嘩，似乎要認真正視一下了

Admin：打個風咁L多怨氣，group埋一齊俾班膠層睇啦！

#8575
**觀塘醫院**其實當你冒死十號風球返工，或者情況差到根本返唔到工。你換返黎嘅係你老闆話行新規矩：以後八號風球或以上返唔到工的人會當AO或WO處理。大家覺得合唔合理先？
------

#8576
"颱風山竹襲港 冷血醫管局視員工如糞土
9月16號，山竹吹到正，最近香港嘅時候，就係返p嘅時間，唔少人搏曬老命，死都死返去醫院，為咩呢？責任感啫，點知返到去，仲賤過冇返工。驚遲到驚A更冇得放工，好多都好早返去standby。本來醫院有院車，颱風memo標題係: 8號風球或以上 嘅院車服務.....。最後，原來冇曬院車冇人知，班坐喺屋企嘅高層就出Email通知話冇院車啦。大佬，返P嘅人，點睇email呀，幾條on鳩仔企喺條街到等，等咗半粒鐘先知冇院車，但高層命令，叫啲院工要盡量返工喎不如你又落下街感受下有幾恐怖先啦？
好啦，有啲自私精話驚死，唔敢返工，驚有意外喎，於是啲高層就隔空調配人手，仲講明A完同事唔準放工，等高層電話，等高層指示喎。仆你個K啦，你憑咩唔俾我放工? 有同事唔肯 就講到返工嗰個錯，怕死唔肯返工就冇錯。最好笑，啲高層表示，出面好大風又危險，A完都返唔到屋企㗎啦，不如繼續留低啦！仲要以大石壓死蟹口吻，以高層嘅霸氣，務求迫到你哋留低。唔通以為自己係高層大曬?
最慘 啲高層以為你哋冇嘢做，15分鐘打一個電話嚟問你嘢，點你做嘢，咩要確保保持服務水平啦，確保新入院病人準時抽到血啦。高層，當你以為我哋R腳板嘅時候，其實個ward漏緊水啦，冇冷氣啦，冇抽氣啦，冇風扇啦，病人嘈緊好熱啦，病人廁所噴到一地塵啦，地板濕曬啦......等等等等，好多Patient care以外嘅突發事要處理。你咁叻隔空指指點點，做指揮家，不如你返嚟親自坐ward處理所有嘢啦，你就安坐家中遙遠控制，其實返嚟親自帶領，士氣更高!
一場風暴，睇到班高層幾咁垃圾，唔洗你感激我哋搏命都返到工，唔洗你欣賞我哋為咗份責任而冒死返工! 但你下下都好似責備返工同事做得唔夠好，驚死又有鑊就一定勁衰，當醫生都可以唔巡房，點解你覺得一定要維持到正常服務水平?

#唔開醫院名
#不如估下九西聾頭醫院"
------

#8577
"皇后醫院兒科
今朝十號風球 有部分人翻五到工
WM wtsapp 叫d人翻五到工就打電話翻去改為假期……
之前亦有人試過8號風球 遲左翻工 要人補翻鐘遲d放工……
根據《僱傭條例》，僱主不應扣減僱員所享有的年假、法定假日或休息日，以補償僱員因8號颱風信號或黑色暴雨警告未能上班而損失的工作時間。
係咪醫管局員工例外？"
------

#8578
打風後，交通受阻，如果無車返工，上面逼你請 annual leave，是否合理？求解答！
------

#8579
其實Tuns 8號落波後2個鐘洗唔洗返工
------

#8580
究竟想問天竹未打到來，經理呀dom就逼住得遠的員工調更係咪符合勞工法？天竹打完落波後全城癱瘓無交通又要員工扣AL 又得唔得呢？大佬，唔係唔想返，返得到先得架！！！
------

#8581
"打風已提早出門口，但停車場水浸，最後返唔到工 ， DWM要我AL。。。
原來根據《僱傭條例》，僱主不應扣減僱員所享有的年假、法定假日或休息日，以補償僱員因8號颱風信號或黑色暴雨警告未能上班而損失的工作時間，若僱主沒有合理辯解而不遵守有關規定，即屬違法。

