【情陷夜中環】-求分

面對疫情，很多生意人叫苦連天。但久不久，你我總會聽說過有些朋友，因為一些離奇的原因，偏偏在這個最壞的時候發了達。

是的，我身邊就有這樣的一個舊同學—— Ronny，真係一聽個英文名就知寸嘴。

意氣風發的 Ronny，還公然在舊同學群祖奚落我：「唔知搵 private banker 投資賺得多啲，定我賺得多啲呢？120% 一年，對你哋嚟講算難定唔難？

勝者為王，我當然不會在沒有贏面的情況下反擊，而且我深信，他如此囂張，從佛家角度看，其實就是種下口業。

因果自會懲罰他，我又何須多言。

想不到，隔了沒有兩天，Ronny 幾乎跪了在我面前。

「葉神，呢舖你真係要救救我。」

咁快輸晒？

「唔係呀，Amy 真係越嚟越 chur，噚日佢屈我同佢睇戒指，好彩我醒，特登唔帶銀包。但係咁樣落去唔係辦法，我真係可能畀佢迫到婚。」有錢有咩用，原來做人咁苦。

一直不是太明，迫婚是什麼概念，到底點迫呢？

揸支槍指住你個頭，定係搵把刀準備𠝹入大動脈？

如果唔係，佢迫你結，你又唔想結，好簡單，學嗰位神棍 YouTuber 話齋，咪 quit 囉。

「飛佢？你估咁易咩。」算啦，家家有本難念的經，我都不想深究到底有何難處。

「唔明，」我問，「咁你想我幫你你啲咩？」

Ronny 再為自己倒了一杯威士忌，一喝而盡，看得我很心痛。

「你都真係夠兄弟，我唔開心，你個樣仲唔開心過我。」佢飲緊一支，我平時都會就住嚟飲嘅酒，佢仲要已經吹咗四份一支，我點可能開心。

「唔好再飲喇，我點幫到你呀。」

「你咪有個上師有求必應嘅，可唔可以叫佢教吓我點樣化解呢個劫？」

「上師係活佛轉世，」我實在覺得他的要求很荒唐，「點會教你呢啲嘢？」

「Marcus，」他竟然眼泛淚光，「我真係唔想同佢結婚，你可唔可以幫幫我，當係我欠你，當係我......」

「得，唔使再講，唔會再有下次。」

我發了一個訊息給上師，一路寫訊息一路罵自己為什麼要應承他。

怎料上師秒覆：「慈悲沒有敵人。」

「喂大佬，」他 O 嘴，「唔明喎。」

佛學裏：慈是給予別人安樂，悲是解脫別人痛苦。

「即係點呀？」他繼續 O 嘴。

「即係叫你對人好啲囉。」

「我唔係問你呀，你問下上師啦。」

再發短訊過去，再次秒覆。

「既然你的朋友跟女朋友在一起不快樂，她又怎可能快樂？男的苦，女的也苦。對女的好一點，男的苦自然會沒有，女的苦自然也會沒有。」

去到呢度，相信大家同 Ronny 一樣，都聽到 O 晒嘴。

但 Ronny 竟然完完全全相信了上師，一點都沒有懷疑過他的忠告。靜思了好一陣子，Ronny 突然大力拍了自己的大腿一下：「好，既然都避唔開呢個劫，我決定由呢刻開始，對 Amy 前所未有咁好。」

神奇的事，就由他這個誓言開始發生了。

一星期後。

Amy 生日，幾個人去了 Ronny 的家為她慶祝。

晚飯吃完，Ronny 捧了一個蛋糕出來，是他自己親手弄的。

Amy 看到蛋糕，有點不知所措，原因並不是太感動，而是，根據 Amy 的朋友解釋， Amy 一向很討厭忌廉這東西。偏偏，厚厚的忌廉鋪滿了整個蛋糕。

Ronny 不是有意的，而是他專注地跟著 recipe 整蛋糕的時候，完全忘了 Amy 不喜歡忌廉這個事實。他看到 Amy 的樣子，不停 sorry，但 Amy 竟然突然展顏一笑：「傻豬，唔緊要呀。」

輕輕吹蠟燭，輕輕切蛋糕。

「我幫你哋分啦，」其中一個朋友提議。

「唔使，」Amy 對著 Ronny 甜甜一笑，「我想食晒佢。」

「吓？」各人異口同聲。

一啖一啖，一層一層，慢慢地，但明顯毫不享受地，Amy 嘗試 K.O 整個蛋糕。然後吃到一半，當所有人正以為吃到目光呆滯的她正要放棄之際，Amy 做了一件匪夷所思的事——把雙手插入蛋糕裏面，然後不停挖不停挖不停挖。

