🏰日本迪士尼樂園 | 新品預購🛒

▪園區限定 微笑造型口罩 系列

防疫日常好辛苦，很需要療癒一下♡
迪士尼人物 #米奇 #101忠狗 微笑造型口罩
可阻擋飛沫防護效果的布質抗菌口罩
剪裁設計貼近臉部弧度，不垮拉
彈力耳掛紐扣可依個人喜好調節長度
根據臉型適度調整彈力
讓您配戴一整天都舒適
可重複洗滌也非常環保
對了~
米奇造型也同步推出兒童款式唷~

🌴#達菲和好朋友們 #2021達菲夏季新品
🐻🐢周邊新品全收錄、趕緊來看看
https://www.facebook.com/140959439306526/posts/3992003214202110/

꙳𖤐更多 #2021日本迪士尼樂園新品 持續預購 👇
https://m.facebook.com/MorningWorld/photos/?tab=album&album_id=3800014203401013&mt_nav=1

🏠.*･ﾟ門市地點/營業時間.*･ﾟ
ㅤ ⌒⌒⌒⌒⌒⌒⌒⌒⌒⌒⌒⌒⌒
🏡高雄市前金區文武三街186號
(大立精品百貨空橋後方/凱撒琳飯店斜對面)

❗| 疫情期間 | 門市營業時間調整 |❗
🕜下午3：00~晚上8：00 #星期四店休

《無異之局》荒村異聞（十一）

憑住無二嘅妙計，我哋總算用最低嘅武力捉住岳少嘅死黨域少，途中仲俾到機會我同如初報平安，可以話係最完美嘅發展。

揸車揸咗差唔多十分鐘之後，無二帶我嚟到一個人煙稀少嘅窄街。因為時間已經唔早（差唔多九點），所以成條街只係剩低一間鋪頭仲有燈光……

「冇記錯嘅話就係呢度。」無二最後喺呢間鋪頭前面停落嚟，原來係一間文具鋪，「阿聰，有咗今次經驗，下次你需要運屍嗰陣應該可以得心應手好多喇。」

「邊個稀罕呢啲經驗？」我無奈咁講，然後跟住佢落車行到車尾。

「哈哈。」無二邊笑邊打開車尾廂，呢刻域少依然係昏迷當中，「我哋就一人扶一邊，扮到佢好似飲醉咁。」

「嗯……希望樓上唔會有人見到，唔係拍埋片放上網就真係水洗都唔清。」

「到時都係多一班人想捉我哋啫，小問題啦。」無二睇嚟一啲都唔擔心。

我哋小心翼翼咁將域少扶入文具店，一入到去，即刻見到有個滿頭白髮嘅男人趴咗喺收銀台上面，睇落好似瞓著咗一樣……

＝＝＝＝＝＝＝＝＝
上集：
https://www.facebook.com/119295764868915/posts/2188100457988425/

《扮工鬥室》連載到第廿三集啦！快啲訂閱支持啦～
https://www.patreon.com/echoofheart

《荒村異聞》連載中：
https://www.facebook.com/pg/Echo.of.Heart/photos/?tab=album&album_id=2067100083421797&__tn__=-UC-R
《惡夢島》全集：
https://www.facebook.com/pg/Echo.of.Heart/photos/?tab=album&album_id=1861298627335278
《極樂謊園》全集：
https://www.facebook.com/pg/Echo.of.Heart/photos/?tab=album&album_id=1736011713197304
【廣告】《無異之初》、《無異之地》各大書局有售！
＝＝＝＝＝＝＝＝＝

