[bfmurmur1611] 回應返 #gfmurmur9848 ： 或許大家睇完上述貼文之後，都會覺得我係一個『賤男』，但如果佢所講嘅都係「事實」的話，我諗我都未必會多加回應。 不如借大家幾分鐘，去簡單了解我同佢由相識到相處、以至分手嘅故事啦！ 2018年9月，作為同學嘅我就正正坐係佢隔離，個時都無點留意佢，直至一齊食Lunch，了解佢嘅夢想，知道佢有一個實現夢想嘅心⋯⋯咁講真，勇於追夢嘅人永遠都會發光發亮，所以我先會俾佢吸引住，追求佢同佢一齊。 不過，2星期後我地就嘈咗一次交，為嘅係你背住我去約見前度，就算打開手機睇埋對話你都死口唔認，其實真心想知當時嘅你有冇尊重過我？ 再過多半個月，呢段時間除咗一齊返學放學之外，無論你返工放工定放假都好，你一日入面覆嘅Message都唔超過十句，你話你會改，但直至依家你有冇改到？講真我再主動都好，單向嘅溝通真係可以維持一段關係長長久久咩？ 我都承認我脾氣係大嘅，無論大事、小事，事無大小，我都會同你提出分手，因為我覺得再花時間係大家身上，都唔會見到將來，但你又點對我？ 先係跟蹤我，出現我樓下，屋企門口、後樓梯間，甚至我返工嘅地方，Block你就用133，打我屋企電話，知我一個人係屋企就㩒門鐘，撞我Facebook Instagram account，每分每刻都俾壓力我⋯⋯當你知道我心軟嘅時候，每一次分手你就用上述嘅手法去對付我，去『挽留』我。 直至2019年1月1日，我同你發生關係之後，你就更加理直氣壯去要我負責任。可能我太On9，以為性可以代替愛，去彌補你同我之間嘅關係，但事實根本就並非如此。 呢2年幾我願意為你改變，但你就依然做返自己。 或者大家都會好奇點解我會唔俾佢搞網店嗰啲，但如果佢係有成就，賺到錢，唔影響學業，我又有乜所謂？事實係佢根本揾唔到錢，用啲淘寶嘢呃幾十蚊，返多日Part time都揾得返咁多錢，仲唔洗蝕郵費、車錢。 你話你想實現夢想，自修2次Dse都近乎裸考，講真你付出幾多你心裡有數，但點解當你一唔搞網店，就會收到Conditional offer，當中有冇關係你自己最清楚不過。 至於你屋企人點樣盜用你資料去借錢，呢啲的確係你嘅家事，但連你都保障唔到自己嘅個人資料嘅時候，我又點知你可唔可以保障到我嘅個人資料？ 當中嘅事我就唔一一道來，但我肯定嘅係我唔後悔去叫你舉報你屋企人、一個至親嘅人都咁對你，你到依家都仲咁保護佢？你仲打算去幫佢還錢咁有愛？ 至於我地分手係必然，呢2年幾我從來無做過任何對你唔住嘅事，反之你應承過我嘅嘢無一樣做到，預期花時間去同我糾纏落去，不如認認真真考慮自己將來應該點做，我都希望你搵到一個對你好同愛你嘅人，只可惜我地今生今世再無緣無份。 係愛令到我地一齊，亦係了解令到我地分開。即使你留住我個人，都留唔到我個心，再自欺欺人都只係幼稚嘅想法，上述嘅都只係簡短去敘述返我地2年間嘅事，當中有幾多我無提及你好清楚，為嘅都係我想保障你嘅私隱，你點對我，我身邊嘅朋友最清楚不過，我唔怪你去Post去講你想講嘅嘢，我怪嘅係你只講對你有利嘅事。 希望你睇到呢篇貼文之後，Take a deep breath，重新開始屬於你嘅人生啦！ P.S Hope everything goes well with you 😊 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

我在大台短暫的日子 一， 入行經過 好多年前我喺大台做過助理編導，亦即係PA。雖然日子非常之短（只係跟咗半套劇），好多嘢都冇親身經歷過（例如一啲特定類型嘅拍攝、海外拍攝、後期製作等），但仍然有唔少嘢可以同大家分享一下，唔知大家有冇興趣？我可能先寫一兩篇，睇下反應。如果大家都想知（而我又唔懶嘅），黎緊呢兩個月有時間，我就寫多幾篇關於我喺TVB工作嘅日子嘅帖文，等大家可以（好片面咁）了解一下喺香港電視台做PA究竟係咩一回事。 第一篇，講吓入行經過。 唔知有冇讀者有興趣去大台（又或者其他電視台/媒體）做PA，又或者大家第一個諗到嘅問題就係，究竟係點樣入行？使唔使讀啲咩專門學科？定係等電視台出招聘廣告呢？個答案係，其實我都唔知！我好好彩，係有人介紹入去，所以正式PA招聘渠道我係無經歷過嘅。而且，當年我嗰個時代背景有啲特別，我一陣再講，我係完全唔知道而家大台請PA 有冇咩requirment、需求大唔大等等。 我嘅入行經過要由演藝學院嘅一個外展課程講起。當時我開始鍾意睇電影，但又唔肯定自己係咪同時鍾意做創作。我見APA 有搞一啲外展Course，有兩個同電影有關，一個係陳慧教嘅「愛情電影」；另一個係龍文康教嘅「電影編劇基礎班」。都係名字上嘅分別啦，前者好似唔太似我想讀嘅野，後者好似比較直接啲同創作有關，所以我就報咗後者。 