【龔成問答信箱】（Q13381-Q13400）

Q13381：

龔成老師你好，機緣巧合點進你既facebook page，發覺老師經常詳細解答各類疑難雜症，簡單易明具有獨到分析，希望可以好像老師一樣早日達到財務自由。

小小背景資料，我係一名空姐，今年24歲，剛踏入社會一年，月入20至24k到，每月儲蓄15k，股票連儲蓄20萬，包括4手港交所於數月前買入，買入價$238.3請問我應否繼續持有收息還是達止賺價$260便沽出，再等待跌穿$223再買入。

此外，雖然明白月供股票能分擔成本風險但比較喜愛選用一手手買入股票請問應該如何再分配剩餘存款，是否已經持有過多比例的港交所股票？

如月供股票，看好盈富基金，領展，港鐵的發展，請問比例應該如何分配？

本人目標希望3年內能儲蓄達至70萬。

其次平時於外地用剩餘外幣應如何好好利用，應否建立外幣儲蓄戶口，還是有其他好好利用的方法？

謝謝龔成老師

龔成老師：

港交所（0388）是有質素的股票，建議你長線持有，表面上賺10%賣出等跌是方法，但真正運作好難，好多時反而會賣出後再大升，因此，建議你將投資模式改變，轉為長線投資，對你長遠的財富增值最有利。

至於月供定有一手手，如果你自己分注一手手買，都能做到分散買入價的作用，你就可以用一手手。因為我建議人月供，最大的作用是平均買入價，減少一次過在高位買入的風險。

另外，唔建議太集中在一隻股票，你一定要建立一個組合，當中在平衡的分配。

所以，我會建議你財富分配上，轉多在盈富（2800），然後則平衡分配在港交所（0388）、港鐵（0066）、領、領展（0823），你可以用月供或分注的模式進行。

你可以用長期的角度去分析，例如你的目標比例是2：1：1：1，中短期金額不同無問題，但你的方向，就是在長遠建立一個這樣分配金額的比例（大約數就得）。

外幣的投資價值不算高，你可以開外幣戶口，但只能作為中途站，之後都要找機會轉翻做股票等資產項。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13382：

老師，就呢排示威活動，中銀同港鐵都跌左好多，長遠而言都有信心，是否入股好時機？

另外想順便問埋老師你點睇長揸美股？例如microsoft等龍頭公司

龔成老師：

我地的分析點，永遠是長期，即是起碼3年，3年後，中銀香港（2388）情況怎樣？港鐵（0066）怎樣？我相信好大機會都會回復正常的業務情況。

因此，這兩股的長期質素無變，這刻只是中短期問題。以平貴估值來計，中銀處合理區中下部，港鐵則在合理區。基本上都有投資價值，但就要預佢股價中短期會波動。

至於美股，都有好多有質素的公司，長持無問題，microsoft等龍頭公司當然可以長線投資。

不過，我自己就無投資美股，這一代表我不看好，只是我不夠認識，因為我買入一隻股票前都要經過好詳細的分析。如果你想簡單投資美股，可以買相關ETF，例如
領航標普五百（3140），這已經是一個簡單追蹤美股的基金。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13383：

請問12，435邊隻質素好啲？

龔成老師：

當中的性質有點不同，但都是優質股，如果要講長遠的質素，恒基地產（0012）會比陽光（0435）略好。

恆基是發展產，加上是綜合企業，當中持有的都是資產有一定質素的項目。而陽光則是房託，投資價值都好高，但比恆基會弱少少。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13384：

老師你好，太古地產近期股價跌了不少 市盈率也回到較低水平 因為他這一兩年盈利開始下跌 請問現在是入市好時機嗎? 這股長遠前景應該不差?

太古地產同恆基地產比哪個較佳?

另外北控水務的業務每年也有穩定上升 現價算是合理入市水平嗎?

最後，本人一直都有買老師你既書 獲益良多 請問除左你寫既投資書 仲有無其他好既投資書推介?

龔成老師：

太古地產（1972）是有質素的股票，但要留意，盈利會包左物業重估，因此市盈率要作出調整才有代表性。

這股最近因香港的社會運動而回落了很多，現價在合理區，與恆基（0012）大致都處類似平貴水平，但比恆基會略平少少。

兩隻都有投資價值，以值博率來說，這刻的太古地產會高少少。

至於北控水務集團（0371），業務及本質都不差的，但由於負債增長較多，風險度有所提高，所以股價增長方面受壓，估值上也有調整。現價合理，可分注投資，但不能太過大注。

以下是我認為好值得一睇的書，由於部分較舊，可能要到圖書館找。

《我十一歲，就很有錢》
《經濟蕭條中，七年賺$1500萬》
《富爸爸，窮爸爸》
《思考致富聖經》
《秘密》
《財富金鑰匙》
《有錢人想的和你不一樣》
《世界上最偉大的成功寶典》
《洛克菲勒寫給兒子的38封信》
《解讀巴菲特》
《巴菲特傳-永恆的價值》
《勝券在握》
《智慧型股票投資人》
《非常潛力股》
《彼得林區的選股戰略》
《誰搬走了我的乳酪？》
《人性的弱點》

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13385：

龔成老師你好，有小小事想請教你，請問如果我目標係想靠投資股票而達至財務自由。請問我有咩條件或要做什麼才可以達到呢個目的呢?

David Webb他在33歲辭掉投行工作，專心投資港股，估計自1995年以來，每年的投資回報達到20%，跑贏恒指。雖然我沒有他的背景，學歷，希望你比小小意見我點樣可以做到佢咁!

我只係一明普通打工仔，現時只有一些抽象的概念,希望你指點一下，謝謝，希望能再次上你的堂!