即屬違法。。。
但DWM叫到， 點拒絕佢好？ "
------

#8582
林鄭話因爲山竹過後無交通而返唔到工，僱主唔應該當請假/扣減工資喎！包唔包括醫管局職員先！？
------

#8583
"堆填區醫院：山竹到，所有未能返工的同事，都自動扣一個O/CO。
提提大家同事，以後打風記得SL。"
------

#8584
點解要扣我一日假？咩道理？？
------

#8585
今朝扮忍者小靈精-越過高山又越過谷；穿越幾個森林（無限冧樹）經過河流（馬路水浸）千辛萬苦用咗一個半鐘頭返到去醫院（平時只需25分鐘），一返到去就俾個揸住雞毛當令箭嘅扮膠陳問候——乜你搭唔到車啊咩？其實我只係遲咗15分鐘，驚魂未定已經俾人串，大西北冇得救！
------

#8586
一場颱風同事都無懼風雨盡量趕返工，特別係山上醫院，真係要爬過啲樹返工，竟然被告知遲到要補鐘，返唔到要扣假... 仲話醫院重視人，算吧啦，士氣更加低落，難怪個個都想走，又請唔到人啦...轉頭啲膠層又 send email 多謝大家話會彈性處理... 真係講一套做一套 (其實應該不算秘密)
------

#8587
請問點解醫院八號風球有專車去接同事返工，一掛九號十號風球就冇但又一定要返工，要大家係危險街上到處搵車及行走，有同事亦曾經受過傷，司機都有豬籠車保護，去照顧病人就要做埋人肉擋風牌，咁大個機構一啲良心都冇！
------

#8588
"話說琴日山竹襲港
'講島燶農首' 醫院 前幾日D 大大粒已經好緊張係咁叫人BOOK定PA房訓
咁有D同事就PP 有D就OA, 又因為院內PA房已經俾人BOOK 曬唯有番屋企訓
番P同事朝早8點起身 話已經9號就掛10號諗住早D出門口啦, 預左冇巴士
連院巴都冇, 都唔緊要, 同事咪搭D '貴颱風的' 番工囉
番到去換衫棟樓, 一落的士就俾風吹到人都飛起, 跌左落石級度
撞到要送去AED. 話D骨有事喎, 睇黎手尾都幾長
又有番P同事俾人響10號風球係咁俾高層update位置, 睇下佢出左門口未, 去到邊
搞到人地心慌慌冇車都要10號風球下步行番工
又有同事住對面海又番唔到工, 俾人扣左個WO

到今日大大粒番黎, 第一個反應唔係慰問個幾位同事
係發曬矛咁鬧個經理點解唔叫佢訓PA房, 點解唔早D番?
點解會出D咁既事? 嗰位俾人篤既經理岩岩放完假番黎就俾大大粒亂槍射死.
人性呢? 去左邊呀? 淨係識卸責?
呢位大大粒我真係佩服你既管理能力呀,
為服務市民冒住10號風球響屋企高床軟枕都不忘叫班細既
死唔去既都要番工. 多謝呢位咁杰出既大大粒成功表現咩叫冷血動物

小的都祝受傷既嗰位同事早日康復
唔好俾D大大粒 嚇窒
有咩冬瓜豆腐都告到佢甩褲

不恥冷血動物既熱心姑娘上"
------

#8589
一星期前天文台已講會打風,人人都開始做防風預備,但醫院一於好少理,打風前一天才說飯堂唔開,只提供杯面同波仔(仲要自費)。我地呢間係孤島医院,平時都叫天不應,叫地不聞,打風時仲要兩條出路有塌樹,封左路。好多同事已提早返到醫院,根本無得再出去買嘢食。就算放左工都走唔到,叫人一日三餐食杯面同波仔,有無諗過飽唔飽?唔明點解唔早啲講定飯堂唔開,會無嘢食,等同事自己預備?你地就安坐家中,難為風雨中仍要工作的同事,還有要頂更12小時的同事,仲慘過啲難民,難民都有飯食仲有個橙呀。最可笑的是,過後叫大家不要同圍同人講醫院飯堂無開!如果有問題就唔會做喇,做得出又為何要怕俾人講呢!🤐🤐🤐
------

#8590
"請問Admin 們,當掛9 號或10 號颱風時,而醫院未有提供院車供essential staff番工, 請問係咪可以claim番的士錢,我工作既cluster 今次打風前(山竹)老細特登同我地briefing話9 號/10 號風球醫院無院巴提供(平時8 號風球有),因為太危險,無保險公司肯承包,而且如果我地自己搭的士番工的話,不但無得claim番錢,,途中有咩意外亦唔當工傷(因為唔係醫院範圍發生),亦無保險cover,而醫院提供既解決方法係:加開50 間PA 房!

