呢，午飯去Pacific Place食嘢—仆你個街到我在金鐘返工我都仲嫌貴呀！另外有個朋友仲誇張，中學年代，去「有馬」日本料理午餐。

14. 朋友同我同年，但你老味，我地年代在屯門？日本嘢？「就係去八佰伴食熱海麵屋」，好撚難食的，難食過味千。當然我好後來先知道，熱海係地名（大佬呀，嗰個年代冇維基百科，又冇一年去十次日本），而八佰伴第一間店，就係在熱海。

15. 至於我嘅名句（其實係朋友講），「嗰時食百人一朱已經覺得自己好撚high」，sorry，呢個係去到出嚟做嘢嘅事。仆你個街，我去到教書嗰時，兩皮嘢個月，都係同成班搣時去荷里活（梗係鑽石山啦，好彩未去旺角荷李活）食百人一朱咋！（話時話，就快又七夕，有冇人未聽過七夕搣時嘅教事？）

16. 睇到呢度，你心諗，有冇咁誇張。都真係有的。例如我估我好似去到2000年，即係，大學畢業，我先知咩係Tiramisu，「開頭以為日本嘢」。而家啲小朋友，幼稚園茶點都食喜知次一夜干啦！

17. 真的，as a 學霸，我博聞強記嘅能力，叻過好多「名校」嘅普通學生。但行出嚟就係冇嚟貴格，食幾多貴格燕麥片都冇用。「即係余文樂咁」，真係好多年先洗到嗰種新界牛嘅味。

18. 你話冇影響？有機會我細寫。但當年我去in Oxford獎學金，邊個in我？係李兆基，冇錯係四叔。仲有楊鐵樑。同埋羅德丞（唔係羅傑承），同埋一條牛津嚟嘅鬼。喂，我見到都變秦舞陽，腳震震啦。最記得鬼佬問我點解地盤啲鐵係工字型，我都答唔出，但其實我係知嘅。（BTW，當年我報N展，真係好彩冇收我）．後來當然獎學金拎唔到，做唔到乜乜學人，返去港大繼續have fun stay poor．四叔變咗亞洲股神。楊鐵樑變咗教英文。羅德丞？選唔到特首，冇耐死撚埋了。（原來都隔咗十年）

19. 事後諗？如果我醒少少嘅，我應該話畀四叔知，我阿麻係順德大良人。我成日返去的。拿，呢啲咪分野。但冇計，歷史沒有如果，洛賓2010年球單刀如果入咗？

20. 寫咗好多，都唔係咩獅子山下可歌可泣。你心諗，而家扁平化咗好多啦。而家屯門都上到NetFlix嘛，屋企都睇到 德國飛機吸血片啦，有得上網，拉近晒啦。

21. Yes and No．但其實，個世界，都係向比較有錢嘅人傾斜嘅。我甚至覺得，我幾幸運，我年代都仲可以叫做「上流」，即係一個普通家庭（唔好講到自己赤貧啦，至少有錢去睇戲）嘅屯門仔，都仲有得發下圍。而家？未必冇，但大家心知，越嚟越難。

22. 最新嘅趣聞，英國A Level，一半人A或A+。因為多咗Teacher assessment，fuck that 教師好專業唔偏私。但有乜所謂？好似阿婆賣紙皮咁，你會噴水上去，我又自然會計返你平啲。英國好嘅大學，更加大條道理自己搞admission test，甚至乎用自己嘅discretion—冇錯，就係傳說中嘅去緬甸做義工。點解啲名人富豪仔女都入到名大學？真係叻啲？你話呢？

23. 寫咁多，冇錯，最後都係講「馬蘭頭奬學金」嘅理念。呢個年代呢，你做屯門牛又冇錢嘅，真係比較大鑊。可惜我暫時都仲係只有理念，未有好多錢，更重要係未有執行力。但，總會搞到出嚟。

（＊）又，我都係早排先知，司馬相如唔係真名，正如河國榮崇拜張國榮，佢因為崇拜藺相如先叫自己司馬相如。正如司馬遼太郎，都係因為崇拜司馬遷（應該唔包括腐刑嗰part），但自愧不如亦係自謙，先叫自己司馬遼太郎。

似乎姓司馬嘅都啱呢味嘢（司馬遼太郎又會姓司馬啦！）。不過司馬賽兒，就唔係因為鍾意馬賽所以變咗馬賽。主要係鍾意波圖。講返，上季法甲馬賽第5，冇歐聯踢，所以要等波圖歐聯分組賽第三，先有機會馬賽對波圖

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［DSE 相關系數］英文嘅嘢，重考生兩年成績，相關系數90%以上。極少係唔好彩。中文就唔同啦！

TL:DR –　中文通識中西史分數失望嘅，不妨考多次。因為可能只係唔好彩。理科嘅就算吧啦。英文其實都係冇乜翻身機會，但好多人都係一定要試，明白嘅。

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家

1. 幫考試局蔡熾昌（我知唔係考試局，亦唔係蔡熾昌好耐，但我到而都係講旺角火車站）平反下。考試局拎咗咁多錢呢，至少在年度報告，都係有啲貢獻。你咪話，真係詳細過唔少上市公司或者NGO。至少詳細過海洋公園

2. 考試局居然有出，每一科，係每一科，重考生嗰年成績，同上年成績，嘅相關系數（correlation coefficient）。真偉大。但唔知點解，去到2017年後就冇咗。

