以前好多人玩Qooza Xanga 鳩改個名做||°小寶′+/~ 之類 除咗當佢係日誌咁 日日更新自己生活 打mk文 仲會成日po啲喺fd子喺廁所 遮半臉 反V嘅自拍相 同埋上載亂搵返嚟嘅風格圖😂 . 最特別係qooza可以畀人設計日誌主頁 只要喺後台入code 就可以為主頁加音樂/網頁特效 懶嘅直接喺討論區搵素材都得 . MSN頭像會圍住個色框 上線中=綠色 忙碌=紅色 離開=透明 我成日撳透明扮offline🐥 最正係名隔籬有行嘢 會顯示緊你聽緊咩歌/睇緊咩片 以前有啲人會懶特登聽啲咩失戀情歌 引啲人問佢做咩事😂 不過有啲人好柒 播緊AV又開咗顯示 全班都知佢睇緊 . 為咗同人傾偈啲字靚啲 唔少人會上生成網整閃字㖭 但對我嚟講最難忘係狂撳「鄧凳燈」 催對面條友覆機 🤪 . Foxy 可以畀人免費dl任何動畫 劇集 但有時你搵《海賊王》 你見到有100000集就唔好click入去 因為多數係啲重口味版嘅a片🤭 咩two girls one cup就係咁樣睇到 . 小朋友齊打交（LF2)對男仔嚟講應該比較熟悉 keyboard上面簡單幾個掣就可以同人對戰 幾條友逼埋一齊 電腦堂偷偷哋玩啱晒 👉🏻仲有新線上遊戲地帶😍 裡面啲日韓 本地 外國game都好出色 如：玩火遊戲 無個性戰隊 火柴人大戰 香港茶餐廳 燒墨魚丸 化妝遊戲 掘金 👉🏻仲有其他網頁game... 如：蕃薯藤 尼奥寵物 摩爾莊園 江湖 黃巴士 小校園 👉🏻同埋online game... 如：跑online 勁舞團 夢之音樂街 巨商 三國群英傳 彩虹冒險 童話 天龍八部 石器時代 信長 放學成日特登走去電腦室玩 . 呢啲嘢唔啱你 SMS一定試過啩？ 上堂望住黑板 隻手就喺櫃桶度偷偷哋打字 以前啲人上台多數用人仔 同台sd有著數 . 以前80後 90後真係好多娛樂...一定唔會悶 #hklovestory#love#hkboy#hkgirl#hkig#hkiger#hkigers#852#hk#hongkong#instafollow