【每個音樂人都應該要有張厲害的桌子！Headquarter™ 音樂工作站】

有跟過RuRu的會員直播或是追蹤粉專、IG的滷粉們，應該都對這張桌子不陌生～這款是專為音樂人設計的工作桌 - Headquarter™ 音樂工作站✨

移動式的鍵盤架可以容納88鍵的電鋼琴，在使用上非常的方便～需要編曲或是練琴時，像抽屜一樣拉出來就可以彈琴，小紅終於有專屬的家了！
桌子上方的收納層架，除了可以擺放錄音相關器材之外，剩下空間還完美收納了我的PS5！它陪伴我度過了改編、練琴、混音、練琴、直播、打電動、耍廢等種種時光，簡直是RuRu專屬神桌😂😂😂
-
Wavebone 錄音室傢俱 是台灣的專業音樂傢俱設計品牌，團隊由 工業設計師、物理治療師 與 錄音工程師 組成，結合了人體工學設計和業界音樂老師們的智慧和經驗，致力於為所有音樂人打造兼具美觀與舒適體驗的音樂傢俱。

馬上選購錄音室傢俱 >> https://lihi1.com/u4PL2

Wavebone® is a studio furniture brand based in Taipei, Taiwan. consisted of industrial designers, physiologists, and sound engineers. Combining the wisdom and experience of ergonomics and music industry, Wavebone aim at crafting the optimal studio furnitures for all musicians.

Finally, we're so glad to tell you that we've made a big further step to kick off the US pre-order campaign on Wavebone products!

Here's the USA Online Shop: https://lihi1.com/9X8nL
-
Backbone 椎座工學 Wavebone
#Wavebone #Headquarter #音樂工作站
#Ru味春捲 #RUsPiano