但據我所知TMH,QMH,PMH 既同事係有得claim 番的士錢(即使係海鮮價,總之跟收據claim),而PYNEH, KWH 就無得claim(admin 請開名),其他醫院就唔清楚,我地特登上網搵到份head office 係31/7/2018 出既guideline, 入面清楚寫明: ""in the event that staff members are required to return to work place when all public transport and hospital transport are not available, taxi expenses should be reimbursable based on the receipt(i.e. including any surcharge listed on the receipt if applicable)""

就呢件事我想提出既係HA 各cluster係處理同一問題上既公平性(雖然我都知不嬲都係山頭主義)同對員工安全既保障,而且無guideline 跟就話姐,而家大大份head office guideline 係度都可以咁,我諗大家同事都需要高層一個交代,醫院提供既 PA 房係一個alternative 而唔係藉口,我覺得醫管局濫用同事既責任心唔係第一次,但今次真係好過份!

P.S: 我有相關文件,有需要可提供

#李國麟(Joseph Lee)
#醫院管理局Hospital Authority
#新聞刺針
#香港蘋果日報
#01新聞"
------

#8591
"颱風襲港，港島皇后GMN真係好好，半夜掛8號，早上7點幾掛9號，9點幾掛埋10號。
佢就下午4點幾，關心我地，親自打黎病房問有無人call off，夠唔夠人返工。
大家有無俾佢問候?有無問其他病房，問埋自己聯網醫院?會唔會俾人覺得佢偏心我地㗎?！"
------

#8592
剛過去嘅星期一我地俾山竹過後嘅交通狀況影響到返唔到工，HAHO會唔會響應林鄭特首呼籲唔好扣AL呢？我地幾個住粉嶺，冇宿舍嘅文職同事被經理通知要扣一日AL呀，但係有啲部門又唔駛扣！有冇總部HR可以澄清個準則？謝謝admin!
------

#8593
想知HA 對於因爲山竹颱風返唔到工嘅同事有咩安排？ 佐敦醫院兒科係立即扣假，返9-5嘅同事遲到五分鐘已經被經理照肺，話之你天未光5點出門口，絕地求花咗四個鐘頭先返到醫院
------

#8594
想知HA 對於因爲山竹颱風返唔到工嘅同事有咩安排？ 佐敦醫院兒科係立即扣假，返9-5嘅同事遲到五分鐘已經被經理照肺，話之你天未光5點出門口，絕地求花咗四個鐘頭先返到醫院
------

#8595
"真心唔明，為何其他職系同事有風糧，唯獨是醫生冇?
風糧背後嘅精神係乜?
如果係對惡劣天氣返工嘅同事嘅慰勞，咁點解醫生沒有?
求指教"
-----

#8596
update 番，颱風的士津貼件事件，PYNEH同KWH, 話而家可以claim番的士錢，不過成件事係無人知，而家先馬後炮出黎講，內部溝通同contingency 係零呀！好多同事都唔知，所以今次搭的士無拎單無得claim😡
------

#8597
山竹之後嗰日因為交通問題返唔到工，最後被扣年假都預咗，但竟然會聽到阿dom講d難聽說話，難道住新界東北都係錯？特首講嘅體諒係冇可能發生...鬼叫HA唔係公務員咩...
------

#8598
"十號風球有返工嘅都知有幾咁困難，天氣係有幾惡劣，天文台一星期就發佈消息，但HA無作好準備。
九龍中最大復康醫院分主座同復康大樓，打風當日病人竟然無飯食。
早餐七點食左，中午時候話因為天氣差，送唔到餐，所以復健大樓所有病人無飯食，只得病房僅剩的麵包及牛奶，而且不夠派給所有病人，到晚餐時間約5時都未能確定有否晚餐可送到，如果無，病房亦再無麵包牛奶可以派，所有病人就要捱餓到第日，好彩最後都有晚餐，部份病房要等到7點幾先有得食 (平時5點派餐)。
我只想說，如果HA有準備的話，不會岀現病人差點要捱餓到明早的情況，打風無外賣，除左病人，staff都係人，HA無任何準備，包括無先前派發更多麵包牛奶等light food作儲備，可見HA視人命如無物。
可憐病人又苦了staff "
------

