Posted @withregram • @stupidmusichk

[ 論盡樂評：9.5/10 ] J.Arie《判官之印》
MV: https://www.youtube.com/watch?v=WDD72nyOSrA
.
SMART review: 豁到盡處了？
.
今年到目前為止，最驚喜、最驚嚇 (我真係被個 MV 嚇親)、最意外嘅派台歌，應該都係呢首。
.
好多時一個歌手做咗一首精彩嘅作品，我嘅分數都會先放響九分。一來，留個空間比以後嘅作品，因為我嘅分數係歌手同自己過去作品比較嘅分數，所以萬一以後有更精彩作品，但上一首又已經去到滿分，咁下一首點算呢？唔通個分數冇上限咁提高咩？但今次實在冇辦法唔俾到 9.5 分甚至我覺得比 10 分都不為過，因為呢首歌實在太有驚喜以及意外，精彩到我都唔知應該點樣讚，或者從邊一度開始讚。
.
一首歌要融合唔同曲風，當然諗吓都知道唔簡單。但要有唔同曲風之時，歌詞之間要轉變而又要 make sense 其實更加難，以往鍾舒漫鍾舒褀有《SS14》，已經係一個相當唔錯嘅示範，尤其係 Remix 版本。但我覺得 J.Arie 今次呢一首《判官之印》，實在有過之而無不及，甚至呢個 project 由第一首《雙面哈菲》，經過《陰陽道具》去到今次呢首，係一次比一次俾到更大驚喜我。
.
可能你會覺得，驚喜係來自於歌曲題材上嘅直接，但我覺得係整個 project 入面，每一個參與嘅音樂人，都落力地突破香港樂壇現有界限，尤其響主流之上，好多想探討嘅話題，大家都唔夠膽寫得過於直接，又或者曲風想玩又未夠膽玩得太過盡，變咗雖然有創新，同時又感覺到有掣肘。J.Arie 今次完全無視呢啲事情，我諗都算係豁出去兼豁到盡處一樣，要憤怒佢搵 BennyKing 用 screaming 去加強效果；要白癡可以將歌詞寫到最淺白甚至配上唔啱音嘅和音去表達；要甜又可以跳躍，好似少女歌曲一樣；仲有一開始自大得神聖不可侵犯嘅 opening 等等，總之毫無保留地將每一種情感都表現到100%，再將咁多種情感集合，先可以真正表達到分裂嘅感覺。
.
如果你問我，呢一隻歌有咩要彈，或者有乜嘢地方需要改進。Sorry，我真係諗唔到，或者響部分人心中，呢首歌唔係完美嘅歌曲，但呢一刻我認為，呢首歌冇咩要去挑剔，尤其從佢嘅題材出發點，去考慮創作原因以及聽完製成品之後，除咗佩服呢一首歌所有製作單位外，我都唔知應該仲可以講啲咩，唯有講一句，呢首就玩到咁盡，下首仲可以點玩呢？一句講晒：非常期待。
.
.
《判官之印》主唱：J.Arie @jarielui feat. BennyKing @bennykingscream
作曲：雷深如 J.Arie
填詞：梁栢堅 @leungpakkin
編曲：Perry Lau @_perrylau / 留香瓊 @lauheungking
監製：Perry Lau / 雷深如 J.Arie
.
#JArie #雷深如 #判官之印 #梁栢堅 #PerryLau #留香瓊 #派台歌 #新歌 #廣東歌 #SMARTreview #論盡樂評

【這是你所想的生活嗎？】

一直好多人都同我講，不如搵份穩穩定定冇咩做嘅工，終於疑似搵到咗，簡簡單單、唔會有太大壓力、冇咩明爭暗鬥、同事關係都和諧，生活都好似過得唔錯咁，但你總係覺得，好似差咁啲咩，都自知未必係自己想要。

