我又要嚟分享我嘅古怪成長經歷，今次輪到我老母。 頭先啱啱ig story分享咗～ 一個驚為天人嘅烏冬！ 收到海量嘅回覆，全世界都食過， 全世界都知响邊度買。 然而，其實我係非必要嘅話都唔會食即食嘅嘢。 我記得好細個嘅時候，一放假就會去香蜜湖旅行。由於我驚鬼，我會帶好多耶穌同聖母嘅相去酒店貼响床頭。夜晚，我唔記得邊個，會煲水整杯麵。我覺得杯麵好臭😂所以我都係去到中學先跟潮流食下。而家人大咗，尤其去露營嗰陣，任何一款杯麵都係救贖，咁但係我不嬲都冇乜興趣去試即食麵或者杯麵嘅。 講到呢啲古怪飲食習慣就不得不提我阿媽。我好細個嘅時候，佢已經同我講，麥記嘅蘋果批唔食得，因為會嘔。而我細個係一個好易會嘔嘅人，搭長途車會嘔，坐船如果要坐冷氣位我一定嘔(that’s why 我好討厭去大嶼山或者長洲，因為佢得呢啲船選擇)太早起身會嘔，所以逢星期六如果係長週要返早，我排緊隊集合嗰陣時就會嘔。 既然係咁，我阿媽話蘋果批會嘔，所以你估下我幾多歲先食第一個麥當勞蘋果批？係中六！仲要我發現係勁好食！我記得我問過阿媽，點解你話會嘔？佢好似話純粹佢唔中意食。另一樣嘢就係麥香雞包。我細個好少去麥當勞，如果食都係食魚柳包同麥樂雞，因為我阿媽話其他包都係會嘔。但係最厲害係，到我中學，都應該係中六咁上下，受到蘋果批好好食呢個衝擊之後，我就試埋麥香雞包。頂！原來麥香雞包係好好食！就係咁樣，我先慢慢脫離呢個枷鎖。(而細個嗰陣早晨全餐係蛋粉炒蛋，即係啲雞蛋係來自雞蛋粉，好似你睇I am legend得返Will Smith一個人嗰陣，佢間屋長期都有蛋粉！可以炒蛋！但我又係一食就會嘔。仲有，豬柳我都會嘔😌前年行富士山，日落前嗰餐係豬柳咖喱飯，食完塊豬柳但嘔唔出我就高山症了) 講返杯麵碗麵以及係零食，其實我唔係一個鍾意食零食嘅人，亦都可能因為咁我根本唔會肥得去邊。每次去旅行，個個去到便利店都瘋狂買零食，返到房沖完涼又要預返個時間開零食大會，但係我對呢啲嘢又完全冇興趣，食麵唔會飲味精湯，但我強調我係好鍾意出前一丁，日本版出前一丁我真係煮得好好食。 我諗大家都知道，我搬出嚟住其中一樣嘢就係唔想我阿媽再搞我啲嘢。話說前幾日，我表弟想攞個頌砵，好明顯呢樣嘢就响舊屋嗰度。我阿媽不停話佢搵唔到，淨係搵到敲砵嗰支棍，佢話我攞咗個頌砵走。首先我攞個砵但冇棍，唔通用嚟撈麵咩。咁我諗住唔理佢啦，點知5分鐘之後我阿媽出現喺我間屋。然後佢開始入我士多房摷嘢。I was like🥸難道我唔知自己間屋有乜嘢？同埋點解你落嚟我間屋度自己揾嘢🥸 結果我都係冇理到佢嘅。 到最後佢話佢返去舊屋搵另一間房。 I was like (again) 原來你話搵嚟搵去都冇，但係有一間房你係未搵過😂咩呀😂 就係咁，如果你覺得我痴線，係我父母做成㗎。

#CosmoFun😆 被發現了🙈一朝早就要去雪櫃摷嘢食🤪！#像極了我 📷IG @just.baby #可愛 #BB #Baby #cutebaby #cutegirls #motherhood #babyboy #CosmoHK #CosmoLifestyle #CM_ZC

在Gmail摷嘢，摷返一篇2014年為HMV那本刊物寫的文。 《Boyhood》當年輸俾《Birdman》，我覺得有冇搞錯。 —————— 【2002 - 2014，一個男孩的存在與時間】 今個月，有一齣「大製作」我打死都要睇——《Boyhood》。 對於「大製作」我們一般只會聯想到以下幾點：1.用了超勁多錢拍；2.擁有超級強勁的視覺效果（因為用了超勁多錢拍）；3.擁有超級強勁的視覺效果之餘仲有超級強勁的cast（都話用了超勁多錢去拍咯）…… 《Boyhood》，成本400萬美金（聽落好多，但在荷里活不代表甚麼），沒有甚麼視覺效果，也沒有甚麼強勁的cast——有的只是童星乙名以及導演個女，再加兩個（已經不在一線的）荷里活演員Patricia Arquette和Ethan Hawke。 「大製作」，總是因為一些睇得見的元素（錢、視覺效果、明星），但Richard Linklater這齣電影製作上的「大」，在於無形——用上12年去拍（實際拍攝時間是2002年5月至2013年10月，然後搞後期，到2014年1月先在Sundance曝光，同年7月公映）。 男主角Ellar Coltrane在2002年電影正式roll機時，才不過是一個6歲細路；到2014年電影上映，已經是個18歲青年。 Richard Linklater要拍的，就是這個平凡男孩的成長故事——但他又不是要拍紀錄片，電影本身的故事擺明是虛構的，但虛構的同時，卻又真的如實紀錄了那個男孩的成長歷程……Well，Richard似要模糊紀錄片和虛構故事的界線。 但他真正念茲在茲的應該是，時間。 回到Richard還未進入荷里活體制、獨立拍攝、兼令他響朵的《Slacker》。 《Slacker》沒有一個主線故事，作為故事主軸的只是德州Austin的尋常一天，Richard以場景接場景方式順敘交代了多個尋常人在某天生命中的一個moment：A場描述了某個「他」，然後另一個「他」出現，進入B場，如此類推……而最重要是，Richard絕對不是在玩Quentin Tarantino或Christopher Nolan那種順敘插敘又倒敘的說故事手法（《Slacker》是1991年的電影，那一年，Q.T.還未搞掂《落水狗》，Nolan仲讀緊書），所以A場出現了的某個「他」，絕對不會在之後任何一場再出現；離場，就是絕對的離場——由Richard安排在每個獨立場景所出現的人，完全不存在任何關係，但你會如實看到他們是在同一個地方，同呼同吸。 在那絕對尋常的一天，各人照舊過著各自的生活，卻又共同而獨立地面對時間的流逝。把時間這命題玩得更盡的自然是「Before三部曲」。 1995年的一天，一pair浮世男女偶遇在維也納，徹底浪漫；2004年的一天，在巴黎重逢各自訴說過去九年往事，欲語還休；到了2013年，終於排除萬難走在一起結伴遊希臘享受二人獨處的一天，卻充滿暗湧。 在這麼一個擺到明虛構的故事裡，我們同時真實地目睹男女主角臉上的風霜——以及自己在18年間的改變：1995年跟你入戲院的那一個，依然是2013年坐在你身邊的另一半嗎？抑或，已經換了畫，又或閣下早已變成孑然一身？ 但嚴格來說，「Before三部曲」只是三次獨立的製作，Richard在上世紀90年代寫《Before Sunrise》劇本時，應該未有拍成三部曲的打算（或宏願）。 《Boyhood》不同。一開始，已經決定用上12年時間去拍一個男孩的成長故事。 拍攝方式是這樣的：電影公司每年俾一筆小資金，Richard每年寫一次劇本，拍幾個禮拜，然後，安心進行其他project（12年間Richard好勤力，先後完成了8齣戲），靜靜等待下一年，電影公司再俾錢，他就再寫劇本……難得是，電影公司老闆從來沒有要求Richard俾片佢睇，也沒有追問進度；總之，大家一起而又各自的，歷經、等待這12年的無聲消逝。 《Boyhood》紀錄了男主角Ellar Coltrane（由6至18歲）的成長，拍下了Richard個女Lorelei Linklater的一段不算短的人生（她在戲中飾演男主角家姐），側寫了12年間的世界變遷。 沒有蟲洞也沒有相對時間，Richard純粹用上12年的光陰，述說幾個人如何度過這12年光陰。單是這一點，已經足以叫我眼濕濕。