有些朋友被嚇得躲了在我身後，因為各人都以為 Amy 撞邪了。

「冇嘅？」挖到滿手忌廉的 Amy 沒有再挖，抬頭看著 Ronny 問，「點解冇嘅？」

「冇咩呀？」Ronny 不解。

「戒指呀！」滿口滿手滿肚都是忌廉的 Amy 咆哮。

Ronny 好像 load 了一陣，然後大笑起來說：「吓？你以為我放咗隻戒指喺蛋糕裏面，同你求婚吖？」

人，一旦太在乎，是會蠢起來的，恨嫁的女人是一個很好的例子。

捧著肚子大笑的 Ronny，顯然沒有注意到 Amy 殺氣騰騰的向著他衝過去。

「Son of a bitch！」Amy 把剩餘的忌廉蛋糕壓了在 Ronny 的臉上。

Ronny 被推得往後退了幾步，終於失去平衡跌倒在地上。「八婆，」他從地下站起來說，「我咁辛苦整個蛋糕畀你，你咁對我？」說時遲那時快，蛋糕已經反壓了在 Amy 的臉上。

就這樣，一個斗大的客廳便變成了一個 cream fight 的擂台。

眾人好不容易才把他們分開，再幾經辛苦才把 Amy 帶走。

被拉到門口的 Amy，臨走前目露兇光地說了句：「We are over！」

門終於關上，剛才發生的一切好像太不真實。

如果不是現場滿地的忌廉，也許我會懷疑剛才只是一場夢。

屋內，除了我和 Ronny，便是凝固的空氣。

我看著他，他看著我。

「Are you okay？」我搭著他的膊頭問。

他呆呆的樣子，突然綻起燦爛的笑容。

「原來慈悲呢條橋，」他緊緊的抱著我說，「真係 work 㗎。」

「What？」

「你睇吓我，」他仍然滿臉忌廉，「I am single again！」

咦，係喎。

喂，但慈悲並不是一條橋呢。

不過算啦。

種善因得善果，在很多人心目中，都是一個疑幻似真的傳說。

直到發生在你身上，你才會知道，這個傳說，其實是一條通往福報的路。

——————————————————————
專欄【情陷夜中環】逢週三刊載於《蘋果日報》

［和平與好彩］

農曆年過後，與反修例運動有關的審訊一宗接一宗。這天，元朗七二一白衣人事件開審，法官與控方就事件是「衝突」還是「白衣人先動手」在法庭展開討論；另外，23人在7月28日於上環指參與暴動開審；沙田新城市廣場中庭衝突中，咬警員手指的港大大學生被判有罪。

這一宗案件有點不同。不少與運動相關的審訊，不少被告年齡較輕，十多二十歲的。

這宗案件，被告人大部份是「銀髮族」，平均年齡70歲，有人佝僂着身子，有人滿頭白髮，替他們辯護的大狀也資歷豐富，撐着拐杖而來，以沉厚的英語替辯方發問：「Can you be anymore helpful?」

英語審訊，由翻譯員逐字逐句即時變成廣東話，或變回英語，每當有爭拗，偶爾控辯大狀和法官都會加入商議某個字如何翻譯。

七名被告人之一的李柱銘，是香港排名最資深的大律師；吳靄儀也當過18年立法局及立法會議員，參與制定多條法案、熟悉刑事檢控程序。除了二人，還有民主派領袖李卓人、何秀蘭、何俊仁、和身經百戰的長毛梁國雄，及壹傳媒創辦人黎智英。

他們被控於2019年8月18日，組織未經批准集結。當日，民間組織「民陣」成功申請在維園集會，並以「流水式」散去，但遊行及終點集會卻被警方反對。當日整個港島從午間到凌晨時間，大街小巷塞滿人，當天滂沱大雨，人群舉傘在街上蠕動的直播片段，在法庭播放。

這天，其中一位警隊女指揮官以證人身份作供。她同意，集會大致沒有發生暴力事件，在辯方多名大狀盤問下，她堅持這個結果，和主辦遊行的組織「民陣」沒有關係，並多次重申，民陣活動裡時有發生暴力事件。