「收咗鋪㗎喇……」但我錯了，嗰個男人突然開聲講：「我只係唔記得落閘……」

我一聽就認得出呢把係老查把聲。然而當佢抬起頭，用睡眼惺忪嘅表情望住我哋嘅時候，我確實係有啲意外……

原來唔止白髮，佢塊臉都係生滿皺眉，顯然係年過六十嘅阿伯，同我之前估計嘅四十歲差好遠……

「你就算落閘都阻我唔到喇。」無二開口講：「老查。」

「哎呀，貴人嚟到又點敢亂阻呢？」老查用奉承嘅語氣講，先起身伸一伸懶腰，再將目光移到我身上，「啊，你一定就係阿聰喇，聞名不知見面，果然係一表人材，後生可畏……」

接住，佢就注意到夾喺中間嘅域少。

「咦，仲多咗個人……你哋唔係啱啱去完乜嘢奇怪嘅酒吧執佢返嚟嘛？」

「唔好玩喇，俾人追殺仲點去酒吧？佢係『城寨幫』嘅人嚟。」無二回應：「我哋有啲嘢需要問佢，所以嚟搵你借個地方。」

「知喇梗係知……跟我嚟喇。」

我哋跟住老查行入店鋪內部，好快就嚟到一道木門前。老查推門後見到另一邊係一間狹窄而且燈光暗淡嘅雜物房，基本上容納兩個人已經非常迫……

然而，就喺我穿過木門嘅一瞬間，眼前嘅景象居然由雜物房變成一個超大（至少有五千呎）嘅貨倉，而且光線充足，同頭先見到嘅雜物房完全係兩個對比。

「放佢喺呢張凳上面喇。」老查隨便喺一邊搬嚟一張木凳，「唔好見呢張凳普普通通咁，其實大有名堂……據說凡係坐落去嘅人都會受到詛咒。」

「詛咒？」無二差少少就放域少上去，但喺最後一秒又抽返佢上嚟。

「一係便秘、一係就生痔瘡……哇，真係講起都覺得殘忍。」

「你有冇一啲正常少少嘅凳？」無二無奈咁問：「你搞到人屁股出事我哋仲點可以好好問嘢？」

「哎呀真係要求多……等陣啦。」

結果搞完一大輪，終於可以將域少放低。為咗做好保障，我哋先用老查提供嘅粗繩將佢綁住……

「呢條繩都唔簡單㗎。」老查喺我哋綁緊嘅時候解釋：「被綁嘅人係冇辦法自己解開，只可以靠其他人幫手鬆綁……」

無二顯然係唔多信，所以綁完之後立即用粗筆喺外圍地板畫咗一條黑色圓圈，然後開始施咒……

「阿聰，你係咪估唔到我係咁老呢？」企喺我旁邊嘅老查突然問。

「吓？」

「你頭先第一眼望見我嘅眼神……實在係太容易睇穿喇。」

「嗯，」見佢主動提起，我都決定老實講：「之前喺電話聽到你把聲嗰陣，我仲以為你係四十歲左右……」

「我的確係四十歲呀。」估唔到佢會咁應：「之所以搞到個樣咁殘咁老，都係因為你老闆無二洗人唔洗本，成日要我東奔西走去幫佢……」

「你唔好聽佢亂嗡。」無二邊施咒邊回應：「佢本來嘅樣根本唔係咁……呢個老伯樣係佢唔知喺邊度偷返嚟用。」

「偷？」我不解。

「呵呵，阿聰，本人除咗係良心商人同中介人，本身都係一個『虛像師』。」老查接住講。

「即係擅長製造假像呃人嘅人。」無二補充。

「因為成日要同唔同領域嘅危險人物打交道，所以為咗保護自己，我係會經常改變外表……而我嘅客人呀，一般都係靠我把聲嚟認出我。」

「搞掂。」無二施完咒企返起身，「我哋就唔浪費時間，即刻叫醒佢喇。」

語畢，佢即刻喺域少嘅面前打咗一個響指。下一秒，可以見到域少嘅眉頭一緊，然後慢慢張開雙眼……

「呢度……係邊到嚟……？」佢抬起頭，一見到無二即刻睜大雙眼清醒過嚟，「係你！」

佢激動到想即刻彈起身衝上去攻擊無二，但因為雙手雙腳被綁住所以唔成功。

「卑鄙小人，用埋啲下流招數玩偷襲，夠薑就同我正面打一場！」域少咬牙切齒咁講。

「嗱，唔好諗住撞親個後腦就扮唔記得，明明我已經直接擋咗你一刀，仲要一招就就將你打暈……」

講到中途域少突然向無二吐口水，但呢啖口水喺半空就好似撞到一道隱形嘅牆壁咁，接住開始慢慢向下流返落地……

「呢個就係結界嘅其中一個用途。」無二轉頭向我解釋：「不過為咗你嘅耳朵著想，我都係建議你盡量唔好行太近……」

「你要殺就殺喇，搞咁多嘢做乜！？」域少咆哮：「反正你呢種人本來就成手鮮血，都唔差在再多一個……」

「聰，都係等你同佢講。」無二思考咗幾秒之後突然將個波拋埋嚟，「咁做效率會高啲，因為我講佢肯定唔會聽得入耳……」