龔成老師：

如果你現時有正職，我會建議你每星期，起碼用5小時，增加你的投資知識，再用另外5小時，去睇分析企業。

我過往都是打工仔，但就由18歲起，每星期起碼睇一本書，總之不斷學習，多年來無停過。同時，我自十多年前起，正式用價值投資法開始，就逼自己，每星期分析一間企業，睇年報等，逼自己寫報告，分析企業質素，計估值。十幾年來得到很好的分析技巧。

無野是突然出現的，你可以好好利用這刻打工的時機，並行實加自己的投資實力。

如果要做全職投資者，你一定要去到某個實力水平，相信你應該好明白，投資一定不能靠運氣，只能靠你的實力，而你自己應說大概了解去到那個水平。

要做到長遠目標，就要一步步行，但一定可以行得到的！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13386：

龔成老師:想問下點睇2013微盟集團前景？我$4.2入 到依家跌好以升唔反上$4 我應否止蝕離場？

龔成老師：

我地繼續持有一隻股票與否，最重要是企業的質素、前景，買入價只是一個心理因素，唔好比這個因素影響。

微盟集團（2013）集團主要係中國從事提供軟件即服務，這類的產品及營銷服務。產品分為「商業雲」解決方案、「營銷雲」解決方案及「銷售雲」解決方案三類。

騰訊控股（0700）係佢的主要業務合作夥伴，主要以「微信小程序」及「微信公眾號」的形式係「微信」上提供產品。

這企業發展快述，雖然都有質素，但業務類別就很波動，加上估值貴，這類股你要預風險較高，同時投資注碼不能大。

因此，如果你小注持有，無問題，但太多貨，就要在反彈後先賣出部分。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13387：

龔sir你好，想問0069香格里拉同0308中旅現時屬合理區嗎？優質成份高嗎？

龔成老師：

香格里拉（0069）雖然股價回落了好多，但未到平宜。最主要的原因是佢的賺能力弱左，加上過往估值太高，這刻只能該翻去一個合理區。這刻投資可以，質素有，但你中短期會弱，要長線投資先得。

至於香港中旅（0308）這刻在合理區中下部，不過，這企業本身的質素未到高水平，加上因香港的近期事件，相信中短期會弱，同時投資價值不算太高，這點要留意。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13388：

你好！ 想請教下你投資方面嘅嘢

我今年35歲已婚剛有一女
每月搵$50000，自己有一層樓自住已升值400萬

剛賣左一層投資嘅樓， 手頭上有現金約250萬

現除左自住嘅樓沒有任何投資， 想請問你有冇咩建議比我？

請問月供股票適合我嗎？ 因為本身唔太識睇市
我打算每月供2萬

$1萬 - 2800盈富基金
$4000 - 0027 銀河
$3000 - 0066 港鐵
$3000 - 請問買港交所定領展好？

另外想買入幾手2388 中銀或0005滙豐收息用， 因為現時價位偏低， 請問係好時機嗎？

龔成老師：

你現時的財富組合，偏向了物業，因此，將資金投資股票，能令你的組合更加平衡。

記住，我地並不是炒股票，而是投資優質股，長線持有，這是建立一個平衡的財富組合的一部分。

最適合你的方法，是利用月供，慢慢將你手上的現金，分段轉為優質股，月供的好處是買入價平均，減少你的買入價風險。

你上述的分配，可以，這些都是有質素的股票，你可以選港交所（0388）。

你初期可以供$2萬一個月，到你對股票有更多認識後，可以再選股加入，月供至$3萬或以上都可以。

中銀香港（2388）及匯豐（0005）都是可投資的股，中銀增長力較好，但股價較波動。匯豐就是收息股，集中收息，不要對股價有太大的期望，現價已可以分注。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13389：

師， 你好， 想請教下， 你對中國再保 1508, 中石化 386, 嘉華國際 173, 祝生活愉快

龔成老師：

中國再保險（1508）質素只屬中等，比起壽險這些業務，再保險並不算是好賺的業務。這股的股本回報率也只屬10%以下的水平。

由於不是無投資價值，所以這股都可以投資，但質素只屬一般，不要有太大期望。

至於中石化（0386），質素算是不差，但又未到好好，始終這只是商品企業，沒有一些太大的優勢。生意近5年只是上上落落，無乜增長力，這是受油價等因素影響，反映佢處於一個被動的狀態。

嘉華國際（0173），業務都有增長，質素都算有，但不是最高之列，只要金額不過大，這股有投資價值。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13390：

你好，成哥。本人51歲，一直以來都有投資股票，都買入不小貨。希望為將來退休有打算。

想你比小小意見我現在持有的股票組合，有無邊d值得加減。

昆侖能源（135）@28000股
中石油（857）@22000股
吉利汽車（175）@60000股
中國鐵塔（788）@20000股
中國移動（941）@16500股
中聯重科（1157）@25000股
中車（1766）@20000股
匯豐（5）@6195股
中銀（3988）@22000股
工商銀行（1398）@20900
建行（939）@62101
平保（2318）@1000
中人壽（2628）@3000
南方A50 (2822) @10000
中廣核電（1816）@10000
越秀投資（123）@20000

另外，最近在強積金方面月供$5000入落恆指基金。想知道這個決定好嗎？

另外，黎緊再想入港鐵（66），置富產業信托（778），同中國鐵塔（788）。想問咩價位入貨比較好？
謝謝

龔成老師：

你的持貨，基本上都是有質素的，都可長線持有，但就有點散，同時你其實應該慢慢為退休做準備。

昆侖能源（0135）、中車（1766）、中廣核電力（1816），相信對質素較一般（無不是無質素，只是比較你持貨之下，質素算是較一般），如果要重組組合，可考慮先賣這些股。

另外，你銀行股，要計下持有的總金額，會否過多，因為同一行業，不建議持貨太過多。

另外，隨著你慢慢準備退休，要開始集中在「風險較低，現金流較強的類別」，即是增加收息股的比例。

你可以建立一個收息股組合，你可考慮港燈（2638）、香港電訊（6823）、匯豐（0005）、工行（1398）、置富（0778）、陽光（0435）、深高速（0548）等，大多有5%股息。至於你上述的持股，只要佢的股息穩定，有5%以上，都可以列為收息股。

你要開始向這方向進行。

至於強積金，以你的年齡，只適合部分投資恆指，部分要投資軿低風險類別。

港鐵（0066）現價合理，可分注。
置富（0778）現價合理，可分注。
中國鐵塔（0788）在合理區頂，同時這股對你來說，未必最適合，因此不能太大注。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13391：

龔成老師你好，我係18歲大學一年級生,因為睇到有讀者來信，咁我都試下來信先，我係一名讀唔到名牌大學，讀唔到自己鐘意既科既一個失敗者！

因為我讀緊果科無乜前途，有次買書見到你呢本80後百萬富翁就拎左上手睇，睇左前言都覺得好勵志！

所以就買左翻屋企睇，我愈睇愈沉迷，有幾個問題唔係好明，mark 低左，未知老師可否抽空解答？

仲有你書到提到唔係為錢而工作，為學習而工作先岩ma,但我自己好鐘意咖啡，所以已加六，日朝早下午都用左啲時間黎翻cafe。

之後又補左4個習，咁其實我係咪應該cut曬佢？

因為我學唔到任何關於投資既知識，但我唔翻工，又無錢，咁我又何來本金投資，但翻工又佔左我好多時間咁，望老師解答。

龔成老師：

你記住，所有野的出發點，都是長期。

我建議「唔好為錢而工作」，這是一個長期概念的說話，即是說，你唔可以為人工，而付出你的人生，但在中短期，我地都要有儲初期資金的時間，因此，如果只是幾年去打工，只為儲錢，是無問題的。

因為這是一個中途站而不是總站。

但如果你視「為錢工作」為一個總站，就有問題。

同時，除非你翻你該工作人工好高，否則，如果對你長期的作用不大的話，就不要長期做（最多只能做一段時間）。

你現時翻cafe，相信是你的興趣與將來的目標，這就是「不為錢工作」，因此，你可以繼續做。

至於補習，如果只是一段時間，無問題的。同時，由於你18歲，相信未有初期資金，這段時間靠高時薪工作，去助你累積基本財富，這一步是重要的。

因此，打工不是無價值，但如果你每月打工後，都無資金剩，這就有問題。

最後，你要想想你現時的大學學科，對你長遠的幫助，以及你自己本身想的長遠目標，睇下條路點行，最能夠助你行到去長遠的目標。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13392：

龔成老師，我想作一個中期投資，約有兩年至五年時間(下年將結婚)，可以如何調配30萬資金，達至50%增長，這樣有可能嗎？？

現買入中國鐵塔788（平均價約$1.8）18萬
南方能源1573（$1.86）3.7萬
富豪信託1881（$1.96）1.7萬

1573買完就跌，我心理好大壓力，要否止蝕先（朋友話可另有故事發生會升返）？

1881預左收息，跌左都無乜野。 788是否買得太大注，有太大風險，可以如何安排？

同埋，想問下買入股票後，每日要幾頻密咁睇個市，我每日都睇好多次，睇住啲股票跌，個人好亂！
唔該哂！！！

龔成老師：

2-5年，可以理解為一個中線的投資。

如果要有50%增長，3以上會較合理。但如果你好心急，想盡快得到這回報，這反而會更有問題。

因為投資最重要是「理性」，心急者往往都有最大的心理問題，平常心是最重要。你每日睇住個市，是好錯的投資方法！

你唔好學坊間的財演方法，你要學「最賺錢投資者的方法，即是巴菲特的方法」，而巴菲特是強烈反對人每日睇股價的。

中國鐵塔（0788）有質素的，只是有少少炒概念，所以這刻唔能夠太進取。

這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入正不斷增長，盈利都保持向上，但股本回報率不高，是這股較弱的地方。但若分析佢市盈率，會見到現時仍然處好高水平，反映現時估值略貴。

由於這股有發展力，如你有貨，可長線。不過，你持貨太過多，這一定會為你帶來風險，我地投資不是博一博，而是建立一個平衡的組合，合理增值。

南方能源（1573），風險好大，投資這股同賭無乜分別，有保留。

富豪產業信託（1881），你預中短期會弱，長遠收息無問題。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13393：

成哥，
而家我月供緊$12000，分佈如下：

2800 $2000
66 $3000
1211 $3000
27 $2000
823 $1000
1313 $1000

我而家25歲，比較進取，好希望可以以最短時間為自己財富增值，請問你對於我的月供分佈有冇咩更好既建議？再供多點潛力股又可以嗎？謝謝。

龔成老師：

上述都是有質素的，都可以長期進行月供。

如果你能承受風險，你可以再加上潛力股中生製藥（1177）$2000，長期進行月供就得。

現時大市處合理區，可以一邊投資一邊留現金，而餘下現金的運用，就是等大跌市時出手。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13394：