#8599
"山竹風暴直吹膠層，膠層企好啦！
膠膠地既擦鞋仔， 小心風水輪流轉，今次你幫膠層處理同事， 下次到你被處理。 報紙同勞工處都關注HA山竹風暴，膠層接招！前線同事要團結！ "
------

#8600
山竹打到嚟，痴線醫院同其他醫院一樣，好多同事已經盡量死返黎，唔係淨係因為貪果份allowance，仲有係責任。先唔講重建更衣室行返病房段路設計有幾仆街，返到ward 成身濕x曬；有D同事真係返唔到，個DWM 竟然叫佢攞AL， 仲話高層指示！DLLM! 你班PCP 平時8號波駛唔駛攞AL 呀！淋病都講咗唔當矌工，你哋班膠層有少少政治智慧好無，平時做事已經唔公正，依D咁嘅日子有D水平，唔好都咁hi hi得唔得呀！
------

#8601
超強颱風「山竹」襲港破壞力驚人，天文台發出10號颶風訊號，持續10小時。香港多處出現水浸，塌樹，做成不少地區交通癱瘓，以致有同事番唔到工。九西神科當值經理要求番唔到工嘅同事扣假，而部分需留院加班工作嘅早更員工，亦冇得獲發超時補水，只有補鐘。可靠消息指，依個安排係新任護總喺背後指使，原來一蟹不如一蟹。高層話醫院有Night Dorm提供，明知打風就應該book定房留喺醫院準備番工。的確係嘅，醫院提供嘅PA房有20間，每間房可容納3位同事，可供60名同事使用。但醫院一更A嘅護士總數約70名。即係有10名護士要自己安排地方。究竟依10個護士點算呢？好多同事番工途中險象環生，有啲俾強風吹跌，有啲要爬過倒塌嘅大樹，更有啲差啲俾高空雜物擊中。究竟我哋啲高層可唔可以諗吓我哋前線員工有幾辛苦，颱風番工有幾危險！我喺醫院咁耐，遇過嘅颱風實在太多，睇到嘅係同事緊守崗位，從來都未聽過專登唔番工嘅情況。前線員工有自己嘅屋企，有自己嘅家人，希望醫院高層唔好咁涼薄。
------

#8602
「山竹」襲港，翌日交通大混亂，受廣泛地區塌樹影響，絕大部分巴士停駛，部分港鐵站亦暫停服務，番唔工根本係好正常。點解我哋番唔到工要扣假？我做嘅職位係PCA，喺美孚精神科醫院做病房，我家住大圍，番工要坐火車或巴士。當日我有試過落街番工，但係因為太多人迫喺火車站，巴士又停駛。我就只好番屋企。打番去病房通知護士，IC話要扣假，話係經理意思。有冇搞錯呀，我想番工番唔到就要扣假！我想問吓可以點樣申訴?
------

#8603
"今日港島癑頭醫院颱風做debriefing, 上有政策，我地前線唯有自求對策：
打到9號10號，高層話essential staff無返工，要補番！
第一：大家有眼見，條街真係好危險
第二：條街唔會有車，上下班途中有意外，9/10號風球唔會有保險
第三：無番工，要扣自己假，或者日後補返鐘俾醫院！
OK, 咁我地第日打風，我地唔駛掛8號前返去醫院等返工，亦無謂用生命去搏喇！最多咪扣我一日假，我又唔駛四圍揾車，仲要加幾百蚊都未必有車喎。喂！天文台不斷重覆話要留嚮安全地方喇，如果返工放工時一棵樹打埋黎，浩園又無我份，剩底一家大大細細，邊個理?HA養?
以前都會有D使命感，呢家打颱風返工，返到去仲要對住人手比例失衡嘅病人，做餐死，何必呢？之後高層衹係一句多謝大家可以返到工，就話自己做左好多野，HR高層做夠膽大大聲話我地有2.5倍人工㗎，梗係抵返工喇!（又玩數字遊戲，1份係人工，1.5份係風糧喎，所以有2倍半人工）
警察消防醫護都係人，但我地都唔係咁要揾命搏到咁盡呱！

ps：當日我出門口，家人同埋小朋友，話出面咁大風咁危險，問我唔返得唔得，我都唔知點答。試問你D仔女話要去返工，你又點同佢講?

