［歐超聯夭折！］講咗兩日就收工。嘻，大師都算冇點你。

TLDR：股價嘅嘢，多數冇死錯人。拜仁漢尼斯路明尼加嘅嘢，更加冇死錯人。

1. 真係極長，又亂，但，我當然係反對歐超聯嘅。現行嘅玩法固然唔多理想，亦有好多矛盾解決唔到，但歐超聯容許AC米蘭之類（得罪了）嘅球會去永續，本身已經十分搞笑。況且，歐超聯全無代表性，既不歐洲（三個國家），亦不超級（AC米蘭，well）．現實亦明顯唔會過到政治法律等等關口。

＝＝＝＝＝＝＝＝＝＝＝＝＝＝
2. 2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

3. 傳說中嘅「歐超聯」，講咗唔夠兩日，應該就可以收檔。6間英超會又話唔玩（可憐啲跟車太貼嘅球迷點面對其他球迷？），咁即係搞唔成啦。米蘭馬德里雙城記咩。

4. 在講落去之前，不忘貼返舊文（即係早兩日）講嘅嘢：

5. 「歐洲足協國際足協必然反制，禁晒你啲會踢國內聯賽，球員冇得踢歐國盃世界盃。你班武夫不過係帝王家屋簷前嘅堂前燕。12間球會因為冇錢要急於另起爐灶，就正暴露咗佢地冇錢，worst case 嘅，攬炒，可以燒幾耐？拜仁PSG似乎押注呢一邊」

6. 基本上你好快就會見到拜仁慕尼黑嘅漢尼斯路明尼加出嚟拎光環了，係咪好嘔心呢，不過佢地慣架啦。但真係，老奸巨滑嘛。

7. 呢啲，就係政治啦。冇錯，12間球會有嘅係錢（主要係收入，你講盈利其實冇乜），另外有水喉JP Morgan射住—但JP Morgan 同你非親非故，有事仲唔第一個走？

8. 固然，你見好多名宿，同埋球迷，都係反對嘅。但不得不十分cynic咁講句，不見得係因為你地反對就撤回。祖雲達斯嘅Agnelli （歐超聯推手之一）講得有道理的：扯，當年推歐聯，你班友咪又係反對。我覺得啱的，佢霸王硬上弓，我就唔覺得你班友真係杯葛唔睇。講真球迷多數都冇乜風骨，點會杯葛自己間會？將件事針對落某啲人就得。至於名宿云云，更加得罪講句，可以不理，影響力低過啲港女KOL。

9. 球員呢？如果佢地夠醒嘅，應該反對歐聯超（下面會解），因為歐超聯其中一個對付嘅，就係啲球員薪水不停升身價不停升。當然球員未必諗到咁多，而實務上梗係唔出聲，唔好伸個頭出嚟，同埋，有經理人搞掂啦。

10. 所以講到尾，最大阻力，一如所料係嚟自歐洲足協。歐洲足協國際足協最大嘅武器，始終係法律。大把嘢玩，除咗上面講，封殺你班球員唔畀你踢國內聯賽，唔畀你睇歐國盃世界盃（有球迷話：冇呢堆球星嘅世界盃邊有人睇）外，仲有大把嘢可以玩。例如有冇諗過，12間球會準備學NBA NHL咁推集體談判 salary cap，擺明係違反競爭法（下面慢慢解）。仲有你啲球員合約點計？好似早初冇話畀你自己搞一個嚟踢喎，咁你12間會堆球員，合約全部作廢，可以自由身走喎。仲有，你呢12間會，點簽人？你好多球員合約都要當地足協去ratify。何況，足協呢啲嘢，全部都有當地政府支持，法國政府固然稱讚球會唔入歐超聯，但連英國首相都出嚟反歐超聯的。

11. 不過而家事後講返，真係拎嚟出歐洲研究通識卷都得。背後折視咗好多好多嘅矛盾。原本想寫，但未寫呢個歐超聯已收皮。歐超聯未必係個好嘅解決方案，但即使歐超聯收皮，呢啲矛盾多數都仲存在。

12. 首先係，歐超聯先天已經不足，唔夠多人支持。唔止係講球迷同名宿，而係其他會。我見有個評論話，歐超聯既不歐洲，亦不超級。三個國家咋喎，有幾歐洲？仲要加埋AC米蘭呢啲全無戰績又唔見得有錢嘅球會，而上屆歐聯冠亞軍 拜仁慕尼黑 PSG 都冇份嘅，有幾超級？ 唔好睇少呢樣嘢，你見最初咩G14又好，ECA又好，個代表性都大好多。而家你得12間會出嚟，兩回事。