或者你習慣咗以前生活係忙到打仗咁，你會有十萬個task等住你，你一直以嚟學會嘅係超越Multi-tasking嘅工作，幾乎係Infinitive-tasking；因為每份工極唔穩定，一個月炒team人正常不過，為鞏固個位，你唔玩明爭暗鬥都迫住要玩... 當你習慣咗呢種生活，突然原來「穩定」都唔係你想像中咁美好，有時，你會好lost唔知做緊乜。

返工唔知做乜、放工唔知做乜、weekend唔知做乜、放假唔知做乜…… 真心，你以前會好期待放假去邊玩、有咩做，依家你都開始迷失，其實放假唔知可以做咩，原來都幾迷失。然後，收工不如紅隧口落車行返屋企，反正你唔知可以做乜；你收入可能係以前幾倍，但除咗儲錢以防下一次失業，原來你都係唔知做乜。到最後，似乎做咗自己最睇唔起果種人，一味得個穩定冇目標可言嘅人。

唔好，我唔想咁。

以前你應該quit咗十世，咁嘅時勢，全香港所有行頭公司都俾你見曬，唔止一次，呢幾年嘅經歷，嚇怕咗你；以前明爭暗鬥唔係你死就係我亡嘅日子，令你明白多一事不如少一事，事不關己唔好r嘢做、同事之間唔好講咁多深刻嘢自己嘅私事，你已經唔會再相信有真正情誼，會唔會有朝一日又反目成仇，又或者講，生活平淡至此，都冇咩好講。

對比以前，你唔算唔開心，終於俾你過到呢種從未試過生活，唔駛擔驚受怕聽日會唔會失業、唔駛慳住食少一餐儲得幾十蚊得幾十蚊，都唔駛為慳幾毫子身水身汗行幾個巴士站為分段收費，你或者要珍惜。只係日子日復一日如是，又變咗冇乜感情起伏可言，都唔知叫開心定唔開心。人大咗，開始唔會有咩朋友，你收工想搵個人食個飯吹下水都已經唔會有，唯一期待，係Netflix有乜新劇上架。

呢排成日發夢，夢見以前喺迪士尼實習嘅日子，夢見同同學收工就去玩、夢見同各國同事圍埋一齊食飯吹水、夢見同朋友一齊煮飯... 果種感覺真實到你以為自己真係喺美國，醒嚟都唔想接受自己生活咁混沌。成日話，果段日子，係我人生中最開心最無憂無慮嘅日子，呢段回憶徹徹底底深植喺我腦海入面。唔知係咪最近生活太平淡，潛意識好想返返以前，夢見呢段記憶，有時起身總會不自覺眼濕濕。

我間中會諗，個人變咗咁係咪因為疫情？以前有咩唔開心，去個旅行能醫百病，依家冇咗；以前唔開心咪去酒吧飲杯嘢，依家十點後你點都要走；以前失業有咩好怕，經過舊年後你知道，失業最可怕唔係冇錢，而係你每一日都唔知可以做咩，精神折磨先最惡夢。

慢慢，你發現自己搞唔清自己想要啲咩，失意漂泊時曾經同自己講穩定落嚟也不錯，但當你穩定到而又高不成低不就，生活平平淡淡，又發現原來冇乜動力。

到最後，你自知道唔關疫情事，而係到今日，一直都仲未搵到適合自己嘅路。既然一切依舊茫然，不如安定住先。平淡有收入，總好過平淡冇收入。

去旅行我好鍾意望到呢種藍天白雲，我好鍾意影低不同形態，估唔到香港難得望到，竟已唔係一種攝影衝動，而係俾到一種自由嘅感覺我，抖一啖氣繼續上路。

諗起電影《幸福路上》嘅主題曲歌詞：
//成為了你理想的人了嗎，那故事後來有什麼留下... 我又是誰，我卻說不清楚//

共勉之。

✨ 網店正式開張！新張期內貨品低至$5！請即睇：https://bit.ly/3qLPkpk

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

［記得四哥發哥都已見過面。後來榮升主角太突然］（＊）Dear, write some god damn thing

TLDR：下個月開始，《信報財經月刊》有我。記得買。

1. 我有無數咁多古怪嘅寫作習慣。其中一個唔少人知，就係我篇文寫乜都未知，幾時會有都未知，但一早會有個題。例如我篇《楊枝甘露的誕生》，聽講係愛情小說，寫咗廿幾年只係得個題。《第一次的親密接觸》嘅作者痞子蔡都有呢個習慣，小說一定有咗個題先，然後先寫。