龔老師 五年前已經開始有留意到你既文章 因為當時覺你用既一套方式實在太慢 所以都係睇下就算

當時無用心去細味研究 而我就係一個無耐性 速食既人 所以就係鐘意賺差價 永遠都係今次賺$1 下次蝕返$2

直到我依家32歲 由於哩幾年我蝕左$30萬係股票度 真係好痛好痛

加上撞岩今年結婚成家立室 知道自己唔應該再係咁落去 咁既人生不斷賭博 根本就係浪費同埋無意義

所以係一年前我就不斷留意老師Facebook 既讀者回覆 好多時你答既答案 都好寫實同埋講出左我既錯處 只係我唔肯去面對 所以我係6月份 終於的起心肝 進行月供股票

66/012/823/1928 四隻股票
Total $18000 一個月
本人做生意的 家庭收入約$70000
每月供樓支出$15000
暫時唔需要比家用

想問下老師 如果本人希望10至15年後做到財務自由 / 本人希望擁有$500萬資金 我依家應該點做？

因為我同我太太 依家每日都用超過12小時 去處理工作上既野

因為要不斷人手接online 生意
覺得咁樣既人手好無意義
根本做唔到自己想做既野 自己想過既生活
最後我決定左 下年會安排時間上老師你既投資班 希望得到投資智識
真真正正學到錢搵錢既道理

謝謝 龔成老師

龔成老師：

你需要用大量時間去工作，就更加無時間做分析，所以，長期進行優質股月供，是最好的方法。

現時你的情況，首先是保持月供，上述你選的都是有質素的股票，保持進行月供就得，如果可以的話，加上盈富（2800），會令組合更加平衡。

現時你每月供$18000，如果假設有10%回報，供15年，將會滾存到$670萬，都算完成到你的目標到時如果你每月洗費唔太高，財務自由是可以的。

至於你現時的情況，你可以從請人的方向去想，我自己最初做生意，都是事事親力親為，但後來明白這無法做大，只會做死自己，就開始「用錢買時間」、「用錢去再發展」，你要想想那些部分，可以分柝出去。

就算我最初未有能力請全職，都是將不同的業務，分開比不同的兼職。

希望下年在股票班見到你！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13395：

龔老師你好, 本人分別在$43.8及$50.45買入一手1211; 在$23.8買入2388; 及$41買入0066, 現在三隻股票都在下跌，特別中銀2388更為甚.

請問這三隻股票還有上升空間嗎? 如果把股票吐現，會有10萬左右現金，有其他更好的投資組合可選擇嗎?

另外，現正煩惱該租樓還是買樓。本人擁有一棟700多萬的物業, 因育有小孩需要更大空間而要換居所。因為用高乘數按揭買入物業, 未供夠樓價一半暫不能出租，只能放售。

如果再買物業, 在心儀的校網未必找到合適單位, 在考慮會不會租樓算了, 但感覺又似幫人交租。正處於交叉點, 希望您能指引一下方向。(本人家庭收入10萬元, 30出頭, 小孩剛到適學年齡)

龔成老師：

上述3隻都是有質素的股票，唔需要太在意中短期的股價情況，重點是長期的業務發展。因此，可以繼續長線持有。

但我相信佢地的股價，中短期仍會較弱，你要平常心面對，但之後會慢慢好轉的，不用太擔心。唔建議轉其他股。

至於物業方面，以下方法有風險的，你自行決定，但這是坊間不少人都會用這方法：

將你現時的物業照放租，後後自己再租另一個地方，租較大及校網合你心水的單位。金管局的確不容許5成以上物業放租，但坊間仍有很多人照做，當然，這是有風險的，你要自己決定，至於具體做法，你可以問下地產經紀，如果有機會你上我股票班，都可當面問我，我會講述「坊間」的做法。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13396：

龔Sir, 你好。之前睇過好多你同讀者既問答，在5月份開始月供股票（2800、2388、1211）。

其中一隻係中銀（2388），但最近因為中銀股票不斷跌，請問呢隻仲直唔直得持有？還是轉另一隻銀行股進行月供較好？（原本諗住4-5年後先放。）

另外，如想再月供另一隻股票，龔sir有冇推介？萬分感謝

龔成老師：

你上述所供的，都是有質素的股票，你可以保持長期月供。

中銀香港（2388）是發鈔銀行，加上佢是中資背景，如果日後有人民幣相關金融業務發展要益香港，只會比中銀而唔會比匯豐渣打。

因此，佢可說是有獨特的地位，在長遠來講，如果中國要推一些金融產品、人民幣相關項目，佢在香港各銀行中，會最先受惠。

不過，佢中短期一定會因為香港的社會運動而變弱，股價會波動，業務受影響，但如果我地以長期的角度分析，這股仍是有質素的，你可以長期月供，只要供款的金額不過量就無問題。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13397：

個市都跌左一排
手上005 67入 未放 keep住收息

請問 最近有無咩股票值得爭持？
月入65k 減1萬家用 1.5萬供樓 1萬交通食飯雜費
考慮中線投資

希望可以再儲150萬換樓
暫時有30萬cash係手
謝謝你

上次問你月供未開始進行
又見個市跌得勁 所以未開始
最近見26000都有支持 所以想考慮入番d

龔成老師：

無人知個市會唔會繼續跌，我地只會分析「平貴」，而唔會預測幾時見底，唔會「等跌完先開始入」，這是無人知的。

匯豐（0005）可以長線的，這股仍有質素，不過增長力就不強，唔好對股價有太大的期望，收息無問題。

如果你有$30萬資金，以現時大市的平貴情況，其實可以分注投資，只要不用盡現金就得，月供股票亦可以開始。

你可以買入盈富（2800）、港交所（0388）、恆基（0012）等這些股，長線投資，如果你想有更大回報，可以考慮投資零售股，這類股中短期一定會因香港社會運動而弱，但只要事件完結，就會回到正常水平，因此，如果你能承受少少風險的話，這類股有投資值博率的。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13398：

