《無異之地》惡夢島（完）
　
其實我可以救到佢的。
　
無論係阻止佢開槍，抑或開槍後嗰短短幾秒鐘嘅關鍵時間。只要我願意出手，或者喺呢一刻，731號依然可以活喺呢個世上。
　
但我猶豫了……而猶豫，令我錯失咗兩次機會。
　
「唉，」我嘆咗口氣，彎低身幫佢合返埋雙眼，「點解你臨尾都要送一條難題俾我？」
　
假如換轉係你，你會願意犧牲一個人，去拯救更多嘅人嗎？
　
731號選擇咗犧牲自己。
而我，亦喺一瞬間選擇咗犧牲佢。
　
我當然可以話，就算救咗佢，佢離開呢度之後都會過得生不如死，孤獨而無助咁去面對呢個世間嘅「惡」。而我亦都冇辦法擺出一副好似明白佢嘅表情，叫佢勇敢去面對……
　
但呢個都只係冠冕堂皇嘅藉口，我心裡面明白，更大嘅原因，係我放棄唔到自己嘅「願望」。
　　
＝＝＝＝＝＝＝＝＝
！！！記住睇到最後，有嘢想講！！！
　
《惡夢島》連載中：
https://www.facebook.com/pg/Echo.of.Heart/photos/?tab=album&album_id=1861298627335278
　
《惡夢，藏在門後》全集：
https://www.facebook.com/pg/Echo.of.Heart/photos/?tab=album&album_id=1342167935915019
　
《極樂謊園》全集：
https://www.facebook.com/pg/Echo.of.Heart/photos/?tab=album&album_id=1736011713197304
　
【廣告時間】《無異之初》、《時間守衡者》、《絕命上映》、《絕望走廊》、《絕無轉機》各大書局有售！
＝＝＝＝＝＝＝＝＝
　　
「你只係再一次證明我係幾咁自私。」我用火機點著一支荒靈木，再掉到731號身上，隨即燒起一場烈火，「兄弟，將來見喇。」
　
之後，我繼續行，一直行。穿過迂迴曲折嘅天橋、走過一式一樣嘅大廈。唔知行咗幾耐，我終於嚟到一條窄巷嘅某道門前。雖然外表睇落好似通去垃圾房咁，但門嘅另一面實際上就係成個惡夢島嘅中心──「魘」。
　
然而，就係我伸手準備開門嘅一瞬間，窄巷嘅另一邊盡頭突然傳嚟一把男聲：
　
「無二，我哋果然冇估錯，你真係喺度。」係清理小隊嘅隊長Match，而399號呢刻就喺佢旁邊。
　
「原來你哋死唔去，」我平淡咁回應：「真係可喜可賀。」
　
「呢段路的確係好驚險，我哋只係大步檻過，但275號同664號就冇咁好彩。」
　
「咁嗰個後生仔呢？」我詐傻咁問，睇嚟佢哋並唔知731號嘅情況。
　
「如果你係指731號……以佢嘅能力，應該係冇可能撐得過。」
　
「明白。」我轉身望返道門，「放心喇，等我搞掂門後面嘅核心之後，呢場惡夢就會結束……」
　
「等陣！」399號喝停我，「我哋已經搵到控制室嘅實際位置！」
　
「控制室，你指嗰座焚化爐？」
　
「唔係，係真正嘅控制室。」Match回應：「我同399號研究過仲有修復嘅可能，只係需要你嘅幫手。」
　
見我冇回應，399號再接住講落去：「喂，你唔係唔記得咗自己嘅任務呀？」
　
「我當然記得。」我合埋雙眼，腦海隨即閃過如初、Abraham博士、嗰一對男女、仲有731號嘅臉頰，「但我改變咗主意。」
　
就喺我講完嘅一瞬間，現場嘅氣氛突然出現微妙嘅變化。唔單止Match同399號嘅情緒，呢種變化仲遍佈窄巷嘅各處……粗糙而明顯。
　
「我可能聽唔清楚，等我確認下，你嘅意思即係打算直接消滅『魘』，唔會同我哋過去控制室？」Match換個嚴肅嘅語氣問。