2. 我更進一步，十幾廿年前已經會有個題，等件事發生。好似門捷列夫個元素週期表咁（Periodic table，啲化學畀返晒老師未？）。同你估嘅唔同，當年佢整個表嗰時，唔係列晒1—100出嚟，當時唔少元素根本未被發現。但佢一早留定位，知道會有一個咁特性嘅元素，一直都在，只等你發現。後來果然後人就發現到嗰啲元素，性質同佢預期嘅差不多一樣，成件事實在型到不得了（＊＊）

3. 當然我唔係門捷列夫，我不能確定呢一日會發生。可能十年，三十年，甚至死嗰日都唔會有。因為涉及太多嘢。但總之，呢篇文個題，係我好多年前已經諗的，just in case．而家就可以解封了。

4. 忘掉那一天，記不起是那年，但應該係好早期，我甚至未做金融。有一年，我在書展，見到有個唔靚仔嘅瘦皮猴，推銷緊佢本新書，好似唔太多人理佢。佢話可以幫我簽名

5. 嗰個，就係龔耀輝。

6. 後來嘅事，係我開始打銀行工，開始睇《信報》。一來公司有，二來Reuters部機上面有。

7. You are what you read，最早期我可能受陶傑張小嫻影響，後來我就受游清源影響。金融方面，當然就係睇《信報》時，蔡東豪同龔耀輝。

8. 等我懷念下當年，circa 2004 -2006，我在美國銀行大廈返工（蕉行嘛）（＊＊＊），閒唔時就係睇下《信報》，就係睇佢幾位老哥。當時我成日午餐就在和記大廈（已拆）間星巴克，記得嗰時個姐姐認得我，我漏低咗嘢幫我keep住，仲手寫住我個名（星巴克姐姐知你個名有幾奇？我又唔會用假名）。硬係覺得嗰時嘅人心好啲，星巴克啲女都靚啲。定只係嗰時後生，入世未深？

9. 無論如何，嗰時我就心諗。嘩，幾時有一日到我會寫《信報》？

10. 至少在2000年時，我已經發夢在報紙在專欄作家。當時厚著面皮厚著包皮咁電郵某人請教，仲畀佢第日在專欄串我。但，佢講得冇錯嘅係，write some god damn thing（唔係原文）．呢個亦係我而家叫啲小朋友做嘅嘢。

11. 時間飛到去大約十年前，《信報》搞咗個「動筆動思考」嘅東西。作家培瞓，或者當搵新血咁。當時我在耆英已撈得不錯，但寫作嘅事業，等於零。

12. 而去到呢個位，我實在so gay都要講。我大學年代識嘅嗰位網友，已經實現咗自己嘅夢想（算係？），在有線講咗波好多年。佢點入行架呢？正係參加咗有線嘅比賽。我仲要係睇住嗰場比賽，甚至記得佢係講曼聯對車路士。舊年同佢食飯講起，佢當然完全唔記得呢件事。

13. 不能話受佢影響，因為當時佢已經講咗好多年。但總之，「動筆動思考」壇嘢，我就覺得自己都係要write some god damn thing，寫咗篇文去。三十歲那日不要臉，參加了挑戰