3. 唔係教數學，但相關系數不能理解：相關系數高嘅，即係舊年高分嘅好多今年都高分，反之亦然。相關系數低嘅，即係好似關係唔太大。負數？即係多數人舊年高今年低，呢度就唔會嘅。方便起見，原本係百份比，我全部倍大100倍。100分為之完美正相關，個個同舊年一樣分。

4. 實務上代表乜？如果嗰科嘅相關系數高，即係你舊年同今年都會咁上下分數。可能代表好難進步或退步，或者係個考試好能夠分辨出邊啲人得邊啲唔得。相關系數低呢？代表一年間可以好唔同，或者代表個考試好陽春，同擲公字差不多，舊年高分嘅今年可以走晒樣。

5. 之前講DSE重考，都係用英文做例子。一來英文緊要，二來多人考，亦多人重考。咁嗰時結論係好少可會升呢，亦都好多讀者指出，正常，因為英文浸十幾年，未必一年之間可以改變乜。雖然我有啲保留：「英文水平」未必可以好快改進，但「英文考試分數」係可以的。

6. 睇表啦喎，每一年之中，相關系數高嘅，紅色。相關系數低嘅，綠色。咁以下就係以所有重考生數字（＊）出嘅結論：

7. 首先，你見相關系數，普遍都幾高。好多都八十幾九十，極少會低過七十。

8. 另外，我啲紅綠色，係一年一年咁做，但你發現年年都差不多。紅嘅年年紅，綠嘅年年綠。即係基本上同考生無關，同年份亦無關，同嗰年份卷深唔深都冇乜關。係嗰科嘅性質，同埋份卷嘅本質。

9. 好啦，英文。眾望所歸，你見到英文科，紅過韓紅，紅過秦虹，紅過喬紅。九成幾嘅相關系數，差不多每一年都係最高。證實咗讀者嘅假設：英文嘅嘢，其實好難一年間改善。即使唔講英文水平，講英文成績，都係好難有乜大改。其實考多次最冇so就係呢科。但當然明白，偏偏呢科係好多人要考多次。正面啲睇，你可以話英文卷嘅甄別能力好好，冇死錯人，你係唔掂嘅，下年嚟多次都係唔掂。但你係進步咗嘅，應該有回報。

10. 但另一個極端，就過癮啦。中文呢？中文科年年綠色，相關系數極低。即係老老實實，分數唔滿意嘅，記住考多次。可能只係運氣，改卷嘅唔妥你。同樣係語言，點解分別咁大？我估係因為兩樣嘢：第一中文係母語英文唔係，唔少人都認為考中文會話或聆聽十分反智。低分嗰啲，咁平時點生存嘅？啞嘅？講法文定手語定手指指send message？考會話其實你考佢演講技巧，考聆聽其實你考佢專注力，同語言能力per se冇乜關。第二，當然係啲卷嘅設計。其實我冇教書多年，但而家中文應該都仲係冇MC玩？英文有下話？咁中文卷就變咗比較主觀。主觀唔一定差，但你重考嘅，下年唔同人，可能你同一份嘢佢畀高分你呢？

11. 另外仲有幾科綠色，相關系數低嘅，差不多全部係文科，「主觀」。亦即係你下年玩過係比較大機會翻身嘅。中史西史，中國文學，仲有惡名昭彰嘅通識都係咁。而啲友明明話通識卷有個指引唔會好主觀喎。數字唔係咁講咯。

12. 當然，仲有表上最低系數，最綠，唯一低過50嘅，視覺藝術（即係美術啦？）。原因同上。藝術嘅嘢，你識條鐵咩。畢加索去考應該拎個U（講笑，唔好咁天真，你估愛恩斯坦真係考試好低分咩）

13. 紅色，相關系數高嘅，除咗英文，就係Phy Chem Bio IT，簡單易明啦。啱就啱錯就錯，大腸就大腸架啦。易乾都係，可以問下呢度讀者，有人教易乾。但我記得都係有MC題？而家咁大鑊飯民粹嘅社會，MC題其實好東西，啱就啱錯就錯，又慳改卷時間。相反，你教文學嗰啲，分分鐘畀個學生老母（甚至學生本人）大返你轉頭。我老母年年睇莎劇喎，你邊位？

14. 仲有乜大科未講？梗係留到最後，數學。理所當然地，數學compul嗰部份，好紅，同英文有得比，相關系數好高。得就得，唔得就唔得架啦。雖然我覺得數學升呢不難的，我私人補習嘅重考生，全部都升呢。「因為U嘅我會叫醒佢去考試，F嘅會教下佢做啲初中甚至小學數」

15. 但奇怪係，分拆開兩部份嘅，唔知點解就綠，相關系數幾低。可能因為人太少？

16. 呀係啦，你見有啲科目NA嘅。如果日校學生唔夠30個人重考，就唔會出現。但好可能全體重考生係仲有幾百友嘅。例如IT在2017 NA咗，只代表唔夠30個日校重考生，但全體應該一定唔止

17. 最左邊，你可以見到2017年，全體重考生，有幾多人考各科。亦見到有啲科係邊緣化咗—其實會考年代已經係咁，只係DSE又吊多次命。

18. 你見到中國文學嗰啲，早幾年上榜，而家已變NA，Visual Arts亦係。仲在榜上嘅，你見中西史地理呢啲，都相當少人重考—固然少人重考唔等於少人考，我懶搵，但個大方向應一樣。