你好龔成！本人持有976巳4-5年！均價6蚊想問下有機會升返嗎？

之前4個幾巳沽了一半還有一半、現在可以怎樣好？

龔成老師：

我地決定繼續持有一隻股票與否，最重要是分析企業的質素、前景，買入價只是一個心理因素。

齊合環保（0976）業務不佳，投資價值不高，以現時的業務情況去睇，要上翻去好難，最多只是有反彈，而較難上翻去。

所以，你可以等較大的反彈後，賣出部分或全部股票。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13399：

Hi，龔成你好，想諮詢你的投資意見，謝謝。本人41歲，月薪4萬，每月可蓄2萬，手頭有50萬現金儲蓄，沒有投資經驗。

現計劃將當中12萬做年金供5年十年到期，另開始每月投資8千至1萬做月供股，主要目標是長遠資金穏健增長for退休，你認為這個分配如何？

而月供股的分配建議又是如何？十分感謝你的指教，祝生活愉快。

叧外，現未決定買年金及月供股的比例，請賜教，謝。

龔成老師：

上述分配可以的。

年金是防守性產品，在理財中都有其作用，如果你本身個人低風險，投資年金是可以的，但由於我地會偏向在年輕時偏向增值，因此，年金的數目不用太多。我會建議你金額比月供股票少就得。

至於月供股票，你可以投資平穩增值類的股票，以你的年齡來說，適合你的。

你可以月供$10000，盈富（2800）$4000、港交所（0388）$2000、恆基（0012）$2000、銀娛（0027）$2000。只要長期進行就得。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13400：

5號仔入得過？咩位好？Thank you

龔成老師：

匯豐（0005）仍有質素，但坦白講，業務的賺錢能力已不及過往，已過了最黃金的年代，這企業雖然仍有質素，但只能賺取合理而不過多的利潤，因此，你只能視佢為收息股，不要對股價有太大的期望。

即是你預佢股價唔會有太大驚喜，只是收息股。

現價的股息率合理，有投資價值，如果要更吸引，就跌多10%。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

⚗️呢個係我台面嘅芳香小角落,我形容為「香香公主放題」,每次睇見呢個架,我都會覺得自己好矜貴,其實除左係我爸爸媽媽身上,都好難搵到覺得自己好矜貴嘅感覺,老公覺得我同佢係平起平坐,唔會覺得我特別矜貴,我D囡通常會覺得呢個女人好煩,一定唔會覺得呢個女人矜貴, 所以矜貴嘅感覺係好難得架!💕

我本身都係個幾闊佬嘅人,但係唔知點解,對於用精油我好"孤寒" 道理就似係,我請你食飯送禮物無問題,但係你唔好攪我D零食,會反面!🤤🤪

所以我用精油都幾"兢住用" , 以前比較貴嘅精油,我好少會攞嚟Diffuse,但係事情係我老公開始愛上用精油後有所改變,唔知係佢唔知價定咩,佢用油真係好豪,豪到我真係唔知講咩好,每次見佢滴我都會無言地O嘴😲,佢會十幾滴 frankincense sandelwood jasmine 咁樣滴落diffuser,佢油袋裡面一定會有frankincense 同 Sacred frankincense , 得閒記得就搽, 我真係未搵到一個有佢咁知陰嘅人🤷🏿‍♀️,而且我發現,我開左無幾耐嘅靚油, 都會係佢個油架出現💢,後來,我終於明白,D油買左返嚟係你個櫃桶度都唔代表係你嘅,要用左先係屬於你嘅!所以我每日都坐係呢度邊做野邊diffuse 嗰D香到你會心微笑嘅精油! 真係齋坐係度呼吸都覺得自己與別不同!

👩🏻‍🦱👨🏻‍🦱精油確係令我地兩個相處變得好唔同,老公由以往燥底動不動就同的士佬爭路,揸車經常講粗口失控,變到冷靜淡淡然,如果唔知佢有搽油我會懷疑佢鬼上身,而我本身都係個外表幾冷靜嘅人,因為我好識收埋show到最冷靜嘅一面比人睇,但係內心就常常好多糾結,精油嘅味道除左提高咗我嘅安全感,仲令我對事情輕重有適當嘅心理調節,有一種好順心嘅感覺! 就好似內心嘅頭髮用左護髮素,唔再打晒kick咁!

🧠我知道每個人心情唔好都會有佢背後嘅原因,有D事唔係Diffuse一下就可以忘記或解缺, 但起碼我地感到唔對勁嘅時候,要有警覺性去處理,即係好似你幾日無沖涼,聞到自己開始發臭,就要去沖個涼🛁,唔好等到爛肉先至去睇醫生搽藥膏,因為無理由你想見到自己爛肉嘅.係咪!

#MyDailyYLEO

20170212
[留意！！！非美食文]
以下所講既食物絕非美食，請大家留意返！

話說Perth Crown即係Perth個賭場呢，早前就有個promotion，可以用$5(aud)買個FUN PACK，FUN PACK 包括:
1. 來回賭場既交通(Crown Bus)
2. 賭場內餐廳Carvers既Buffet Lunch/ 餐廳 88 Noodle Bar既selected Lunch / 餐廳 Snax 既selected Lunch
3. KENO彩票一張(價值$1aud) [類似lotto啲fd]
4. $3aud credit 比你玩電子賭機

