- 0970 〔悄悄表白〕巴 28 - 多謝你選擇我 - 今年同你喺埋一齊第五年，我好感恩 希望我地可以繼續一齊行落去 - 我地相差八年 當初我地喺一間補習社度識，我只係一個助教 負責喺堂上面幫個老師執頭執尾，派下野咁 而你就仲係一個中學生 我每堂都係喺你身邊掠過 但係你就已經覺得我好吸引，覺得我就係你要搵嘅人 之後有一日你落左堂之後，專登走去我工作嘅前台 趁冇人響隔離，就同我表白 我當下第一反應好驚訝 但係我考慮清楚之後，我地就一齊左 - 我知道好多人都會話師生關係應該只係學與教 唔應該亦唔可以建立私人感情 而且師生戀最終都會受唔住社會嘅指責，只會悲劇收場 我一開始揀得呢條路，就預左返唔到轉頭 仲可能會比人指指點點 但係你不但冇因為呢啲野而受到影響 只係好單純咁話你第一眼就認定我係你鍾意嘅type 而且你冇理會呢啲冷言冷語 後來成間補習社啲人都傳我地兩個有路 甚至確實我地兩個一齊左 你都冇因為人地嘅閒話而離開我 記得初初去你學校接你放學 你嘅同學都會眼金金咁望住我地兩個 又會交頭接耳咁評論我地，但係你完全當佢地冇到 出街搭地鐵巴士 車上面啲人見到我地拖手，就用眼神小我地 一睇你著校服就睇得出係一個大人溝中學生 但係你都係懶理其他人嘅目光 - 我地兩個家境都唔同 你黎自中產家庭，屋企都算幾有錢，讀書又叻 我就住公屋，副學士都冇就出左黎搵食 第一次見雙方家長，聽得出你爸媽有說話比我聽 覺得我對你黎講太老，人工又低 未必可以喺將來照顧好你 點知你即刻幫我平反護航 話我好上進，又話我好愛錫你 我阿媽都話我同你一齊只會耽誤左一個後生女嘅前途 同我一齊唔會有未來唔會有前景 點知你反過黎同佢講話你同我一齊好幸福，叫佢唔使擔心 - 你好明白我嘅情況 每次拍拖出街食飯都唔會食啲好貴嘅野 又唔會話要買好名貴嘅禮物，娛樂消遣可免則免 我堅持唔AA，通常都係我比大份 我都冇乜野可以比到你 加上家境因素，我都覺得好自卑 為左彌補我嘅不足 我就開始捱更抵夜咁一日做幾份工，希望可以急起直追 老麥、KFC 都做過，以為你唔知 但係比你同學見到仲要影埋相 於是你就特登過黎我做野間分店等我收工 我當刻好無地自容，喺你面前忍唔住喊 我唔想比你知我咁辛苦就係為左可以說服你阿爸阿媽我係有能力比幸福你 可以追到你屋企嘅level 我同你剖白，其實我唔介意你離開我 跟著我生活可能會好苦，你仲有大把青春 出到去你會有多好多機會，好多市場 好多更好嘅男仔會比到幸福你，會比我更愛你 你聽完之後好堅決講左一句無論我幾窮你都唔會嫌棄我 - 去到你中學畢業 你知道我對自己好冇信心，仲要顧及我感受為我著想 傻到話不如你都即刻出黎搵工，大家齊上齊落 話怕你讀埋大學有個學位會令到我更加自卑 我即刻話唔好，因為我唔想因為我而限制左你嘅發展空間 - 你毫不猶豫咁比左第一次我 同我講你想我係你第一、最後同唯一一個 你令到我更加有自信 - 我上年轉左份新工，待遇比以前好好多 收入都穩定左 雖然可能會忙左，可能要OT 但係冇野開心得過可以比到更好嘅生活你 - 多謝你選擇同我一齊，冇嫌棄我 我一早就當左你係老婆 就算旁人反對，就算我地從頭到尾都唔比人睇好 就算最終冇人祝福我地 最後結婚冇人黎，得神父同證婚人都好 我承諾，我願意同你一齊終老 圖：中學聖日記 #真人真事 #長文注意

《我都想有對靚手》 我係一個20歲嘅女仔，由細到大都有咬甲問題。只要我一緊張，一焦慮我就會咬指甲，摵指甲。過去20年一直都比人指指點點。「你唔好咬啦！」、「你唔覺得好污糟架咩！」、「點解要咬啊？」、「你睇下你咬到啲手指幾肉酸」 特別係女仔，女仔就係要有對靚手，長指甲。依啲說話圍繞住我20年。我一直好想改變，邊個唔想有對靚手，邊個唔想自己開到汽水罐，邊個唔想俾蚊咬嘅時候可以用指甲打十字。依啲野我通通都未試過。我試過好多方法，白花油，10隻手指癡晒膠布，gel甲，全部都唔得。特別係gel甲對中學生黎講真係好貴。 後來我開始返工，有錢去Gel甲，有錢去改變。揾左好多，換左好多間美甲店。好多間都唔肯接我依啲手指。肯接嘅都會遇到同樣嘅情況。除左要花一個唔平嘅價錢，每次去我都心力交瘁。「點解要咬呢？」、「你再咬我唔做你生意」和「嘥晒我啲心機」 整甲真係一啲都唔平，平平地都要$200一次，咬甲要延長要加$100-$150不等。特別係我哋要長時間keep住Gel先會養到個甲床，變得「正常」一啲。。我每10-14日我就要換一次甲。慢慢我咬得越來越少，甲床都開始長。但係美甲姐姐每次都會話「你唔好再咬啦！」、「未夠長啊，要再留長啲」、「唔好咬咪唔洗比咁貴延長囉」。 之前sem尾好多功課同考試，真係好大壓力。每日都好焦慮，忍得好辛苦。最後我忍唔到係考試個陣摵晒啲gel，仲咬甩埋留咗咁耐嘅真甲。而家我根本唔敢返去美甲姐姐到整返啲指甲，唔知去到佢又會講啲乜嘢。 我覺得好辛苦，明明已經好努力。從來冇人欣賞，永遠都覺得你唔夠努力，唔夠好。我覺得好沮喪，好似依個社會唔接納我哋咁樣。你對手唔靚，你想整返靚，除左要有錢仲要面對好多好多難聽嘅說話，真係好攰。如果有美甲業嘅人睇到依遍文，可唔可以嘗試理解一下我地。 小編的話： 的確好多人一有壓力就有咬指甲嘅習慣，如果事主想用其他方法減壓可以參考我哋嘅youtube或者之前嘅post~不過見到事主主要嘅煩惱係去gel甲會聽到嘅說話。首先唔好先假設去gel甲=俾人話，咁樣只會令美甲成為你另一個焦慮來源；另一方面，咬指甲只係你一個可能需要改善嘅小習慣，唔代表你係一個壞人或者做錯事，下次可以心安理得咁入去。如果再聽到可以直接回應：「係啊，冇計啦，暫時改變唔到呢個習慣，麻煩你啦~」講笑又好，誠懇咁直接回應又好，好多時美甲姐姐可能純粹係想搵個話題講下。唔肯接事主手指嘅舖頭可能真係缺乏相關經驗，唔啱就搵下一間，相信一定有美甲師係識得處理。 ***投稿者有留下驗證碼，可能會有續集和投稿回應 ***小編查證網上無重覆內容 ***文章盡量原文出，但可能會修改小編也會感到怕怕的錯別字 -------------------------------------- 每一個心聲也值得被重視； 你會想分享你的心事給大家嗎？ 歡迎大家LinkIn Bio投稿【Void心事台】 期待收到大家的故事 ☺️ ***投稿內容不代表本台立場 ***切勿重覆投稿 ***暫時每天出稿有限，投稿後請耐心等待🙏🏻 #Void心事台 #健康 #心事台 #煩惱

小朋友帶眼鏡👓一定同睇iPad📱、電視📺多有關係？ 帶眼鏡👓一定係近視？ 我哋大哥哥係個要 「帶眼鏡」嘅小朋友。而👩🏻媽媽經常會遇到親戚朋友問：「Holden 做咩咁細個帶眼鏡👓呀？....唔好俾佢睇咁多iPad 📱同電視📺啦！壞眼呀。。。」😅😅😅 而媽媽👩🏻通常會話俾親戚朋友知，哥哥👦🏻其實係有 #天生散光 （即是一出世👶🏻眼角膜已經係橢圓的半球體，不是正圓的半球體），而散光成因主要係遺傳，後天影響比較少。當然媽媽👩🏻都好認同養成良好生活習慣，對保障👀視力有一定💪🏻幫助。😊 **就帶眼鏡👓問題，更試過喺街無端端俾個惡人老伯👨🏼‍🦳🗣🗣🗣鬧！！！ 記得上年暑假托嫲嫲👵🏻睇住🧒🏻👧🏻弟妹，媽媽就帶住大哥哥👦🏻去學🏊🏼‍♂️游水。有一日，當就行到泳池嘅時候，突然有個👨🏼‍🦳老伯好惡好嬲😡咁快步行近我哋。我自然地將Holden 輕輕拉到身後，老伯👨🏼‍🦳即時舉起手指指住👉🏻我，用極無禮貌好惡嘅態度🤬話：「都唔知你點做人老母咖？！睇咁多電視，你搞到細路咁細帶眼鏡，佢遲早盲呀！........」當時，我已經拉住Holden 即刻離開，但係個老伯👨🏼‍🦳仍然企係到好大聲🗣咁鬧我。 **估計，唔知嘅人可能會誤會我哋係自己人係街鬧交添呀！(恐怖！）😩 希望講聲，其實我哋3個👦🏻🧒🏻👧🏻平常真係 #極之極之少 睇手機📱同iPad ，一般外出飲茶食飯通常會帶定少量玩具同📄廢紙、顏色🖍筆等俾佢地畫，🖼基本上一畫就可以畫好耐，有時更會帶小圖書📚出去睇。但的確有極少次數於坐車🚌時玩一下手機📱小遊戲，但係15分鐘之內就會收起。而有時同年輕親戚朋友🍽🥢食飯，3個👦🏻🧒🏻👧🏻的確係會走去其他小朋友到睇下手機📱影片🎞嘅，又的確係呢啲時候媽媽👩🏻好少出言阻止🙅🏻‍♀️。不過唔阻止，係因為覺得唔需要時刻都太過刻意排除，相信只要日常生活中有規限唔放任的話，有時睇下玩下還是可以接受吧！😌😌😌 係呢個「帶眼鏡」👓嘅話題上，雖然會因爲各親朋好友👫👭👬嘅說話內容感到無奈😅🙏🏻。但媽媽真係衷心感激各位親戚朋友嘅提醒呢🙇🏻‍♀️😊🙏🏻。 為保護Holden 👁眼睛，我哋每6-9個月就帶佢去驗眼，以確保跟進合時。 而Jordan 🧒🏻4歲視力👀檢查结果係等同6歲小朋友嘅👀視力，視光師話依咖好少小朋友可以好似Jordan 咁好👀視力。😌 但係，反而我又擔心佢大少少會👓近視，因為不時聽到人講細時無遠視，入小學後就好易👓近視！... 視光師話數據的確 「係」咁！ O ！NO.......！😓😓😓 有關「散光」資料來源： 衞生署學生健康服務_健康資訊_眼睛_視力健康_散光 . . . . . #hkmom #hkkids #全職媽媽 #香港媽媽 #一湊三 #hkiger #hkmother #hongkongmother #三寶珠 #hkkidsmodel #kidsfashion #hongkongkids #hongkong #hkig #hongkongmami #親子コーデ #brother #三年抱三 #親子 #kidmodel #modelkids #hkblogger #kidsblogger #4歳 #3歳 #親子リンクコーデ #散光 #眼鏡