19. 另外小小技術嘢，我見BAFS（企會財），我見2013 2014係冇分類的，但2016就有。一拆二？無論如何，啲系數轉變不大，亦係偏高嘅

20. 最後弱弱一問，而家英國文學係咪冇人讀架啦？至少應該冇乜人重考，咁多年都唔見有上榜（咁可能因為日校不足30件重考）。不過傳說中都係巴閉名校啲女先讀咁話，呢班友唔重考亦好正路。但話說回頭，當年埃汾間屋村學校，學校普通都幾草根（我學生嘅創舉：踢完波買麥當勞新地筒一杯成隊人食！唔知佢踢五人定十一人呢）。但老校都堅持開英國文學，哈。可以話扮嘢，但又可以話堅持。邊個話草根唔可以欣賞文學先？富豪落難都要優雅嘛。

21. 正文完全講完。但忽然間感概，仲有篇後記在後面（其實我係寫咗後記先）。鍾意就睇，唔鍾意唔睇亦冇乜影響正題。

————————————————————————————
甲、 李天命講過個故事，講「命中注定」呢個字嘅含糊。羅素命中注定有四個太太，他實現了自己的命運。李天命命中注定有四個太太。可惜他沒有實現了自己的命運。

乙、 而我，都係「命中注定」教書嘅。但正如友人話齋，我冇做傳媒，係傳媒嘅損失。但做咗，就係我嘅損失。相信教書都係。我冇教書，係香港新一代嘅損失。但我教書，就係我自己嘅損失。咁我都係鍾意自己多啲。

丙、 真的，我係「命中注定」教書。你應該聽過有啲分析員或者散戶，興趣係「睇年報」。冇乜特別。你知唔知我十八廿二時有個興趣係乜？都係睇年報。但我睇考試局年報！當然我最鍾意睇啲考生錯處之類。但亦好鍾意睇啲數字

丁、 一套古惑仔收得，就有成個universe（勁過DC或Marvel），有前傳少年激鬥篇，有外傳洪興十三妹，有山雞故事，仲有reboot嘅江湖新秩序。有紅燈區，有龍虎砵蘭街，甚至有crossover開心鬼大戰古惑仔，真係勁過正義聯盟Capcom vs SNK。

戊、 亦都係好似以前香港啲殭屍片咁，一套鬼打鬼收得，就有人嚇人，人嚇鬼，鬼咬鬼，人鬼神。一套殭屍先生後，就有殭屍翻生，殭屍家族，殭屍叔叔，殭屍至尊—爭在冇殭屍超級至尊或者殭屍華堡

己、 一套收得，繼續拍，玩到爛為止，一路係香港精神。所以我今篇又講DSE重考。但轉個角度，冇魚缸溫度計了

庚、 你諗下，如果我仲教緊中學，加埋當年本人係呢個「教務組」（＊＊），若搞啲咁嘅嘢，老校家長應該都幾歡喜。一個唔該仲可以包裝做乜柒大數據分析添（都話個Excel放埋上Dropbox就雲端計算，加個密碼再track changes 就係區塊鏈技術，整個regression就係人工智能了）。但即係，What for ？讚我兩句又點？即時有女同事投懷送抱（係冇嘅，因為老校其實成日讚我）？定升我做附加數學科科主任？（＊＊＊）。

辛、 掉轉頭，我在呢度寫，即係「這雙手雖然少」，但每個like都自己呃返嚟，睇住自己成長，遇然仲搵到啲錢，唔係更好咩？

壬、 有機會再講，同樣道理，有啲金融文，其實真係我在星展年代做嘅嘢都差不多。只不過係轉做中文。但，肯定我轉做收費文（亦有試過），收到嘅錢，多過佢地畀我嘅人工。唔係話乜，願打願捱，但我覺得係值得諗下的。邊個食咗我嘅錢？點解我要經你接客？

（＊）我呢個表係所有重考生，但亦都有只係日校重考生數字。兩組有啲唔同，但我下唔到咩有意義結論，所以唔節外生枝。「或者遲下嚟多篇」

（＊＊）老師一樣有社團，基本上係強制，好多時冇得揀，負責啲非教學工作。「教務組」負責非教學嘅教務嘢，例如編成績表，編考試時間表之類。聽聞想上位，搏升SGM（所謂嘅主任）或副校或校長，做「教務組」就啱。另外仲有大家都知係乜嘅「輔導組」同「訓導組」。有啲學校（敝校）有「資訊科技組」，俗稱就唔方便講。仲有「課外活動組」。不過最堪玩味都係「教師發展組」，實不相瞞，我都唔知佢地係做乜春的。Hea人必做，守水塘守證物房咁，但就唔使諗升職。

（＊＊＊）附加數學科科主任呢單嘢，簡直係教書生涯中嘅高潮。詳見　我的辭職記　第一回（https://bit.ly/32QpCHN）

-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

我小學同學提到，當年有同學錄cassette，帶本龍虎豹返學，供人閲讀而賺錢。

嗰個唔係我，雖然我好想我係。

當譚詠麟未做校長未投共，張國榮最當打，龍虎豹好睇好睇但係又好鬼貴的年代，是人生其中一段美麗的日子。

一，純粹個人感受，冇乜教育意義。早兩晚，見到好多香港人通頂抵冷去鳥不生蛋嘅九龍灣排隊買口罩。我心諗，假如佢哋係去買來炒，我都仲覺得呢個城市正常少少。真係慘情嘅係，我相信當中絕大多數都係出於恐懼。