13. 亦都扯到去足協腐敗呢部份。呢個係支持歐超聯嘅人（主要係球迷，12會就唔會講呢啲嘢，雖然大家心照）講嘅嘢，甚至話「歐足協食咗好多」（我唔知佢條數點計，實際上係好多去咗小國）。要講嘅係，足協固然好多貪污嘢。但歐超聯嘅重點不在此：難聽啲講句，你12會班友之前咪又係一齊搵食。仲有，如果真係針對歐足協體制或班友嘅，點解唔係齊齊咁多國搞個新嘅東西？而係三國小圈子？所以講到尾，都係為飛起啲小國啫。

14. 呢度帶到第三個問題。就係大會唔想同其他會分。無論係本土聯賽定歐洲賽，大會認為大家只係想睇皇馬對曼城，唔係史篤城對巴塞甚至史篤城對杜爾堡。點解要分畀你地？有人話會審美疲勞，個個星期都皇馬對曼城仲有乜好睇，我估就未必，你見NBA都年年係嗰啲隊打N咁多次，咪又咁多人睇。所以重點都係大會唔想分錢。

15. 之後再帶到又一個問題：大會點解咁莫財。短因固然因為係疫情，但大家都知球會差不多全部都唔會點賺到錢。講過了，全球最高收入嘅巴塞，放埋去全球最高收入嘅公司（蘋果）比，收入係人地0.5%都冇，更加唔好講盈利。而你計咩「市值」，應該冇一間球會可以大過300億港紙市值（FYI：有上市嘅曼聯，而家係200億），即係，冇一間大過一間維他奶（正係300億市值）。亦因為，根本冇一間收入多過維他奶。球會係一門被高估嘅生意。

16. 然後到另一個問題：球員薪水。固然存在即合理，但球員薪水不停升，正係球會永遠賺唔到錢嘅原因。死局嚟的：因為仲要有啲土豪（呢個又另一個課題），例如PSG當然要用高人工搶人，你唔去跟埋一份自然就唔夠踢。大家軍備競賽。而歐超聯點解決呢個問題？基本上就係好似NBA NFL 咁，封閉系統，集體（聯盟）同你傾—咁就唔再有咩轉會費呀之類，亦都會有類似薪酬上限嘅嘢。

17. 再帶去一個問題：歐聯位。呢個亦係本人最反對嘅位。由於以上講嘅嘢，球會收入已經唔多，又要高薪搶人—但一個唔該簽著啲水貨（自己填名），錢又洗咗歐聯位又冇，就好大件事的。一個唔該搞到降班仲大鑊。呢個正係好多球會想避免嘅嘢。

18. 呢個你由歐超聯嘅制度就見到（亦係我最反對嘅位）：呢堆創會會員，係唔會降班唔會走嘅，永續阿仙奴熱刺。你話每年各國最好成績嘅入呢個歐超聯我都仲信服，而家呢堆會係永遠唔會走嘅，有冇搞錯？固然你阿仙奴熱刺有相當嘅收入（倫敦球迷有錢嘛，加上國際上多球迷），直接啲講我英超冇前四啫，但我去德甲法甲踢實有（有啩），咁做乜唔英超多幾個位先？呢部份我覺得都講得通—但，大佬，AC米蘭（得罪了）何德何能？佢地收入在意甲都前列，薪水更加畀得高（所以咪負債），但踢意甲都冇歐聯位，然後而家出嚟霸住個永續位？居然好意思？

19. 記住，歐超聯嘅重點，就係免除呢啲不確定性。大會唔會降班唔會冇歐聯。我見之前有評論講，啲美國佬覺得，下，乜你歐洲咁低能嘅？我地美國冇呢啲嘢架。點解要降班點解咁多不確定性。

20. 正因為咁，你見到歐超聯一話搞，星期一晚祖雲達斯同曼聯嘅股價即時狂升！年年有確定嘅收入喎！投資者最鍾意。（順手講埋，星期二晚啲股價即插，然後就話退出了，你話冇insider trading？）