14. 有圖有真相，我都唔知我仲keep住呢個email

15. 結果？我有個朋友入圍（唔係寫金融的），本人當然名落孫山。明顯寫得未夠好，或者緣份未到。

16. 又或者，係未夠努力。

17. 當年某評審睇咗我篇文，問我有冇啲正經啲嘅（陰功，我以為嗰篇已經好正經！）。正常真係好飢饑嘅人，應該會寫多篇。但我好似只係回佢：冇喎，這是我的風格。（唔肯定有冇第二句）

18. 咁，who cares你咩風格？邊位？

19. 況且，Let’s be frank，機會成本。我由中學開始已經鍾意寫嘢，但畢竟你鍾意唱歌同你去紅館開演唱會係兩回事，你鍾意踢波同你去咗奧脫福踢一隊又係兩回事。

20. 正如上面講，當時我在耆英都撈得不錯。當然都熱愛寫作，但我都熱愛空姐（誰不愛），但我總不會日日走去約空姐，對不？唔使返工咩。咁我摶上位升職加人工緊要，定寫文緊要？

21. 你可以話即係我未夠熱愛，或者寫得未夠好，總之whatever，就又過咗十幾年。媽的，人生有幾多個十幾年？

22. 但生命嘅嘢真係唔係一條直線，卒之2021年，《信報財經月刊》，搵我寫嘢！

23. 我唔記得係「四哥」定「發哥」講（懶FC了），當年《信報》搵佢寫文，佢嘅反應係「𦧲飯應」（原文照錄）。亦係我早兩星期嘅心情。

24. 講多無謂，write some god damn thing．稿已交，講日本股票。10月頭會出版，到時記得買。最開心係佢地可以畀我寫三千字。

25. 當然啦，如今我四十看從前，枝筆已鬆軟。「四哥」「發哥」都冇再在《信報》寫文。但唔緊要，依然仲有好多好嘅作者。唔係講我啦。你也可以是孔少林，我們都是原復生。

26. 彩蛋：當年，2006，唔知「四哥」定「發哥」在《信報》，貼中意大利拎冠軍，鳩威咗一排。今年，2021年，本人一樣貼中意大利拎冠軍！固然都係七分好彩，但，至少寫波，我就應該勝過「四哥」「發哥」了。

27. 彩蛋二：居然畀我搵得返當年掟去嗰兩篇稿，不如遲下貼上嚟？而家睇返，「都唔係真係咁差啫」，「咪同我而家啲文差不多」。證明我過去十幾年都冇乜進步過，但可能啲讀者品味越嚟越低，造就我都有人睇。又或者「四哥」「發哥」等等收晒山，池中無魚蝦自大，廖化作先鋒咁。

（＊）都係鍾意高登改版多啲。「記得飯島　松島　都已見過面 後來榮升主角太突然」。原諒我騎劫咗一個應該相當文藝中產嘅post，但，唔通中產文青唔睇AV？早兩年我去到松島（牛舌！）打卡亦都係貼呢句歌詞。不過in case anyone care，我係既唔睇飯島，亦唔睇松島嘅。甚至三上悠亞 波多野結衣我都係唔睇的。懶係唔跟主流嘛，由呢啲嘢都睇得出。但又不過，你見我買股票又係買返 Facebook Microsoft 等等，主流到唔主流，所以唔好輕易將 「平時嘅口味」同投資嘅性格撈埋嚟講。正如跑馬拉松嘅人，未必買股票有恒心。運動員在場上可以受壓，可以超高心理質素，但唔等於唔會有心理問題，唔會亂買嘢傾家蕩產。世界唔係咁簡單

（＊＊）好多書有講，例如呢本（https://bityl.co/8eCm）

（＊＊＊）無獨有偶，嗰時我去耆英證券見工，都係嗰度！仲要係樓上！「所以唔使請假見工」。最正係我take咗佢地offer嗰日，放工就撞到後來嘅鬼頭上司同我一齊迫電梯。

＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

唱創女歌手林二汶去年年初加盟Sony Music後推出首張專輯《初音 The Beginning of Sound》(亦足她第四張個人專輯)已於上星期五（25日）、亦即二汶生日當天正式面世，昨晚（30日）唱片公司在牛頭角「谷 Stage」為二汶舉行《林二汶 - 初音 The Beginning Of Sound 專輯發佈會》。自言以往很少舉辦新碟發佈會的二汶，昨日特別邀請歌迷在場一起欣賞新歌，部份人更由二汶出道起一直支持至今。

大會先安排播放由二汶哥哥林一峰填詞的〈解語花〉，由於「解語花」是唐明皇用來形容最愛的女人、身形圓潤的美女楊貴妃，剛好一峰家中也同樣有一位圓潤的美女，所以他就以這份歌詞來讚美這位美女。其後二汶現身，親自爆〈解語花〉是一首要逐句錄的歌，她解釋稱因為歌曲速度太快：「要達到好嘅效果，要能夠唱到好聽但又唔斷氣，真係需要逐句錄，當全首歌有20句的話，每句我唱8次先搵到一 take 好嘅，夾埋就160次，唱到後來我真係暈嘅！」二汶更直指唱live的話，幾乎是個「不可能的任務」！

話雖如此，但二汶一向尊重歌迷意見，她得知有很多歌迷在網上社交平台要求她現場唱〈解語花〉，她指自己也有認真研究有沒有方法可以滿足歌迷，她要求歌迷一起合唱，為她承擔部份歌詞，二汶更放聲氣：「將來做演唱會多啲人，就可以做呢樣嘢。」讓現場的歌迷感到很興奮。

二汶昨晚邀請了幾位好友現身為她站台，包括音樂人林家謙、組合RubberBand的 6號及與二汶合作無間的音樂人馮穎琪 (Vicky Fung) 。首先現身的林家謙談到他負責作曲的〈愛情是一種法國甜品〉的創作背景，之後在林家謙的伴奏下，與二汶首次獻唱由林家謙特別編曲的男女合唱版本的〈愛情是一種法國甜品〉。二汶的「好姊妹」6號其後上台，6號大讚二汶的新碟好聽，之後兩人合唱了〈超友誼〉。

最後現身的嘉賓是Vicky，Vicky 坦承寫〈初音〉時很有壓力，一度為題材煩惱。二汶大爆錄製〈初音〉時，採取了粵劇式的錄製方法 - 先由二汶哼出旋律，再由監製帶着那份demo到布拉格，讓一班管弦樂手聽着demo來演奏歌曲，相當花心思；而二汶亦提到錄歌是一年後的事，她指由於自己經歷了人生很大的起跌，所以連唱法都變得不同。由於〈初音〉分別有分數碼平台及大碟兩個版本，二汶乘機為新碟推銷。

提到大碟的名字，二汶解釋說：「原本有『最後的信仰』一起競爭，但最後因為『初音』嘅英文，the beginning of sound 而勝出。我會諗，點解我哋有聲音呢，因為我哋有感受，而呢隻唱歌嘅每一首歌，都係由感受而生嘅，無論係開心、感嘆、事過境遷嘅領悟都好，都係一啲非筆墨能夠形容嘅感受，而呢啲就係 the beginning of sound。」

提到今次是二汶加盟 Sony Music 後的首張專輯，她多次向有份參與製作的人致謝，她說：「呢隻係我第4隻嘅 solo 專輯，我一路都係 indie music、做自己嘅公司，能夠喺途上遇上一啲相信你嘅音樂夥伴同相信你嘅人，係一個好難得嘅相遇。」而二汶更感嘆：「做呢張專輯嘅呢兩年，我哋大家身邊嘅所有人都經歷咗好多嘢，而我好慶幸係我喺經歷好傷痛、好無奈嘅時間，我哋有音樂，而我哋有機會製作呢隻唱片，所以我要好多謝唱片公司 Sony Music 同監製、睇住我大嘅于逸堯。」二汶更坦言：「呢一隻唱片、呢8首歌係我哋做第4隻solo唱片嘅一個結晶，而呢一啲歌，到最後想送俾大家嘅，係祝大家心理愉快，好好咁活下去。」