二，尋日，又有人搶購廁紙。記憶中，1983年都試過搶購廁紙。用銀紙換廁紙，呢個行為我覺得好有符號意義。可能我敏感啦；總之搶購廁紙呢個現象，我好主觀咁覺得非常之咁唔老嚟。

三，八、九十後嘅朋友，可能唔知道1983年發生咩事。1983年9月，港元大幅貶值15%；好多人即刻去超市搶購，米同廁紙，就係兩樣搶到冇晒嘅嘢。我記得，當時因為父母都要工作，收工去到美孚間百佳，已經乜都冇。媽媽就好淡定，話咁就算啦。

四，1983年10月，港英政府作出一個果斷嘅決定：聯繫匯率。當時中英正就香港前途問題談判，港英政府就將貨幣發行，變成完全「規則為本」，有如標靶治療咁準確。

五，我知道有人話聯繫匯率令香港資產價值波動；又有人話不如用一籃子貨幣。過去十幾年，我都唔知寫過幾多篇。簡單咁歸納，規則為本既好處係透明度100%，而且唔會因為政治考慮左搖右擺。係，任何制度都有代價，但聯繫匯率換來嘅穩定，變相令香港金融市場嘅成本同美元市場掛鉤。之後歷史證明，減少匯率風險，亦都係香港成為國際金融中心嘅一個好重要原因。

六，唔係話法治、司法獨立等唔重要。但係，如果你明白到，法治嘅對立面，係人治。聯匯，其實就係將法治精神，完全發揮響貨幣政策，係一個零人治嘅貨幣政策。比起打晒飛機嘅 inflation targeting，聯匯係更實淨 。

七，熟悉貨幣史嘅朋友就知，1973年之前，世界各國嘅金融秩序叫 Bretton Woods，就係美元掛黃金，各國貨幣掛美元。

八，其實1972年之前，港元掛英磅。當年英磅同美元脫勾，港元由1972到1974年，掛美元。1974到1983，港元又自由浮動。呢段日子，唔見得香港嘅通脹受控，又或者大家對港紙極之有信心。

九，當大家都見到紙幣購買力不斷削弱，買磚頭買股票，都好過揸現金。就係呢十年，成就大家今日所認識嘅地產發展商。呢段日子，好多人就算十幾厘息都要供樓；不過，佢哋大多數都苦盡甘來。香港嘅磚頭信仰，有一定嘅歷史因素。

十，所以，當我見到連廁紙都被搶購，從前嘅景象響腦海湧現，內心係幾咁感觸？又話說，七、八十年代另一個令我印象好深刻嘅，就係我成長嘅旺角。當年有啲炒金嘅鋪頭，外面會掛個電子板報金價。記得本來得四個位，但到後來竟然唔夠用！個時我又經常同老頭去寶生銀行買賣紙黃金；我就涼冷氣。

十一，雖然我住美孚，但由於父母工作嘅地方響旺角，小學就響太子返，中學就去油麻地，所以我自認係香港嘅 Proto-MK，又曰「原祖MK仔」。

十二，我班小學同學，真係來自 all walks of life，而且大多數都好早熟。當年譚詠麟張國榮好紅，我有同學仔就幫人錄 Cassette 賺錢；我哋都只係三、四年級。又有同學仔，唔知邊度搵到攞龍虎豹返學，當然係收錢先有得睇，冇記錯我都係五、六年班。亦都有同學仔搵到教師用書，但好似無乜市場。此外，我哋仲有好多經濟活動；而返學，最主要係接觸客戶、收數、放數、交換情報。

十三，我小學成績，勁過當今行政長官；咁多年，只係試過一次唔係全級第一名。不過，我操行試過攞過 E，周會畀校長捉上台打手板示眾。Proto-MK 仔，真係有歷史㗎。

十四，中學，真係命運嘅安排，去咗一間以自由聞名嘅男校。又好自然，我由太子殺落油麻地，每日蒲好景同信和呢兩個聖地。如是者，我中學嘅成績，只夠我升大學。不過，記憶中呢段永遠都係夏天嘅八、九十年代，到今日都仲係充滿各種色彩。

十五，講咁多童年回憶，我只想帶出嘅係，其實我身邊好多同學、朋友，其實都好似我咁，成長於一個相對市井街頭嘅環境。學壞？一個人去到六、七十歲，一樣可以學壞；只要你畀啲權力佢，佢就壞㗎啦。

十六，成長經歷裡面，最富教育意義，一定係買買賣賣，搵錢駛錢嘅經驗。當時，我哋習以為常，甚至都冇乜點諗過大個之後做咩；一直去到中六、七呢兩年，我見到另一個世界。

十七，我讀嘅，話晒都係名校；名校，就一定會搞下外交，識下其他女校。當年，我成績雖然中游浮沉，但叫做都有唔少師弟跟我，所以，我嘅高中生活，主要都係嘗試打入「學界上流社會」。無錯，可能係我人生第一次見識到咩叫社會階級。