21. 於是好多球迷會話，足球好睇正係因為有呢啲不確定性，有李斯特城捧盃呢啲神話。我覺得一半半啦，咁你見NBA亦係咁多人睇啫。

22. 亦都再深一層，去到歐洲（包埋英國）同美國嘅文化唔同。呢部份就最詭異，同大家想像唔到，在體育層面，美國十分社會主義，歐洲先係資本主義。咪講咗咯，美國嘅玩法係大聯盟，限制薪水，保障球會。歐洲唔係喎，有得暴富有神話，但亦可能豪門失手。今次歐超聯風波，美資擁有嘅球會，係大推手。出錢嘅亦係美資銀行。（而AC米蘭亦都變咗美資）

23. 最最最後，最廢，但都係要反思：足球是甚麼。其實都隨時代而變，唔係中二病，但如果四五十歲嘅，其實最有資格評論（我都略為後生）。因為剛好見證咗足球「商業化」嘅年代，甚至係「商業化」由盛轉衰（即係而家）。你睇英超聯，歐聯，都係九十年代嘅產物。背後多得全球化，新自由主義（包括波士文案，否則球員人工點會咁升？），亞洲中產堀起等等。而家又走到另一個轉角位了。

24. 真的，啲名宿之類，象徵係上一代嘅價值觀，「足球屬於社區」（應該好多人想笑）。我地年代嘅，一半一半，大家（在鬼佬眼中）都係glory hunting rich Asian，你去幾多次曼市馬德里同埋啲鬼一齊屌對家，都改變唔到呢種印象。但再新一代嘅，可能只係視呢啲嘢係娛樂，有得睇咪得咯，嘈乜？NBA都係咁睇啦，又係喎

25. 我見有啲講法，講到底球會係屬於球迷丫，定係搵錢工具一盤生意。咁呢啲二分法多數冇乜答案，但不如又諗下，NBA都係一盤生意啫，但又不見得脫離晒球迷丫，啲友都睇好開心架喎

26. 結論？都係冇乜結論，點解一定要有個結論？背後係太複雜，大家有唔同價值觀。不過剛夭折嘅歐超聯我就必定唔BUY（創會球會永續呢樣嘢實在好難接受，況且又冇代表性，得三個國家）。

27. 我個人覺得啦，而家成個生態，已經夠晒偏袒大會。你咩祖雲達斯跌到落意乙都話咁快彈返上嚟，曼聯利物浦之前冇歐聯，但因為底子好，亦係話咁快返返前列。拜仁PSG嗰啲在聯賽已經玩晒（但啲友話悶嘅，我又反擊你：你睇啲入場入數一路升喎），仲要不停去保護大會？似乎說不過去。

28. 真正嘅弔詭位，真係在熱刺阿仙奴之類。金錢有，如果飛去德甲法甲踢，前四應冇問題添。難免唔順超，因為佢地實力應該高過好多其他歐聯分組賽嘅球會。係咪分得太少位畀英超呢？

29. 歐洲足協近N年嘅方針，都似乎係關顧細國。呢個同國際政治都有啲似，「一人一票嘛，梗係拉攏啲非洲兄弟」。你話再要偏返向啲大會，都冇話唔得。但冒住畀人屌嘅風險我都講：不如踢多啲歐洲賽咯，大家happy．你話球員好累，我又真係有啲懷疑係咪克服唔到：輪換咯，你大會咁多錢，搵副選踢都夠照啦。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

〔#足球歸足球 #政治歸政治嗎？#場下的金錢角力〕

▌大撒幣的卡達

曾經只是窮困漁村的卡達，靠著豐富的石油與天然氣資源翻身，已成為中東地緣政治上不可忽視的存在。

近年來，卡達在雄厚資本的撐腰下，積極透過投資運動產業來提高影響力，當中最成功的投資莫過於2011年入主的巴黎聖日耳曼俱樂部。

卡達王室毫不手軟的「大撒幣」造就了大巴黎在國內的統治力。自2013年開始已經奪得7座法甲冠軍，就連以往表現差強人意的歐洲賽事上，今年也終於揚眉吐氣闖進歐冠決賽，雖然最終敗給拜仁慕尼黑無緣冠軍，依舊讓金主相當滿意。

由於巴黎聖日耳曼使法國足球聲勢漸強，卡達在法國的影響力也隨之攀升，甚至讓卡達在陷入外交危機時，爭取到法國總統馬克宏的力挺。

▌投資的勝利方程式？

事實上，卡達並不是首支取得成功的中東金主，阿聯酋的曼蘇爾家族2008年接手英超的曼徹斯特城俱樂部，透過數十億英鎊的投資，已經將曼城從英超中下游球隊打造為歐洲豪門。