係嗰班入面有各式各樣嘅學生，包括有啲想教自己學生寫作嘅中學老師、有啲有志投身電視電影嘅年輕人（有一位真係做咗網絡作家＋電影導演，佢套戲好似已經拍完，排緊期上映，）、亦有啲真係純粹黎當讀吓興趣班嘅朋友。而其中一位學生係TVB嘅前PA，大家熟落咗之後，佢問我地有冇人有興趣入去大台做PA，咁難得有個咁容易入行嘅機會，梗係做啦。我（仲有一兩個同學）即刻畀資料佢，佢幫我地聯絡TVB嘅HR，好快我就收到電話約面試。 與此同時，上文話我嗰個時代背景有啲特別，特別在於HKTV正正就係嗰年成立。王維基嗰陣喺八大院校招FG，雖然我畢咗業返緊工，亦唔係八大出黎，但見機會難逢，都射咗波潛入港大個招聘會度扮HKU學生。招聘會當日，王維基講完啲開場白（即係佢嘅抱負云云），做咗個Q&A，然後就開始畀我地Group interview。我都唔記得面試內容，但我記得一組8-10 個人，質素好參差。反正應該都係因為自己對電影嘅認識稍稍比在場嘅其他同學仔為高，所以完咗之後，自己都幾肯定會收到follow up call。結果，好快佢地就打黎叫我去第二輪面試。 究竟TVB面試同HKTV面試有咩分別呢？分別真係好大。TVB面試流程係： 入到去填form，之後去見七樓（Drama製作部）HR。印象中佢係無考核過我（唔知係因為本身佢地請PA無乜要求，還是因為我係有人介紹嘅關係），只係問咗我想做戲劇定綜藝，同埋同我講啲「做PA 係好辛苦㗎，不過又唔係好似出面講到咁嘅，仲會學到好多野添」之類嘅說話。我只需要保持有禮貌嘅微笑，加上少少誠懇地點點頭，就搞掂咗個面試，成個過程我估大約10分鐘。 至於HKTV第二論面試，我記得先係有一個筆試，四五條題目畀半個鐘你答，有一條係問「如果去到荒島拍攝先發覺帶漏野，你會選擇點做」之類嘅處境題。筆試之後就係個人面試，面前係三四個監製。首先都係介紹下自己（老媽子教落，呢part 係唯一一part 你可以暢所欲言，大騷 quali嘅環節，如果講得又詳盡又好，一來可以畀到一個好好嘅first impression 對方，二來可以用盡interview 時間，減少打後對方問你啲鬼咁艱難問題嘅機會，所以呢，識得介紹自己真係好重要），然後佢就問吓你點解想做PA，知唔知PA職責，然後就深入啲問吓你有冇咩片種你唔想拍等等（我答咗古裝同Sit-com，因為前者製作水平越來越求其（嗰幾年係特別多穿崩野發生）；後者則千篇一律（我由細到大都好憎睇Sit-com，係直到後來開始睇外國sit-com，先知原來sit-com 可以咁好睇））。面試超過30分鐘，監製話覺得我好好傾，未試過同人in咁耐。佢覺得好係一個好好嘅candidate (well, of coz LOL；其實更大可能係因為一啲真係讀電影嘅畢業生，又點會去in HKTV/ TVB 吖...), 但同時Over-qualified, 驚我留得唔耐（嗯，結果都係吖），所以要考慮吓。 最後，兩間都有請我，但我揀咗大台。首先係因為，HKTV畀offer 我畀得遲，我已經喺大台返咗成個禮拜，所以就無謂又轉。二黎，嗰時HKTV係超級新，新到連廠房都無。而大台有齊晒配套，亦有系統。如果新人學野，好似都係大台好啲，所以我就決定拒絕咗充滿朝氣嘅HKTV，而選擇入TVB。當然，幾個月後嘅我就會知，原來點揀都好，我都係做唔長。哈哈。 入行經過大概係咁。下一篇應該無咁長，可能會講吓返工第一日嘅事。 利申：以上都係好個人、好片面、好短暫，而且歷史久遠嘅經歷，並不代表所有PA嘅立場同經歷。 （圖片攝於n年前TVB見工日）

前幾篇文章都在分享空服人生，今天來點不一樣的，談談《退役空服員的心態轉變》🤝👩🏻‍✈️✈️💨 當你面試後得到入職通知之後是不是都會考慮其中的優缺點最後才做選擇❓❓ 收到公司offer，當時的我也十分掙扎 我會當一輩子的空服嗎❓若簽約5年約當結束之後重新找工作還來得及嗎❓更別說到今年遇上的疫情，航空業大低潮🚑 也曾經很納悶飛行的生活，每天做重複性的事送餐收餐，是有什麼熱情讓我們堅持飛下去❓ 💠有些退役空服員也在新領域也做的很好，也有空服員熱愛自己的工作一路到退休，最重要的是否一直保持有目標、有熱忱的心❤️不斷累積競爭力👍🏻 人家說考上很難，但放棄更難不是嗎？ 我從不遺憾，我有努力實現夢想，接著思考未來的發展，我不後悔中間過程中學到的經驗🧩 Stay positive, work hard and make it happen. #空姐 #空姐美女 #漂亮空姐 #清純空姐 #華航空姐 #復興空姐 #國泰空姐 #日航空姐 #虎航空姐 #新航空姐 #長榮空姐 #空姐搭訕 #搭訕空姐 #追空姐 #愛空姐 #飛機 #航空 #nipponairways #台湾の女の子 #可愛い #台湾美人 #台湾可愛い #全日空#emirates #sq #singaporeairlines #新加坡航空 #cabincrew #CA #flightattendant