　
睇嚟，佢哋兩個事前已經做好晒準備，喺窄巷預設好攻擊程序。假如我唔聽佢哋指示，就算霸王硬上弓……
　
「冇錯。」
　
但如果佢哋以為咁做就可以成功，又未免太過天真。所以只可以假設佢哋仲有其他隱藏手段……
　
聽住喇，永遠唔好低估對手，就算異能等級只有五或者六，都可能會擁有令人意想不到嘅殺手鐧。何況佢哋嘅目標並唔係殺死我，所以難度一定係稍為低啲。
　
「你應該知道，呢度嘅命運係同仇小姐連成一線。」Match威脅道。
　
「我當然知道，所以咁重要嘅事我冇諗住同你哋兩個商量。」
　
「你嘅意思……」
　
「我嘅意思係你哋身上唔止有無線電，仲有監視器。」我指向自己腦袋，「唔好當我白痴，我一早知道成段路程佢哋都喺度食緊花生。我有冇講錯呀？船上面嘅各位。」
　
今次Match並冇即時回應，等咗陣先喺袋裡面掏出一部無線電。再過多幾秒後，隨即響起青鹿把聲：
　
──啊，不愧係無二先生，就同我哋嘅BOSS一樣，真係無所不知。
　
「青鹿，呢段旅程咁精彩，應該夠你哋飲幾枝紅酒啦？」我回應。
　
──唔好講笑喇，我哋係認真做事嘅人，點會喺呢個情況下飲酒呢？
　
「哼。」我嗤之以鼻。
　
──為咗證明我真係冇飲，等我清楚講一次我哋之間嘅君子協定──你哋到惡夢島之後，首要目標係救控制室，肯定救唔返先去毀滅「魘」。只要任務成功，我哋就會將仇雪杏小姐嘅靈魂交返俾你，同時承諾唔會傷害佢……
　
「啱呀，睇嚟我怪錯咗你……」
　
──咁我就唔明啦，點解你會突然改變決定？
　
「因為，成個協定嘅大前題係你哋冇嘢隱瞞住我，但事實你哋有……」
　
──無二先生呀，呢個行動咁多細節，我哋好難每一樣都清楚交代……
　
「我講緊嘅唔係細節，而係最關鍵嘅部份。」我右手一伸，本來仲喺399號衫袋裡面嘅無線電即刻隔空飛到我手上，「我有冇講錯呀，阿杏？」
　
短暫嘅沉默。
　
「你哋全部唔講嘢即係證明我啱啦？」我對住無線電講：「阿杏，唔好扮瞓喇……我知妳喺度。」
　
幾秒後，終於有一把女聲喺無線電裡面傳出嚟，佢用略帶抖震嘅聲線問：
　
──你係幾時知道㗎？
　
「我本來都仲係半信半疑，一直到399號喺假控制室度懷疑我係同妳夾埋。」我望向Match，「隊長，仲記唔記得你當時講咗啲咩？」
　
「我……」Match露出難以啟齒嘅表情，大概係怕再講多一次。
　
「等我代你答埋──你話『冇可能，而青鹿可以保證呢點。』當時我就諗，點解你哋可以咁肯定我冇同阿杏夾埋？照道理唔係應該好合理先係？我哋明明成晚喺酒店房，應該可以傾出一個天衣無縫嘅計劃先係。終於，我腦海叮一聲得到一個答案──唯一嘅解釋，就係你哋先係事先夾埋嘅一方，所以先可以咁肯定。」
　
片刻過後，青鹿用冰冷嘅語氣回答：
　
──大意呀，阿Match，今次真係好大意。
　
「對唔住，」Match聽完即刻道歉，「當時情況太危急……」
　
──我冇怪你，只係怪自己，當初唔應該乜都同你講。無二先生，你講得冇錯，我哋的確係同仇小姐事先夾好。為咗迫你出手解決呢件事，所以先用到苦肉計呢招。
　
「所以請假嗰啲嘢全部都係假嘅？」我追問。但其實我都知道答案，只係為咗更加肯定。
　
──唔係，全部都係真。
　
今次回答嘅係阿杏。
　
──我之所以請假離開惡夢島，係因為我見到惡夢島上面嘅實驗者開始組織埋一齊反抗，而且好快就會去到「魘」。但我並冇阻止到佢哋，甚至幫佢哋隱瞞，所以俱樂部班人先完全發現唔到……
　