《扮工鬥室》好地地打份工，點會諗到暗藏殺機？（試閱三）　
　
「有命過到呢一關？架叔你到底嗡乜嘢……」
　
「企喺度有啲危險，」架叔打斷我，「你跟我過嚟先。」
　
架叔行去會議室大台嘅另一邊然後踎低，見我冇反應先突個頭出嚟講：「過嚟呀！」
　
雖然我真係好想離開呢度，但對方話晒係我直屬上司，為咗未來嘅錢途打算都係照做比較好。
　
＝＝＝＝＝＝＝＝＝＝＝＝＝＝
前兩回連結：
https://www.facebook.com/pg/Echo.of.Heart/photos/?tab=album&album_id=2133975146734290
　
實際已經連載到第１１集啦！訂閱即刻追埋！
https://www.patreon.com/posts/ban-gong-dou-shi-42713909
＝＝＝＝＝＝＝＝＝＝＝＝＝＝
　
「架叔，既然連燈都熄埋，唔係應該走人比較好？」我行埋佢旁邊踎低之後問：「點解要玩到好似捉伊因咁呢？」
　
「我都話太遲囉，你係咪真係撞聾㗎？」架叔脾氣越嚟越差，「用你個死人耳聽清楚，再過一陣外面就會有事發生……我哋就靜靜地避喺度，等件事過就得。」
　
「係咩事？」我心諗，唔會真係發生兇殺案咁邪嘛？
　
「次次都唔同花臣，所以我都唔肯定……」架叔再抬起頭盯住門口，「但幾乎每次都會有『怪物』出現。」
　
「怪物？」聽到呢度終於超出我接受範圍，「架叔，如果你真係輸波嘅話……唔怕老實講喎，我會耐心咁聽……」
　
「你就輸，美斯尋晚幫我贏咗差唔多係你半份糧呀！」架叔反駁我。
　
「贏咁多頭先飲茶你都唔肯請咁孤寒？」講到一半我突然恍然大悟，「哦，我明喇……肯定又係你哋成班同事夾埋玩我，就好似啱啱Me姐咁……呀！？」
　
架叔用力扑咗我一下頭。
　
「邊個得閒夾埋玩你？何況……根本冇人知你條友會突然返轉頭搵耳筒！」
　
「你咁講又有道理……」
　
「唔好再廢話喇，我知道一時三刻要你接受呢個世界有怪物係好難……但假如一陣真係咁唔好彩見到，然後隻怪物又行入嚟會議室嘅話……」
　
架叔講到呢度指向會議室窗邊，呢刻因為俾窗簾遮住所以望唔到街外嘅情況。
　
「我哋夾手夾腳推佢落街？」我問。
　
「唔係，係我哋要跳出去。」
　
「痴線㗎？」我激動到彈起身，「跳出去，呢度成十四樓喎！？」
　
「殊！」架叔用力拉返我落嚟，「你洗唔洗嗌得咁大聲……」佢講到呢度突然望返門口，「弊喇。」
　
就喺佢講完一瞬間，忽然有股陰氣喺走廊方向傳入嚟……接住，有把低沉嘅男聲喺度「餓……餓……餓……」咁叫，仲要一步一步咁靠近會議室。
　
說時遲那時快，下一秒已經有個身影出現喺門口，粗獷而肥胖嘅身軀幾乎完美擋住外面嘅紅色提示燈，我仲依稀睇到佢只係著住短褲，上身露出好似米芝蓮人咁嘅車軚腰……而最詭異嘅，係佢口裡面不斷噴出白色嘅氣體，就好似口裡面含住幾粒乾冰咁樣。
　
雖然成個畫面望落好嘔心，但點睇對方最多都只係露體狂……點睇都未去到怪物嘅程度？
　　
「餓……餓……我好肚餓……」
　
我同架叔趁住「肥佬」轉身望過嚟嘅時候即刻縮返埋個頭。
　
「肉……如果有肉食就好……」
　
架叔輕輕力拍一拍我，再指向窗邊，示意我要準備好隨時要跳出去。我當然打死都唔肯，堅決咁搖搖頭……之後我哋一直盯住紅燈投射出嚟嘅巨大影子。慶幸嘅係，「肥佬」最後冇入到嚟，呆咗一陣就沿住走廊行返出去主辦公室嘅位置。
　
「餓……餓……好餓……」
　
「而家係咪即係冇事？」我細細聲問，心裡面依然懷疑緊成件事嘅真偽。
　
「睇你個表情好似仲係覺得我玩你。」架叔一眼睇穿我，嘆咗口氣之後起身行埋去窗邊，「你過嚟，我俾個有力證據你睇。」
　
我半信半疑咁行過去，盡可能都唔靠太近，以免架叔突然發癲推我落街。見我企低之後，架叔慢慢拉開窗簾……
　
有一瞬間，我仲以為自己睇錯……因為見到嘅並唔係對面大廈，而係同我而家身處嘅會議室一模一樣嘅房間。我有諗過係玻璃反射，但架叔馬上打開其中一扇窗，然後毫不猶豫就跨過去。
　
「你而家信喇？」架叔企喺另一邊同我講：「公司之所以規定員工每晚五點要收工……係因為每晚到咗六點六分六秒，公司就會有機會變成一個異空間。」
　
「咁……」我慢慢行近窗邊望清楚，對面嘅會議室真係好似倒轉過嚟嘅複製品一樣，「既然咁危險，點解架叔你仲會留喺度？」
　