「域少，」為咗件事著想，我當然接受呢個提議，「我知一時三刻要你相信係好難，但我同無二真係冤枉，我哋會盡快搵個真兇出嚟還自己清白……」

「哼，」域少嗤之以鼻，「以佢嘅人脤，要搵條友做代罪羔羊有幾難？」

無二其實想開口應，但最後都係忍住咗。

「唔好再講咁多廢話喇，根本所有證據都指向你哋……」

「例如呢？」我打斷佢問：「我都想知道你哋到底有咩實質證據。」

「九月廿九日。」域少突然講出一個熟悉嘅日子，「即係岳少失蹤前一個禮拜，我哋有線人話見過你哋曾經出現喺『極樂園』，仲同嗰個姓陳嘅老狐狸見過面！」

「哇。」老查聽完都有啲意外，「我都係第一次聽，咁難怪佢哋會將件事扯到你哋身上嘅。」

「老查，你出少句聲就已經好幫到手。」無二反咗下白眼。

我勾返起白笑燭提過，「城寨幫」同「極樂園」呢兩個「異幫」係敵對關係。所以佢哋應該係將嗰日嘅事，當咗喺我哋同陳園長進行咗某個交易……

「點呀，冇嘢講喇！？」域少問。

「我哋嗰日之所以出現喺『極樂園』，只係為咗幫一對情侶……根本就冇同陳園長傾過關於『城寨』嘅話題……」

「我實信你㗎！」域少明顯係講反話，「跟住到十月九日，你哋擅自闖入『城寨』，九成嗰日就已經打算對岳少圖謀不軌……」

「唔係，我哋嗰日搵岳少，係為咗同佢商量點樣對付狄陀！」

「狄陀？」域少皺起眉，「你哋點解要對付佢？」

「因為我身上有狄陀嘅詛咒，而無二為咗幫我，所以先去搵岳少。」見佢好似稍微冷靜啲，我再繼續講落去：「我頭先去過白湖村，仲見到一位叫做蘇子儀嘅女仔……佢同我提起過岳少嘅遺言。」

「遺言……？」

「要解決狄陀，就有必要用到『斷緣玉』，而岳少話只有你先知道……」

「我明喇。」域少突然一臉恍然大悟，「而家所有嘢都講得通……」佢先轉去望無二，「你之前突然離開香港，就係去咗同狄陀接觸，然後從佢把口知道『斷緣玉』呢回事……為咗搶走塊玉，所以你哋先接觸岳少，但岳少唔肯講，所以你哋就殺咗佢……」

「嘩，」老查聽完好驚訝，「呢個後生仔想像力真係犀利，唔係成日打打殺殺真係可以走去做編劇……」

我都好意外，估唔到越解釋反而誤會就越加深……

「先係勾結姓陳嘅老狐狸，再到我哋『城寨幫』嘅仇人……你個衰人！」域少嘅憤怒瞬間去到最高點，一下爆發就將手腳綁住嘅繩全部整斷，繼而企起身用握緊嘅拳頭敲向前面嘅透明結界。

「我方天域發誓，只要俾我返到出去，我一定會殺……」域少本來仲好有氣勢，但越講就越無力，最後失去意識成個人瞓返落地。

「呢個就係結界嘅第二個用途。」無二彎低身確認佢係咪真係昏迷咗，「老查，你頭先仲好意思話條繩唔簡單……」

「九成係冒牌貨！」老查扮到好嬲咁講：「個肥達又用平嘢喺呃我……」

「算喇，證明個結界有用就得……之後點做就再研究。」無二企返起身，「聰，我諗你應該肚餓㗎喇？」

「吓？」我估唔到話題轉得咁快，「嗯……」

始終之前喺酒店都冇食過嘢，加上頭先喺山上面又跑咗幾轉，而家稍微安頓落嚟當然會感到肚餓……

「咁我出去買個外賣返嚟……因為我睇死老查呢度唔會有嘢食。」

「梗係冇喇，呢度賣文具㗎，你估賣雞呀？」老查笑住講。

「我仲可以喺外面再整多層結界以防萬一……聰，再提醒你多次，無論發生咩情況，都千祈唔好行近嗰條友。」

「明白。」

「等我跟埋你去喇。」老查跟喺無二後面，「呢個時間附近有咩好嘢食我最清楚……同埋順便可以同你傾下『老鷹碉堡』嘅事……」

「你居然仲未死心？」無二回應。

「當然喇，呢幾日我係有認真諗過，最多分帳由七三改到六四喇……」

我就係咁睇住佢哋離開倉庫，然後望返去昏迷嘅域少身上……冇諗到，曾經經歷過嘅事居然反過嚟加深咗誤會。

到底呢個僵局，可以點樣解開？

（待續）

為咗十週年作品可以順利推出，要盡快搞掂《無異》嘅連載了～抖咗一排，再寫返的確係順暢好多。

今集主要係介紹返兩個新角色，後面佢哋都會有唔少戲份。希望個專頁接觸率未跌到新低啦～睇完記住俾個 like 同幫手分享開去呀！
　
最後，都係推廣下自己嘅 Patreon：
https://www.patreon.com/echoofheart