進入曼蘇里時代後，曼城共贏得 10 座英格蘭國內三大賽事的冠軍獎盃，比球隊此前 114 年的冠軍總數都還多。當中包含4座英超冠軍，是同期最多，更在2017/18賽季打破聯賽紀錄，成為首支達成聯賽百分的球隊。

▌綠茵場上展開的地緣角力

阿聯酋與卡達「資金」在足球上的傲人成就也吸引更多中東產油國加入戰局，尤其是卡達的死對頭－沙烏地阿拉伯。

沙烏地阿拉伯當前致力於提升國際地位，透過世界第一運動—足球作為媒介再合適不過，但卡達自然也不會看著死對頭來分一杯羹。

所以今年初，沙國公共投資基金有意收購英超隊伍紐卡索聯，不料交易過程遭到卡達不斷阻撓，最終宣告破局。不僅如此，雙方在賽事轉播權上也是打得火熱，沙國近年積極壯大國家體育電視台《KSA Sports》，便是希望和卡達的《beIN Sports》一較高下
。
▌鉅額投資所求為何？

那究竟為何要投入巨額資金在足球產業上？根據轉角國際引述運動商業管理期刊主編的註解，歸納了以下三個原因。

❶ 離岸資產化：投資方能透過足球產業將資金轉化為穩定且乾淨的正資產。

❷軟實力擴張：球隊的知名度結合賽事轉播，能使冰冷的投資轉化成文化上的軟實力。

❸國家形象再造：球迷甚至是國民都因此更認識金主，甚至是其背後的國家勢力，有助於國際形象的提升。

▌想複製成功劇本的中國

卡達的成功範本也啟發了同樣需要擴大對外影響力的中國。

2015 年，中國提出了《中國足球改革總體方案》與《體育產業發展「十三五」規劃》，中央一聲令下，企業馬上展開對海外體育產業的大規模投資，至今中國資本已經收購了數十家足球俱樂部的股權，歐洲五大聯賽（英超、德甲、意甲、西甲和法甲）有著不少中資身影。

2015年玩具大亨陳雁升入主西甲球隊皇家西班牙人，成為歐洲五大聯賽第一位中國老闆。隔年蘇寧集團則以2.7億歐元取得義甲豪門國際米蘭七成股份，集團少東更因此成為義大利史上最年輕的球隊主席。

這些不惜成本的贊助與投資，其中的目的是要提供中國球星舞台。不過多數球員都沒能在國外聯賽站穩腳跟，只有加入西班牙人的武磊稱得上成功。

「武球王」在加盟的首個賽季斬獲3顆進球，第二個賽季則在各項賽事出場48次，打進了8球並送出1次助攻。

雖然提升中國球員實力的目標沒有達成，但在擴大國際的政經影響力倒是頗具成效。

例如在仍未從歐債危機復甦的義大利，買下義甲國際米蘭隊的蘇寧集團和義大利對外貿易委員會展開多項合作，並促成義大利在去年決定參與中國的「一帶一路倡議」，使習近平的一帶一路政策打通歐盟市場的關鍵環節。

今年義大利深受疫情重創之際，蘇寧財團也以捐贈大量口罩的方式打開中義兩國的醫療合作。

▌投資理財有賺有賠

雖然有許多投資達成了驚人效益，然若沒有評估好球隊的市場價值以及發展潛力，又缺乏良好規劃的話，不但難以大力出奇蹟，甚至可能讓投資變得血本無歸。

例如2017年，中資李勇鴻以7.4億歐元收購了義甲老牌豪門AC米蘭，可是重金投入下戰績依然不見起色，鉅額的球員轉會費反而讓俱樂部負債更為嚴重。在巨大的財政壓力下，入主緊緊一年後，雙方便因違約問題結束了AC米蘭的中資時代。

除此之外，過度的巨額投資也可能違反歐足聯的財政公平法案（FFP），面臨罰款、限制轉會甚至是禁止參加歐冠和歐聯等賽事的風險。

像是曼城和巴黎聖日耳曼一直是FFP的眼中釘，今年2月曼城就被歐足聯以違反FFP為由禁止參加歐戰兩年，雖然後續經上訴讓禁令得以解除，仍需繳納千萬歐元的罰金。

▌結語

這三周的介紹，一開始從厄齊爾和俱樂部發生的衝突談到政治性言論界定的模糊界線，接著從瑞士球員的雙頭鷹手勢，思考究竟這是對身為科索沃阿爾巴尼亞人的認同展示，還是充滿挑釁的行為？