「因為冇得揀囉。」架叔又嘆咗口氣，「只要嚟過呢度一次就會受到詛咒，假如公司變成異空間之後唔喺十四分鐘之內趕返嚟……就會有好嚴重嘅後果。」
　
「即係死？」
　
「慘過死。」架叔認真咁講：「你過嚟先再問喇，記住仲未安全㗎。」
　
我猶豫咗兩秒，正想行動之際……居然感到腳底好似黐立立咁。而且，唔單止地板，連窗框都係一樣，掂完縮手仲可以拉出一條黐手嘅嘔心黏液……
　
「架叔……你係咪趁我唔為意嗰陣偷偷吐咗啖口水？」我問，但只係見到架叔瞪大雙眼望住我身後。
　
「唔係……係隻怪物搞出嚟！」架叔大嗌。
　
我轉身望過去，估唔到隻「肥佬」居然中途折返，再一次企喺走廊外面……下一秒，佢突然發咗癲一樣向住我直衝過嚟，結果一嘢撞埋會議室大台。但佢睇落一啲都唔覺得痛，仲開始沿住會議室台爬過嚟……
　
「仲睇！？」架叔兩手捉住我手臂，「過嚟呀！」
　
今次我冇猶豫，亦都唔理啲黏液有幾核突即刻爬過去。一落地個「肥佬」已經撞到埋嚟，近距離一望……可以見到佢雙眼暴凸，嘴巴一開一合除咗白煙仲有液體不斷吐出嚟……
　
「走喇，跑到外面應該就有人幫手！」架叔拉起我。
　
「幫手？」我抱住疑惑跟住佢跑，去到門口之際回頭一望，見到個「肥佬」已經過咗嚟，再一次起跑然後撞埋會議室大台。
　
「餓……好肚餓……」
　
「你行錯啦……呢邊係左右掉轉！」跑到出走廊，架叔提醒我。
　
「係喎！？」我即刻反應過嚟轉返左邊跑（原本左邊係通去戰略部、右邊係主辦公室）。
　
「前面有人嘅話千祈唔好搞錯呀！」架叔邊跑邊大嗌，唔知係同緊邊個講嘢，「我哋有兩個人！」
　
跑咗幾秒後，我同架叔終於跑出走廊，隨即發現左右兩邊分別都有人貼埋牆邊埋伏──其中一個係厭世臉同事士巴拿，至於另一個就係今朝見過嘅阿和……
　
除此之外……
　
「停呀！」
　
前方突然有把熟悉嘅聲音叫我停落嚟，我差少少就剎唔切制直撞埋去（事後好後悔竟然剎得切），望過去……居然係Me姐，佢呢刻一手拎住旋轉椅嘅金屬椅腳，仲可以見到係改裝過嚟，上面加滿咗鋒利嘅刀片……
　
「咸濕仔……估唔到咁快就見返你。」Me姐笑住講，然後將目光放返去走廊嗰邊。
　
呢刻，「肥佬」已經行出走廊……一場大戰感覺無可避免。
　　
如果你問我對於「肥佬」呢隻怪物嘅睇法──嘔心係當然，而且感覺仲好似著名射擊遊戲《Left 4 Dead》裡面識得自爆嘅怪物Boomer。估唔到，現實居然會有一班人敢去對抗呢隻核突怪……
　
「架叔，你帶佢去後面避一避先……以防萬一。」
　
「收到。」架叔聽完即刻拉住我退後幾步。
　
既然Me姐在場……唔通所謂嘅「戰略部」，存在目的就係為咗對付異空間嘅怪物？
　
「肉……肉呀！」
　
「肥佬」發出一聲咆哮之後即刻向前衝。一聽到腳步聲，守喺走廊外面嘅士巴拿同阿和即刻有所動作，同時間舉起手上嘅粗鐵鏈……睇嚟目標係想躀低隻「肥佬」。難怪頭先架叔跑緊嗰陣要提醒佢哋，唔係躀低嘅就會係我哋。
　
問題係，隻「肥佬」會唔會咁易就中招？既然講到明係怪物，一定有返咁上下能力，隨時用蠻力就可以撞爛條鏈……
　
「餓……餓……嗚啊！？」
　
碰！
　
但事實卻係一啲都唔意外，「肥佬」完全注意唔到條鐵鏈亦都撞唔爛，結果一嘢躀到然後成個人大字型咁瞓落地。因為有返咁上下重量，結果搞到成個地板震咗一下。
　
「嗚……」
　
「阿佑仔。」架叔拍一拍我肩膀，「隻怪物睇嚟只係E級……今次算你好彩。」
　
「E cup？」我有一秒以為佢講緊胸圍size，但情況咁嚴肅應該唔係……換句話說，應該指隻怪物嘅可怕程度？
　
「嗚……」
　
「肥佬」正準備撐起身，但士巴拿反應非常迅速……即刻拎起一把開山刀一嘢劈斷佢左邊腳，乾脆到見到都覺得痛。
　
「大姐……之後靠妳啦！」佢大嗌。
　
就喺下一刻，Me姐開始慢慢行過去，呢種彷彿天不怕地不怕嘅背影，睇落真係不禁令人著迷……
　
「嗚……」『肥佬』抬起頭從下而上望住Me姐，彷彿變態佬一樣，「係腳……係白滑嘅腳……」
　
「呢隻怪物令我諗起以前公司某個同事……佢真係黑人憎到爆。」說罷，Me姐即刻舉起手上嘅改裝椅腳，再用力狠狠一下扑落去。
　
啪！
　
「嗚啊！」
　
「恃住自己係老細嘅親戚，一直喺度遊手好閑！」講完，接住又係另一下重擊。
　
啪！
　
「嗚……」
　
「叫佢做少少嘢都可以拖成個星期……結果鑊就係其他同事孭！」
　
啪！
　
「啊……」
　
「倒瀉成罐可樂仲可以扮唔知……搞到第二朝成地都係螞蟻！」
　
啪！