第一集（試閱）：
https://www.facebook.com/Echo.of.Heart/posts/2085452518253220?__tn__=K-R
第二集（試閱）：
https://www.facebook.com/Echo.of.Heart/posts/2091293244335814?__tn__=K-R
－－－－－－－－－－－－－－－－
IG：echoofheart

《扮工鬥室》好地地打份工，點會諗到暗藏殺機？（試閱三）　
　
「有命過到呢一關？架叔你到底嗡乜嘢……」
　
「企喺度有啲危險，」架叔打斷我，「你跟我過嚟先。」
　
架叔行去會議室大台嘅另一邊然後踎低，見我冇反應先突個頭出嚟講：「過嚟呀！」
　
雖然我真係好想離開呢度，但對方話晒係我直屬上司，為咗未來嘅錢途打算都係照做比較好。
　
＝＝＝＝＝＝＝＝＝＝＝＝＝＝
前兩回連結：
https://www.facebook.com/pg/Echo.of.Heart/photos/?tab=album&album_id=2133975146734290
　
實際已經連載到第１１集啦！訂閱即刻追埋！
https://www.patreon.com/posts/ban-gong-dou-shi-42713909
＝＝＝＝＝＝＝＝＝＝＝＝＝＝
　
「架叔，既然連燈都熄埋，唔係應該走人比較好？」我行埋佢旁邊踎低之後問：「點解要玩到好似捉伊因咁呢？」
　
「我都話太遲囉，你係咪真係撞聾㗎？」架叔脾氣越嚟越差，「用你個死人耳聽清楚，再過一陣外面就會有事發生……我哋就靜靜地避喺度，等件事過就得。」
　
「係咩事？」我心諗，唔會真係發生兇殺案咁邪嘛？
　
「次次都唔同花臣，所以我都唔肯定……」架叔再抬起頭盯住門口，「但幾乎每次都會有『怪物』出現。」
　
「怪物？」聽到呢度終於超出我接受範圍，「架叔，如果你真係輸波嘅話……唔怕老實講喎，我會耐心咁聽……」
　
「你就輸，美斯尋晚幫我贏咗差唔多係你半份糧呀！」架叔反駁我。
　
「贏咁多頭先飲茶你都唔肯請咁孤寒？」講到一半我突然恍然大悟，「哦，我明喇……肯定又係你哋成班同事夾埋玩我，就好似啱啱Me姐咁……呀！？」
　
架叔用力扑咗我一下頭。
　
「邊個得閒夾埋玩你？何況……根本冇人知你條友會突然返轉頭搵耳筒！」
　
「你咁講又有道理……」
　
「唔好再廢話喇，我知道一時三刻要你接受呢個世界有怪物係好難……但假如一陣真係咁唔好彩見到，然後隻怪物又行入嚟會議室嘅話……」
　
架叔講到呢度指向會議室窗邊，呢刻因為俾窗簾遮住所以望唔到街外嘅情況。
　
「我哋夾手夾腳推佢落街？」我問。
　
「唔係，係我哋要跳出去。」
　
「痴線㗎？」我激動到彈起身，「跳出去，呢度成十四樓喎！？」
　
「殊！」架叔用力拉返我落嚟，「你洗唔洗嗌得咁大聲……」佢講到呢度突然望返門口，「弊喇。」
　
就喺佢講完一瞬間，忽然有股陰氣喺走廊方向傳入嚟……接住，有把低沉嘅男聲喺度「餓……餓……餓……」咁叫，仲要一步一步咁靠近會議室。
　
說時遲那時快，下一秒已經有個身影出現喺門口，粗獷而肥胖嘅身軀幾乎完美擋住外面嘅紅色提示燈，我仲依稀睇到佢只係著住短褲，上身露出好似米芝蓮人咁嘅車軚腰……而最詭異嘅，係佢口裡面不斷噴出白色嘅氣體，就好似口裡面含住幾粒乾冰咁樣。
　
雖然成個畫面望落好嘔心，但點睇對方最多都只係露體狂……點睇都未去到怪物嘅程度？
　　
「餓……餓……我好肚餓……」
　
我同架叔趁住「肥佬」轉身望過嚟嘅時候即刻縮返埋個頭。
　
「肉……如果有肉食就好……」
　
架叔輕輕力拍一拍我，再指向窗邊，示意我要準備好隨時要跳出去。我當然打死都唔肯，堅決咁搖搖頭……之後我哋一直盯住紅燈投射出嚟嘅巨大影子。慶幸嘅係，「肥佬」最後冇入到嚟，呆咗一陣就沿住走廊行返出去主辦公室嘅位置。
　
「餓……餓……好餓……」
　
「而家係咪即係冇事？」我細細聲問，心裡面依然懷疑緊成件事嘅真偽。
　
「睇你個表情好似仲係覺得我玩你。」架叔一眼睇穿我，嘆咗口氣之後起身行埋去窗邊，「你過嚟，我俾個有力證據你睇。」
　
我半信半疑咁行過去，盡可能都唔靠太近，以免架叔突然發癲推我落街。見我企低之後，架叔慢慢拉開窗簾……
　
有一瞬間，我仲以為自己睇錯……因為見到嘅並唔係對面大廈，而係同我而家身處嘅會議室一模一樣嘅房間。我有諗過係玻璃反射，但架叔馬上打開其中一扇窗，然後毫不猶豫就跨過去。
　
「你而家信喇？」架叔企喺另一邊同我講：「公司之所以規定員工每晚五點要收工……係因為每晚到咗六點六分六秒，公司就會有機會變成一個異空間。」