debriefing 後得出對策：planned補鐘或補一日返工嘅當日射波=補左俾醫院，無需再補

大家點睇?分享下!"
------

Chapter 12 異國的夜幕 (下)

清晨時份，濛濛細雨從灰曚曚的天空灑下，為這個秋冬更添一份寒意。

會影響明天跟楚喬的約會嗎？

期盼約會的心情，跟她相擁的悸動，她對我倆這份情的猶豫，使我忐忑不安。
忐忑的困惑，最終敵不過雙眼的倦透，緩緩地失去知覺。

到了雙眼再次睜開之時，經已早上十時，徐徐地走下床，
梳洗一番，換過衣服後便喚醒睡著的阿Dom，聽說他今天約了家人。

跟阿Dom一同出門後便分道揚鑣，那毛毛雨依然下個不停，
總教人對這種又冷又濕的天氣痛恨到極。

走過跟楚喬相擁的街道，終於到達她的住處，我正想致電給她之際，
她的家門打開了，迎面而來的不是楚喬，而是雪晴。

「喂，子俊，你搵楚喬？」
「......」
「唔洗怕，楚喬同我傾過啦，入黎啦，呢位郭大小姐唔願意起身呀。」

這個楚喬真有趣，兇巴巴要我保守秘密，就是為了不想雪晴多疑，
最後竟然是她道出一切，難怪女人心如像大海的天氣一樣，極難捉摸。
雪晴叫我在客廳待著，而她則到睡房把大小姐喚起來。

叩！叩！叩！
從客廳中清楚聽到雪晴叩著楚喬的房門，

「楚喬，起身啦，子俊到左啦。」
「下，你個岑雪晴呀！人地岩岩至洗完面。」
「我依家出去買啲野，出面落雨呀，你地慢慢係屋企傾啦，哈哈。」

接著雪晴便從二樓走下來跳動地對我說著，
「我去買啲野，你上去搵楚喬啦。」

說罷後，雪晴便離家了，然而楚喬則從睡房走到客廳。

「Sorry，我遲左起身。」
「唔緊要，係我早到。」

今天楚喬化了一個淡妝，卻顯出她的肌膚勝雪，
我讚賞她的淡妝化得很美，她抱怨地說樣子憔悴，
我笑笑地說，我喜歡這個淡妝。
而她示意出一個疑惑的神情，接著婉惜的望著窗邊。

她:「唉，落雨啦。」
我:「英國既天氣不嬲都係咁。」
她:「今日唔出去啦，又凍又落雨。」
我:「咁......」
她:「你......留係度啦，晚點至走啦。」

這是暗示想我陪伴著她的意思嗎？

我:「好呀。」
她:「咁不如我地入房傾下計啦我地。」

楚喬領著我走到她的房間，
拍拍床邊示意我坐下，我們二人肩並肩的坐著默不作聲，整間房間頓時變得冷清，
我正想打破沉默開口的同時，她也轉身過來，如像有些有口難言的事。

我:「你......有野想講？」

她閉上雙眼數秒， 接著便朝著我的咀吻下來，
這刻冰冷的唇，瞬間感受到溫暖，雖然不到幾秒，
卻令我開始懷疑英國的天氣突然回暖，她這個舉動使我既驚又喜，

她:「死人余子俊，依家我做左主動啦。」
我:「......」
她:「你發完呆未呀！」
我:「下，我......」
她:「你到底識唔識拍拖嫁？」

被楚喬不停地拍著胸膛的同時，我才真正回過神來，
弄清剛剛她主動報以一吻的不是幻想，亦非夢境。
被她咒罵了一會後，我靜靜地凝視，霸道吻住她的唇，
然後入侵她來不及反應的舌頭，舌頭與舌頭之間的交纏使她沉默下來；