「仲有佢掂過嘅滑鼠鍵盤全部都係黐立立，諗返都想作嘔呀！」

啪！
　
「佢仲要夠膽喺公司播咸片……個女優仲要同新嚟女同事差唔多樣……諗起都想你死呀！」
　
啪！
啪！
啪！
啪！
啪！
　
我哋幾個就係咁企定定睇住Me姐瘋狂發洩。雖然最初係真心覺得Me姐好型好有魅力，但到佢打到「肥佬」皮肉分離甚至見埋頭殼腦漿（其實打到中途佢已經唔識郁），然後黑色嘅血濺到佢一腳都係……呢種感覺慢慢俾嘔心感所取代。
　
「架叔……嘔……」我終於睇唔到落去了，「我過去旁邊嘔一嘔先。」
　
「渣㗎……唔好行太遠，小心隨時有另一隻怪物。」
　
「唔唔。」我掩住口點點頭，然後快步行到迷你垃圾桶旁邊踎低，一下作嘔感即刻由胃湧上嚟，「嘔……咳……嘔……咳咳！」
　
嘔到咁上下，突然有人遞咗包紙巾過嚟。
　
「多謝……」我望過去，面前係一個長住日式惡鬼臉嘅『人』，「嘩！？」
　
「哈哈哈哈……」見我嚇一大跳，呢個『人』即刻抱腹大笑起嚟，笑到咁上下先將臉上嘅面具除落嚟，「果然新人係最好玩。」
　
戴住面具嚇我嘅係一位及肩位髮嘅少女……年紀睇落應該同我差唔多，即係廿五六歲左右。
　
「忍耐多陣啦。」少女望過去Me姐嗰邊，叉住腰講：「睇嚟應該冇其他怪物……今轉應該好快就完結。」
　
我一邊抹嘴一邊企返起身，呢刻「肥佬」嘅上半身已經變到血肉模糊（好彩燈光唔夠睇得唔清楚，唔係又準備再嘔多次）。Me姐用腳確認多次對方真係死咗之後，轉身望住我哋呢邊講：
　
「海兒，係咪剩係得佢？」
　
「嗯。」旁邊嘅少女點頭回應：「樓上樓下都見唔到其他怪物。」
　
「咁就好……喂，阿York。」Me姐確認完之後望向我，「一陣返到現實世界……樓下酒吧等，架叔你記住拉埋佢嚟。」
　
「係嘅係嘅……等我唔飲得酒喎，費時老婆罵。」架叔回應。
　
就喺下一刻，辦公室嘅紅燈同一時間熄滅，現場瞬間變得一遍漆黑。
　
「以後多多指教啦。」接住，我聽到海兒笑住講呢句。
　　
等到燈光全部著返之後，我注意到自己又返番去會議室裡面，而企喺我旁邊嘅人又重新變成架叔……呢個位置，就同最初熄燈嗰陣係一模一樣。
　
「今晚完咗喇，」架叔拍一拍我背脊，「行喇，我哋落去酒吧霸定位……費時Me姐一陣黑我臉。」
　
*
　
場景一轉，我同架叔已經坐咗喺酒吧等。大約十五分鐘之後，終於見到Me姐推門入嚟，而跟喺佢後面嘅只有海兒、阿和同士巴拿三個人。
　
「其他人呢？」架叔問。