辯方：「民陣舉辦的活動都是和平？」

女指揮官多次舉例反駁：「七月一日，民陣舉行維園遊行到中環，立法會不是途經路經，激進示威者去到金鐘偏離了路線入立法會嚴重破壞；七月二十一日，另一個民陣活動，原本是由維園到中環遮打道行人專用區，警方要求在灣仔修頓完結，遊行後暴力事件發生，分開三路，攻擊中環警署，警察總部，還有第一次中聯辦大樓受破壞，不少中資店鋪受破壞。」

女指揮官說：「民陣可能『好多年前』即係2018、2017年時舉辦活動，冇特別暴力事件發生，但(2019年)六至八月期間的遊行集會明顯有嚴重暴力事件。」

女指揮官續稱：「我不是要佢（民陣）負責哂（廣東話：把全部責任負上），因為途中激進示威者混入其中，民陣沒有能力、亦不會把『和理非』和暴力示威者分隔。」

當被問及當日警方如何部署，女指揮官透露，沒有安排軍裝警員「落地」，並有意把警方防線移遠及押後一點，以防止警民衝突，但強調「警方並非不執法」，多次指警員已在港島不同地點駐守，一旦防線被衝擊就會快速到場處理。她解釋：

「全日無暴力事件……部份因為我們（警方）正確評估。因為過去事件，集會之中或完結後，激進示威者會透過警察執法，搞亂秩序。當時社會氣氛很差，警民對峙很嚴重，所以冇放軍裝警員在沿途，避免警民衝突。我相信我們的評估是成功的，當中也有好彩成分，絕不是因為辯方所說的『流水式』集會（所以沒有衝突）。」

她在較早之前，指相信整日沒有衝突，「最大原因我相信是好彩」，並再重申民陣活動發生過的「暴力事件」。

當女指揮官第一次說出「和平是因為好彩」，有家屬忍不住在旁聽席上露出訝異表情。

辯方大狀再問女指揮官，她在818當日，看到她形容為「非法遊行」開始時，做了甚麼？

女指揮官答道，「我監視着。」律師追問，「anything else? (有沒有做別的事?)」女指揮官再答：「我就是監視着。」律師不放棄，女指揮官忽然說：「我有呼吸有脈膊（跳動）囉！」眾人嘩然，法官做了一個手勢，示意女指揮官不用這樣回答，並嘗試建議辯方律師提問得更實質。

女指揮官又被辯方大狀問道，知否港鐵當日（因為人潮）而實施部份車站不停站的措施。她答道：「我不是港鐵職員我不知道，相信港鐵有其人流管制措施。港鐵不是公營機構，不是警察的一部份……」法官亦以手勢勸阻證人繼續說下去。

審訊持續一整天，本身是資深大律師，平日在法庭替人辯護的李柱銘，82歲滿頭白髮，經歲月洗擦的西裝外套，掛在他瘦削的身上顯得有點過大，作為「被告人」仍拿着筆記簿在庭上抄寫法庭筆記，有時閉目養神；73歲的Margaret，衣着仍然優雅，西褲下露出一小截黑色絲襪配襯了矮踭皮革紳仕鞋，她全程拿着粉紅色小巧暖壼，不時補充水分。

休庭時，英文名為Margaret的吳靄儀和何秀蘭，離開了犯人欄的玻璃箱。兩人半倚在庭內那道剛好及腰的原木矮欄良久，有一搭沒一搭地說話。庭內的律師們、工作人員們或低聲細語，或在走動，或在翻查文件，此時，這些人和事都化身成為她們眼前的風景。她倆憑欄的身影和姿勢，眼神望着遠方，好像在看海。