一番激烈的舌吻過後，我們二人擁作一團，
感受著彼此的體溫，聆聽著對方的脈搏心跳，
此際雙方的心都被浪漫的氣氛所陶醉，
而她則把咀巴輕碰在我的臉頰。

她說，她並不是我想像中的完美，她有著不堪的過去，
十五歳那年，父母離異，使她不再相信親情，
十八歳那年，她曾意外懷孕，只不過對方不願結婚才把小孩落掉，
跟男方分開後，二十歳的一年，她認識了一位男生，
可惜因為過去而遭嫌棄，使她不再信任愛情。
聽著她一點一滴的經歷，我的心痛了酸了，雖然不堪，但我沒有介意。
我說，這些都已過去，未來的日子有我給你的微笑。
她凝著淚眼點頭，對我說聲抱歉，現在跟我一一訴說，是不想對我有所忍瞞。

跟她唇與唇再次輕輕地觸碰，有如蜻蜓點水般，
每一次的觸碰，如像在這個陰沉的雨天慰撫著她那過去受傷的心。
而窗外的和風細雨，變成了滿天花瓣，為這段戀情送上祝福。

我們在床上輕吻漸漸地變為激吻，再由激吻變成了的擁吻，
我們一邊吻著，雙方的呼吸開始變得急促，
這刻屋外正下著濛濛細雨，而屋内則有二人覆雨翻雲。

一會過後，我們二人赤條條的在床上喘著氣，
同時聽到從客廳中傳來開門聲，是雪晴回來了，不過她很識趣沒有打擾我們。
而楚喬則靠在我的肩膊上，給我一個鬧著玩的警告。

她:「余子俊，我警告你，你要對我專一。」
我:「知道，點敢花心。」
她:「你知道嫁啦，有雪晴係英國仲要同校，你絕對係無機會溝到女。」
我:「有讀心神探做卧底，我一定好乖。」
她:「仲有，你試下溝女，你溝一次女，我就同我一個追求者約會。」
我:「你好多人追？」
她:「你試下溝女，到時就知道我有幾多人追。」
我:「唔好啦，你唔好唔要我啦。」
她:「你唔好扮可愛啦，真係想打你！」

楚喬亮了一個假裝出拳的動作貼近我的臉頰。

我:「哈哈，我愛你。」
她:「咁快就講我愛你啦？」
我:「咁你呢？」
她:「考慮下，有機會一定同你講既。」
我:「......」
她:「嘿嘿，I Love You！」

天已漸漸地昏暗，楚喬擁著我，我們在夜幕的見證下正式交往。

她:「仲有一日我就要返香港啦。」
我:「唉，咁樣我會掛住你，留多一日啦。」
她:「唔得呀，你都知道訂左機票嫁啦！」
我:「唉！」
她:「而且坐飛機返到香港都要休息下，如果唔係返工會死人嫁。」
我:「......」
她:「做咩呀？唔好咁啦，聽日你全日陪住我，知唔知？」
我:「我緊係陪你啦，傻瓜。」
她:「嘻，咁你會唔會返香港？」
我:「如無意外十二月聖誕節會同阿健佢地一齊返香港，今次阿Dom話跟埋我地，想去下香港。」

她:「真係？」
我:「如無意外啦，你知道啦，可能有人唔想我返香港呢，咁多追求者。」
她:「咳咳，唔好咁小氣啦，要接受既一早接受左啦。」
我:「我唔小氣，你地女人就會話我地唔緊張。」
她:「你好似好有經驗，到底你係咪真係拍過兩次拖？唔準呃我。」
我:「真係兩次！咁呢啲野睇戲都有教。」
她:「咁你以後唔準睇呢啲戲，教壞曬你。」
我:「咁會無曬樂趣。」
她:「點會呢，你仲有音樂呀嘛！」
我:「但音樂都要有取材，都要有靈感。」
她:「唉呀，陰公！咁你放棄埋音樂啦。」
我:「我唔會放棄音樂嫁！」
她:「咁如果音樂同我同時間跌左落水，你會救邊個？」
我:「唔好玩啦大小姐，音樂點跌左落水呀，哈哈！」
她:「哈哈，玩你唔到添。」

她說，雖然我們沒有激情盪躍，卻氾起了她寂寞的心動，她願意付出久違愛護的心靈。
我們二人戀愛的時候，我二十五，他二十一。