　
「咁……」我慢慢行近窗邊望清楚，對面嘅會議室真係好似倒轉過嚟嘅複製品一樣，「既然咁危險，點解架叔你仲會留喺度？」
　
「因為冇得揀囉。」架叔又嘆咗口氣，「只要嚟過呢度一次就會受到詛咒，假如公司變成異空間之後唔喺十四分鐘之內趕返嚟……就會有好嚴重嘅後果。」
　
「即係死？」
　
「慘過死。」架叔認真咁講：「你過嚟先再問喇，記住仲未安全㗎。」
　
我猶豫咗兩秒，正想行動之際……居然感到腳底好似黐立立咁。而且，唔單止地板，連窗框都係一樣，掂完縮手仲可以拉出一條黐手嘅嘔心黏液……
　
「架叔……你係咪趁我唔為意嗰陣偷偷吐咗啖口水？」我問，但只係見到架叔瞪大雙眼望住我身後。
　
「唔係……係隻怪物搞出嚟！」架叔大嗌。
　
我轉身望過去，估唔到隻「肥佬」居然中途折返，再一次企喺走廊外面……下一秒，佢突然發咗癲一樣向住我直衝過嚟，結果一嘢撞埋會議室大台。但佢睇落一啲都唔覺得痛，仲開始沿住會議室台爬過嚟……
　
「仲睇！？」架叔兩手捉住我手臂，「過嚟呀！」
　
今次我冇猶豫，亦都唔理啲黏液有幾核突即刻爬過去。一落地個「肥佬」已經撞到埋嚟，近距離一望……可以見到佢雙眼暴凸，嘴巴一開一合除咗白煙仲有液體不斷吐出嚟……
　
「走喇，跑到外面應該就有人幫手！」架叔拉起我。
　
「幫手？」我抱住疑惑跟住佢跑，去到門口之際回頭一望，見到個「肥佬」已經過咗嚟，再一次起跑然後撞埋會議室大台。
　
「餓……好肚餓……」
　
「你行錯啦……呢邊係左右掉轉！」跑到出走廊，架叔提醒我。
　
「係喎！？」我即刻反應過嚟轉返左邊跑（原本左邊係通去戰略部、右邊係主辦公室）。
　
「前面有人嘅話千祈唔好搞錯呀！」架叔邊跑邊大嗌，唔知係同緊邊個講嘢，「我哋有兩個人！」
　
跑咗幾秒後，我同架叔終於跑出走廊，隨即發現左右兩邊分別都有人貼埋牆邊埋伏──其中一個係厭世臉同事士巴拿，至於另一個就係今朝見過嘅阿和……
　
除此之外……
　
「停呀！」
　
前方突然有把熟悉嘅聲音叫我停落嚟，我差少少就剎唔切制直撞埋去（事後好後悔竟然剎得切），望過去……居然係Me姐，佢呢刻一手拎住旋轉椅嘅金屬椅腳，仲可以見到係改裝過嚟，上面加滿咗鋒利嘅刀片……
　
「咸濕仔……估唔到咁快就見返你。」Me姐笑住講，然後將目光放返去走廊嗰邊。
　
呢刻，「肥佬」已經行出走廊……一場大戰感覺無可避免。
　　
如果你問我對於「肥佬」呢隻怪物嘅睇法──嘔心係當然，而且感覺仲好似著名射擊遊戲《Left 4 Dead》裡面識得自爆嘅怪物Boomer。估唔到，現實居然會有一班人敢去對抗呢隻核突怪……
　
「架叔，你帶佢去後面避一避先……以防萬一。」
　
「收到。」架叔聽完即刻拉住我退後幾步。
　
既然Me姐在場……唔通所謂嘅「戰略部」，存在目的就係為咗對付異空間嘅怪物？
　
「肉……肉呀！」
　
「肥佬」發出一聲咆哮之後即刻向前衝。一聽到腳步聲，守喺走廊外面嘅士巴拿同阿和即刻有所動作，同時間舉起手上嘅粗鐵鏈……睇嚟目標係想躀低隻「肥佬」。難怪頭先架叔跑緊嗰陣要提醒佢哋，唔係躀低嘅就會係我哋。
　
問題係，隻「肥佬」會唔會咁易就中招？既然講到明係怪物，一定有返咁上下能力，隨時用蠻力就可以撞爛條鏈……
　
「餓……餓……嗚啊！？」
　
碰！
　
但事實卻係一啲都唔意外，「肥佬」完全注意唔到條鐵鏈亦都撞唔爛，結果一嘢躀到然後成個人大字型咁瞓落地。因為有返咁上下重量，結果搞到成個地板震咗一下。
　
「嗚……」
　
「阿佑仔。」架叔拍一拍我肩膀，「隻怪物睇嚟只係E級……今次算你好彩。」
　
「E cup？」我有一秒以為佢講緊胸圍size，但情況咁嚴肅應該唔係……換句話說，應該指隻怪物嘅可怕程度？
　
「嗚……」
　
「肥佬」正準備撐起身，但士巴拿反應非常迅速……即刻拎起一把開山刀一嘢劈斷佢左邊腳，乾脆到見到都覺得痛。
　
「大姐……之後靠妳啦！」佢大嗌。
　
就喺下一刻，Me姐開始慢慢行過去，呢種彷彿天不怕地不怕嘅背影，睇落真係不禁令人著迷……
　
「嗚……」『肥佬』抬起頭從下而上望住Me姐，彷彿變態佬一樣，「係腳……係白滑嘅腳……」
　
「呢隻怪物令我諗起以前公司某個同事……佢真係黑人憎到爆。」說罷，Me姐即刻舉起手上嘅改裝椅腳，再用力狠狠一下扑落去。
　
啪！
　
「嗚啊！」
　
「恃住自己係老細嘅親戚，一直喺度遊手好閑！」講完，接住又係另一下重擊。
　
啪！
　
「嗚……」
　
「叫佢做少少嘢都可以拖成個星期……結果鑊就係其他同事孭！」
　
啪！
　
「啊……」
　
「倒瀉成罐可樂仲可以扮唔知……搞到第二朝成地都係螞蟻！」
　
啪！