十八，女校，都係個幾間啦，咁都會搭下其他男校；作為 Proto-MK 嘅我，第一次同啲公主皇子打交道。中六個年夏天，有晚，我忽然覺得世界好大，我要去美國讀大學。

十九，大家知唔知 Snob 呢個字點解？話說從前英國大學，雖然冇話規定貴族專利，但當你父母都係養牛，你讀大學為乜？所以，大學生都係貴族，而好似 Harry Potter 場景入面嘅宿，就會有個牌寫住學生同畢業生嘅名。當然，唔會就咁「陳大文」；而係連名帶姓加封號「旺角西洋菜街陳大文公爵」。不過，去到維多利亞年代，終於有啲平民入到大學，不過佢哋冇封號，點算？佢哋就會寫 sine nobilitate，即係拉丁文嘅「冇封號」咁解。

二十，偏偏，就係呢種 Snob 最講階級。維多利亞年代，本來就係貴族歿落嘅時代，但亦都係中產發夢成為貴族嘅日子。

廿一，我成長嘅七、八、九十年代，客觀係脫殖同建立香港本土意識嘅三十年，但主觀呢，我都認自己有時對英國嘅眷戀比英國人更甚。

廿二，至於剛才提到嘅公主皇子。坦白講，咪又係咁啦。我都有人做官嘅。不過，我想講嘅係，呢班無憂無慮到公卿嘅人，一生人都係以做個好學生作手段，等班主任點佢做班長。當然，考第一都好重要。

廿三，幾十年後，經此一疫，我諗返 MK 嘅價值，其實就係「機會係隨時間流逝」，有價值嘅嘢，你唔去把握就會變得冇價值。冇價值嘅又畀你變到有價值，你咪叻仔囉。

廿四，我真心覺得叻嘅 MK 朋友，有個特點就係「多窿路」：「冇口罩？我識人響泰國印尼，你要幾多？」「你冇酒精？我有箱雙飛人？咩嘩？你連雙飛人有80%酒精都唔知？」香港其實好多呢啲 MK，梗有一個響左近。

廿五，話說回來，係公主皇子定係 MK ，家底出身成長經歷，固然重要，但去到最後，係你點睇自己。正如維多利亞時代嘅 Snob，佢哋咪又係平民，偏偏最講階級。同樣道理，你屋企可以係好中產，但只要你嘅願景係晉身上流社會，你就係佢哋嘅一份子。

廿六，每年香港都出產好多青年才俊；佢哋嘅上位軌跡，不外乎都係做專業人士，做官，做生意，然後做公職，最後就成為新聞人物。冇話啱唔啱，都係一個選擇；只要唔損害人，真係冇乜話啱唔啱。

廿七，至於 MK 呢？其實你唔好以為佢哋純粹係為搵錢。對 MK 來講，人生最大嘅肯定係：「我有，你冇。」有嘅，可以係口罩、酒精、絕版波鞋、黃子華幢篤笑嘅入場券⋯⋯只要好多人想要又冇嘅，佢哋就會搵辦法去搵返來。

廿八，有時我都會諗，香港究竟係由班公主皇子話事，定係由 MK 經營？好明顯，假如係由 MK 經營，佢哋見到有人要口罩，咪去搵來賣囉；賺錢係一件事，但做生意嘅人最大滿足感一定係：「第二度你搵唔到㗎喇。」

廿九，公主皇子遇到問題，自然反應係問老師，問老頭，問阿媽。佢哋就點都先會攞到口罩，甚至有都唔用：「咩事前唧依家？你買唔到口罩，你估我想㗎？你等我諗下方法啦。」當然，其實最終佢哋係唔會諗方法。

三十，「咁叻，你哋諗方法吖笨？」其實，好多人都已經搵緊供貨，甚至乎佢哋只係好本能咁，見到有需求，佢哋就會去搵供應。

三十一，講過好多次，良好嘅動機，唔一定有好嘅結果，所以判斷一件事係咪道德，要睇結果。啲公主皇子最大嘅問題，就係佢哋以為自己「跟足規矩」；就算有時犯規，佢哋都係「跟足規矩咁犯矩」。

三十二，結果？公主皇子係唔睇結果。班主任欽點佢哋做班長，就係佢哋睇到嘅結果，甚至連背後有咩目的都唔會去諗。呢個就係香港「#做咗當得咗」嘅風土病嘅源頭，而爆發嘅途徑，就係 #填鴨式教育。

三十三，唔同階層，唔同界別，都有「林鄭月娥」呢種填鴨式教育極品。填鴨式教育治港，太平盛世冇乜問題，反正都係 business as usual ；呢班公主皇子指指點點，自我感覺良好，咪由得佢囉。

三十四，危機四伏嘅世界，你畀林鄭月娥呢類人去處理，就一定仆街喇。你知唔知佢最大問題係乜？佢成世人嘅成功，一係就來自制度嘅自動升遷，再唔係就討好班主任，佢從來都冇試過要感受其他人嘅需要，即係冇同理心；換句話講，佢連當年我個位幫人錄 cassette 嘅小學同學都不如。

三十五，好同理心咁諗，點解香港人搶口罩搶廁紙？點解香港人連澳門賀一誠、台灣蔡英文等都收貨？好大程度上，係因為香港人對特區政府完全失去信心。咁梗係啦，次次都係做咗當得咗，但最終一鑊泡。對制度嘅信心危機，係會蔓延到唔同嘅範疇。搶購廁紙，反映香港人集體嘅精神狀態好脆弱，