最後則到今天提到的，商業化資本競逐下，體育賽事已不再是單純的娛樂，背後隱含著諸多政治考量的競逐，像是卡達和沙烏地阿拉伯透過足球的媒介延續地緣政治上的角力，又或是中國透過中資入股大小俱樂部的方式，希冀打開一帶一路在歐洲各國的合作契機等等。

透過這三周的回顧，告訴我們一個結論，足球永遠沒辦法只歸足球，政治與任何事物，從來都是不能輕易二分的。

#政治 #台灣 #科普 #科普政治學 #政經八百 #大學生 #足球 #歷史 #外交 #中國 #阿拉伯 #歐洲 #德甲 #英超 #中資 #一帶一路

［New York Mets賣25億美金］但同等收入嘅歐洲球會，價值半億咋。

TLDR：史上最貴嘅球會交易，MLB New York Mets賣25億美金。睇收入，不及歐洲十大足球會，低過多蒙特，但多蒙特係5億歐市值。似乎係因為北美球會比較賺錢，至少唔使大蝕。但又點解？似乎同薪酬開支有關，又好可能同薪酬上限有關。

WSJ原文：Billionaire Steven Cohen Reaches Deal to Buy New York Mets　（https://bityl.co/3W6t）

CNBC都有報，就免費，你睇我對讀者幾好，幫你搵埋。（https://bityl.co/3W6s）

1. 講明，MLB完全唔識，細節肯定好多錯，但，明我主題就得啦

2. 香港精神，唔爛玩到爛為止，我都不例外，上次寫球會值幾錢出奇地冇票房仆直，就寫多篇，寫到仆為止。

3. 早兩日講過足球會唔多值錢（https://fbook.cc/3FZZ），紐卡素講緊3億英鎊左右，仲係肺炎前嘅價。其他聯賽嘅更不堪，例如一代嘅「意甲七雄」，而家又上返意甲嘅柏爾馬，呢排傾賣，盛惠1億歐元左右（https://bityl.co/3W6R）。真係香港仙股咁嘅市值。

4. 舊文入面亦有寫，美國啲球隊值錢得多。「例如洛杉磯快艇，2014年已經賣超過20億美金（班主正係微軟嘅上任CEO Steve Ballmer）。但已經多年前，而家估計，頂級嘅NBA隊，紐約人湖人金洲勇士嗰啲，冇40億美金你唔使買」

5. 舊文入面亦有講，我只識NBA隊，因為NFL NHL MLB 都唔識。但我唔識唔緊要，有人識嘛！我咪睇啲識嘅人講！所以站在巨人肩膊上幾咁緊要。（記得訂Ivan Patreon）（https://bit.ly/31QmYj7）

6. 正題，今次MLB球隊New York Mets，賣盤。作價？24-25億美金。等於一間曼聯咁滯，Mets應該值錢過絶大多數歐洲足球會。今次亦係北美球隊新高價，NFL Carolina Panthers早兩年賣22億，NBA籃網之前蔡崇信買就23.5億。

7. 但，條數點計？

8. 雖則我唔識MLB，但都知唔係最勁最大嘅會，New York Yankees，Boston Red　Sox之類先係。點解一間中間規模嘅MLB（香港有幾多人睇？）球隊，貴過啲好似好出名嘅足球隊咁多？

9. 計多人睇？其實有啲難計。但斷場計，德甲多人入場過英超添（當然大家可以恥笑德甲呢啲米奇老鼠聯賽，賣到咁平，入去傾計都抵）（＊），而英超一場四萬人，當然亦都多過MLB三萬人 —但，聞說MLB場數多好多。加上剛剛都有講，票價不同，我亦懶睇，所以睇人數冇乜意思。況且仲有一大堆係睇電視嘅，你咪當係啲大肚腩廢老（例如我），但呢班人先最緊要，英超係，德國係，MLB都係。