「仲有佢掂過嘅滑鼠鍵盤全部都係黐立立，諗返都想作嘔呀！」

啪！
　
「佢仲要夠膽喺公司播咸片……個女優仲要同新嚟女同事差唔多樣……諗起都想你死呀！」
　
啪！
啪！
啪！
啪！
啪！
　
我哋幾個就係咁企定定睇住Me姐瘋狂發洩。雖然最初係真心覺得Me姐好型好有魅力，但到佢打到「肥佬」皮肉分離甚至見埋頭殼腦漿（其實打到中途佢已經唔識郁），然後黑色嘅血濺到佢一腳都係……呢種感覺慢慢俾嘔心感所取代。
　
「架叔……嘔……」我終於睇唔到落去了，「我過去旁邊嘔一嘔先。」
　
「渣㗎……唔好行太遠，小心隨時有另一隻怪物。」
　
「唔唔。」我掩住口點點頭，然後快步行到迷你垃圾桶旁邊踎低，一下作嘔感即刻由胃湧上嚟，「嘔……咳……嘔……咳咳！」
　
嘔到咁上下，突然有人遞咗包紙巾過嚟。
　
「多謝……」我望過去，面前係一個長住日式惡鬼臉嘅『人』，「嘩！？」
　
「哈哈哈哈……」見我嚇一大跳，呢個『人』即刻抱腹大笑起嚟，笑到咁上下先將臉上嘅面具除落嚟，「果然新人係最好玩。」
　
戴住面具嚇我嘅係一位及肩位髮嘅少女……年紀睇落應該同我差唔多，即係廿五六歲左右。
　
「忍耐多陣啦。」少女望過去Me姐嗰邊，叉住腰講：「睇嚟應該冇其他怪物……今轉應該好快就完結。」
　
我一邊抹嘴一邊企返起身，呢刻「肥佬」嘅上半身已經變到血肉模糊（好彩燈光唔夠睇得唔清楚，唔係又準備再嘔多次）。Me姐用腳確認多次對方真係死咗之後，轉身望住我哋呢邊講：
　
「海兒，係咪剩係得佢？」
　
「嗯。」旁邊嘅少女點頭回應：「樓上樓下都見唔到其他怪物。」
　
「咁就好……喂，阿York。」Me姐確認完之後望向我，「一陣返到現實世界……樓下酒吧等，架叔你記住拉埋佢嚟。」
　
「係嘅係嘅……等我唔飲得酒喎，費時老婆罵。」架叔回應。
　
就喺下一刻，辦公室嘅紅燈同一時間熄滅，現場瞬間變得一遍漆黑。
　
「以後多多指教啦。」接住，我聽到海兒笑住講呢句。
　　
等到燈光全部著返之後，我注意到自己又返番去會議室裡面，而企喺我旁邊嘅人又重新變成架叔……呢個位置，就同最初熄燈嗰陣係一模一樣。
　
「今晚完咗喇，」架叔拍一拍我背脊，「行喇，我哋落去酒吧霸定位……費時Me姐一陣黑我臉。」
　
*
　
場景一轉，我同架叔已經坐咗喺酒吧等。大約十五分鐘之後，終於見到Me姐推門入嚟，而跟喺佢後面嘅只有海兒、阿和同士巴拿三個人。
　
「其他人呢？」架叔問。

「佢哋話嚟到都係齋坐……所以返去好過，成班都冇責任心。」Me姐邊坐低邊抱怨。
　
「Me姐，妳係咪照舊？」海兒問道，應該係想幫佢嗌酒，「阿和你呢，想飲咩？」
　
「是但就得。」阿和客氣咁點點頭，海兒聽完就行開去酒吧台嗰立邊。
　
「唔廢話直接入正題喇……」Me姐再一次蹺腿，我注意到佢雙腳已經冇晒血跡，「枝針我剩係準備咗俾阿和，應該要等下個禮拜先可以攞多枝新嘅。」