三十六，我睇返當年立法會調查沙士嘅報告，大陸政府隱瞞，害到香港雞毛鴨血。#陳馮富珍 為咗病毒嘢叫 #SARS 定 #SRS 搞咗成十幾日，亦因為呢個原故遲遲唔將沙士加入去 #香港法例141章 《#檢疫及防疫條例》條裡面嘅附表，足足浪費兩個星期。沙士發生過嘅每件事，都重演緊。因為陳馮富同林鄭係同一種人，北京最鍾意嘅好學生。

三十七， 香港其實有好多人都有 street smart ，佢哋未必返過十九幾年學，就係咁邊做邊學邊打江山。當一個社會以呢啲人做榜樣，咪有希望囉。

三十八，但係，當一個社會，個個候任班長都以為自己叻過之前個件，咁咪仆街囉。我都幾肯定，林鄭以為自己一定叻過老董煲呔同思歪，佢發夢都冇諗過自己咁折墮。個問題出響個制度呀，懵炳！

Instagram: https://www.instagram.com/dw_kid12/

Facebook: https://www.facebook.com/deepwebkid/?modal=admin_todo_tour

訂閱: https://www.youtube.com/channel/UCKC6E5s6CMT5sVBInKBbPDQ?sub_confirmation=1

Spotify: https://open.spotify.com/album/2LjUOH9T9j21GiX8jzytu6

異度空間恐怖APP: https://www.youtube.com/watch?v=6PiyPZ3d_Fw&t=12s

首支單曲: https://www.youtube.com/watch?v=UASHWB6Ai9Y

鬼故事: https://www.youtube.com/watch?v=-CfqxuCHq3Y&t=3s

我的成長故事: https://www.youtube.com/watch?v=Kdhtp6A6YJE

我講 '香港' 10,000次: https://www.youtube.com/watch?v=-G4uDe3QUfs

我受夠了, 我的精神困擾: https://www.youtube.com/watch?v=aQ6uxaQhiS4&t=7s

24小時內學印度話: https://www.youtube.com/watch?v=g3EmtyVK1BQ&t=55s

666個恐怖北角鬼故事
北角666個恐怖鬼故事
6個恐怖北角鬼故事
北角6個恐怖鬼故事
香港島北角6個恐怖鬼故事
6個香港島北角恐怖鬼故事

鄰居
我居住在北角. 每一次出門，走出門外的時候，升降機的門便會自動打開。升降機是很舊的，大概有二十至三十年。乘搭升降機的地方很昏暗。有一次我眼見四處都煙霧瀰漫，望了幾秒鐘，就連對面單位的鐵門也看不清，突然有一層好像輕紗這樣的東西向升降機的方向飄走，然後視野就變得清楚了。

這一件事大概在6、７年前發生的
由於北角那麼大廈都是密密麻麻的
所以打開窗戶就會見到對面家裏的人

有一天，我下學回家的時候，大概6點左右
從廚房的窗戶看到對面單位的廚房有一人站在這。
原來是對面單位的男戶主
那一刻我跟他打了一個招呼　笑一笑
然後我喝了個水轉身準備離開的時候
突然想起...
對面單位的男戶主很早已經燒炭自殺了

我回頭再看一次
對面單位已經 「人去樓空」沒有人在這...

—————————————————————————

菲傭鬼故
大概幾個月前我請了一個新菲傭，而這個故事是她跟我說的。在此我稱呼她（菲傭）為啊May。
啊May大概十個月前，第一次來到香港工作，一開始她是安排在北角某大型的屋苑工作，而這一份工作，最主要的是照顧人，有一個患病婆婆、兩夫婦和一對正在讀中學的女兒。
去到這一家人的家裏，見到婆婆是需要用拐杖走路，而且骨瘦如柴，一開始婆婆對她是很抗拒的，啊May每一次去扶她都會被她推開，不會跟她說一句話，啊May只好勤力地做家務，把婆婆房間打理得乾乾淨淨。

兩個月之後，有一天，婆婆突然開聲用英文跟啊May說話，原來婆婆曾受過高等教育是一位退休的教師，而她的丈夫已過世，生前在內地開廠，現在由兒媳打理。
可是聽婆婆說，自從她的兒子開始打理工廠工作，工廠的生意就一落千丈。
他的兒子想賣掉現在正居住的單位，送婆婆去老人院，可是因為婆婆是業主，婆婆不想離開這一間住了20多年和先生留下美好回憶的地方. 婆婆還說，就算要死也要死在屋內，因為覺得先生會回來這裡接她的。
婆婆覺得他的兒子請了傭人去照顧她，其實就是想哄她賣掉單位，所以一開始便不喜歡啊May。

其實啊May都知道家中各人跟婆婆的感情都不是太好，沒有人會主動跟婆婆聊天，還把她當成透明一樣。
慢慢啊May便成為婆婆說心事的忠實聽眾，可是婆婆的身體一天比一天衰弱，婆婆覺得很快便會離開，等待着她先生接她離開的日子很快就到，還千萬叮萬囑啊May，如果他病發時不要打電話求救，好讓她在屋中離開，終於有天早上，所有人都去了上班上學，婆婆突然病發。。

啊May見到婆婆在床上很辛苦，佢走過去問婆婆，替她報警好嗎？婆婆便捉緊啊May的手，搖頭示意啊May，不讓她打電話.
過了一會婆婆合上眼睛，微笑着，窗外突然吹入一陣涼快微風，捉着啊May的手也慢慢鬆開， 這時啊May立刻報警求助，然後再打給夫婦二人，婆婆被証實已過身。

夫婦也趕緊回家，看到婆婆死狀安詳，咀角帶微笑，婆婆是安然離世的，並非因病厭世自殺，單位也不會變成凶宅。
第三天，屋內開始有奇怪事情發生，啊May去清潔婆婆房間，房門突然自動關上，
晚上屋內的燈光會無故閃動，這些都只不過是小問題。

直到婆婆去世差不多半年左右，有一日，男主人打電話回家跟啊May說，一會兒會有地產公司的職員帶人上來看看，待會真的有人上來看，當他們認真在看的時候，主人房和兩個女兒的房間，正當要去看婆婆的房時候，原本房間的門是開着的，可是突然在冇風吹的情況下，突然，「澎」一聲很大力地關上了門！當時全部在場的人都嚇了一跳，那個地產公司職員還問，是否房內有人呢？而啊May說屋內只有她一個人。

那個職員想去打開門，可是完全打不開，那最後只好離開。
到晚飯的時候，他一家人加上坐在啊May上一起食飯，雖然婆婆離開了，可是她平時食飯的座位還放在這，男主人問啊May今天那些人上來看單位的情況，啊May便如實告知，女主人和兩個女兒聽完非常害怕，可是啊May還繼續說着，她經常會覺得婆婆還在屋內，男主人聽到便非常生氣，說要解雇啊May！在那個時候婆婆平常坐的位置，突然住後掉下了，然後所有的燈也熄滅了。嚇到女主人和兩個女兒走出屋外，男主人便走去開婆婆的房間門，起初是開不到的，後來男主人對着房門說，啊May不會聽中文，所以不清楚他在說甚麼，過了一會房門便可以打開了。
第二天早上，男主人便補貼機票和代通知金給啊May，把啊May送去僱傭中心。

在啊May差不多離開的時間，去到婆婆的房間前，在心裏跟婆婆講了一句「再見婆婆」房裏又無故吹來一陣涼風，很溫柔地吹向啊May的臉，就像向啊May道別一樣，之後啊May便寄居在僱傭中心，輾轉到了我家工作了。

——————————————————————————

叮叮
話說在七年前的11月尾左右，下班時，在北角乘搭叮叮到中環。當時我坐在車尾另外一旁的閘門旁邊，那時候天已經全黑了，而迎面經過的另外一架叮叮的司機右邊，有一個老伯身穿黑色唐裝雙手下垂，頭微微向下傾斜往前看。
那時候我第一個反應是，那個老伯為什麼可以不用扶手，念頭剛閃過後那個老伯好像能感覺到這樣，他立即有敵意地看着我！那我自然的反應當然是低頭不敢直視，直到他走過才敢抬起頭，接著看到迎面經過的另外一架叮叮落客，便發現我剛才是見到鬼。。

—————————————————————————

自言自語
22年前，在我中五的暑假，我去了北角一間的酒店做保安員。那時候我的職責是跟其他保安員沒有分別，在大堂站崗、巡邏或到控制室工作。
有一天我上夜班，大概凌晨一點鐘左右。
當我走到7樓的時候，我看到靠近最尾的房間有個住客的門打開了，他站在門口旁邊，當我走到另外一邊時我還看到他站在這，然後我轉身走過去問他需要幫忙嗎？那個男人說沒事，然後跟他說了兩嘴，大概10分鐘左右，巡邏完所有樓層後回到控制室時，突然被主館責備，問我剛剛在7樓的時候到底在做甚麼！？對講機也沒有回應！
然後我便解釋當時有一位客人有時需要幫手，那時候主館面色一沉，然後我們一起看回當時閉路電視片段，我們都嚇到了！當時只看到我一人站在走廊自言自語。。。

—————————————————————————

[真人經歷] 殯儀館上身
今天我一家人去了北角逛街、然後便去了「康怡吉豬島」買東西回家食.
在我們坐計程車的途中，最小的兒子已經很煩躁，姐姐碰一下都生氣。
終於到了家了，大概七點左右、他突然很困. 仍然很不耐煩、不過還是睡覺了。
過了半個小時，他又開始煩躁起來
睡醒後又開始哭，還拉了一點青綠色的屎。接著他哭得越來越厲害、不停地叫媽咪、我的老婆抱著他，他又不斷地掙扎，那時候我感覺到他不是普通的鬧別扭、所以我拿了一道平安符在他身上掃一掃，可惜沒有效用。
而且兒子還開始目露凶光，不斷咆哮。他只有一歲半而已，所以我很擔心他的安全。

然後我給了一串佛珠鏈讓他戴上，可是他推開了，然後我心裏向四面神念着說：如果可以把他們(鬼)請走、我明天立刻去拜祭四面神、最後兒子真的平復了，還有很疲倦地躺在媽媽的身上。
事後老婆跟我說，原來今天我們曾經在北角殯儀館的附近經過、可能因為這樣就見鬼。。

