[區區再開飯系列2-大角咀] 區區開飯系列又返嚟喇 會update同評論下每一區既出名食店 呢個系列就想中肯客觀咁評論嗰一區出名既食店究竟好食定唔好食 當然啦 始終每個人既味蕾同喜歡/不喜歡既因素都唔同 所以市面上任何食評或者係我既食評最多都只可當作參考 今個星期等我評論以下呢幾間大角咀區出名既食店...
[區區再開飯系列2-大角咀] 區區開飯系列又返嚟喇 會update同評論下每一區既出名食店 呢個系列就想中肯客觀咁評論嗰一區出名既食店究竟好食定唔好食 當然啦 始終每個人既味蕾同喜歡/不喜歡既因素都唔同 所以市面上任何食評或者係我既食評最多都只可當作參考 今個星期等我評論以下呢幾間大角咀區出名既食店先
•左上係人氣北京填鴨店😍 呢間小店有唔少人排隊 主打東北菜 而當中北京填鴨係店內招牌 見到每枱都會點 餑餑皮唔夠 要加錢先會有多啲 而北京填鴨鴨皮微脆 鴨肉就尚算嫩滑 不過有幾片食到有點膻味
北京填鴨 (一隻: $308, 半隻: $168)
評分: 6.5/10
📍老掌櫃東北菜館
大角咀道63號牡丹大廈北座地下9-12號舖
——
•左下係區內人氣甜品店😍 傳統仙草芋圓 ($36) 除左有常見既芋圓、地瓜圓、紫薯圓仲有栗子圓 另外仲有仙草、紅豆、薏米、白玉等既配料 其他選擇仲可以揀芋香汁 仙草雖然尚算爽口但當日味道不算討好 主角芋圓、地瓜圓、紫薯圓、栗子圓等其實都係無咩味 猶幸質感不錯 煙煙韌韌 唔會過硬 整體就普通啦
評分: 6.0/10
📍芋圓一 Tarone
大角咀角祥街48號
——
•右上係晚市平價隱世壽司店😍最平$5一件 得7個位 必須book位否則好難walk-in 海膽$22一件 仲有帶子 油甘魚 劍魚腩 鰻魚 牡丹蝦 北寄貝 白玉豚 馬多貝等不同選擇 三文魚腩尚算肥美 帶子亦鮮 而劍魚腩都幾爽口 海膽就未夠鮮甜 整體質素普通但咁平其實無得要求啲咩 港式既壽司當然無可能同正宗日式既相比 但價錢真係幾平 以呢個價錢確係食性價比既
評分: 5.5/10
📍玥屋
大角咀海景街44號地舖
——
•右下係大角咀最出名食店之一 但據知將喺5月結業 店內出名有中式法國鵝肝伴干燒麵 車仔麵 品品八喜撈 五十五年陳皮紅豆沙($100) 碗仔翅($27)仲有圖中既鮑魚 紅燒吉品鮑 ($52/一隻) 鮑魚tender得嚟不失彈牙質感 醬汁以茅台加花膠汁底 幾惹味更加起左畫龍點睛之效 味道香甜 濃稠程度令人想番碗白飯撈哂啲醬汁😆 車仔麵反而普通
評分: 7.0/10
📍車品品小食 Bon Bon Cafe
大角咀埃華街92號
——
每區都會create一個hashtag #大角咀_foodiexblogger 以及 #區區再開飯系列
每個區都會講下 下星期大家想我講邊個區?😁