　
「下個禮拜……」架叔皺起眉頭，「咁唯有祈求之後幾日都冇事發生啦。」
　
頭先等緊嘅時候架叔有簡單解釋過──辦公室變成異空間呢件事雖然每個工作天都會發生，但真係出現「怪物事件」嘅機率其實唔高，平均一個星期只係出現一次，所以照計應該唔會咁不幸一個禮拜連中兩次。
　
「枝針到底係咩一回事？」至於枝針，架叔就一直話要等Me姐解釋。
　
「枝針係一個保險措施。」Me姐解釋：「入到異空間嘅人……如果喺冇打過針嘅情況下俾怪物殺死或者因為其他特殊情況而死，咁佢嘅『存在』就會永遠消失。」
　
「吓？」我意外，「存在……即係咩意思？」
　
「字面意思。」Me姐轉用冷冰冰嘅語氣講：「冇人會記得你嘅存在、包括你嘅名、同你有關嘅經歷同資訊通通都會消失……連你嘅愛人、朋友甚至家人都唔會記得返你。唯一嘅例外，就係我哋呢班去過異空間但又仲生存緊嘅人。」
　
「但……咁嘅話實在太誇張啦掛？呢種事現實真係有可能會發生咩？」
　
「唔係可能……而係確確實實發生咗。」Me姐靠埋梳化抬起頭望，「或者……喺我哋唔清楚嘅情況下，已經有好多人因為咁消失咗。」
　
「咁……如果打咗針呢？」我望向阿和，「咁係咪代表死咗都冇問題？」
　
「唔係，只係好少少。」Me姐轉過頭望向落地窗外面，「阿York，你望下外面……」
　
呢刻因為係放工時間，所以不斷有途中喺外面行過。佢哋大多都一臉倦容，帶住疲憊嘅身軀無力咁走……
　
「如果打過針先死……就會徹徹底底咁變成一個行屍走肉嘅人，再冇夢想、再冇目標、再冇衝勁……只係為咗生存而生存，彷彿一個有固定規律嘅機械人咁，最後碌碌無為咁過完一生。」
　
聽到呢度，我不禁沉默了……但其實諗深一層，其實現實有好多人咪都係咁？
　
「既然係咁危險……點解你哋仲要敢用條命去博？」
　
「有好多原因呀。」回答我嘅係拎住酒返嚟嘅海兒，「有人係單純為咗錢、有人係為咗樂趣……」
　
佢講到呢度望向士巴拿。
　
「有人係係為咗擺脫呢一切……」
　
佢望向架叔。
　
「有人係想保護其他無辜嘅人……」
　
佢望向阿和。
　
「最後就係Me姐咁……」
　
我同海兒同一時間望向Me姐……呢刻佢優雅咁飲緊手中嘅Margarita。
　
「為咗……徹徹底底消滅呢個異空間。」
　
（待續）
　
＝＝＝＝＝＝＝＝＝＝＝＝＝＝＝
　
見上兩集試閱反應唔錯所以放多篇！《扮工鬥室》實際上已經連載到第１１集啦，同埋開始會有投票互動！
　
希望大家可以支持下我嘅 Patreon 啦，每月只係一餐飯嘅價錢，就可以追新故同埋睇返舊故，遲下仲會有更多心得趣故分享！
　
https://www.patreon.com/echoofheart
　
IG：echoofheart