正當二汶一臉感性地致謝辭時，ViuTV節目《全民造星》的監製「花姐」黃慧君以神秘嘉賓身份突然現身，還開玩笑叫二汶要教組合MIRROR唱歌，引得全場大笑。而大會在活動尾聲時，突然奏起生日歌及捧出蛋糕，為二汶補祝生日，壽星女驚喜又興奮，在生日蛋糕前不停擺pose，難掩興奮，還大叫「卡路里萬歲」，場面十分搞笑。

二汶的新碟推出不足一星期，已在多個數碼音樂平台的專輯流行榜奪得No.1位置，當中包括 Apple Music 及 iTunes 網上音樂平台；而〈初音〉的實體碟亦賣出好成績，其中在唱片連鎖店 CD Warehouse 亦奪得專輯銷量榜的冠軍。

訂閱頻道收聽更多好聽的歌：
https://www.youtube.com/c/EHPMusicChannelII
Facebook臉書專頁：https://www.facebook.com/EHPMC/
IG：ehpmusicchannel
** 喜歡的朋友記得要分享出去喔~ 超級需要你們的支持!!! 也歡迎大家點歌!! **
- 歌詞在下面 -

作曲: KT/SanE
作詞: KT/SanE
7538 feat.Chiu Chiu
Hook：
舔舔我嘴角甜蜜的你甜蜜的你好嗎
想知道有幾愛你給你一本薄仔登記
Me you me you
Me you me you it's you and
Me you me you
Me you me you it's you and
Me you me you
Me you me you
It's you and me and you
V1：
你話鍾意聽我講白話
你話鍾意聽我講八卦
你話鍾意我我都話鍾意你
你話鍾意我明知我中二病
你話我超百厭整松你耳釘
如果是個夢我希望無甘快會醒
希望每日訓醒你都係我身邊
睡醒你唔係度又點算新的一天
超無聊但有勁多共同愛好
成日幫對方改埋啲肉麻外號
為咗你我手機都裝咗菜譜
我煮你食如果你話好食就最好
兩個人最喜歡哩係個被鋪
唔使估都知對方有乜嘢企圖
你蓋少被怕你會打乞嚏
你係小智我係你皮卡丘
Hook：
舔舔我嘴角甜蜜的你甜蜜的你好嗎
想知道有幾愛你給你一本薄仔登記
Me you me you
Me you me you it's you and
Me you me you
Me you me you it's you and
Me you me you
Me you me you
It's you and me and you
V2：
Flow超簡單似每晚晚餐
從日頭攬住你到每晚晚間
寫俾你嘅尼一首情歌
除了真實想法以外其他嘢唔多
最好味嘅唔使添油加醋
遲早一日我阿媽都叫你做新抱
如果要評分會俾你最高分數
我對你的好感好似病菌甘分佈
同你係埋一齊唔使變大個
一路甘開心又使乜搵翻個最初
最多俾你叫我一聲哥哥
兩個人說爛笑話可以笑到傻咗
Mi casa su casa Gambino說過
我激嬲你就請你打邊爐說和
你唔開心我肯定會氹你
如果你是陽光我一定就是空氣
Hook：
舔舔我嘴角甜蜜的你甜蜜的你好嗎
想知道有幾愛你給你一本薄仔登記
Me you me you
Me you me you it's you and
Me you me you
Me you me you it's you and
Me you me you
Me you me you
It's you and me and you



合作郵箱：ehpmusicchannel@gmail.com

※歌曲跟影片版權為歌手本人及其音樂公司所有，若喜歡他們的音樂請支持正版，如版權方認為影片有侵權一事，請與我們聯絡，我們將徹底刪除影片。

Like, Comment, Share & Subscribe!
喜歡的請分享及訂閱本頻道!!