真相大白喇，頭先博士講嘅時候我已經奇怪佢哋點解會成功。原來答案從頭到尾都係咁直接同單純……因為阿杏就係內鬼。
　
──但我知道自己所做嘅事係瞞唔到「白色秩序」，所以我主動接觸佢哋。只係冇諗到，白老闆會同我直接聯絡。
　
白老闆當然係指白笑燭。既然青鹿冇打斷到佢，即係到現時為止都仲係可以透露嘅部份。
　
「佢冇懲罰到妳？」
　
──嗯，白老闆佢話自己一直都唔鍾意俱樂部做嘢嘅手法。我所做嘅嘢，反而係幫咗佢一個忙。
　
講就好聽，但以我對白笑燭嘅認知，佢點會在乎島上面班人嘅性命？佢肯定係有其他目的……
　
──但既然呢件事係我搞出嚟，就要由我親手處理返，然後……
　
──仇小姐要加入我哋組織。
　
青鹿突然打斷咗阿杏，睇嚟終於到咗唔講得嘅部份了。
　
──當然只係暫時性，因為我哋咁啱有個大工程需要到仇小姐嘅才華。只要佢加入，「白色秩序」除咗前事不計，仲可以保護佢唔怕俾俱樂部嘅人尋仇。
　
之後，就係大家都知道嘅發展。
　
──二哥，對唔住，我呃咗你。
　
「妳知我唔係想要妳嘅道歉。」我冷冷咁回應阿杏。
　
如果你問我呢刻嬲唔嬲，話完全冇當然係呃你哋，但又未去到想反枱殺人嘅地步。而我從來都好識得去利用少少嘅憤怒，去達致我想嘅目的。
　
「青鹿，既然你頭先提到君子協定，咁我又順便講下。記得我喺船上面提過，只要你哋冇嘢隱瞞嘅話，我就唔會亂嚟。但而家明顯係屬於我可以亂嚟嘅情況。」
　
說罷，我一手用力握爛手上嘅無線電，再轉身將手擺喺門柄上面。
　
下一瞬間，即刻有多重攻擊喺四方八面襲來，如同萬箭齊發一樣。但既然我早就知道，當然做好晒防範唔會對我造成任何傷害。
　
「隊長，我哋而家應該點做！？」等到煙塵散去之後，可以見到399號已經舉起槍指住我，枝槍睇落係佢嘅私伙嘢，唔係對「蝕客」用嘅槍。
　
「既然我做錯咗，就只可以將功補過。」Match喺身後拔出一把長劍，「399號，你想走嘅話……」
　
「我唔走。」399號打斷佢，「其實我一直都睇佢唔順眼，而家正好有機會……」
　
「教訓我？」我冷笑一聲，用不屑嘅表情接埋下一句『就憑你哋？』，「Match，我仲記得你喺控制台講過嘅嘢……」
　
我邊講邊用萬變紙變出一把軍刀，同Match喺控制台遞俾我嗰把係一模一樣嘅款式。
　
「既然你咁想見識，我就喺度成全你！」我怒聲道，正準備落刀嘅一刻……
　
──夠喇！停手！
　
青鹿氣急敗壞嘅聲音再次喺Match嗰邊傳嚟。
　
──Match，399號，由得佢喇。任務雖然重要，但人才一樣重要。你哋兩個今次表現都好出色，唔值得喺呢個位置犧牲。何況BOSS都唔想組織同無二先生嘅關係搞到咁僵。
　
「但係……」Match明顯已經豁出去。
　
──夠喇，呢個係命令。你哋走喇，船已經泊咗喺碼頭，你哋知道位置……等佢毀滅咗「魘」先走就嚟唔切。
　
「喂，聽落你哋好似冇諗住俾我上船？」我笑住問，同時收返埋把刀。
　
──我都想預埋你呀，但時間真係夾唔到，你只可以自己搵方法返去喇。仇小姐，最後喇，有冇嘢想同無二先生講？
　
──二哥，之後再見。
　
對話結束後，Match同399號兩個即刻離開現場。而我都爭取時間開門，盡快摧毀「魘」嘅話，或者仲可以厚住臉皮去搭個順風船。
　
門後面係一條通向深處嘅長樓梯。雖然已經加快腳步行，但結果都行咗足足三分鐘先到底……
　
底層係一間類似實驗室嘅場所，二百呎左右唔算好大。可以見到一邊牆身掛咗好多張合照──我認得出Abraham博士，而佢旁邊嗰位小女孩，隨住唔同嘅合照慢慢成長為婷婷玉立嘅女人……雖然冇親眼見過，但應該就係博士嘅親生女。