（圖為法院外的木棉花）

《年三十晚，我挑戰自己…去Five Guys嗌嘢食！》

首先，唔係廣告嚟！

但可能有人會問…
Five Guys嗌嘢食…好難咩？

無錯…
對百份之99嘅人嚟講…係唔難嘅。

咪就係一班外國嘅職員，
一個全雞腸嘅Menu…同一堆你未必識讀嘅配菜名之嘛！

所以…係有啲難…
對一個唔係成日講英文、又相對內斂，又天生有英語聽障…仲好怕「7在人前」嘅我嚟講…
更難。

所以，我成日想買…但每次都卻步！

而命運之日終於來臨！

今日同事問我：
「你今晚又自己外賣呀？咁要食好啲啦！話晒年30！」

聽到呢句…
我鼓起勇氣：「其實，我好想食Five Guys…哈哈。」

大家都奇怪…想食咪食囉？等咩？
我就將自己嘅隱憂，和盤托出！

一講之下，眼淚俱下…
而原來…大家都有啲同感！

同外國人Order嗰時聽唔明一兩句，的確好尷！

但呢個時侯，人性綻放光輝！

出名善良嘅Peter仔搭一搭我膊頭：
「我曾經食過一次Five Guys…等我幫下你呀…
總之你記住3個字…『All the way』!」

「無論佢問你咩！你都All the way啦！個Burger配菜多，你認真揀嘅聽日都未嗌到！
一句All the way！！你全都要，大家都Happy。」

但係…都唔可以一句打天下嘅…
萬一佢問你其他嘢點算？？

此時那刻，
英文勁到爆嘅 Eric仔都搭一搭我膊頭：「你唔記得仲有我咩？」

「總之…唔明嘅時候，就講…『Again』。佢就會repeat一次㗎啦。」

Um…這方法不錯，但如果佢repeat完我都唔明呢？

「再講多次『Again』，再唔明再『Again』。你again多幾次，佢驚過你呀！
佢後面成條隊，到時佢會幫你揸主意㗎啦！」

就連平時少出聲嘅阿May都加入戰團：「佢可能問你塊牛幾成熟，記得答『Medium』。」

我心諗：「其實…呢個我識…同埋…Five Guys問得咁細㗎咩？？」
anyway…人哋一片好心，所以我都點一點頭。

最後，我戰戰兢兢咁問：「如果…我要takeaway…應該點講。」

Peter仔拍拍我：「你只要講返Takeway就得㗎啦。」

係喎…Peter仔真係心水清！

原來我個問題，已經包含答案。
人生，有時就係咁簡單～

但Peter仔同時補充：
「不過你其實唔使講…因為呢家一過咗6pm，係無得唔takeway㗎…」

OK fine…

我得返一個問題：
「佢逼我用安心出行咁點算？」

Eric仔答我：「咁你就直接 屌佢老母 啦…」

我：「What？鬼佬嚟喎，聽得明？」

Eric仔：「咪係囉，一個鬼佬如果逼你用安心出行，你都一樣聽唔明㗎咋。
你問完未啫，去買啦。收得工啦。再同你傾落去，我OT㗎啦。」

好啦。我終於踏上征途…

同時做好晒資料搜集。
由於Five Guys閒閒哋一餐…都舊幾兩舊水，
所以我保證自己有足夠現金（但其實可以碌卡的…）

一上到去，我深呼吸…見無咩人，正合我心意。
正前方，一堆外國人已經齊裝待發，等我Order…

胃，不禁有啲痛。
但Peter仔、Eric仔同阿May嘅靈魂彷彿喺背後推動我…

「One CheeseBurger, All the way…..Large Fries and Chocolate milkshake」

我得咗啦！
見到外國哥哥好似無咩疑問，將我嘅Order不斷輸入…

我知道！我成功咗！我嗌到啦！！！！！！

呢個時候…趁我信念一鬆…
外國哥哥問咗我一條問題…

我…完．全．聽．唔．到．佢．講．咩。

最恐怖嘅事態始終都發生，眼下我有兩個選擇。

A：9答「All the way」，但我都幾肯定唔關事…
B：另外就係「again」…而我嗰下覺得，佢就算Again…我可能都聽唔到…

於是，我行咗第三條路。

「OK。」

究竟我OK緊啲咩？
連我自己都唔知…但外國哥哥又好似好ok！（之後冷靜返個人，回憶返，佢應該係問我薯條要咩味…）

最後，當然無風無浪…
得到我想要嘅結果。

所以呢篇文，有兩樣嘢想講。

第一樣係：
其實有啲嘢…
你知道落少少苦功就做到，
但偏偏鍾意逃避。畀好多藉口自己，驚7，就係唔敢試一次。

明明，你做得到。

第二樣係：
我咪order咗杯milkshake嘅。
我將佢擺埋落放Burger&薯條個紙袋度…

本身無咩嘢…落街咗幾十步。

發現「唔x妥喎！」

個紙袋好似 天津核電廠 大爆炸咁！！！
上上下下都穿曬窿！

所以第二樣想講係…

『Five Guys你個紙袋好薄呀！！！！！！！！』

P.S. 篇文無無聊聊你都睇晒，多謝你！祝你新年快樂！

MeWe：張晨
https://mewe.com/p/張晨
P.s. 用app有機會彈app…可搜尋「Cheungson」

IG: cheungson88
https://www.instagram.com/cheungson88/
（很少人Follow的acc，有時說說生活事）