#為了誰的鍊金術師 #為了誰的鍊金術師EX(鋼) #鋼之鍊金術師 #親民隊 #全成就 #Eric遊戲生活

關卡注意事項:
1. 任何上級聖騎(速度需求107或以上)，雷賢+ (任何範圍技打手皆可)，砂糖 (任何奇術師/有減速時停角色速度需要約105-104)，包包頭 (任何補師皆可，速度需要在105或以下)
2. 關卡內主要解決拳聖便很易過，用坦擋著左邊路線再放聖騎士祈禱(根性技)，之後奇術先減拳聖速度，之後慢慢磨就好，盡量不要向上推，等魔人慢慢走過來會更安全
3. 時停引力鬼慢慢殺
4. 3殺成就可以用奇術時停小怪後慢慢殺
5. 不要用藥水，帶補血杖可以幫補一下

影片來源: Eric遊戲生活 https://www.youtube.com/c/Eric遊戲生活
~~~~~~~~~~~~~~~~~~~~~~~~~~~~~~~~
誠邀好心人幫手做字幕~~~ Orz Orz Orz
http://www.youtube.com/timedtext_cs_panel?c=UCCahD49jzfPL0zKHYRkbV1A&tab=2
~~~~~~~~~~~~~~~~~~~~~~~~~~~~~~~~
有興趣可以FOLLOW我的FB會收到我最新的資訊^^ https://www.facebook.com/EricGameLife/

奴隸騎士蓋爾為了大小姐四出尋找黑暗靈魂，
最終來到這個環印城的地方，
但他發現遠古純正的黑暗靈魂一早已乾涸，
乾涸了的黑暗靈魂不能作為顏料使用，
要重新活化黑暗靈魂，
就需要付出自己的血肉，與黑魂融合，
但就連古龍後裔米狄爾都不能抗衡的黑暗靈魂，
對蓋爾來說，根本無辦法抵擋。
所以，蓋爾做出了一個決定，
就是將自己的使命，託付給灰燼。

訂閱啦好嘛？
▼我的Facebook▼
https://www.facebook.com/RyougiShiki/
---------------------------------------------------------------------------------------------
▼為兩儀提供影片字幕▼
http://www.youtube.com/timedtext_cs_panel?tab=2&c=UCUcuIINCvAPoxLTVL5t3E2Q
---------------------------------------------------------------------------------------------
▼直播足本重溫▼
https://www.youtube.com/playlist?list=PLOvm0WG8AgsKwrUyrk1n_oVqecVN652u_
---------------------------------------------------------------------------------------------
推介系列：
【黑暗靈魂全系列】:https://www.youtube.com/user/GodFeekingdom/playlists?shelf_id=31&sort=dd&view=50
【Bloodbrone】:https://www.youtube.com/playlist?list=PLOvm0WG8AgsLBODDa0qUeFcihYu2XZDLo
【仁王】:https://www.youtube.com/user/GodFeekingdom/playlists?shelf_id=39&sort=dd&view=50
【尼爾】:https://www.youtube.com/user/GodFeekingdom/playlists?shelf_id=50&sort=dd&view=50
【上古卷軸】:https://www.youtube.com/user/GodFeekingdom/playlists?shelf_id=53&sort=dd&view=50
【Fallout 4】:https://www.youtube.com/playlist?list=PLOvm0WG8AgsI_QHFnDB5EeMwEMJDmhDtO

#Darksouls3 #黑暗靈魂3 #Darksouls攻略