耐冇出post，之前因為心情不佳。不過食咗海膽開心晒🤣🤣🤣🤣🤣🤣

診所係疫情底下嘅低能措施，搞到我哋日日俾人鬧。膠層只會鬧埋一份，龍門任佢搬。做又錯唔做又錯。唔會覺得係啲客無理取鬧，總之乜都係你錯晒。仲要白紙黑字話你哋冇常識，唔專業。

例如有個客個5歲囡想睇牙痛，但係佢張醫療咭唔包睇牙。電話提咗佢10萬次佢要比cash冇得Claim保險，死都要黎，死都唔去睇牙醫。個女痛到擘唔大個口，我仲跪喺佢面前慢慢繼續𠱁佢做檢查。最尾睇完同佢講而家食住止痛藥不過你都係要去睇牙醫。佢條氣唔順投訴我，當然經理話都係你錯。我覺得我睇個症都算細心囉～ 你個囡咁辛苦你都唔帶佢去睇牙醫你係一個超級衰嘅老竇囉。仲要拖幾日，我告你虐兒都得啊，仲喺度發老脾！去睇牙醫啦咁得閒投訴！🤯🤯🤯🤯🤯

我都唔明點解一個冇醫學背景嘅經理（AKA高級秘書仔），連MMRV疫苗代表啲咩你唔知，流感同感冒你唔識分，覺得子宮頸癌疫苗一針咭落去啲血會好似兇案現場咁，標到爸爸聲周圍都係，你都可以妹仔大過主人婆，話我地冇帶腦返工🤔？你咁叻你幫我睇症你做埋佢好唔好！ ？到時睇吓啲客會唔會鬧你？

我地係壓力底下爆煲。裝備又唔夠，又擔心感染屋企人，膠層係又鬧唔係又鬧，啲客無無聊聊都仲係要死過嚟睇醫生。所以我地忍唔住月頭同膠層開會互片。我一早知係冇結果，不過D7下都好呀，鬧完起碼心理平衡少少囉。經理當然唔會因為D7完就有改善。咁多年都係咁膠，隔一兩年我就會同佢開片。平時佢都好快見我顛顛地就會收聲。佢更年期咗脾氣真係差啲，又翹手又反白眼又唉聲嘆氣，簡直撩交嗌。老細係我地兩個女人中間周旋，周圍失敗地撲火頭。其實旁人睇到都幾好笑，一地花生殼。

不過至少鬧完呢一兩個禮拜佢有扮收斂，態度會有DD咁多多改善。跟住Office啲人就好驚我哋，個個講嘢極度有禮貌。全部WhatsApp message都加返🙇🏼‍♀️🙇🏼‍♀️🙇🏼‍♀️🙇🏼‍♀️🙇🏼‍♀️。當然直到大家慢慢淡忘之後，同我哋講嘢又會係奴隸式咁樣落order同問罪。

Another (bitching) cycle begins.

***

每日見到大女同孖B，覺得佢哋會無條件咁樣舔你、歡迎你、對住你笑。覺得呢個世界上好多煩惱都可以暫時拋諸腦後。

當然最好食多幾次海膽會開心啲 🤣🤣🤣

#有冇得R檸檬茶sponsor
#維他低糖檸檬茶
#dayday飲
#30萬盒Thx
#戴口罩帶到咁作死你地