我地大食女依兩個窮L，見到$5咁抵，食個Hungry Jack’s 都最平都要成$6，當然想去下賭場睇下有乜食啦。

因為要買依個FUN PACK係必需要坐佢地架巴士去既，通常都係喺大約早上9點幾左右就要去到某個地點上車，我地check好左巴士時間表，當日9點半就揸車到左Belmont Forum度等車。
我地去到既時候已經成個巴士站都係人，而有99%都係老婆婆老公公，我地兩個係(睇落去)最後生果個😂😂
上到車簡直覺得自己參加左個耆英新春團咁😂

到左賭場，落左車，司機會派張卡仔比你，證明你係搭賭場巴士黎既，有資格可以買$5 FUN PACK。
入到去出示賭場張會員卡(免費申請既)同$5就買到個FUN PACK。FUN PACK有3張可以meet出黎既小紙仔，一張係食飯卷，一張係回程巴士票，一張係KENO換票卷。
其實賭場啲餐廳基本上係11點先開門，我地到左都只係10點，所以我地先喺賭場內行左幾圈同埋賭左下兩手(賭場搞FUN PACK既主要目的就係想我地困喺裡面冇野做唯有賭下錢😂)
※P.S.我地兩個都冇輸錢😎😎

我地本身係未諗到食邊間餐廳既，但因為我地未食早餐又越賭越肚餓…覺得自己直頭食得落兩隻牛，所以最後都係揀左buffet😂😂
11點未夠已經好多人喺間餐廳門口排隊

Buffet食物種類唔多：
有沙津吧，熱食有菜、長通粉、烤薯仔、烤南瓜、飯、咖喱雞、炸薯條、燒豬肉、同燒牛肉，甜品我記得既有啫喱、蛋白蛋糕、朱古力蛋糕、幾款我冇興趣既蛋糕、朱古力同雲呢嗱雪糕，飲品有soft drinks、coffee、tea、水，另外仲有包，南瓜蔬菜湯同生果沙津。

唔…就真係唔算好難食，因為啲沙津都好正常，啱晒平時比較少食菜既我地，所以我地把握機會狂食菜😂
個牛同豬就真心難食，佢仲要係懶勁咁你排到去先切一兩塊比你果款，個豬都好少少，仲叫做咬得開，塊牛就真係咬都咬唔開，切都切唔斷囉💀💀。
我地兩個都認為全個buffet最好味既係炸薯條🍟🍟😂，炸得幾脆，好味過澳洲既KFC薯條！(我地一邊食薯條，一邊講：出面買個薯條都要$4啦，$5真係好抵呀😂😂😂
個南瓜蔬菜湯都幾正常，ok既。
我見其他枱既婆婆伯伯攞左好多類似法包仔既硬面包，我攞左個黎試，硬到差啲介損我個嘴🙊🙊佢地真係好有牙力😂

食完個buffet真心覺得物超所值😂因為真係平時喺普通餐廳叫支汽水都要$4😂依家$5有餐buffet😂 其實個buffet平日lunch原價都只係$16.95😂但我真係唔會比原價黎食🙊🙊

食完之後又再賭多兩手行左幾十個圈消化，用左FUN PACK入左落會員卡入面既$3喺啲電子賭機度玩左。
再攞左張KENO彩票玩，我地唔知係點玩法問左櫃枱既哥哥，原來係佢會比張飛仔你，紙仔有4個號碼，你就望住旁邊個大mon，大mon會開啲號碼出黎，如果同你手上飛仔既號碼有兩個或以上係一樣既就叫中奬啦🎉(汶汶中左兩個號碼，贏左$1aud😂😂)

回程既車係下午3點幾，去市內不同地區，我地本身諗住食完玩完就提早自己搭巴士走人唔搭佢架車既，不過因為汶汶沉迷”睇”人賭錢(唔係佢自己賭喎，係睇人賭咋喎😂😂🙈)所以我地最後都係玩到3點幾搭賭場巴士走人😂😂😂

留意返，我地本身都諗住睇下有冇可能自己揸車去賭場都可以買到FUN PACK架呢，但係黎左之後發現基本上冇可能，因為果張証明你搭賭場巴士黎既卡係司機企正喺巴士門口度等你落車派比你既。

仲有$5aud FUN PACK優惠暫時完左啦，但佢其實原價都只係$10aud，其實都叫做抵玩架！有機會黎perth玩既人如果冇野做都可以試下去賭場玩返半日😎

仲有，提醒你，切勿中賭場既計沉迷賭博，否則輸好多錢既話，$5既FUN PACK幾抵都變唔抵。💸💸💸💸💸💸💸💸💸💸

#perth #crownperth #crown #大食女 #bigeatgirls #大食女遊記 #carvers #buffet #funpack #australiaworkingholiday #workingholiday #crownbus #perth好去處 #沉迷賭博等於倒錢落海

#獨家爆料 #愈記 #娛樂爆料 #XX事件 #大解構 #娛樂大混醬 #愈記超市 #全港最平最齊 #大埔 #黃大仙 #沙田 #青衣
00:00 開始
00:24 愈記超市大埔分店
00:38 愈記超市名稱由來
01:04 南亞裔街坊訪問
02:13 香港街坊訪問
03:08 凍肉部
03:48 各類醬料選擇
04:04 娛樂八卦
04:40 大孖| 羊牛鴨醬
04:55 日丁九州拉麵
05:21 大孖| 羊牛鴨醬
05:41 大孖記沙嗲醬
06:15 霸王花河源米粉
06:54 蓬盛橄欖菜
08:15 文記麻辣混醬
09:50 自家品牌川野家博多烏冬
10:26 義記香辣油咖哩
11:35 文記秘製魷魚醬
13:20 文記秘製鹹魚醬
14:10 聯泰義記蠔油
14:23 大孖秘撈魚蛋醬
15:22 自家品牌的拉麵烏冬米粉米線
16:09 愈記超市送出禮品