　
就算俾自己個女背叛，去到最後……佢都係依然疼愛住佢。
　
「唉……」
　
有人一生都得唔到父愛；有人卻擁有而從來唔識得去珍惜。
　
嘆息咗幾秒後，我轉身望向整個實驗室「靈力」最重嘅物件──今次係一張即影即有嘅菲林相，相入面有一班人：包括Abraham博士、如初、仲有惡夢島上面其他嘅倖存者，佢哋每一個人都笑得好開心，應該係喺派對中途影低……
　
我反轉張合照，可以見到背面寫住：
　
　
【致美夢來臨的一天。】
　
　
「終有一日。」
　
我用軍刀喺食指上面劃咗一刀。然後合埋雙眼，專注毀滅依附喺菲林相上面嘅「魘」，從而保留住本體。就喺「魘」嘅氣息完全消失嘅一瞬間，成個島開始猛烈搖晃起嚟……
　
「之後……」我望返去樓梯嗰邊，呢個狀態下想行返上去本身已經一件難事，「先係最麻煩嘅部份。」
　
但再艱難，痛苦都會過去。
黑暗過後，總會見到光明。
　
安息吧，各位。
安息吧，731號。
　
接住落嚟就交俾我。
　
*
　
*
　
*
　
【仇雪杏視角】
　
自從惡夢島事件得到解決，我可以名正言順咁返番香港之後。我幾乎每晚都會落酒吧，只為咗等一個人。雖然每次逗留嘅時間唔算好長，但我知道的……佢會出現嘅話，就算我只係留一分鐘佢都會出現。
　
轉眼間就過咗一星期，嚟到十月八日（星期二）。
　
「靚仔酒保，唔該再嚟一杯Manhattan（曼克頓）。」
　
「但呢杯……」男酒保注意到我上一杯只係飲咗少少。
　
「收咗佢就得，因為已經暖咗……飲落零舍苦。」
　
其實我當初只係諗住飲一杯就走，但結果一個電話打嚟，傾傾下就冇咗件事。
　
「好好好，等我幫妳整過。」
　
酒保正想收走杯酒，但突然有人出現喺我身邊同佢講：「唔洗收走喇，杯Manhattan俾我……你整多杯Cosmopolitan（大都會）俾呢位小姐就得。」
　
「吓？」酒保愕然。
　
「你照佢說話做就得。」我微笑住同酒保講，然後同旁邊嘅男人講：「二哥，我等咗你好耐喇。」
　
「妳明知自己唔飲得Manhattan仲要格硬叫。」二哥無奈咁講。
　
「因為我掛住你呀。」我毫不掩飾照直咁講：「每次飲一啖，就好似可以體會到你飲嗰刻嘅感受。然後，就會覺得你好似喺我身邊咁。」
　
「如果唔係架船走得咁快，我應該一早就喺妳身邊。」佢怨恨咁講。
　
「咁你最後係點返嚟？」我瞧咗眼二哥雙手，上面並冇任何傷痕。當然可能係已經好返。
　
「講起就辛酸，我要衝去碼頭搵架細艇仔，然後用木棍慢慢划出海……」
　
「唔係啩！？」我好驚訝，「划！？」
　
「最衰都係因為妳個結界，就算惡夢島毀滅咗都仲未消失，」二哥繼續埋怨：「結果我要一直划出結界外面，再等到有漁船經過帶我去最近嘅城市。仲差少少俾人當係偷渡客，好彩有朋友趕得切嚟接我……唔係隨時幾個月都返唔到嚟。」
　
「明明，只要你願意一定可以更加快返到嚟。」
　
「就當係多個人生體驗呀。」二哥笑言：「而且，都可以俾啲時間我哋兩個冷靜下。」
　
之後係短暫嘅沉默，直到酒保將新酒送上嚟，我先開口講：
　
「二哥，我咁對你，就算你嬲我都好合理。我都唔會奢望你可以原諒我……」
　
「所以妳冷靜完都係得呢個結論？」二哥表情略帶失望，「阿杏，識咗妳咁耐，我知道妳唔係咁蠢嘅女人。」
　
我聽完不禁睜大雙眼，然後微笑住講：「二哥，你之所以願意上呢個當，係因為你想我報答你。」
　
「而家就正常得多喇，睇嚟喺病房嗰陣妳果然係扮瞓。」
　
