【設立拒收junk call登記冊，然後呢？】 比人登記拒收真人來電，就等於解決問題？唔想新登記冊變冇牙老虎，大把野要搞清楚！ #境外來電 #假冒號碼 #WarmCallColdCall點分 #最終受益者法律責任 #過濾來電軟件 全文： p.charlesmok.hk/2IF5o6j

【回應「加強」規管人對人促銷電話】 今天商務及經濟發展局發出《加強規管人對人促銷電話》諮詢文件，不過我真的看不到那裡「加強」！ 文件的主導方向，似乎是「最好乜都唔駛做」！我理解問題不易甚至不能完全解決，但這亦非少做少錯的藉口，畢竟在公眾調查中，86％受訪者贊成規管所有行業的人對人促銷電話，67%受訪者支持以立法方式規管。然而，政府提出部分數據，如指人對人促銷電話平均交易成功率為13%、香港從事直接/間接撥打人對人促銷電話等，顯然warm/cold calls不分，業界一早指出，香港本地絕大多數已經只做warm calls，而市民最反感係cold calls，商經局撈亂嚟講，表面上保護所謂業界，實質想做少啲嘢！ 至於文件提出三個「可行」方案，更加離譜！方案一，個別行業的自行規管制度，本地業界本身已經有做，但最麻煩的行業包括美容及借貸，卻從不參與，根本經驗可見不可行，政府竟然當係可行！ 方案二，智能電話的來電過濾應用程式，車，而家已經有啦，即係政府又係乜都唔駛做，但這些程式的限制多，亦非所有人都會用，政府竟然用嚟當自己提出方案，即係又係想卸責！ 方案三，將拒收訊息登記冊擴展至人對人促銷電話，總算係唯一有啲可能有啲用嘅。換句話說，政府畀三個方案選擇，其實係得一個揀！咁其他提出過嘅方案呢？ 指配指定字頭嘅號碼給電話促銷者，政府話會令電話號數需求上升，吓！？本來佢唔駛用號碼嘅咩？並且，通訊局號碼編配政策中，「4」字頭號碼根本大部分都無用，話無號數根本呃人！ 另一個方案政府竟然提也不提！就係針對促銷電話最終受惠者的刑責，點解唔得，業界一直指出，貼街招嗰個你捉唔到，但街招賣邊個廣告你一定揾到！政府竟然完全唔考慮！ 《非應邀電子訊息條例》立法十年，一向執行、舉證、定罪都係無牙老虎，連傳真、短訊濫用者都拉唔到、告唔入，點解而家諮詢只限於人對人促銷電話？既然政府換屆在即，點解現屆商經局要hea到尾，你不如唔做啦！