「佢哋話嚟到都係齋坐……所以返去好過，成班都冇責任心。」Me姐邊坐低邊抱怨。
　
「Me姐，妳係咪照舊？」海兒問道，應該係想幫佢嗌酒，「阿和你呢，想飲咩？」
　
「是但就得。」阿和客氣咁點點頭，海兒聽完就行開去酒吧台嗰立邊。
　
「唔廢話直接入正題喇……」Me姐再一次蹺腿，我注意到佢雙腳已經冇晒血跡，「枝針我剩係準備咗俾阿和，應該要等下個禮拜先可以攞多枝新嘅。」
　
「下個禮拜……」架叔皺起眉頭，「咁唯有祈求之後幾日都冇事發生啦。」
　
頭先等緊嘅時候架叔有簡單解釋過──辦公室變成異空間呢件事雖然每個工作天都會發生，但真係出現「怪物事件」嘅機率其實唔高，平均一個星期只係出現一次，所以照計應該唔會咁不幸一個禮拜連中兩次。
　
「枝針到底係咩一回事？」至於枝針，架叔就一直話要等Me姐解釋。
　
「枝針係一個保險措施。」Me姐解釋：「入到異空間嘅人……如果喺冇打過針嘅情況下俾怪物殺死或者因為其他特殊情況而死，咁佢嘅『存在』就會永遠消失。」
　
「吓？」我意外，「存在……即係咩意思？」
　
「字面意思。」Me姐轉用冷冰冰嘅語氣講：「冇人會記得你嘅存在、包括你嘅名、同你有關嘅經歷同資訊通通都會消失……連你嘅愛人、朋友甚至家人都唔會記得返你。唯一嘅例外，就係我哋呢班去過異空間但又仲生存緊嘅人。」
　
「但……咁嘅話實在太誇張啦掛？呢種事現實真係有可能會發生咩？」
　
「唔係可能……而係確確實實發生咗。」Me姐靠埋梳化抬起頭望，「或者……喺我哋唔清楚嘅情況下，已經有好多人因為咁消失咗。」
　
「咁……如果打咗針呢？」我望向阿和，「咁係咪代表死咗都冇問題？」
　
「唔係，只係好少少。」Me姐轉過頭望向落地窗外面，「阿York，你望下外面……」
　
呢刻因為係放工時間，所以不斷有途中喺外面行過。佢哋大多都一臉倦容，帶住疲憊嘅身軀無力咁走……
　
「如果打過針先死……就會徹徹底底咁變成一個行屍走肉嘅人，再冇夢想、再冇目標、再冇衝勁……只係為咗生存而生存，彷彿一個有固定規律嘅機械人咁，最後碌碌無為咁過完一生。」
　
聽到呢度，我不禁沉默了……但其實諗深一層，其實現實有好多人咪都係咁？
　
「既然係咁危險……點解你哋仲要敢用條命去博？」
　
「有好多原因呀。」回答我嘅係拎住酒返嚟嘅海兒，「有人係單純為咗錢、有人係為咗樂趣……」
　
佢講到呢度望向士巴拿。
　
「有人係係為咗擺脫呢一切……」
　
佢望向架叔。
　
「有人係想保護其他無辜嘅人……」
　
佢望向阿和。
　
「最後就係Me姐咁……」
　
我同海兒同一時間望向Me姐……呢刻佢優雅咁飲緊手中嘅Margarita。
　
「為咗……徹徹底底消滅呢個異空間。」
　
（待續）
　
＝＝＝＝＝＝＝＝＝＝＝＝＝＝＝
　
見上兩集試閱反應唔錯所以放多篇！《扮工鬥室》實際上已經連載到第１１集啦，同埋開始會有投票互動！
　
希望大家可以支持下我嘅 Patreon 啦，每月只係一餐飯嘅價錢，就可以追新故同埋睇返舊故，遲下仲會有更多心得趣故分享！
　
https://www.patreon.com/echoofheart
　
IG：echoofheart

架空你的壓力！AIDATA KB-1050/1010人體工學鍵盤架！
http://www.coolpc.com.tw/phpBB2/viewtopic.php?f=52&t=270059
什麼樣的姿勢才最舒服？

或許是極簡風在流行，所以大家習慣了放在桌面上的鍵盤，可是回想起來小時候買的「電腦桌」似乎鍵鼠放的位置是在桌子的下方，並且是以可以像抽屜拉出來的方式來使用，跟現在比起來似乎是肩頸會向下放，而不是持平或上揚，感覺還真是輕鬆些呢。AIDATA KB1050/1010就這種把鍵鼠放到桌子下的方式來設計，除了肩頸下放，也讓我們可以跟螢幕保持更遠的距離，還有讓桌面保持淨空簡約，也算是另外一個增益。它們的安裝方式很簡單，不用破壞桌面，用夾式的方法來達成，最厚大概可以達到4cm，兩邊夾起後穩固不搖晃，滑軌也很平順，毫不用力就可以抽出和滑進去收納...#原價屋促銷 #AIDATA #鍵盤架 #人體工學 #coolpc