【獨家爆料】安彬事件大解構│娛樂混醬│愈記超市│全港最平最齊│
大家喜歡看我的娛樂爆料，我當然不會令大家失望啦

這條影片我將會跟大家分享一下在2019年發生 一單轟動魚圈的新聞

當中一些不為人所知的秘聞, 大家一邊剝花生我就一面介紹

一間好便宜的生活百貨超市 “愈記超市”,

它在大埔、 黃大仙 、沙田和青衣都有分店

我會將它的分店地址放在留言置頂， 好讓大家比較那一間方便，

在你家或公司附近, 愈記的老闆娘是姓俞的，

老闆送了一個心給太太，並且希望她記住自己，

所以就叫做愈記超市，估不到這個愈記超市的名字

蘊含着一個刻骨銘心的愛情故事

抵買和多選擇就是這間“愈記超市”的特色,

就連非常懂知慳識儉的南亞裔人士，都懂來這裏購物，

你們便知道有幾便宜了，不信你看看街坊的意見 。

你來自哪裏？印度，你怎樣發現這個店舖？

這間店很好，全部都好平，有幾平？

是否比起其他店都平？全部都平過其他店

有其他什麼可以介紹我們香港的觀眾嗎？

告訴我吧，還有什麼？這個這個這個我都很喜歡

做甜品用嗎？對啊，這個經常煮的，印度人經常煮這些

21 他住在香港5年我住了8年，很高興認識你們

多謝你們推薦食品給我們香港觀眾，

祝你新春快樂，恭喜發財，謝謝你（印度文）

是的我懂印度文的，你喜歡在這裏購物？

這裏在大埔街市附近已經很旺區，亦有很多商店商舖

但是這一間愈記超市開了之後，我見到什麼也有得賣

有傳統雜貨店和街市雜貨店，還有小型超市地道雜貨店那種吸引點

不用經常去大型超市，好值得幫襯，還有這裏實在太抵買，超平

而且種類繁多，你不喜歡出鏡那我就不拍攝你的臉

平過別處一大截，雖然舖位細細，

由基本柴米油鹽到少量中日韓泰國人氣食品、少量廚房用品都有，

大部分價錢和質素比大型超市、網上商店更加便宜又多選擇

尤其大埔這一間分店更設有凍肉區及以「大醬園」著稱。

靚太，為什麼你說這裏很平呢？平呀，因為我經常有購買這些煮醉鴨舌醉雞翼

這個牌子是最頂級的，很多大師級都用，16元外面一般平均價錢都要18甚至20

這個並非四周可以買到，大的雜貨鋪才找到，用來煮什麼

鴨舌醉鴨舌，醉雞，正嘢，我要這個

他們更加有齊全港膾炙人口的本地生產老子號醬料，

例如余均益、綿香、悅和、勝利大澳蝦醬、大孖醬園、

40 文記、義記、泰興、順發孖記等等，

當食材遇上醬料， 就好像一場美麗的邂逅 ，所產生的變化 ，簡直令人回味無窮 。

就好像我今日要跟大家分享的魚圈八卦新聞 ，當中有些不為人知的人和事,

令人聽落去津津樂道, 讓我一邊介紹醬料, 一邊跟你道出娛樂大混醬。

這件事我給一個化名男主角叫

........按入去睇片
平時在書房剪片太耐,突然之間在家想食小吃

就可以放入氣炸鍋串起些牛肉粒,出來就用這個大孖 沙嗲醬

自製串燒,無添加防腐劑、味精，用來撈麵好好食，食得安心

大孖記羊牛鴨醬, 以後炆嘢唔使咁大陣仗

兩羹醃肉隔離都聞到飯香, 請埋街坊返屋企共享

大孖沙嗲醬, 輕而易舉燒肉腸

沙嗲味濃郁齊齊拍掌 , 唔使搭飛機都好似去咗南洋

為何説彬彬其實對樹熊騎牛搵馬呢 ，

樹熊除了孝順之外 ，還好知慳識儉 ，在他拍‘吹脹雲霄’時

當時........按入去睇片

這一隻蓬盛的香港橄欖菜又幫到你幫到你，超級易煮,

霸王花河源米粉, 易熟好味介紹埋阿嬸

半夜肚餓唔使諗, 自己煮唔使麻煩你賓賓

彬彬跟樹熊拍拖時, 騎牛搵馬, 幾乎有錢仔都不會放過

有一次彬彬跟一位朋友去到一班有錢人的私人派對

那班人個個都揸林寶堅尼 ，派對完了離開的時候

彬彬問都冇問 ，就坐上了其中一人的林寶堅尼入面

車主就覺得好莫名其妙 ，完全不認識她 ，

彬彬竟然未問過車主同意就跳了入別人的車，

車主禮貌地說:不順路，

彬彬好老尷的下車，之後這位車主就跟朋友講,

車主的朋友圈就這樣唱彬彬, 傳到來我這裹

他們成班人都覺得彬彬份人真很混帳 ,那麼厚面皮,不止這樣 ...