「我當時仲期待你會錫上嚟。」我拎走酒杯底嘅杯墊，再喺手袋裡面拎出一枝筆，喺上面寫咗一串數字，「二哥你總係唔知女人想要啲咩。」
　
「的確唔知。」二哥接過張杯墊，然後將我飲剩嘅Manhattan一飲而盡，「所以妳今晚都只可以陪自己……」
　
「因為你有緊要事做。」我點點頭，「明嘅。」
　
「多謝妳嘅『密碼，我行先。」二哥企起身準備離開，本來已經行咗兩步，但又突然轉頭望返過嚟，「阿杏，下次……」
　
「下次？」見佢講講下冇講，我皺起眉頭問。
　
「下次唔好搞到件事咁複雜喇，直接啲……」
　
　
「只要知妳有事，我就會嚟救妳。」
　
　
望見二哥難得帥氣嘅眼神，我內心不由自主咁產生悸動，心撲通撲通咁加速跳動。假如可以嘅話，我真係好想衝過去從後攬住佢，話俾佢知我內心嘅痛苦同寂寞。
　
但我知道唔得……因為呢度並唔係屬於我哋兩個嘅地方，而家亦都唔係合適嘅時間。
　
等到二哥離開之後，我重新拎起手袋裡面嘅電話。因為二哥嚟得太突然，所以我並冇收到線……
　
「喂？」我先確認對方係咪仲喺度。
　
「有個願意為妳赴湯蹈火嘅男朋友真係好呀。」男聲回應。
　
「你知道我同二哥唔係呢種關係。」
　
「明嘅，而家啲後生仔女嘅感情世界就係咁複雜。點都好喇，妳頭先冇收到線，呢個決定非常明智。妳忍住冇同佢講……亦都非常聰明。」
　
我聽到呢度手不禁顫抖一下，如無意外……對方肯定注意到呢點。
　
「但二哥佢，應該都察覺到你嘅存在。」
　
「我就係想佢注意到呀。」男聲講：「等佢知道妳仲未解除危機。仇小姐，妳要知知道，入『白色秩序』裡面做內鬼，並唔係一件容易嘅事呀。」
　
對，其實從到到尾，惡夢島事件都係一個佈局。而佈局者，就係呢位自稱袁先生嘅人。
　
我作為一個知名嘅結界師，假如主動要求加入「白色秩序」，佢哋肯定會覺得事有蹊蹺。但若果係「帶罪而加入」嘅話，就係另一種講法……
　
所以，我一直按照袁先生嘅指示，引發惡夢島災難。再等「白色秩序」嘅人親眼見識我嘅結界技術。為咗更長遠嘅利益，佢哋係唔會殺死我，而係招攬我……一切都如袁先生所料。
　
「但都係多得袁先生你，我先可以連白笑燭都瞞得住。」我回應。
　
「瞞得住？咁又未必。」袁先生笑住講：「就算妳捱得過佢嘅『讀心』，佢都唔會真心相信妳……只可以講，各取所需喇。」
　
「咁我下一步……應該要做啲咩？」
　
「照佢哋說話做，直到我下次聯絡妳。仇小姐，為咗我哋嘅『共同願望』，記住要萬事小心呀。」
　
嘟──收線之後，我總算可以鬆一口氣，但雙手依然係不斷咁震緊，連酒杯都拎唔穩。
　
曾經有人話過，「極樂園」嘅園長陳瀚洋以及「白色秩序」嘅白笑燭係影子世界裡面城府最深嘅兩個老孤狸。但計我話，真正老謀深算嘅人，永遠係藏喺最深處，就算到割喉一刻都唔會意識到佢存在。
　
我甚至有懷疑過，當初路易斯俱樂部之所以睇上惡夢島，可能都係佢安排。
　
一切，都只係為咗佢嘅大計。
　
而為咗我嘅「願望」，我選擇咗同呢個惡魔合作。
　
「二哥，對唔住喇。」
　
我嘅事……暫時都只可以繼續複雜落去。
　
*
　
*
　
*
　
【韋家聰視角】
　
──叮噹叮噹──
　
我喺房間裡面聽到外面嘅門鐘聲，正諗緊係邊個咁夜上門。幾秒後，熊哥打開門同我講：
　
「聰仔，」熊哥一臉厭惡嘅表情，「又係嗰個男人……」
　
「你指無二？」我激動咁彈起身，然後毫不猶豫咁衝出房間，見到無二就企喺閘後面，「你到底去咗邊？點解而家先返嚟……」
　
「我走咗成個禮拜，睇嚟你應該嬲完啦？」無二打斷我，「嬲完就換衫，我哋要去一個地方。」