10. 所以，講到尾，都係講錢。粗略計，MLB成個聯賽，收入真係多過英超一截，差不多五成（不過場數多好多，有理由相信票價低好多，但我冇查）。但，我地講一隊球隊，唔係講成個聯賽嘛。MLB 30隊，英超20隊，拉返勻，其實MLB隊同英超隊，每隊平均收入係差不多。有趣。
11. 好啦，直頭講New York Mets。如果冇睇錯，一年3.6億美金收入。放在歐洲或英超係咩水平？順手睇下你平時有幾熟我啲文。

12. 講緊，係史浩克零四咁上下嘅收入！死未。都仲排到去歐洲頭15嘅。但就低過英超迫悉匙，亦當然低過巴塞皇馬，拜仁多蒙特。

13. 但呢隊咁嘅嘢，賣25億美金喎。條數點計？多蒙特講緊5億歐元市值

14. 講到尾，好簡單，就係唔止睇收入，仲講賺唔賺錢嘛。而足球會絶大多數都唔多賺錢，有微利已好，更多係蝕錢，甚至要班主科水。北美啲球隊呢？多數有錢賺

15. 點解？就複雜了，寫幾十篇文都得。但最關鍵應該係成個set up，北美（其實即係美國）玩大聯盟制，大家都係聯盟嘅棋子。就行到薪酬上限，難聽啲講句，就係剝削勞工，即係啲球員。

16. 證據？我粗略望過，New York Mets 3.6億收入，薪酬開支講緊1.7億，佔收入47%唔夠，但已經係比較高嘅一隊。成個聯賽，薪酬佔收入，應該係40%左右，個別隊低過30%。

17. 足球會呢？勁咯，英超細啲嘅會去到80%都有。一般都有60%，歐洲可能低少少，但所謂克制嘅拜仁多蒙特都50%。

18. 唔好以為大會先高，係細會高，因為要搶，歐聯帶嚟嘅收入多。正如英冠嗰啲隊，薪酬佔收入，你知唔知最高可以去到幾多？100%？錯，挑戰你常識，去到超過100%都唔止一隊。係喎，未計其他開支，已經要倒蝕。玩乜？就係搏上英超。搏唔到？唔知呀，破產又好清盤又好咩都好。

19. 我幾相信呢個就係同競爭有關，大家搶人，好似公司挖角咁。但如果有個大聯盟限住嘅，或者有協議嘅，就員工冇咁惡了。

20. 再講一次，唔係專家，MLB我半場都冇睇過，其實NBA都少睇。但大致應該差不多。你見美國啲球隊，收入唔係高得咁交關，MLB最巴閉嘅Yankees，都不過係7億美金收入唔夠，低過皇巴拜利曼曼，「同窮撚熱刺差不多咋」。但間嘢值幾錢，主要唔係睇收入，係睇盈利。「CX未停航莩收入夠勁啦」。似乎美國啲球隊就有錢賺，至少唔使蝕入肉。點解？相信都係同薪酬上限有關。

21. 我就無意講邊種模式好同唔好，畢竟國情唔同。美國嗰啲自己一國玩晒（多倫多是美國一部份啦），但足球會嘅，大家各國唔同，點傾？英超行薪酬上限西甲唔同，咁你英超等於自殺。仲要好多班主係啲俄羅斯佬中東佬中國佬，點玩？除非你歐盟咁多個聯賽坐低傾，「但會唔會犯反競爭法？」「英國脫歐添喎」「或者到時全部去俄超」，很難搞的。

22. 講返少少關於New York Mets，個買家Steve Cohen，基金佬，真係冇你想像中咁富貴。講緊都係百幾億美金身家，但拎廿幾億出嚟買隊波，都幾係嘢。係愛呀，細細個就係fans，大個就返嚟玩。其實佢之前已經渣咗少量，之前亦傳過會買，所以今次個作價都不意外。

23. 單嘢仲要得到30隊入面23隊班主同意，但相信問題不大：因為有隊波賣到高價，等於自己第時都水漲船高，why not

24. 最後，更有趣係，NBA隊平均收入，係低過英超嘅，但樓上講咗，NBA隊值錢好多，原因亦應該同今篇文講嘅差不多

（＊）埃汾就真係入場睇過S-League，坡波，個場好似屯門鄧肇堅咁（有機會貼相）。唔止，我仲睇過馬超—唔係馬來西亞超級聯賽，係馬其頓超級聯賽，在Skopje，好失禮你？國家隊都用呢個場。啲友就真係入去拍拖打茄輪的，我都同埃汾嫂入去拍拖食漢堡包（係喎，埃汾嫂居然可以同我一齊去睇馬超）

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn