< 緬甸奇遇記：小感悟🇲🇲 > 翻咗香港一年，仲未係好沉澱曬我對呢個trip嘅感受， 不過就當紀錄下先，用爛爛嘅文筆同大家分享下xd。（連書面語我都唔敢打😅，gg我啲中文） SWIPE到最後送你地一個落咗三個禮拜雨之後 嘅日落ʕ•ᴥ•ʔ ~（零p零filter, 用iphone8影💯） 圖1+2係我教間學校，圖3+4係我啲學生☺️☺️🥰 你無睇錯，圖一個爛地就係佢地個球場:o) 圖5係......証明嗰到啲人真係耕田㗎HAHAHA ；less is more 緬甸嘅小朋友好窮，窮到一支鉛筆用到短過手指尾都唔捨得揼； 窮到屋企唔俾小朋友讀書 因為要人翻去種田賣菜養起全屋十個人。 嗰下好羞愧，自己一直take for granted享受緊嘅嘢原來對於眼前自己嘅學生黎講係咁唔容易， 而諷刺地自己身處香港好似從來無珍惜過 能夠接受教育嘅機會。 嗰度嘅學校唔單止無冷氣，仲成日停電，燈又無，printer更加唔洗旨意有得用。 日日教完書落堂都好似跑完5k咁滴曬汗， 有時仲要開電筒教書； 人地黑暗中對話，我就黑暗中教學。 部printer一係食紙，一係connect唔到， 一係就全班25人print到第6張就停電； 哦，咁我都係用翻白板手寫算～ 種種喺香港習以為常嘅嘢， 原來喺世界上某些地方並唔係咁「正常」。 你喺香港咁個制就有嘅，會著嘅燈、 會一分鐘print幾十張紙嘅printer，sorli，電都無。 正因所有野都好簡單， 所以俾到唔少機會我重新反思＋ 審視自己嘅生活究竟需要啲咩， 對我黎講最重要嘅又係啲咩。 / 珍惜你擁有嘅嘢，心存感恩，無嘢係必然㗎。 ；happiness is a choice 六至八月正值雨季，差唔多日日都落雨，留意番係暴雨，姐係你擔遮都會全身由頭濕到落腳嗰隻。 （之後因為著住對拖鞋，仲好容易pk。 我成日喺房門口跣親LOL) 一開始去到都幾討厭咁嘅天氣， 連續三個禮拜倒水咁款，呀太陽你係咪取消咗？ 久而久之發現自己啲學生（當地人都係） 出太陽踢波落雨踢波， 佢地心情好似唔會受到天氣影響咁。 之後發現好多嘢根本唔到你控制， 就算你鬧個天都無用， 搞到自己咁燥咪又係辛苦自己。 停電咪出去玩出去行下；落雨咪去玩水， 或者去食個tea食個麵欣賞下啲雨。 既來之則安之，未驚過。(chill) 種種嘅未知加上太多不確定性， 我地早上起身見到個太陽可以開心一日； 誤打誤撞發現原來緬甸有邊爐放題， $50蚊港紙任食呀，又開心一日。 某日啲學生話要睇戲，於是三十個人塞喺課室前面， 睇我個13寸macbook screen播toy story， 你可能會話：嘩，睇條毛咩？！？！ well，無論係我播成龍定minions， 周星馳定spiderman，呢班細路一樣咁興奮， 搬檯搬凳話要整個“mini cinema”出黎喎， 企喺到成堂都要睇。 之後成班人日日都笑騎騎咁話要睇戲。仆街中伏！ / 呢個世界有好多嘢可以俾你怨， 不過我相信同時都有好多嘢值得你去開心。 ；always choose KINDNESS 緬甸人係我見過最善良嘅人。 佢哋好鍾意笑，又warm又真誠， warm 到你會不自覺地笑番轉頭； 佢哋仲會無條件咁信任你。 第一日識你已經咩都同曬你講， 第二日add你facebook， 第三日已經喺messenger邀請你禮拜六車你去玩。 一開始心諗，嘩，尷尬囉，唔係好熟咋喎； 不過既然黎到，又無野做， 有唔想拒絕人地一番好意，咪（勉為其難）去下囉。最搞笑嗰次俾人邀請去生日會， 但我去到連邊個生日都唔知:o)， 就咁一啖食咗佢地塞俾我嘅鮮藍色忌廉蛋糕:o) （唔怕，無事！個肚無explosive！） 兩個月入面收到無數份手摺手寫嘅 禮物、信、卡、家鄉小食、水果， 坐咗N次tuktuk俾人賣豬仔咁帶去遊山玩水， 當然仲有每日嘅擁抱同埋最燦爛嘅微笑。 輕易地獲得咁多嘅愛，我成日都諗到底我係邊個， 值得佢地毫無保留地對我咁好。:’))))) / 或者要相信世界嘅善良，先能夠擁有世界嘅善良。 懶deep完，下回預告：嚴重cultural shock篇🤪 #緬甸奇遇記