　
「吓？」
　
「唔好吓啦，我哋冇咩時間……個密碼凌晨十二點就會改，快啲去換衫。」
　
雖然唔知發生咩事，亦都唔知佢所指嘅「密碼」係咩，但我都係照佢說話做，即刻入房換衫。呢刻時間係夜晚嘅十一點。
　
「我哋要去邊？」閂好閘門之後，我問無二。
　
「去九龍城寨。」無二回應：「正確嚟講係『城寨幫』，我哋要偷偷入去搵一個人。」
　
「搵邊個……」
　
「凌永岳──『城窠幫』嘅少幫主。呢個世上只有佢有能力解決到狄陀。」
　
「但點解……咁突然嘅？」入到𨋢之後，我再問。
　
「因為我突然諗通咗。」無二微笑道，「有時等唔係辦法……」
　
　
　
「適當嘅時候就應該主動出擊。」
　
為咗，一班曾經犧牲過嘅人而戰。
　
《無異之地》完
　
　
第三部──《無異之局》（暫定）
　
　
完故啦！睇完又鍾意嘅朋友記住留個 LIKE，同埋幫手分享開去呀！另外，記得睇埋下面……有個全新計劃試行中！
　
－－－－－－－－－－－－－－－－－
【地方的無默媽資助計劃】（試行中）（非呃嬲 post）
　
呢個計劃其實上年年初已經構思緊，但因為遇上反修例運動，覺得唔係適合嘅時間所以就一直擱置，結果到今年就撞正武漢肺炎。嚴峻疫情下，大眾書局突然宣告結業，令我下定決心要推出呢個計劃。
　
其實喺香港寫作真係好難，之前喺唔同場合都提過，作者透過賣書得到嘅錢真係好少好少。呢點絕對唔係出版社同書局嘅錯。講到底，一本書賣出去，最大筆錢係落咗去地產商身上。所以喺呢個大環境下根本培養唔到作者，一係要兼顧正職結果寫得太慢漸漸被淘汰，一係就主力寫但最後慘到要靠光合作用嚟維持生計……
　
所以我見到好多唔願意放棄嘅作者都開始轉型，一係自己賣書寄書、一係換個平台發展、一係直程轉第二種模式創作。而我暫時都係想寫，堅持寫落去。
　
有時見到讀者們話想支持作者，心裡面都會忍唔住覆一句：最好嘅方法，其實就係直接資助。既然遊戲平台可以資助，拍片嘅平台可以資助，點解寫作唔得？大家都係提供娛樂，無理由有呢種差別待遇。
　
而家大眾書局結業，大型書局其實就得返嗰幾間，而小型書店本身都經營困難。可以預見將來作者嘅生存空間只會越嚟越細，加上疫情持續落去書展隨時可能搞唔成。可以嘅話我都唔想用到呢種方式，但現階段……只想努力掙扎求存。因為我真係鍾意寫故事，好想一直寫落去。
　
而呢個計劃，就係基於以上種種理由出現。
　
放心，資助並唔係強迫性，有困難而資助唔到係絕對了解、剩係想買書支持亦都絕對歡迎。我唔會因為冇讀者資助而罷寫，亦唔會突然有篇故要畀錢先睇到（呢個平台都做唔到呢個效果）。當然，資助得多絕對會加速寫作速度。而資助金額係隨心而定，即使係一蚊都可以，只要有心就得。
　
當然，我都研究緊一啲方式答謝資助得多嘅讀者──例如聖誕送下聖誕卡、間中送下小禮物、甚至研究緊用資助嘅錢去整廣播劇、桌遊嘅可能性。但因為而家只係試行階段，唔想亂咁開空頭支票，有進展一定會即刻通知大家！
　
暫時只提供 payme 同轉數快兩個平台，會睇情況再考慮其他資助方式。再強調一次，資助唔係強制性，一蚊可以、繼續免費睇都得。只要有心，平時肯留個 like 分享下我都已經心滿意足了。
　
Payme 連結：
https://payme.hsbc/echoofheart
　
轉數快 FPS ID：6065460
　
p.s. 資助咗嘅讀者最好留句支持說話～方便整理，可能將來送聖誕卡有用！
　
IG：echoofheart

【武漢肺炎防疫抗爭基金】

成立目的：
「武漢肺炎防疫抗爭基金」是專為僱員在武漢肺炎疫情影響下，因參與防疫抗爭的集體行動而產生的經濟、法律及活動開支等各方面的支援（詳見用途規定）。

用途：

在武漢肺炎疫症影響之下，因政府、醫管局或其他機構僱主未能有效抵抗疫症蔓延及保障公眾健康，僱員採取了集體行動，包括罷工、抗議或其他活動，而引致了財政及收入損失，並符合以下情況：

該些財政或收入損失是由於僱主針對參與集體行動的僱員，被僱主作出任何解僱、停職、降職或報復行為而引致；

所提供的財政支援或補助不應超過三個月的平均入息（每月平均入息以有關人士過去12個月的平均收入計算），但醫管局員工可獲之每月資助不多於相關職位的工資中位數，而非醫管局員工可獲之每月資助則不多於政府統計處公佈的全港工資中位數；及

有意申請支援或補助的僱員，必須是以工會會員身份參與集體行動，方可符合資格。

二）資助或撥款支持因政府、醫管局或其他機構僱主未能有效抵抗疫症蔓延及保障公眾健康，工會組織或工會會員因發起集體行動而產生的各項經費開支；

三）資助或撥款支持因政府、醫管局或其他機構僱主未能有效抵抗疫症蔓延及保障公眾健康，工會組織或工會會員因參與集體行動而產生的法律支援、訴訟或其他相關開支。

信託人：
信託人由合共五位成員出任，組成包括：

兩名由醫院管理局員工陣線委任的代表：余慧明（醫院管理局員工陣線主席）、張嘉祺（醫院管理局員工陣線司庫）
一名由香港職工會聯盟委任的代表：吳敏兒（香港職工會聯盟主席）
一名由律師出任的代表，由醫院管理局員工陣線委任：黃瑞紅（大律師）
一名由其他工會組織出任的代表，由醫院管理局員工陣線委任：鄧卓文（香港資訊科技界工會主席）

捐款方法：
銀行轉賬至由「香港職工會聯盟」設立之基金專用戶口，恆生銀行：295-164578-010。
以支票抬頭「香港職工會聯盟」或「Hong Kong Confederation of Trade Unions」，寄往「九龍彌敦道557-559號永旺行19樓」收，信件或支票背面請註明「防疫抗爭基金」。

海外捐款：
Bank Name: Hang Seng Bank Limited
Branch: Hankow Road Branch, Hong Kong
Bank Address: No.4, Hankow Road, Tsim Sha Tsui, Kowloon, Hong Kong
Remittance Address: 83, Des Voeux Road Central, Hong Kong
Account Name: Hong Kong Confederation of Trade Unions
Acount Number: 024-295-164578-010
Swift Code : HASE HKHH

注意：如捐款者要求收據，請透過Facebook專頁或電郵與我們聯絡，並提供銀行入數紀錄，惟收據不能作為扣稅之用。

申請方法：申請人士可以循所屬工會組織向基金提出申請，電郵至：warsfund@gmail.com，基金信託人會就申請進行審批及決定批出的款項。有關工會組織須為按本地法律註冊成立的工會組織。

2020年2月7日

網友投稿：

這是我最新的創作「妨害兩岸和平統一」。
能夠喚起大家認知「統戰」這件事正在發生的嚴重性。

如果你是有在Follow時事的大學生。
你應該會感覺到最近的情況有點不一樣。

「統一」跟「台獨」這兩個名詞又再度成為聚焦。

以我自己的立場：
第一、以中國目前的政體，我無法接受統一。
第二、台灣很明顯是一個獨立自主的國家。我們有自己的人民、領土、政府、主權。

「當時你不出來說話，事情發生後你很有可能無法說話了。」

你能想像
你在社群媒體的每一句話都會經過審核嗎？
你走在路上有上千隻電眼在監視你嗎？
我發這首歌，我會被抓去監獄關嗎？

如果你不希望未來台灣步上香港後塵，請多跟你的家人長輩聊聊吧！
同溫層太厚了，請各位打破它！
他們手中也握有選票，告訴他們2020這張選票有多重要！

Ver1
這兩個bar是這首歌的前言
把視窗關了吧 韓粉勸你不要聽
不然你等等變臉覺得我欠扁
又拿我的家人對我人身威脅

現在政治人物開支票 都那麼隨便
嘩眾取寵的口號 總是掛在嘴邊
反正選前承諾也不用兌現
面對支持選民也不覺得虧欠

假扮民眾的演員欺騙人民淚腺
情緒言論堆疊讓民眾盲目追隨
一碗滷肉飯 一瓶礦泉水
結局卻有一億兩千萬政治捐獻

現況還是一樣沒變專案進度落後 全部都在推延
在那張假笑的背面 是一張醜陋的嘴臉
他只是傀儡 操控他的是跨越台海 的連線


Ver2
選舉過了他的消息還是每天
佔據中資新聞台像是無限迴圈
溫水煮青蛙 不驚覺危險
不動一兵一卒就將台灣民主摧毀

民主鬥士 他們走在前面
民主代價 是他們的鮮血
如臨深淵 如履薄冰
一不小心 這些努力灰飛煙滅

在中國一舉一動都被監視
到處都是電眼只能看官方電視
內容要經過檢驗 那樣的生活是戒嚴
民主倒退回七十年前

從現在到明年總統大選前
請慎重思考手中的選票
不要成為殺死民主的罪魁
這是最後諫言
不然民主航班即將墜毀


Hook
這首歌不要成為犯罪證據
1年後我不想要待在監獄
用一首歌揭開史詩級騙局
民主篇章能繼續延續

不想一舉一動都被監視
不想一字一句都被檢視

資料來源：https://www.youtube.com/watch?v=NYDueQcH1x8

官網
https://www.wfsfaa.gov.hk/careandshare/tc/downloadable.htm

【關愛共享計劃】符合六項條件明年2月起可申領$4000！一文睇晒點申請

申請人需於2018年12月31日符合以下資格：

1.年滿18歲

2.持香港身份證（包括新來港人士，但不包括來港工作、求學、接受培訓的香港非永久性居民及其受養人，也不包括以訪客身分來港的人士）

3.通常居住在香港（包括暫時離開香港而在合理預期情況下會返回香港居住的人士，例如出差、留學、求醫，但不包括移居海外人士）

4.沒有受惠於2018-19年度《財政預算案》就綜合社會保障援助（綜援）、長者生活津貼、高齡津貼或傷殘津貼發放的額外兩個月款項

5.無須繳交2017/18課稅年度的薪俸稅

6.在香港沒有物業

備注事項：

1. 至於符合1至4項資格，但須繳交2017/18課稅年度的薪俸稅者，如在香港沒有物業，而所得的2017/18課稅年度的薪俸稅退稅額少於4,000元，可申領4, 000元扣除薪俸稅退稅後的餘額。

2. 如果市民符合上述第1至第5項資格，但在香港只擁有一所物業作自住用途，同時所得的2018-19年度差餉寬減額少於$4000，就可以申領扣除差餉寬減的餘額。不過，如果市民在香港擁有一所物業而該物業並非用作自住用途，或在香港擁有超過一所物業，則不符合該計劃的申請資格。

索取申請表格：

1.按此下載（於2019年1月21日開始可供下載）

2.於以下地點索取：

i) 在職家庭及學生資助事務處轄下的在職家庭津貼辦事處

九龍觀塘海濱道181號9樓
ii) 在職家庭及學生資助事務處轄下的學生資助處

九龍長沙灣道303號長沙灣政府合署12樓
九龍旺角道1號旺角道壹號商業中心12樓
九龍啟德協調道3號工業貿易大樓5樓
iii) 民政事務總署各區民政諮詢中心

申請表格須聯同以下證明文件一併遞交：

1.香港身份證副本

2.在提交申請日期前3個月內發出／生效的住址證明文件副本，例如水費單、徵收差餉通知單、電費單、煤氣費單、銀行月結單、信用卡帳單或電話費帳單等

3.顯示申請人為帳戶持有人及列有帳戶號碼的銀行存摺首頁、提款卡或銀行月結單等的副本 。該帳戶必須為申請人的個人本地儲蓄或支票戶口。帳戶持有人姓名須與申請人姓名相同。

遞交申請：

1.郵寄至以下地址（記得貼上足夠郵票，並於信封背面寫上回郵地址，按此可計算郵費）：

旺角郵政局郵箱2600號
在職家庭及學生資助事務處
在職家庭津貼辦事處

財政預算案 $4000

遊戲類型：#恐怖 #搞笑 #實況 #生存 #多人 #美女 #美男
PAYPAL直播彈字贊助
https://streamlabs.com/hongkong6429hongkong6429

香港贊助 使用以下圖片到便利店說 i tunes pass 增值
https://scontent.fhkg1-1.fna.fbcdn.net/v/t1.0-9/19437309_456983178008419_6452537168900830196_n.jpg?oh=8c6fb5ee6a3b09fc1228ec16f2fa1eb9&oe=59EE2713

喵喵俠專頁
https://www.facebook.com/catcatcatman/
喵喵俠玩魔靈召喚群組
https://www.facebook.com/groups/664214333715607/
喵喵俠玩【遊戲王 DUEL LINKS】群組
https://www.facebook.com/groups/1396607467056722/
交鋒聯盟 fight league
https://www.facebook.com/groups/1361085637274178/

直播台 逢星期一 08：00PM 未定 10.00喵登熱話
直播台 逢星期二 08：00PM 魔靈召喚 10.00喵登熱話
直播台 逢星期三 08：00PM 遊戲王 10.00喵登熱話
直播台 逢星期四 08：00PM 交鋒聯盟 10.00喵登熱話
直播台 逢星期五 JAPHK 8：30PM 魔靈召喚

以上節目全由youtube直播
不停期請假,敬讀原諒