混醬都要找隻優質的醬料,介紹返， 我就用這一個文記麻辣混醬，

它是頂級醃料，用來製作雞煲、打邊爐湯底、

撈炒粉麵、蒸排骨、蒸魚、炆各種肉類、炒蜆蟹海鮮等，任君配搭。

雲吞麻辣醬撈烏冬, 簡便好味適合大懶蟲

食物配搭創意無窮 , 撈炒煮炸龍飛鳳

不知是否每個姐仔都是這樣, 她有另一位同事, 叫江門米線

剛剛........按入去睇片

覺得當晚布爹利其實當時問這個問題的時候流曬口水

介紹返，提起車仔麵又真的會令人垂涎欲滴

義記香辣油咖哩, 水魷、豬皮、豬紅、韭菜、魚蛋，買回去飛水

兩湯羹加落去，撈起撈起，撈到風山水起,

一打開個蓋就聞到好香的咖哩味，多層次的香辣感一試難忘。

用途廣泛，適用於咖哩雞、牛腩、魚蛋，

中菜的咖喱魚頭煲及星洲炒米等等。

義記香辣油咖哩本身不太辣, 不像魚圈生存那麼啃

要被迫品嚐人生的甜酸苦辣，事件經過網民推敲大家的instagram,

........按入去睇片, 怕傷了爆汗的心

自從布爹利向大眾道歉之後,自己炒自己魷魚,

停止所有工作,介紹返, 文記秘製魷魚醬,

它得到「醬料百搭醬、海鮮醬」的美譽，

街坊介紹它可以炒脆肉瓜、炒粉麵、炒蜆蟹、蒸魚雲、

蒸排骨更加一流，文記秘製魷魚醬, 撈落魚蛋蘿蔔豬大腸

個個聞到香味爭住搶,百搭選擇佢至強

其實布爹利和彬彬 ,好難再在這個圈裏面鹹魚翻生

介紹返，鹹魚都可以好好味的, 就好像這個文記秘製鹹魚醬

烹調真正的「魚香」茄子,蒸豬肉、蒸魚、炒椰菜、

通菜都十分惹味，撈飯食最開胃！

文記秘製鹹魚醬,辟腥味道夠鹹香

文記歷史好悠長,老字號未聽過真係烏啄啄,

........按入去睇片
620大姐都話看看大眾對她有什反應先

介紹返，這裏有個大孖秘撈魚蛋醬,

醬味帶咖哩的香、指天椒的辣、蒜頭的惹味，

用途廣泛，撈魚蛋、燒賣、腸粉米粉河粉、撈麵撈飯、撈蔬菜

大孖秘撈魚蛋醬, 指天椒咖哩沙爹惹味共享

輕鬆煮美食廚房歌唱, 咁易整都唔識就撼頭埋牆

........按入去睇片 但她覺得自己還有機會 ,

介紹返 , 其實愈記有自家廠房，生產自家品牌的拉麵烏冬米粉

當中呢度有啲粉麵、烏冬更加平絕港九新界，

........按入去睇片

醬料的甜酸苦辣 ,我們任意可以品嚐 ,亦可隨便配搭

但做人就不可以隨便混醬 , 如果你一時自私貪戀短暫的甜蜜

換來的後果,可能是一世的苦楚

這條影片, 又可跟你們提供買平嘢,食平嘢的選擇

又可以八卦下魚樂無窮,引伸到待人處世

如果覺得我這條影片有趣的話

記得幫我用whatsapp facebook分享給朋友，

留個表情符號以示支持，這條影片十五分鐘之後 ,

就有有獎問答遊戲 , 愈記超市將會送出他們自家廠房的

米線烏冬拉麵米粉各一包，這裏十一種醬料,

隨機送出兩樽, 價值每位接近三百蚊,送出給10位幸運兒

希望大家記得踴躍參加 , 轉頭見 .

1 文記麻辣混醬 (即食撈辣麵醬)

文記醬料有四十多年歷史。全人手香港製造。

文記嘅醬料簡直係家傳滬曉，叻煮餸嘅人一定會聽過呢一個品牌

將芝麻、花生及小蝦米烘香，才磨碎與辣椒同炒，香味豐盈，自成一家。

此醬是頂級醃料，用來製作雞煲、打邊爐湯底、

撈炒粉麵、蒸排骨、蒸魚、炆各種肉類、炒蜆蟹海鮮等，任君配搭。

工作忙起上來偶爾都是煮個方便麵又一餐，現在學懂了撈烏冬，5分鐘搞掂，

可以取代方便麵了。有時間的話煎個豬扒、雞扒，或者好像我一樣煮個溫泉蛋，

仲好食過出面呀 ，但係成本慳好多，如果而家唔係咁方便出街食飯

最好就一次過買曬呢啲醬返屋企，一路食住烏冬，一邊同你哋八卦下娛樂混帳
撈烏冬醬汁：
醬油 2小匙
蠔油 1小匙
麻油 1.5小匙
白醋 1小匙
糖 1.5小匙
蒜蓉 少少
麻辣混醬

2 大孖沙嗲醬

3. 文記秘製魷魚醬
文記招牌秘製魷魚醬 (不含魷魚)
配水魷魚、豬皮、蘿蔔、魚蛋、牛柏葉、各類冰鮮海鮮等。用水滾熟食物再晾乾水分後，用魷魚醬撈一撈隨即可吃！ 為何叫做魷魚醬？因為這醬料的最原始配搭就是水魷魚，後來也用來撈螺肉。之後又有了「醬料百搭醬、海鮮醬」的美名，因為不少街坊鄰里向我們分享了各式各樣的烹調妙法——炒脆肉瓜、炒粉麵、炒蜆蟹、蒸魚雲、蒸排骨——是可用來炆煮各項肉類的辣醬。小故事分享：這醬汁是文記醬料的靈魂！從前我們是做車仔麵小販檔的，很多客人都喜歡以這辣汁配搭各類粉麵米！現在不少麵店、小食店都掛名為「文記車仔麵」／「文記小食」，因為文記就是好味的招牌。文記老闆文健佳為人勇敢，當年為保家庭、飯碗，與同行的小販競爭，最終成功立足於觀塘，所以文記在當年是廣為人知的！
4. 義記香辣油咖哩

今晚9pm?直播 ,娛樂大混醬

?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。