舊式工廈長髮女子
我之前有一份工作，是在北角的一座很舊的工廠大廈裏面工作，它舊的程度是還需要那些 「揸?」的人，用人手開門的那種。

那我們的OFFICE就是整個樓層的，有兩個大正方形中間還有條小巷連接一起的，而我這邊的OFFICE中間有個很大樑柱在這，奇奇怪怪的。那我們2邊做的生意範疇是不一樣的(我的舊老闆是黐著她爸爸的OFFICE 用的)。平時另一邊的人都是很晚才走的，無論那一邊的所有職員離開了, 都需要關掉自己那邊的燈才可以走，不用理會別人那邊。

話說，那天晚上，我加班到很晚，在他們那邊全部的人都走了，還關了燈。即是整座大廈只剩下我一個人在這。沒有人在，那當然要打開機播音樂啦！

好啦，到了11點左右，我明明在聽着陳醫生的歌，怎可能會聽到女人聲音呢？那我就抬高頭，大膽地四處看看，接著。。。我在一個樑柱旁邊.....看到有一個長髮白衫女子飄了出來，當時真的嚇呆了.....

最後，我才發現原來那個長髮女子是另外一邊OFFICE 的人來的，她以為她們的電燈按鈕是在我這邊，所以才一邊打電話問人一邊找電燈按鈕，真的差點被他嚇死。。

【俾下面】黑暴請收手?還我們快樂母親節?‍♂️|高Sir正能量10052020

1. 今日母親節，高Sir祝各位媽咪母親節快樂❣

2. 近日不少黑衣人接連於商場聚集，企圖生事。有黃絲更在網上發起明日母親節多區商場聚集。黑暴大佬請你們收手吧?還我們快樂母親節?‍♂️讓天下母親唞一唞?

3. 一眾黑衣人天天搞搞震，我們市民可以天天忍嗎？支持警方執法！

*守護香港 做個醒目選民至掂檔活動*

因為我們今年非常嚴峻 ，我們建設力量目標要保住35+ ，所以我們一班KOL發起!團結就是力量!希望大家配合支持。

請參與行動: https://forms.gle/Z4sMNs4srLrtE7pMA


#小市民憑良心
#做實事講真相
#男人幫大聯盟
#KOL100
#青年快閃社區清潔大行動
#人間記者會
#青年護旗手

——————————————————
五星正能量? 真係爆哂燈?

請大家幫幫手：

1. 訂閱「高松傑 - 小小人物做小事Jacky」youtube 頻道 (訂閱係免費架) https://youtube.com/jackyko1109 ；
2. 撳?搶先睇
3. 贊好並留言支持；
4. 將影片分享開去。

東網透視：義教窮孩子　讓音樂飄進生命

【on.cc東網專訊】 時下學生仿佛都擁有十八般武藝，當社會批評怪獸家長以無盡的課外堂迫得孩子太緊時，卻有一班基層學童想學而不能學。有幸社會有一班有心人創辦音樂教室，義教深水埗學童學習色士風，讓悠揚的音樂飄進基層家庭，助基層學童實現音樂夢。

為扭轉基層學童「輸在起跑線」的局面，同是色士風教師的高松傑(Jacky)與張志仁(張Sir)，去年年底成立音樂堂慈善基金會，召集一班音樂老師，義務向基層兒童提供音樂培訓。課程從今年7月開始，至今收生20人，他們全是由深水埗新家園協會轉介的基層學生，年齡介乎6歲至10歲。

如此熱心投身義教，原來是有著同樣艱苦的經歷。創辦人兼導師張Sir憶述，小時候家境困難，他16歲已出來工作，當時很渴望學色士風，惟學費昂貴，他只好拼命打工，「做多兩份」以賺取學費上堂，最後成爲色士風老師。他深明想學而沒有錢學的難處，所以一得知有義教課程就積極參加，望將音樂學習薪火相傳。

採訪當天是每周一次色士風教學時間，數名穿着校服的基層同學匆匆趕來，比上堂時間提早近10分鐘到達，一坐下就急不及待地拿起比他們還重的色士風演奏，態度積極。雖然現時演奏的聲音仍是稀稀落落，但對於只學了數月時間的初學者來説，已是一板一眼很不錯了。

7歲的阿Yan是義教班學生，她自豪地向東網記者分享，剛學會吹奏童謠「Mary Had a Little Lamb」，「跟住會練下一首Silent Night，聖誕節會演奏」。被問及平時家中沒有樂器如何練習時，阿Yan這樣答道：「色士風太貴了，媽咪冇可能買」，她平時會根據老師教導的方式練氣，用口吹起手上的紙巾，紙巾吹至維持水平線十多秒，假日則到新家園借用色士風練習，珍惜學習樂器的機會。

「見到同學們一天一天的進步，這種滿足感已經大過金錢所給予的一切」，Jacky說，未來義教班會走進社區表演，如荃灣大會堂匯演以及平安夜旺角街頭報佳音，讓同學從中建立自信。基金會未來亦會多作推廣，與更多的慈善團體合作，推行區區義教。

http://hk.on.cc/hk/bkn/cnt/news/20161203/bkn-20161203085931389-1203_00822_001.html

#音樂堂 #音樂堂慈善基金會 #色士風義教 #用音樂扶助基層 #用關愛服務社群 #小小人物做小事